పోలీసులు

15:43 - May 13, 2018

హైదరాబాద్‌ : పాతబస్తీలో ముంబయి స్పెషల్‌ బ్రాంచ్‌ పోలీసులు తనిఖీలు నిర్వహించారు. మాదన్నపేట రౌడీ షీటర్‌ వహీద్‌ ఖాన్‌ ఇంట్లో సోదాలు నిర్వహించారు. ముంబాయిలోని ఓ గ్యాంగ్‌కు అక్రమ ఆయుధాలు అమ్మారన్న సమాచారం మేరకు ముంబయి పోలీసులు తనిఖీలు చేపట్టారు. వహీద్‌ ఖాన్‌ను అదుపులోకి తీసుకున్నారు. 

 

18:24 - May 9, 2018

కర్నూలు : జిల్లా కేంద్రంలోఐపీఎల్‌ క్రికెట్‌ బెట్టింగ్‌లు జోరుగా సాగుతున్నాయి. వన్ టౌన్ పోలీస్ స్టేషన్ పరిధిలోని క్రికెట్ బెట్టింగ్ నిర్వాహకుల ఇళ్లపై పోలీసులు దాడులు చేశారు. ఈ దాడిలో ఆరుగురిని అరెస్ట్ చేశారు. వీరి వద్ద నుంచి 6 లక్షల 10 వేల నగదు, 5 సెల్ ఫోన్, 3 పాస్ పోర్టులు స్వాధీనం చేసుకున్నారు.

 

10:41 - May 7, 2018

రంగారెడ్డి : ఇబ్రహీంపట్నం మంగల్‌పల్లిలో దారుణం జరిగింది. గుర్తుతెలియని వ్యక్తులు ఓ యువకుడిని దారుణంగా హతమార్చారు. బండరాయితో మోది హత్య చేశారు. అనంతరం దుండగులు పెట్రోల్‌ పోసి తగులబెట్టారు. మృతుడు ఆరుట్ల గ్రామానికి చెందిన రమేష్‌గా గుర్తించారు. పోలీసులు కేసు నమోదు చేసుకుని దర్యాప్తు చేస్తున్నారు. అయితే యువకుడికి హత్యకు ప్రేమ వ్యవహారమే కారణమా అని అనుమానిస్తున్నారు. మరిన్ని వివరాలను వీడియోలో చూద్దాం...

 

10:55 - May 4, 2018

వరంగల్ : చత్తీస్‌గఢ్‌..తెలంగాణ సరిహద్దుల్లో పోలీసులు కూంబింగ్‌ నిర్వహిస్తున్నారు. నేడు భారత్‌ బంద్‌కు మావోయిస్టులు పిలుపునిచ్చారు. గడ్చిరోలి అన్నారం ఘటనలను నిరసిస్తూ ఈ బంద్‌ జరుగుతోంది. ఈ నేపథ్యంలో పోలీసులు అప్రమత్తమయ్యారు. వరంగల్‌ ఉమ్మడి జిల్లాలో విస్తృతంగా తనిఖీలు నిర్వహిస్తున్నారు. ఏటూరునాగారం, కొత్తగూడ ఏజెన్సీల్లో భారీగా మోహరించారు. 

 

16:48 - April 30, 2018

భద్రాద్రి కొత్తగూడెం : జిల్లాలోని అశ్వారావుపేటలో విషాదం చోటుచేసుకుంది. పోలీసుల వేధింపులు భరించలేక ఓ గిరిజన యువకుడు ఆత్మహత్య చేసుకున్నాడు. బైక్, పశువుల దొంగతనాల కేసులో విచారణ పేరుతో స్టేషన్‌కి పిలిపించి వేధించడంతో ఆత్మహత్యకు పాల్పడ్డాడని బంధువులు ఆరోపించారు. పోలుసులు కావాలనే కేసులో ఇరికించారని మృతుని బంధువులు ఆరోపిస్తూ.. భద్రాచలం రహదారిపై మృతదేహంతో బైఠాయించి ఆందోళన చెపట్టారు. దీంతో పోలీసులు గ్రామ పెద్దలు నచ్చజెప్పి పంపించారు. 

 

09:54 - April 21, 2018

హైదరాబాద్ : జూబ్లీహిల్స్ పోలీసులు డ్రంక్ ఆండ్ డ్రైవ్ నిర్వహించారు. మద్యం తాగి వాహనాలు నడిపిన 36 మందిపై పోలీసులు కేసు నమోదు చేశారు. 22 ద్విచక్ర వాహనాలు, 16 కార్లను సీజ్ చేశారు.

 

11:37 - April 19, 2018

హైదరాబాద్ : రాజేంద్రనగర్‌ పోలీస్‌స్టేషన్‌ పరిధిలో పోలీసులు కార్డెన్‌ సర్చ్‌ నిర్వహించారు. శంషాబాద్‌ జోన్‌ డీసీపీ పద్మజా రెడ్డి ఆధ్వర్యంలో ఇందిరానగర్‌, బాబానగర్‌, మహమూద్‌నగర్‌, హసన్‌నగర్‌లో ఈ కార్డన్‌ సర్చ్‌ చేపట్టారు. ఈ తనిఖీల్లో దాదాపు రెండు వందల మంది పోలీసులు పాల్గొన్నారు. 50 బైక్‌లు, 48 ఆటోలు సీజ్‌ చేశారు. 12 మంది అనుమానితులను, ఆరుగురు రౌడీ షీటర్లను అదుపులోకి తీసుకున్నారు. అసాంఘిక కార్యక్రమాలకు చెక్‌ పెట్టేందుకే కార్డన్‌ సర్చ్‌ నిర్వహించినట్లు డీసీపీ పద్మజా రెడ్డి తెలిపారు. 


 

18:10 - April 10, 2018

హైదరాబాద్ : ఈనెల 29న తెలంగాణ జనసమితి ఆవిర్భావ సభకు పోలీసుల అనుమతి నిరాకరణపై.. ఆ పార్టీ నేతలు హైకోర్టును ఆశ్రయించారు. ఎల్బీ స్టేడియం, సరూర్ నగర్, ఎన్టీఆర్ స్టేడియం, నిజాం కాలేజ్‌లో ఏదో ఒక చోట...సభకు అనుమతి ఇవ్వడానికి కోరుతూ పిటిషన్ వేశారు. ఇప్పటికే సరూర్ నగర్ స్టేడియంలో సభకు పోలీసులు అనుమతి నిరాకరించారు. అక్కడ సభ పెడితే.. ట్రాఫిక్ కాలుష్యం పెరుగుతుందని... పోలీసులు చెబుతున్నారు. 

 

21:18 - April 7, 2018

ఢిల్లీ : సీబీఎస్‌ఈ పేపర్ లీకేజీ కేసులో ఢిల్లీ పోలీసులు ముగ్గుర్ని అరెస్టు చేశారు. 12వ తరగతి ఎకనామిక్స్ పేపర్ లీక్ కేసులో ఈ అరెస్టులు చేసినట్లు పోలీసులు తెలిపారు. ఈ ముగ్గురు కూడా హిమాచల్‌ ప్రదేశ్‌లోని ఉనా జిల్లాకు చెందిన వారు. డావ్ స్కూల్ సూపరింటిండెంట్ రాకేశ్, క్లర్క్ అమిత్, అశోక్‌లను క్రైం బ్రాంచ్ పోలీసులు అదుపులోకి తీసుకున్నారు. నిందితులను ఉనా నుంచి తీసుకు వచ్చిన తర్వాత వాళ్లను విచారించామని, ఆ తర్వాత అరెస్టు చేశామని పోలీసులు వెల్లడించారు. 

20:14 - March 31, 2018

భద్రాద్రి కొత్తగూడెం : జిల్లాలోని దమ్మపేట మండలం రాచూరపల్లిలో గిరిజన బాలికపై గ్యాంగ్‌రేప్‌కు పాల్పడిన 12 మందిని పోలీసులు అరెస్ట్‌ చేశారు. ఈనెల 21వ తేదీన బాలికపై 12 మంది సామూహిక అత్యాచారానికి పాల్పడ్డారు. విచారించిన పోలీసులు అందరినీ అరెస్ట్‌ చేశారు. వీరిలో ఒకరు మైనర్‌ బాలుడు ఉన్నట్లు పోలీసులు తెలిపారు.  

 

Pages

Don't Miss

Subscribe to RSS - పోలీసులు