భూపాలపల్లి

13:44 - October 10, 2018

భూపాలపల్లి : ప్రభుత్వ అధికారులు సరైన టైమ్ కు ఆఫీసుకు రారనీ, చెప్పిన పనులు సక్రమంగా చేయరని ప్రజల నమ్మకం. ఆ నమ్మకాన్ని వారెప్పుడు వమ్ము చేయరు. కచ్చితంగా ఆలస్యంగా వచ్చి మేము ప్రభుత్వ అధికారులం..ఎప్పుడొచ్చినా మమ్మల్ని ఎవరు ఏమీ చేయరు అని వారు నిత్యం నిరూపించుకుంటుంటారు. అందరూ అలా కాకపోయినా..చాలామంది తీరు ఇలాగే వుంటుంది. కానీ జయశంకర్ భూపాలపల్లి జిల్లాలో అధికారులు వీరందరికంటే ఓ మెట్టుపైనే ఉన్నారు. ఎందుకంటే వారంతా సాక్షాత్తూ జిల్లా కలెక్టర్ కే చుక్కలు చూపించారు. ఏకంగా జిల్లా కలెక్టర్ ను రోడ్డుపై 10 నిమిషాలు నిలబెట్టేశారు. మేమేనన్నా కార్పొరేట్ అధికారులమా? ప్రభుత్వ అధికారులం అని కలెక్టర్ కు గుర్తు చేసారు. 

తెలంగాణ అసెంబ్లీ ఎన్నికల నేపథ్యంలో ఈవీఎంలను జిల్లా కేంద్రంలోని మినీ ఫంక్షన్ హాలులో భద్రపరిచారు. వీటి ఏర్పాట్లను పరిశీలించేందుకు కలెక్టర్ వెంకటేశ్వర్లు హాలుకు వద్దకు వచ్చారు. కలెక్టర్ పర్యటనపై ముందే సమాచారం ఇచ్చినా సిబ్బంది మాత్రం తమ  నిర్లక్ష్యం ధోరణితో అదేవిధంగా ప్రవర్తించారు. కలెక్టర్ హాలు వద్దకు చేరుకుని వారికోసం ఎంతసేపు ఎదురు చూసినా వారెవ్వరు  తాళాలలు పట్టుకుని రాలేదు.

గత్యంతరం లేక కలెక్టర్ అక్కడే 10 నిమిషాల పాటు నిలబడ్డారు,. చివరికి ఓ ఉద్యోగి తాళాలు తెచ్చి హాలును తెరవడంతో కలెక్టర్ లోపలకు వెళ్లారు. ఈ ఘటనతో స్థానిక సిబ్బందిపై ఎమ్మార్వో సత్యనారాయణ స్వామి తీవ్ర ఆగ్రహం వ్యక్తం చేశారు. అయితే కలెక్టర్ మాత్రం ఏమీ మాట్లాడకుండా అక్కడి నుంచి వెళ్లిపోవటం గమనించాల్సిన విషయం.

09:55 - August 23, 2018

భూపాలపల్లి : జిల్లాలో విద్యావ్యవస్థ అస్తవ్యస్తంగా మారింది. టీచర్లు లేక సర్కార్ బడులు వెలవెలబోతున్నాయి. మంగపేట మండలం రాజుపేట జిల్లా పరిషత్ ఉన్నత పాఠశాలలో ఐదుగురు టీచర్లతో ఉన్నత పాఠశాల నడుస్తోంది. పాఠశాలలో 240 మంది విద్యార్థులు ఉన్నారు. 18 మంది ఉపాధ్యాయులు ఉండాల్సిన స్కూల్ లో కేవలం ఐదుగురు ఉపాధ్యాయులు మాత్రమే ఉన్నారు. కీలకమైన సైన్స్, మ్యాథ్స్, సోషల్ స్టడీస్ టీచర్స్ లేకపోవడంతో పాఠాలు ఇంతరవకూ కాలేదు. సరిపడు టీచర్లు లేకపోవడంతో టీసీలు తీసుకుని విద్యార్థులు ఇతర ప్రైవేట్ పాఠశాలలో చేరుతున్నారు. మిగిలిన విద్యార్థులు తమ టీసీలు ఇస్తే ఇతర పాఠశాలలో చేరుతామని అంటున్నారు. 10 వ తరగతిలో గ్రేడులు ఎలా వస్తాయని విద్యార్థులు నిలదీస్తున్నారు. తమ చదువులు అటకెక్కుతున్నాయని విద్యార్థులు ఆందోళన చెందుతున్నారు. మరిన్ని వివరాలను వీడియోలో చూద్దాం...

 

20:23 - August 22, 2018

భూపాలపల్లి : ఇంటింటికీ నీరందించాలన్న లక్ష్యంతో తెలంగాణ ప్రభుత్వం చేపట్టిన మిషన్‌ భగీరథ పథకం నీరుగారిపోతుంది. జయశంకర్‌ భూపాలపల్లి జిల్లాలోని ముంజురనగర్‌లో భగీరథ పైపులైన్‌ లీక్‌ అవడంతో నీరు పైకి ఎగిసి పడుతోంది. అధికారుల నిర్లక్ష్యంతో రోజుకో చోట పైప్‌లైన్‌లు లీక్‌ అవడంతో ప్రజలు ఇబ్బందులు ఎదుర్కొంటున్నారు. ప్రజాధనం దుర్వినియోగం అవుతుందంటూ ఆగ్రహం వ్యక్తం చేస్తున్నారు. 

13:15 - August 21, 2018

భూపాలపల్లి : జిల్లాలో 5 రోజులుగా భారీ వర్షాలు కురుస్తున్నాయి. భారీ వర్షాలకు కాకతీయ కట్టడాలు దెబ్బతింటున్నాయి. చారిత్రక రామప్ప ఆలయానికి ముంపు పొంచి ఉంది. రామప్ప ఆలయంలోకి భారీగా వర్షపు నీరు వచ్చి చేరింది. 800 ఏళ్లనాటి ప్రాచీన ఆలయం వర్షానికి తడిసింది. శివలింగం పక్కకు ఒరిగిపోయింది. జోరువానకు ముఖ మండపం, గర్భాలయ కాటేశ్వరాలయం కారుతోంది. గత వర్షాలకే తూర్పు ముఖ ద్వారం కుప్పకూలింది. రామలింగేశ్వర ఆలయంలోకి వర్షపు నీరు చేరింది. పురవాస్తు శాఖ అధికారులు పట్టించుకోవడం లేదు. మరిన్ని వివరాలను వీడియోలో చూద్దాం... 

06:40 - August 16, 2018

భూపాలపల్లి : చదువుకోవాల్సిన చిన్నారుల చేతుల్లో చీపుర్లు పెట్టారు. విద్యాభ్యాసానికి బదులు పారిశుధ్యం పనులు చేయిస్తున్నారు. వీరిని చూస్తే.. స్కూలుకొచ్చారా.. కూలీకొచ్చారా.. బడిపిల్లలా.. బాలకార్మికులా అన్న అనుమానం కలగుతుంది. 72ఏళ్ళ స్వతంత్ర భారతావనిలో నడుస్తున్న విద్యావ్యవస్థకు నిలువుటద్దం.. జయశంకర్‌ భూపాలపల్లి జిల్లాలోని ఓ గిరిజన బాలికల పాఠశాల. బడిలో బాలకార్మికులపై 10టీవీ ప్రత్యేక కథనం..

డెబ్బై రెండేళ్ళ స్వతంత్ర భారతదేశంలో.. రేపటి పౌరులు.. నేటి కూలీలుగా దర్శనమిస్తున్నారు. చదువు నేర్పాల్సిన టీచర్లే.. బడిపిల్లలను బాలకార్మికులుగా తీర్చిదిద్దుతున్నారు. పలకా బలపం పట్టాల్సిన చిట్టి చేతుల్లో చీపుర్లు పెడుతున్నారు. జయశంకర్ భూపాలపల్లి జిల్లా ములుగు మండలం.. జాకారం గ్రామంలోని గిరిజన బాలికల గురుకుల పాఠశాలలో చెత్త ఊడుస్తున్న విద్యార్థులను చూస్తే.. గుండె తరుక్కు పోతుంది.

తరగతి గదిలోని బండలే పలకలు, చీపుర్లే బలపాలు.. చిన్నారులు చెత్త ఊడ్చటాన్నే విద్యాభ్యాసంగా భావించాలి. టీచర్లు పిల్లల చేతుల్లో చీపుర్లు పెట్టి గదులన్నీ ఊడ్చమంటారు. ఎవరైనా వచ్చి అడిగితే అమ్మమ్మ రాలేదనీ... అందుకే తాము ఊడుస్తున్నామని చెప్పాలంటూ.. పిల్లలకు ట్రైనింగ్ ఇచ్చారు పాఠశాల సిబ్బంది.  ఈ గిరిజన బాలికల గురుకుల పాఠశాలలో ఇద్దరు ఆయాలు, ఒక స్వీపర్, ఒక ఏ ఎన్ఎం, ఐదుగురు టీచర్లు, వార్డన్‌ ఉండాలి. కానీ ఇద్దరు ఆయాలే వంట మనుషులు.. ఉన్న ఒక ఏఎన్ఎం అన్నీ తానై బడిని నడిపిస్తూ ఉంటుంది. మిగతా ఐదుగురు టీచర్లు అసలే రారు.. వచ్చినా సమయపాలన ఉండదు. ఇక వార్డన్ మేడం.. ఎప్పుడైనా రావొచ్చు.. ఎప్పుడైనా పోవచ్చు. ఇదేమని అడిగితే.. వార్డన్ మేడం కదా ఏదో ఒక పనిమీద బయటకు వెళ్తూనే ఉంటారన్న సమాధానం వినిపిస్తుంది.

పెద్ద మేడం గారు.. అదేనండీ వార్డన్‌.. వరంగల్ హన్మకొండ నుంచి ఈ పాఠశాలకు అప్ అండ్ డౌన్ చేస్తూ ఉంటారు. అప్పుడప్పుడూ విధులకు అలా వచ్చి కాలక్షేపం చేసే మేడం గారు.. ప్రతి నెలా జీతాలు తీసుకునే సమయానికి మాత్రం ఖచ్చితంగా దర్శనమిస్తారన్న ఆరోపణలు వినిస్తున్నాయి. ఈ తతంగంపై టెన్టీవీ వార్డన్‌ మేడమ్‌ను వివరణ కోరగా.. మాకు ప్రేయర్ ఉందంటూ తప్పుకున్నారు. భద్రాచలం కొత్తగూడెం ఇల్లందు ఏజెన్సీ ప్రాంతాల నుంచి పిల్లలు బాగా చదువుకుంటారన్న ఆశతో వారి తల్లిదండ్రులు ఇక్కడ చేర్పించారు. కానీ చదువుకోవాల్సిన వారి చేతుల్లో చీపుర్లు పెట్టి చెత్త పనులు చేయిస్తున్నారు. పాఠశాలలను పనితీరును పర్యవేక్షించాల్సిన అధికారుల నిర్లక్ష్యానికి అద్దం పడుతోంది ఈ పాఠశాల. విద్యాశాఖ అధికారుల నిర్లక్ష్యంపై విద్యార్థుల తల్లిదండ్రులు మండిపడుతున్నారు. ఇప్పటికైనా ఉన్నతాధికారులు స్పందించి చర్యలు తీసుకోవాలని ప్రజలు కోరుతున్నారు. 

12:19 - August 13, 2018

భూపాలపల్లి : మూడు రోజులుగా కురుస్తున్న భారీ వర్షాలకు జయశంకర్ భూపాలపల్లి జిల్లా మండలం ఏటూరునాగరం లోని పలు ప్రాంతాలు జలమయం అయ్యాయి. జనజీవనం స్తంభించింది. ఎగువ ప్రాంతాల్లో కురుస్తున్న వర్షాలకు జంపన్నవాగు, దయ్యాలవాగు,జీడివాగులు పొంగి పొర్లుతున్నాయి. ఇప్పటి వరకు ఏజెన్సీలో 15 శాతం వర్షపాతం నమోదైంది. దీంతో చుట్టు పక్కల గ్రామాల రహదారులు పూర్తిగా ధ్వంసమైయ్యాయి. దీంతో వాహనాల రాకపోకలు నిలచిపోవడంతో ప్రజలకు నిత్యవసర సరకులు, వైద్యం అందక నానా ఇబ్బందులు పడుతున్నారు. గోదావరి నది తీరంలోని రామన్నగూడెం పుష్కరఘాట్ వద్ద గోదావరి నీటి మట్టం క్రమేపి పెరుగుతోంది. దీంతో వరి,పత్తి,మిర్చి లాంటి పంట పొలాల్లొకి వరద నీరు చేరడంతో  రైతాంగం తీరని నష్టానికి గురైందని రైతులు అవేదన వ్యక్తం చేస్తున్నారు. అధికారుల పర్యవేక్షణ లోపంతో దిక్కుతోచని స్థితిలో ఉండిపోయారు ఏజెన్సీ ప్రాంతవాసులు.

 

17:10 - August 12, 2018

జయశంకర్ భూపాలపల్లి : జిల్లాలో భారీగా వర్షాలు కురుస్తున్నాయి. తూర్పు డివిజన్ లో విస్తారంగా వర్షాలు కురుస్తున్నాయి. బ్యారేజీలకు వరద ప్రవాహం పోటెత్తుతోంది. దీనితో వాగులు..వంకలు పొంగిపొర్లుతున్నాయి. దీనితో పలు ప్రాజెక్టులను సందర్శించేందుకు పర్యాటకులు ఉత్సాహం చూపుతున్నారు. ప్రభుత్వం ప్రతిష్టాత్మకంగా నిర్మిస్తున్న కాళేశ్వరం ప్రాజెక్టుతో పాటు ఇతర వాటిని చూసేందుకు సంగారెడ్డి జిల్లాకు చెందిన కొంతమంది టూరిస్టు బస్సుల్లో ప్రయాణమయ్యారు. మహాదేవపూర్ మండలం చండ్రుపల్లి వద్దకు రాగానే వాగు ఉధృతి ఎక్కువ కావడంతో బస్సు ముందుకెళ్లలేక మధ్యలో చిక్కుకపోయింది. దీనితో బస్సులో ఉన్న వారు తీవ్ర భయాందోళనలకు గురయ్యారు. స్థానికులు గమనించి అతి కష్టం మీద ప్రయాణీకులను బయటకు సురక్షితంగా తీసుకొచ్చారు. అనంతరం తాడుల సహాయంతో బస్సును బయటకు లాగారు. మారుమూల ప్రాంతాల్లో ఉన్న ప్రజలు తీవ్ర ఇబ్బందులు పడుతున్నారు. వాగులు..వంకలు పొర్లుతుండడంతో రాకపోకలకు తీవ్ర ఆటంకాలు ఎదురవుతున్నాయి. నిత్యావసర సరుకులు తీసుకరావడానికి..ఆసుపత్రికి వెళ్లేందుకు వీలు లేకపోవడంతో తీవ్ర అవస్థలు పడుతున్నారు. ప్రభుత్వం..అధికారులు వెంటనే చర్యలు తీసుకోవాలని కోరుతున్నారు. 

10:02 - July 28, 2018

కరీంనగర్ : నేటి నుండి ఆగస్ట్ 3 వరకు..మావోయిస్టులు వారోత్సవాలను నిర్వహించనున్నారు. దీంతో మావోయిస్టు ప్రభావిత ప్రాంతాలో పోలీసులు అప్రమత్తమయ్యారు. నక్సల్బరీ నాయకులు చర్మజుందార్, కానుసన్యాల్ అమరత్వానికి గుర్తుగా మావోయిస్టులు ఈ వారోత్సవాలను నిర్వహిస్తున్న నేపథ్యంలో ఎటువంటి అవాంఛనీయ సంఘటనలు జరగకుండా పోలీసులు హై అలర్ట్ అయ్యారు.

అమరులైన మావోయిస్టుల నేతల స్మరించుకునేందుకు వారోత్సవాలు
పార్టీకి విస్తృత సేవలు అందించి అమరులైన మావోయిస్టుల నేతలను స్మరించుకునేందుకు నిర్వహిస్తున్న వారోత్సవాల సందర్భంగా జయశంకర్ భూపాల పల్లి జిల్లాలో కాటారం, మహదేవపురం, పరమళ, మహా ముత్తారం, మల్ హర్ మండలాలలోని అటవీ ప్రాంతాలలో పోలీసులు భారీగా కూంబింగ్ కొనసాగిస్తున్నారు. ఈ నేపథ్యంల నిర్శంగపూర్ లో టార్గెట్లను హెచ్చరిస్తు మావోయిస్టుల పోస్టర్లు, బ్యానర్లు వెలిసాయి. తెలంగాణ, మహారాష్ట్ర సరిహద్దుల్లో నిర్మిస్తున్న మేడిగడ్డ ప్రాజెక్టు,కన్నెపల్లి పంప్ హౌజ్ ల వద్ద పోలీసులు భారీ భద్రతను పెంచారు.

బీజాపూర్, దంతెవాడ జాతీయ రహదారిపై మావోల పోస్టర్లు, బ్యానర్లు..
బీజాపూర్, దంతెవాడ జాతీయ రహదారిపై మావోల పోస్టర్లు, బ్యానర్లు కలకలం సృష్టిస్తున్నాయి. కేంద్ర ప్రభుత్వం అనుసరిస్తున్నటువంటి ప్రజా వ్యతిరేక విధానాలు, గ్రీన్ హంట్ పేరుతో చేస్తున్న మావోయిస్టుల ఎన్ కౌంటర్ వంటి విధానాలను వ్యతిరేకిస్తు కేంద్ర ప్రభుత్వ దిష్టిబొమ్మను దగ్ధం చేశారు. దీంతో సాయుధులైన నిఘావర్గాలు ముందస్తు హెచ్చరికల మేరకు అటవీ ప్రాంతంలోని సమీప స్థానికులను సురక్షిత ప్రాంతాలకు వెళ్లాలని పోలీసులు సూచించారు. ఎటువంటి అవాంఛనీయ ఘటనలు చోటుచేసుకోకుండా పోసులు మావో ప్రభావిత ప్రాంతాలలో పెద్ద ఎత్తున మోహరించారు. కాగా మావోయిస్టుల వారోత్సవాలను విజయవంతంగా నిర్వహిస్తామనీ..దీనికి సంబంధించి పోలీసులు ఎటువంటి చర్యలకు పాల్పడినా ప్రతీకార చర్యలు తప్పవని మవోల వాయిస్ రికార్డు కూడా మీడియాకు మావోయిస్టులు పంపించారు. ఈ నేపథ్యంలో పోలీసులు హై అలర్ట్ అయ్యారు. 

16:11 - July 21, 2018

భూపాలపల్లి : కాళేశ్వరం దేవస్థానంలోని పార్వతి అమ్మవారి పట్టుచీర మాయమైంది. పాలక మండలి ఛైర్మన్‌ వెంకటేశం గుర్తించి.... ఆరా తీయగా  ఆలయ అధికారి వరంగల్‌కు వెళ్లి అదే చీరను పోలి ఉన్న మరో చీరను తెచ్చి చూపాడు. దీంతో ఘటనపై విచారణ జరిపితే అసలు బాగోతం బయటపడుతుందని స్థానికులు అంటున్నారు. ఈ విషయంపై పూర్తి విచారణ జరుపుతామని కార్యనిర్వాహణాధికారి మారుతీ అన్నారు. 2016 మే 02న సీఎం కేసీఆర్‌ సతీసమేతంగా అమ్మవారికి ఈ పట్టుచీరను సమర్పించారు.

 

12:46 - March 3, 2018

Pages

Don't Miss

Subscribe to RSS - భూపాలపల్లి