పవన్ కళ్యాణ్

12:28 - November 21, 2017

తమ సినిమాల్లో హీరోలు పాట పడడం ఇప్పుడు కామన్ గా మారింది. అయితే ఇప్పుడు పెద్ద హీరోలు సైతం పాటలు పాడుతున్నారు. పైసా వసూల్ లో బాలకృష్ణ తన గాత్రంతో అభిమానులను అలరించాడు. అలాగే జూనీయర్ ఎన్టీఆర్, పవన్ కళ్యాణ్, నాగర్జున ఇలా చాల మంది తమ గొంతుతో ప్రేక్షకులను అలరించారు.

పవన్ కళ్యాణ్ ఇదివరకు చాలాసార్లు చిన్న చిన్న బిట్ సాంగ్ లు మాత్రమే పాడారు. కానీ అత్తరింటి దారేది సినిమాలో కాటమరాయుడా తో అభిమానులను ఉర్రుతలుగించారు. ప్రస్తుతం త్రివిక్రమ్, పవన్ కాంబినేషన్ లో మరో సినిమా వస్తోంది. ఈ చిత్రంలో పవన్ మరోసారి గొంతు పని చెప్పనున్నట్టు తెలుస్తోంది. పవన్ 'కొడక కోటేశ్వరరావా' అంటూ రిలిక్ తో మొదలైయ్యో పాట పాడునున్నట్టు సమాచారం.

13:24 - November 11, 2017

విజయవాడ : యువతను..మేధావులను పార్టీల్లో భాగస్వామ్యం చేస్తున్నట్లు, త్వరలోనే పవన్ కళ్యాణ్ జిల్లాల పర్యటన ఉంటుందని జనసేన మీడియా హెడ్ హరిప్రసాద్ పేర్కొన్నారు. విజయవాడ పార్లమెంటర్ నియోజకవర్గంలో నిర్వాహకుల ఎంపిక చేపడుతున్నారు. ఈసందర్భంగా పార్టీ నిర్మాణం..తదితర వివరాలను హరి ప్రసాద్ టెన్ టివికి తెలియచేశారు. పార్టీ నిర్మాణంకంటూ ఒక పట్టు ఉందని..పార్టీ అధ్యక్షుడు బ్లూ ప్రింట్ రూపొందించారని తెలిపారు. స్పీకర్..కంటెంట్ రైటర్లు..అనలిస్టుల ఎంపిక చేయడం జరుగుతోందని..పార్లమెంటరీ నియోజకవర్గంలో సేవ చేయడానికి

పార్టీ విధి విధానాలు అమలు చేయాల్సి ఉంటుందన్నారు. తెలుగు రాష్ట్రాల్లో 42 పార్లమెంట్ నియోజకవర్గంలో 800 మందిని ఎంపిక చేయాలని లక్ష్యంగా పెట్టుకున్నట్లు పేర్కొన్నారు. వీరికి డిసెంబర్ నెలలో హైదరాబాద్ లో ఒక శిక్షణ కార్యక్రమం ఉంటుందని..ఈ కార్యక్రమాన్ని పవన్ కళ్యాణ్ ప్రారంభించి దశ..దిశా నిర్దేశం చేస్తారన్నారు. ఇక త్వరలోనే పవన్ జిల్లాలో పర్యటిస్తారని పేర్కొన్నారు. 

11:58 - November 9, 2017

స్టార్ హీరోలు సినిమాలు మొదలు పెట్టారు. షూటింగ్ జరుగుతుంది అని అప్ డేట్స్ ఇస్తున్నారు అలానే ఇప్పుడు ట్రైలర్స్ టీజర్స్ విషయంలో కాంపిటీషన్ కూడా చూపుతున్నారు. సోషల్ మీడియా లో వస్తున్న రెస్పాన్స్ కి ఫిదా అవుతున్నారు. త్రివిక్రమ్ సినిమా అంటే అన్ని వర్గాల ఆడియన్స్ థియేటర్ కి రెడీ అయిపోతారు. ఆల్రెడీ పవన్ కళ్యాణ్ తో అత్తారింటికి దారేది సినిమా తో హిట్ కొట్టిన త్రివిక్రమ్ శ్రీనివాస్ ఇప్పుడు మళ్ళీ పవన్ తో సినిమా చేస్తూ ఎక్స్ పెక్టషన్స్ పెంచుతున్నాడు. పవన్ కళ్యాణ్ కూడా తన ప్రీవియస్ ఫిలిం 'సర్దార్ గబ్బర్ సింగ్‘, 'కాటంరాయుడు'తో అభిమానులను ఆశించిన స్థాయిలో మెప్పించకపోవడంతో ఇప్పుడు త్రివిక్రమ్ పవన్ కాంబినేషన్ లో వస్తున్న సినిమా ఇంట్రస్ట్ ని పెంచింది. పవన్ త్రివిక్రమ్ సినిమా అంటే ఒక క్రేజ్ మాత్రమే కాదు పీక్స్ లో ఉన్న క్రేజ్ అని నిరూపించారు ఫాన్స్. ఈ చిత్రానికి ప్రస్తుతానికి అజ్ఞాతవాసి టైటిల్ ను పరిశీలిస్తున్నారు. మ్యూజిక్ డైరెక్టర్ అనిరుధ్ రవిచందర్ ఈ సినిమా కోసం ట్యూన్ చేసి బయటకొచ్చి చూస్తే పాటను బయటకొదిలాడు. ఈ పాట పవన్ అభిమానులను విపరీతంగా ఆకట్టుకుంది. కేవలం 10 గంటల వ్యవధిలోనే 1 మిలియన్ హిట్స్ వచ్చాయంటే అభిమానులు ఎంత ఆసక్తిగా విన్నారో అర్ధమైపోతుంది.

'ధ్రువ' సినిమా 'రామ్ చరణ్' ని మార్చేసింది అని చెప్పాలి. రామ్ చరణ్ లుక్ తో పాటు యాక్టింగ్ లో కూడా డిఫెరెంట్ చూపిస్తూ తన కెరీర్ ని పక్క ప్లానింగ్ లో పెట్టుకున్నాడు. తనలో యాక్టింగ్ స్కిల్స్ ని చూపించే మంచి అవకాశాన్ని ధ్రువ సినిమా ద్వారా యూస్ చేసుకున్నాడు. రామ్ చరణ్-సుకుమార్ క్రేజీ కాంబినేషన్లో తెరకెక్కుతున్న సినిమా ‘రంగస్థలం 1985’.రంగస్థలం మూవీ కాన్సెప్ట్ ను రివీల్ చేయకుండానే.. అద్భుతమైన టీజర్ ఇవ్వాలని.. ఆ తర్వాతే థియేట్రికల్ బిజినెస్ ను స్టార్ట్ చేయాలని చూస్తున్నాడట సుకుమార్.

ఇదే కోవలో ఆడియన్స్ లో ఇంట్రెస్ట్ పెంచుతున్నారు బన్నీ అండ్ మహేష్ బాబు. డి జె సినిమా తో కొంచెం వెనుకబడిన అల్లు అర్జున్ నా పేరు సూర్య సినిమాని చాల ప్రెస్టీజియస్ గా తీసుకున్నాడు. ఈ సినిమా ఫస్ట్ లుక్ విషయంలో చాల కేర్ తీసుకుంటున్నాడట. అలానే మహేష్ బాబు కూడా స్పైడర్ సినిమా టాక్ తో కొంచెం అలెర్ట్ అయ్యి కొరటాల శివ సినిమా విషయంలో ఫస్ట్ లుక్ నుండే జాగర్త పడుతున్నాడట. స్పైడర్ సినిమా లో మహేష్ నటనకి మంచి మార్క్స్ పడ్డాయి.

08:59 - November 8, 2017

‘పవర్ స్టార్' పవన్ కళ్యాణ్...త్రివిక్రమ్ శ్రీనివాస్ కాంబినేషన్ లో రూపొందుతున్న సినిమా షూటింగ్ శరవేగంగా కొనసాగుతోంది. పవన్ సరసన క్తీరి సురేష్..అనూ ఇమ్మాన్యుయేల్ హీరోయిన్లుగా నటిస్తున్న సంగతి తెలిసిందే. ఈ సినిమాకు 'అజ్ఞాత వాసి' టైటిల్ పెట్టిన ప్రచారం జరుగుతోంది. చిత్రంలో 'పవన్' ఇంజినీరింగ్ కనిపించనన్నట్లు టాక్.

ఇదిలా ఉంటే ఈ సినిమాకు సంబంధించిన ఫస్ట్ లుక్..టీజర్ ఇంకా విడుదల కాకపోతుండడంతో పవన్ అభిమానులు కొంత నిరుత్సాహంగా ఉన్నారంట. ఇటీవలే ఈ సినిమాకు సంబంధించిన సాంగ్ కంపోజింగ్ వీడియోను చిత్ర బృందం విడుదల చేసింది. తివిక్రమ్ పుట్టిన రోజు సందర్భంగా 'బయటకొచ్చి చూస్తే టైమేమో త్రీయో క్లాక్‌...అనే పల్లవితో సాగే గీతాన్ని పూర్తిగా విడుదల చేశారు. ఈ పాట వీడియోను కార్టూన్‌ లిరిక్స్‌తో డిజైన్‌ చేసి అభిమానుల ముందు ఉంచారు. 2018 జనవరిలో ఈ చిత్రాన్ని విడుదల చేసేందుకు సన్నాహాలు చేస్తున్నారు.

17:54 - October 25, 2017

టెన్ టివి సినిమా : పవన్ కళ్యాణ్ తో మల్టీస్టార్ మూవీ చేయడానికి సిద్ధమని ప్రముఖ హీరో రవితేజ హింట్ ఇచ్చారు. బుల్లితెర పై ప్రసారమౌతున్న ఓ షోలో పాల్గొన్న ఆయన ఈ విషయం తెలిపారు. రాజ ది గ్రేట్ ప్రమోషన్ కోసం ఈ కార్యక్రమంలో పాల్గొన్న రవి తేజను యాంకర్ ఇండస్ట్రీలో ఉన్న ఏ హీరోతో మీరు మల్టీస్టార్ సినిమా చేస్తారు అని అడగగా ప్రతి హీరోతో చేస్తానని రవితేజ చెప్పాడు.

ఇప్పటికిప్పుడు ఏ హీరోతో చేలంటే ఎవరితో చేస్తారు అని యాంకర్ మళ్లీ అడిగింది. పవన్ కళ్యాణ్ అని ఒక సెకన్ కూడా అగకుండా రవితేజ సమాధానం ఇచ్చాడు. దీంతో ఆ షోకు వచ్చిన అడియన్స్ చప్పట్లతో మ్రోగిపోయాయి.

 

19:37 - October 22, 2017

హైదరాబాద్ : కొన్ని రోజులుగా సినిమా షూటింగ్ తో బిజీగా ఉన్న నటుడు పవన్ కళ్యాణ్ తాను స్థాపించిన 'జనసేన' పార్టీపై ఫోకస్ సారించారు. శనివారం ఆ పార్టీకి చెందిన ముఖ్య నేతలతో పవన్ భేటీ కావడం ప్రాధాన్యత సంతరించుకుంది. ఇవాళ జరిగిన సమావేశంలో వచ్చే 6నెలల్లో పార్టీ పరంగా చేపట్టబోయే ముఖ్య కార్యక్రమాలపై జనసేన నేతలతో పవన్ చర్చించారు. పార్టీ సభ్యత్వ నమోదు, ప్లీనరీ సమావేశాలు, పవన్ జిల్లాల పర్యటనపై నిర్ణయాలు తీసుకున్నారు. ప్లీనరీ ఎక్కడ నిర్వహించాలనే అంశంపై పవన్‌కు పార్టీ నేతలు.. పలు ప్రతిపాదనలు చేశారు.

మొదటిసారి జనసేన పార్టీకి సంబంధించి పవన్ ఈ కీలక సమావేశం నిర్వహించినట్లు చెప్పవచ్చు. త్వరలోనే తాను తెలుగు రాష్ట్రాల్లో పర్యటిస్తానని పవన్ ఇటీవలే ప్రకటించిన సంగతి తెలిసిందే. అక్టోబర్ చివరి వారంలో విధి విధానాలు ఖరారు చేస్తామని.. అనంతరం ప్రజల ముందుకు వెళ్లి సమస్యలు తెలుసుకుంటానని పవన్ పేర్కొన్నారు. అనంతరం ఒక్కోక్కటిగా పనులు చేసుకుంటూ వస్తున్నారు. ఇప్పటికే మూడు విభాగాలుగా జనసేన సైనికులను ఎంపిక చేశారు. మరి రానున్న రోజుల్లో పవన్ ఎలాంటి నిర్ణయాలు తీసుకుంటారో వేచి చూడాలి. 

07:59 - October 16, 2017

పశ్చిమగోదావరి : జిల్లా రాజకీయాల్లోకి జనసేన పార్టీ ఎంటరైంది. మెల్లమెల్లగా జనసేన తన సైన్యాన్ని పెంచుకుంటోంది. ఈ మధ్య జరిగిన జనసైనికుల ఎంపికకు రెట్టింపు సంఖ్యలో కార్యకర్తలు హాజరయ్యారు. ఏపీలోని ఇతర జిల్లాలో జనసేన పార్టీ పరిస్థితి ఎలా ఉన్నా..... పవన్‌ సొంత జిల్లా.. కాపు సామాజిక వర్గం ఎక్కువగా ఉన్న పశ్చిమ గోదావరి జిల్లాపై మాత్రం పట్టుబిగించబోతోందనేది రాజకీయ నాయకుల విశ్లేషణ. ఇప్పటికే రాష్ట్రంలో మిత్రపక్షాలైన టీడీపీ, బీజేపీపై వ్యతిరేకత బహిరంగంగానే వ్యక్తమవుతోంది. దీన్ని అదనుగా భావించి జనసేన పార్టీ విస్తరణకు పావులు కదుపుతోంది. జనసేనాని పవన్‌ కల్యాణ్‌ ప్రజా సమస్యలపై స్పందించే తీరుతో ప్రజల్లో కొంతమేర సానుకూలత వ్యక్తమవుతోంది. యువతీయువకులు పవన్‌ ఆలోచనలకు ఆకర్షితులవుతున్నారు.

చాపకింద నీరులా జనసేన పార్టీ
జనసేన పార్టీ చాపకింద నీరులా వేగంగా జిల్లాలో విస్తరిస్తుండడం అధికారపార్టీకి మింగుడుపడడం లేదు. దీంతో టీడీపీ నేతలు జనసేనాని పవన్‌ కల్యాణ్‌పై నేరుగా విమర్శనాస్త్రాలు సంధిస్తున్నారు. జిల్లాకు చెందిన మంత్రి పితాని సత్యనారాయణ... పవన్‌ కల్యాణ్‌ పార్టీకి అసలు జెండా, అజెండా కూడా లేదని ఘాటుగా విమర్శించారు. గతంలో ఈ జిల్లాలోనే కేంద్రమంత్రి అశోక్‌గజపతిరాజు పర్యటన సందర్భంగా పవన్‌ అంటే తనకు ఎవరో తెలియదంటూ వ్యాఖ్యనించారు. దీంతో అధికారపార్టీ నేతల తీరుపై జనసేన కార్యకర్తలు ఫైర్‌ అయ్యారు. తమ పార్టీ ఎదుగుదలను చూసి ఓర్వలేకే పవన్‌పైనా.. తమపైనా విమర్శలకు దిగుతున్నారని జనసేన కార్యకర్తలు ఆరోపిస్తున్నారు. ఇన్నాళ్లూ ప్రభుత్వంతో స్నేహంగా ఉంటూవస్తోన్న పవన్‌... 2019 ఎన్నికల్లో పోటీ చేస్తామని ప్రకటించారు. దీంతో జనసేన మిత్రపక్షంకాదు... శత్రుపక్షం అని భావించి పవన్‌పై విమర్శలు సంధిస్తున్నారు. మొత్తానికి పశ్చిమలో జనసేన హోరు మొదలవ్వడంతో అధికారపార్టీ విమర్శలదాడికి దిగుతోంది.

12:28 - October 8, 2017

మెగా పవర్ స్టార్ 'పవన్ కళ్యాణ్' న్యూ ఫిల్మ్ టైటిల్ ఏంటీ ? టీజర్ ఎప్పుడు రిలీజ్ చూస్తారు ? పవన్ న్యూ లుక్ ఎలా ఉండబోతోంది ? తదితర విషయాలపై అభిమానుల్లో ఉత్కంఠ పెరుగుతోంది. కానీ 'పవన్' నటిస్తున్న తాజా చిత్రంపై మాత్రం ఎలాంటి విషయాలు బయటకు రావడం లేదు. సోషల్ మాద్యమాల్లో మాత్రం తెగ వార్తలు వస్తున్నాయి.

పవర్ స్టార్ 'పవన్ కళ్యాణ్'...మాటల మాంత్రికుడు 'త్రివిక్రమ్ శ్రీనివాస్' కాంబినేషన్ లో ఓ చిత్రం రూపుదిద్దుకుంటున్న సంగతి తెలిసిందే. చాలా రోజులుగా ఈ చిత్రం షూటింగ్ జరుపుకొంటోంది. కానీ సినిమాకు సంబంధించిన లుక్స్..టీజర్స్..ఏవీ విడుదల చేయడం లేదు. దీనితో అభిమానులు కొంత నిరుత్సాహంగా ఉన్నారని భావించిన చిత్ర బృందం ఇటీవలే ఓ మ్యూజిక్ సాంగ్ కంపోజింగ్ కు సంబంధించిన వీడియోను విడుదల చేశారు.

ఇదిలా ఉంటే ఇంత వరకు ఈ సినిమా టైటిల్ ను మాత్రం ఎనౌన్స్ చేయలేదు. సినిమా టైటిల్స్ విషయంలో చిత్ర బృందం తర్జన భర్జన పడుతున్నట్లు టాక్. మొదటగా 'ఇంజినీర్ బాబు' అని...తరువాత 'దేవుడే దిగి వచ్చినా'..'గోకుల కృష్ణుడు' తదితర పేర్లు వినిపించాయి. చివరగా ఈ సినిమా టైటిల్ 'అజ్ఞాత వాసి' అన్న ప్రచారం జరిగింది. అయితే వీటిలో ఏ టైటిల్ ను చిత్రయూనిట్ అధికారికంగా ప్రకటించలేదు. కానీ చిత్ర యూనిట్ ఏదీ నిర్ణయించకపోయినా సినిమా టైటిల్ మాత్రం 'అజ్ఞాత వాసి' అని ఫిక్స్ చేస్తారని ఫ్యాన్స్ అనుకుంటున్నారంట. దీపావళి సందర్భంగా ఫస్ట్ లుక్ తో పాటు టైటిల్ లోగోను రివీల్ చేసే అవకాశం ఉందని ప్రచారం జరుగుతోంది. 2018 జనవరి 10న విడుదల చేయాలని భావిస్తున్నారు. 

19:04 - October 6, 2017

విజయవాడ : నేనెవరో తెలీదు....నేనేంటో తెలీదు....సంతోషం అంటూ టీడీపీ నేతలపై జనసేనాని పవన్‌ కల్యాణ్‌ చేసిన ట్వీట్‌ ఏపీ రాజకీయాల్లో హాట్‌ టాపిక్‌గా మారింది. అయితే పవన్‌ చేసిన ట్వీట్‌లో పెద్ద అర్థమే ఉన్నట్లు తెలుస్తోంది. అసలు పవన్‌ ఇప్పుడు ఈ ట్వీట్‌ ఎందుకు చేశారు.? ఇప్పుడిదే టీడీపీ శ్రేణుల్లో హాట్‌ టాపిక్‌గా మారింది. పవన్‌ చేసిన ఈ ట్వీట్‌ ఇప్పుడు ఏపీ రాజకీయాల్లో చర్చనీయాంశంగా మారింది. ఈ ట్వీట్‌ జనసేనకు టీడీపీకి మధ్య దూరం పెరిగిందనే చెప్పుకోవచ్చు. గతంలో జరిగిన ఎన్నికల్లో పవన్‌ పోటీ చేయకుండా టీడీపీ తరపున ఎన్నికల ప్రచారం చేశారు. గెలుపునకు పవన్‌ తనవంతు సహకారం అందించారు. ముఖ్యంగా ఉభయగోదావరి జిల్లాలో టీడీపీకి అత్యధిక మెజారిటీ రావడానికి పవనే కారణమని అప్పట్లో టీడీపీ ముఖ్యనేతలే అంగీకరించారు. అయితే ఎన్నికల తర్వాత ఈ రెండు పార్టీల మధ్య దూరం పెరుగుతూ వస్తోంది.

టీడీపీ ప్రభుత్వం తీసుకుంటున్న ప్రజా వ్యతిరేక నిర్ణయాలను పవన్‌ వ్యతిరేకిస్తూ వస్తున్నారు. రాజధాని భూములు, అగ్రిగోల్డ్‌ వ్యవహారం, ఆక్వా మెగా పార్క్‌తో పాటు మరికొన్ని విషయాల్లో పవన్‌ టీడీపీ విధానాన్ని తీవ్రంగా ఖండించారు. ప్రత్యేక హోదా విషయంలో కూడా టీడీపీ ఎంపీల వ్యవహార శైలిపై పవన్‌ తీవ్ర స్థాయిలో విరుచుకుపడ్డారు. ప్రత్యేక హోదా కోసం టీడీపీ ఎంపీల కంటే వైసీపీ ఎంపీలే పార్లమెంట్‌లో గట్టిపోరాటం చేస్తున్నారని పవన్‌ అభిప్రాయపడ్డారు.

ప్రజా సమస్యలు, ప్రజావ్యతిరేక విధానాలపై టీడీపీ ప్రభుత్వ తీరును పవన్‌ ప్రశ్నించడంపై టీడీపీ నేతలు విరుచుకు పడుతున్నారు. దీంతో సందర్భం దొరికితే చాలు టీడీపీ నేతలు పవన్‌పై వ్యాఖ్యలు చేస్తూ వస్తున్నారు. ఈ క్రమంలోనే పవన్‌ ఎవరో తెలీదు అని ఎంపీ అశోక్‌ గజపతిరాజు అన్నారు. గతంలో టీడీపీ ఎమ్మెల్యే చింతమనేని ప్రభాకర్‌ కూడా పవన్‌ అవసరం మాకు లేదు, ఆయన ఎవరు అని వ్యాఖ్యానించారు. ప్రత్యేక హోదా విషయంలోనూ టీడీపీ నేతలు పవన్‌పై అనేక వ్యాఖ్యలు చేశారు. ఇప్పుడు తాజాగా మంత్రి పితాని పవన్‌పై ఘాటువ్యాఖ్యలే చేశారు.

అయితే టీడీపీ నేతలు చేసిన వ్యాఖ్యలపై జనసేనాని సీరియస్‌గా ఉన్నట్లు తెలుస్తోంది. ఎన్నికల్లో తన సహయం పొందిన వారే తనపై, తన పార్టీపై చులకనగా వ్యాఖ్యలు చేయడంపై పవన్‌ మండిపడుతున్నట్లు సమాచారం. దీనికి నిదర్శనమే పవన్‌ చేసిన ట్వీట్‌. గజపతిరాజుకి నేనెవరో తెలీదు, పితానికి నేనేంటో తెలీదు.. సంతోషం అని పవన్‌ ట్వీట్‌ చేశారు. అయితే పవన్‌ ట్వీట్‌ వెనుక పెద్ద అర్థమే ఉందంటున్నారు పవన్‌ సన్నిహితులు. వచ్చే ఎన్నికల్లో పవన్‌ ఒంటరిగానే బరిలోకి దిగాలని భావిస్తున్నారు. ఇదే విషయాన్ని ఆయన అనేక సందర్భాల్లో ప్రకటించారు. ప్రజాసమస్యల పరిష్కారం కోసం మాత్రమే పవన్‌, సీఎం చంద్రబాబును కలవాల్సి వస్తుందని సన్నిహితులు తెలిపారు. అయితే వచ్చే ఎన్నికల్లో టీడీపీతో కలిసి పని చేసే ఆసక్తి పవన్‌కు లేదని చెబుతున్నారు. దీంతో వచ్చే ఎన్నికల్లో టీడీపీతో బంధం తెంచుకోవాలని పవన్‌ అభిప్రాయానికి వచ్చినట్లు తెలుస్తుంది. మొత్తానికి టీడీపీతో సంబంధాలు నిలిపివేయాలనే ఆలోచనలో పవన్‌ ఉన్నట్లు తెలుస్తోంది. అందుకోసం ఇప్పటికే పార్టీ నిర్మాణ కార్యక్రమాలపై దృష్టి పెట్టిన పవన్‌ త్వరలోనే ప్రజల్లోకి వెల్లేందుకు ఏర్పాట్లు చేస్తున్నారు. మరి టీడీపీ నేతలపై పవన్‌ చేసిన ట్వీట్‌ పై టీడీపీ నుంచి ఎలాంటి స్పందన వస్తుందో వేచి చూడాలి. 

12:57 - October 6, 2017

హైదరాబాద్ : టీడీపీ నేతలపై జనసేన అధినేత పవన్ కళ్యాణ్ ఫైర్ అయ్యారు. మంత్రి పితాని సత్యనారాయణ వ్యాఖ్యలపై జనసేన అధినేత పవన్ కళ్యాణ్ కౌంటర్ ఇచ్చారు. మంత్రి పితానికి పవన్ ఏంటో తెలియదు అనడం సంతోషమని పవన్ ట్వీట్ చేశారు. అశోక్ గజపతిరాజుకు పవన్ కళ్యాణ్ ఎవరో తెలియదని పవన్ ట్వీట్ చేశారు. మరిన్ని వివరాలను వీడియోలో చూద్దాం...

Pages

Don't Miss

Subscribe to RSS - పవన్ కళ్యాణ్