బాలకృష్ణ

15:28 - November 21, 2017

హైదరాబాద్ : నంది అవార్డుల కమిటీలో ఒకే సామాజిక వర్గం వారు ఆదిపత్యం చెలాయిస్తుండాన్ని తాను వ్యతిరేకిస్తున్నట్టు పోసాని కృష్ణమురళీ అన్నారు. బాధ్యత కలిగిన ప్రభుత్వం ఈ విషయాన్ని ఆలోచించాలన్నారు. నంది అవార్డుల కమిటీలో సామాజిక న్యాయం తీసుకురావాలన్నారు. పూర్తి వివరాలకు వీడియో క్లిక్ చేయండి. 

15:26 - November 21, 2017

హైదరాబాద్ : నంది అవార్డులపై నటుడు పోసాని కృష్ణమురళీ స్పందించారు. అవార్డుల ప్రకటనపై ఘాటు వ్యాఖ్యలు చేశారు. తప్పులు దొర్లితో విద్యార్థుల పరీక్షలు రద్దుచేసిట్టే.. వివాదాస్పదంగా మారిన నందిఅవార్డుల ప్రకటనను ఎందుకు రద్దుచేయన్నారు. తనకు వచ్చిన నంది అవార్డును తిరస్కరిస్తున్నట్టు పోసాని ప్రకటించారు. పూర్తి వివరాలకు వీడియో క్లిక్ చేయండి. 

07:01 - November 17, 2017

పశ్చిమగోదావరి : పట్టిసీమ, నదుల అనుసంధానంతో సీఎం చంద్రబాబు అపర భగీరథుడుగా నిలిచిపోయారని హిందూపురం ఎమ్మెల్యే బాలకృష్ణ అన్నారు. పట్టిసీమతో రాయలసీమ సస్యశ్యామలంగా మారుతుందని అభిప్రాయపడ్డారు. రాలయసీమ వెనకబాటు తనానికి సాగునీరు లేకపోవడమే కారణమని మంత్రి లోకేష్‌ అన్నారు. టీడీపీ, బీజేపీ ఎమ్మెల్యేలు, ఎమ్మెల్సీల బృందం పట్టిసీమ, పోలవరం ప్రాజెక్టులను పరిశీలించింది. పశ్చిమగోదావరి జిల్లాలోకి బస్సులు ప్రవేశించగానే విప్‌ చింతమనేని ప్రభాకర్‌ తన స్వగ్రామం దుగ్గిరాలలో అందరికీ అల్పాహార విందు ఏర్పాటు చేశారు. చింతమనేనికి పోటీగా ఏలూరు ఎంపీ మాగంటి బాబు కొయ్యలగూడెం వద్ద స్వాగత విందు ఏర్పాటు చేశారు. అక్కడి నుంచి పట్టిసీమ వెళ్లిన ప్రజాప్రతినిధులకు తమ ప్రాంతంలో పండిన పంట కంకులతో స్థానిక రైతులు ఘనస్వాగతం పలికారు.

గోదావరి నుంచి పంపులద్వారా నీటిని ఎత్తిపోసే విషయాలను అడిగి తెలుసుకున్నారు. డెలివరీ పాయింట్‌కు వెళ్లి నీటివిడుదలను ఆసక్తిగా తిలకించారు. మంత్రి నారా లోకేశ్‌, హిందూపురం ఎమ్మెల్యే నందమూరి బాలకృష్ణ పట్టిసీమ నీటిలో పూలు వేసి హారతి ఇచ్చారు. పట్టిసీమ, నదుల అనుసంధానంతో సీఎం చంద్రబాబు అపర భగీరథుడుగా నిలిచిపోయారని హిందూపురం ఎమ్మెల్యే బాలకృష్ణ అన్నారు. పట్టిసీమతో రాయలసీమ సస్యశ్యామలంగా మారుతుందనిచెప్పారు. రాలయసీమ వెనకబాటు తనానికి సాగునీరు లేకపోవడమే కారణమని మంత్రి లోకేష్‌ అన్నారు.

పట్టిసీమ పర్యటన అనంతరం 3గంటల ప్రాంతంలో ప్రజాప్రతినిధులు పోలవరం చేరుకున్నారు. అక్కడ నిర్మాణ పనులు తిలకించి సంతోషం వ్యక్తం చేశారు. అసెంబ్లీ తరఫున అందరికీ ఈ తరహా పర్యటన ఏర్పాటు చేయడం పట్ల వారు కృతజ్ఞతలు తెలిపారు. పోలవరం పూర్తయితే రాష్ట్రం సస్యశ్యామలం అవుతుందని మంత్రి కాల్వ శ్రీనివాసులు అన్నారు. పోలవరం పర్యటన ముగిశాక ప్రజాప్రతినిధులు అక్కడి నుంచి బస్సుల్లోనే విశాఖకు పయనమయ్యారు. 

10:50 - November 12, 2017

ప్రముఖ సినీ నటుడు, ఎమ్మెల్యే బాలకృష్ణ మహా ధర్నా చేపట్టడం ఏంటీ ? అధికారం పక్షం నుండి ఎన్నికై ధర్నా చేపట్టడం ఏంటీ ? అని ఆలోచిస్తున్నారా ? అయితే ఇదేమి నిజం కాదు...కేవలం షూటింగ్ నిమిత్తం ధర్నా చేపట్టారు. వందో చిత్రం అనంతరం బాలయ్య వరుస సినిమాలకు సైన్ చేస్తున్న సంగతి తెలిసిందే. 102వ సినిమా కె.ఎస్.రవి దర్శకత్వంలో బాలయ్య నటిస్తున్నారు. బాలయ్య సరసన నయనతార, నాటాషా జోషి, హరిప్రియలు హీరోయిన్లుగా నటిస్తున్నారు. ఈ సినిమాకు 'జై సింహ' అనే టైటిల్ ను ఖరారు చేశారు.

చిత్ర షూటింగ్ ప్రారంభం కూడా అయ్యింది. షరవేగంగా జరుపుకొంటున్న ఈ షూటింగ్ ఇటీవలే విశాఖ బీచ్ రోడ్డులో చేశారు. సినిమాలో ఓ సన్నివేశం కోసం బీచ్‌ రోడ్డులో ఐదు వేల మంది జూనియర్‌ ఆర్టిస్టులు, 110 బస్సులతో మహాధర్నా చేశారు. అంతేగాకుండా బాలయ్య..నయన్ లపై ఓ సాంగ్ కూడా చిత్రీకరించారు. అరకు..బీచ్ లో హరిప్రియపై రొమాంటిక్ గీతాన్ని కూడా షూట్ చేశారు. మొత్తానికి వైజాగ్ లో భారీ షెడ్యూల్ పూర్తి చేసుకుంది.
త్వరలో మరో షెడ్యూల్‌కి సన్నద్ధమవుతోందని నిర్మాత కళ్యాణ్‌ పేర్కొన్నారు. యాక్షన్‌ ఎంటర్‌ టైనర్‌గా రూపొందుతోంది. 

10:33 - October 12, 2017

ఎన్టీఆర్ బయోపిక్..ప్రస్తుతం టాలీవుడ్ లో హాట్ టాపిక్ అయి కూర్చొంది. ఎన్టీఆర్ బయోపిక్ ను తీయాలని ఆయన కుమారుడు 'బాలకృష్ణ' ప్రయత్నాలు మొదలు పెట్టిన సంగతి తెలిసిందే. ఎప్పుడూ వివాదంలో ఉండే 'రాంగోపాల్ వర్మ' కూడా 'లక్ష్మీస్ ఎన్టీఆర్' పేరిట ఓ చిత్రాన్ని రూపొందించనున్నట్లు ప్రకటించిన సంగతి తెలిసిందే. ఇందుకు సంబంధించిన ఓ పోస్టర్ ను కూడా విడుదల చేశారు. ఇదిలా ఉంటే 'ఎన్టీఆర్' బయోపిక్ నిర్మించే దర్శకుడి కోసం 'బాలయ్య' వెయిట్ చేశారని తెలుస్తోంది.

తొలుత 'క్రిష్'..లేదా 'తేజ'కు ఈ సినిమా బాధ్యతలను అప్పగించాలని 'బాలయ్య' యోచించారని టాక్. కానీ 'క్రిష్' మణికర్ణిక ప్రాజెక్టుతో బిజీగా ఉండడంతో 'ఎన్టీఆర్' బయోపిక్ పై దృష్టి పెట్టే టైం లేదని ప్రచారం జరిగింది. ఆ బాధ్యతలను తాజాగా 'తేజ' స్వీకరించినట్లు టాలీవుడ్ లో గుస గుసలు వినిపిస్తున్నాయి. ఇటీవలే ఆయన దర్శకత్వంలో వచ్చిన 'నేనే రాజు నేనే మంత్రి' సినిమా మంచి విజయాన్ని నమోదు చేసుకుంది. త్వరలోనే ఎన్టీఆర్ బయోపిక్ షూటింగ్ ప్రారంభించేందుకు అన్ని సన్నాహాలు చేస్తున్నట్లు సమాచారం. ఈ చిత్రంతో బాలకృష్ణ నిర్మాతగా మారనున్నారని మరో టాక్. ఎన్టీఆర్ బయోపిక్ కు సంబంధించిన పూర్తి వివరాలు తెలియాలంటే కొద్ది రోజులు ఆగాల్సిందే. 

21:18 - October 3, 2017

అనంతపురం : నటుడు, టీడీపీ ఎమ్మెల్యే బాలకృష్ణలో అసహనం ఈ మధ్య కట్టలు తెంచుకుంటోంది. ఇరుకున పెట్టే ప్రతిపక్షం అంటే అసహనమా అంటే.. అదేమీ కాదు.. గుండెల్లో గుడికట్టి తనను ప్రతిష్ఠించుకున్న అభిమానులపైనే ఆయన అసహనం..! తనలోని ఆవేశాన్ని అణచుకోవడం చేతకాక, ఎక్కడ పడితే అక్కడ అభిమానుల చెంపలు చెళ్లుమనిపిస్తున్నారు బాలయ్య. దండెయ్యడానికొచ్చినా.. దండం పెట్టడానికొచ్చినా... అభిమానుల పట్ల బాలయ్య బాబుది ఒకటే రియాక్షన్. తమ అభిమాన నటుడే కదా అని సెల్ ఫోన్ లో ఓ సెల్ఫీ తీసుకోవాలనుకుంటే.. ఫోన్ నేలకేసి కొడతారు.

గూబ గుయ్ మనిపిస్తారు...
సినిమా సెట్లో అసిస్టెంట్ వచ్చి కాళ్లకు చెప్పులు తొడగటం ఆలస్యమైనా అంతే! గూబ గుయ్ మనిపిస్తారు. మొన్నామధ్య నంద్యాల ప్రచారంలోనూ బాలకృష్ణ తన అభిమాని చెంప చెళ్లుమనిపించారు. గజమాల వేసిన ఆనందం అరక్షణంలో ఆవిరయ్యేలా చేసిన బాలయ్య ప్రతాపానికి ఆ అభిమాని బిక్కచచ్చి పోయాడు. తనకి తెలిసిన వారైతేనే బాలకృష్ణ ఫోటోకి ఫోజిస్తారు. లేదంటే.. అభిమానికి అవమానం తథ్యం. ఇదే ఒరవడిలో.. మంగళవారం మరో అభిమాని చెంప పగలగొట్టారు బాలయ్య. అనంతపురం జిల్లా హిందూపురం బోయపేటలో ఇంటింటా తెలుగుదేశం కార్యక్రమం జరిగింది. ఈ కార్యక్రమంలో నియోజకవర్గంలో ఉన్న సమస్యలపై బాలకృష్ణను అడుగడుగునా జనం నిలదీశారు. అప్పటికే తీవ్ర అసహనంతో ఉన్న ఆయన తనను దాటుకుని ముందుకెళ్తున్న ఓ అభిమానిపై తన ఆవేశాన్ని ప్రదర్శించారు. ఆగ్రహంతో ఆ అభిమాని చెంప ఛెళ్లుమనిపించారు. స్వర్గీయ ఎన్టీఆర్‌, తమను గుండెల్లో గుడికట్టుకుని పూజించే అభిమానులనే దేవుళ్లుగా అభివర్ణించేవారు. అయితే ఆయన నట, రాజకీయ వారసుడిగా కొనసాగుతున్న బాలయ్య.. ఇలా అభిమానులపై పదేపదే చేయి చేసుకోవడం తీవ్ర విమర్శలకు దారితీస్తోంది. 

15:22 - October 3, 2017

అనంతపురం : నటుడు, ఎమ్మెల్యే బాలకృష్ణ తన తీరు మార్చుకోలేదు. టీడీపీ కార్యకర్తపై మరోసారి చేయి చేసుకున్నారు బాలయ్య. అనంతపురం జిల్లా హిందూపురంలో ఇంటింటికీ టీడీపీ ప్రచారంలో ఈ ఘటన జరిగింది. తనను దాటుకొని ముందుకెళ్తున్న కార్యకర్త చెంపను బాలయ్య చెళ్లుమనిపించారు.

12:00 - September 10, 2017

నందమూరి 'బాలకృష్ణ' ఫిలిం మేకింగ్ లో స్పీడ్ పెంచాడు. తన ఎనర్జీ లెవెల్స్ తో డైలాగ్స్ అదరగొడుతూ హిట్ ఫ్లాప్ లతో సంబంధం లేకుండా సినిమాలు చేస్తున్నాడు. 'పైసా వసూల్' సినిమా రిలీజ్ అయింది రిజల్ట్స్ ఎలా ఉనా 'బాలయ్య' మరో సినిమా చేయబోతున్నాడు. 'పైసా వసూల్’ రిజల్ట్ చూశాక అందరూ నందమూరి బాలకృష్ణ నిర్ణయాన్ని తప్పుబడుతున్నారు. ఈ సినిమా ఓ మాదిరిగా ఆడుతోందని టాక్. క్రిష్ డైరెక్షన్ లో వచ్చిన 'గౌతమీ పుత్ర శాతకర్ణి' హిస్టీరికల్ సినిమాగా నిలిచింది. వరల్డ్ వైడ్ హిట్ టాక్ తో నడిచింది. ఆ తరువాత పూరి తో 'పైసా వసూల్' లో నటించాడు బాలయ్య.

‘పైసా వసూల్’ విషయంలోనే బాలయ్య తప్పటడుగు వేశాడనుకుంటుంటే.. ఈ సినిమా ఫలితం చూశాక కూడా బాలయ్య పూరితో ఇంకో సినిమా చేయడానికి రెడీ అవడం చూసి మరింత ఆశ్చర్యపోతున్నారు. ‘పైసా వసూల్’ విడుదలకు ముందు బాలయ్య-పూరి కాంబినేషన్లో ఇంకో సినిమా ఉంటుందని.. అదో పొలిటికల్ డ్రామా అని వార్తలొచ్చిన సంగతి తెలిసిందే. స్వయంగా పూరినే బాలయ్యతో తాను మరో సినిమా చేయబోతున్నట్లు కన్ఫామ్ చేసినట్లు తెలుస్తోంది. 

19:43 - September 6, 2017

అనంతపురం : తన తనయుడు త్వరలో తెలుగు సినిమా ఇండస్ట్రీలోకి అరంగేట్రం చేస్తున్నట్టు.. హీరో నందమూరి బాలకృష్ణ ప్రకటించారు. అనంతపురం జిల్లా, హిందూపురంలో వందలాది మంది అభిమానుల మధ్య.. తన కుమారుడు మోక్షజ్ఙ జన్మదిన వేడుకలు ఘనంగా జరిపారు. కేక్‌ కట్‌ చేసి అభిమానులకు అభినందనలు తెలిపారు. వచ్చే ఏడాది జూన్‌ మొదటివారంలో మోక్షజ్ఞ మొదటి సినిమా షూటింగ్‌ మొదలవుతుందని ఆయన తెలిపారు. తన 101వ సినిమా విజయవంతంగా ప్రదర్శితమవుతున్న సందర్భంగా.. 101 మంది మహిళలకు చీరలను పంపిణీ చేశారు.

11:11 - September 5, 2017

టాలీవుడ్ లో అగ్ర హీరోల్లో ఒకరైన 'బాలకృష్ణ' సినిమాల జోరు పెంచారు. వందో చిత్రం 'గౌతమి పుత్ర శాతకర్ణి' ఘన విజయం అనంతరం వరుసగా సినిమాలకు సైన్ చేసేస్తున్నారు. తాజాగా 101 సినిమాగా వచ్చిన 'పైసా వసూల్' మంచి టాక్ నే తెచ్చుకుంది. పూరీ జగన్నాథ్ దర్శకత్వంలో రూపొందిన ఈ సినిమా సరికొత్త బాలయ్యను చూసి అభిమానులు సంతోషం వ్యక్తం చేస్తున్నారు. ఈ సినిమా అనంతరం వెంటనే మరోసినిమా మొదలెట్టేశారు. ఇప్పటికే పూజలు చేసిన ఈ సినిమా షూటింగ్ రామోజీ ఫిల్మ్ సిటీలో జరుపుకొంటోంది.
కమర్షియల్‌ ఎంటర్‌టైనర్‌గా తెరకెక్కుతోన్న ఈ సినిమాలో 'బాలయ్య' సరసన ముగ్గురు హీరోయిన్లు నటించనున్నట్లు టాక్. అందులో ఒకరు 'నయనతార' కాగా ఇక రెండో హీరోయిన్ గా కొత్త అమ్మాయిని తీసుకోవాలని చిత్ర దర్శక..నిర్మాతలు యోచించినట్లు టాక్. అందులో భాగంగా 'నటాషా దోషి'ని తీసుకున్నట్లు వార్తలు వెలువడుతున్నాయ. మలయాళంలో 'హైడ్ అండ్ సీక్', ‘నయన', 'కాల్' వంటి చిత్రాల్లో నటించింది. మూడో హీరోయిన్ ను ఫిక్స్ చేయాలని భావిస్తున్నారంట. కె.ఎస్‌ రవికుమార్‌ డైరెక్ట్‌ చేస్తున్న ఈ సినిమాను 2018 సంక్రాంతికి రిలీజ్‌ చేయాలనే ఆలోచనలో ఉన్నారు. బాలయ్య నటిస్తున్న ఈ సినిమాకు సంబంధించిన వివరాలు త్వరలోనే తెలియనున్నాయి. 

Pages

Don't Miss

Subscribe to RSS - బాలకృష్ణ