ప్రభుత్వం

19:02 - September 21, 2018

కర్ణాటక : కన్నడలో రాజకీయాలు మరోసారి వేడెక్కాయి. కుమారస్వామి ప్రభుత్వం కూలిపోయే ప్రమాదం ముంచుకొచ్చినట్లుగా వాతావరణం వేడెక్కింది. ప్రభుత్వం ఏర్పాటుకు నానా కష్టాలు పడి ఎట్టకేలకు ప్రభుత్వాన్ని ఏర్పాటు చేసిన కుమారస్వామి ప్రభుత్వం కూలిపోనుందా? సంకీర్ణప్రభుత్వాన్ని కూల్చివేసే దిశగా బీజేపీ పావులు కదుపుతున్నట్లుగా సమాచారం. బీజేపీ నేతలు గవర్ణర్ ను కలిసేందుకు సన్నద్ధం అవతున్న నేపథ్యంలో వీటికి బలం చేకూర్చేలా వాతావరణ వేడెక్కింది. కాంగ్రెస్, జేడీఎస్ నుండి దాదాపు 20మంది ఎమ్మెల్యేలు అసమ్మతి రాగం ఆలపిస్తున్నారు. తమ డిమాండ్లకు కుమారస్వామి ఒప్పుకోవాలని ముంబై నుండి కాంగ్రెస్, జేడీఎస్ ఎమ్మెలే్యలు కథను నడిపిస్తున్నారు.  దీనికోసము కాచుకుని కూర్చున్న బీజేపీ వారిని తమవైపు లాక్కుని ప్రభుత్వం ఏర్పాటుచేసే దిశగా పావులు కదుపుతోంది. దీనిపై స్పందించి ముఖ్యమంత్రి కుమార స్వామి ఒక్కో ఎమ్మెల్యేకు బీజేపీ రూ.15 కోట్లు ఎరవేసి తమవైపు లాక్కునేందుకు బీజేపీ బేరసారాలు నడుపుతోందని ఆరోపించారు. ఈ హాట్ హాట్ వాతావరణం చూస్తుంటే కుమారస్వామి సీెఎం పదవి ప్రమాదంలో పడినట్లుగా అనిపిస్తోందని రాజకీయ విశ్లేషకులు అభిప్రాయపడుతున్నారు. 

 

13:40 - September 7, 2018

హైదరాబాద్ : కేసీఆర్ సర్కార్ 9 నెలల ముందే ప్రభుత్వాన్ని రద్దు చేయడం అభ్యంతరకరమని కాంగ్రెస్ సీనియర్ నేత జానారెడ్డి అన్నారు. ఈమేరకు ఆయన మీడియాతో మాట్లాడారు. ఈ ప్రభుత్వం విమర్శలను సహించలేకపోతోందని మండిపడ్డారు. టీఆర్ ఎస్ ప్రభుత్వం అందితే జుట్టు అందకపోతే కాళ్లు పట్టుకునే ధోరిణిలో ఉందని విమర్శించారు. రాష్ట్రంలో రాజకీయ అనిశ్చితి ఉందా అని ప్రశ్నించారు. రాష్ట్రంలో రాజకీయ కలుషితం ఉందని చెప్పారు. కాంగ్రెస్ పార్టీ అనేక రకాలుగా త్యాగాలు చేసిందని జానారెడ్డి పేర్కొన్నారు. 

18:31 - August 25, 2018

ఏపీ డీఎస్సీ మరింత లేట్ కాబోతోంది. సంవత్సరకాలంగా ఎదురు చూస్తున్న నిరుద్యోగులు నిరాశ చెందారు. ఎప్పటిలోగా డీఎస్సీ నిర్వహిస్తారో తెలియని పరిస్థితి నెలకొంది. లక్షలాది మంది నిరుద్యోగుల డీఎస్సీ కోసం ఎదురుచూస్తున్నారు. కానీ ప్రభుత్వం నుంచి స్పష్టమైన ప్రకటన లేదు. ఆర్థిక శాఖ, విద్యాశాఖ మధ్య సమన్వయం కొరవడడంతోనే ఈ జాప్యం జరుగుతోంది. ఇదే అంశంపై నిర్వహించిన ప్రత్యేక చర్చా కార్యక్రమంలో ఏపీహెచ్ ఎమ్స్ అసోసియేషన్ రాష్ట్ర ప్రధాన కార్యదర్శి ముప్పాళ్ల శంకర్ రావు, విద్యార్థి సంఘం నాయకులు సూర్యారావు పాల్గొని, మాట్లాడారు. ఉద్యోగాలు ఇవ్వకుండా ప్రభుత్వం కాలక్షేపం చేస్తుందన్నారు. నిరుద్యోగులకు ఉద్యోగాలు ఇచ్చే ఉద్ధేశం సర్కార్ కు లేనట్లు కనిపిస్తుందన్నారు. మరిన్ని వివరాలను వీడియోలో చూద్దాం.... 

 

20:53 - August 16, 2018

హైదరాబాద్ : కాళేశ్వరం ప్రాజెక్ట్‌ బడ్జెట్‌ అంచనాలను విపరీతంగా పెంచి టీఆర్‌ఎస్ ప్రభుత్వం దోపిడికి పాల్పడిందని ఆరోపించారు కాంగ్రెస్‌ నేత భట్టివిక్రమార్క. డాక్టర్‌ బీఆర్‌ అంబేద్కర్‌ ప్రాణహిత-చేవెళ్ల ప్రాజెక్ట్‌ పేరు మార్చి.. కాళేశ్వరం పేరుతో కోట్లు దోచుకున్నారన్నారు. ప్రాజెక్ట్‌ పేరు మార్చి పేరు మార్చలేదని మంత్రులు అబద్ధాలు చెబుతున్నారని తెలిపారు.

16:01 - August 3, 2018

గుంటూరు : గ్రామాలలో అమలవుతున్న సంక్షేమ పథకాల పనితీరును ప్రభుత్వం గ్రామదర్శిని ద్వారా తెలుసుకుంటుందని ఎమ్మెల్సీ డొక్కా మాణిక్యవరప్రసాద్‌ అన్నారు. నిరుద్యోగ భృతి ఇవ్వటంతో టీడీపీ మేనిఫెస్టో 99 శాతం పూర్తయిందని డొక్కా తెలిపారు. బీజేపీ నేత సోము వీర్రాజు ప్రభుత్వంపై లేనిపోని ఆరోపణలు చేస్తున్నారని.. ఈ ఆరోపణలు ప్రజల్లో భయాందోళనలు రేపుతున్నాయని ఆరోపించారు. అభివృద్ధి నిరోధకునిగా సోమువీర్రాజు వ్యవహరిస్తున్నారని.. వ్యవహారశైలి మార్చుకోవాలని డొక్కా సూచించారు. 

 

19:08 - July 31, 2018

శ్రీకాకుళం : సిక్కోలు జిల్లాలో ప్రభుత్వంపై అధికార పార్టీ ఎమ్మెల్యే ఆగ్రహం వ్యక్తం చేస్తున్నారు. హామీ నెరవేర్చని ప్రభుత్వానికి వ్యతిరేకంగా రేపు మౌన దీక్ష చేస్తానన్న ఎమ్మెల్యే గౌతు శ్యాంసుందర్‌ శివాజీ ప్రకటించారు. ఆఫ్‌షోర్‌ జలాశయం పనుల్లో జాప్యానికి నిరసనగా ఎమ్మెల్యే నిర్ణయం తీసుకున్నారు. జులై 31 నాటికి ప్రాజెక్టు పూర్తి చేస్తామని ప్రభుత్వం హామీ ఇచ్చి మాట మార్చిందన్నారు. గతంలో హామీ నెరవేర్చలేదంటూ.. గౌతు శ్యాంసుందర్‌ శివాజీ తలనీలాలు గడ్డం కత్తిరించుకోనని భీష్మించారు. అయితే అప్పట్లో శివాజీని ఒప్పించి తిరుపతిలో తలనీలాలు తీయించారు టీడీపీ నేతలు. ఇప్పుడు మౌన దీక్షకు మరోసారి సిద్ధమయ్యారు ఎమ్మెల్యే శివాజీ. ఆఫ్‌షోర్‌ జలాశయం పనులు 50శాతమైనా పూర్తి కాలేదని శివాజీ ఆగ్రహం వ్యక్తం చేశారు. శివాజీ నిర్ణయంతో టీడీపీ శ్రేణుల్లో కలకలం మొదలైంది. 

20:55 - July 18, 2018

పార్లమెంట్ల అవిశ్వాసం బెట్టిన తెల్గుదేశం..మరి గుణాత్మక గుర్వయ్య ఎటుంటడు?, నిజాంబాదు టీఆర్ఎస్ల ముదిరిన లొల్లి..ఎమ్మెల్యే గణేష్ గుప్త లంచమడ్గిండట, ముఖ్యమంత్రి బొమ్మవెట్టి హోమం జేశిండ్రు..ఇప్పటికన్న కరుణిస్తడేమో అని ఆరాటం, ప్రభుత్వమే నకిలీ ఇత్తనాలమ్మిందంట..కామారెడ్డి జిల్లాల నట్టేట మున్గిన రైతులు, బిచ్చమడుక్కుంటున్న గూడ అంజన్న తల్లి.. కంటతడి వెట్టిస్తున్న తల్లి గోసల పాట, గ్రేటర్ నోయిడా కాడ కూలిన నిర్మాణ బంగ్ల..చిక్కుకున్న పద్దెన్మిది కుటుంబాలు... ఈ అంశాలను మల్లన్నముచ్చట్లను వీడియోలో చూద్దాం.... 

 

07:39 - July 17, 2018

తెలంగాణలో చేనేత కార్మికులకు ఎన్నికల నాడు ఇచ్చిన హామీలు అమలు చేయలేదని చేనేత కార్మికుల పట్ల మాటల్లో ఒకరకంగా చేతల్లో ఒక రకంగా ప్రభుత్వం వ్యవహరిస్తుందని చేనేత కార్మికుల సంఘం ఆందోళన వ్యక్తం చేస్తుంది. చేనేత కార్మికుల సంక్షేమ నిధిని ఏర్పాటు చేస్తానని ఇప్పటికీ చేయలేదని..... చేనేతకు, జౌలికి ప్రత్యేక బడ్జెట్‌కు కేటాయిస్తామని అది కూడా అమలు చేయలేదని.... చేనేత కార్మికుల కోసం ఏర్పాటు చేస్తామని చెప్పిన మెగా టెక్స్‌టైల్స్‌ పార్క్‌ ఇంకా నిర్మాణ పనులే మొదలు కాలేదని వారు ప్రభుత్వ వైఖరిని విమర్శిస్తున్నారు. మరి నేతన్నలకు సమస్యలేమిటి? వారికిచ్చిన హామీలేమిటి? చేనేతకు జౌలికి ప్రత్యేక బడ్జెట్‌ కేటాయిస్తామని చేనేత కార్మిక సంక్షేమ నిధిని ఏర్పాటు చేస్తామని హామీల కోసం నేతలన్నల డిమాండ్స్ ఏమిటి? అనే అంశాలపై తెలంగాణ చేనేత సంఘం నాయకులు రమేశ్‌ మాటల్లోనే తెలుసుకుందాం..

13:56 - July 16, 2018

హైదరాబాద్‌ : ఎమ్ ఎన్ జే క్యాన్సర్‌ ఆస్పత్రికి స్వయం ప్రతిపత్తి కల్పించేందుకు ప్రభుత్వం సిద్ధమవుతోంది. ఇందుకోసం ప్రతిపాదనలు సిద్దం చేశారు. అయితే... దీనిని  వైద్యులు, సిబ్బంది వ్యతిరేకిస్తున్నారు. 

 

10:45 - July 15, 2018

తూర్పు గోదావరి : జిల్లా ఐ.పోలవరం వద్ద జరిగిన పడవ ప్రమాదంలో ఏడుగురు గల్లంతయ్యారు. గల్లంతైన వారి కోసం సహాయక చర్యలు ప్రారంభమయ్యాయి. రాత్రి వర్షం కారణంగా సహాయక చర్యలు నిలిచిపోగా.. ఉదయం నుంచే ఎన్డీఆర్‌ఎఫ్‌, ఎస్డీఆర్‌ఎఫ్‌ బృందాలు రంగంలోకి దిగి సహాయకచర్యలు కొనసాగిస్తున్నాయి. పిల్లల ఆచూకీ కోసం ఘటనాస్థలంలోనే తల్లిదండ్రులు ఎదురుచూస్తున్నారు. రాత్రంతా అక్కడే పడిగాపులు కాశారు. త్వరగా సహాయక చర్యలు చేపట్టాలని డిమాండ్‌ చేస్తున్నారు. నిర్మాణంలో ఉన్న బ్రిడ్జిని పూర్తి చేయకపోవడం వల్లే ఇలాంటి ప్రమాదాలు జరుగుతున్నాయని ఆవేదన వ్యక్తం చేస్తున్నారు. మరోవైపు ప్రమాద ఘటనకు ప్రభుత్వ వైఫల్యమే కారణమని ప్రతిపక్షాలు ఆరోపిస్తున్నాయి. సహాయకచర్యలను ఉన్నతాధికారులు పర్యవేక్షిస్తున్నారు. పడవ ప్రమాద ఘటనాస్థలంలో తల్లిదండ్రులను ప్రతిపక్షాల నేతలు పరామర్శించారు. ప్రభుత్వం సహాయకచర్యలు ముమ్మరం చేయాలని సీపీఎం నేతలు డిమాండ్‌ చేస్తున్నారు. 
ప్రభుత్వ పడవలు ఏర్పాటు చేయాలి : వి.శ్రీనివాస్ రావు 
'ప్రభుత్వం సహాయకచర్యలు ముమ్మరం చేయాలి. ప్రమాదాలు జరగకుండా చర్యలు తీసుకుంటామని ప్రభుత్వం చెబుతూ నిర్దిష్టమైన భద్రతా చర్యలు తీసుకోవడంలో విఫలమవుతుంది. ప్రభుత్వ పడవలు ఏర్పాటు చేయాలి. దానికి లైఫ్ బోట్స్, స్విమ్మర్లను పెట్టి అటు, ఇటు దాటించాలి. ప్రభుత్వ వైఖరి బాధ్యతారహిత్యంగా ఉంది. ఈ ఘటన నుంచి అయినా ప్రభుత్వం పాఠాలు నేర్చుకోవాలి. ప్రభుత్వమే బోట్లను నిర్వహించాలని..లైఫ్ బోట్లను ఏర్పాటు చేయాలి. తక్షణ భద్రతా చర్యలు తీసుకోవాలి' అని అన్నారు. 
సీపీఎం తూగో జిల్లా కార్యదర్శి 
'నేటి కాలంలో కూడా పడవల మీద ప్రయాణం దారుణం. ప్రభుత్వం ప్రమాదం ముందు చర్యలు తీసుకోవడం లేదు. ప్రమాదం జరిగిన తర్వాత హడావిడి చేస్తున్నారు. నెల రోజుల్లో వంతెన పూర్తి చేయాలి' అన్నారు. 12 మందిని కాపాడాననని స్థానికుడు తెలిపారు. ముగినిపోయిన వారిని రక్షించలేకపోయానని తెలిపారు. 

 

Pages

Don't Miss

Subscribe to RSS - ప్రభుత్వం