పశ్చిమగోదావరి

14:17 - November 16, 2018

పశ్చిమగోదావరి : జిల్లాలోని ఏలూరు మొండికోడులో ఉద్రికత్త నెలకొంది. కొల్లేరు భూ వివాదంలో రెండు వర్గాల మధ్య ఘర్షణ వాతావరణం చోటుచేసుకుంది. ఈ ఘటనలో ఇద్దరు పురుగుల మందు తాగి ఆత్మహత్యాయత్నానికి పాల్పడ్డారు. పరిస్థితి విషమించడంతో వారిని ప్రభుత్వ ఆస్పత్రికి తరలించి, చికిత్స అందిస్తున్నారు. ఘర్షణలో పలువురు గాయపడ్డారు. వీరిలో కొంతమందికి తలలు పగిలాయి. దీంతో అక్కడ ఉద్రిక్తత నెలకొంది.    

 

12:27 - November 9, 2018

పశ్చిమగోదావరి : స్వతంత్ర్య భారతదేశానికి అతి పెద్ద ప్రజాస్వామ్యదేశం అనే పేరు. కానీ ఇక్కడ అన్నింటికి ఆంక్షలే. ముఖ్యంగా మహిళల విషయంలో ఈ ఆంక్షలనేవి మరింత జటిలంగా వుంటాయి. ఈ నేపథ్యంలో ఓ ప్రాంతంలోని మహిళలకు ఆ ఊరి పెద్దలు ఓ వింత ఆదేశాలను జారీ చేశారు. అదేమంటే ఆ ఊరిలోని మహిళలు నైటీ వేసుకుంటే జరిమానా కట్టాలట. ఈ వింత ఆంక్షలు పశ్చిమగోదావరి జిల్లా నిడమర్రు మండలం తోకలపల్లి గ్రామంలో చోటుచేసుకుంది. ఉదయం 6 గంటల నుండి సాయంత్రం 9 గంటల వరకూ ఈ ఆంక్షలు వర్తిస్తాయట. గ్రామ పెద్దలు పెట్టిన ఈ ఆంక్షలను మహిళలు అతిక్రమిస్తే..రూ.2 జరిమానా, గ్రామ బహిష్కరణ విధిస్తామని పెద్దలు హుకుం జారీ చేశారు. ఈ విషయం ఆనోటా ఈ నోటా బైటకు పొక్కటంతో పోలీసులు, తహశీల్దారు రంగ ప్రవేశం చేశారు. గ్రామ పెద్దల ఆంక్షలపై మహిళా సంఘాలు ఆగ్రహం వ్యక్తంచేస్తున్నాయి. సంప్రదాయాన్ని కాపాడేందుకే ఇటువంటి నిబంధన విధించామని గ్రామ పెద్దలు వితందవాదం చేస్తుండటం గమనించాల్సిన విషయం.
కాగా సంప్రదాయం పేరుతో మహిళలు సౌకర్యం కోసం వేసుకునే నైటీలపై ఆంక్షలు విధించిన పెద్దలు భారతీయ సంప్రదాయం కాని ప్యాంట్ వేసుకోవటంపై ఆంక్షలు విధిస్తే ఎలా వుంటుందో నని ఊహించి వుండరు. అయినా ఆంక్షలు, సంప్రదాయాలు మహిళలకేనా? పురుషుల కుండవా? అనేది మహిళా సంఘాల వాదన.

14:37 - October 18, 2018

పశ్చిమగోదావరి : 2019 అసెంబ్లీ ఎన్నికలకు దాదాపు అన్ని పార్టీలు సమాయత్తవం అవుతున్నాయి. కానీ ఇప్పటివరకూ జనసేన పార్టీ జిల్లా కమిటీలను ఏర్పాటు చేయలేదు. ఈ నేపథ్యంలో  ఎన్నికలు సమీపిస్తున్న వేళ జనసేన అధినేత పవన్ కల్యాణ్ పార్టీలో కీలక నియామకాలు చేపడుతున్నారు. తాజాగా పశ్చిమగోదావరి జిల్లా జనసేన లీగల్ సెల్ అధ్యక్షుడిగా న్యాయవాది ఉండపల్లి రమేశ్ నాయుడును నియమిస్తూ పార్టీ అధిష్ఠానం ఉత్తర్వులు జారీచేసింది. రమేశ్ నాయుడు స్వస్థలం భీమవరం. రమేశ్ తో పాటు మరో 11 జిల్లాలకు లీగల్ సెల్ అధ్యక్షులను నియమిస్తూ ప్రకటన విడుదల చేసింది. కాగా రమేశ్ నాయుడు ప్రస్తుతం చిరుపవన్‌తేజం వ్యవస్థాపక అధ్యక్షుడిగా, మెగాఫ్యాన్స్‌ జిల్లా అధ్యక్షుడిగా, కాపు యువసేన జిల్లా అధ్యక్షుడిగా కొనసాగుతున్నారు. 2009లో ప్రజారాజ్యంలో చేరిన రమేశ్ యువరాజ్యం జిల్లా అధ్యక్షుడిగా కూడా వ్యవహరించారు. అప్పటి నుంచి రాజకీయాలలో కొనసాగుతున్నారు. జనసేన పార్టీ ప్రారంభించాక ఆ పార్టీ అనుచరుడిగా విధులు నిర్వహిస్తున్నారు. 

 

14:02 - October 8, 2018

పశ్చిమగోదావరి : జనసేన అధినేత పవన్ కళ్యాణ్.. ఉదయాన్నే గోదావరిలో పడవలో విహరించారు. పట్టిసీమ సమీపంలోనే రిసార్ట్ దగ్గర నుంచి ప్రత్యేక బోట్‌లో కాసేపు గోదావరిలో తిరిగారు. గోదావరి జిల్లా వాడినైనప్పటికీ.. పడవ ప్రయాణం చేయడం ఇదే తొలిసారన్నారు పవన్. జనసేన పార్టీ నేతలు, పోలవరం నిర్వాసితుల్లో కొంతమంది పవన్‌తో పాటు పడవ ప్రయాణం చేశారు. ఇవాళ పోలవరంలో వివిధ వర్గాల ప్రజలతో సమావేశం అయిన తర్వాత.. మధ్యాహ్నం మూడు గంటలకు కొయ్యలగూడెం బహిరంగ సభలో పవన్ కళ్యాణ్ పాల్గొంటారు. 

 

10:23 - October 5, 2018

పశ్చిమగోదావరి : జిల్లాలో విషాదం నెలకొంది. పెద్దలు పెళ్లికి అంగీకరించలేదని ప్రేమజంట ఆత్మహత్యకు పాల్పడింది. ఏలూరు చిట్టివలపాకలు కాలనీకి చెందిన దుర్గాప్రసాద్, గంగభవాని గతం కొంతకాలంగా ప్రేమించుకుంటున్నారు. ఇళ్లళ్లో చెప్పి పెళ్లి చేసుకుందామని ఇరువురూ అనుకున్నారు. అయితే వీరి పెళ్లికి పెద్దలు అంగీకరించకపోవడంతో ప్రియురాలు గంగాభవాని తన ఇంట్లో ఉరివేసుకుని ఆత్మహత్య చేసుకుంది. ప్రియురాలి మరణవార్త విని మనస్తాపంతో ప్రియుడు దుర్గాప్రసాద్ రైలు కిందపడి ఆత్మహత్య చేసుకున్నాడు. 

 

14:20 - October 4, 2018

పశ్చిమగోదావరి : జనసేన అధినేత పవన్‌ కళ్యాణ్ మరోయాత్రకు సిద్ధమవుతున్నారు. ఇప్పటికే పశ్చిమ గోదావరి జిల్లాలో ప్రజా పోరుయాత్ర  నిర్వహిస్తున్న ఆయన.. ఈనెల 5 నుంచి పోలవరం యాత్ర చేపట్టబోతున్నారు. దీంతో పవన్‌ పోలవరం యాత్రపై ఉత్కంఠ నెలకొంది. పవన్‌ కల్యాణ్‌ పశ్చిమ గోదావరి జిల్లాలో ప్రజా పోరాటయాత్ర పేరుతో ప్రజల్లోకి వెళ్తున్నారు. ఎన్నికలు సమీపిస్తున్న సమయంలో ఆయన తన యాత్రలో విమర్శల దాడి పెంచారు. టీడీపీ ప్రభుత్వాన్ని టార్గెట్‌ చేశారు. సీఎంపైనా.... మంత్రులు, ఎమ్మెల్యేల్లో ఎవరినీ ఆయన వదల్లేదు. అందరిపైనా సందర్భానుసారం విమర్శలు గుప్పిస్తున్నారు. పవన్‌ ఇంతకుముందు కూడా యాత్ర చేశారు. కానీ అప్పుడు అధికారపార్టీపై ఇంత ధాటిగా విమర్శలు గుప్పించిలేదు. అధికారపక్షంపై ఇప్పుడు ఆయన ఒంటి కాలిమీద లేస్తున్నారు.  సీఎంతోపాటు ఆ పార్టీ నాయకుల మీద పదునైన విమర్శలు చేస్తూ... జనసేనపై ఒక్కసారిగా అంచనాలు పెంచారు. 
 
పశ్చిమ యాత్రలో పవన్‌ కల్యాణ్‌ ప్రధానంగా పోలవరంపై ప్రభుత్వాన్ని టార్గెట్‌ చేశారు. తరచూ పోలవరం ప్రాజెక్ట్‌,  పోలవరం నిర్వాసితులపై ప్రభుత్వాన్ని ప్రశ్నిస్తున్నారు. పోలవరం ముంపు గ్రామాల ప్రజల సమస్యలు తెలుసుకున్న ఆయన.. ప్రభుత్వ తీరుపై మండిపడ్డారు. పోలవరం నిర్వాసితుల సమస్యను పరిష్కరించాలని డిమాండ్‌ చేశారు. ముంపు గ్రామాల ప్రజలకు న్యాయం చేయకుండా 2019 నాటికి పోలవరం ప్రాజెక్ట్‌ను ఎలా పూర్తి చేస్తారని ప్రశ్నించారు.

పోలవరంపై ప్రభుత్వాన్ని ప్రశ్నించడమే కాదు... పోలవరం సందర్శించి అక్కడి సమస్యలు తెలుసుకునేందుకు కూడా పవన్‌ సిద్ధమయ్యారు. ఈనెల 5న ఆయన పోలవరం నుంచి తన పర్యటన కొనసాగించనున్నారు. పోలవరం ప్రాజెక్ట్‌లో పర్యటించి పనులను పరిశీలించనున్నారు. కొన్ని నెలల క్రితం టీడీపీతో కలిసి ఉన్నప్పుడు పోలవరం ప్రాజెక్ట్‌లో పవన్‌ పర్యటించి .. పోలవరం ప్రాజెక్ట్‌పై శ్వేతపత్రం విడుదల చేయాలని ప్రభుత్వాన్ని కోరారు. మళ్లీ ఇప్పుడు పవన్‌ పోలవరంలో పర్యటించనున్న నేపథ్యంలో ఎలా స్పందిస్తారన్న ఉత్కంఠ సర్వత్రా నెలకొంది. తన రెండు రోజుల పోలవరం పర్యటనలో ఏయే అంశాలు తెరపైకి తీసుకొస్తారో చూడాలి. 

09:29 - October 1, 2018

పశ్చిమగోదావరి : జనసేన అధినేత పవన్ కళ్యాణ్ పోరాటయాత్ర కొనసాగుతోంది. గత కొద్ది రోజులుగా ఆయన జిల్లాలోని పలు ప్రాంతాల్లో పర్యటిస్తున్న ఆయన పలు సంఘాలతో భేటీ అవుతున్నారు. ఈ సందర్భంగా ప్రభుత్వం..నేతలపై విమర్శలు చేస్తూ సంచలన వ్యాఖ్యలు చేస్తున్నారు. సోమవారం పోలవరం ముంపు ప్రాంతాల్లో పర్యటించనున్నారు. ఇందుకు సంబంధించి నేతలు పలు ఏర్పాట్ల చేశారు. జంగారెడ్డిగూడెం వేలూరుపాడు నుంచి ముంపు ప్రాంతాల పర్యటన కొనసాగనుంది. ఉదయం 10 గంటలకు కుక్కునూరులో పోలవరం నిర్వాసితులతో పవన్‌ మాట్లాడనున్నారు. రిజనులతో భేటీ కానున్నారు. సమస్యలు ఎదుర్కొంటున్న వారితో వరుసగా పవన్ భేటీలు జరుపనున్నారు. పోలవరం ప్రాజెక్టు పూర్తయితే 14 గ్రామాలకు ముంపు ఉన్నా ప్రభుత్వం సరియైన చర్యలు తీసుకోవడం లేదని పవన్‌కు గిరిజనులు పేర్కొన్నట్లు తెలుస్తోంది. 

21:21 - September 29, 2018

పశ్చిమగోదావరి : జనసేన అధినేత పవన్ కళ్యాణ్ తనను హత్య చేసేందుకు కుట్ర పన్నుతున్నారని వ్యాఖ్యలు పెను సంచలనంగా మారాయి. ఇప్పుడు తాజాగా పవన్ మాట్లాడుతు..తన ఇంటిపై డ్రోన్ కెమెరాలతో నిఘా పెట్టారని మరో సంచలన వ్యాఖ్యలు చేశారు. తనపై ఎన్ని నిఘాలు పెట్టిన ఎంతమంది ఎన్ని విధాలుగా అడ్డుకోవాలని చూసినా తాను భయపడేది లేదనీ..ప్రాణభయం వున్నవాడినైతే రాజకీయాల్లోకి వచ్చేవాడినే కాదన్నారు. తనకు కేటాయించిన గన్ మెన్ల విషయంలో కూడా ఎప్పటికప్పుడు ఇంటిలిజెన్స్ చీఫ్ కు సమాచారం ఇస్తున్నారనీ పవన్ వ్యాఖ్యానించారు.

18:55 - September 29, 2018

పశ్చిమగోదావరి : రాష్ట్రానికి తీరని అన్యాయం చేసిన ఇప్పటికీ చేస్తున్న బీజేపీని శాశ్వతంగా పూడ్చిపెడతామని సీఎం చంద్రబాబు పేర్కొన్నారు. తెలుగుదేశం పార్టీకి పశ్చిమగోదావరి జిల్లా కంచుకోట అని ముఖ్యమంత్రి చంద్రబాబు అన్నారు. పోలవరం ప్రాజెక్టు ద్వారా పశ్చిమగోదావరి జిల్లాలో రెండు పంటలకు నీరు ఇస్తామని తెలిపారు. వచ్చే మే నెలలో గ్రావిటీ ద్వారా నీరు ఇస్తామని అన్నారు. కేంద్రం సహకారం అందించకపోయినా రాష్ట్రాన్ని అభివృద్ధి పథంలో ముందుకు తీసుకెళ్తున్నామని చెప్పారు. నదులను అనుసంధానం చేసిన ఘనత టీడీపీదేనని తెలిపారు. ముంబై మెట్రోకు కేంద్రం రూ. 52,000 కోట్లు ఇచ్చిందని... అమరావతి నిర్మాణానికి మాత్రం కేవలం రూ. 1500 కోట్లు మాత్రమే ఇచ్చిందని మండిపడ్డారు. కేంద్రం సహకరించపోయినా అమరావతిని కట్టుకుంటామని చెప్పారు. అమరావతి బాండ్లకు వెళితే గంటలో రూ. 2వేల కోట్లు వచ్చాయని చెప్పారు. తాడేపల్లిగూడెంలో జరిగిన ధర్మపోరాట దీక్షలో మాట్లాడుతూ, చంద్రబాబు పైవ్యాఖ్యలు చేశారు.
హక్కులను సాధించుకునేందుకే కేంద్రంతో విభేదించామని... దీంతో, రాష్ట్రానికి రావాల్సిన నిధులను కూడా ఆపుతున్నారని చంద్రబాబు మండిపడ్డారు. పోలవరం ప్రాజెక్టుకు అడ్డుపడుతున్నారని... సవరించిన అంచనాలను ఇంకా ఆమోదించలేదని చెప్పారు. కడప ఉక్కు కర్మాగారాన్ని విస్మరించారని మండిపడ్డారు. విజయవాడ, విశాఖపట్నంలకు మెట్రో రైలు ఇవ్వడం లేదని చంద్రబాబు దుయ్యబట్టారు. దుగరాజపట్నం ఓడరేవును, విజయవాడ అంతర్జాతీయ విమానాశ్రయాన్ని అడ్డుకుంటున్నారని విమర్శించారు. 

 

10:08 - September 29, 2018

పశ్చిమగోదావరి : జనసేన అధినేత పవన్ కళ్యాణ్  పోరాట యాత్ర కొనసాగుతోంది.  ఈసారి పోరాట  యాత్రలో ఏపీ ప్రభుత్వంపై తీవ్ర విమర్శలు  గుప్పిస్తున్న ఆయన పలు సంచలన వ్యాఖ్యలు  సైతం చేస్తు్న్నారు. తనను చంపేందుకు కుట్రలు  చేస్తున్నారంటూ చెప్పడంతో రాజకీయాలు మరింత  వేడెక్కాయి. ఎమ్మెల్యే చింతమనేని ప్రభాకర్ పై  కూడా విమర్శలు గుప్పిస్తున్నారు. శనివారం చింతలపూడిలో నిర్వహించే  బహిరంగసభలో ఎలాంటి విమర్శలు గుప్పిస్తారనే  దానిపై ఉత్కంఠ నెలకొంది. 
షెడ్యూల్...

న్యాయవాదులతో సమావేశం  క్రాంతి ఫంక్షన్ హాల్  ఉదయం 10.30
ప్రభుత్వ టీచర్లతో సమావేశం క్రాంతి ఫంక్షన్ హాల్ ఉదయం 11.30
చింతలపూడి ఎత్తిపోతల పథకం సందర్శన చింతలపూడి మధ్యాహ్నం 2.00
చింతలపూడి అసెంబ్లీ నియోజకవర్గంలో  బహిరంగసభ బోస బొమ్మ సెంటర్ సాయంత్రం  4.00

 
  

 

Pages

Don't Miss

Subscribe to RSS - పశ్చిమగోదావరి