ప్రేమజంట

10:23 - October 5, 2018

పశ్చిమగోదావరి : జిల్లాలో విషాదం నెలకొంది. పెద్దలు పెళ్లికి అంగీకరించలేదని ప్రేమజంట ఆత్మహత్యకు పాల్పడింది. ఏలూరు చిట్టివలపాకలు కాలనీకి చెందిన దుర్గాప్రసాద్, గంగభవాని గతం కొంతకాలంగా ప్రేమించుకుంటున్నారు. ఇళ్లళ్లో చెప్పి పెళ్లి చేసుకుందామని ఇరువురూ అనుకున్నారు. అయితే వీరి పెళ్లికి పెద్దలు అంగీకరించకపోవడంతో ప్రియురాలు గంగాభవాని తన ఇంట్లో ఉరివేసుకుని ఆత్మహత్య చేసుకుంది. ప్రియురాలి మరణవార్త విని మనస్తాపంతో ప్రియుడు దుర్గాప్రసాద్ రైలు కిందపడి ఆత్మహత్య చేసుకున్నాడు. 

 

17:15 - September 19, 2018

హైదరాబాద్ : ఉత్తర భారతదేశంలో పరువు హత్యల హవా సంస్కృతి గురించి భయం భయంగా చెప్పుకునేవారం. కానీ అది కాస్తా తెలుగు రాష్ట్రాలకు పాకింది. గత కొంతకాలంగా తెలుగు రాష్ట్రాలలో పరువు హత్యల మాట మరణ మృదంగం మోగిస్తోంది. కన్నబిడ్డల్నే కసాయివారిగా కడతేరుస్తున్న విష సంస్కృతి రాజ్యమేలుతోంది. కుల, మత ఉన్మాదంతో ఊగిపోతున్న పెద్దలు పరువు పేరుతో దారుణాలకు పాల్పడుతున్నారు. ప్రణయ్ పరువు హత్య మరచిపోకముందే...ప్రణయ్  రక్తపు పచ్చిదనం ఆరిపోకముందే నగరంలో మరో హత్యకు పాల్పడ్డారు. ఓ ప్రేమ జంటపై యువతి తండ్రి హత్యాయత్నం చేశాడు. ప్రేమ జంటపై కత్తితో దాడి చేసిన ఘటన  ఎస్ఆర్ నగర్ పోలీస్ స్టేషన్ పరిధిలో చోటు చేసుకుంది.  ఎర్రగడ్డ నడిరోడ్డుపై  పట్టపగలే తండ్రి ఈ దారుణానికి పాల్పడ్డాడు. అనంతరం పరారయ్యాడు. ప్రేమించి పెళ్లి చేసుకున్న మాధవి, నవదీప్ లపై అత్యంత పాశవికంగా హత్యకు పాల్పడ్డాడు.  దీన్ని ప్రత్యక్షంగా చూసిన స్థానికులు పోలీసులకు సమాచారం అందించారు. దీంతో హుటాహుటిన సంఘటనాస్థలికి చేరుకున్న పోలీసులు గాయపడిన ఇద్దరు ప్రేమికులను సమీపంలోని ఆసుపత్రికి తరలించారు. అనంతరం కేసు నమోదు చేసుకున్న పోలీసులు  గాయపరిచిన వ్యక్తి గురించి దర్యాప్తు చేపట్టారు. 

 

10:05 - September 19, 2018

విజయవాడ : మిర్యాలగూడ పరువు హత్య తెలుగు రాష్ట్రాల్లో సంచలనం సృష్టిస్తోంది. ఆ ఘటన మరువకముందే...ప్రేమించి పెళ్లి చేసుకున్న జంటకు బంధువుల నుంచి వేధింపులు మొదలయ్యాయి. ప్రేమించి పెళ్లి చేసుకున్నజంటకు...అమ్మాయి బంధువుల నుంచి వేధింపుల మొదలయ్యాయి. వేధింపులను తట్టుకోని ప్రేమజంట మీడియా ముందుకు వచ్చింది. 

కడప జిల్లాకు చెందిన మురహరి విజయ్ కుమార్, నెల్లూరు జిల్లా గూడూరు చెందిన దీప్తిరెడ్డిలు ప్రేమించుకున్నారు. కులాలు వేరు కావడంతో...వీరి పెళ్లికి అమ్మాయి బంధువులు అడ్డు చెప్పారు. దీంతో కుటుంబాన్ని ఎదురించి...జూలై 26న వివాహం చేసుకున్నారు. అప్పటి నుంచి విజయ్ కుమార్ ను చంపేస్తామంటూ...దీప్తిరెడ్డి బంధువులు బెదిరిస్తున్నారు. దీంతో విజయ్ కుమార్, దీప్తిరెడ్డిలు...రక్షణ కల్పించాలంటూ ఏపీ డీజీపీని కలిశారు. తాము ఎదుర్కొంటున్న ఇబ్బందులను డీజీపీకి వివరించారు.

తమ బంధువుల్లో కొందరు పోలీస్ డిపార్ట్‌మెంట్‌లో ఉన్నత పదువుల్లో ఉన్నారని దీప్తి రెడ్డి డీజీపీకి తెలిపారు. తాము ఎక్కడికి వెళ్లినా.. ఎవరికి ఫోన్ చేసినా ట్రేస్ చేసి మానసికంగా వేధిస్తున్నారని దీప్తిరెడ్డి వాపోయింది. మూడు నెలలుగా తమను చిత్రహింసలకు గురి చేస్తున్నారని ఆవేదన వ్యక్తం చేసింది. ఈ కారణంగానే పోలీసులను ఆశ్రయించినా తమకు న్యాయం జరగదని భావించి మీడియాను ఆశ్రయించినట్లు నవ దంపతులు తెలిపారు. తమను బెదిరింపుల నుంచి కాపాడాలంటూ...డీజీపీని కోరారు. ప్రణయ్ లాంటి పరిస్థితి తమకు రాకుండా...రక్షణ కల్పించాలని విజ్ఞప్తి చేశారు. 

17:14 - July 25, 2018

హైదరాబాద్ : తిరుమలగిరిలో ఓ ఆర్మీ జవాన్ దారుణాలకు పాల్పడుతున్న విషయం వెలుగు చూసింది. ఒంటరిగా ఉన్న ఓ ప్రేమజంటపై ఆర్మీ జవాన్ బ్రిజేష్ కుమార్ అత్యాచారానికి పాల్పడేందుకు యత్నించాడు. అత్యాచారానికి యత్నిస్తున్న సమయంలో యువతి స్నేహితుడు అడ్డుకోవటంతో అతనిపై కూడా జవాన్ దాడి చేశాడు. ఈ దాడిలో ప్రియుడిపై బ్రిజేష్ దాడి చేయడంతో అతని పళ్లు ఊడిపోయాయి. యువతి అరుపులు, కేకలు వేయడంతో గస్తీ తిరుగుతున్న పోలీసులు ఆమెను రక్షించారు. జవాన్‌ను పట్టుకునేందుకు పోలీసులు యత్నించగా... దాడికి పాల్పడ్డాడు. అయినా కూడా పోలీసులు జవాన్‌ను అదుపులోకి తీసుకున్నారు.కాగా నాలుగు నెలల క్రితం పదో తరగతి విద్యార్థినిపై బ్రిజేష్ అత్యాచారానికి పాల్పడ్డాడు. డీఎన్ఏ ఆధారంగా ఈ రెండు కేసుల్లో అతని ప్రమేయం ఉన్నట్లుగా సమాచారం. 

14:57 - April 24, 2018

సిద్ధిపేట : జిల్లాలో విషాదం జరిగింది. జిల్లాలోని కొత్తబస్టాండ్‌లో ప్రేమ జంట పురుగుల మందు తాగి ఆత్మహత్యాయత్నం చేసింది. గమనించిన స్థానికులు ఇద్దరినీ ఏరియా ఆస్పత్రికి తరలించారు. చికిత్స పొందుతూ ప్రియుడు సంతోష్‌ రెడ్డి మృతి చెందగా, ప్రియురాలు రాణి పరిస్థితి విషమంగా ఉంది. అయితే వీరి కులాలు వేరు అయినందున తల్లిదండ్రులు పెళ్లికి ఒప్పుకోరని మనస్థాపంతో ఆత్మహత్యకు పాల్పడ్డారు.  

14:51 - February 13, 2018

భూపాలపల్లి : జిల్లాలో విషాదం చోటుచేసుకుంది. మహదేవపూర్ మండలం కాళేశ్వరంలో ప్రేమజంట ఆత్మహత్యాయత్నం చేసింది. హిరిప్రియ, సాయికుమార్ అనే ఇద్దరు ప్రేమికులు పురుగుల మందు తాగి ఆత్మహత్యాయత్నం చేశారు. హరిప్రియ మృతి చెందగా, సాయికుమార్ పరిస్థితి విషమంగా ఉంది. వీరిని హన్మకొండ హంటర్ రోడ్డు వాస్తవ్యులుగా పోలీసులు గుర్తించారు. మరింత సమాచారం కోసం వీడియో క్లిక్ చేయండి.

15:49 - December 6, 2017

అదిలాబాద్‌ : జిల్లాలో విషాదం జరిగింది. జిల్లాలోని బట్టిసావర్గం వద్ద రైలు కింద పడి ప్రేమ జంట ఆత్మహత్య చేసుకుంది. ఇవాళ ఉదయం టోలర్స్‌ కాలనీకి చెందిన కల్యాణి (21), బట్టసావర్గం దుబాగుడకు చెందిన ముకేష్‌ (25)లు రైలు కింద పడి ఆత్మహత్య చేసుకున్నారు. 

 

21:36 - October 11, 2017

జగిత్యాల : జిల్లాలో అమానుషం చోటుచేసుకుంది. నూకపల్లి గ్రామంలో ప్రేమ వివాహం చేసుకున్న జంటను కుల పెద్దలు బహిష్కరించారు. 2015లో గణేష్.. దళితురాలైన శ్రీలతను ప్రేమ వివాహం చేసుకున్నాడు. అనంతరం ఉపాధి కోసం గణేష్‌ దుబాయ్‌ వెళ్లాడు. అయితే ఆ సమయంలో శ్రీలత తల్లిదండ్రుల వద్దే ఉంది. ఈ మధ్య గణేష్‌ దుబాయ్‌ నుంచి రావడంతో.. మళ్లీ కాపురం పెట్టారు. దీన్ని జీర్ణించుకోలేని కుల పెద్దలు దంపతులను కుల బహిష్కరణ చేశారు. దీనిపై దంపతులు పోలీసులను ఆశ్రయించారు. పోలీసులు కూడా ఫిర్యాదు తీసుకోకుండా... కులపెద్దలకే మద్దతు నిలిచారు. ఈ విషయం తెలియడంతో దళిత సంఘాల నేతలు ఆగ్రహం వ్యక్తం చేస్తున్నారు. మరిన్ని వివరాలను వీడియోలో చూద్దాం...


 

 

21:24 - July 23, 2017

నిర్మల్‌ : జిల్లాలోని కుబిర్‌ మండలం నిగ్వలో దారుణం జరిగింది. ప్రేమజంట పూజ, గోవింద్‌ను దారుణంగా హత్య చేశారు. పూజ సోదరుడు దిగంబర్‌ వారిని నరికి చంపాడు. అనంతరం మహారాష్ట్ర పోలీసుల ఎదుట దిగంబర్‌తోపాటు మరో యువకుడు లొంగిపోయాడు. మహారాష్ట్ర భోకర్‌ తాలూకా పెర్బానికి చెందిన గోవింద్‌, పూజ కొన్నాళ్లుగా ప్రేమించుకున్నారు. ఇరువురి పెద్దలకు చెప్పడంతో వారు పెళ్లికి నిరాకరించారు. పూజకు తల్లిదండ్రులు మరో వ్యక్తితో పెళ్లి చేశారు. ఇష్టంలేని పెళ్లి చేయడంతో పూజ... తన ప్రియుడు గోవింద్‌తో కలిసి నిగ్వ గ్రామంలో కాపురం పెట్టింది. మరోవైపు పూజ సోదరుడు దిగంబర్‌ తన సోదరి పూజ కనిపంచడం లేదంటూ పోలీసులకు ఫిర్యాదు చేశాడు. నిగ్వ గ్రామంలో ఉన్నారని తెలుసుకున్న పోలీసులు ప్రేమజంటను, దిగంబర్‌ను పిలిచి కౌన్సెలింగ్‌ ఇచ్చారు. కౌన్సెలింగ్‌ అనంతరం తిరుగు ప్రయాణంలో దిగంబర్‌.. అతని స్నేహితుడితో కలిసి పూజ, గోవింద్‌ను నరికి చంపాడు. పూజ, గోవింద్‌ది పరువు హత్యగా అనుమానిస్తున్నారు. 

 

13:57 - May 7, 2017

కడప : జిల్లాలో ప్రేమ జంటపై పోలీసులు తమ ప్రతాపం చూపించారు. కడప నగరం ఆకుల వీధికి చెందిన ఓ బాలిక, అశోక్‌ నగర్‌కు చెందిన ఓ బాలుడు నాలుగేళ్లుగా ప్రేమించుకుంటున్నారు. ఈ నేపథ్యంలో ఇద్దరూ పెళ్లి చేసుకున్నారు. విషయం తెలుసుకున్న అబ్బాయి తండ్రి, బంధువులు పోలీస్‌ స్టేషన్‌కు వెళ్లి జరిగిన విషయాన్ని వివరించారు. దీంతో పోలీసులు వెంటనే ప్రేమజంటను స్టేషన్‌కు పిలిపించారు. అమ్మాయి, అబ్బాయి ఇద్దరూ మైనర్లు కావడంతో.. కౌన్సెలింగ్‌ చేయాల్సి ఉంది. కానీ సీఐ రామకృష్ణ బాలికను చితకబాదాడని.. అమ్మాయి బంధువులు పోలీస్‌ స్టేషన్‌ ఎదుట ఆందోళనకు దిగారు. దెబ్బలకు సొమ్మసిల్లిపడిపోయిన బాలికను హాస్పిటల్‌కు తీసుకువెళ్లాలని ప్రాధేయపడినా.. పోలీసులు స్పందించలేదని ఆరోపించారు. పైగా తమ మీద కేసులు నమోదు చేస్తామని.. బెదిరిస్తూ దాడికి దిగబోయాడని బాధితులు వాపోయారు. 108కి సమాచారం ఇచ్చినా.. పోలీసులు వాహనాన్ని తిప్పి పంపేశారు. అయితే తాము ఎవరి పట్లా దురుసుగా ప్రవర్తించలేదని సీఐ తెలిపారు. మైనర్లు కావడంతో కౌన్సెలింగ్‌కు పిలిచామని అన్నారు. 

 

Pages

Don't Miss

Subscribe to RSS - ప్రేమజంట