పోలీసుల

19:36 - October 7, 2017

గుంటూరు : రోడ్డు ప్రమాదాల్లో ద్విచక్రవాహనదారులు ఎక్కువగా ప్రాణాలు కోల్పోతున్నారు. దీంతో హెల్మెట్ ధరించడాన్ని తప్పనిసరి చేస్తూ.. ప్రభుత్వం ఆదేశాలు జారీ చేసింది. అయితే హెల్మెట్ ధరించే విషయంలో ప్రజల్లో కొంత అసంతృప్తి వ్యక్తం కావడంతో.. గతంలో ప్రభుత్వం వెనక్కి తగ్గింది. ఆ తరువాత న్యాయస్థానం కూడా శిరస్త్రాణం నిబంధన అమలు చేయాలని ఆదేశాలు జారీ చేసినప్పటికీ.. ఇంతకాలం దానిపై పెద్దగా దృష్టి సారించలేదు. తాజాగా సీఎం చంద్రబాబు ఆదేశించడంతో.. రాజధాని పరిధిలో హెల్మెట్ తప్పనిసరి చేస్తూ కొత్త నిబంధన తీసుకొచ్చారు.

హెల్మెట్ లేనివారిపై జరిమానాలు
గత రెండు రోజులుగా గుంటూరు అర్బన్ పోలీసులు.. నగరంలో హెల్మెట్ లేనివారిపై జరిమానాలు విధిస్తున్నారు. రూల్‌ను పబ్లిక్‌కు మాత్రమే వర్తింపజేయకుండా.. తమ సొంత శాఖలోని సిబ్బందికి కూడా శిరస్త్రాణాన్ని తప్పని చేస్తూ హెచ్చరికలు జారీ చేశారు. గుంటూరు అర్బన్‌ ఎస్పీ విజయరావు ఈ హెల్మెట్‌ రూల్ విషయంలో రాజీ పడొద్దంటూ.. క్రిందిస్థాయి సిబ్బందికి ఆదేశాలు జారీ చేశారు. కొందరు వాహనదారులు పోలీసులు ఆపిన సమయంలో ఆగకుండా అక్కడి నుంచి తప్పించుకుంటున్నారు. అయితే పోలీసులు మాత్రం సెల్‌ఫోన్‌లో వారి నెంబర్‌ను ఫీడ్‌ చేసి ఇంటికి ఫైన్‌లు, చలానాలు పంపుతున్నారు.

హెల్మెట్ రూల్‌పై ప్రజల నుంచి భిన్నాభిప్రాయాలు
ఇదిలా ఉంటే హెల్మెట్ రూల్‌పై ప్రజల నుంచి భిన్నాభిప్రాయాలు వ్యక్తమవుతున్నాయి. మద్యం సేవించి వాహనాలు నడపడం వల్లే ఎక్కువగా ప్రమాదాలు జరుగుతున్నాయని ప్రజలంటున్నారు. మద్యాన్ని అరికట్టకుండా శిరస్త్రాణం పేరుతో ప్రజలను ఇబ్బందులకు గురి చేస్తున్నారని పలువురు ప్రజా సంఘాల నేతలు ఆరోపిస్తున్నారు. మొత్తానికి గుంటూరు పోలీసులు మాత్రం శిరస్త్రాణం రూల్‌ విషయంలో.. ఈ సారి వెనక్కి తగ్గేది లేదని చెబుతున్నారు. అటు ప్రజల్లో కూడా అవగాహన కల్పించేలా చర్యలు చేపడుతున్నారు. 

10:07 - September 29, 2017

పశ్చిమగోదావరి : జిల్లా అత్తిలి మండలం ఉరదలపాలెంలో ఉద్రిక్త పరిస్థితులు నెలకొన్నాయి. రాత్రి కాపులు, దళితులకు మధ్య వివాదం తలెత్తింది. నాలుగు రోజుల కింద ఆర్‌ అండ్‌ బీకి చెందిన కామన్‌ స్థలంలో దళితులు అంబేద్కర్‌ బ్యానర్‌ ఏర్పాటు చేశారు. ఇందుకు కాపు సామాజిక వర్గానికి చెందిన కొంతమంది అడ్డుతగిలారు. దీంతో ఇరువర్గాల మధ్య వివాదం తలెత్తగా రెవెన్యూ అధికారులు జోక్యం చేసుకున్నారు. కామన్‌సైట్‌ను ఇరువర్గాలు సమంగా వాడుకోవాలని సూచించారు. అప్పుడు తాత్కాలికంగా వివాదం సద్దుమణిగినా రాత్రి నవరాత్రుల సందర్భంగా ఏర్పాటు చేసిన నిప్పుల గుండం దగ్గర మరోసారి వివాదం చెలరేగింది. ఒకరిపై ఒకరు రాళ్లు రువ్వుకున్నారు.ఈ రాళ్లదాడిలో పలువురికి గాయాలు కాగా.. వారిని తణుకు ఏరియా ఆస్పత్రికి తరలించి చికిత్స అందిస్తున్నారు. ఇరువర్గాలు చెందిన పలువురిపై పోలీసులు కేసు నమోదు చేసి దర్యాప్తు చేస్తున్నారు. 

11:31 - September 28, 2017
20:18 - August 12, 2017

మెదక్ : అమరుల స్ఫూర్తి యాత్రకు వరుసగా రెండోరోజు పోలీసులు అడ్డు తగిలారు. హైదరాబాద్‌ నుంచి యాత్రకు బయలుదేరిన తెలంగాణ జేఏసీ నేతల్ని తుప్రాన్‌ మండలం అల్లాపూర్‌దగ్గర పోలీసులు ఆపేశారు.. టోల్‌గేట్‌ దగ్గర కోదండరాం టీంను అరెస్ట్ చేసి పలు పోలీస్‌ స్టేషన్‌లకు తరలించారు.. కోదండరాంను కౌడిపల్లి పీఎస్‌కు పంపారు.. అరెస్ట్ విషయం తెలుసుకున్న జేఏసీ కార్యకర్తలు పోలీస్‌ స్టేషన్‌ముందు ఆందోళనకు దిగారు.స్ఫూర్తియాత్రకు ముందు... కోదండరాం.. నిజమాబాద్ జిల్లా పరిస్థితులపై మాట్లాడారు. జిల్లా అభివృద్ధికి మార్గాన్ని అన్వేషించడం కోసమే అమరుల స్ఫూర్తి యాత్ర చేపట్టామని తెలిపారు. యాత్ర ద్వారా ప్రజలను చైతన్యం చేసే అవకాశం ఉంటుందని చెప్పారు. అమరుల స్ఫూర్తి యత్రకు పోలీసులు అనుమతించలేదని.. అందుకే హాల్ మీటింగ్ నిర్వహించాలని తీర్మానించామని ప్రకటించారు. ఈ విషయాన్ని పోలీసులకు తెలియజేశామని చెప్పారు.తెలంగాణ ప్రజల్లో చైతన్యం పెంచేందుకు జేఏసీ స్ఫూర్తియాత్ర చేపట్టాలని రెండురోజులుగా ప్రయత్నిస్తోంది. శుక్రవారం కామారెడ్డి జిల్లాకు బయలుదేరిన జేఏసీ నేతల్ని టీఆర్‌ఎస్‌ కార్యకర్తలు ఆపేశారు.. ఆ తర్వాత అరెస్ట్‌ చేసి హైదరాబాద్‌కు పంపారు.. అరెస్టులకు భయపడమన్న జేఏసీ నేతలు... శనివారం మళ్లీ యాత్రకు వెళతామని ప్రకటించారు. ఈ సమాచారంతో శనివారం నిజామాబాద్‌కు వెళ్లే ప్రతి మార్గంలో తనిఖీలుచేసిన పోలీసులు... మళ్లీ జేఏసీ నేతల్ని అదుపులోకి తీసుకొని.. మళ్లీ హైదరాబాద్ తిప్పిపంపారు.

18:09 - August 12, 2017

గద్వాల : గద్వాల పట్టణంలో అపార్ట్‌మెంట్‌లో బెట్టింగ్‌ ఆడుతున్న స్థావరాలపై పోలీసులు దాడి చేసి నలుగురు నిందితులను అదుపులోకి తీసుకున్నారు. మూడు రాష్ట్రాలకు చెందిన ఏజెంట్‌ల గురించిన సమాచారాన్ని నిందితుల నుండి రాబట్టినట్టు పోలీసులు తెలిపారు. బెట్టింగ్‌ కు పాల్పడుతున్న వారందరినీ త్వరలో అరెస్ట్‌ చేస్తామని పోలీసులు తెలిపారు. వీరి నుండి 11వేల నగదు, 26 సెల్‌ఫోన్‌లు, 50 సిమ్‌కార్డులు స్వాధీనం చేసుకున్నట్లు పోలీసులు తెలిపారు.

18:59 - August 11, 2017

హైదరాబాద్ : నిరుద్యోగ యువత ఆదుకునేందుకు దేశంలోనే తొలిసారిగా తెలంగాణ సిటీ పోలీసు యంత్రాంగం వినూత్న కార్యక్రమానికి శ్రీకారం చుట్టింది. అందులో భాగంగా జాబ్ కనెక్ట్ వాహనాన్ని అందుబాటులోకి తెచ్చారు. నార్త్ జోన్, సౌత్ జోన్, సెంట్రల్ జోన్, ఈస్ట్ జోన్, వెస్ట్ జోన్ ఐదు జోన్లలోని అన్ని పీఎస్‌ల పరిధిలో ఓ ప్రణాళిక ప్రకారం జాబ్ కనెక్ట్ వాహనం సంచరిస్తుంది. నిరుద్యోగ యువతకు ప్రైవేటు సంస్థల్లో ఉద్యోగ అవకాశాలు కల్పించడమే ఈ జాబ్ కనెక్ట్ వాహనం ముఖ్య ఉద్దేశం. పదవ తరగతి పాసైనా కాకపోయిన, ఇంటర్, డిగ్రీ, పిజి, ఇంజనీరింగ్, ఎంబిఎ, ఎంసీఏ, ఐటి సెక్టార్స్, ఫైనాన్సియల్ గ్రాడ్యుయేషన్, బిజినెస్ మేనేజ్‌మెంట్, మార్కెటింగ్ సెక్టార్లలో విద్యను అభ్యసించి ఉద్యోగాల కోసం ఎదురుచూస్తున్న యువతకు జాబ్ కనెక్ట్ వాహనం పూర్తి సహాయ సహకారాలు అందిస్తుంది. ఇంటివద్దకు వచ్చే జాబ్ కనెక్ట్ వాహనం ప్రైవేటు సంస్థల్లో ఖాళీగా ఉన్న ఉద్యోగాల వివరాలను వారికి అందిస్తూ అనుసంధానం చేస్తుంది. ఇంటర్వ్యూలో ఒకవేళ జాబ్ రాకపోయినా ఏ కారణాల వల్ల ఇంటర్వ్యూలో ఫెయిల్ అయ్యారో.. ఆ అంశంపై ఉచితంగా శిక్షణను కూడా ఇస్తుంది.

సిటీవాసులు హర్షంజాబ్ కనెక్ట్ వాహనంలో యువత ఇచ్చే బయోడేటాలను సేకరించడంతో పాటు.. పూర్తి సమాచారం డాటాబేస్‌లో నిక్షిప్తం చేసేందుకు టెక్నికల్ టీంతో పాటు.. సిస్టమ్ అనాలసిస్ టీం సభ్యులు అందుబాటులో ఉంటారు. ఇప్పటికే వేల సంఖ్యలో నిరుద్యోగ యువత ఉద్యోగాల కోసం దరఖాస్తులు చేసుకున్నట్లు సమాచారం. జాబ్ కనెక్ట్ వాహనం ఏ విధంగా పనిచేస్తుందనే పూర్తి వివరాలను కూడా హ్యాక్ ఐ యాప్‌ ద్వారా అందరికి అందుబాటులో ఉంచారు. హైదరాబాద్ సిటీ పోలీసులు చేపట్టిన ఈ కార్యక్రమం పట్ల సిటీవాసులు హర్షం వ్యక్తం చేస్తున్నారు. ఈ కార్యక్రమం ద్వారా యువతకు మంచి భవిష్యత్ ఉంటుందని అభిప్రాయపడుతున్నారు. ఈ అవకాశాన్ని యువత సద్వినియోగం చేసుకోవాలని సూచిస్తున్నారు. 

15:20 - August 8, 2017

హైదరాబాద్ : తనపై తను కాల్పులు జరిపించుకున్న విక్రమ్ గౌడ్ ను విచారించడానికి కోర్టు అంగీకరించింది. కోర్టు విక్రమ్ గౌడ్ ఒక్ రోజు పోలీసు కస్టడీ అనుమతి ఇచ్చింది. పోలీసులు విక్రమ్ తో పాటు మరో ముగ్గురు నిందితులను విచారించనుంది. మరింత సమాచారం కోసం వీడియో చూడండి.

12:24 - August 3, 2017

హైదరాబాద్ : ప్రగతి భవన్ ముందు తమ డిమాండ్ల సాధనకు ఆందోళనకు దిగిన ఈయూ హెల్త్ ఎంప్లాయిస్ వార్తాను కవర్ చేయడానికి వెళ్లిన టెన్ టివి ప్రతినిధి రాధికతో ఏసీపీ వెంకటేశ్వర్లు దురుసుగా ప్రవర్తించాడు. మహిళ ప్రతినిధి అని చూడకుండా ప్రక్కకు నెట్టాడు. ఎవడైనా ఆడపిల్లను ఎడిపిస్తే లాగులో ఉచ్చపోసుకోవాలే అన్నా సీఎం కేసీఆర్ పోలీసులే మహిళతలో దురుసుగా ప్రవర్తించడంపై ఏ సమాధానం చెబుతారో చూడాలి. పూర్తి వివరాలకు వీడియో చూడండి.

11:18 - August 3, 2017

హైదరాబాద్ : తెలంగాణ ప్రభుత్వంలో రోజురోజుకి పోలీసుల దౌర్జన్యకాండ పెరుగుతోంది. మొన్న నేరెళ్ల బాధితులను మూడు రోజులు అన్యాయంగా థర్డ్ డిగ్రీ ప్రయోగించి వారిని పనిచేయడానికి వీలులేని విధంగా కొట్టిన సంఘటన మరిచిపోక ముందే తాజాగా ప్రగతి భవన్ ముందు మహిళలపై మగ పోలీసులు దౌర్జన్యంగా మహిళలను ఇష్టమోచ్చిన చోట పట్టుకుని వ్యాన్ లోకి ఎక్కించారు. 

19:08 - July 30, 2017

గుంటూరు :  పట్టాపురంలోని నార్త్‌ క్లబ్‌పై అర్బన్‌ ఎస్పీ ఆధ్వర్యంలో తనిఖీలు చేపట్టారు.. ఈ సోదాల్లో పేకాట ఆడుతున్న 38మందిని అరెస్ట్ చేశారు.. వీరిదగ్గరనుంచి మూడు లక్షల యాభైరెండువేల రూపాయల్ని స్వాధీనం చేసుకున్నారు.. చట్టవ్యతిరేక కార్యక్రమాలు చేస్తే కఠిన చర్యలు తప్పవని హెచ్చరించారు.

Pages

Don't Miss

Subscribe to RSS - పోలీసుల