పవన్ కళ్యాణ్

16:30 - September 23, 2018

నెల్లూరు : పదవి అనేది బాధ్యత...పోరాటం చేయాలని..పోరాటం చేయకుండానే సీఎం పదవి రాదని జనసేన అధినేత పవన్ కళ్యాణ్ పేర్కొన్నారు. జిల్లాలో చిన్నతనంలో పాఠాలు నేర్పించిన గురువులను ఆయన కలుసుకున్నారు. ఈ సందర్భంగా వారిని సన్మానించారు. ఈ సందర్భంగా పవన్ మాట్లాడారు. తనకు టీచర్లు నేర్పించిన పాఠాలు ప్రస్తుతం ఎంతగానే ఉపయోగపడుతున్నాయని, అందరికీ సంపూర్ణమైన విద్యను అందించేందుకు కృషి చేయాలన్నారు. విద్యా వ్యవస్థ...టీచర్ల గురించి జనసేన రూపొందించబోయే మేనిఫెస్టోలో ప్రస్తావిస్తానని..బలమైన విద్య ఏర్పడడానికి తనవంతు కృషి చేస్తానన్నారు. బడి పంతులు అనేది ఉన్నతమైన ఉపాధి అని, దానికి తగినట్టు పారితోషకం అందించేందుకు జనసేన పనిచేస్తుందన్నారు. 

సంవత్సరంలో రూ. 25 కోట్ల ట్యాక్్స కట్టే వ్యక్తిగా ఎదిగానని..ఇందుకు ఎంతగానే పని చేశానని..కృషి చేయడం జరిగిందన్నారు. తనకు ఇంత బలమైన అభిమానులు కలిగి ఉన్నా...సమాజంలో తప్పులు జరుగుతున్నా...మాట్లాడే శక్తి ఉన్నా ఎదుర్కొలేకపోతే తప్పుగా ఫీలవుతానని..అందుకే తాను రాజకీయాల్లోకి వచ్చానన్నారు. 

10:43 - September 22, 2018

హైదరాబాద్ : జ‌న‌సేన అదినేత ప‌వ‌న్ క‌ల్యాణ్ ప్రజాపోరాట యాత్రను తిరిగి ప్రారంభించ‌నున్నారు. ఇప్పటికే రెండు బ్రేక్ లు ఇచ్చిన ప‌వ‌న్ మూడో విడ‌త‌ తిరిగి ప్రారంభించేందుకు సిద్దమ‌య్యారు. ఈ నెల 25 నుండి మొదలు పెట్టేందుకు ఏర్పాట్లు చేస్తున్నారు. ఆదివారం నెల్లూరు రోట్టెల పండ‌గ‌లో పాల్గోననున్న ప‌వ‌న్ అక్కడ్నుండి నేరుగా ప‌శ్చిమ‌ గోదావ‌రి జిల్లా చేరుకుని యాత్రను ప్రారంభించ‌నున్నారు. 

ప్రజా సమస్యలపై నిరంతరం పోరాటం చేస్తానన్న జనసేన అధినేత పవన్‌ కళ్యాణ్‌ గత మేలో ప్రజా పోరాట యాత్రను ప్రారంభించారు. శ్రీకాకుళం జిల్లా ఇచ్చాపురంలో మొదలు పెట్టిన యాత్రను ఉత్తరాంద్ర మూడు జిల్లాలు పూర్తి చేశారు. అనుకున్న‌ట్లుగానే పవన్ పోరాట యాత్రకు ఉత్తరాంధ్ర నుండి మంచి స్పందన వచ్చింది.

మూడు జిల్లాల్లో దాదాపు 40 రోజుల పాటు యాత్ర నిర్వహించిన పవన్.. అన్ని నియోజకవర్గాలను టచ్ చేశారు. రోజుకి రెండు మూడు రోడ్ షోలతో కార్యకర్తల్లో ఉత్సాహం నింపారు. దీనితో పాటు అధికార ప్రతిపక్షాలపైనా ఘాటైన విమర్శలు గుప్పించారు. ముఖ్యంగా అధికార పార్టీ, ప్రభుత్వం టార్గెట్‌గా అయన యాత్ర సాగింది. ప్రభుత్వంలో తీవ్ర స్థాయిలో అవినీతి జరుగుతోందని విరుచుకుపడ్డారు. ప్రజల తరపున పోరాడటంలో ప్రతిపక్ష పార్టీ విఫలమైందని వైసీపీ పైనా ఆరోపణలు చేశారు. పోరాట యాత్రలో భాగంగా అనేక మందిని పార్టీలోకి అహ్వానించారు. 

అయితే రంజాన్ కారణంగా తొలుత జూన్ 15 నుండి పోరాట యాత్రకు బ్రేక్‌ ఇచ్చిన పవన్ నెల రోజులకు పైగా యాత్రను తిరిగి ప్రారంభించలేదు. తర్వాత యాత్రను ప్రారంభించి పశ్చిమ గోదావరి జిల్లాలో ప్రవేశించారు. ఇక్కడ 10 రోజులు పర్యటించిన ఆయన.. కంటి ఆపరేషన్ కారణంగా యాత్రకు మరోసారి బ్రేక్ ఇచ్చారు. ఆ తర్వాత నెల రోజులు దాటినా తిరిగి ప్రారంభించలేదు. తాజాగా ఈనెల 25న త‌న యాత్ర‌ను తిరిగి ప్రారంభిస్తున్నట్లు ప‌వ‌న్ ప్ర‌క‌టించారు. 23న నెల్లూరులో జ‌రుగుతున్న రోట్టెల పండుగ‌లో పాల్గొని.. అక్క‌డి నుండే నేరుగా ప‌శ్చిమ‌గోదావ‌రి జిల్లాకు చేరుకుంటారు. జిల్లాలో మిగిలిన ఏడు నియోజ‌క‌ర్గాల‌లో పర్యటిస్తారు. యాత్ర‌లో భాగంగా అయ‌న పోల‌వ‌రం ప్రాజెక్టును సంద‌ర్శిస్తారు. ప‌నులు జ‌రుగుతున్న తీరుని పరిశీలిస్తారు. దీనితో పాటు ముంపు మండ‌లాల‌లోనూ ప‌వ‌న్ పర్య‌టిస్తారు. ఇప్ప‌టి వ‌ర‌కూ ప్ర‌భుత్వం నుండి అందిన ప‌రిహారం, వారి సమ‌స్య‌ల‌పై నిర్వాసితుల‌తో స‌మావేశ‌మ‌వుతారు.

17:00 - September 21, 2018

హైదరాబాద్ : జనసేన అధినేత పవన్ కళ్యాణ్ మళ్లీ గర్జించనున్నారు. కేంద్ర, రాష్ట్ర ప్రభుత్వ విధానాలను ఎండగడుతూ ప్రజా సమస్యలను ప్రస్తావిస్తూ ఆయన పోరాట యాత్రను చేపట్టిన సంగతి తెలిసిందే. గత కొద్ది రోజులుగా ఆయన యాత్రకు దూరంగా ఉన్నారు. కంటి సమస్య...ఇతరత్రా కారణాలతో ఆయన యాత్ర చేపట్టలేదు. తాజాగా పవన్ పోరాట యాత్ర షెడ్యూల్ ఖరారైంది. 

ఈ నెల 25వ తేదీన పశ్చిమగోదావరి జిల్లాకు రానున్నారు. మిగిలిన 7 నియోజకవర్గాల్లో యాత్ర కొనసాగనుంది. అంతకంటే ముందు ఈనెల 23వ తేదీన నెల్లూరులో జరిగే రొట్టెల పండుగ వేడుకలో పాల్గొననున్నారు. 25వ తేదీన ఏలూరులో పర్యటన ప్రారంభం కానుంది. పోలవరం పనులను ఆయన పరిశీలించనున్నారు. అనంతరం ముంపు మండలాలకు వెళ్లి అక్కడ ప్రజలు ఎదుర్కొంటున్న సమస్యలపై ఆరా తీయనున్నారు. పోలవరం ప్రాజెక్టు నిర్వాసితులు, స్థానికులతో ఆయన మాట్లాడనున్నారు. అన్ని నియోజకవర్గాల సమస్యలపై సంబంధిత వర్గాలతో పవన్ చర్చించనున్నారు. 

20:08 - September 20, 2018

హైదరాబాద్ : జనసేన పార్టీలోకి చేరేందుకు పలు పార్టీల నేతలు..మేధావులు ఆసక్తి చూపుతున్నారు. ఈ నేపథ్యంలో హైదరాబాద్ లోని జనసేన పార్టీ కార్యాలయంలో జనసేనాని పవన్ కళ్యాణ్ తో టీటీడీ మాజీ ఛైర్మన్ చదలవాడ క‌ృష్ణమూర్తి కలిశారు. త్వరలోనే ఆయన జనసేనలో చేరనున్నట్లు తెలుస్తోంది. ఈ నేపథ్యంలోనే పవన్‌ను చదలవాడ కలిసినట్లుగా రాజకీయ వర్గాల సమాచారం.

 

11:20 - September 14, 2018

ఢిల్లీ : తనకు సినిమా అంటే ప్రాణం...కానీ ప్రస్తుతం ప్రజలకు సేవ చేయాలని అనిపించిందని..అందుకని కాంగ్రెస్ లో చేరానని సినీ నటుడు, నిర్మాత బండ్ల గణేష్ స్పష్టం చేశారు. తెలంగాణ రాష్ట్రంలో ముందస్తు ఎన్నికల నేపథ్యంలో ఆయా పార్టీల్లో వలసలు...చేరికలు జరుగుతున్నాయి. ప్రధానంగా కాంగ్రెస్, టీఆర్ఎస్ మధ్య వలసలు జోరందుకుంటున్నాయి. పలువురు టికెట్ లు ఆశిస్తూ ఆయా పార్టీలో చేరుతున్నారు. తాజాగా సిని నిర్మాత బండ్ల గణేష్, ఇతర నియోజకవర్గాలకు చెందిన నేతలు పార్టీ కండువాలు కప్పుకున్నారు. 

శుక్రవారం ఢిల్లీకి వచ్చిన బండ్ల గణేష్, ఇతర నేతలు ఏఐసీసీ అధ్యక్షుడు రాహుల్  సమక్షంలో పార్టీ కండువాలు కప్పుకున్నారు. అనంతరం బండ్ల గణేష్ మీడియాతో మాట్లాడారు. కాంగ్రెస్ అంటే త్యాగాల పార్టీ అని అభివర్ణించారు. తాను ఎప్పటి నుండో పార్టీ అభిమానినని పేర్కొన్నారు. సినిమాల్లో నటించడం...నిర్మించడం తాను చేయడం జరిగిందని, ప్రజలకు సేవ చేయాలన్న ఉద్దేశ్యంతో రాజకీయాల్లోకి రావడం జరిగిందన్నారు. అందుకని కాంగ్రెస్ పార్టీలో చేరినట్లు తెలిపారు. పవన్ తండ్రిలాంటి వారని..గురువు..కానీ కాంగ్రెస్ పార్టీ అంటే అభిమానమని పేర్కొన్నారు. జూబ్లిహిల్ నియోజకవర్గం నుండి టికెట్ పోటీ చేయనున్నారా ? అని మీడియా ప్రశ్నించగా పార్టీ ఎక్కడి నుండి పోటా చేయాలని ఆదేశిస్తే అక్కడి నుండి పోటీ చేస్తానని చెప్పారు. 

13:37 - September 4, 2018

విజయవాడ: అన్నా నా జీవితంలో నిన్ను చూడలేకపోయాను. నీవు నన్ను చూడటానికి రావాలి. నీ చేతుల మీదుగా నా అంత్యక్రియలు జరగాలి. నీవు వస్తావని అశిస్తూ.. నీ పిచ్చి అభిమాని.. అంటూ విజయవాడలో బాడీ బిల్డింగ్ షాపులో జిమ్ ట్రైనర్ గా పనిచేస్తున్న కొమరవల్లి అనీల్ కుమార్ అనే యువకుడు  ఆత్మహత్యకు పాల్పడ్డాడు. ఈ సంఘటన స్థానికులను తీవ్రంగా కలిచివేసింది. 
విజయవాడలో తల్ వాకర్స్ లో జిమ్ ట్రైనర్ గా అనిల్ కుమార్ పనిచేస్తున్నాడు. పవన్ కళ్యాణ్ కి అనిల్ కుమార్ వీరాభిమాని అని.. గత కొద్దిరోజులుగా అసంతృప్తిగా ఉంటున్నట్టు అనిల్ స్నేహితులు చెప్పారు. సోమవారం మధ్యాహ్నం మూడు గంటలకు ఈ ఆఘాయిత్యానికి పాల్పడ్డాడు.  తన మృతిని పవన్ కళ్యాణ్ దృష్టికి తీసుకొని వెళ్ళాలి అని లెటర్ లో అనిల్ కోరాడు. 
 నా అన్నయ్య నా కుటుంబ సభ్యుడైన పవన్ కళ్యాణ్ అన్నయ్య నా ఆత్మశాంతి కోసం నన్ను చూడటానికి రావాలి.  నీ చేతుల మీదగా నా అంత్యక్రియలు జరగాలి అని కోరాడు. నిన్ను బ్రతికివుండగా చూడలేకపోయాను. తప్పని పరిస్థితుల్లో చనిపోతున్నా. నీవు వస్తావని ఆశిస్తున్నా అంటూ నోట్ లో పేర్కొన్నాడు. 

17:26 - September 3, 2018

ప్రముఖ నటుడు..జనసేన పార్టీ అధినేత పవన్ కళ్యాణ్ తో కలిసి అక్కినేనివారి కోడలు సమంతా చేసిన అత్తారింటికి దారేది సినిమా సూపర్ డూపర్ హిట్ అయిన సంగతి తెలిసిందే. పవన్ తో కలిసి నటించి నటీనటులంతా పవన్ గురించి గొప్పగా చెబుతుంటారు. ఎందుకంటే అంత దగ్గరగా అతనితో కలిసి పనిచేసే సమయంలో అతని నిరాడంబరత..మంచితనం వంటి పలు కోణాలను గమనించే అవకాశం వుంటుంది.ఈ క్రమలో పవర్ స్టార్ పవన్ కళ్యాణ్ పుట్టిన రోజు సందర్భంగా అక్కినేని ఇంటి కోడలు, హీరోయిన్ సమంత ఓ ట్వీట్ చేసింది. ఇపుడు సోషల్ మీడియాలో వైరల్ గా మారింది.

సెప్టెంబర్ 2న పవన్ కళ్యాణ్ పుట్టిన రోజు అనే విషయం తెలిసిందే. ఈ సందర్భంగా పవన్ కు సమంతా విషెష్ చెప్పేందుకు ఓ ట్వీట్ పెట్టింది.అది కేవలం విషెష్ మాత్రమే కాదు..పవన్ గురించిన ఓ విలువైన విషయాలను కూడా యాడ్ చేసింది. పవన్‌కు ట్విట్టర్‌లో విషెస్ చెప్పిన ఆమె... 'పవన్ కల్యాణ్ నిస్వార్ధపరుడనీ, ఈ తరానికి రోల్ మోడల్' అంటూ ట్వీటింది. ప్రియమైన పవర్‌స్టార్‌కు పుట్టిన రోజు శుభాకాంక్షలు. నిస్వార్ధంగా ఉండటంలో ఈ తరానికి పవన్ ఓ ఉదాహరణ అని మిమ్మల్ని చూసి మేం గర్విస్తున్నాం' అంటూ ఆ ట్వీట్‌లో పేర్కొంది. కాగా కేరళలో వరదలతో కేరళ ప్రజలు పలు కష్టాల్లో వున్నాననీ..అందుకే తన పుట్టిన రోజు జరుపుకోవటంలేదనీ..అభిమానులు కూడా తన పుట్టిన రోజు వేడుకలకు సంబంధించిన నగదును కేరళ బాధితులకు విరాళంగా ఇవ్వాలని కోరిన విషయం తెలిసిందే.

08:37 - September 1, 2018

అమరావతి : రాష్ట్ర విభజన అనంతరం తీవ్రంగా నష్టపోయిన ఏపీకి ప్రత్యేక హోదా కావాలంటు రాష్ట్రం అంతా గగ్గోలు పెడుతున్నా..కేంద్రం ఏమాత్రం ఖాతరు చేయటంలేదు. ఏపీకి న్యాయం చేసేందుకు ముందుకు రావటంలేదు. ఈ నేపథ్యంలో ఏపీకి ప్రత్యేక హోదా కోసం పలు ఆత్మహత్యలు చేసుకునే సందర్భాలను కూడా మనం చూస్తున్నాం. ఈ నేపథ్యంలో ఏపీ ప్రత్యేక హోదా కోరుతూ విశాఖపట్నం జిల్లా కాగిత గ్రామానికి చెందిన యువకుడు దొడ్డి త్రినాథ్ ఆత్మహత్యకు పాల్పడ్డ సంఘటనపై జనసేన పార్టీ అధినేత పవన్ కల్యాణ్ విచారం వ్యక్తం చేశారు. ఈ ఘటనపై జనసేనాని పవన్ కళ్యాణ్ తీవ్ర ఆవేదన వ్యక్తంచేశారు. త్రినాథ్ బలవన్మరణం సంఘటన గురించి తెలియగానే మనసు వికలమైందని, హృదయాన్ని కలచి వేసిందని అన్నారు. అతన్ని కన్నవారికి ఎంతటి శోకాన్ని మిగులుస్తుందో అర్థం చేసుకోగలనని..ప్రాణత్యాగం చేసిన త్రినాథ్ ఆత్మకు శాంతి చేకూరాలని,. కడుపు కోతను దిగమింగుకొనే ధైర్యాన్ని కన్నవారికి భగవంతుడు ఇవ్వాలని కోరుకుంటున్నానని పవన్ పేర్కొన్నారు.

కాగా ప్రత్యేక హోదా సాధనలో పాలకులు అవలంబిస్తున్న నిర్లక్ష్య ధోరణి ప్రజల్లో... ముఖ్యంగా యువతలో అసహనాన్ని తీసుకువస్తుందని ముందు నుంచీ చెబుతూనే ఉన్నాను. స్వీయ రాజకీయ ప్రయోజనాలకే ప్రాధాన్యమిచ్చి హోదా, విభజన హామీల అమలును పట్టించుకోకపోవడం వల్లే ఇంతకు ముందు తిరుపతిలో ముని కోటి, ఇప్పుడు విశాఖ జిల్లాలో త్రినాథ్, ఒక చేనేత కార్మికుడు ప్రాణ త్యాగాలు చేసిన విషయం తెలిసిందే. ఇకనైనా పాలకులు ప్రత్యేక హోదా సాధించటంలో చిత్తశుద్దితో వ్యవహరించాల్సిన అవుసరం వుంది. ఈ నేపథ్యంలో యువకుల ప్రాణ త్యాగాలతోనైనా ప్రభుత్వాలు కళ్లు తెరిచి ఇచ్చిన హామీని నిలబెట్టుకోవాలి. ప్రత్యేక హోదా విషయంలో ఎవరు ఎన్ని మాటలు మార్చినా, సాధనలో విఫలమైనా మనందరం బలంగా ప్రజల ఆకాంక్షను వినిపిద్దాం. దయచేసి ఎవరూ బలి దానాలకు పాల్పడవద్దు. ఆంధ్రప్రదేశ్ కు హోదా దక్కే వరకూ పోరాడదాం’ అని ఆ ప్రకటనలో పవన్ కల్యాణ్ పిలుపు నిచ్చారు.

20:49 - August 23, 2018

హైదరాబాద్ : కొన్ని నెల‌లుగా కంటి స‌మ‌స్య‌తో ఇబ్బంది ప‌డుతున్న జ‌న‌సేన పార్టీ అధ్య‌క్షుడు ప‌వ‌న్ క‌ల్యాణ్ కి ఈరోజు మ‌రోసారి శస్త్ర చికిత్స జ‌రిగింది. హైద‌రాబాద్ లోని బంజారాహిల్స్ లోని ‘సెంట‌ర్ ఫ‌ర్ ఐ’ కంటి ఆస్ప‌త్రిలో ప‌వ‌న్ క‌ల్యాణ్ కంటికి శస్త్ర చికిత్స నిర్వహించినట్టు జనసేన మీడియా హెడ్ పి.హరిప్రసాద్ ఓ ప్రకటనలో తెలిపారు. పవన్ కల్యాణ్ కు డాక్ట‌ర్ సంతోష్ జి.హోనావ‌ర్ ఈ ఆప‌రేష‌న్ నిర్వ‌హించారని, డాక్ట‌ర్ జి.వి.ఎస్.ప్ర‌సాద్ ప‌ర్య‌వేక్షించారని తెలిపారు. గ‌త‌ నాలుగు నెలలుగా కంటి స‌మ‌స్య‌తో బాధ‌ప‌డుతున్న పవన్ కల్యాణ్ కు నెల రోజుల కింద‌ట ఓ ఆప‌రేష‌న్ నిర్వ‌హించారని, అయితే త‌గినంత విశ్రాంతి తీసుకోక‌పోవ‌డంతో కంటికి ఇన్ఫెక్షన్ సోకిందని అన్నారు. దీంతో, పవన్ కు మ‌రోసారి ఆప‌రేష‌న్ నిర్వహించారని, త‌గినంత విశ్రాంతి తీసుకోవాల‌ని ఆయనకు వైద్యులు సూచించినట్టు ఆ ప్రకటనలో పేర్కొన్నారు.

20:16 - August 22, 2018

హైదరాబాద్ : మెగాస్టార్‌ చిరంజీవికి జనసేన అధినేత పవన్‌కల్యాణ్‌ పుట్టినరోజు శుభాకాంక్షలు తెలిపారు. కుటుంబ సమేతంగా చిరంజీవి నివాసానికి వచ్చి పుష్పగుచ్చం అందజేసి శుభాకాంక్షలు తెలిపారు. పవన్‌తో ఆయన సతీమణి అన్నా లెజినోవా, ఇద్దరు పిల్లలు కూడా ఉన్నారు. ఈ సందర్భంగా తీసిన ఫొటోలు ప్రస్తుతం సోషల్‌ మీడియాలో హల్‌చల్‌ చేస్తున్నాయి. అన్నదమ్ములిద్దరూ కలిసి ఉన్న ఈ ఫొటోలను అభిమానులు లైక్‌ చేసి తెగ కామెంట్లు పెడుతున్నారు. అటు సోషల్‌ మీడియాలోనూ చిరంజీవికి శుభాకాంక్షలు వెల్లువెత్తుతున్నాయి. అభిమానులతో పాటు... సినీ ప్రముఖులు కూడా మెగాస్టార్‌కు పుట్టినరోజు శుభాకాంక్షలు తెలిపారు. తనను కలిసేందుకు వస్తున్న అభిమానులను చిరంజీవి ఆప్యాయంగా పలకరించారు. 

Pages

Don't Miss

Subscribe to RSS - పవన్ కళ్యాణ్