నోటీసులు

17:48 - September 28, 2018

ఢిల్లీ : తెలంగాణ రాష్ట్రంలో ముందస్తు ఎన్నికల అంశంలో కేంద్రం ఎన్నికల సంఘం (సీఈసీ), తెలంగాణ ప్రభుత్వానికి సుప్రీంకోర్టు షోకాజ్ నోటీసులు జారీ చేసింది. వారం రోజుల్లోగా సమాధానం చెప్పాలని కోర్టు ఆదేశించింది. ముందస్తు ఎన్నికలను సవాల్ చేస్తూ దాఖలైన పటిషన్‌ను సుప్రీంకోర్టు విచారణకు స్వీకరించింది. ఈ పిటిషన్‌పై సుప్రీంకోర్టు శుక్రవారం విచారణ చేపట్టింది.


ముందస్తు ఎన్నికలను సవాల్ చేస్తూ సిద్దిపేటకు చెందిన శశాంక్ రెడ్డి అనే వ్యక్తి సుప్రీంకోర్టులో పిటిషన్ దాఖలు చేశారు. తెలంగాణలో ముందస్తు వల్ల ఎన్నికల ప్రక్రియ సజావుగా సాగదని, ఓటర్ల జాబితాలో కూడా అవకతవకలు సరిద్దకుండా ఎన్నికలకు వెళితే ఓటింగ్‌పై తీవ్ర ప్రభావం పడే అవకాశం ఉందని పిటీషనర్ పేర్కొన్నారు. ముందస్తు ఎన్నికల కారణంగా తెలంగాణలో 2018, జనవరి 1 నాటికి 18 సంవత్సరాలు నిండిన వారిని మాత్రమే ఓటర్లుగా పరిగణిస్తామని ఎన్నికల సంఘం ప్రకటించింది. 

అయితే, ఈ నిర్ణయం వల్ల తెలంగాణలో సుమారు 20లక్షల మంది యువత తమ ఓటు హక్కును కోల్పోయే ప్రమాదం ఉందని శశాంక్ రెడ్డి సుప్రీంకోర్టుకు వివరించారు. ఎన్నికలు సరైన సమయంలో జరిగితే 2019, జనవరి 1 నాటికి 18ఏళ్లు నిండిన వారు సైతం ఓటు హక్కు వినియోగించుకునే అవకాశం ఉండేదని తెలిపారు. ఇప్పుడు వారంతా ఓటు వేసే హక్కును కోల్పోతారని చెప్పారు. అంతేగాక, హడావుడిగా ఎన్నికలు జరిగితే పారదర్శకత కూడా లోపించే అవకాశం ఉందని సుప్రీంకోర్టుకు వివరించారు. ఈ విషయాలన్నింటినీ పరిగణలోకి తీసుకున్న సుప్రీంకోర్టు పిటిషన్‌ను విచారణకు స్వీకరిస్తూనే.. సీఈసీ, తెలంగాణ ప్రభుత్వానికి షాకాజ్ నోటీసులు జారీ చేసింది. వారం రోజుల్లోగా సమాధానం చెప్పాలని ఆదేశించింది. ఆ తర్వాతే ఈ పిటిషన్‌పై తదుపరి విచారణ చేపడతామని స్పష్టం చేసింది.

 

11:52 - September 27, 2018

హైదరాబాద్ : ఒవైసీ ఆసుపత్రికి భూ కేటాయింపునకు సంబంధించి తెలంగాణ ప్రభుత్వానికి హైకోర్టు నోటీసులు పంపింది. తెలంగాణ ప్రభుత్వం ఒవైసీ ఆసుపత్రి కోసం ఎంఐఎం పార్టీ నేతలకు 6500 గజాల స్థలం కట్టబెట్టడంపై హైకోర్టులో పిటిషన్‌ దాఖలైంది. టోలీచౌక్‌కు చెందిన షేక్‌ అనీసా వేసిన పిటిషన్‌ను విచారించిన హైకోర్టు మూడు నెలల పాటు స్టే విధించింది. పూర్తి స్థాయి విచారణ కోసం కౌంటర్లు దాఖలు చేయాలని తెలంగాణ సర్కారుతో పాటు ఒవైసీ బ్రదర్స్‌ను ఆదేశించింది. హైదరాబాద్‌లోని బండ్లగూడలో 6500 గజాల స్థలం ఖరీదు రూ.40కోట్ల వరకు ఉండగా, దాన్ని తెలంగాణ సర్కారు ఒవైసీకి కేవలం 3కోట్ల 75లక్షలకే కట్టబెట్టిందని పిటిషనర్‌ వాదించారు. విచారణ జరిపిన న్యాయస్థానం ప్రభుత్వ ప్రధాన కార్యదర్శి, రెవెన్యూ శాఖ ముఖ్య కార్యదర్శి, రంగారెడ్డి జిల్లా కలెక్టర్‌, జీహెచ్‌ఎంసీ కమిషనర్‌, ఒవైసీ బ్రదర్స్‌కు నోటీసులు పంపింది

22:59 - September 13, 2018

హైదరాబాద్ : బాబ్లీ ప్రాజెక్టు కేసులో ఏసీ సీఎం చంద్రబాబుకు మహారాష్ట్ర ధర్మాబాద్ కోర్టు నోటీసులు జారీ చేసింది. ఈనెల 21న కోర్టు ముందు హాజరుకావాలని కోర్టు ఆదేశించింది. చంద్రబాబుపై నాన్ బెయిలబుల్ వారెంట్ జారీ చేసింది. అప్పట్లో చంద్రబాబుతో పాటు 15 మంది టీడీపీ నేతలపై కేసులు నమోదు అయ్యాయి. అయితే దీని వెనకాల కేంద్రప్రభుత్వం కక్ష్య సాధింపు చర్యలేమైన ఉన్నాయా అన్నఅనుమానం కలుగుతుంది. చంద్రబాబుకు కోర్టు నోటీసులు జారీ చేయడం హాస్యాస్పదంగా ఉందని ఏపీ మంత్రి నక్కా ఆనంద్ బాబు ఉన్నారు. బీజేపీ నేతల చర్యలు కొండనుతవ్వి ఎలుకను పట్టినట్లుగా ఉందని ఎద్దేవా చేశారు. 

 

21:30 - August 14, 2018

హైదరాబాద్ : కాంగ్రెస్ ఎమ్మెల్యేల కోర్టు ధిక్కరణ పిటిషన్ పై హైకోర్టు నోటీసులు జారీ చేసింది. అసెంబ్లీ సెక్రటరీ, లా సెక్రటరీలకు హైకోర్టు ఫారమ్..01 నోటీసులు జారీ చేసింది. సెప్టెంబర్ 17న అసెంబ్లీ సెక్రటరీ, అసెంబ్లీ లా సెక్రటరీలు నేరుగా కోర్టుకు హాజరు కావాలని ఆదేశించారు. కాంగ్రెస్ ఎమ్మెల్యేల జీతాలకు సంబంధించిన వివరాలు అసెంబ్లీ రిజిస్ట్రర్ కోర్టుకు సమర్పించాలని ఆదేశించింది. 

 

16:33 - August 14, 2018

హైదరాబాద్ : కాంగ్రెస్ ఎమ్మెల్యేల కోర్టు ధిక్కరణ పిటిషన్ పై హైకోర్టు నోటీసులు జారీ చేసింది. అసెంబ్లీ సెక్రటరీ, అసెంబ్లీ లా సెక్రటరీలకు కోర్టు ఫారమ్ 01 నోటీసులు జారీ అయ్యాయి. సెప్టెంబర్ 17న అసెంబ్లీ సెక్రటరీ, అసెంబ్లీ లా సెక్రటరీ లు నేరుగా కోర్టుకు హాజరు కావాలని ఆదేశించారు. అసెంబ్లీ స్పీకర్ ను కూడా ఇందులో ఇన్ క్లూడ్ చేస్తూ ఆయనకు నోటీసులు జారీ చేశారు. కాంగ్రెస్ ఎమ్మెల్యేలకు గన్ మెన్లను ఎందుకు కల్పించలేదని.. డీజీపీ, గద్వాల ఎస్పీ, నల్గొండ ఎస్పీలను ప్రశ్నిస్తూ...వారికి కూడా నోటీసులు జారీ అయ్యాయి. వీరిని కూడా కోర్టుకు హాజరుకావాలని కోర్టు ఆదేశించింది. అయితే స్పీకర్ ఎలాంటి వివరణ ఇవ్వనున్నారో ఆసక్తి నెలకొంది. 

 

19:16 - July 31, 2018

విజయనగరం : ఏపీ ప్రభుత్వానికి జాతీయ మానవహక్కుల కమిషన్‌ నోటీసులు జారీ చేసింది. విజయనగరం జిల్లాలోని గిరిజన ప్రాంతాల్లో రోడ్లు, వైద్య సదుపాయాలు లేక గిరిజనులు పడుతున్న కష్టాలపై మానవ హక్కుల కమిషన్‌ స్పందించింది. ఇటీవల.. అటవీ మార్గంలో నిండు గర్భవతిని 12 కిలోమీటర్లు భర్త, గ్రామస్తులు మోసుకెళ్లగా.. మార్గమధ్యలో మహిళ ప్రసవించగా.. శిశువు మృతి చెందింది. ఈ కథనాలు మీడియాలో రావడాన్ని సుమోటోగా స్వీకరించిన ఎన్ హెచ్ ఆర్సీ... ఏపీ ప్రధాన కార్యదర్శికి నోటీసులు జారీ చేశారు. మరిన్ని వివరాలను వీడియోలో చూద్దాం.. 

07:49 - June 14, 2018

చిత్తూరు : టీటీడీ పరువు, ప్రతిష్ఠలకు భంగం కలిగించే విధంగా ఆరోపణలు చేసిన తిరుమల శ్రీవారి మాజీ ప్రధాన అర్చకులు రమణదీక్షితులు, వైసీపీ ఎంపీ విజయసాయిరెడ్డి చుట్టూ ఉచ్చు బిగుస్తోంది. శ్రీవారి ఆభరణాలు ముఖ్యమంత్రి చంద్రబాబు నివాసంలో ఉన్నాయంటూ విజయసాయిరెడ్డి, శ్రీవారి పోటులో తవ్వకాలు జరిపి విలువైన సంపద దోచుకున్నారంటూ రమణదీక్షితులు ఆరోపించారు.ఈ వ్యవహారాన్ని తీవ్రంగా పరిగణించిన టీటీడీ పాలక మండలి వీరిద్దరిపై చట్టపరమైన చర్యలకు నోటీసులు జారీ చేసింది. టీటీడీ పరువు ప్రతిష్ఠలకు భంగం కలిగించినందుకు ఎందుకు చర్యలు తీసుకోరాదో వివరణ ఇవ్వాలని నోటీసుల్లో ఆదేశించడం ఇప్పుడు పెద్ద చర్చనీయాంశంగా మారింది.
రమణదీక్షితులు, విజయసాయిరెడ్డికి టీటీడీ నోటీసులు 
తిరుమల తిరుపతి దేవస్థానాలపై ఆరోపణలు చేసిన శ్రీవారి మాజీ ప్రధాన అర్చకులు రమణదీక్షితులు, వైసీపీ ఎంపీ విజయసాయిరెడ్డి వ్యవహారంపై  టీటీడీ పాలక మండలి తీవ్రంగా స్పందించింది. శ్రీవారి ఆరభరణాలు దోచుకున్నారని, విలువైన వజ్రాలు విదేశాలకు తరలిపోయాయని, స్వామికి నిత్యం జరిగే కైంకర్యాల్లో లోపాలున్నాయని విజయసాయిరెడ్డి, రమణదీక్షితులు చేసిన ఆరోపణలతో టీటీడీ పరువు, ప్రతిష్ఠలకు భంగం కలిగిందని భావించిన పాలక మండలి వీరికి నోటీసులు జారీ చేసింది. 
టీటీడీపై రమణదీక్షితులు ఆరోపణలు 
టీటీడీ ప్రధాన అర్చకులుగా పనిచేసిన రమణదీక్షితులకు 65 ఏళ్ల వయసు నిండటంతో పదవీ విరమణ కల్పించారు. ఆ తర్వాత నుంచి రమణదీక్షితులు టీటీడీపై ఆరోపణలు చేయడం ప్రారంభించారు. చెన్నైలో మొదలుపెట్టి తిరుమల, తిరుపతి, హైదరాబాద్‌ నుంచి ఢిల్లీ వరకు పాలక మండలి సభ్యులతోపాటు అధికారులు, ప్రభుత్వంపై తీవ్ర స్థాయిలో ఆరోపణలు, విమర్శలు చేశారు. శ్రీవారి పోటులో తవ్వకాలు జరిపి విలువైన సంపద దోచుకున్నారని ఆరోపణలు చేశారు. శ్రీవారి సొమ్ములకు  లెక్కలులేవని, మణులు, మాణిక్యాలు, రవ్వలు, రత్నాలు, వజ్రాలు పొదిగిన విలువైన ఆభరణాలు మాయమయ్యాయన్న వాదాన్ని లేవనెత్తారు. వజ్రాలు విదేశాలకు తరలిపోయాయని ఆరోపించారు. దీనిపై టీటీడీ వివరణ  ఇచ్చినా.. తన ఆరోపణల పర్వాన్ని ఆపకపోగా,...మరింత విస్తృతం చేశారు. ప్రధాన అర్చకుడి పదవిలో ఉన్న సమయంలో ఈ అంశాలపై నోరు మెదపని రమణదీక్షితులు.. పదవి నుంచి తొలగించిన తర్వాతే మాట్లాడటంలోని ఔచిత్యాన్ని చాలామంది ప్రశ్నించారు. అయినా రమణదీక్షితుల్లో మార్పు రాకపోవడంతో ఇటీవల జరిగిన పాలక మండలి సమావేశంలో చర్యలు తీసుకోవాలని తీర్మానించారు. ఆ ప్రకారం ఇప్పుడు నోటీసులు ఇచ్చారు. 
దీక్షితులను వెనకేసుకొచ్చిన వైసీపీ 
మరోవైపు కారణాలు ఏవైనా కానీ... రమణదీక్షితులు వివాదాన్ని వైసీపీ అందిపుచ్చుకొంది.  దీక్షితులు తరుపున వకాల్తా పుచ్చుకొన్నట్టు ఆయన్న వెనకేసుకు రావాడంతోపాటు ముఖ్యమంత్రి చంద్రబాబు, మంత్రి లోకేశ్‌పై ఆరోపణలు చేశారు. శ్రీవారి ఆభరణాలు చంద్రబాబు నివాసంలో ఉన్నాయని, కొన్నింటిని విదేశాలకు తరలించి సొమ్ము చేసుకొన్నారని వైసీపీ ఎంపీ విజయసాయిరెడ్డి విశాఖపట్నం, ఢిల్లీలో ఆరోపణలు చేశారు. ఈ వ్యవహారం ప్రభుత్వం వరకు వెళ్లింది. దీక్షితులు, విజయసాయిరెడ్డి వ్యవహారంపై టీటీడీ చైర్మన్‌ పుట్టా సుధాకర్‌యాదవ్‌, ఈవో అశోక్‌ కుమార్‌ సింఘాల్‌తో సమీక్షించి.. దేవస్థానాల పరువు, ప్రతిష్ఠలకు భంగం కలిగించే విధంగా వ్యవహరించిన వారిపై చట్టపరమైన చర్యలు తీసుకోవాలని ఆదేశించారు. దీంతో టీటీడీ పాలక మండలి సమావేశంలో చర్యలకు తీర్మానించి... ఇప్పుడు విజయసాయిరెడ్డి, రమణ దీక్షితులకు నోటీసులు జారీ చేసింది. టీటీడీ పరువు, ప్రతిష్ఠతలకు భంగం కలిగించినందుకు ఎందుకు చర్యలు తీసుకోరాదో వివరణ ఇవ్వాలంటూ నోటీసులు ఇచ్చింది. 
టీటీడీ నుంచి నోటీసులు అందలేదన్న విజయసాయిరెడ్డి 
టీటీడీ జారీ చేసిన నోటీసులపై విజయసాయిరెడ్డి తీవ్రంగా స్పందించారు. నోటీసులు ఇంతవరకు  తనకు అందలేదన్నారు. సమాధానం ఇవ్వాలా... లేదా.. అన్న అంశాన్ని నోటీసులు అందిన తర్వాత పరిశీలిస్తానని చెప్పారు. ఏపీ  దేవాదాయ, ధర్మాదాయ చట్టం పరిధిలోకి వచ్చే టీటీడీకి నోటీసులు ఇచ్చే అధికారం లేదన్న వాదాన్ని వినిపించారు. సీఆర్‌పీసీ కింది దర్యాప్తు అధికారికే నోటీసులు ఇచ్చే అధికారం ఉంటుందున్నారు. శ్రీవారి ఆభరణాలు దోపిడీకి గురయ్యాయన్న తన ఆరోపణలపై సీబీఐ విచారణకు ఆదేశించాలని మరోసారి డిమాండ్‌ చేశారు. నోటీసులకు విజయసాయిరెడ్డి, రమణదీక్షితులు ఇచ్చే సమాధానాన్ని బట్టి తదుపరి చర్యలు తీసుకోవాలని టీటీడీ పాలక మండలి ప్రతిపాదించింది. 
 

 

19:23 - June 13, 2018

టీటీడీ వివాదం సుప్రీంకోర్టు మెట్లెక్కింది. ప్రస్తుత టిటిడి ప్రధాన అర్చకులు వేణుగోపాల దీక్షితులు తరపు న్యాయవాది సుప్రీం కోర్టులో కేవియెట్ పిటిషన్‌ను దాఖలు చేశారు. రమణ దీక్షితులు కంటే ముందే ప్రధాన అర్చకులు కోర్టును ఆశ్రయించారు. అక్రమంగా తనను ప్రధాన అర్చక పదవి నుంచి తొలగించారని, స్వామి వారి ఆభరణాలు కనబడటం లేదని, ఈ విషయంపై వచ్చే నెల మొదటివారంలో సుప్రీం కోర్టులో పిటిషన్‌ దాఖలు చేస్తానని రమణదీక్షితులు అన్న నేపథ్యంలో టీటీడీ కేవియెట్‌ పిటిషన్‌ను దాఖలు చేసింది. దీని ప్రకారం రమణ దీక్షితులు పిటిషన్‌ వేసినా తాము చెప్పేది కూడా కోర్టు పరిగణనలోకి తీసుకోవాలన్న విన్నపంతోనే కేవియెట్‌ పిటిషన్‌ను వేశామని వేణుగోపాల దీక్షితులు తరపు న్యాయవాది పేర్కొన్నారు. ఈఅంశంపై చర్చను చేపట్టింది 10టీవీ. ఈ చర్చలో ప్రముఖ విశ్లేకులు తెలకపల్లి రవి పాల్గొన్నారు. 

15:39 - June 13, 2018

అమరావతి : టీటీడీ బోర్టు తిరుమల మాజీ ప్రధాన అర్చకులు రమణదీక్షితులకు, వైసీపీ ఎంపీ విజయసాయిరెడ్డిలకు లీగల్ నోటీసులు జారీ చేసింది. ఈ అంశంపై విజయసాయిరెడ్డి స్పందించారు. తాను నిప్పుని అని చెప్పుకునే చంద్రబాబు నాయుడని, మంత్రి లోకేశ్ లను పప్పు నాయుడు అనీ..అటువంటివారు ఇప్పించిన నోటీసులకు తాము భయపడేది లేదని ఎంపీ విజయసాయిరెడ్డి ఎద్దేవాచేశారు. చంద్రబాబు నాయుడు ఇప్పించిన నోటీసులకు తాము భయపడేది లేదన్నారు. టీటీడీ జారీ చేసిన నోటీసులను నోటీసులు అనటానికి వీల్లేదని విజయసాయిరెడ్డి పేర్కొన్నారు. చంద్రబాబు దొంగతనం, దోపిడీ చేసి..అతని కుమారుడు టీటీడీ ఆస్తులను విదేశాలను తరలించారని విజయసాయిరెడ్డి మరోసారి ఆరోపించారు. తాను చంద్రబాబు పై చేసిన ఆరోపణలకు కట్టుబడి వుంటారని..తాను ఇచ్చిన 13 గంటల సమయంలో స్పందించకుండా వారాలు గడిచిపోయిన తరువాత స్పందించి నోటీసులిప్పిస్తే తాము భయపడేది లేదని విజయసాయరెడ్డి పేర్కొన్నారు. అటువంటివారు ఇచ్చిన నోటీసులకు ఏమాత్రం భయపడేది లేదని ధీమా వ్యక్తంచేశారు. కాగా టీటీడీ ఆస్తులు, విలువైన ఆభరణాలు చంద్రబాబు నాయుడు కాజేశారనీ గతంలో విజయసాయిరెడ్డి చంద్రబాబుపై ఆరోపణలు చేసిన విషయం తెలిసందే. అలాగే తిరుమల శ్రీవారి మాజీ ప్రధాన అర్చకులుగా పనిచేసిన రమణదీక్షితులకు కూడా టీటీడీ నోటీసులు జారీ చేసిన విషయం కూడా తెలిసిందే.తాము చేసిన ఆరోపణలపై నోటీసులు ఇచ్చే అధికారం టీటీడీకి లేదన్నారు.. వైసీపీ ఎంపీ విజయసాయిరెడ్డి. నోటీసులు ఇచ్చే అధికారం సీఆర్‌పీసీ నిబంధలన ప్రకారం ఇన్వెస్టిగేషన్‌ అధికారులకు మాత్రమే ఉంటుందన్నారు. చంద్రబాబు, లోకేష్‌లు టీటీడీ సంపదను దోచుకున్నారన్న ఆరోపణలపై విచారణ జరగాల్సిందిపోయి.. తమనే ముద్దాయిలుగా చూడటం సరికాదన్నారు. 2019లో జగన్‌ ముఖ్యమంత్రి అయిన తర్వాత చంద్రబాబు, లోకేష్‌ల ఇళ్లలో దాచిన టీడీపీ సంపదను వెలికి తీస్తామన్నారు విజయసాయిరెడ్డి. 

 

12:20 - June 13, 2018

చిత్తూరు : తిరుమల మాజీ ప్రధాన అర్చకులు రమణదీక్షితులు, వైసీపీ ఎంపీ విజయసాయిరెడ్డికి టీటీడీ నోటీసులు జారీ చేసింది.  టీటీడీపై చేసిన ఆరోపణలకు వివరణ ఇవ్వాలని దేవస్థానం బోర్డు కోరింది. టీటీడీ పరువు ప్రతిష్టలకు భంగం కలిగించేలా చేసిన వ్యాఖ్యలపై చట్టపరంగా చర్యలు తీసుకుంటామని టీటీడీ నోటీసులో పేర్కొంది. గత నెల 15న చెన్నై వేదికగా రమణదీక్షితులు టీటీడీతో పాటు ప్రభుత్వంపై సంచలన ఆరోపణలు చేయగా, కొద్దిరోజులకే ఎంపీ విజయసాయిరెడ్డి విశాఖలో పలు ఆరోపణలు చేసిన విషయం తెలిసింది. టీటీడీ పోటులో తవ్వకాలు జరిగాయని, నేలమాలిగలను తరలించి సీఎం నివాసంలో దాచారని ఆరోపించారు. ఏపీ పోలీసులపై తమకు నమ్మకం లేదని తెలంగాణ పోలీసులు గానీ, సీబీఐ గానీ చంద్రబాబు ఇంటిపై దాడులు నిర్వహిస్తే నగలు బయట పడతాయంటూ విజయసాయిరెడ్డి సంచలన ఆరోపణలు చేశారు. 

 

Pages

Don't Miss

Subscribe to RSS - నోటీసులు