పర్యటన

11:13 - August 14, 2018

హైదరాబాద్ : తెలంగాణ రాష్ట్రంలో పార్టీ బలోపేతంపై దృష్టి పెట్టిన కాంగ్రెస్ జాతీయ అధ్యక్షుడు రాహుల్ గాంధీ రాష్ట్రంలో రెండు రోజుల పర్యటన నిమిత్తం రాష్ట్రంలో పర్యటిస్తున్నారు. ఈ నేపథ్యంలో 40 మంది పార్టీ సీనియర్ నేతలతో రాహుల్ సమావేశమయ్యారు. ఒక్కో నేతతో రాహుల్ గాంధీ విడి విడిగా మాట్లాడినట్లుగా తెలుస్తోంది. ఈ సమావేశంలో పార్టీ పెద్దలకు దిశానిర్ధేశం చేశారు. ఒకరిపై ఒకరు విభేదాలు వీడి రాష్ట్రంలో పార్టీ బలోపేతంపై ..పార్టీ గెలుపు కోసం పని చేయాలని సూచించారు. పార్టీ నేతలంతా ఐక్యంగా పనిచేసిన ఎన్నికలకు సిద్ధపడాలనీ..పార్టీ గెలుపుకోసం అందరు కలిసి కట్టుగా పనిచేయాలని సూచించారు. కాగా తెలంగాణ కాంగ్రెస్ నేతల్లో అంతర్గత పోరు సర్వసాధారణంగా మారిపోయిన నేపథ్యంలో రాహుల్ జాతీయ అధ్యక్షుడిగా ఎన్నికైన అనంతరం తొలిసారిగా తెలంగాణలో పార్టీని బలోపేతంపై దృష్టి పెట్టిన నేపథ్యంలో రాష్ట్రంలో పర్యటిస్తున్నారు. ఈ నేపథ్యంలో పలు కీలక సమావేశాలు..సభలు..సమావేశాలతో రాహుల్ బిజీ బిజీగా గడుతున్నారు. 

09:21 - August 14, 2018

హైదరాబాద్ : తెలంగాణలో పార్టీనీ బలోపేతం చేసేందుకు రాహుల్ గాంధీ నిశ్చయించుకున్నారు. ఈ నేపథ్యంలో తెలంగాణ రాష్ట్రంలో పర్యటించేదుకు వచ్చిన రాహుల్ గాంధీ రెండవరోజు పర్యటన కొనసాగనుంది. ఈ క్రమంలో కాసేపట్లో బూత్ కమిటీ అధ్యక్షులతో రాహుల్ టెలీకాన్ఫరెన్స్ నిర్వహించనున్నారు. 9.30గంటలకు పార్టీ సీనియర్ నేతలలతో రాహుల్ చర్చలు జరపనున్నారు. అనంతరం 10.30గంటలకు మీడియా ఎడిటర్లతో సమావేశం..మధ్యాహ్నాం 12 గంటలకు తాజ్ కృష్ణాలో పారిశ్రామితక వేత్తలతో భేటీ కానున్నారు. 3.45గంటకు గన్ పార్క్ వద్ద తెలంగాణ ఉద్యమ అమరవీరులకు రాహుల్ నివాళులర్పించనున్నారు. అనంతరం సాయంత్రం 5 గంటలకు సరూర్ నగర్ సభలో పాల్గొని రాత్రి 7.30గంటలకు రాహుల్ గాంధీ తిరిగి ఢిల్లీకి చేరుకుంటారు.  

13:17 - August 13, 2018

హైదరాబాద్ : కాంగ్రస్‌ అధ్యక్షుడు రాహుల్‌గాంధీ ఇవాళ, రేపు తెలంగాణలో పర్యటించనున్నారు. మధ్యాహ్నం రెండున్నరకు శంషాబాద్‌ ఎయిర్‌పోర్టుకు రాహుల్‌గాంధీ చేరుకోనున్నారు. మూడున్నరకు మహిళా సంఘాలతో భేటీ కానున్నారు. అలాగే జంట నగరాల్లో వివిధ కార్యక్రమాల్లో రాహుల్‌ పాల్గొననున్నారు. హరిత ప్లాజాలో బస చేయనున్నారు. తెలంగాణలో రాహుల్‌ పర్యటన నేపథ్యంలో భారీ బందోబస్తు ఏర్పాటు చేశారు. రాహుల్‌ పర్యటించే ప్రాంతాల్లో ఎస్‌పీజీ తనిఖీలు చేశారు.  ఈ సందర్భంగా కాంగ్రెస్ నాయకులు మాట్లాడుతూ టీఆర్ ఎస్ కు రోజులు దగ్గరపడ్డాయన్నారు. రాహుల్ నిరంకుశ పాలన సాగిస్తున్నారని విమర్శిస్తున్నారు. తెలంగాణలో రాహుల్ పర్యటన జరిగి తీరుతుందన్నారు. 

 

10:32 - August 13, 2018

ఏఐసీసీ అధ్యక్షుడు రాహుల్‌గాంధీ నేడు, రేపు దీల్లో తెలంగాణలో పర్యటించనున్నారు. రాహుల్‌ రాష్ట్ర పర్యటన నేపథ్యంలో పోలీసులు విస్తృత బందోబస్తు ఏర్పాటు చేశారు. హైదరాబాద్‌లో రాహుల్‌ పర్యటించే ప్రాంతాలను రాష్ట్ర పోలీసులతో కలిసి ప్రత్యేక భద్రతాదళం అధికారులు పరిశీలించారు. ఓయూలో రాహుల్ సభకు ప్రభుత్వం, వీసీ అనుమతివ్వలేదు. దీంతో కొంత దుమారం రేగింది. ఇదే అంశంపై నిర్వహించిన చర్చా కార్యక్రమంలో విశ్లేషకులు నగేష్, కాంగ్రెస్ అధికార ప్రతినిధి అద్దంకి దయాకర్, టీఆర్ఎస్ నేత శేఖర్ రెడ్డి, టీడీపీ నేత మల్లయ్యయాదవ్ పాల్గొని, మాట్లాడారు. రాహుల్ పర్యటన అడ్డుకోవడం అప్రజాస్వామ్యమని వక్తలు అభిప్రాయపడ్డారు. ప్రజాస్వామ్యంలో ప్రతిపక్షాలపై ఆంక్షలు విధించడం సరికాదన్నారు. మరిన్ని వివరాలను వీడియోలో చూద్దాం..  

 

09:01 - August 13, 2018

హైదరాబాద్ : ఏఐసీసీ అధ్యక్షుడు రాహుల్‌గాంధీ నేడు, రేపు దీల్లో తెలంగాణలో పర్యటించనున్నారు. రాహుల్‌ రాష్ట్ర పర్యటన నేపథ్యంలో పోలీసులు విస్తృత బందోబస్తు ఏర్పాటు చేశారు. హైదరాబాద్‌లో రాహుల్‌ పర్యటించే ప్రాంతాలను రాష్ట్ర పోలీసులతో కలిసి ప్రత్యేక భద్రతాదళం అధికారులు పరిశీలించారు.
పర్యటనకు ఏర్పాట్లు పూర్తి
రాహుల్‌గాంధీ హైదరాబాద్‌ పర్యటనకు ఏర్పాట్లు పూర్తయ్యాయి. సోమ, మంగళవారాల్లో హైదరాబాద్‌లో  రాహుల్‌ పర్యటనకు భద్రత కట్టుదిట్టం చేశారు. రాహుల్ పర్యటించే అన్ని ప్రాంతాలను ఎస్‌పీజీ అధికారులు పరిశీలించారు. రాష్ట్ర పోలీసులకు తగిన సూచనలు చేశారు. 
అడుగడునా నిఘా 
హైరాబాద్‌లో ఇద్దరు ఐసిస్‌ సానుభూతిపరులను ఎన్‌ఐఏ అధికారులు అరెస్టు చేసిన నేపథ్యంలో... రాహుల్‌ పర్యటించే ప్రాంతాల్లో అడుగడుగునా నిఘా ఏర్పాటు చేశారు. సోమవారం మధ్యాహ్నం రాహుల్‌ శంషాబాద్‌ విమానాశ్రయం చేరుకుంటారు. అక్కడకు సమీపంలోని  కన్వెన్షన్‌ సెంటర్‌లో ఏర్పాటు చేసిన మహిళా సదస్సులో రాహుల్‌ పాల్గొంటారు. దీంతో శంషాబాద్‌ పరిధిలో ర్యాలీలు, నిరసన ప్రదర్శనలను నిషేధిస్తూ పోలీసులు ఆదేశాలు జారీ చేశారు. శంషాబాద్‌ నుంచి శేరిలింగంపల్లిలో జరిగే సభకు రాహుల్‌ హాజరవుతారు. 
ఓయూలో రాహుల్‌ సభకు అనుమతి నికారణ 
ఉస్మానియా యూనివర్సిటీలో రాహుల్‌ సభకు విశ్వవిద్యాలయం అధికారులు అనుమతి నికారించారు. భదత్రా కారణాలను దృష్టిలో పెట్టుకుని అనుమతి  ఇవ్వకపోవడం వివాదాస్పదంగా మారింది. ఇది రాజకీయ కక్షసాధింపు చర్య అని కాంగ్రెస్‌ నాయకులు విమర్శిస్తున్నారు. 
కార్యకర్తల భేటీలో ఎన్నికలపై రాహుల్ దిశానిర్దేశం 
రాష్ట్ర పర్యటనలో భాగంగా రాహుల్‌ మంగళవారం వివిధ కార్యక్రమాల్లో పాల్గొంటారు. కాంగ్రెస్‌ కార్యకర్తలతో భేటీ అవుతారు. ఎన్నికలపై దిశానిర్దేశం చేస్తారు. సమాచార, ప్రసారమాధ్యమాల సంపాదకులతో సమావేశం అవుతారు. నాంపల్లి ఎగ్జిబిషన్‌ మైదానంలో వ్యాపారులతో నిర్వహించే సమావేశం భద్రతా కారణాలతో రద్దు అయ్యింది. యువపారిశ్రామికవేత్తలు, ముఖ్యకార్యనిర్వహణాధికారంలో భేటీ అవుతారు. చివరిగా సరూర్‌నగర్‌ స్టేడియలో జరిగే నిరుద్యోగ గర్జన సభలో రాహుల్‌ పాల్గొంటారు. సరూర్‌నగర్‌ స్టేడియంలో జరిగే నిరుద్యోగ గర్జన తర్వాత రాహుల్‌ శంషాబాద్‌ విమానాశ్రయం చేరుకుని ఢిల్లీ బయలుదేరి వెళ్తారు. 

 

08:15 - August 10, 2018

విశాఖ : ఏపీకి ప్రత్యేక హోదా ఇవ్వకుండా, విభజన హామీల అమల్లో విఫలమైన బీజేపీని వచ్చే ఎన్నికల్లో ఓడిస్తామని ముఖ్యమంత్రి చంద్రబాబు శపథం చేశారు. విభజన హామీలు అమలు చేసే వరకు ప్రధాని మోదీ నేత్వత్వంలోని కేంద్ర ప్రభుత్వంపై ధర్మపోరాటం ఆగదన్నారు. గిరిజనులందరికీ యాభై ఏళ్లకే పెన్షన్లు మంజూరు చేస్తూ ముఖ్యమంత్రి విధాన నిర్ణయం తీసుకున్నారు. విశాఖ జిల్లా పాడేరులో జరిగిన అంతర్జాతీయ ఆదివాసీ దితోత్సవ వేడుకల్లో పాల్గొన్న చంద్రబాబు... గిరిజనులకు ప్రస్తుతం ఇస్తున్న ఉచిత విద్యుత్‌ను 75 యూనిట్ల నుంచి వంద యూనిట్లకు పెంచుతున్నట్టు ప్రకటించారు. 
పాడేరులో పర్యటించిన చంద్రబాబు 
ముఖ్యమంత్రి చంద్రబాబు విశాఖపట్నం జిల్లా పాడేరు నియోజకవర్గంలో పర్యటించారు. చింతలవీధి పంచాయతీ అడారిమెట్టలో నిర్వహించిన గ్రామదర్శిని కార్యక్రమంలో పాల్గొన్నారు. గ్రామంలో గర్భిణిలకు శ్రీమంతాలు నిర్వహించి, చంటిపిల్లలకు అన్నప్రాసన చేశారు. అక్కడే అంగన్‌వాడీ కేంద్రాన్ని ప్రారంభించారు. పాఠశాలలో డిజిటల్‌ తరగతులకు శ్రీకారం చుట్టారు. అడారిమెట్ట గ్రామ సభలో పెన్షన్లు, చంద్రన్న బీమా, చంద్రన్న పెళ్లికానుక వంటి పథకాల అమలుపై సమీక్ష నిర్వహించారు. ప్రజా సమస్యలు తెలుసుకుని పరిష్కరిస్తానని హామీ ఇచ్చారు. 
ఆదివాసీ దినోత్సవ వేడుకల్లో పాల్గొన్న చంద్రబాబు
పాడేరు ప్రభుత్వ జూనియర్‌ కాలేజీ మైదానంలో నిర్వహించిన అంతర్జాతీయ ఆదివాసీ దినోత్సవ వేడుకల్లోనూ చంద్రబాబు పాల్గొన్నారు. ఆరువేల మందికిపైగా గిరిజనులకు అటవీ భూములపై హక్కులు కల్పిస్తూ ధ్రువీకరణ పత్రాలు జారీ చేశారు. ఈ సందర్భంగా జరిగిన సభలో చంద్రబాబు ప్రసంగిస్తూ.... గిరిజనుల కోసం అన్నీ చేస్తున్న మంచి ప్రభుత్వానికి అండగా నిలవాలని కోరారు. బీజేపీ మెడలు వంచి హక్కులు సాధించుకుంటామన్నారు. యాభై ఏళ్ల వయసు నిండిన గిరిజనులందరికీ పెన్షన్లు ఇస్తామని చంద్రబాబు ప్రకటించారు. పాడేరు సభలో గందరగోళం సృష్టించేందుకు ప్రయత్నించిన కొందరు యువకులపై చంద్రబాబు ఆగ్రహం వ్యక్తం చేశారు. 
రాష్ట్ర ప్రభుత్వ పండుగగా మోదుకొండమ్మ జాతర 
విశాఖ మన్యంలో గిరిజనులు జరుపుకునే మోదుకొండమ్మ జాతరను రాష్ట్ర ప్రభుత్వ పండుగగా చంద్రబాబు ప్రకటించారు. సభా వేదికపై గిరిజనులు బహుకరించిన సంప్రదాయ టోపీని ధరించారు.  ఎస్సీ, ఎస్టీ ఉపప్రణాళిక నిధులతో మంజూరు చేసిన ఇన్నోకార్లు, జీపులను లబ్దిదారులకు చంద్రబాబు పంపిణీ చేశారు. విలువిద్యలో ప్రతిభ కనబరచిన గిరిజన విద్యార్థులకు ఆర్చరీ పరికరాలు ఆందచేశారు. గిరిజన బాలికలతో కలిసి థింసా నృత్యం చేశారు. ఆ తర్వాత పాడేరు నుంచి అమరావతి బయలుదేరి వెళ్లారు.
 

 

06:42 - August 9, 2018

విశాఖ : ఏపీ ముఖ్యమంత్రి చంద్రబాబు నాయుడు ఇవాళ విశాఖ జిల్లా పాడేరులో పర్యటిస్తారు. ప్రపంచ ఆదివాసీ దినోత్సవం సందర్భంగా ఏర్పాటు చేసిన కార్యక్రమంలో ఆయన పాల్గొంటారు. ఆదివాసీ ప్రజలతో ముఖాముఖిగా మాట్లాడుతారు. మరోవైపు బాక్సైట్‌ అంశంతోపాటు గిరిజన యూనివర్సిటీ, గిరిజన స్పెషల్‌ డీఎస్సీ, బోయా వాల్మీకి కులాలను ఎస్టీలను చేర్చే అంశంపై సీఎంకు నిరసన తెలపాలని గిరిజన సంఘాల నేతలు పిలుపునిచ్చారు. దీంతో ముఖ్యమంత్రి పర్యటన సాఫీగా సాగుతుందా లేక ఆదివాసీలు అడ్డుకుంటారా అన్న ఉత్కంఠ నెలకొంది.
పాడేరులో పర్యటించనున్న చంద్రబాబు 
ఆంధ్రప్రదేశ్‌ ముఖ్యమంత్రి నారా చంద్రబాబు నాయుడు ఇవాళ విశాఖ జిల్లాలో పర్యటించనున్నారు. ప్రపంచ ఆదివాసీ దినోత్సవం సందర్భంగా ఆయన పాడేరులో పర్యటిస్తారు. ఈ పర్యటనకు సంబంధించిన అన్ని ఏర్పాట్లను జిల్లా యంత్రాంగం పూర్తి చేశారు. చంద్రబాబు ప్రత్యేక విమానం ద్వారా విశాఖ చేరుకుంటారు. అక్కడి నుంచి పాడేరుకు హెలికాప్టర్‌ ద్వారా వెళ్తారు.  పాడేరు మండలం అడారిమెట్టలో నిర్వహించే గ్రామదర్శి  కార్యక్రమంలో చంద్రబాబు పాల్గొంటారు. అడారిమెట్ట, చింతలవీధి పరిధిలోని 8 గ్రామాల ప్రజలతో చంద్రబాబు ముచ్చటిస్తారు. గ్రామదర్శి కార్యక్రమంతోపాటు గ్రామ వికాసం కార్యక్రమంలోనూ పాల్గొంటారు. మావోయిస్టుల ప్రాబల్య ప్రాంతం కావడంతో జిల్లా యంత్రాంగం అప్రమత్తమైంది. కట్టుదిట్టమైన భద్రతా ఏర్పాట్లు చేసింది. పోలీసులు అదనపు బలగాలను మోహరించారు. ప్రతీవాహనాన్ని తనిఖీలు చేస్తున్నారు. కలెక్టర్‌ ప్రవీణ్‌కుమార్‌తోపాటుగా... పాడేరు ఎమ్మెల్యే గిడ్డి ఈశ్వరీ ఏర్పాట్లను పరిశీలించారు.
చంద్రబాబు పాడేరు టూర్‌కు సమస్యలు స్వాగతం 
చంద్రబాబు పాడేరు టూర్‌కు అనేక సమస్యలు స్వాగతం పలుకుతున్నాయి. ముఖ్యంగా బాక్సైట్‌ గనులకు సంబంధించి జీవో నంబర్‌ 97పై ప్రభుత్వ వైఖరిని స్పష్టం చెయ్యకపోవడంపై గిరిజన సంఘాలు మండిపడుతున్నాయి. కేంద్ర ప్రభుత్వం ఇటీవల నాల్కో సంస్థకు బాక్సైట్‌ను అప్పగించే ప్రయత్నం రాష్ట్ర ప్రభుత్వం చేస్తుందని అందుకే జీవో నంబర్‌ 97ను రద్దు చెయ్యకుండా ఉంచిందని గిరిజన సంఘాలు ఆరోపిస్తున్నాయి. ఇదే సమయంలో గిరిజన యూనివర్సిటీతోపాటుగా స్పెషల్‌ డీఎస్సీ అంశంపైనా గిరిజన నిరుద్యోగ యువత ఎదురు చూస్తోంది. అటవీ హక్కుల చట్టం అమలు గురించి కూడా సీఎం ప్రకటన కోసం ఎదురుచూస్తున్నారు.  ఇక బోయ, వాల్మీకి కులాలను ఎస్టీ జాబితాల్లో చేర్చొద్దని ఇక్కడి గిరిజనులు తీవ్రస్థాయిలో ఆందోళన చేస్తున్నారు. ఆదివాసీ సమస్యలపై చంద్రబాబును నిలదీయాలని గిరిజన సంఘాల నేతలు పిలుపునిచ్చారు. నల్లజెండాలతో నిరసన తెలపాలని కోరారు. మొత్తానికి చంద్రబాబు పాడేరు పర్యటనపై ఉత్కంఠ నెలకొంది. 

 

13:45 - August 7, 2018

నెల్లూరు : జిల్లా రావూరు పోలీస్‌ స్టేషన్‌ దాడి ఘటన ఎస్‌ఐ దురుసు ప్రవర్తన వల్లే జరిగిందని, ఎస్‌ఐను వెంటనే సస్పెండ్ చేయాలని డిమాండ్‌ చేశారు ఏపీ సీపీఎం రాష్ర్ట కార్యదర్శి మధు. రావూరు హరిజనవాడలో పర్యటించిన మధు అక్కడి స్థానికులతో మాట్లాడి వివరాలు తెలుసుకున్నారు. అక్రమంగా అరెస్ట్ చేసిన దళితులను 15 రోజుల్లోగా విడుదలచేయకుంటే అన్ని దళిత, ప్రజాసంఘాలను కలుపుకొని ప్రభుత్వానికి వ్యతిరేకంగా పోరాడుతామంటున్న మధుతో టెన్ టివి ఫేస్‌ టు ఫేస్‌ నిర్వహించింది. మరిన్ని వివరాలను వీడియోలో చూద్దాం... 

 

21:36 - August 5, 2018

తూర్పుగోదావరి : ముఖ్యమంత్రి చంద్రబాబు నేతృత్వంలోని టీడీపీ ప్రభుత్వం అవినీతి ఊబిలో కూరుకుపోయిందని వైసీపీ అధినేత జగన్‌ ఆరోపించారు. జన్మభూమి కమిటీల పేరుతో దోపిడీకి పాల్పడుతున్నారని తూర్పుగోదావరి జిల్లా పత్తిపాడు, కత్తిపూడి సభల్లో మండిపడ్డారు. అటవీ భూములను సైతం వదలకుండా కబ్జా చేస్తున్నారని ఆగ్రహం వ్యక్తం చేశారు. బాక్సైట్‌ ఖనిజాన్ని అక్రమంగా తవ్వుకుంటూ కోట్ల రూపాయలు దోచుకుంటున్నారని ఆరోపించారు. దేవుణ్ని కూడా టీడీపీ నాయకులు విడిచిపెట్టడంలేదని జగన్‌ విరుచుకుపడ్డారు. టీడీపీ నాయకులు బంధువులకే పోలవరం ప్రాజెక్టు కాంట్రాక్టులు దక్కాయన్నారు. పత్తిపాడు నియోజకవ్గరంలోని సాగునీటి ప్రాజెక్టులను టీడీపీ ప్రభుత్వం విస్మరించిందని జగన్‌ విమర్శించారు. చంద్రబాబు పాలనలో రాష్ట్రాభివృద్ధి పూర్తిగా కుంటుపడిందని ఆగ్రహం వ్యక్తం  చేశారు. జగన్‌ సభలకు భారీగా జనం తరలివచ్చారు. 
 

17:52 - August 4, 2018

కృష్ణా : జిల్లాలోని నిమ్మకూరులో నటుడు బాలకృష్ణ, దర్శకుడు క్రిష్‌ పర్యటించారు. ఈ సందర్భంగా బసవతారకం, ఎన్ టీఆర్ విగ్రహాలకు నివాళులర్పించారు. అనంతరం ఎన్టీఆర్‌ బయోపిక్‌ సినిమా చిత్రీకరణ ప్రదేశాలను.. దర్శకుడు క్రిష్‌తో కలిసి బాలకృష్ణ పరిశీలించారు.

Pages

Don't Miss

Subscribe to RSS - పర్యటన