న్యాయం

11:49 - November 24, 2017

హైదరాబాద్ : తనకు న్యాయం చేయాలని కోరుతూ పోరాటం చేస్తున్న సంగీతకు మద్దతు పెరుగుతోంది. భర్త శ్రీనివాస్ రెడ్డి ఇంటి ముందు ఆందోళన చేస్తున్న సంగీత పోరాటం ఆరో రోజుకు చేరుకుంది. ఆమెకు మహిళా సంఘాలు...వివిధ సంఘాలు మద్దతు తెలుపుతూ ఆందోళనలో పాల్గొంటున్నారు. ఆమెకు న్యాయం చేసేందుకు ఎంపీ మల్లారెడ్డి ముందుకొచ్చారు. సంగీత మామ అయిన బాల్ రెడ్డితో చర్చలు జరుపుతానని..ఆర్థిక సహాయం చేసేందుకు కృషి చేస్తానని ఎంపీ మల్లారెడ్డి పేర్కొన్నారు. ఈ నేపథ్యంలో శుక్రవారం సంగీత మామ...ఇతర వారితో ఎంపీ మల్లారెడ్డి..మహిళా సంఘాల ప్రతినిధులు చర్చలు జరుపుతున్నారు. ఈ సందర్భంగా టెన్ టివితో సంగీత మాట్లాడారు. తన దగ్గరకు అత్తా..మామ. రావాలని, వారితో మాట్లాడిన తరువాతే..స్పష్టమైన హామీనిచ్చిన తరువాతే ఆందోళన విరమిస్తానని సంగీత ఖరాఖండిగా చెప్పింది. పూర్తి వివరాలకు వీడియో క్లిక్ చేయండి. 

12:30 - November 23, 2017

హైదరాబాద్ : భర్త, మెట్టినింటి వేధింపులపై సంగీత చేస్తున్న పోరాటం ఐదో రోజుకు చేరుకుంది. మూడు పెళ్లిళ్లు చేసుకున్న శ్రీనివాసరెడ్డిపై రెండో భార్య సంగీత పోరాటం చేస్తున్న సంగతి తెలిసిందే. తనకు న్యాయం జరిగేవరకు కదలనంటూ ఆందోళన చేపడుతోంది. సంగీతకు న్యాయం దక్కేందుకు టెన్ టివి కూడా చొరవ చూపెడుతోంది. తనకు న్యాయం చేయాలని పోరాటం చేస్తున్న సంగీతకు మద్దతు పెరుగుతోంది. పలువురు రాజకీయ నేతలు ఆమెను పరామర్శిస్తూ సంఘీభావం ప్రకటిస్తున్నారు.

గురువారం పలువురు పెద్దలు ఈ సమస్యను పరిష్కారం చూపించే విధంగా ప్రయత్నాలు జరుగుతున్నాయని తెలుస్తోంది. ఈసందర్భంగా టెన్ టివి సంగీతతో ముచ్చటించింది. తాను ఆర్థికపరమైన కోరికలు కోరడం లేదని..తనకు హక్కులు కావాలని పేర్కొన్నారు. పూర్తి వివరాలకు వీడియో క్లిక్ చేయండి. 

18:30 - November 22, 2017

హైదరాబాద్ : తాను చేసే పోరాటం ఆస్తుల కోసం కాదని..హక్కుల కోసం అని సంగీత పేర్కొంది. మూడు పెళ్లిళ్లు చేసుకున్న శ్రీనివాసరెడ్డిపై రెండో భార్య సంగీత పోరాటం చేస్తున్న సంగతి తెలిసిందే. తనకు న్యాయం జరిగేవరకు కదలనంటూ ఆందోళన చేపడుతోంది. శ్రీనివాస రెడ్డి అధికారిక పార్టీ నేత కావడంతో తీవ్ర విమర్శలు చెలరేగాయి. సంగీతకు న్యాయం జరిపించేందుకు టెన్ టివి కూడా ప్రయత్నం చేపట్టింది.

ఒక్కసారిగా దీనిపై మీడియాలో కథనాలు రావడంతో ప్రభుత్వ పెద్దలు రంగంలోకి దిగారు. ఎంపీ మల్లారెడ్డి..ఎమ్మెల్యే సుధీర్ రెడ్డిలు బుధవారం సంగీత కుటుంబసభ్యులతో భేటీ అయ్యారు. స్టార్ హోటల్ లో ఈ సమావేశం జరిపినట్లు తెలుసుకున్న టెన్ టివి అక్కడకు వెళ్లింది. ఎంపీ..ఎమ్మెల్యేలు..సంగీత కుటుంసభ్యులతో మాట్లాడింది. అనంతరం ప్రజాప్రతినిధులు ఆందోళన చేస్తున్న సంగీత దగ్గరకు వెళ్లారు. ఈ సందర్భంగా సంగీత..ఎంపీ మల్లారెడ్డిలు టెన్ టివితో మాట్లాడారు.

తన పోరాటం ఆస్తుల కోసం కాదని..హక్కుల కోసమని సంగీత పేర్కొన్నారు. సపరేట్ గా హోటల్ లో ఎందుకు సమావేశం పెట్టారని సూటిగా ప్రశ్నించారు. తాను మూడు కోట్ల రూపాయలు డిమాండ్ చేసినట్లుగా సీపీ భగవత్ పేర్కొనడం ఎంతవరకు కరెక్టని ప్రశ్నించారు. తనకు రక్షణ కావాలని..ఇంట్లో తనకు గుర్తింపు కావాలని...లిఖిత పూర్వకంగా రాసివ్వాలని సంగీత డిమాండ్ చేశారు.

దీనిపై ఎంపీ మల్లారెడ్డితో టెన్ టివి మాట్లాడింది. సంగీత చేస్తున్న పోరాటం పూర్తిగా న్యాయసమ్మతమైందన్నారు. భర్త శ్రీనివాస్ రెడ్డిని ఇప్పటికే అరెస్టు చేయడం జరిగిందని, త్వరలోనే సంగీత అత్తామామలను కూడా అరెస్టు చేస్తామన్నారు. పూర్తిగా న్యాయం జరిగే విధంగా చూడడం జరుగుతుందన్నారు. 

16:41 - November 22, 2017

హైదరాబాద్ : న్యాయం కోసం ఉప్పల్‌లో సంగీత చేస్తున్న పోరాటం నాలుగో రోజుకు చేరింది. సంగీత చేస్తున్న ఈ పోరాటం తీవ్రంగా కలకలం రేపుతోంది. దీనితో ప్రభుత్వ పెద్దలు రంగంలోకి దిగారు. ఎంపీ మల్లారెడ్డి..ఎమ్మెల్యే సుధీర్ రెడ్డిలు ఓ స్టార్ హోటల్ లో చర్చలకు దిగడం స్వరత్రా చర్చనీయాంశమైంది. పరారీలో ఉన్న సంగీత మామ బాల్ రెడ్డి కూడా ఈ చర్చలో పాల్గొన్నట్లు పుకార్లు షికారు చేశాయి. వారు చర్చలు జరుగుతున్న ప్రాంతానికి టెన్ టివి వెళ్లింది. అక్కడ ఎంపీ మల్లారెడ్డి..ఎమ్మెల్యే సుధీర్ రెడ్డి..ఐద్వా నేత, ఇతరులు ఉన్నారు. సంగీత ఇంటి వద్ద పోరాటం చేస్తుంటే ఇక్కడ చర్చలు ఏంటీ అని టెన్ టివి ప్రశ్నించింది. ఒక్కసారిగా మీడియా రావడంతో మధ్యలోనే ప్రజాప్రతినిధులు వెళ్లిపోవడం గమనార్హం. 

మల్లారెడ్డి స్పందన..
దీనిపై ఎంపీ మల్లారెడ్డి టెన్ టివితో మాట్లాడారు. తాను కీసర నుండి వస్తున్నట్లు..అయ్యప్ప స్వామి దర్శనం కోసం వెళ్లడం జరిగిందన్నారు. తాను రాగానే మంత్రి కేటీఆర్ తో చర్చించడం జరిగిందని, సంగీతకు న్యాయం చేయాలని సూచించడం జరిగిందన్నారు. ఈ నేపథ్యంలో తాము ఇక్కడ చర్చలు చేస్తున్నట్లు, ఈ చర్చల్లో సంగీత బంధువులు పాల్గొన్నారని పేర్కొన్నారు. అమ్మాయికి న్యాయం చేస్తామని స్పష్టం చేశారు. బాల్ రెడ్డిని పట్టించిన తరువాతే సంగీతకు న్యాయం చేయడం జరుగుతుందని, ఆమెకు రక్షణ కల్పించే విధంగా చూస్తామని ఎమ్మెల్యే సుధీర్ రెడ్డి పేర్కొన్నారు.

సంగీత బంధువులు...
సంగీతకు భర్తను అప్పచెప్పాలని, ఆమెకు న్యాయం చేయాలని సంగీత బంధువులు పేర్కొన్నారు. తాము మొదట రూ. కోటి ఇవ్వాలని కోరడం జరిగిందని..అనంతరం రూ. 50 లక్షలు ఇస్తే కాస్తయినా న్యాయం జరుగుతుందన్నారు. 1200గజాల స్థలం ఉందని..సంగీత పేరిట చేయాలని తాను కోరడం జరుగుతోందని పేర్కొన్నారు.

సీఐ స్పందన...
గతంలో శ్రీనివాస రెడ్డి, బంధువులపై కేసు నమోదు చేయడం జరిగిందని, రెండు రోజుల క్రితం మరో సెక్షన్ కింద శ్రీనివాస్ రెడ్డిని అరెస్టు చేయడం జరిగిందన్నారు. పరారీలో ఉన్న శ్రీనివాస్ రెడ్డి తల్లిదండ్రుల కోసం వెతకడం జరుగుతోందని, వీరిని అరెస్టు విషయంలో వస్తున్న విమర్శలు కరెక్టు కాదన్నారు. 

21:28 - November 21, 2017

హైదరాబాద్ : మూడు పెళ్లిళ్లు చేసుకున్న శ్రీనివాసరెడ్డిపై రెండో భార్య సంగీత పోరాటం మూడో రోజు చేరింది..తనకు న్యాయం జరిగేవరకు కదలనంటోంది...ద్రవాహారం తీసుకోకుండా ఉండడంతో సంగీత ఆరోగ్యం క్షీణించింది...తనకు భర్త కావాలని...మరో తప్పు చేయకుండా ఉండాలని సంగీత డిమాండ్ చేస్తుంది...మరోవైపు సంగీత ఆందోళనకు మహిళా సంఘాల నుంచి మద్దతు పెరుగుతోంది. మూడో పెళ్లి చేసుకుని ఎంజాయ్ చేస్తూ ఆడాళ్ల జీవితాలతో చెలగాటమాడుతున్న అధికారికపార్టీ బహిష్కృత నేత శ్రీనివాసరెడ్డి ఇంటి ముందు ఆందోళన కొనసాగిస్తున్న రెండో భార్య సంగీత ఆరోగ్యం క్షీణించింది...టెంటు వేసుకుని నిరాహారంతో దీక్ష చేస్తున్న సంగీత ఆరోగ్య పరిస్థితి బాగోలేదని చెబుతున్నా న్యాయం జరిగేవరకు కదలనంటోంది....తనకు భర్త నుంచి న్యాయం కావాలని...అదే సమయంలో శ్రీనివాసరెడ్డిలాంటివారు ఆడాళ్ల జీవితాలతో ఆడుకోకుండా ఉండాలంటోంది సంగీత...సంగీత,ఆమె చిన్నారి కూతురికి జ్వరం వచ్చింది..దీంతో పాటు ఆమె ద్రవాహారం ఏమీ తీసుకోపోవడంతో నీరసమై ఇతర అనారోగ్య సమస్యలు వచ్చాయి..

తన జీవితాన్ని ప్రశ్నార్థకంగా మార్చిన శ్రీనివాసరెడ్డిని అరెస్టు చేసినా ..అందుకు సహకరించి భర్తను ప్రోత్సహించిన అత్తమామలను కూడా అరెస్టు చేయాలని సంగీత డిమాండ్ చేస్తుంది...మరోవైపు సంగీత ఆందోళన మూడో రోజు చేరుకోవడంతో ఇప్పటికే మద్దతు తెలిపిన మహిళా సంఘాలు ఆందోళనకు శ్రీకారం చుట్టాయి... మరోవైపు సంగీతను పరామర్శిచేందుకు స్థానిక ఎమ్మెల్యే సుధీర్‌రెడ్డి బోడుప్పల్‌లోని ఆందోన ప్రాంతానికి చేరారు..అయితే న్యాయం చేయాలని..అందుకు వెంటనే యాక్షన్ తీసుకునేలా చర్యలు తీసుకోవాలంటూ సుధీర్‌రెడ్డిని మహిళా సంఘాలు అడ్డుకున్నాయి. మహిళా సంఘాలతో సుధీర్‌రెడ్డి అగౌరవంగా మాట్లాడడంతో... ఉద్రిక్తత తలెత్తింది. ఇల్లాలు సంగీత ఆందోళన రోజు రోజుకు ఉద్రిక్తంగా మారుతుంది...శ్రీనివాసరెడ్డి ప్రవర్తించిన తీరు మహిళాలోకాన్ని ఆగ్రహానికి గురిచేసింది...సంగీత ఆందోళనకు మద్దతు పెరుగుతుండగా...అత్తమామలు పరారీలో ఉన్నారు..కేసులు నమోదు చేసిన పోలీసులు వారి కోసం గాలిస్తూనే సంగీతకు రక్షణ కల్పించేందుకు బందోబస్తు ఏర్పాటు చేశారు.

20:49 - October 30, 2017

ఉద్యోగాలు భర్తీ జేస్తాంటున్న కేసీఆర్, ఆత్మీయ సభకు సడన్గొచ్చిన ఉత్తం, గిరిజన రిజర్వేషన్ గిరెప్పుడు గీశేది?, మారవోతున్న ఓట్ల పర్సెంటేజులు, న్యాయాన్ని పత్తాలలళ్ల ఏరుతున్న ఒకీళ్లు....ఈ అంశాలపై మల్లన్నముచ్చట్లను వీడియోలో చూద్దాం...

 

20:41 - October 17, 2017

హైదరాబాద్ : సామాజిక న్యాయం సాధించేదాక పట్టుదలతో ముందుకు సాగుతామని సీపీఎం తెలంగాణ రాష్ట్ర కార్యదర్శి తమ్మినేని వీరభద్రం పేర్కొన్నారు. సరళీకృత ఆర్థిక విధానాలు..సామాజిక తరగతులపై ప్రభావం అంశంపై సదస్సు జరుగుతోంది. తమ్మినేని, గద్దర్, హరగోపాల్, కాకి మాధవరావులు హాజరయ్యారు. ఈ సందర్భంగా తమ్మినేని వీరభద్రం మాట్లాడారు. మహాజన పాదయాత్ర ఐదు మాసాల పాటు సుదీర్ఘంగా తెలంగాణ రాష్ట్రంలో జరిగిందని గుర్తు చేశారు. ఇచ్చినోడు ఎవరైనా..తెచ్చినోడు ఎవరైనా సరే తెలంగాణ రాష్ట్రం అభివృద్ధి కావాలని, అభివృద్ధే ప్రధాన ధ్యేయమన్నారు. రాబోయే కాలంలో ప్రత్యామ్నాయ అభివృద్ధి నమూనాను ప్రజల ముందు ఆవిష్కరించాలని పాదయాత్ర చేపట్టినట్లు తెలిపారు. సామాజిక న్యాయం - సమగ్రాభివృద్ధి సాధించడం..అందుకు మార్గాలను అన్వేషించడం లక్ష్యమన్నారు. తమ పాదయాత్ర ప్రారంభమయిన అనంతరం ప్రభుత్వంలో కదలిక వచ్చిందన్నారు. పాదయాత్రలో ఎక్కడా సీపీఎం గురించి ప్రచారం చేయలేదని..రాష్ట్ర సమగ్రాభివృద్ధి కోసమే యాత్ర చేపట్టినట్లు పేర్కొన్నారు. దోపిడీ..పీడనకు వ్యతిరేకంగా పోరాటం చేసేదే వర్గపోరాటాలు అని తెలిపారు.

మొత్తం ప్రత్యామ్నాయ విధానాలు కోరుకున్న వారంతా ఐక్యతలో భాగం కలవాలని సూచించారు. 4200 సంఘాలు ఒక తాటిపైకి రావడం జరిగిందని, ఇందులో కుల..వర్గ..ప్రజా..యువకులు..విద్యార్థులు..మహిళలున్నారని తెలిపారు. రాబోయే కాలంలో విస్తృతమైన ఐక్యత చేయాల్సినవసరం ఉందని, ఇందుకు కృషి చేయాలని సూచించారు.

తెలంగాణ రాష్ట్రంలో ఆశించిన విధంగా పనులు జరగడం లేదని, ఒక స్పష్టత ఇవ్వాల్సిన అవసరం ఉందన్నారు. ప్రజల అభివృద్ధి అంటే ఏమిటీ.. అనే దానిపై పాదయాత్రలో వివరంగా చెప్పడం జరిగిందని, తెలంగాణ రాష్ట్ర ప్రభుత్వం ఎన్నో విషయాలు చెబుతోందన్నారు. పీడన కూడా పోవాలన్నదే తమ లక్ష్యమని అదే సామాజిక న్యాయమన్నారు. కులం..వర్గం పై చర్చ జరుగుతోందని, కంచె ఐలయ్యపై సుప్రీంకోర్టు బ్రహ్మాండమైన తీర్పు ఇచ్చిందని గుర్తు చేశారు.

రిజర్వేషన్లు..ప్రాతినిధ్యం..సామయాజిక హోదా..రాజకీయ ప్రాతినిధ్యం హక్కుల కోసం పోరాడే విధం ముఖ్యమైన అంశమన్నారు. సామాజిక న్యాయం సాధించేదాక పట్టుదలతో ముందుకు సాగుతామని తమ్మినేని స్పష్టం చేశారు. ఈ సందర్భంగా తనతో పాదయాత్ర చేసిన వారికి అభినందనలు తెలియచేస్తున్నట్లు..పాదయాత్రకు సహకరించిన వారందరికీ కృతజ్ఞతలు తెలియచేస్తున్నట్లు పేర్కొన్నారు. 

16:10 - October 13, 2017

హైదరాబాద్ : తెలంగాణ రాష్ట్రంలో లోకల్‌ క్యాండిడేట్లకు న్యాయం జరిగేలా మార్పులు, చేర్పులు చేసే విషయమై.. సీఎం కమిటీని ఏర్పాటు చేసినట్లు తెలంగాణ రాష్ట్ర ఉప ముఖ్యమంత్రి కడియం శ్రీహరి తెలిపారు. కొత్తగా జిల్లాలు ఏర్పడ్డాయి కాబట్టి ఎన్ని జోన్లు, క్యాడర్‌లు ఉండాలనే విషయమై.. చర్చించినట్లు చెప్పారు. అక్టోబర్‌ 21న ఈ విషయమై పూర్తి సమాచారంతో సమావేశమవుతామని స్పష్టం చేశారు. 

 

21:31 - September 11, 2017

హైదరాబాద్ : సామాజిక న్యాయం-సమగ్రాభివృద్ధి కోసమే టీ-మాస్‌ ఫోరం పోరాడుతుందని సీపీఎం తెలంగాణ రాష్ట్ర కార్యదర్శి తమ్మినేని వీరభద్రం అన్నారు. హైదరాబాద్‌లో నిర్వహించిన టీమాస్‌ సభలో ఆయన ప్రసంగించారు. తెలంగాణ వస్తే ఉద్యోగాలు వస్తాయని నిరుద్యోగులు ఆశించారని.. అయితే చాలా నోటిఫికేషన్లను కోర్టులు కొట్టేస్తున్నాయన్నారు. కోర్టులు కొట్టేసే విధంగానే జీవోలు తయారు చేస్తున్నారని తమ్మినేని విమర్శించారు. డబుల్‌బెడ్‌రూం ఇళ్లు, దళితులకు మూడెకరాల భూమి పథకాలు ఎక్కడా అమలు కావడం లేదని తమ్మినేని అన్నారు. 

16:04 - September 1, 2017

హైదరాబాద్ : విధి నిర్వహణలో మృతి చెందిన జీహెచ్‌ఎంసీ హార్టీ కల్చర్‌ విభాగం కార్మికుడు సమ్మయ్య కుటుంబానికి న్యాయం చేయాలని డిమాండ్‌ చేస్తూ  కార్మికులు ఆందోళనకు దిగారు. గణేశ్‌ నిమజ్జనం కోసం జామై ఉస్మానియా వద్ద రోడ్డుకు అడ్డంగా ఉన్న చెట్లను నరికేందుకు వాటర్‌ ట్యాంక్‌ ఎక్కిన సమ్మయ్య ప్రమాదవశాత్తు జారిపడిపోయి మృతి చెందాడు. ఎటువంటి ముందు జాగ్రత్త చర్యలు తీసుకోకుండా వాటర్‌ ట్యాంకు ఎక్కి చెట్లు నరకాలని అధికారులు ఆదేశించడంతో సమ్మయ్య చనిపోయాడని  కార్మికులు ఆరోపిస్తున్నారు. సమ్మయ్య మృతితో పెద్దదిక్కు కోల్పోయామని, అధికారులు తమను ఆదుకోవాలని కుటుంబ సభ్యులు కోరుతున్నారు. 

 

Pages

Don't Miss

Subscribe to RSS - న్యాయం