బిజెపి

10:31 - November 3, 2018

విజయవాడ : కాంగ్రెస్ జాతీయ అధ్యక్షులు రాహుల్ గాంధీని ఏపీ సీఎం చంద్రబాబు నాయుడు కలవడం..మూడో ఫ్రంట్ ఏర్పాటు దిశగా బాబు అడుగులు వేస్తుండడం పట్ల బీజేపీ తీవ్రంగా స్పందిస్తోంది. ఏపీ బీజేపీ పార్టీ తీవ్ర విమర్శలు గుప్పిస్తోంది. ఆ పార్టీ నేత కన్నా లక్ష్మీనారాయణ శనివారం విలేకరులతో మాట్లాడారు. సీఎం చంద్రబాబు నాయుడిపై తీవ్ర విమర్శలు గుప్పించారు. ఏపీ విభజన సమయంలో సోనియా, కాంగ్రెస్ పార్టీపై తీవ్ర విమర్శలు గుప్పించిన బాబు..ఇప్పుడు రాహుల్తో కలవడాన్ని ఆయన తప్పుబట్టారు. 
ఊసరవెల్లి కూడా సిగ్గు పడే విధంగా రాజకీయాలు నడుపుతున్న అవినీతి చక్రవర్తి బాబు ఏ స్థాయికినైనా దిగజారుతారని ఘాటు వ్యాఖ్యలు చేశారు. Image result for rahul gandhi and babuఏపీ ప్రజల ఆత్మగౌరవాన్ని దిగజారుస్తున్నాడని, బాబు నాయకత్వం అవసరమా ఆలోచించాలని ప్రజలకు పిలుపునిచ్చారు. ఈ రాష్ట్రంలో ప్రజలున్నారని మరిచిపోయి రాజకీయాలు చేస్తున్నారని, దేశ రక్షణ కాదని...అవినీతి బండారం బయటపడుతుందోనని భయపడి పారిపోయి కాంగ్రెస్ తో దోస్తీ కడుతున్నాడని తెలిపారు. రాహుల్ గాంధీ ఏ మొహం పెట్టుకుని ఏపీకి వస్తాడని అన్న బాబు ఆయనతో చేతులు కలపడం హాస్యాస్పదమన్నారు. బాబు..అతని మీడియా ప్రజలను తప్పుదోవ పట్టిస్తున్నారని తెలిపారు. 2019లో మోడీ అధికారంలోకి రావడానికి వీల్లేదని...అధికారంలోకి వస్తే వారి అవినీతి ఎక్కడ బయటపడుతుందో...అనే భయంతో బాబు పొత్తులు పెట్టుకుంటున్నాడని తీవ్రంగా విమర్శించారు. తాజాగా కన్నా చేసిన విమర్శలను ఏపీ టీడీపీ ఎలా కౌంటర్ ఇస్తుందో వేచి చూడాలి. 

14:02 - August 28, 2018

ఢిల్లీ : హస్తినలో బిజెపి పాలిత రాష్ట్రాల ముఖ్యమంత్రుల సమావేశం ప్రారంభం అయింది. ప్రధాని నరేంద్రమోడీ, బీజేపీ చీఫ్ అమిత్ షా నేతృత్వంలో సమావేశం నిర్వహిస్తున్నారు. 2019 లో జరుగనున్న లోక్ సభ ఎన్నికల్లో అనుసరించాల్సిన వ్యూహంపై చర్చించనున్నారు. మధ్యప్రదేశ్, ఛత్తీస్ గడ్, రాజస్థాన్ లో జరిగే అసెంబ్లీ ఎన్నికలపై కసరత్తు చేస్తున్నారు. కేంద్ర పథకాల అమలు తీరును సమావేశంలో సమీక్షించనున్నారు. మరిన్ని వివరాలను వీడియోలో చూద్దాం... 

08:46 - August 24, 2018

ఢిల్లీ : కాంగ్రెస్‌ అధ్యక్షుడు రాహుల్‌ గాంధీ జర్మనీలోని హాంబర్గ్‌లో చేసిన ప్రసంగంపై బిజెపి మండిపడింది. 23 దేశాల ప్రతినిధుల ముందు రాహుల్‌ దేశాన్ని చులకన చేసి మాట్లాడారని బిజెపి అధికార ప్రతినిధి సంబిత్‌ పాత్ర విమర్శించారు. ఎన్డీయే పాలనలో భారత్‌లో నిరుద్యోగం, అసమానతలు, మూక హత్యలు, దళితులపై దాడులు అధికమవుతున్నాయని రాహుల్‌ ఆరోపించారు. ఇలాంటి పరిస్థితుల వల్లే ఐఎస్‌ఐఎస్‌ వంటివి ఏర్పడుతాయని చెప్పారు. మైనారిటీలకు ఉద్యోగాలు రాకపోతే ఐఎస్‌ఐఎస్‌ వైపు మళ్లుతారని చెప్పడం ద్వారా రాహుల్‌  భయోత్పాతం సృష్టిస్తున్నారని ... ఉగ్రవాదానికి ఊతమిచ్చే ఈ ప్రకటనపై రాహుల్‌ సమాధానం చెప్పాలని సంబిత్‌పాత్ర డిమాండ్ చేశారు.

 

12:27 - August 17, 2018
06:29 - August 16, 2018

ఢిల్లీ : బీజేపీ అగ్రనేత, దేశ మాజీ ప్రదాని అటల్‌ బిహారీ వాజ్‌పేయి ఆరోగ్యం ఆందోళనకరంగా ఉంది. కిడ్నీ, వృద్ధాప్య సమస్యలతో ఆయన బాధపడుతున్నారు. కొన్నాళ్ల క్రితం వైద్యం కోసం ఎయిమ్స్‌లో చేరిన వాజ్‌పేయ ఆరోగ్యం బుధవారం మరింత క్షీణించింది. దీంతో వైద్యులు ఆయనకు వెంటిలేటర్‌పై చికిత్స అందిస్తున్నారు. ప్రధాని మోదీసహా పలువురు కేంద్రమంత్రులు, బీజేపీ ముఖ్యనేతలు వాజ్‌పేయిని ఎయిమ్స్‌లో పరామర్శించారు. నేటి అధికారిక కార్యక్రమాలు వాయిదా వేసుకున్నారు. మాజీ ప్రధాని అటల్‌ బిహారీ వాజ్‌పేయి ఆరోగ్య పరిస్థితి విషమించింది. తొమ్మిదేళ్లుగా అనారోగ్యంతో ఉన్న 93 ఏళ్ల వాజపేయి.. తొమ్మిది వారాలుగా ఢిల్లీలోని అఖిల భారత వైద్య విజ్ఞాన సంస్థ ...ఎయిమ్స్‌లో మంచానికే పరిమితమై మృత్యువుతో పోరాడుతున్నారు. మూత్రనాళాల ఇన్ఫెక్షన్‌, శ్వాస తీసుకోవడం కష్టం కావడంలాంటి సమస్యలతో బాధపడుతున్న వాజ్‌పేయిని జూన్‌ 11న ఎయిమ్స్‌లో చేర్చారు. నాటి నుంచి అక్కడే ఆయన చికిత్స పొందుతున్నారు.

ఎయిమ్స్‌లో చికిత్స పొందుతున్న వాజ్‌పేయి ఆరోగ్య పరిస్థితి మంగళవారం నుంచి దిగజారింది. బుధవారం మరింత క్షీణించడంతో ఆయనను ఎయిమ్స్‌ వైద్యులు వెంటిలేటర్‌పై ఉంచి చికిత్స అందిస్తున్నారు. ఆయన మూత్రపిండాల్లో ఒకటే పనిచేస్తుండడం, బలహీనమైన ఊపిరితిత్తులు, మధుమేహం కారణంగా ఆయన పరిస్థితి అత్యంత విషమంగా ఉంది. వాజ్‌పేయిది గట్టి మనోబలం. ఇంతకాలం ఆయన అనారోగ్యంతో పోరాడుతున్న తీరుకు మేమే ఆశ్చర్యపోతున్నామని ఎయిమ్స్‌లో పనిచేస్తున్న వైద్యుడు ఒకరు చెప్పారు.

వాజ్‌పేయి ఆరోగ్య పరిస్థితి అత్యంత విషమంగా మారడంతో.. ప్రధానమంత్రి నరేంద్రమోదీ, బీజేపీ అధ్యక్షుడు అమిత్‌ షా బుధవారం సాయంత్రం ఎయిమ్స్‌కు వెళ్లి ఆయన్ను పరామర్శించారు. వైద్యులను అడిగి ఆరోగ్య పరిస్థితి తెలుసుకున్నారు. అంతకుముందు.. ఎయిమ్స్‌ డైరెక్టర్‌ రణ్‌దీప్‌ గులేరియా మోదీని కలుసుకుని వాజపేయి పరిస్థితి గురించి వివరించారు. దీంతో వాజపేయిని చూసేందుకు ప్రధాని ప్రోటోకాల్‌ నిబంధనల్నీ పక్కనబెట్టారు. పీయూష్‌ గోయల్‌, స్మృతి ఇరానీతోపాటు మరికొంత మంది కేంద్రమంత్రులు, బీజేపీ ముఖ్యనేతలు వాజ్‌పేయ్‌ను ఆస్పత్రిలో పరామర్శించారు. రాష్ట్రపతి రామ్‌నాథ్‌ కోవింద్‌, ఉప రాష్ట్రపతి వెంకయ్యనాయుడు వాజపేయి ఆరోగ్య పరిస్థితిని ఎప్పటికప్పుడు తెలుసుకుంటున్నారు. వాజ్‌పేయి ఆరోగ్యం విషమించడంతో బీజేపీ ముఖ్యనేతలంతా నేటి తమ అధికారిక కార్యక్రమాలు రద్దు చేసుకున్నారు. విజయవాడలో నేడు జరగాల్సిన బీజేపీ కార్యాలయ శంకుస్థాపన కార్యక్రమం కూడా వాయిదా పడింది.

వాజ్‌పేయి 2005 డిసెంబరులో క్రియాశీల రాజకీయాలకు స్వస్తి చెబుతున్నట్టు ప్రకటించారు. 2009 ఎన్నికల్లో తాను పోటీచేయబోనని ముందే చెప్పారు. అప్పటిదాకా తాను ప్రాతినిధ్యం వహించిన లక్నో నుంచి ఆ ఎన్నికల్లోపోటీ చేసిన లాల్‌జీ టాండన్‌ను బలపరుస్తూ నియోజక ప్రజలకు లేఖ రాశారు. అనారోగ్య కారణాల వల్ల ప్రచారానికి కూడా రాలేకపోతున్నానని తెలిపారు. అనంతరం 2009 ఫిబ్రవరి 6న వాజ్‌పేయికి ఊపిరితిత్తుల్లో ఇన్ఫెక్షన్‌ రావడంతో ఎయిమ్స్‌లో చేరి కొంతకాలానికి డిశ్చార్జి అయ్యారు. ఆ తర్వాత కొద్ది రోజులకు ఆయన గుండెపోటు , పక్షవాతం రావడంతో మాట దెబ్బతిన్నది. ఆ తర్వాత జ్ఞాపకశక్తి కోల్పోయారు. క్రమంగా మధుమేహం తీవ్రతరమైంది. మూత్రపిండాల ఇన్ఫెక్షన్‌ కారణంగా ఆయన కిడ్నీల్లో ఒక దానిని గతంలోనే తొలగించారు. మూత్ర పిండాలు దెబ్బతినడంతోనే జూన్‌ 11న ఆయన మళ్లీ ఎయిమ్స్‌లో చేరారు. 

18:13 - August 10, 2018

పశ్చిమగోదావరి : 2019 ఎన్నికల్లో టిడిపిని..బాబును ఎన్నుకొంటే ద్రోహం జరుగుతుందని సినీ నటుడు, జనసేన అధినేత పవన్ కళ్యాణ్ పేర్కొన్నారు. శుక్రవారం ఆయన నరసాపురంకు చేరుకున్నారు. సాయంత్రం నిర్వహించిన బహిరంగసభలో ఆయన మాట్లాడారు. కులాలు విడగొట్టే పద్ధతి ఆగిపోవాలని పిలుపునిచ్చారు.

15 సీట్లు ఇచ్చిన జిల్లాలో ఏ ఒక్క హామీ పూర్తి చేయలేదని బీసీలకు..కాపులకు..ద్రోహం చేశారని విమర్శించారు. జగన్ కూడా మాట మార్చేశారని..తాను మాట తప్పనన్నారు. అందర్నీ కులాలకు న్యాయం చేస్తానన్నారు. అందరీకి అండగా నిలబడేది జనసేన పార్టీ అని...తాను అందరి కన్నీళ్లు తుడవడానికే వచ్చానన్నారు. ప్రతొక్కరినీ అర్థం చేసుకోవాలని..తదితర కారణాలతో 2014లో పోటీ చేయలేనని..ప్రస్తుతం అందర్నీ అర్థం చేసుకున్నానన్నారు. మత్స్యకారుల సమస్య తనకు బాధిస్తోందని...కోల్డ్ స్టోరేజ్ ..తదితర సమస్యలను టిడిపి పట్టించుకోలేదన్నారు. 

17:45 - August 10, 2018

ఢిల్లీ : విభజన హామీల అమల్లో విఫలమైన బీజేపీకి 2019 ఎన్నికల్లో శృంగభంగం తప్పదని టీడీపీ ఎంపీలు హెచ్చరించారు. అన్యాయంగా రాష్ట్రాన్ని విభజించిన కాంగ్రెస్‌కు ఏ గతిపట్టిందో.. బీజేపీకి కూడా అదేగతి పడుతుందని వారించారు. ప్రధాని మోదీ నేతృత్వంలోని బీజేపీ ప్రభుత్వం పూర్తిగా నిర్వీర్యమైందని టీడీపీ ఎంపీలు తోట నరసింహం, సుజనా చౌదరి విమర్శించారు. 

17:11 - July 15, 2018

గుంటూరు : వైసీపీ, బిజెపి కుట్ర రాజకీయాలు..లోపాయికారీ ఒప్పందాలు మరోసారి బయటపడ్డాయని మంత్రి ప్రత్తిపాటి పుల్లారావు వ్యాఖ్యానించారు. ఇటీవలే కేంద్ర మంత్రి చేసిన ప్రకటనే ఇందుకు నిదర్శనమని, వైసీపీతో లాలూచీ పడి ఏపీకి నష్టం కలిగించే విధంగా బీజేపీ ప్రయత్నిస్తోందని..పోలవరాన్ని కేంద్ర మంత్రి గడ్కరి అభినందించారన్నారు. 

21:09 - July 14, 2018

విజయవాడ : ఎన్డీయేలో చేరాలంటూ.. వైసీపీ అధినేత జగన్‌ను కేంద్రమంత్రి రాందాస్‌ ఆహ్వానించారు. తమతో కలిస్తే ఆయన సీఎం అయ్యేందుకు సహకరిస్తామనీ హామీ ఇచ్చారు. దీనిపై స్పందించిన సీఎం చంద్రబాబు.. బీజేపీతో చేరేందుకు వైసీపీ తహతహలాడుతోందంటూ వ్యాఖ్యానించారు. దీన్ని ప్రజల్లో ఎండగడతామని అన్నారు. కేంద్ర వ్యవసాయ మంత్రి రాందాస్‌ అథవాలే.. ఏపీ రాజకీయాలపై కీలక వ్యాఖ్యలు చేశారు. శనివారం హైదరాబాద్‌ పర్యటనకు వచ్చిన రాందాస్‌.. వైసీపీ అధినేత జగన్మోహన్‌రెడ్డిని ఎన్డీయే కూటమిలో చేరాల్సిందిగా ఆహ్వానించారు. తమతో కలిస్తే.. జగన్‌ సీఎం అయ్యేందుకు సహకరిస్తామనీ భరోసా ఇచ్చారు. ప్రత్యేక హోదా విషయంలో మోదీ, అమిత్‌షాలతో తాను మాట్లాడతానని కూడా రాందాస్‌ అథవాలే చెప్పారు.

ఎన్డీయే నుంచి వైదొలిగే విషయంలో చంద్రబాబు తొందరపాటుగా వ్యవహరించారని రాందాస్‌ అథవాలే వ్యాఖ్యానించారు. ఆయన ఎన్డీయేలోనే కొనసాగి ఉంటే.. హోదాపై ప్రధాని మోదీ అనుకూలంగా వ్యవవహరించి ఉండేవారన్నారు. జగన్‌ గురించి అథవాలే చేసిన వ్యాఖ్యలపై ముఖ్యమంత్రి చంద్రబాబు స్పందించారు. రాష్ట్రానికి అన్యాయం చేసిన బీజేపీతో చేరేందుకు వైసీపీ సిద్ధమవుతోందని, అథవాలే మాటల్లో కొత్తదనమేమీ లేదన్నారు. 2019 ఎన్నికల్లో టీడీపీ గెలుపు చారిత్రక అవసరమనీ, విపక్షాల కుట్రలను తిప్పికొట్టి, టీడీపీని అధికారంలోకి తెస్తేనే అందరికీ మంచి జరుగుతుందనీ ముఖ్యమంత్రి చంద్రబాబు వ్యాఖ్యానించారు. 

14:48 - July 12, 2018

విజయవాడ : ముఖ్యమంత్రి చంద్రబాబుపై బీజేపీ అధ్యక్షుడు కన్నా లక్ష్మీనారాయణ చేసిన విమర్శలను టీడీపీ ఎమ్మెల్సీ బుద్ధా వెంకన్న ఖండించారు. పోలవరం పనులను పరిశీలించి చంద్రబాబు సంకల్పం గొప్పదని కేంద్రమంత్రి గడ్కరీ మాటలు వైసీపీ, బీజేపీలకు వినబడలేదా అని ఎద్దేవా చేశారు. పదే పదే చంద్రబాబుపై వ్యాఖ్యలు చేస్తున్న కన్నా రాష్ట్ర ప్రయోజనాల కోసం కేంద్రాన్ని ఎందుకు ప్రశ్నించడంలేదో చెప్పాలన్నారు బుద్ధా వెంకన్న.

 

Pages

Don't Miss

Subscribe to RSS - బిజెపి