పవన్ కళ్యాణ్

10:39 - November 21, 2018

తమిళనాడు : జనసేనాని పవన్ కళ్యాణ్ విశ్వనాయకుడు కమల్ హాసన్ తో భేటీ కానున్నారు. దేశ రాజకీయ పరిణామాలపై చర్చించేందుకే పవన్ కమల్ తో భేటీకానున్నట్లుగా సమాచారం. ఈ నేపథ్యంలో నవంబర్ 21 బుధవారం ఉదయం  చెన్నై చేరుకున్న జనసేన అధ్యక్షుడు పవన్ కల్యాణ్ నేరుగా విలక్షణ నటుడు, మక్కల్ నీది మయ్యమ్ పార్టీ అధినేత కమలహాసన్ ఇంటికి బయలుదేరాకగ. మరికాసేపట్లో ఆయన కమల్ తో ప్రత్యేకంగా భేటీ కానున్నారు. దేశ రాజకీయ పరిణామాలపై వీరిద్దరూ చర్చిస్తారని తెలుస్తోంది. 

ఇప్పటికే ఏపీ రాజకీయాల్లో క్రియాశీలకంగా ఉన్న ఆయన, తనకు అభిమానులున్న తమిళనాడు, కర్ణాటక రాష్ట్రాల్లోనూ ప్రభావం చూపే క్రమంలో పొరుగు రాష్ట్రాల్లో పర్యటించాలని నిర్ణయించుకున్నారు. కాగా, ఈ మధ్యాహ్నం పవన్ కల్యాణ్, హోటల్‌ కన్నెమెరాలో మీడియాతో ప్రత్యేకంగా మాట్లాడతారు. ఈ సమావేశంలో పవన్‌ కీలక ప్రకటన చేస్తారని ఆ పార్టీ వర్గాలు అంటున్నాయి. కాగా పవన్ కొన్ని రోజుల క్రితం యూపీ మాజీ సీఎం, బీఎస్పీ అధినేత మాయావతితో భేటీ అయ్యేందుకు యూపీ వెళ్లిన విషయం తెలిసిందే.కాగా అనివార్య కారణాలతో వీరి భేటీ సాధ్యం కాలేదు. మరి కమల్ తో పవన్ భేటీపై సర్వత్రా ఆసక్తి నెలకొంది. 

09:57 - November 16, 2018

తూర్పుగోదావరి : జనసేన అధినేత పవన్ కళ్యాణ్ కాన్వాయ్‌కి ప్రమాదం జరిగింది. ఈ ప్రమాదంలో ఏడుగురు గాయపడ్డారు. ప్రస్తుతం తూర్పుగోదావరి జిల్లాలో పర్యటిస్తున్న పవన్ నిన్న రాజానగరం బహిరంగ సభలో పాల్గొనేందుకు వెళ్తుండగా రంగంపేట వద్ద ప్రమాదం జరిగింది. ఈ ప్రమాదంలో మొత్తం ఏడుగురు గాయపడినట్లు తెలుస్తోంది. వీరిలో ముగ్గురి వెంటనే ఆసుపత్రికి తరలించారు. ఈ ముగ్గురు పవన్ బౌన్సర్లుగా తెలుస్తోంది. ఈ ప్రమాదంలో ప్రాణాపాయం ఏమీ జరగకపోవడంతో అంతా ఊపిరి పీల్చుకున్నారు.

 

 

09:40 - November 16, 2018

విజయవాడ : ఏపీ రాష్ట్రంలో టీడీపీని సమూలంగా రాష్ట్రం నుండి తరిమి కొట్టాలని జనసేన అధ్యక్షుడు పవన్ కళ్యాణ్ పిలుపునిచ్చారు. ఈ మేరకు ఆయన ట్విట్టర్ లో ఆయన ఒక ప్రకటన విడుదల చేశారు. తెలుగు వారి ఆత్మగౌరవాన్ని ఢిల్లీలో కాంగ్రెస్ దగ్గర తాకట్టు పెట్టేసి...పాలనలో అవినీతి పెచ్చుమీరేలా చేసిన తెలుగుదేశం పార్టీని సమూలంగా రాష్ట్రం నుండి తరిమికొట్టాలని ప్రజలకు పిలుపునిచ్చారు.

  • ఢిల్లీ కోటలు బద్దలు కావాలి..కాంగ్రెస్ కోటకు బీటలు వారాలి.
  • జగన్, చంద్రబాబు మనకు వద్దు..లోకేష్ అసలే వద్దు
  • వీళ్లంతా అవినీతిని అలవాటుగా మార్చేస్తున్నారు.
  • జనసేన ప్రభుత్వంలో 2013 భూ సేకరణ చట్టాన్ని అమలు చేస్తాం

ఏపీకి అన్యాయం చేస్తున్న ఢిల్లీ కోటను బద్ధలు కొట్టాలని..కాంగ్రెస్ కోటలకు బీటలు వారేలా చేయాలని సూచించారు. ఇప్పుడున్న నాయకులు మాత్రం అవినీతిని ఇబ్బడిముబ్బడిగా పెంచుకుంటూ పోతున్నారని, గతంలో రూ. 100 కోట్ల అవినీతి అంటే చాలా పెద్ద విషయమని, దేశాన్ని కుదిపేసిన భోపార్స్ కుంభకోణం అలాంటిదేనని పవన్ రాజానగరంలో నిర్వహించిన బహిరంగ సభలో తెలిపారు. ప్రజా జీవితాల్లో వెలుగులు నింపేలా జనసేన ప్రభుత్వాన్ని స్థాపిద్ధామని తెలిపారు.

19:00 - November 15, 2018

కాకినాడ: జనసేన అధికారంలోకి వస్తే కాకినాడ సీపోర్టు లైసెన్స్ రద్దు చేస్తామని ఆ పార్టీ చీఫ్ పవన్ కళ్యాణ్ హామీ ఇచ్చారు. సీపోర్టు అక్ర‌మాల‌ని అంత‌ర్జాతీయ స‌మాజం దృష్టికి తీసుకువెళ్తామన్నారు. దోపిడి జ‌రుగుతున్న తీరుని, పర్యావరణ విధ్వంసాన్ని ప్రపంచానికి తెలియజేస్తామన్నారు. ఈ అక్రమ వ్యవహారాలకు కార‌కుడైన కె.వి రావుని దేశానికి ర‌ప్పించి, ప్ర‌జ‌ల‌కి సమాధానం చెప్పించాల‌ని ప‌వ‌న్‌ డిమాండ్ చేశారు. ప్రజాపోరాటయాత్రలో భాగంగా తూర్పుగోదావరి జిల్లాలో పర్యటిస్తున్న పవన్.. కాకినాడ జి క‌న్వెన్ష‌న్ హాల్‌లో మీడియాతో మాట్లాడారు. సీపోర్టు అక్ర‌మాల‌పై ఓ డాక్యుమెంట‌రీని మీడియాకు రిలీజ్ చేశారు. 
కెవి రావు చేస్తున్న దోపిడీ విష‌యంలో వైసీపీ చీఫ్ జగన్, ముఖ్య‌మంత్రి చంద్రబాబు, లోకేష్ మౌనంగా ఉన్నారంటే.. దోపిడిలో కచ్చితంగా మీ ముగ్గురి పాత్ర ఉంద‌ని విశ్వ‌సించాల్సి వ‌స్తుందని పవన్ అన్నారు. కెవి రావు గురించి అమెరికాలో తనకు తెలిసిన సెనెటర్స్‌ని సంప్ర‌దిస్తానని, అవ‌స‌రం అయితే ఎఫ్‌బీఐకి కూడా ఫిర్యాదు చేయ‌నున్నామని పవన్ చెప్పారు. కాకినాడ సీ పోర్టు అక్ర‌మాల‌పై మీరు కూడా సంజాయిషీ ఇవ్వాల‌ని ప్ర‌భుత్వ‌-ప్ర‌తిప‌క్షాల‌కి ప‌త్రికాముఖంగా పవన్ విజ్ఞ‌ప్తి చేశారు. జ‌న‌సేన అధికారంలోకి వ‌స్తే ఇన్ని ర‌కాల అక్ర‌మాల‌కి పాల్ప‌డుతున్న కాకినాడ సీపోర్టు లైసెన్స్‌ని రద్దు చేస్తామని పవన్ హామీ ఇచ్చారు.
జ‌న‌సేన పార్టీ సిద్ధాంతాల్లో ముఖ్య‌మైన‌ది ప‌ర్యావ‌ర‌ణ ప‌రిర‌క్ష‌ణ అని పవన్ స్పష్టం చేశారు. కాకినాడ నగరానికి తుపానులు వ‌చ్చిన‌ప్పుడు ఓ స‌హ‌జ ర‌క్ష‌ణ క‌వ‌చంలా అడ్డుక‌ట్ట వేసే హోప్ ఐలాండ్‌ని ఎలాంటి అనుమ‌తులు లేకుండా త‌వ్వేస్తున్నారని పవన్ మండిపడ్డారు. న‌గ‌రానికి ఉన్న స‌హ‌జ సిద్ధ‌మైన ర‌క్ష‌ణ వ‌ల‌యాన్ని ధ్వంసం చేసేస్తే అడిగే వారు లేకపోవడం బాధాకరమన్నారు. ప‌ర్యావ‌ర‌ణ శాఖ మాట్లాడ‌దు, ప‌ర్యావ‌ర‌ణ మంత్రి మాట్లాడ‌రు, ముఖ్య‌మంత్రి మాట్లాడ‌రు అని పవన్ ధ్వజమెత్తారు. 
కాకినాడ సీ పోర్టు య‌జమానిని గతంలో మెలోడీ వెంక‌టేశ్వ‌ర‌రావు అనేవారని, విశాఖ‌లో చిన్న‌పాటి థియేట‌ర్ య‌జ‌మాని అని, సినిమాల్లో ఉన్న‌ప్పుడు రెండుసార్లు క‌లిశానని పవన్ చెప్పుకొచ్చారు. అలాంటి వ్యక్తి ఇప్పుడు ఒక్క‌సారిగా వేల కోట్ల‌కి అధిపతి ఎలా అయ్యాడో అర్థం కావడం లేదన్నారు. చిన్న‌పాటి సినిమా హాల్ య‌జ‌మాని సీపోర్టు ఓన‌ర్ అయిపోయాడన్నారు. ఓ సామాన్య థియేటర్ ఓన‌ర్‌కి ఇంత‌టి ధైర్యం ఎక్క‌డి నుంచి వ‌స్తుందన్నారు. ఈ దోపిడీ గురించి ముఖ్య‌మంత్రి కానీ, జ‌గ‌న్ కానీ మాట్లాడ‌కపోవడం చూస్తుంటే అంతా కుమ్మ‌క్కై ఉన్నారా? అనే అనుమానం కలుగుతోందన్నారు. వేల కోట్లు దోచేస్తుంటే, ప‌ర్యావ‌ర‌ణాన్ని పాడు చేస్తుంటే, మ‌త్స్య‌కారుల జీవితాలు ఛిద్రం చేస్తుంటే ఒక్క‌రూ అడ‌గ‌రని పవన్ వాపోయారు.  
మాట్లాడితే జ‌గ‌న్ రోడ్ల వెంట తిరుగుతారు., ముఖ్య‌మంత్రి విదేశాల్లో తిరుగుతారని పవన్ విమర్శించారు. మేం మాత్రం ఓట్ల కోసం రాలేదని, మార్పు కోసం వ‌చ్చామని, తీసుకువ‌స్తామని పవన్ చెప్పారు.

14:41 - November 14, 2018

తూర్పుగోదావరి : యథావిధిగా జనసేనాని పవన్ కళ్యాణ్ అధికార పార్టీ నేతలపై మండిపడ్డారు. కాకినాడ బ‌హిరంగ స‌భ‌లో మాట్లాడుతూ…జనసేన ఆడపడుచులు, యువతీయువకుల పట్ల టీడీపీ నేతలు అభ్యంతరకర కామెంట్లు చేస్తున్నారనీ జనసేనా కార్యకర్తలు అలగా జనం అని పెద్దలు ఎన్టీఆర్ గారి అబ్బాయి, హిందూపురం ఎమ్మెల్యే..అయిన బాలకృష్ణ నోరు అదుపులో పెట్టుకోవాలని పవన్ హెచ్చరించారు.  తెలుగుదేశం ఎమ్మెల్యేలు, మంత్రులు ప్రజల గురించి నోటికి వచ్చినట్లు మాట్లాడుతున్నారనీ..కులం పేరుతో దూషిస్తున్నారనీ పవన్ మండిపడ్డారు. మంత్రి అచ్చెన్నాయుడు మత్స్యకారులపై కూడా నోరు పారేసుకున్నారని పవన్ గుర్తు చేశారు. వాళ్ళు నోరు అదుపులో పెట్టుకోవాలని పవన్ కళ్యాణ్ హెచ్చరించారు. తూర్పుగోదావరిలో జనసేన అధికారంలోకి వచ్చేలా జనసేన కృషి చేయాలని ఈ సందర్భంగా పవన్ కళ్యాణ్ పిలుపునిచ్చారు.

 

21:26 - November 13, 2018

తూర్పుగోదావరి : జిల్లాలోని రామచంద్రాపురంలో పర్యటిస్తున్న నేపథ్యంలో  వైసీపీ అధ్యక్షుడు జగన్ పై జనసేన అధినేత పవన్ కల్యాణ్ తీవ్ర స్థాయిలో ఘాటు  విమర్శలు చేశారు. జగన్ పై తాను  వ్యక్తిగతంగా విమర్శించడం లేదని పవన్ క్లారిటీ ఇచ్చి మరీ విమర్శలు సంధించారు. ప్రతిపక్ష నేతగా అసెంబ్లీకి వెళ్లి ప్రజాసమస్యలపై చర్చించకుండా..ప్రశ్నించకుండా తనపై విమర్శలు చేయటం సరికాదన్నారు. అసెంబ్లీకి వెళ్లి సీఎంను నిలదీయాల్సిన బాధ్యత ప్రజలు వైసీపీకి ఇచ్చారని... కానీ ప్రతిపక్ష నాయకుడు బుగ్గలు నిమరడం తప్ప ప్రశ్నించడంలేదన్నారు. బడుగు బలహీన వర్గాలు అండగా ఉంటామన్న వైసీపీ.. రెల్లికులస్థుల భూములను ఆ పార్టీ నేత దోచుకున్నా పట్టించుకున్న నాథుడు లేడన్నారు. ఒక ఎమ్మెల్యే, ఎంపీలేని తానే ఇన్ని ప్రజా సమస్యలకు పరిష్కారం కనుక్కుంటున్నానని.. వైసీపీ నేతలు ఏం చేస్తున్నారని ప్రశ్నించారు పవన్.
 

 

19:51 - November 13, 2018

కాకినాడ: ముస్లింల ఆత్మగౌరవానికి భంగం కలిగితే తాను ఊరుకోనని, ఆయుధం పట్టుకుని బయటకు వస్తానని జనసేన అధినేత పవన్ కళ్యాణ్ హెచ్చరించారు. ముస్లింలు మైనార్టీలు కాదని వారు కూడా ఈ దేశంలో భాగమే అన్నారు. ముస్లింల భాగస్వామ్యం లేకుండా దేశానికి స్వాతంత్ర్యం వచ్చేదా? అని పవన్ ప్రశ్నించారు. తూర్పుగోదావరి జిల్లా కాకినాడలోని జీ కన్వెన్షన్‌లో ముస్లింల ఆత్మీయ సమ్మేళనంలో పవన్ కళ్యాణ్ పాల్గొన్నారు. ముస్లింలను మైనార్టీలు అని పిలవడం తనకు నచ్చదని పవన్ అన్నారు. ముస్లింల వెనకబాటుతనానికి ముఖ్య కారణం రాజకీయ నాయకులే అని పవన్ ఆరోపించారు. నాయకులు తన రాజకీయ లబ్ది కోసం, స్వార్థం కోసం ముస్లింలను వెనకబాటుతనానికి గురి చేశారన్నారు. 

Image may contain: 4 people, people smiling2014లో బీజేపీకి మద్దతిచ్చినప్పుడు చాలామంది ముస్లింలు తనను వ్యతిరేకించారని పవన్ గుర్తు చేశారు. అయితే దేశంలో రెండే జాతీయ పార్టీలు(కాంగ్రెస్, బీజేపీ) ఉన్నాయని.. ఏ ప్రాంతీయ పార్టీ అయినా కలవాల్సింది ఆ రెండు జాతీయ పార్టీలతోనే అనే విషయాన్ని ముస్లింలు తెలుసుకోవాలన్నారు. కాంగ్రెస్‌తో జతకడితే సిక్కులు వ్యతిరేకిస్తారని, బీజేపీతో ముందుకెళితే ముస్లింలు ఉపేక్షించరని ఆలోచిస్తే ఈ దేశంలో ఏ పార్టీతో దోస్తీ కట్టలేమన్నారు. ప్రతి ఒక్క పార్టీకి కళంకిత చరిత్ర ఉందని, దానిని అర్థం చేసుకుని ముందుకెళ్లాలని పవన్ సూచించారు. బీజేపీ హిందువుల పార్టీ కాదని, అది రాజకీయ పార్టీ అని ఆ పార్టీ హిందువుల పక్షపాతే అయితే రాష్ట్రాన్ని విభజించే వారు కాదని పవన్ వివరించారు.

Image may contain: 2 peopleబీజేపీని మతోన్మాద పార్టీ అని టీడీపీ ఇప్పుడు తిడుతోందని... మరి 2014లో వాళ్ల బుద్ధి ఏమైందని పవన్ ప్రశ్నించారు. గోద్రా అల్లర్ల సమయంలో తిట్టి 2014లో దోస్తీ కట్టి, మళ్లీ ఇప్పుడు శత్రుత్వం పెట్టుకునే అవకాశవాద రాజకీయాలు తనకు నచ్చవన్నారు పవన్. జనసేన పార్టీ మద్దతిచ్చినంత మాత్రాన వాళ్లు తప్పులు చేస్తుంటే చూస్తూ ఊరుకోనని పవన్ స్పష్టం చేశారు.

11:27 - November 12, 2018

హైదరాబాద్: తిత్లీ బాధితుల కోసం ముఖ్యమంత్రి చంద్రబాబు నాయుడు చేసింది కొంతయితే..కొండంత ప్రచారం చేసుకుంటున్నారని జనసేన అధినేత పవన్ కళ్యాణ్ ట్విట్టర్ వేదికగా విమర్శలు గుప్పించారు. ‘‘తిత్లీ తుఫాను బాధితులకు తెలుగుదేశం ప్రభుత్వం  ఇచ్చింది గోరంత.. కానీ ప్రచారం మాత్రం ఎవరెస్టు శిఖరాన్ని తలపించేలా చేస్తున్నారు. ఈ ప్రభుత్వం చర్య అబ్రహం లింకన్ పేర్కొన్న సామెతను గుర్తుకుతెస్తోంది. ‘‘ఉడుమును సైతం చంపగలిగేది తనకుతాను చేసుకొనే ప్రచారం మాత్రమే’’ అంటూ పవన్ కళ్యాణ్ ట్వీట్ చేశారు. దీంతోపాటు ఆర్టీసీ బస్‌పై తెలుగుదేశం ప్రభుత్వం ఇచ్చిన ప్రకటన ఫోటోను సైతం జతచేశారు. దీనిపై తెలుగుదేశం నేతలు ఎలా స్పందిస్తారో చూద్దాం!
 

10:30 - November 12, 2018

కాకినాడ: జనసేన పార్టీ అధినేత పవర్ స్టార్ పవన్ కళ్యాణ్  తూర్పుగోదావరి జిల్లాలో తన మలివిడత ప్రచారం నేటి నుంచి ప్రారంభిస్తున్నారు. సోమవారం సాయంత్రం కాకినాడ కల్పన సెంటర్ లో జరిగే ప్రజా పోరాటయాత్రలో పాల్గోంటారు. రాత్రికి కాకినాడలోని  "జీ కన్వెన్షన్" సెంటర్ లో బస చేస్తారు. మంగళవారం రామచంద్రాపురంలోని  రాజగోపాల్ సెంటర్ లో జరిగే బహిరంగ సభలోనూ, 14వతేదీ బుధవారం అనపర్తి నియోజక వర్గంలోని మామిడాడ సెంటర్ లోను, 15న  రాజానగరంలో జరిగే బహిరంగ సభలో పాల్గోంటారు. ఈ 3 రోజులు ఉదయం పూట తాను పర్యటించే నియోజక వర్గాల నాయకులతో, ప్రతినిధులతో కాకినాడ "జీ కన్వెనషన్" సెంటర్ లో సమావేశమై స్ధానిక సమస్యలపై చర్చిస్తారు.

21:10 - November 10, 2018

హైదరాబాద్ : తెలంగాణ అసెంబ్లీ ఎన్నికల్లో పోటీపై జనసేన అధ్యక్షుడు పవన్ కళ్యాణ్ క్లారిటీ ఇచ్చారు. తెలంగాణలో ముందస్తు ఎన్నికల వల్లే పోటీపై సందిగ్ధం ఏర్పడిందన్నారు. షెడ్యూల్ ప్రకారం వచ్చే ఏడాది ఎన్నికలు వస్తే.. తెలంగాణలో 25 అసెంబ్లీ స్థానాల్లో, 3 పార్లమెంట్ స్థానాల్లో పోటీ చేయాలనుకున్నామని తెలిపారు. ఎన్నికల్లో పోటీ చేసే విషయమై..రెండు, మూడు రోజుల్లో పార్టీలో చర్చించి ఓ నిర్ణయానికి వస్తామని చెప్పారు. ముందస్తు ఎన్నికలకు సన్నదత లేకపోవడంతో పోటీ గురించి సమాలోచనలు చేస్తున్నామని తెలిపారు. మరోవైపు కొంతమంది అభ్యర్థులు ఇండిపెండెంట్‌గా పోటీ చేయబోతున్నామని.. తమకు మద్దతు ప్రకటించాలని కోరుతున్నారని తెలిపారు.

 

Pages

Don't Miss

Subscribe to RSS - పవన్ కళ్యాణ్