ప్రారంభం

19:51 - August 17, 2018

హైదరాబాద్ : బీఎస్ ఎన్ ఎల్ ఆల్‌ ఇండియా 18వ క్యారమ్స్‌ టోర్నమెంట్‌ హైదరాబాద్‌లో అట్టహాసంగా ప్రారంభమైంది. గచ్చిబౌలి రీజనల్‌ టెలికం ట్రైనింగ్‌ సెంటర్‌లో మూడు రోజుల పాటు ఈ టోర్నమెంట్‌ జరగనుంది. తెలంగాణ-ఆంధ్రప్రదేశ్‌ ఇండియన్‌ ఆయిల్‌ కార్పొరేషన్‌ ఈడీ రాహుల్‌ బరద్వాజ్‌ ఈ కార్యక్రమానికి హాజరై పోటీలను ప్రారంభించారు. ప్రముఖ క్యారమ్స్‌ క్రీడాకారుడు నిస్సార్‌ అహ్మద్‌ ఈ టోర్నమెంట్‌కి ముఖ్య అతిథిగా హాజరయ్యారు. మొత్తం 12 రాష్ట్రాల నుండి 170 మంది ఉద్యోగులు ఈ టోర్నమెంట్‌లో పాల్గొంటున్నారు. 

 

14:23 - August 17, 2018

ఢిల్లీ : మాజీ ప్రధాని వాజ్ పేయి అంతిమయాత్ర ప్రారంభం అయింది. నిన్న అనారోగ్యతంతో ఆయన మృతి చెందారు. ఢిల్లీలోని ఎయిమ్స్ లో చికిత్స పొందుతూ ఆరోగ్యం విషమించడంతో మృతి చెందారు. వాజ్ పేయికి అంజలి ఘటించేందుకు దేశ, విదేశాల ప్రతినిధులు తరలివస్తున్నారు. వాజ్ పేయికి అమెరికా సంతాపం ప్రకటించింది. అంతిమయాత్రకు పార్టీలకతీతంగా అశేష ప్రజానీకం తరలివస్తున్నారు. సాయంత్ర 4 గంటలకు స్మృతి స్థల్ లో వాజ్ పేయి అంత్యక్రియలు నిర్వహించనున్నారు. మరిన్ని వివరాలను వీడియోలో చూద్దాం... 

21:57 - August 15, 2018

మెదక్ : దేశంలో ఎక్కడా లేని విధంగా 'కంటి వెలుగు' కార్యక్రమాన్ని నిర్వహిస్తున్నామన్నారు తెలంగాణ ముఖ్యమంత్రి చంద్రశేఖర్‌రావు. రాష్ట్రంలోని 3 కోట్ల 70 లక్షల మందికి పరీక్షలు నిర్వహిస్తామని... అవసరమైన వారికి ఆపరేషన్లు చేయడంతో పాటు.. కళ్లజోళ్లు అందిస్తామన్నారు. మల్కాపూర్‌లో పర్యటించిన కేసీఆర్‌... గ్రామంపై వరాల జల్లు కురిపించారు. గ్రామ అవసరాల కోసం 6 కోట్ల రూపాయలు కేటాయించినట్లు ప్రకటించారు. 
మల్కాపూర్‌లో కంటి వెలుగు ప్రారంభం
తెలంగాణ ప్రభుత్వం ప్రతిష్టాత్మకంగా చేపట్టిన కంటి వెలుగు కార్యక్రమాన్ని ముఖ్యమంత్రి చంద్రశేఖరరావు.. మెదక్‌ జిల్లా తూప్రాన్‌ మండలం మల్కాపూర్‌లో ప్రారంభించారు. కంటి వైద్య శిబిరాన్ని సందర్శించి కొంతమందికి కళ్లద్దాలను అందజేశారు.
3 కోట్ల 70 లక్షల మందికి కంటి పరీక్షలు 
అనంతరం జరిగిన సభలో పాల్గొన్న కేసీఆర్‌... రాష్ట్రానికి ఉపయోగపడే కార్యక్రమం మల్కాపూర్‌నుంచి ప్రారంభించడం సంతోషంగా ఉందన్నారు. కంటి వెలుగు ద్వారా 3 కోట్ల 70 లక్షల మందికి కంటి పరీక్షలు నిర్వహించనున్నట్లు కేసీఆర్‌ తెలిపారు. అవసరమైన వారిగా ఉచితంగా ఆపరేషన్లు చేయడంతోపాటు... మందులు, కళ్లజోళ్లు ఇస్తామన్నారు. ఇప్పటికే 40 లక్షల కళ్లాద్దాలు సిద్దం చేసినట్లు తెలిపారు. కంటి పరీక్షల కోసం రాష్ట్రవ్యాప్తంగా 825 టీమ్‌లు ఏర్పాటు చేశామని.. ఎంత ఖర్చైనా ప్రభుత్వమే భరిస్తుందన్నారు. ఈ అవకాశాన్ని ప్రజలందరూ సద్వినియోగం చేసుకోవాలన్నారు కేసీఆర్‌. 
మహిళలకు అవకాశమిస్తే అద్భుతాలు సృష్టిస్తారు... 
మల్కాపూర్‌కు రావడం తన అదృష్టమన్నారు కేసీఆర్‌. మల్కాపూర్‌ గ్రామం ఎంతో అద్భుత ప్రగతి సాధించిందని... ఈ గ్రామాన్ని చూసి ఎంతో నేర్చుకోవాల్సింది ఉందన్నారు. మహిళలకు అవకాశమిస్తే అద్భుతాలు సృష్టిస్తారన్నారు సీఎం. ఇప్పటికే రాష్ట్రంలో విద్యుత్‌ సమస్యల తొలిగిపోయిందని.. త్వరలోనే ఇంటింటికి నీళ్లు తెస్తామన్నారు. దేశంలో ఎక్కడా లేని విధంగా సాగునీటి ప్రాజెక్టులకు నిధులు కేటాయించామన్నారు. 
మల్కాపూర్‌ గ్రామంపై వరాల కేసీఆర్‌ జల్లు  
ఇక మల్కాపూర్‌ గ్రామంపై వరాల జల్లు కురిపించిన కేసీఆర్‌... గ్రామ అవసరాల కోసం 6 కోట్ల రూపాయలు కేటాయిస్తున్నట్లు ప్రకటించారు. అదేవిధంగా ఇంటింటికి రెండు పాడి గేదెలు ఇవ్వనున్నట్లు.. గ్రామానికి 100 డబుల్‌ బెడ్‌రూమ్‌ ఇళ్లు ఇవ్వనున్నట్లు తెలిపారు. వచ్చే జూన్‌ నాటికి మల్కాపూర్‌కు గోదావరి నీళ్లు వస్తాయన్నారు. మల్కాపూర్‌లో నిర్మించిన రాక్‌ గార్డెన్‌ను ముఖ్యమంత్రి సందర్శించారు. పచ్చదనం పరిశుభ్రతలో మల్కాపూర్‌ ఆదర్శంగా నిలిచిందని కేసీఆర్‌ ప్రశంసించారు. 
 

 

17:54 - August 15, 2018

మెదక్ : రాష్ట్రవ్యాప్తంగా కంటి వెలుగు పథకాన్ని అమలు చేస్తున్నామని సీఎం కేసీఆర్ తెలిపారు. అవసరమైతే ఉచితంగా కంటి ఆపరేషన్ లు చేయిస్తామన్నారు. ఉచితంగా మందులు, కళ్ల అద్దాలు పంపిణీ చేస్తామని చెప్పారు. మల్కాపూర్ లో కంటి వెలుగు పథకాన్ని ఆయన ప్రారంభించారు. అనంతరం సీఎం మాట్లాడుతూ మల్కాపూర్ లో కంటి వెలుగు కార్యక్రమం ప్రారంభం సంతోషకరమన్నారు. ఇప్పటికీ 40 లక్షల కళ్లద్దాలు తీసుకొచ్చామని చెప్పారు. కంటి ఆపరేషన్లు చేయించుకోవడానికి ఎవరూ భయపడాల్సిన అవసరం లేదన్నారు. దేశంలో ఎక్కడా లేని విధంగా కంటి వెలుగు కార్యక్రమాన్ని చేపట్టామని తెలిపారు. ఈ కార్యక్రమాన్ని ప్రజలందరూ సద్వినియోగం చేసుకోవాలన్నారు. 3.7 లక్షల మందికి కంటి పరీక్షలు నిర్వహిస్తామని తెలిపారు. ఎంత ఖర్చైనా ప్రభుత్వమే భరిస్తుందని చెప్పారు. 825 టీమ్ లు రాష్ట్ర వ్యాప్తంగా వైద్య పరీక్షలు నిర్వహిస్తున్నాయని తెలిపారు.
అవకాశాలు ఇస్తే మహిళలు అద్భుతాలు సృష్టిస్తారు
ఒక్క భారతదేశంలోనే ఆడ, మగ అనే వ్యత్యాసం ఉందన్నారు. అవకాశాలు ఇస్తే మహిళలు కూడా అద్భుతాలు సృష్టిస్తారని చెప్పారు.  జిల్లా ఎస్పీ మహిళ,
ఆరోగ్య సెక్రటరీ మహిళ, జెడ్ పీటీసీ చైర్ పర్సన్ మహిళ, అసెంబ్లీ డిప్యూటీ స్పీకర్ పద్మాదేవేందర్ రెడ్డి మహిళ అని అన్నారు. ఆడవారు మగవారి కంటే ఎందులోనూ తీసిపోరన్నారు. మగవాళ్లలో కొందరు సన్నాసులున్నారని అన్నారు. వంట మన మగవారు చేయొద్దా అని అన్నారు. గొప్ప సమాజాలు, గొప్ప దేశాలు తెలివిగా ఆలోచన చేస్తాయన్నారు. ఉత్పాదక రంగం, అనుత్పాదక రంగం అని రెండు ఉంటాయని తెలిపారు. రష్యాలో విమానాలు నడిపేవారిలో 92 శాతం మంది మహిళలున్నారు. ఐక్యూ ఎక్కువగా ఉన్నవారిని ఉత్పాదక రంగంలో తక్కువగా ఉన్నవారిని అనుత్పాదక రంగంలో నియమిస్తారని తెలిపారు. రష్యాలో విమానాలు నడిపేవారిలో 92 శాతం మంది మహిళలున్నారు.
విద్యుత్, నీటి సమస్యలను అధిగమించాం 
విద్యుత్, నీటి సమస్యలను అధిగమించామని తెలిపారు. సాగునీటి ప్రాజెక్టులపై రూ.60 వేల కోట్లు ఖర్చు చేస్తున్నామని చెప్పారు. మిషన్ కాకతీయతో చెరువులను బాగు చేశామని తెలిపారు. చెరువులన్నీ ఏడాదంతా నీళ్లతో కళకళలాడేలా చేస్తామన్నారు.
మల్కాపూర్ కు రూ.6 కోట్లు మంజూరు
మల్కాపూర్ గ్రామ అభివృద్ధికి రూ.6 కోట్లు మంజూరు చేసినట్లు తెలిపారు. అలాగే గ్రామానికి 100 డబుల్ బెడ్ రూమ్ ఇళ్లు మంజూరు చేస్తున్నట్లు తెలిపారు. గ్రామంలో ప్రతి ఇంటికి రెండు పాడి గేదెలు ఇస్తామని చెప్పారు. 

 

 

 

17:47 - August 15, 2018

మెదక్ : 100 శాతం మరుగుదొడ్లున్న గ్రామం మల్కాపూర్ అని మంత్రి హరీష్ రావు కొనియాడారు. మల్కాపూర్ లో కంటి వెలుగు కార్యక్రమాన్ని సీఎం కేసీఆర్ ప్రారంభించారు. ఈ సందర్భంగా మంత్రి హరీష్ రావు మాట్లాడుతూ ప్రతీ ఇంటికి ఇంకుడు గుంత ఏర్పాటు చేసుకున్నారని పేర్కొన్నారు. తడి, పొడి చెత్తను సేకరించి పరిశుభ్రతను చాటారని అభినందించారు. 400 మంది యువత మిషన్ భగీరథ పనుల్లో పాల్గొన్నారని తెలిపారు. హరితహారంలో నాటిన 90శాతం మొక్కలను రక్షించారని పేర్కొన్నారు. హైదరాబాద్ ను తలదన్నే విధంగా మల్కాపూర్ లో రాక్ గార్డెన్ నిర్మించుకున్నామని తెలిపారు. ఎక్కువగా వ్యవసాయం మీద ఆధారపడ్డ గ్రామమని. ఇంటికి రెండు పాడి పశువులు కావాలని ప్రజలు అడుగుతున్నారని తెలిపారు. నర్సాపూర్ నుంచి మాచారం వరకు తార్ రోడ్డు, విలేజ్ ఫంక్షన్ హాల్ ఏర్పాటు చేయాలని కోరుతున్నారని పేర్కొన్నారు. చెనగా చెరువును అభివృద్ధి చేయాలని ప్రజలు కోరుతున్నారని చెప్పారు. ప్రజలు కోర్కెలను సీఎం నెరవేర్చాలని కోరారు. గ్రామంలో ఉన్న 7 చెరువులు, కుంటలను మిషన్ కాకతీయ కింద అభివృద్ధి చేసుకున్నామని తెలిపారు. 

14:06 - August 10, 2018

హైదరాబాద్ : నగరంలో రోడ్ల అభివృద్ధి కోసం రూ.23 వేల కోట్లతో ప్రణాళిక చేసినట్లు తెలిపారు. ఎల్ బినగర్ లో ఫ్లై ఓవర్ ను ప్రారంభించారు. నాగోల్ నుండి ఎల్ బి నగర్ వరకు ఫ్లై ఓవర్ నిర్మించారు. దేశంలోనే ఐదో అతిపెద్ద నగరంగా హైదరాబాద్ ఉందన్నారు. సెప్టెంబర్ మొదటి వారంలో అమీర్ పేట...ఎల్ బినగర్ మెట్రో రైలు ప్రారంభం అవుతుందన్నారు. 

13:29 - August 10, 2018

హైదరాబాద్ : నగరంలోని ఎల్ బి నగర్ వద్ద ఫ్లై ఓవర్ ను మంత్రి కేటీఆర్ ప్రారంభించారు. ఈ సందర్భంగా ఆయన మాట్లాడుతూ కుడివైపున ఉన్న ఫ్లైవోర్ ను జూన్ కల్ల పూర్తి చేస్తామని చెప్పారు. బైరామల్ గూడ దగ్గర ఉన్న ఫ్లైవోవర్ ను మార్చి 2019వరకు పూర్తి చేయాలని లక్ష్యం పెట్టుకున్నామని తెలిపారు. కామినేని దగ్గర మరో ఫ్లైవోర్ రావాల్సివుందన్నారు. ఎన్ని ఫ్లైవోవర్లు నిర్మించినా ట్రాఫిక్ పెరుగుతూనే ఉందన్నారు. బహుముఖ ఆలోచనలు, బహుముఖ వ్యూహాలతో పని చేస్తున్నామని తెలిపారు. నగర ప్రజల సర్వతోముఖావృద్ధికి చేస్తామన్నారు. ప్రజలు ఎదుర్కొంటున్న ప్రతి సమస్య పరిష్కారానికి కృషి చేస్తామని, వ్యూహాత్మకంగా ముందుకు పోతామని చెప్పారు. 

 

07:30 - August 10, 2018

హైదరాబాద్ : స్వీడన్‌కు చెందిన అంతర్జాతీయ ఫర్నీచర్‌ దిగ్గజ సంస్థ ఐకియా... హైదరాబాద్‌లో తన స్టోర్‌ను ప్రారంభించింది. మన దేశంలో ఐకియాకు ఇదే మొదటి షోరూం. ఐటీ శాఖ మంత్రి కేటీఆర్‌ఈ స్టోర్‌ను ప్రారంభించారు. 
హైదరాబాద్‌ షోరూం కోసం ఐకియా భారీగా పెట్టుబడి 
హైదరాబాద్‌లో ఐకియా ఫర్నిచర్‌ స్టోర్‌ ప్రారంభమైంది. సైబర్‌ టవర్స్‌ సమీపంలోని మైండ్‌ స్పేస్‌ ఎదురుగా దీనిని ఏర్పాటు చేశారు. స్వీడన్‌కు చెందిన ఐకియా.. మన దేశంలో షోరూం ఏర్పాటు చేయడం ఇదే మొదటిసారి. మంత్రి కేటీఆర్‌ దీనిని ప్రారంభించారు. హైదరాబాద్‌ షోరూం కోసం ఐకియా భారీగా పెట్టుబడి పెట్టింది. వెయ్యి కోట్ల రూపాయల వ్యయంతో నాలుగు లక్షల చదరపు అడుగుల విస్తీర్ణంలో దీనిని ఏర్పాటు చేశారు. ఒకేసారి వెయ్యి మంది కూర్చుకునేందుకు వీలున్న రెస్టారెంట్‌ ఈ ఐకియా స్టోర్‌లో ప్రత్యేకత. దాదాపు 7,500 రకాల వస్తువులు అందుబాటులో ఉన్నాయి. వీటిలో వెయ్యి రకాల ఉత్పత్తుల ధరలు 200 రూపాయలలోపే. దీనిలో 950 మంది పనిచేస్తున్నారు. ఐకియా విధానం ప్రకారం వీరిలో సగం మంది మహిళలు. పరోక్షంగా మరో 1500 మందికి ఉపాధి లభిస్తుంది. హైదరాబాద్‌ ఐకియా షోరూం తమకు ఎంతో ప్రతిష్ఠాత్మకమని కంపెనీ ప్రతినిధులు తెలిపారు. 
2019 వేసవిలో ముంబైలో ఐకియా స్టోర్‌ 
హైదరాబాద్‌ తర్వాత దేశంలోని ఇతర ప్రాంతాలకు విస్తరించేందుకు ఐకియా ప్రణాళికలు రూపొందించింది. 2019 వేసవికి ముంబైలో షోరూం ప్రారంభించాలని నిర్ణయించింది. ఆ తర్వాత బెంగళూరు, గురుగావ్‌, అహ్మదాబాద్‌, పుణె, చెన్నై, కోల్‌కతా, సూరత్‌లో ఏర్పాటు చేయాలని ప్రతిపాదించింది. 2025 నాటికి దేశంలోని 25 నగరాలకు విస్తరించాలని నిర్ణయించిన ఐకియా... ఆ తర్వాత మరో 15 నగరాల్లో విస్తరించేందుకు ఏర్పాటు చేస్తోంది. మూడేళ్లలో 20 కోట్ల మంది ఖాతాదారులను సొంతం చేసుకోవాలని ఐకియా లక్ష్యంగా పెట్టుకునింది. 

 

13:53 - August 9, 2018

హైదరాబాద్ : ప్రంపచంలోనే ఇంటీరియల్‌ ఫర్నీచర్‌ దిగ్గజం ఐకియా మొదటి స్టోర్‌ను హైదరాబాద్‌లోని హైటెక్‌ సిటీలో మంత్రి కేటీఆర్‌ ప్రారంభించారు. ఐకియా ఫర్నీచర్‌ కంపెనీని హైదరాబాద్‌లో లాంచ్‌ చేయడం చాలా సంతోషంగా ఉందన్నారు. ప్రపంచ వ్యాప్తంగా అనేక కంపెనీలు హైదరాబాద్‌లో పెట్టుబడులు పెట్టేందుకు మొగ్గుచూపుతున్నాయన్నారు.

11:19 - August 9, 2018

ఢిల్లీ : రాజ్యసభ డిప్యూటీ చైర్మన్ ఎన్నిక ప్రక్రియ ప్రారంభం అయింది. ఉదయం 11 గంటలకు ఎన్నిక ప్రక్రియ ప్రారంభం అయింది. రాజ్యసభ చైర్మన్ హోదాలో ఉప రాష్ట్రపతి ఎం.వెంకయ్యనాయుడు ఎన్నిక ప్రక్రియను ప్రారంభించారు. తీర్మానాల ద్వారా డిప్యూటీ చైర్మన్ ఎన్నిక ప్రక్రియకు శ్రీకారం చుట్టారు. 26 ఏళ్ల తర్వాత రాజ్యసభ డిప్యూటీ చైర్మన్ పదవికి ఎన్నిక జరుగుతోంది. అధికార, ప్రతిపక్ష పార్టీలు పోటీ పడుతున్నాయి. ఎన్డీయే తరపున జెడియు ఎంపి హరివంశ్‌ నారాయణ్‌ సింగ్‌, విపక్షాల తరపున కాంగ్రెస్‌ ఎంపీ అభ్యర్థి బికె హరిప్రసాద్‌ పోటీ పడుతున్నారు. తమ తమ అభ్యర్థుల గెలుపుపై ఇరుపక్షాలు ధీమాతో ఉన్నాయి. పార్లమెంట్‌ వర్షాకాల సమావేశాలు ముగియడానికి ఒకరోజు ముందు ఈ ఎన్నిక జరుగుతోంది. ప్రస్తుతం 244 మంది సభ్యులున్న రాజ్యసభలో డిప్యూటీ చైర్మన్‌గా గెలిచేందుకు 123 సభ్యుల మద్దతు కావాలి. 

Pages

Don't Miss

Subscribe to RSS - ప్రారంభం