ప్రకాశం

14:21 - July 16, 2018

ప్రకాశం బ్యారేజ్‌లోకి వరద నీరు భారీ ఎత్తున చేరుతుంది. దీంతో బ్యారేజ్‌కు జలకళ సంతరించుకుంది. ఎగువ నుంచి నీటి ప్రవాహం పెరుగుతుండటంతో దిగువకు నీరు విడుదల చేస్తున్నారు. 3 గేట్ల ద్వారా 4 వేల క్యూసెక్కుల నీటిని దిగువకు విడుదల చేస్తుండగా.. మరో 10 వేల క్యూసెక్కుల నీటిని కృష్ణా, పశ్చిమ, తూర్పు కాలువలకు మళ్లిస్తున్నారు. దీనికి సంబంధించి మరింత సమాచారం కోసం వీడియో క్లిక్ చేయండి. 

16:11 - July 14, 2018

విజయవాడ : ప్రకాశం దిగువన జలకళ నెలకొంది. పులిచింతల, పట్టిసీమ నుండి బ్యారేజికి 8వేల క్యూసెక్కుల నీరు వచ్చి చేరింది. 12 అడుగులకు బ్యారేజీ నీటి మట్టం చేరింది. దీనితో 5 గేట్లు ఎత్తి 3,500 క్యూసెక్కుల నీటిని సముద్రంలోకి విడుదల చేశారు. నీటి విడుదల చేస్తున్న సందర్భంగా దిగువ ప్రాంతమంతా జలకళతో నిండిపోయింది. గతంలో ఏడారి ప్రాంతంగా తలపించిన ఈ ప్రాంతం ఇప్పుడు నీటితో ప్రవహిస్తుండడంతో జిల్లా వాసులు ఆనందం వ్యక్తం చేస్తున్నారు. వరద మరింత వచ్చే అవకాశం ఉందని..ప్రకాశం బ్యారేజీ దిగువన నుండే వారంతా అప్రమత్తంగా ఉండాలని అధికారులు హెచ్చరించారు. 

16:03 - July 7, 2018

ప్రకాశం : ఏపీ విభజన హామీలపై సుప్రీంకోర్టులో కేంద్రం అఫిడవిట్ దాఖలు చేయటం దారుణమని సీపీఐ సీనియర్‌ నేత నాయుడు ప్రకాశరావు అన్నారు. విభజన హామీలు అమలుతో పాటు రాష్ట్రానికి ప్రత్యేక హోదా ఇవ్వాలని డిమాండ్‌ చేశారు. ప్రకాశం జిల్లా ఒంగోలు నగరంలోని అద్దంకి బస్టాండ్‌ సెంటర్‌లో ధర్నా నిర్వహించి, సీపీఐ నగర కమిటీ ఆధ్వర్యంలో కేంద్ర ప్రభుత్వ దిష్టిబొమ్మను దగ్ధం చేశారు. బీజేపీ, తెలుగు దేశం పార్టీలు ఇచ్చిన హామీల అమలుకు నోచుకోలేదని సీపీఐ నేతలు మండిపడ్డారు.

 

12:35 - June 19, 2018

ప్రకాశం : ఏపీ ఐటీ శాఖా మంత్రి నారా లోకేశ్‌ ప్రకాశంజిల్లాలో పర్యటిస్తున్నారు. మంత్రి రాక సందర్భంగా చీరాలలో టీడీపీ కార్యకర్తలు బైక్‌ ర్యాలీ నిర్వహించారు. పట్టణంలోని  సర్వజన వైద్యశాలలో 2కోట్లతో నిర్మించిన ఎలక్ట్రికల్‌ సబ్‌స్టేషన్‌ను ఆయన ప్రారంభించారు. మంత్రి రాక సందర్భంగా పోలీసులు భారీ బందోబస్తు ఏర్పాటు చేశారు. 

14:08 - June 13, 2018

ప్రకాశం : పొదిలిలో ఖాళీ బిందెలతో మహిళలు రోడ్డెక్కారు. ఒంగోలు కర్నూలు జిల్లా రహదారిపై ధర్నా నిర్వహించారు. తాగునీటి సౌకర్యం కల్పించాలని డిమాండ్ చేశారు. 

12:31 - June 13, 2018

ప్రకాశం : టీడీపీ ఎమ్మెల్సీ మాగుంట శ్రీనివాస్‌ రెడ్డి పార్టీని వీడనున్నారా? పార్టీలో తనకు గుర్తింపు దక్కడం లేదని మహానాడు వేదికపై అసమ్మతి తెలిపిన మాగుంట అసలు ఎటు వెళ్లనున్నారు. తిరిగి సొంత గూటికి వెళతారా? లేక వైసీపీ, జనసేన పార్టీలవైపు చూస్తున్నారా? ఇవే ప్రశ్నలు ఇప్పుడు ప్రకాశం జిల్లా టీడీపీ నేతల్లో ఆసక్తి రేకిస్తున్నాయి. మాగుంట శ్రీనివాస్‌ రెడ్డి టీడీపీని వీడి వేరే పార్టీలోకి వెలుతున్నాడనే ప్రచారం ప్రకాశం జిల్లా టీడీపీ కార్యకర్తల్లో జోరుగా సాగుతుంది. 
ఎమ్మెల్సీ మాగుంట శ్రీనివాస్‌రెడ్డి టీడీపీ విడతున్నారనే ప్రచారం
ప్రకాశం జిల్లా రాజకీయాల్లో మాగుంట శ్రీనివాస్‌రెడ్డికి ఉన్న గుర్తింపు అంత ఇంతకాదు. అనివార్య పరిస్థితుల్లో కాంగ్రెస్‌ను వీడి టీడీపీ తీర్థం పుచ్చుకున్న మాగుంట ఇప్పుడు టీడీపీలో ఇమడలేని పరిస్థితులు ఏర్పాడ్డాయని పార్టీలో జోరుగా చర్చ జరుగుతుంది. ఏకంగా తనకు అన్యాయం జరిగిందని మహానాడు వేదికపైనే గళం విప్పాడు మాగుంట శ్రీనివాస్‌రెడ్డి. అప్పటి వరకు అనుచరుల నోట వినబడ్డా  అసంతృప్తి మాట.. మహానాడు వేదికపై శ్రీనివాస్‌రెడ్డి అనటంతో ప్రకాశం జిల్లా రాజకీయాల్లో పెను దూమారం రేగుతుంది. ఈ మాటలు పార్టీలో కలకలం సృష్టించాయి. దీంతో మాగుంట పార్టీని విడతారనే ప్రచారం జోరుగా నేతల్లో జోరుగా సాగుతుంది. 
మాగుంట అనుచరుల అసంతృప్తి
తెలుగుదేశం పార్టీ జాతీయ ఉపాధ్యక్షుడిగా ఉన్న టీడీపీ జిల్లా నేతలు మాగుంటకు పెద్దగా విలవనివ్వటం లేదని ప్రధానంగా ఆయన అనుచరుల్లో వినిపిస్తున్న మాట. ఎమ్మెల్సీగా ఉన్న మాగుంటకు మంత్రి పదవి ఇస్తానని సీఎం చంద్రబాబు హామీ ఇచ్చి దానిని వెనక్కు తీసుకోవటంపై కూడా అనుచరులు మండిపడుతున్నారు. మంత్రి పదవి రాకపోవటానికి టీడీపీ జిల్లా నేతల కారణమని మాగుంటతో పాటు అనుచరులు బహిరంగగానే చెబుతున్నారు. పార్టీ సంబంధించి ఎలాంటి కార్యక్రమాలు జరిగిన మొక్కుబడిగా పిలుస్తున్నారే తప్ప తనని పట్టించుకోవటం లేదని గతంలోనే అసంతృప్తి వ్యక్తం చేశారు. ఇక అధికారులు కూడ తగిన ప్రాధాన్యత ఇవ్వటం లేదని మాగుంట వాపోతున్నారు. 
నన్ను బలిపశువును చేసేందుకే పోటీలో నిలుతున్నారంటున్న మాగుంట
మరోవైపు వైసీపీ నేతలు రాజీనామా చేయటంతో ఉప ఎన్నికలు వస్తే ఒంగోలు నుంచి పోటీలో నిలబడలని మాగుంట శ్రీనివాస్‌రెడ్డిని చంద్రబాబు కోరారు. అయితే తనని మరోసారి బలిపశువు చేసేందుకు టీటీపీ నాయకత్వం ఆలోచిస్తుందని మాగుంట అంటున్నారు. ఉప ఎన్నికలు వస్తే టీడీపీ తరుపున ఎవ్వరూ పోటీ చేసిన సహకరిస్తానని అంటున్నారు. ఏదీ ఏమైనా పార్టీలో నుంచి వెళ్లేపోవాలని మాగుంట శ్రీనివాస్‌రెడ్డి డిసైడ్‌ అయినట్లు తెలుస్తోంది. తనకు తన కార్యకర్తలకు అధికారులు, నాయకులు విలువ ఇవ్వకపోవటం వల్లే మాగుంట విడుతున్నారనే ప్రచారం సాగుతుంది. 

 

17:58 - June 10, 2018

ప్రకాశం : జిల్లాలో దొంగలు బీభత్సం సృష్టించారు. మామిడిపాలెంలోని కొప్పోలు తిరుపతి రావు ఇంట్లో చొరబడి... 24 తులాల బంగారు ఆభరణాలు, 50 వేల రూపాయల నగదు, కొన్ని పట్టుచీరలు చోరీ చేశారు. విహార యాత్రకి వెళ్లి వచ్చే సరికి ఇళ్లుగుల్ల చేశారని బాధితులు వాపోయారు. కేసు నమోదు చేసిన పోలీసులు గాలింపు చేపట్టారు. 

 

15:59 - June 10, 2018

ప్రకాశం : జిల్లాలో మిల్క్‌ట్యాంకర్‌ బోల్తా పడింది. యర్రగొండపాలెం  మండలం బోయలపల్లి వద్ద ఈ ఘటన చోటు చేసుకుంది. చిత్తూరుజిల్లా కలికిరి నుంచి నల్లగొండజిల్లా  చిట్యాలకు వెళ్లుతున్న వాహనం అదుపుతప్పి నడిరోడ్డుపై పడిపోయింది. ట్యాంకర్‌ నుంచి కారిపోతున్న పాలను పట్టుకునేందుకు స్థానికులు ఎగబడ్డారు. బిందెలు, బక్కెట్లతో పాలను తీసుకెళ్లుతున్న వారిని పోలీసులు అడ్డుకున్నారు. వేల లీటర్లపాలు నేలపాలయ్యాయి. జేసీబీ సహాయంతో ట్యాంకర్‌ను పైకి లేపారు. కేసు నమోదు చేసి దర్యాప్తు చేస్తున్నారు. 

 

09:19 - June 6, 2018

ప్రకాశం: జిల్లాలోని త్రిపురాంతకం మండలం గొల్లపల్లి గ్రామ శివారులో రోడ్డు ప్రమాదం జరిగింది. జాతీయ రహదారిపై కారును లారీ ఢీకొనడంతో జరిగిన ప్రమాదంలో నలుగురు అక్కడికక్కడే మృతి చెందారు. కర్నూలు నుంచి విజయవాడకు వెళుతుండగా ఈ ఘటన జరిగింది. కారులో ప్రయాణిస్తున్న ఇద్దరు మహిళలతో సహా నలుగురు మృతి చెందారు. ఘటనా స్థలానికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు.

12:19 - June 4, 2018

ప్రకాశం : జిల్లా ముండ్లమూరు మండలం పులిపాడులో అతిసారం ప్రబలింది. అతిసారం వ్యాధి బారిన పడిన నాగమ్మ అనే వృద్ధురాలు వాంతులు, విరేచనాలు ఎక్కువ అవడంతో మరణించింది. ఈ వ్యాధితో గ్రామంలో మరో 20 మంది అస్వస్థతకు గురయ్యారు. వీరికి వైద్యాశాఖాధికారులు చికిత్స అందిస్తున్నారు. గ్రామానికి వచ్చే తాగునీటి పైప్‌లైన్‌లో నిల్వ ఉన్న నీటిని తాగడం వల్ల అతిసారం ప్రబలినట్లు వైద్యులు గుర్తించారు. 

 

Pages

Don't Miss

Subscribe to RSS - ప్రకాశం