ప్రభాస్

10:55 - October 4, 2017

టాలీవుడ్ సత్తా ఏంటో..చూపెట్టిన చిత్రాల్లో 'బాహుబలి', 'బాహుబలి-2' ఒకటి. ఈ సినిమాల్లో నటించిన 'ప్రభాస్' పేరు అంతర్జాతీయస్థాయిలో మారుమోగింది. కొన్ని సంవత్సరాల పాటు ఈ సినిమాలకే 'ప్రభాస్' అంకితమయ్యాడు. 'బాహుబలి 2' రిలీజైన అనంతరం సుజీత్ దర్శకత్వంలో తెరకెక్కుతున్న 'సాహో' చిత్రంలో 'ప్రభాస్' నటిస్తున్నాడు. ఇటీవలే షూటింగ్ కూడా మొదలెట్టేశారు. కానీ చిత్రానికి సంబంధించిన ఏ విషయాలు బయటకు పొక్కడం లేదు.

ఇదిలా ఉంటే 'ప్రభాస్', 'అనుష్క' మధ్య ప్రేమ ఉందని టాలీవుడ్ లో రకరకాల వార్తలు వస్తున్న సంగతి తెలిసిందే. దీనిని వారిద్దరూ ఖండించినా అభిమానులు మాత్రం వారివురూ వివాహం చేసుకుంటారని అనుకుంటుంటారు. ఈ నేపథ్యంలో ప్రముఖ ఫిలిం క్రిటిక్ ఉమైర్ సింధు ట్విట్టర్ లో చేసిన ట్వీట్ కలకలం రేపుతోంది. 'ప్రభాస్' ఫ్యాన్స్ కి బ్రేకింగ్ న్యూస్ అని ట్వీట్ చేశారు. డిసెంబర్ లో 'ప్రభాస్', 'అనుష్క'లు ఎంగేజ్ మెంట్ చేసుకుంటారని...వారిద్దరి మధ్య ప్రేమ ఉందనే వార్త నిజమని పేర్కొన్నాడు.

ప్రస్తుతం 'ప్రభాస్' సాహో చిత్రంలో...'అనుష్క'...'భాగమతి' చిత్రాల్లో నటిస్తున్నారు. 'అనుష్క' కేవలం ఒక్క సినిమాలో మాత్రమే నటిస్తోంది. మిగతా చిత్రాలేవీ ఒప్పుకోవడం లేదని టాక్. పెళ్లి నేపథ్యంలోనే చిత్రాలు ఒప్పుకోవడం లేదని పుకార్లు షికారు చేస్తున్నాయి. మరి ఉమైర్ సింధు చెప్పిన విషయాల్లో నిజం ఉందా ? లేదా ? అనేది తెలుసుకోవాంటే వెయిట్ చేయాల్సిందే. 

13:26 - September 9, 2017

సినిమా వాళ్ళు వ్యాపారం లోకి దిగటం కొత్తేమి కాదు. రియల్ ఎస్టేట్, హోటల్స్ పబ్స్, ఇలా ప్రతి బిసినెస్ లో రాణిస్తూనే ఉన్నారు. రీసెంట్ గా హిట్ ట్రాక్ లో దూసుకెళ్తున్న హీరో కొత్తగా బిజినెస్ మీద ఫోకస్ పెట్టాడు. మరి ఆ హీరో ఎవరు ? 'ప్రభాస్' అంటే ఒకప్పుడు లోకల్ యాక్టర్ ఇప్పుడు ఇంటెర్నేషన్స్ స్టార్ లో ఒకడయ్యాడు. ఒకప్పుడు తెలుగు స్క్రీన్ కి మాత్రమే పరిమితమయిన నటుడు. తెలుగు సినిమా రుచిని గ్రాండ్ గా ప్రపంచానికి పరిచయం చేసిన సినిమా 'బాహుబలి'. ఈ సినిమాతో అందరికి ఒక్క సరిగా ఇంటర్నేషనల్ లెవెల్ రికగ్నైజేషన్ వచ్చింది. మరి ఆ గుర్తింపును క్యాష్ చేసుకుంటున్నాడు మన అమరేంద్ర బాహుబలి. కలక్షన్స్ పరంగానే కాకుండా టెక్నీకల్ గా కూడా సూపర్బ్ అనిపించుకుంది ఈ బాహుబలి సినిమా.

'బాహుబలి' తర్వాత ప్రభాస్ కెరీర్లోనే అత్యంత బడ్జెట్ తో తెరకెక్కుతున్న 'సాహో' సినిమాకి సుజిత్ దర్శకత్వం వహిస్తున్నాడు. 'సాహో' సినిమా గ్రాఫిక్స్ లో కూడా ఏ మాత్రం తగ్గకుండా ప్లాన్ చేస్తున్నారు ఫిలిం యూనిట్. ఇదిలా ఉంటె 'ప్రభాస్' బిజినెస్ లోకి అడుగు పెట్టాడు. తాజాగా నెల్లూరు జిల్లా సూళ్లూరుపేటలో భారీ ఎత్తున థియేటర్లను నిర్మిస్తున్నారు. ఈ థియేటర్ల క్యాంపస్ ను 'బాహుబలి' థియేటర్లుగా వ్యవహరిస్తున్నారు. మొత్తం రూ.40 కోట్ల బడ్జెట్ తో రూపొందిస్తున్న బాహుబలి థియేటర్లు ఇప్పుడు హాట్ టాపిక్ గా మారాయి. ప్రస్తుతం శరవేగంగా నిర్మిస్తున్న ఈ థియేటర్ ను 2018లో ప్రారంభించనున్నారు

11:16 - August 16, 2017

'బాహుబలి'..'బాహుబలి-2' సినిమాల అనంతరం 'ప్రభాస్' నటిస్తున్న న్యూ ఫిల్మ్ 'సాహో' చిత్రంపై భారీ అంచనాలు నెలకొంటున్నాయి. చిత్రం షూటింగ్ ప్రారంభం కాకముందే చిత్ర టీజర్ విడుదలయిన సంగతి తెలిసిందే. కానీ సినిమాకు సంబంధించిన విషయాలు మాత్రం బయటకు పొక్కడం లేదు. 'ప్రభాస్' సరసన హీరోయిన్ ఎవరు నటిస్తారనే దానిపై సోషల్ మీడియాలో రకరకాల కథనాలు వెలువడ్డాయి. 

'ప్రభాస్' సరసన నయనతార, అనుష్క, కాజల్ నటిస్తారని, బాలీవుడ్ హీరోయిన్స్ లను ఎంపిక చేస్తారని టాక్ వినిపించింది. దీనికంతటికీ ఫుల్ స్టాప్ పడింది. 'సాహో' లో హీరోయిన్ గా 'శ్రద్ధాకపూర్' నటించబోతోంది. 'ఆషికి-2'తో పాటు పలు హిందీ చిత్రాల్లో నటించిన ఈ ముద్దుగుమ్మ మంచి పేరే తెచ్చుకుంది. ఆమె తెలుగులో నటిస్తున్న తొలి చిత్రం 'సాహో' కావడం విశేషం.

సుజీత్ దర్శకత్వంలో వస్తున్న ఈ సినిమాను యూవీ క్రియేషన్స్ పతాకంపై వంశీ, ప్రమోద్ లు భారీ బడ్జెట్ తో సినిమాను తెరకెక్కిస్తున్నారు. తెలుగు, తమిళం, హిందీ భాషల్లో చిత్రం నిర్మితమౌతోంది. ఈ చిత్రం కోసం అంతర్జాతీయ నిపుణులు పనిచేస్తున్నట్లు టాక్. యాక్షన్ కి అత్యంత ప్రాధాన్యతనిస్తున్నట్లు సమాచారం. ప్రభాస్ స్టైలిష్ గా ఇదివరకటి కంటే భిన్నంగా తెరపై కనిపించేందుకు చిత్ర యూనిట్ ప్రయత్నిస్తోంది. 

09:23 - August 11, 2017

'బాహుబలి', 'బాహుబలి-2' చిత్రంతో జాతీయస్థాయిలో పేరొందిన నటుడు 'ప్రభాస్' తాజా చిత్రంతో బిజీ బిజీగా మారిపోయాడు. దాదాపు కొన్ని సంవత్సరాల వరకు ఒక్క సినిమాకే పని చేసిన ఆయన మరో చిత్రంలో నటిస్తుండడంతో భారీ అంచనాలు నెలకొంటున్నాయి.

సుజీత్ సింగ్ దర్శకత్వంలో 'సాహో' సినిమా తెరకెక్కుతోంది. షూటింగ్ మొదలు కాకుండానే టీజర్ ను ముందుగా రిలీజ్ చేసి ఆసక్తిని రేకేత్తించారు. చాలా ఏళ్ల తర్వాత 'ప్రభాస్‌' తెర మీద మోడరన్‌ గెటప్‌తో కనిపించనుండడంతో అభిమానులు సంతోషం వ్యక్తం చేస్తున్నారు.

ఇక ఈసినిమా వివరాలు మాత్రం ఏ మాత్రం బయటకు పొక్కడం లేదు. తాజాగా సినిమాటోగ్రాఫర్ గా పనిచేస్తున్న మది తమిళ మీడియాతో మాట్లాడినట్లు సోషల్ మాధ్యమాల్లో వార్తలు వస్తున్నాయి. ఇప్పటి వరకు 7 రోజుల షూటింగ్‌ ముగిసిందని ఇంకా 180 రోజుల పాటు షూటింగ్‌ జరగాల్సి ఉందని అన్నారు. హీరోయిన్‌ ఎవరనేది దర్శక నిర్మాతలు అధికారికంగా ప్రకటిస్తారని అన్నారు. రానున్న రోజుల్లో వివరాలు తెలిసే అవకాశాలున్నాయి. 

12:36 - August 8, 2017

టాలీవుడ్ యంగ్ రెబల్ స్టార్ 'ప్రభాస్' పై ఓ వార్త ఎప్పుడూ చక్కర్లు కొడుతూ ఉంటుంది. ఆయన పెళ్లి ఎప్పుడు చేసుకుంటాడు ? పెళ్లి చేసుకబోయే అమ్మాయి ఎవరు తదితర విషయాలపై అభిమానులు చర్చించుకుంటుంటారు. పెళ్లి మాటపై 'ప్రభాస్' మాత్రం అంతగా స్పందించరు. 'బాహుబలి-2' సినిమా అనంతరం వివాహంపై క్లారిటీ ఇస్తానని గతంలో 'ప్రభాస్' వెల్లడించిన విషయం విదితమే. కానీ ఆ సినిమా విడుదలై వంద రోజులు కావస్తోంది. కానీ 'ప్రభాస్' మాత్రం పెళ్లి విషయంలో ఎలాంటి ప్రకటన చేయడం లేదు.

ఇదిలా ఉంటే రాఖీ పండుగ సందర్భంగా 'కృష్ణంరాజు' రెండో కుమార్తె సాయి ప్రకీర్తి మీడియాతో మాట్లాడింది. తాము ముగ్గురు అక్కాచెల్లెళ్లమని, తన అక్క పేరు సాయి ప్రసీద, చెల్లి పేరు సాయి ప్రదీప్తి అని చెప్పింది. ప్రతి రాఖీ పండుగకు అన్నయ్య 'ప్రభాస్‌'కు తాము ముగ్గురం రాఖీలు కడతామని చెప్పింది. రాఖీ కట్టగానే ఒక గిఫ్ట్ ఇస్తారని, తాము ఏది అడిగినా 'ప్రభాస్' కాదనడని పేర్కొంది. పెళ్లి ప్రస్తావన తెస్తే మాత్రం ఏదో ఒకటి చెప్పి దాటవేస్తాడని, అన్నయ్య పెళ్లి ఎప్పుడవుతుందా? అని ఎదురు చూస్తున్నామని మనసులోని మాట చెప్పేసింది. అన్నయ్య పెళ్లి సంగీత్‌లో డాన్స్ వేసేందుకు ఇప్పటి నుంచే ప్లాన్‌ చేసుకుంటున్నామని, అన్నయ్య పెళ్లిలో మంచి ఫుడ్‌ ఉంటుందని తెలిపింది. మరి ప్రభాస్ పెళ్లి ఎప్పుడు చేసుకుంటారో..చెల్లెళ్ల కోరిక ఎప్పుడు నెరవేరుస్తాడో చూడాలి. 

10:19 - August 2, 2017

'భళీ..భళీ రా...భళీ..సాహోరో బాహుబలి' అనిపించుకున్న టాలీవుడ్ యంగ్ రెబల్ స్టార్ 'ప్రభాస్' తన తాజా చిత్రం 'సాహో'పై భారీ అంచనాలు నెలకొంటున్నాయి. యాక్షన్ చిత్రమా..సైన్స్ ఫిక్షన్..సోషియో ఫాంటసీ నేపథ్యంలో చిత్రం ఉంటుందా అని సోషల్ మాధ్యమాల్లో వార్తలు వెలువడుతున్నాయి. కానీ ఈ సినిమాకు సంబంధించిన విషయాలు మాత్రం తెలియరావడం లేదు. 'సాహో' చిత్రాన్ని మాత్రం హాలీవుడ్ రేంజ్ కు తగ్గట్టు రూపొందించనున్నారని టాక్.

'బాహుబలి'..'బాహుబలి-2' సినిమాల అనంతరం సుజీత్ దర్శకత్వంలో 'సాహో' చిత్రంలో నటించేందుకు 'ప్రభాస్' అంగీకరించారు. 'రన్ రాజా రన్' చిత్రం అనంతరం సుజీత్ చేస్తున్న సినిమా ఇదే. చిత్ర షూటింగ్ కంటే ముందుగానే చిత్రా టీజర్ విడుదల చేయడం గమనార్హం. చిత్ర హీరోయిన్స్..విలన్స్..ఇతరత్రా పాత్రలు ఎవరు పోషిస్తున్నారనే దానిపై క్లారిటీ రావడం లేదు. దాదాపు రూ. 150 కోట్లతో సినిమా తెరకెక్కిస్తున్నట్లు తెలుస్తోంది.

'సాహో' పక్కా యాక్షన్ ఎంటర్ టైన్ మెంట్ గా సినిమా ఉంటుందని..హాలీవుడ్ రేంజ్ లో ఉంటుందని 'ప్రభాస్' పేర్కొన్నట్లు తెలుస్తోంది. సాహో కోసం బరువు తగ్గిపోయి స్టైలిష్ గా కనిపించబోతున్నాడు. ఇటీవలే 'ప్రభాస్' కు సంబంధించిన ఫొటోలు సామాజిక మాధ్యమాల్లో వైరల్ అయిన సంగతి తెలిసిందే. మొదటి షెడ్యూల్ పూర్తి చేసుకున్న ఈ సినిమా తదుపరి షెడ్యూల్ దుబాయిలో జరిపేందుకు ప్లాన్ చేస్తున్నట్లు తెలుస్తోంది. 'ప్రభాస్' కు విలన్ గా బాలీవుడ్ నటుడు 'నీల్ నితిన్ ముఖేష్' నటించనున్నట్లు తెలుస్తోంది. మరి 'ప్రభాస్' ఎలా మురిపిస్తాడో వెయిట్ అండ్ సీ...

13:59 - July 18, 2017

ప్రభాస్..’బాహుబలి'..’బాహుబలి-2’ సినిమాల ద్వారా అంతర్జాతీయ స్థాయిలో పేరు తెచ్చుకున్న నటుడు. రాజమౌళి దర్శకత్వంలో తెరకెక్కిన ఈ సినిమాలు ప్రపంచ వ్యాప్తంగా మంచి పేరుతో పాటు భారీ కలెక్షన్లు కొల్లగొట్టాయి. ఈసినిమాలో కండలతో భారీకాయంతో..’ప్రభాస్' నటించాడు. ప్రభాస్ మాస్ ఫాలోయింగ్ తో పాటు లేడీస్ ఫాలోయింగ్ కూడా అధికంగానే ఉంది.
ప్రస్తుతం 'ప్రభాస్' సుజీత్ దర్శకత్వంలో 'సాహో' సినిమాలో నటిస్తున్నాడు. దీనికి సంబంధించిన విశేషాలు మాత్రం బయటకు రావడం లేదు. హీరోయిన్..విలన్ ఎవరనే దానిపై చిత్ర యూనిట్ ఎలాంటి ప్రకటన చేయలేదు. తాజాగా న్యూ యంగ్ లుక్ లో కనిపిస్తున్న ఓ ఫొటో సామాజిక మాధ్యమాల్లో వైరల్ అవుతోంది. ఈ లుక్ 'సాహో' చిత్రంలోనేదా ? లేక మాములుదేనా అనే సందేహాలు నెలకొన్నాయి. ఈ ఫొటోలో 'ప్రభాస్' కిందుకు చూస్తూ ఒకింత సిగ్గు పడుతూ చిరు నవ్వు చిందిస్తూ ఉన్న ఫొటో అభిమానులను అలరిస్తోంది. ఆరెంజ్‌ కలర్‌ రౌండ్‌నెక్‌ టీ షర్ట్‌ ధరించి.. దానిపై మెడ చుట్టూ చెక్‌ షర్ట్‌ వేసుకొని ఉన్న ఈ ఫొటో ఇప్పటికే అభిమానులు తెగ ఆకట్టుకుంటోంది.

12:07 - July 6, 2017

టాలీవుడ్ యంగ్ రెబల్ స్టార్ 'ప్రభాస్' తాజా చిత్రం 'సాహో' లో హీరోయిన్ గా ఎవరు నటిస్తున్నారు ? అనే దానిపై తెగ చర్చ జరుగుతోంది. దీనిపై పలువురి హీరోయిన్ల పేర్లు ఎన్నో వినిపించాయి. ‘బాహుబలి'..’బాహుబలి-2’.. సినిమాల అనంతరం 'ప్రభాస్' సుజిత్ దర్శకత్వంలో 'సాహో' చిత్రంలో నటిస్తున్న సంగతి తెలిసిందే. ఇప్పటికే ఈ చిత్ర టీజర్ కూడా విడుదల చేసిన సంగతి తెలిసిందే. కానీ హీరోయిన్ విషయంలో చిత్ర యూనిట్ తర్జనభర్జనలు పడుతున్నట్లు సమాచారం.
చివరకు 'అనుష్క'ను ఎంపిక చేశారని ప్రచారం జరుగుతోంది. ఈ విషయాన్ని సినీ విశ్లేషకుడు రమేశ్‌ బాలా ట్వీట్ చేయడం గమనార్హం. కానీ చిత్ర బృందం మాత్రం ఎలాంటి కన్ఫామ్ చేయలేదు. గతంలో ప్రభాస్..అనుష్కలు నటించిన పలు సినిమాలు విజయవంతమైన సంగతి తెలిసిందే. వీరి కాంబినేషన్ బాగుంటుందని అభిమానులు సైతం అనుకుంటుంటారు. గతంలో వీరి కాంబినేషన్‌లో 'బిల్లా', 'మిర్చి', 'బాహుబలి' సినిమాలు వచ్చాయి. మరి అనుష్క నటించనుందా ? లేదా ? అనేది తెలియాల్సి ఉంది.

14:11 - July 3, 2017

బాలీవుడ్ నటి ‘కత్రినా కైఫ్’..’మల్లీశ్వరీ’ గా టాలీవుడ్ ప్రేక్షకులకు పరిచయస్తురాలు. బాలీవుడ్ లోని పలు హిట్ చిత్రాల్లో నటించి అభిమానులను సొంతం చేసుకుంది. వరుస ఆఫర్లతో టాప్ పోజిషన్లలో నిలిచిన ఈ ముద్దుగుమ్మ ప్రస్తుతం ‘అమీర్ ఖాన్’ తో ‘థగ్స్ ఆఫ్ హిందుస్తాన్’..’ సల్మాన్ ఖాన్’ తో ’టైగర్ జిందా హై' చిత్రాల్లో నటిస్తోంది. ‘జగ్గా జాసూస్' చిత్ర ప్రమోషన్ లో భాగంగా తోటి నటుడు 'రణ్ బీర్ కపూర్'తో అబుదాబీలో జరిగిన సైమా వేడుకల్లో 'కత్రీనా' పాల్గొంది. ఈ సందర్భంగా మీడియా పలు ప్రశ్నలు వేసింది. దక్షిణాదిలో నటించాల్సి వస్తే ఏ హీరోలతో నటిస్తారని మీడియా అడిగిన ప్రశ్నకు 'తెలుగులో ప్రభాస్ తో..తమిళంలో 'విక్రమ్' తో నటిస్తా' అని ఠక్కున చెప్పేసింది. 'బాహుబలి' మూవీ చూశానని..ప్రభాస్ ఎంతో చక్కగా నటించారని కితాబిచ్చింది. 'చియాన్' విక్రమ్ నటన గురించి ప్రత్యేకంగా చెప్పనక్కర్లేదని ఆయన అద్భుతమైన నటుడని 'కత్రినా కైఫ్' అభిప్రాయపడింది. మరి 'కత్రినా' మాటలు దర్శకుల చెవిలో పడ్డాయో లేదో...

11:21 - July 3, 2017

ప్రభాస్...‘బాహుబలి'..’బాహుబలి-2’..చిత్రాల ద్వారా ఒక్కసారిగా జాతీయ స్థాయిలో పేరొందిన నటుడు. ప్రస్తుతం ఇతడి కోసం దర్శకులు క్యూ కడుతున్నారు. బాలీవుడ్ లో నటింప చేయాలని పలువురు దర్శకులు ప్రయత్నాలు చేపడుతున్నట్లు తెలుస్తోంది. ప్రస్తుతం సుజీత్ దర్శకత్వంలో 'సాహో' చిత్రంలో నటిస్తున్న సంగతి తెలిసిందే. అనంతరం ఆయన ఎవరి దర్శకత్వంలో నటిస్తారనే దానిపై చర్చ జరుగుతోంది. ప్రముఖ కొరియోగ్రాఫర్..ఇండియన్ మైకెల్ జాక్సన్ గా పేరొందిన 'ప్రభుదేవా' దర్శకత్వంలో 'ప్రభాస్' నటిస్తారని ప్రచారం జరుగుతోంది. ఇటీవలే 'ప్రభుదేవా' దర్శకత్వంలో పలు చిత్రాలను వచ్చిన సంగతి తెలిసిందే. ప్రభుదేవా, తమన్నా జంటగా నటిస్తున్న 'ఖామోషి' చిత్రంలో 'ప్రభాస్‌' అతిథి పాత్రలో చేస్తున్నాడని తెలుస్తోంది. దీనిపై 'ప్రభుదేవా' మీడియాతో మాట్లాడారు..కేవలం బిజినెస్‌ కోసం తామిద్దరం కలిసి సినిమా చేయడంలో అర్థం లేదని, ‘ప్రభాస్‌'తో సినిమా తీయాలనుందని స్పష్టం చేశారు. 'సాహో' సినిమాతో ప్రభాస్ బిజీగా ఉన్నారని, ఈ సినిమా అయ్యాక ఏ విషయం అనేది ప్రకటిస్తామన్నారు.

Pages

Don't Miss

Subscribe to RSS - ప్రభాస్