పవన్ కళ్యాణ్

15:11 - July 22, 2018

గుంటూరు : రాజధాని అమరావతిలో బలవంతంగా భూ సేకరణ చేస్తే వారి తరపున పోరాడటానికి తాను ముందుంటానని జనసేన అధినేత పవన్ కళ్యాణ్ పేర్కొన్నారు. ఆదివారం ఆయన ఉండవల్లిలో పర్యటించారు. ఈ సందర్భంగా రైతులతో ముఖాముఖి నిర్వహించారు. వారు చెప్పిన సమస్యలను విన్న పవన్ ఏపీ ప్రభుత్వంపై మరోసారి విమర్శలు గుప్పించారు. భూసేకరణ జరిగితే తనకు చెప్పాలని, తాను కూడా వచ్చి ఆందోళనలో పాల్గొంటానని తెలిపారు. భూములను బలవంతంగా లాక్కోవడానికి ప్రయత్నిస్తే... ప్రాణాలు ఇవ్వడానికి తానే ముందుంటానని చెప్పారు.

రాజధాని నిర్మాణం కావాలంటే దశాబ్దాలు పడుతుందని..ఇన్ని వేల ఎకరాలు ఏమవుతాయని ప్రశ్నించారు. విశాఖ స్టీల్ నిర్మాణం కోసం 1970 సంవత్సరాల్లో 26 ఎకరాలు తీసుకుంటే అందులో 10వేల ఎకరాలు మాత్రమే తీసుకుందని ఇంకా భూమి అలాగే ఉందన్నారు. అందులో పరిహారం రాకపోగా కూలీలుగా పలువురు మారిపోయారన్నారు. 

14:31 - July 22, 2018

రాజమండ్రి : మంగళవారం నాడు జగన్‌ ఇచ్చిన బంద్‌ పిలుపు ఒక నాటకమన్నారు ఏపీ హోం మంత్రి చినరాజప్ప. రాజీనామాలు చేయాలని చెబుతున్న జగన్‌కు ప్రత్యేక హోదాపై చిత్తశుద్ధి లేదని మండిపడ్డారు. ప్రజలకోసం జగన్‌ పోరాటం చేయడం లేదని విమర్శించారు. పవన్‌కళ్యాణ్‌కు అవగాహన లేకుండా మాట్లడుతున్నాడని, బీజేపీ ఆడుతున్న నాటకంలో పవన్‌ సూత్రధారేనని చినరాజప్ప ఆరోపించారు. తమ వాణి ఏంటో పార్లమెంట్ లో వినిపించామని...ప్రజలందరూ హర్షం ప్రకటించారని తెలిపారు. ప్రజలకు అసౌకర్యం కలిగించవద్దని ప్రభుత్వం కోరుకొంటోందని..బంద్ కు ప్రజలు ఎలా సహకరిస్తారో చూడాలని.. తెలిపారు. పవన్ నిజంగా జ్ఞానం ఉంటే...బిజెపి కార్నర్ చేసే విధంగా మాట్లాడాలని...కానీ అలా మాట్లాడడం లేదన్నారు. 

13:08 - July 22, 2018

గుంటూరు : ఉండవల్లిలో జనసేన అధినేత పవన్ కళ్యాణ్ పర్యటిస్తున్నారు. రైతుల పంట పొలాలను ఆయన పరిశీలించారు. అనంతరం రైతులతో సమావేశం అయ్యారు. రైతులు తమ సమస్యలను పవన్ కు విన్నవించుకున్నారు. మరిన్ని వివరాలను వీడియోలో చూద్దాం..

 

16:25 - July 11, 2018

అనంతపురం : టిడిపి మంత్రులు..ఎంపీలు జనసేన అధ్యక్షుడు పవన్ ను టార్గెట్ చేశారు. వెనుకబడిన ప్రాంతాలకు కేంద్రం చేసిన అన్యాయంపై నిరసన వ్యక్తం చేస్తూ టిడిపి మంత్రులు, ఎంపీలు దీక్ష చేపట్టారు. ఈ సందర్భంగా పలువురు మంత్రులు, ఎంపీలు మాట్లాడారు. ఈ సందర్భంగా పవన్ పై తీవ్ర ఆరోపణలు..విమర్శలు గుప్పించారు. బాబు..లోకేష్ లపై పవన్ చేస్తున్న ఆరోపణలను ఎంపీలు తిప్పికొట్టారు.

పవన్ ను చూస్తే బాధేస్తోందని..ప్రజారాజ్యాన్ని ప్రజలు నమ్మారని..కానీ వారు మాత్రం కోట్ల రూపాయల కొల్లగొట్టారని ఆరోపించారు. పవన్ అవినీతి గురించి మాట్లాడుతుంటే దెయ్యాలు వేదాలు వల్లించినట్లుగా ఉందన్నారు. కోట్ల రూపాయలు తీసుకెళ్లి బీఫారాలు తీసుకున్నారని..ఇది వాస్తవం కాదా ? అని ప్రశ్నించారు. ఇవన్నీ పవన్ కు తెలియదా ? అని నిలదీశారు. ప్రజల్లో మమేకమవుతే రాజకీయాలు తెలుస్తాయని, కేంద్రంతో డబ్బులు తీసుకుని బీజేపీ ఏది చెబితే అదే చేస్తున్నాడని తీవ్ర ఆరోపణలు గుప్పించారు. 

15:59 - July 11, 2018

అనంతపురం : వైసిపి..జనసేన..బిజెపి పార్టీలపై టిడిపి మంత్రులు, ఎంపీలు విమర్శల పర్వం కొనసాగుతోంది. వెనుకబడిన ప్రాంతాలకు కేంద్రం చేసిన అన్యాయంపై నిరసన వ్యక్తం చేస్తూ టిడిపి మంత్రులు, ఎంపీలు దీక్ష చేపట్టారు. ఈ సందర్భంగా పలువురు మంత్రులు, ఎంపీలు మాట్లాడారు. మోడీ ప్రభుత్వానికి రోజులు దగ్గరపడ్డాయని... గద్దె నింపే వరకు పోరాటం చేస్తామని మంత్రి కాల్వ శ్రీనివాసులు తెలిపారు. ప్రధాన మంత్రి మోడీ నేతృత్వంలో ఏపీకి అన్యాయం చేసిన మోడీని గద్దె దింపే వరకు పోరాటం చేస్తామన్నారు. బీజేపీ..జనసేన..వైసీపీ పార్టీలు కుట్రల కూటమిగా ఏర్పడ్డాయని విమర్శించారు. ఏపీకి జరిగిన అన్యాయంలో వీరు కూడా పావుగా మారుతున్నారని..మోడీకి భజనపరులరని మండిపడ్డారు. ప్రశ్నించాల్సిన పవన్ జగన్ ఫ్యాన్ గాలిగా ఎందుకు మారాడో అర్థం కావడం లేదన్నారు. పోరాటం ఇక్కడితే ఆగదని..ఇంకా ఉధృతంగా సాగుతుందన్నారు. 

21:42 - July 8, 2018

విశాఖ : జనసేన అధినేత పవన్‌ కల్యాణ్‌... రాష్ట్ర మంత్రి లోకేశ్‌పై నిప్పులు చెరిగారు. ముఖ్యమంత్రి చంద్రబాబు, మంత్రి లోకేశ్‌ లక్ష్యంగా సవాళ్లు విసురుతూ రాజకీయాలను రక్తి కట్టిస్తున్నారు. లోకేశ్‌కు దమ్ము, ధైర్యం ఉంటే  ఎమ్మెల్సీగా రాజీనామా చేసి, ఎమ్మెల్యేగా పోటీ చేసి గెలవాలని విశాఖ పర్యటనలో జనసేనాని సవాల్‌ విసిరారు. లోకేశ్‌ను దొడ్డిదారిన ముఖ్యమంత్రిని చేయాలని చూస్తే జనసేన సహించబోదని పవన్‌ కల్యాణ్‌ హెచ్చరించారు. 
ముగిసిన పవన్‌ కల్యాణ్‌ విశాఖ జిల్లా పర్యటన   
జనసేన అధినేత పవన్‌ కల్యాణ్‌ విశాఖ జిల్లా పర్యటన ముగిసింది. రంజాన్‌ సందర్భంగా గత నెలలో పర్యటనకు బ్రేక్‌ ఇచ్చిన పవన్‌.. జూన్‌ చివరి నుంచి పునఃప్రారంభించారు. విశాఖ జిల్లాలోని పలు నియోజవర్గాలతోపాటు విజయనగరం జిల్లాలోని శృంగవరపుకోట పోరాట యాత్ర నిర్వహించారు. విశాఖ పర్యటనలో చివరి రోజు పలువురు ప్రముఖులు పవన్‌ కల్యాణ్‌ సమక్షంలో జనసేనలో చేరారు. అందరికీ పార్టీ కండువాలు కప్పి.. జనసేనలోకి ఆహ్వానించారు.
లోకేశ్‌, చంద్రబాబు లక్ష్యంగా పవన్ విమర్శల దాడి 
ఈ సందర్భంగా పవన్‌ కల్యాణ్‌ మంత్రి లోకేశ్‌, ముఖ్యమంత్రి చంద్రబాబును లక్ష్యంగా చేసుకుని విమర్శల దాడి పెంచారు. లోకేశ్‌ను దొడ్డి దారిన ముఖ్యమంత్రిని చేయాలని చూస్తే సహించబోమని హెచ్చరించారు. మంత్రి లోకేశ్‌కు ఏ అంశంపైనా విషయ పరిజ్ఞానం, సమస్యలపై అవగాహనలేదని పవన్‌ కల్యాణ్‌ మండిపడ్డారు. అవగాహన ఉంటే ఇచ్ఛాపురం నుంచి అనంతపురం వరకు ఏ సమస్యపైనా చర్చకు రావాలని సవాల్‌ విసిరారు. లోకేశ్‌, చంద్రబాబు, జగన్‌.. వస్తే కూర్చుని సమస్యలపై చర్చించడానికి సిద్ధమని జనసేనాని ప్రకటించారు. 
సామాజిక విప్లవం పోరాటం : పవన్ 
అణగారిని వర్గాలకు అందలం ఎక్కించేందుకే జనసేన అవిర్భవించిందన్న పవన్‌ కల్యాణ్‌... ఆర్థిక, రాజకీయ, సామాజిక విప్లవం కోసం తమ పార్టీ పోరాటం చేస్తుందన్నారు. ముఖ్యమంత్రి చంద్రబాబుకు డబ్బు, పదవిపై వ్యామోహం పోలేదని  వపన్‌ విమర్శించారు. చంద్రబాబు ఒక్కరే ఎదుగుతూ మిగిలిని వారిని అణగదొక్కుతున్నారని మండిపడ్డారు. 
 

20:29 - July 8, 2018

విశాఖ : ఉత్తరాంధ్రలో జనసేనాని పవన్ కళ్యాణ్ పర్యటన ముగిసింది. ఉత్తరాంధ్రలో ఉన్న రాజకీయ నాయకులు ఉత్తరాంధ్రకు తీవ్ర అన్యాయం చేసారని జనసేన అధినేత పవన్‌ కల్యాణ్‌ అన్నారు. ఈమేరకు ఆయనతో 10టివి ఫేట్ టు ఫేస్‌ నిర్వహించింది. ఉత్తరాంధ్ర వెనుబడిన ప్రాంతం కాదని కేవలం రాజాకీయ నాయకులు స్వార్ధంతో వెనుకబడిపోయిందన్నారు. ఉత్తరాంధ్ర అభివృద్ధి, వలసలు, కాలుష్యంపై జనసేన పోరాటం చేస్తుందని చెప్పారు. 

 

21:27 - July 7, 2018

విశాఖ : వచ్చే ఎన్నికల్లో తాను అధికారంలోకి రాకపోయినా... టీడీపీ దోపిడీపై పోరాడుతానని స్పష్టం చేశారు జనసేనాని. ఉత్తరాంధ్ర పోరాటయాత్ర ముగింపు సందర్భంగా టీడీపీ పాలనపై విరుచుకుపడ్డారు. ఉత్తరాంధ్ర అభివృద్ధిని గాలికొదిలేసిన సర్కార్‌... గిరిజన, దళితుల భూములను విచ్చలవిడిగా లాక్కుంటుందన్నారు. టీడీపీ దోపిడీకి అడ్డుకట్ట వేయడానికి కార్యకర్తలంతా పోరాడాలని జనసేనాని పిలుపునిచ్చారు. 

జనసేన అధినేత పవన్‌కల్యాణ్‌ పోరాటయాత్ర ముగింపు సందర్బంగా విశాఖ ఆర్కే బీచ్‌లో నిరసన కవాతు నిర్వహించారు. ఈ కవాతులో అభిమానులు, కార్యకర్తలు భారీగా పాల్గొన్నారు. ప్రత్యేక హోదా, విభజన హామీలపై కేంద్ర, రాష్ట్ర ప్రభుత్వాల తీరును నిరసిస్తూ ఈ కవాతు కొనసాగింది. ప్రజా సమస్యలపై గళమెత్తడంతోపాటు ప్రభుత్వ వైఫల్యాలను ఎండగట్టారు పవన్‌కల్యాణ్‌. రాష్ట్రంలో టీడీపీ దోపిడీ పెరిగిపోయిందన్నారు. కష్టాల్లో ఉన్న రాష్ట్రం అభివృద్ది చెందాలంటే అనుభవం ఉన్న నేత కావాలని చంద్రబాబుకు మద్దతిస్తే.. అధికారంలోకి వచ్చిన తర్వాత విపరీతంగా అవినీతికి పాల్పడుతున్నారన్నారు. ఎలాంటి ప్రయోజనం లేకపోతే చంద్రబాబు ఏ పని చేయరని పవన్‌కల్యాణ్‌ విమర్శించారు. తమ ప్రయోజనాల కోసం ఉత్తరాంధ్ర అడ్డంగా దోచేస్తున్నారన్నారు. గత ఎన్నికల్లో టీడీపీ అధికారంలోకి రావడానికి తన మద్దతు ఎంత ఉపయోగపడిందో... వచ్చే ఎన్నికల్లో అంతే బలమైన ప్రత్యర్ధిని అని పవన్‌కల్యాణ్‌ స్పష్టం చేశారు. 

విశాఖ రైల్వే జోన్‌ కోసం ముఖ్యమంత్రి చంద్రబాబు నాయుడు రాజీనామా చేసి ఉద్యమంలో పాల్గొనాలని జనసేన అధినేత పవన్ కల్యాణ్‌ పిలుపునిచ్చారు. నలుగురు తలుచుకుంటే... విశాఖ రైల్వేజోన్‌ సాధ్యమన్నారు. చంద్రబాబు, లోకేశ్‌, జగన్‌తో కలిసి రైళ్లను స్తంభింపజేసేందుకు తాను సిద్ధమని.. వాళ్లు సిద్దమా ? అని సవాల్‌ విసిరారు. చంద్రబాబుకు ప్రధాని మోదీ అంటే భయమని.. అందుకే ప్రత్యేకహోదాపై గట్టిగా పోరాటం చేయడం లేదన్నారు. 

తనకు డబ్బుపై ఆశలేదని... స్వచ్చమైన రాజకీయాలు చేసేందుకు సిద్దంగా ఉన్నానన్నారు పవన్‌కల్యాణ్‌. ప్రజల కష్టాలు ప్రత్యక్షంగా చూశానని.. ఎన్నికల్లో గెలవకపోయినా... ప్రభుత్వ దోపిడీలపై పోరాడుతానన్నారు. చంద్రబాబు దళిత తేజం అని చెప్పి.. దళితుల భూములనే లాక్కుంటున్నారన్నారు. టీడీపీ నేతల అవినీతి, అక్రమాలపై జనసేన సైనికుల్లా పోరాడుతుందన్నారు జనసేనాని.  ఉత్తరాంధ్ర పర్యటనలో టీడీపీపై విమర్శలు చేస్తున్న పవన్‌కల్యాణ్‌... పోరాటయాత్ర ముగింపు యాత్రలో స్వరం పెంచారు. టీడీపీ దోపిడీకి ప్రజలంతా అడ్డుకట్ట వేయాల్సిన అవసరముందని ఈ సందర్భంగా పవన్‌కల్యాణ్‌ స్పష్టం చేశారు. 

20:26 - July 7, 2018

విశాఖ : టీడీపీపై జనసేనాని పవన్ కళ్యాణ్ ఫైర్ అయ్యారు. విశాఖ రైల్వేజోన్ కోసం తాను దేనికైనా సిద్ధమని అని అన్నారు. రైళ్లను అడ్డుకుంటే రైల్వే జోన్ ఖచ్చితంగా వస్తుందని చెప్పారు. 'రైళ్లను అడ్డుకునేందుకు నేను సిద్ధం... చంద్రబాబు, లోకేష్, జగన్ లు సిద్ధమా' అని పవన్ అన్నారు. విశాఖ రైల్వేజోన్ అంటే టీడీపీ నేతలకు నవ్వులాటగా ఉందని చెప్పారు. ఉత్తరాంధ్ర అభివృద్ధిని ప్రభుత్వం పట్టించుకోవడం లేదని విమర్శించారు. రాష్ట్రంలో టీడీపీ దోపిడీ పెరిగిందన్నారు. 

 

19:32 - July 7, 2018

విశాఖ : 'నన్ను చాలా మంది బెదిరించారు' అని జనసేనాని పవన్ కళ్యాణ్ అన్నారు. కారు యాక్సిడెంట్ చేస్తామని, కారులో బాంబు పెడతామని బెదిరించారని పేర్కొన్నారు. తనకు చాలా తెగింపు ఉందని..ఎవరికీ భయపడనని స్పష్టం చేశారు. సమస్యల పరిష్కారానికి, మంచి పరిపాలన కోసం ప్రాణ త్యాగాలు చేయాల్సిన అవసరం లేదని...ఓటు రిజిస్టర్ చేసుకోండి...ఓటు వేయండి అని సూచించారు. నిరుద్యోగ యువత బాధలు చూడాలని ప్రభుత్వానికి విజ్ఞప్తి చేశారు. జీవితంలో తనకు ఏ కోరికలు, ఆశలు లేవన్నారు. మా అన్నయ్య చిరంజీవి అంటే నాకు గురువు, దైవం అని అభివర్ణించారు. మా అన్నయ్యను కాదని టీడీపీకి మద్దుతు ఇచ్చానని తెలిపారు. తాను ఎంత అండగా ఉన్నానో....అంతబలంగా ఢీకొట్టే వ్యక్తిని అని పేర్కొన్నారు. 'నేను మీ ఇంట్లో ఒకడినని.. మీరంతా నా వాళ్లు అని అన్నారు. దోపిడీకి తాను వ్యతిరేకమని చెప్పారు. తాను మీకు అండగా ఉంటానని..అన్ని సమస్యలను పార్టీ మ్యానిఫెస్టోలో పెడతానని పేర్కొన్నారు. 

Pages

Don't Miss

Subscribe to RSS - పవన్ కళ్యాణ్