బీజేపీ

21:39 - February 19, 2018

గుంటూరు : తెలుగుదేశం-బీజేపీ నేతల మధ్య వాగ్యుద్ధం రోజురోజుకీ పెరుగుతోంది. నువ్వొకటంటే.. నేను నాలుగంటా అన్న తీరులో.. ఇరుపక్షాల నేతలు విమర్శలు గుప్పించుకుంటున్నారు. చివరికి ఈ వాగ్దాడి.. ప్రభుత్వాల నుంచి వైదొలగడం అన్న అంశం దాకా వచ్చేసింది. అధిష్ఠానం ఆదేశిస్తే.. ఐదు నిమిషాల్లో రాజీనామా చేస్తానని.. బీజేపికి చెందిన రాష్ట్ర దేవాదాయ మంత్రి మాణిక్యాలరావు కుండబద్దలు కొడితే.. తెలుగుదేశం కూడా.. దీనికి దీటుగానే సమాధానం ఇస్తోంది. బీజేపీ, తెలుగుదేశం పార్టీల మధ్య ప్రస్తుత పరిస్థితి ఉప్పు, నిప్పులా తయారైంది. తాజాగా, జగన్‌ విసిరిన అవిశ్వాసతీర్మానం అస్త్రం కూడా ఈ రెండు పక్షాల మధ్య దూరాన్ని మరింతగా పెంచుతోంది. బీజేపీతో జగన్‌కు రహస్య ఒప్పందం కుదిరందన్న అనుమానాన్ని టీడీపీ నేతలు వ్యక్తం చేస్తూ.. బీజేపీని, వైసీపీని ఏకకాలంలో ఇరుకున పెట్టే ప్రయత్నం చేస్తున్నారు. ఎన్‌డీయే కూటమిలో ఉన్న పార్టీలన్నీ ఒక్కటొక్కటిగా బీజేపికి దూరమవుతూ వస్తున్నాయి. పంజాబ్‌లో అకాలీదళ్‌, మహారాష్ట్రలో శివసేన, ఒడిశాలో బీజేడీలు బీజేపీకి దూరమయ్యాయి. ఇప్పుడు తెలుగుదేశం మాత్రమే కమలదళంతో కొనసాగడమా... దూరం కావడమా అన్న డైలమాలో ఉంది. ఈ క్రమంలో... బీజేపీ రాష్ట్ర నాయకత్వం.. తెలుగుదేశంపై తీవ్రస్థాయిలో విమర్శలు గుప్పిస్తుండడంతో.. రెండు పక్షాల మధ్య స్నేహానికి కటీఫ్‌ తప్పదేమోనన్న భావన కలుగుతోంది. 

07:16 - February 19, 2018

విజయవాడ : కేంద్రంపై ఏపీలో వస్తున్న విమర్శలను తిప్పికొట్టేందుకు రాష్ర్ట బీజేపీ నేతలు విజయవాడలో కీలక సమావేశం నిర్వహించారు. ఏపీకి కేంద్రం చేసిన ప్రయోజనాలపై విస్తృతంగా చర్చించారు. మిత్రపక్షమైన టీడీపీ కూడా బీజేపీనీ దెబ్బ కొట్టేందుకు చూస్తోందని.. దానికి చెక్‌ పెట్టాలన్న నిర్ణయానికి వచ్చినట్లు తెలుస్తోంది. ఇకపై బీజేపీని విమర్శించే వారికి ఘాటుగా సమాధానం చెబుతుమంటూ హెచ్చరిస్తోంది ఆ పార్టీ రాష్ర్ట నాయకత్వం.

ఏపీలో విభజన హామీలపై ఆందోళనతోపాటు... తాజా రాజకీయ పరిణామాల నేపథ్యంలో.. విజయవాడలోని ఓ ప్రైవేటు హోటల్‌లో బీజేపీ విస్తృత స్థాయి సమావేశం నిర్వహించింది. రాష్ర్ట బీజేపీ ఆధ్యక్షుడు కంభంపాటి హరిబాబు ఆధ్వర్యంలో బీజేపీ సీనియర్‌ నేతలు, జిల్లాల అధ్యక్షులు, ఎంపీలు, మాజీ ఎంపీలు, మంత్రులు, ఎమ్మెల్యేలు, ఎమ్మెల్సీలు హాజరయ్యారు. రాష్ర్టానికి కేంద్రం తగినన్ని నిధులు ఇవ్వడం లేదన్న టీడీపీ ఆరోపణలను ధీటుగా ఎదుర్కొనాలన్న నిర్ణయం తీసుకున్నట్లు సమాచారం. ముఖ్యంగా భవిష్యత్‌ కార్యాచరణపై చర్చించినట్లు తెలుస్తోంది.

సమావేశానికి హాజరైన నేతలందరికీ పార్టీ అధ్యక్షుడు కంభంపాటి హరిబాబు దిశానిర్దేశం చేశారు. ఏపీకి అన్యాయం జరిగిందన్న విమర్శలకు గట్టిగా సమాధానం చెప్పాలని సూచించినట్లు సమాచారం. ఏపీకి కేంద్రం చేసిన ప్రయోజనాలపై ప్రచురించిన పుస్తకాన్నివిడుదల చేశారు. విభజన హామీలతోపాటు.. దుగరాజపట్నం, కడప స్టీల్‌ ఫ్యాక్టరీ, రైల్వేజోన్ వంటి కొన్ని మాత్రమే పెండింగ్‌లో ఉన్నాయని వివరించారు.

మెట్రోరైలు విషయంపై కేంద్రం సానుకూలంగా ఉందన్నారు హరిబాబు. రెవెన్యూ లోటు భర్తీకి ఇప్పటివరకూ 4వేల కోట్లు ఇచ్చిందన్నారు. లక్ష కోట్ల విలువైన రహదారుల ప్రాజెక్టులు కేవలం ఒక్క ఆంధ్రప్రదేశ్‌కు మాత్రం ఇచ్చిందని పేర్కొన్నారు. కేంద్రం అమలు చేసిన అంశాలు హక్కులు గానూ... ఇవ్వని వాటిని మోదీ పాపాలుగానూ అభివర్ణిస్తున్నారని మండిపడ్డారు. మరోవైపు కేంద్రం సాయంపై బహిరంగ చర్చకు సిద్ధమన్న సీఎం చంద్రబాబు చేసిన సవాల్‌పై ఎమ్మెల్సీ సోము వీర్రాజు స్పందించారు. సీఎం విసిరిన సవాల్‌కు తాము సిద్దమేనన్నారు. సినిమా స్క్రిప్టులు చదివే సంస్కృతి మాది కాదు... టీడీపీదే అంటూ మండి పడ్డారు. అమరావతితోపాటు విజయవాడ అభివృద్ధికి కూడా కేంద్రం ఎన్నో నిధులిచ్చిందన్నారు.

మిత్రపక్షం టీడీపీ తమపై చేస్తున్న దాడిని తప్పికొడతామని బీజేపీ ఎమ్మెల్యే విష్ణుకుమార్‌ రాజు హెచ్చరించారు. ఏపీ ప్రజలకు వాస్తవాలను వివరిస్తామన్నారు. విభజన హామీలు పూర్తిస్థాయిలో అమలు చేసేందుకు ఇంకా సమయం ఉన్నా మూడేళ్ళలోనే చాలా చేశామన్నారు. వైసీపీ ఎమ్మెల్యేలు అసెంబ్లీకి రాకపోవడం సరైన పద్ధతి కాదని విమర్శించారు. ఈ సమావేశంలో నేతల మధ్య గొడవ చోటు చేసుకోవడం కొసమెరుపు. పార్టీ నేతల నుంచి సలహాలు తీసుకునే సమయంలో... పార్టీ అధ్యక్షుడు హరిబాబుకు పార్టీ కార్యవర్గ సభ్యుడు లక్ష్మీపతిరాజుకు మధ్య వాగ్వివాదం జరిగింది. టీడీపీని ఎదుర్కొనే విషయంపై లక్ష్మీపతిరాజా మాట్లాడుతుంటే... ఇక కూర్చోండి అని హరిబాబు అనడంతో గొడవకు దారితీసింది. మంత్రి మాణిక్యాలరావు, ఎమ్మెల్యే విష్ణుకుమార్‌ రాజు సర్దిచెప్పడంతో గొడవ సద్దుమణిగింది. సుదీర్ఘంగా ఎనిమిది గంటల పాటు సాగిన ఈ సమావేశంలో టీడీపీని టార్గెట్‌ చేయాలన్న నిర్ణయం తీసుకున్నారు బీజేపీ నేతలు. బీజేపీ భవిష్యత్తులో సంచనాలకు తెరతీసే సూచనలు కనిపిస్తున్నాయి.

17:22 - February 18, 2018

కృష్ణా : బీజేపీ అంతర్గత సమావేశంలో నేతల మంధ్య గొడవ జరిగింది. ఎంపీ హరిబాబుకు, లక్ష్మీపతి రాజు మధ్య వాగ్వాదం జరగింది. లక్ష్మీపతిరాజును మంత్రి మాణిక్యాలరావు సముదాయించారు. ఈ సమావేశంలో ఎమ్మెల్యే విష్ణుకుమార్ రాజు, ఎమ్మెల్సీ సోము వీర్రాజు, పురందేశ్వరీ పాల్గొన్నారు. 

08:04 - February 18, 2018

కేంద్రంలోని బీజేపీ ఏపీని అన్ని విధాల మోసం చేసిందని వక్తలు అన్నారు. బీజేపీ, టీడీపీ మైత్రి బంధం చివరిదశకు వచ్చిందా ? అనే అంశంపై నిర్వహించిన చర్చా కార్యక్రమంలో సీపీఎం ఏపీ రాష్ట్రకార్యదర్శి వర్గసభ్యులు బాబూరావు, టీడీపీ నేత గొట్టిపాటి రామకృష్ణ, వైసీపీ నేత శ్రీనివాస్ పాల్గొని, మాట్లాడారు. బీజేపీ... రాష్ట్రాల మీద పెత్తనం చెలాయిస్తూ... నిరంకుశ ధోరణి అవలంభిస్తోందని విమర్శించారు. ఏపీకి ప్రత్యేకహోదా ఇవ్వాలని, విభజన చట్టంలోని హామీలను అమలు చేయాలని డిమాండ్ చేశారు. కేంద్రంపై టీడీపీ ఒత్తిడి తేవాలన్నారు. కేంద్రంతో సాగిలపడిపోవడం టీడీపీకి తగదన్నారు. మరిన్ని వివరాలను వీడియోలో చూద్దాం.. 

22:03 - February 16, 2018

గుంటూరు : విభజన హామీల కింద కేంద్రం నిధులు ఇచ్చిందంటూ బీజేపీ చెబుతున్న లెక్కలపై చర్చకు సిద్ధమన్నారు మంత్రి గంటా శ్రీనివాసరావు. బీజేపీ నేతలు చెబుతున్నవన్ని తప్పుడు లెక్కలని కొట్టిపారేశారు. రెగ్యులర్‌గా వచ్చే ప్రాజెక్టులు కాకుండా...  విభజన సమయంలో చేసిన హామీలు ఏం చేశారో చెప్పాలని గంటా డిమాండ్ చేశారు. 

18:27 - February 16, 2018
21:35 - February 13, 2018

విజయవాడ : కేంద్ర, రాష్ట్ర ప్రభుత్వాలు ఐక్యంగా ఆంధ్రప్రదేశ్‌ ప్రజలను మోసం చేస్తున్నాయని సీపీఎం ఏపీ రాష్ట్ర కార్యదర్శి పి.మధు అన్నారు. విభజన హామీలను అమలు చేయకుండా తప్పుడు లెక్కలతో ప్రజలను మభ్యపెడుతున్నాయని విమర్శించారు. కేంద్రంలో బీజేపీతో టీడీపీ లాలూచీ పడిందని మధు ఆరోపించారు. ఏపీకి ప్రత్యేక హోదా అంటూ టీడీపీ-బీజేపీలు ఎన్నికల స్టంట్‌కు తెరతీశాయని మండిపడ్డారు.

ఏపీకి చాలా నిధులు
మరోవైపు అధికార పార్టీ తీరుపై బీజేపీ ఎమ్మెల్సీ సోము వీర్రాజు మరోసారి మండిపడ్డారు. విభజన హామీలు, బడ్జెట్‌లో నిధుల కేటాయింపులపై టీడీపీ చేస్తున్న ఆరోపణలను ఆయన తిప్పికొట్టారు. ఇప్పటి వరకు కేంద్రం ఇచ్చిన నిధులను ఎలా వినియోగించారో రాష్ట్ర ప్రభుత్వం చెప్పాలని డిమాండ్‌ చేశారు. 2017 బడ్జెట్‌ తర్వాత ఏపీకి చాలా నిధులు ఇచ్చారని కేంద్రాన్ని మెచ్చుకున్న చంద్రబాబు.. ఇప్పుడు అసలు నిధులే ఇవ్వలేదన్నట్టుగా మాట్ల్లాడుతన్నారని బీజేపీ ఎమ్మెల్సీ నిలదీశారు. అసలు విభజన చట్టంలోని హామీలు నెరవేర్చేందుకు 2022 వరకు

అటు అరకు ఎంపీ కొత్తపల్లి గీత కేంద్ర, రాష్ట్ర ప్రభుత్వాల వైఖరని తప్పుపట్టారు. అమరావతి నిర్మాణానికి కేంద్ర ప్రభుత్వం ఏ మేరకు నిధులు ఇస్తానందో రాష్ట్రప్రభుత్వం చెప్పాలని డిమాండ్‌ చేస్తున్నారు. అమరావతి నిర్మాణానికి లక్ష కోట్ల నిధులు ఇవ్వాలని గతంలో కేంద్ర మంత్రిగా ఉన్న వెంకయ్యనాయుడు చెప్పిన విషయాన్ని ఎంపీ గీత గుర్తుచేశారు.

వామపక్షపార్టీలు, ప్రజాసంఘాలతో భేటీ
ఒకరు ఇచ్చామంటారు.. మరొకరు ఇవ్వలేదంటారు.. అసలు వారు ఎంత ఇచ్చారో..వీరు ఎంత తీసుకున్నారో లెక్కలు తేలాల్సిందే అంటున్నారు సీపీఎం నేతలు. ఏపీకి జరిగిన అన్యాయంపై పెద్ద ఎత్తున ఉద్యమిస్తామని సీపీఎం ఏపీ రాష్ట్ర కార్యదర్శి పి.మధు ప్రకటించారు. దీనికోసం ఈనెల 14న విజయవాడలో 10 వామపక్షపార్టీలు, ప్రజాసంఘాలతో భేటీ నిర్వహిస్తున్నామని.. అనంతరం ఉద్యమ కార్యాచరణ రూపొందిస్తామంటున్నారు. అటు జనసేనపార్టీ చేస్తున్న జేఏసీ ప్రయత్నాలను కూడా తాము స్వాగతిస్తున్నామని సీపీఎం నేతలు ప్రకటించారు. ప్రజలను మోసం చేయడంలో బీజీపీ, టీడీపీలు ఒకదాన్ని మించి మరొకటి పోటీపడుతున్నాయని వామపక్షాలు, ప్రజాసంఘాలు మండిపడుతున్నాయి. ఏపీ ప్రయోజనాలను కాపాడేందుకు ప్రజలను కదిలించి పెద్దఎత్తున ఉద్యమిస్తామని లెఫ్ట్‌పార్టీలు తేల్చి చెబుతున్నాయి. 

07:51 - February 12, 2018

బీజేపీ అధ్యక్షుడు కొన్ని లెక్కలు చెప్పారని, గల్లా జయదేవ్ కొన్ని లెక్కలు చెప్పారని, కానీ నాలుగేళ్ల పాటు ఈ లెక్కలు ఎక్కడికి వెళ్లాయని, టీఆర్ఎస్, టీడీపీ ప్రభుత్వాలు కేంద్రాన్ని సపోర్ట్ చేశాయని, రాకీయ విశ్లేషకులు తెలకపల్లి రవి అన్నారు. ఏపీ ప్రజలకు జవాబు చెప్పె బాధ్యత తెలుగు దేశం ప్రభుత్వానికి ఉందని, టీడీపీ రాజకీయ ప్రయోజనాల కోసం కాదని, ప్రజల కోసమే బీజేపీతో కొనసాగుతుందని, కేంద్రంలో బీజేపీకి ఎక్కువ సీట్లు ఉండడం వల్లే బీజేపీ రాష్ట్రాన్ని చిన్నచూపు చూస్తున్నారని టీడీపీ నేత దుర్గాప్రసాద్ అన్నారు. తెలంగాణ రాష్ట్రం ఏపీకి సపోర్ట్ చేస్తున్నామని, టీఆర్ఎస్ కూడా కేంద్రంపై పోరాడుతుందని, పెద్ద నోట్ల రద్దు అప్పుడు తము కేంద్రానికి సపోర్ట్ చేశామని టీఆర్ఎస్ నేత మన్నే గోవర్థన్ రెడ్డి అన్నారు.టీడీపీ, వైసీపీ రాజకీయ ప్రయోజనాల కోసం ఒకరి మీద ఒకరు బురద జల్లుకుంటున్నారని, ప్రాంతీయతత్వాన్ని రెచ్చెగొట్టె ప్రయత్నాలు చేస్తున్నామని, బీజేపీ నేత రాకేష్ రెడ్డి అన్నారు. పూర్తి వివరాలకు వీడియో క్లిక్ చేయండి.

18:48 - February 9, 2018

తూర్పుగోదావరి : ఏపీలో.. టీడీపీ, కాంగ్రెస్‌ పార్టీలు ప్రజలను అయోమయంలో పడేసే చర్యలు చేపట్టాయని.. బీజేపీ ఎమ్మెల్సీ సోము వీర్రాజు ఆరోపించారు. తనను అమిత్‌షా తిట్టినట్లుగా వచ్చిన వార్తలను ఆయన ఖండించారు. తనను వైసీపీ కోవర్ట్‌ అనడాన్ని కూడా సోము వీర్రాజు తీవ్రంగా తప్పుబట్టారు. 

13:28 - February 9, 2018

ఢిల్లీ : ఫ్రెండ్లీ అలయెన్స్ పోగ్గొట్టుకుంటే బీజేపీకి పుట్టగతులుండవని టీడీపీ ఎంపీ వెంకటేష్ ఘాటు వ్యాఖ్యాలు చేశారు. ఈమేరకు ఆయన మీడియాతో మాట్లాడారు. బీజేపీకి 'సేయింగ్ గుడ్ బై' చెప్పే పరిస్థితి వస్తుందని చెప్పారు. కమిట్ మెంట్స్.. కమింట్స్ గానే ఉండిపోయాయన్నారు. గత నాలుగు రోజులు సభను జరపకుండా ఆందోళన చేస్తునేవున్నామని తెలిపారు. హామీలు అమలు చేయాలని కోరుతున్నట్లు పేర్కొన్నారు. తమకు చంద్రబాబు నుంచి స్పష్టమైన గైడ్ లైన్స్ వస్తున్నాయని తెలిపారు. కేంద్రంపై దశలవారిగా యుద్ధం చేస్తామని...లేదా బీజేపీకి సెలవు ప్రకటిస్తామని చెప్పారు. మాటలు కాదు... చేతలు కూడా ఉంటాయన్నారు. ప్రత్యేక ప్యాకేజీ ఇవ్వకపోతే ప్రత్యేక హోదా కోరుతామని చెప్పారు. మాటలతో చింతకాయలు రాలవన్నారు. రాజీనామాలతో లాభం చేకూరదని చెప్పారు. సభలో చేసే పోరాటమే రియల్ పోరాటం లాగా ఉంటుందన్నారు.

 

Pages

Don't Miss

Subscribe to RSS - బీజేపీ