ప్రధాని మోదీ

12:57 - January 29, 2018

ఢిల్లీ : రాబోయే బడ్జెట్ ప్రజల ఆకాంక్షలను నెరవేరుస్తుందని ప్రధాని మోదీ అన్నారు. ట్రిపుల్‌ తలాక్‌ బిల్లు ఆమోదానికి ప్రతిపక్షాలు సహరించాలని మోదీ కోరారు. భారత్‌ వృద్ధి రేటులో దూసుకుపోతోందని అన్నారు.

 

20:36 - January 22, 2018

ఢిల్లీ : ఏపీ పునర్విభజన చట్టంలోని హామీలు అమలు చేయడంలో ముఖ్యమంత్రి చంద్రబాబు, ప్రధాని మోదీ ఘోరంగా విఫలమయ్యారని కాంగ్రెస్‌ ఎంపీ... కేవీపీ రామచంద్రరావు ఆరోపించారు. చంద్రబాబు, మోదీ కలిసి నాటకాలు ఆడుతూ రాష్ట్ర ప్రజను మోసం చేస్తున్నారని మండిపడ్డారు. విభజన చట్టంలోని హామీల అమలుకు కేంద్రంపై ఒత్తిడి తెచ్చేందుకు చంద్రబాబు.. ఇతర పార్టీలతో కలిసి పనిచేయాలని కేవీపీ కోరారు. ఈ మేరకు చంద్రబాబుకు లేఖ రాశారు. 

 

18:54 - January 5, 2018
16:15 - December 22, 2017

ఢిల్లీ : రాజ్యసభ ఆరవరోజు కూడా వాయిదా పడ్డాయి. మన్మోహన్‌కు ప్రధాని క్షమాపణలు చెప్పాలని డిమాండ్‌ చేస్తూ కాంగ్రెస్‌ సభ్యులు వెల్‌లోకి దూసుకెళ్లారు. సభ సజావుగా సాగేందుకు, బిల్లులను ఆమోదించేందుకు తాము సిద్ధమేనని ఆజాద్‌ అన్నారు. మాజీ ప్రధానిపై ప్రధాని చేసిన ఆరోపణల అంశంపై కమిటీ తేల్చేవరకు సభ జరగడం సబబు కాదని ఆనంద్‌ శర్త పేర్కొన్నారు. దీంతో రాజ్యసభ చైర్మన్‌ వెంకయ్యనాయుడు సభను బుధవారానికి వాయిదా వేశారు. 

21:58 - December 19, 2017

ఢిల్లీ : గుజరాత్‌ ఎన్నికల్లో ప్రధాని మోదీ మాజీ ప్రధాని మన్మోహన్‌సింగ్‌పై చేసిన విమర్శలు పార్లమెంట్‌ను కుదిపేశాయి. మన్మోహన్‌కు మోదీ క్షమాపణలు చెప్పాలని డిమాండ్‌ చేసింది. మన్మోహన్‌పై ప్రధాని మోదీ వ్యాఖ్యలను తప్పుబడుతూ కాంగ్రెస్‌ సభ నుంచి వాకౌట్‌ చేసింది. 
వాడి వేడిగా ప్రారంభమైన సమావేశాలు  
పార్లమెంట్ శీతాకాల సమావేశాలు మూడవరోజు కూడా వాడి వేడిగా ప్రారంభమయ్యాయి. గుజరాత్‌ ఎన్నికల్లో మాజీ ప్రధాని మన్మోహన్‌సింగ్‌పై ప్రధాని నరేంద్ర మోది చేసిన వ్యాఖ్యలపై లోక్‌సభ అట్టుడుకింది. లోక్‌సభ ప్రారంభమైన వెంటనే ఈ అంశాన్ని లేవనెత్తిన కాంగ్రెస్... దీనిపై చర్చ చేపట్టాలని డిమాండ్‌ చేస్తూ ఆందోళనకు దిగింది. కాంగ్రెస్‌ డిమాండ్‌ను స్పీకర్‌ సుమిత్రా మహాజన్ తోసిపుచ్చారు. ఎన్నికల ప్రచారంలో చేసిన వ్యాఖ్యలపై సభలో చర్చించడం కుదరదని ఆమె స్పష్టం చేశారు. విపక్షాల గందరగోళం మధ్యే లోక్‌సభ స్పీకర్‌ సుమిత్రా మహాజన్‌ ప్రశ్నోత్తరాలను కొనసాగించారు.
కాంగ్రెస్‌ వాకౌట్‌ 
ఎన్నికలు ముగిసి ఫలితాలు కూడా వచ్చేసిన నేపథ్యంలో దీనిపై చర్చ అనవసరమని, సభను సజావుగా సాగేందుకు సహకరించాలని కేంద్ర మంత్రి అనంతకుమార్‌ కాంగ్రెస్‌ సభ్యులకు విజ్ఞప్తి చేశారు. ఇదే అంశంపై జీరో అవర్‌లో చర్చకు అనుమతించాలని కాంగ్రెస్‌ పట్టుబట్టింది. ఆ పార్టీ నేత మల్లికార్జున్‌ ఖర్గే మాట్లాడేందుకు ప్రయత్నించగా స్పీకర్‌ అనుమతించక పోవడంతో సభ నుంచి కాంగ్రెస్‌ వాకౌట్‌ చేసింది. మరోవైపు లోక్‌సభలో ఆర్జేడి చీఫ్‌ లాలూప్రసాద్‌ యాదవ్‌కు జడ్‌ ప్లస్‌ భద్రతను తగ్గించడంపై ఆ పార్టీ సభ్యులు తీవ్ర నిరసన వ్యక్తం చేశారు. లాలుకు ఏదైనా జరిగితే ప్రధాని మోది బాధ్యత వహించాల్సి ఉంటుందని ఆర్జేడి హెచ్చరించింది. ఎఫ్‌ఆర్‌డీఐ బిల్లుపై చర్చించాలని టిఎంసి సభలో పట్టుబట్టింది.

 

08:04 - December 2, 2017

ఢిల్లీ : భారత్‌ పర్యటనలో ఉన్న అమెరికా మాజీ అధ్యక్షుడు ఒబామా ఢిల్లీలో ప్రధాని మోదీతో భేటీ అయ్యారు. పలు కీలక అంశాలపై ఇద్దరు నేతలు చర్చించారు. ఈ విషయాన్ని మోదీ తన ట్విట్టర్‌ ఖాతాలో పోస్టు చేశారు. ఒబామాను కలుసుకోవడం పట్ల మోదీ సంతోషం వ్యక్తం చేశారు. అధ్యక్ష పదవీకాలం పూర్తైన తర్వాత  ఒబామా మన ప్రధాని మోదీని కలవడం ఇదే మొదటిసారి. మోదీని కలుసుకోవడానికి ముందు హిందూస్థాన్‌ టైమ్స్‌ లీడర్‌షిప్‌ సదస్సులో ఒబామా పాల్గొన్నారు. ఈ సందర్భంగా మోదీపై ప్రశంసల వర్షం కురిపించారు. భారత్‌-అమెరికాలు కలిసిపనిచేస్తే ఎలాంటి సమస్యలపైనా పరిష్కారం అవుతాయన్నారు. పారిస్‌ వాతావరణ ఒప్పందంలో మోదీ కీలక పాత్ర పోషించారని  ఒబామా అభినందించారు. 

 

15:59 - November 29, 2017

హైదరాబాద్ : ఇవాంకా ట్రంప్, ప్రధాని మోదీ టూర్‌కు రాత్రి బెదిరింపు కాల్ వచ్చింది. డీజీపీ కంట్రోల్ రూమ్‌కు నిన్నరాత్రి 9 గంటల 46 నిమిషాలకు కాల్ వచ్చింది. ఫలక్‌నుమా పరిసరాల్లో బాంబు పెట్టినట్టు ఆగంతకులు చెప్పడంతో... పోలీసులు అప్రమత్తమయ్యారు. విషయంగా గోప్యంగా ఉంచిన పోలీసులు... రాత్రంతా తనిఖీలు చేపట్టారు. చివరకు ఫేక్‌ కాల్‌గా తేల్చారు. ఇంటర్నెట్ వాయిస్ కాల్  ద్వారా కాల్ వచ్చినట్లు గుర్తించిన పోలీసులు.. ఆ వ్యక్తిని గుర్తించే పనిలో ఉన్నారు. మరిన్ని వివరాలను వీడియోలో చూద్దాం...

21:06 - November 28, 2017

హైదరాబాద్ : రాత్రి 8 గంటలకు ఫలక్‌నుమా ప్యాలెస్‌లో జరిగే విందుకు ప్రధాని మోదీ, ఇవాంకా ట్రంప్‌, పారిశ్రామిక వేత్తలు హాజరుకానున్నారు. ఇందులో ట్రీ ఆఫ్‌ లైఫ్‌ పేరుతో భారతీయ కళలు, దుస్తుల ప్రదర్శన నిర్వహిస్తారు. 8:30కి భారత చారిత్రక వారసత్వంపై లైవ్‌ షో ఉంటుంది. రాత్రి 10:25కు ప్రధాని మోదీ తిరిగి ఢిల్లీకి వెళ్లిపోతారు. 

20:06 - November 28, 2017

రాజమండ్రి : పోలవరం ప్రాజెక్టుకు ప్రధాని మోదీ, సీఎం చంద్రబాబు నాయుడు...రాహు, కేతువుల్లా తయారయ్యారని ఏపీ కాంగ్రెస్ ఉపాధ్యక్షుడు తులసి రెడ్డి విమర్శించారు. కాంగ్రెస్ హయాంలో 32 శాతం పనులు పూర్తైతే బాబు పాలనలో ఆర్భాటం తప్ప పనులు ముందుకు సాగడం లేదని ఆయన రాజమండ్రిలో అన్నారు. 49 శాతం పనులను ఏడాదిలోగా ఎలా పూర్తి చేయగలుగుతారో సీఎం చెప్పాలని డిమాండ్ చేశారు. కాంగ్రెస్ పార్టీ ఆధ్వర్యంలో పోలవరం ప్రాజెక్టు కోసం ప్రజా ఉద్యమం నిర్మిస్తామన్నారు. 

 

19:27 - November 28, 2017

హైదరాబాద్‌ : మహానగరం సిగలో మరో కలికితురాయి చేరింది. నగర ప్రజా రవాణాలో నవశకం మొదలైంది. భాగ్యనగర వాసులు సుదీర్ఘకాలంగా ఎదురుచూస్తున్న మెట్రోకల సాకారమైంది. హైదరాబాద్‌ మెట్రోరైల్‌ను ప్రధానమంత్రి నరేంద్ర మోదీ జాతికి అంకితమిచ్చారు. మియాపూర్‌ స్టేషన్‌లో మెట్రో సేవలను ప్రారంభించిన మోదీ... కూకట్‌పల్లి వరకు మెట్రోరైలులో ప్రయాణించారు. 
మెట్రో రైలును ప్రారంభించిన ప్రధాని మోడీ
భాగ్యనగర ప్రజలు ఎప్పుడెప్పుడా..అని ఎదురుచూస్తున్న హైదరాబాద్ మెట్రోరైలు పట్టాలెక్కింది. మధ్యాహ్నం బేగంపేట ఎయిర్‌ పోర్ట్ చేరుకున్న ప్రధానమంత్రి నరేంద్రమోదీ .. అక్కడి నుంచి ఇండియన్ ఎయిర్‌ ఫోర్స్ హెలికాఫ్టర్‌లో  మియాపూర్ మెట్రో స్టేషన్‌‌ చేరుకున్నారు. గవర్నర్ నరహింహన్, ముఖ్యమంత్రి కేసీఆర్‌తో కలిసి... .ప్రధాని మెట్రో రైలును ఆవిష్కరించి జాతికి అంకితం చేశారు. ముందుగా మెట్రో పైలాన్‌ను ఆవిష్కరించి మియాపూర్‌ స్టేషన్‌ను ప్రారంభించారు. అనంతరం మెట్రో ప్రాజెక్టు, నగర పునఃనిర్మాణంపై చిత్రించిన డాక్యుమెంటరీని తిలకించారు. టీ-సవారీ యాప్‌, బ్రోచర్‌ను ఆవిష్కరించారు. 
మెట్రో రైలులో ప్రయాణించిన మోడీ 
ఆ తర్వాత మియాపూర్ నుంచి కూకట్ పల్లి వరకు ప్రధాని మెట్రో రైలులో ప్రయాణించారు. ప్రధాని వెంట గవర్నర్ నరసింహన్‌, సీఎం కేసీఆర్, మంత్రి కేటీఆర్‌ తదితరులు మెట్రో రైలులో ప్రయాణించారు. మెట్రో రైలు నుంచి ప్రధాని హైదరాబాద్ సిటీ అందాలను తిలకించారు. సిటీ విశేషాలను పక్కనే ఉన్న మంత్రి కేటీఆర్ మోడీకి వివరించారు. కూకట్‌పల్లి నుంచి తిరిగి అదే ట్రైన్‌లో మియాపూర్ చేరుకున్నారు. మధ్యాహ్నం 2.30 గంటలకు మియాపూర్ నుంచి బయల్దేరిన మెట్రోరైలు..కూకట్ పల్లి వరకు వెళ్లి రావటానికి 11 నిమిషాలు పట్టింది. మోదీ ప్రయాణించిన మెట్రోరైలును మహిళా లోకోపైలట్‌ నడిపారు.  
హైదరాబాద్‌లోనూ మెట్రో రైలు సౌకర్యం 
కోల్‌కతా, ఢిల్లీ, బెంగళూరు, చెన్నైలో మాదిరిగానే హైదరాబాద్‌లోనూ మెట్రో రైలు సౌకర్యం అందుబాటులోకి వచ్చింది. మియాపూర్‌ నుంచి నాగోలు వరకు 30 కిలోమీటర్ల పొడవున మెట్రోరైలు సేవలు రేపటి నుంచి ప్రజలకు అందుబాటులోకి రానున్నాయి. మెట్రోరైలుతో నగరవాసులకు ట్రాఫిక్‌ కష్టాలు తీరడంతో పాటు.. మానవ వనరుల పనిగంటల ఆదా, రహదారి ప్రమాదాల తగ్గుదల, కాలుష్య నియంత్రణ, ఇంధన ఆదా ప్రయోజనాలు కలగనున్నాయి. మెట్రోరైలుతో అంతర్జాతీయ స్థాయి ప్రయాణ అనుభూతి తమకు దక్కనుందని భాగ్యనగరవాసులు హర్షం వ్యక్తం చేస్తున్నారు. బుధవారం ఉదయం 6 గంటల నుంచి మెట్రో సామాన్యులకు అందుబాటులోకి రానుంది. 
 

 

Pages

Don't Miss

Subscribe to RSS - ప్రధాని మోదీ