ఫైర్

21:49 - December 11, 2017

ఢిల్లీ : గుజరాత్ ఎన్నికల్లో ఓటమి భయంతోనే ప్రధాని మోదీ కాంగ్రెస్‌పై లేనిపోని ఆరోపణలు చేస్తున్నారని కాంగ్రెస్ సీనియర్ నేత ఆనంద్ శర్మ ధ్వజమెత్తారు. పాకిస్థాన్ నేతలతో కాంగ్రెస్ సీనియర్ నేతలు భేటీ అయ్యారని మోదీ చేసిన వ్యాఖ్యలను ఆయన ఖండించారు. పాకిస్థాన్ మాజీ విదేశీ వ్యవహారాల శాఖ మంత్రి ఓ వివాహ వేడుకకు హాజరయ్యారని ఆనంద్ శర్మ పేర్కొన్నారు. ఆ వేడుకకు చాలా మంది ప్రముఖులు కూడా హాజరయ్యారని తెలిపారు.. ఇంత మాత్రాన.. గుజరాత్ ఎన్నికల్లో పాక్ జోక్యం చేసుకుంటోందని అనడం ఎంతవరకు సబబని ప్రశ్నించారు. కాంగ్రెస్ నేతలకు ప్రధాని మోదీ క్షమాపణ చెప్పాలని ఆనంద్ శర్మ డిమాండ్ చేశారు. ఉన్నట్టుండి ప్రధాని మోది పాకిస్తాన్‌ పర్యటనకు వెళ్లి నవాజ్‌ షరీఫ్‌ ఇంట్లో జరిగిన పెళ్లి వేడుకలో పాల్గొనడం ద్వారా భారత్‌ను అవమానపరిచారని ఆరోపించారు...2015లో బ్యాంకాక్‌లో ఇరు దేశాల భద్రతా సలహాదారుల మధ్య జరిగిన చర్చల వివరాలను ఇంతవరకు వెల్లడించలేదని ఆనంద్‌ శర్మ అన్నారు.

21:21 - November 24, 2017

నెల్లూరు : వైఎస్‌ జగన్‌పై మంత్రి సోమిరెడ్డి చంద్రమోహన్‌రెడ్డి ఫైర్‌ అయ్యారు. నెల్లూరులోని ఆర్ అండ్ బి అతిధి గృహంలో ఆయన సమావేశమయ్యారు. ఈడీ విడుదల చేసిన అవినీతి పరుల జాబితాలో జగన్మోహన్ రెడ్డి టాప్ టెన్ లో ఉన్నారని అన్నారు. 31 డొల్ల కంపెనీల ద్వారా 368 కోట్ల రూపాయలను మనీ లాండరింగ్ ద్వారా దేశం దాటించారని ఆరోపించారు. ఇవన్నీ తాను చెబుతున్నది కాదని సాక్షాత్తు ఈడీ చెప్పిన మాటలని అన్నారు. అవినీతిపరులు రాజకీయాల్లో ఉండకూడదని పాదయాత్రలో సందేశాలు ఇస్తున్న జగన్ తక్షణం పార్టీ బాధ్యతల నుంచి తప్పుకుని ఆ బాధ్యతను వేరే వాళ్లకు అప్పగించి తన చిత్తశుద్ధి నిరూపించుకోవాలని మంత్రి సోమిరెడ్డి అన్నారు. 

10:29 - November 24, 2017

విజయవాడ : ఆంధప్రదేశ్‌ సచివాలయంలో భద్రత డొల్లేనా ? నిర్మాణంలో ఆధునిక టెక్నాలజీ ఉపయోగించామని చెబుతున్నా.. తరచు భద్రతా లోపాలు ఎందుకు తలెత్తుతున్నాయి ? ఉద్యోగులు అభద్రతాభావంతో పనిచేయాల్సిన పరిస్థితులు ఎందుకు వచ్చాయి ? ఫైర్‌ సేఫ్టీ, ఎమర్జెన్సీ అలారమ్‌ సిస్టం సరిగా పనిచేయకపోవడానికి కారణం ఏంటి ? ఈ ప్రశ్నలు ఇప్పుడు అమరావతిలో హాట్‌ టాపిక్‌గా మారాయి. ఆంధ్రప్రదేశ్‌ సచివాలయంలో వర్షం వస్తే నీరు లీకు అవుతంది. లిఫ్టులు తరచూ మొరాయిస్తున్నాయి. అకారణంగా ఎమర్జెన్సీ అలారమ్‌లు మోగే పరిస్థితులు ఉన్నాయి. ఏదైనా ప్రమాదం జరిగితే ఉద్యోగులు బయటకు వెళ్లేందుకు సరైన మార్గాలు లేవు. ఈ పరిస్థితులు.. అమరావతి సచివాలయ సిబ్బందిలో తీవ్ర అభద్రతను, ఆందోళనను కలిగిస్తున్నాయి.

హైదరాబాద్‌ నుంచి పరిపాలనను అమరావతికి తరలించాలన్న ఉద్దేశంతో సచివాలయాన్ని హడావుడిగా నిర్మించారు. నిర్మాణంలో ఆధునిక టెక్నాలజీ ఉపయోగించామని పాలకులు చెబుతున్నా.. వాస్తవిక పరిస్థితులు మాత్రం ఇందుకు భిన్నంగా ఉన్నాయని ఉద్యోగులు అంటున్నారు. సచివాలయం భద్రత కోసం ఏర్పాటు చేసిన ఫైర్‌ సేఫ్టీ, ఎమర్జెన్సీ అలారమ్‌ సిస్టమ్స్‌లో తరచు తలెత్తున్న లోపాలు ఉద్యోగులను కలవరపెడుతున్నాయి. గందరగోళానికి గురి చేస్తున్నాయి. ఉద్యోగులు విధుల్లో తలమునకలై ఉన్న సమయంలో కొన్ని సందర్భాల్లో ఒక్కసారిగా ఎమర్జెన్సీ అలారమ్‌ మోగడంతో... భయంతో బయటకు పరుగులు తీయాల్సి వస్తోంది. ఒకటి కాదు... రెండు కాదు.. ఏడాది కాలంలో చాలాసార్లు ఎమర్జెన్సీ అలారమ్‌ మోగిన సందర్భాలను ఉద్యోగులు గుర్తు చేస్తున్నారు. ఏం జరుగుతుందో అర్థంకాక.. ప్రతిసారి భయంతో పరుగులుతీయడం.. తనిఖీలు, సోదాల తర్వాత సాంకేతిక లోపంతో ఉత్తిగానే అలారం మోగిందని తేలడంతో ఉద్యోగులు ఊపిరి పీల్చుకుంటున్నారు. భద్రత కోసం ఏర్పాటు చేసిన ఈ విధానాలు తరచూ సమస్యలతో.. లేనిపోని తలనొప్పులు తెచ్చి పెడుతున్నాయని ఉద్యోగులు అసహనం వ్యక్తం చేస్తున్నారు.

సాంకేతిక లోపంతో ఎమర్జెన్సీ అలారమ్‌ సిస్టమ్‌ మోగడమే కాదు... లిఫ్టులు కూడా తరచూ మొరాయిస్తున్నాయి. రెండు వేల మంది ఉద్యోగులు, 40 మంది ఐఏఎస్‌ అధికారులు, 25 మంది మంత్రులు ఉండే సచివాలయంలో ఇలాంటి పరిస్థితులు నెలకోవడంపై అసంతృప్తి వ్యక్తమవుతోంది. నిర్మాణంలో నాసిరకం టెక్నాలజీ వాడేరేమోనన్న అనుమానాలు వ్యక్తమవుతున్నాయి. ఉద్యోగుల ప్రవేశానికి, బయటకు రావడానికి ఒకే మార్గం అందుబాటులో ఉంది. సచివాలయంలోని ప్రతి బ్లాక్‌ను అనుసంధానం చేస్తూ నిర్మించిన రెండు మార్గాలు భద్రతా కారణాలతో పోలీసులు మూసివేశారు. దీంతో ఫైర్‌ అలారమ్‌, ఎమర్జెన్సీ అలారమ్‌ మోగినప్పుడు ఉద్యోగులంతా ఒకే మార్గం నుంచి బయటకు పరుగులు తీయాల్సి వస్తున్న సందర్భాల్లో తొక్కిసలాటలు జరుగుతున్నాయని ఆందోళన వ్యక్తం చేస్తున్నారు. వర్షం వస్తే నీరు లీకైన సందర్భాల్లో పనిచేసే పరిస్థితులు లేవు. ఈ పరిస్థితుల్లో సచివాలయం ఎంతవరకు భద్రం అంటూ.. ఉద్యోగులు, అధికారులు సందేహం వ్యక్తం చేస్తున్నారు.

20:28 - November 8, 2017
20:56 - November 2, 2017

హైదరాబాద్ : సీపీఎం జాతీయ మహాసభలకు భాగ్యనగరం వేదిక కానుంది. ఏప్రిల్ 18 నుంచి 22 వరకు జరిగే మహాసభల్లో పలు కీలక తీర్మానాలు ప్రవేశపెట్టనున్నారు. హైదరాబాద్‌లో ఇవాళ ఆహ్వానసంఘాన్ని ప్రకటించిన పార్టీ పెద్దలు... ప్రత్యామ్నాయ రాజకీయ విధానంతో ప్రజాక్షేత్రంలోకి వెళ్లాలని నిర్ణయించారు. హైదరాబాద్‌లో జరగబోయే సీపీఎం 22వ జాతీయ మహాసభలకు ఆహ్వాన సంఘం ఏర్పాటైంది. బాగ్‌లింగంపల్లి ఆర్టీసీ కళ్యాణ మండపంలో ఆహ్వాన సంఘం సన్నాహక సమావేశాన్ని ఘనంగా నిర్వహించారు. ఆహ్వాన సంఘం కమిటీ చైర్మన్‌గా బీవీ రాఘవులు, ప్రధాన కార్యదర్శిగా తమ్మినేని, కోశాధికారిగా బి.వెంకట్‌తో పాటు పలువురు నేతలు సభ్యులుగా ఉన్నారు. సమావేశంలో పాల్గొన్న సీపీఎం జాతీయ ప్రధాన కార్యదర్శి ఏచూరి మోదీ సర్కార్‌పై విరుచుకుపడ్డారు. నోట్ల రద్దు, జీఎస్టీ వలన అన్ని రంగాలు కుదేలయ్యాయని ధ్వజమెత్తారు. ఏటా 2 కోట్ల ఉద్యోగాల కల్పన ఏమో గానీ ఉన్న ఉద్యోగాలు ఊడిపోతున్నాయని ఆరోపించారు. గుజరాత్ ఎన్నికల కోసమే పటేల్‌ కులస్థులను పొగుడుతున్నారని విమర్శించారు. గోరక్షక దళాల పేరుతో మైనార్టీలు, దళితులపై దాడులు పెరిగిపోతున్నాయన్నారు. 

16:41 - October 26, 2017

వరంగల్ : కొండా దంపతుల వ్యాఖ్యలపై ఎర్రబెల్లి ప్రదీప్ అనుచరులు, టీఆర్ఎస్ కార్యకర్తలు తీవ్రంగా స్పందించారు. నిన్న ఎర్రబెల్లి వర్గంపై కొండా దంపతులు తీవ్ర వ్యాఖ్యల చేసిన సంగతి తెలిసిందే. వరంగల్‌లోని పార్టీ కార్యాలయంలో ఎర్రబెల్లి ప్రదీప్ నేతృత్వంలో... కార్యకర్తలు, అనుచరులు సమావేశమయ్యారు. ఎమ్మెల్సీ కొండా మురళి, కొండా సురేఖ వ్యాఖ్యలపై ఎర్రబెల్లి అనుచరులు ఆగ్రహం వ్యక్తం చేశారు. హైకమాండ్‌కు ఫిర్యాదు చేస్తామని తెలిపారు. టీఆర్ఎస్ కార్యకర్తల మనోభావాలను కొండా దంపతులు దెబ్బతీస్తున్నారని ఆరోపించారు. అనుచరులతో ఎర్రబెల్లి ప్రదీప్ సమావేశం
కొనసాగుతోంది. మరిన్ని వివరాలను వీడియోలో చూద్దాం...

 

13:16 - October 23, 2017

గుంటూరు : ఏపీ టీడీపీ నేత పయ్యావుల కేశవ్ రేవంత్ రెడ్డి వ్యాఖ్యలపై తీవ్రంగా ఖండించారు. చంద్రబాబు ప్రోత్సాహం వల్లే నేను, రేవంత్ రెడ్డి ఈస్థాయికి ఎదిగామని, 6 నెలలుగా రేవంత్ రెడ్డి ఢిల్లీ పర్యటనలపై పూర్తి వివరాలున్నాయని ఆయన అన్నారు. రేవంత్ చంద్రబాబును కలిశాఖ ఆ వివరాలపై స్పందస్తానాని, రేవంత్ రెడ్డి కి వ్యక్తిగత అజెండాలే ప్రధానమని ఆయన ఆరోపించారు. రేవంత్ జైలుకు వెళ్తే మొదట స్పందించిన వ్యక్తిని నేనే అని పయ్యావుల తెలిపారు. పూర్తి వివరాలకువ వీడియో చూడండి.

14:03 - October 17, 2017
19:47 - October 16, 2017

ఢిల్లీ : తమ పార్టీ కార్యాలయాలపై బీజేపీ, ఆర్ ఎస్ కార్యకర్తలు చేస్తున్న దాడులను ఖండిస్తున్నట్లు సీపీఎం జాతీయ ప్రధాన కార్యదర్శి సీతారాం ఏచూరి పేర్కొన్నారు. బీజేపీ ప్రజాస్వామ్య విలువలను తుంగలో తొక్కుతోందని విమర్శించారు. బీజేపీ అప్రజాస్వామిక చర్యలను నిరసిస్తూ రేపు బీజేపీ కార్యాలయం వద్ద ప్రదర్శన నిర్వహిస్తామని చెప్పారు. సీపీఎం కేంద్ర కమిటీ సమావేశాలు ముగిశాయి. ఢిల్లీలోని ఆ పార్టీ కేంద్ర కార్యాలయంలో సమావేశాలు జరిగాయి. అనంతరం పార్టీ జాతీయ ప్రధాన కార్యదర్శి సీతారాం ఏచూరి మీడియాతో మాట్లాడుతూ దేశంలో పాలక పార్టీ బీజేపీ..ఢిల్లీలోని జాతీయ పార్టీ అయిన సీపీఎం కేంద్ర కార్యాలయంపై రెండు వారాలుగా దాడులకు పాల్పడుతోందని చెప్పారు. కేంద్రమంత్రి నాయకత్వంలో ప్రతి రోజు దాడులు చేస్తున్నారని పేర్కొన్నారు. ప్రతి రోజు కేంద్రమంత్రులు మారుతూ ప్రదర్శనలు, ధర్నాలు చేశారని తెలిపారు. ఈ విధంగా ఒక పార్టీ.. మరోపార్టీ కార్యాలయాలపై దాడులు చేయడం, కార్యాలయాల ముందు ప్రదర్శనలు, ధర్నాలు చేయడం ప్రజాస్వామ్యంలో ఇప్పటివరకు ఎప్పుడు జరగలేదని, ఎవ్వరూ చేయలేదని చెప్పారు. తమపై పార్టీ కార్యాలయాలపై బీజేపీ దాడులను తీవ్రంగా ఖండిస్తున్నామని చెప్పారు. ప్రజాస్వామ్య విలువలను జీజేపీ తుంగలో తొక్కుతోందన్నారు. కేరళ, ఢిల్లీల్లో సీపీఎం కార్యాలయాల వద్ద బీజేపీ ప్రదర్శనలు అట్టర్ ఫ్లాప్ అయ్యాయని తెలిపారు. బీజేపీ అప్రజాస్వామిక చర్యలను నిరసిస్తూ రేపు బీజేపీ కార్యాలయం వద్ద ప్రదర్శన నిర్వహిస్తామని చెప్పారు. కేరళలో హింసకు బీజేపీ, ఆర్ ఎస్ ఎస్ కారణమని తెలిపారు. కేరళలో హింసను ప్రారంభించింది, పాల్పడుతున్నది బీజేపీ, ఆర్ ఎస్ ఎస్ లని పేర్కొన్నారు. తిరిగి తమపై ఆరోపణలు చేస్తూ దాడులకు పాల్పడుతున్నారని మండిపడ్డారు. కేరళలో చనిపోయిన వారిలో అధికమంది తమ పార్టీ వారున్నారని తెలిపారు. ఉప ఎన్నికల్లో బీజేపీ ఓటింగ్ శాతం తగ్గిందన్నారు. బీజేపీ నేతలు చేస్తున్న కుంభకోణాలపై విచారణ జరిపించాలని డిమాండ్ చేశారు. వ్యాపం, పనామా, ల్యాండ్ స్కాంపై విచారణ జరగలేదన్నారు. దేశంలో ఆర్థిక వ్యవస్థ దిగజారిందని తెలిపారు. ప్రజలపై ఆర్థిక భారాలు పడ్డాయన్నారు. ప్రజల్లో అసంతృప్తి పెరుగుతుందని చెప్పారు. నోట్ల రద్దు, జీఎస్టీ వల్ల నిరుద్యోగం పెరిగిందని, దేశంలో రైతుల ఆత్మహత్యలు పెరుగుతున్నాయని ఆవేదన వ్యక్తం చేశారు. సర్వీస్ సెక్టార్ లో కూడా నిరుద్యోగం పెరుగుతుందన్నారు. అమిత్ షా కుమారుడిపై వస్తున్న ఆరోపణలపై దర్యాప్తు జరపాలని డిమాండ్ చేశారు. నిరుద్యోగులు, రైతులు తీవ్ర నిరాశలో ఉన్నారని పేర్కొన్నారు. ప్రజా ఉద్యమాలను బలపరుస్తామని చెప్పారు. ప్రభుత్వ వ్యతిరేక ప్రజా ఉద్యమాలను బలపర్చాలని కేంద్ర కమిటీ సమావేశాల్లో నిర్ణయించామని తెలిపారు. హైదరాబాద్ లో 2018 ఏప్రిల్ 18 నుంచి 22 వరకు తమ పార్టీ జాతీయ మహాసభలు జరుగుతాయని చెప్పారు. మహాసభలకు 765 ప్రతినిధులు హాజరవుతారని తెలిపారు. మహాసభల్లో చర్చించి, రాజకీయ తీర్మాణాలు చేస్తామని చెప్పారు. మరిన్ని వివరాలను వీడియోలో చూద్దాం...

 

 

15:36 - October 13, 2017

ఢిల్లీ : హైకోర్టు విభజన, అసెంబ్లీ సీట్ల పెంపుపై ప్రధాని నరేంద్ర మోదీ దుర్మార్గంగా వ్యవహరిస్తున్నారని టీఆర్ ఎస్ ఎంపీ వినోద్‌ మండిపడ్డారు. ఈ విషయంలో ఎన్ డీఏ ప్రభుత్వం నిర్లక్ష వైఖరి అవలంభిస్తోందని ఆగ్రహం వ్యక్తం చేశారు. కేంద్ర సర్కారు తీరును వినోద్‌ ఖండించారు. పార్లమెంటు శీతాకాల సమావేశాల్లో  ఈ రెండు అంశాలపై ఎన్ డీఏ ప్రభుత్వాన్ని నిలదీస్తామన్నారు.  ఖమ్మం జిల్లాలోని ఏడు మండలను ఏపీలో కలుపుతూ రాజకీయ నిర్ణయం తీనున్న మోదీ సర్కారు... హైకోర్టు విభజన, అసెంబ్లీ సీట్ల పెంపు విషయంలో ఎందుకు తీసుకోవడంలేదని వినోద్‌ ప్రశ్నించారు. 

Pages

Don't Miss

Subscribe to RSS - ఫైర్