భేటీ

20:08 - September 20, 2018

హైదరాబాద్ : జనసేన పార్టీలోకి చేరేందుకు పలు పార్టీల నేతలు..మేధావులు ఆసక్తి చూపుతున్నారు. ఈ నేపథ్యంలో హైదరాబాద్ లోని జనసేన పార్టీ కార్యాలయంలో జనసేనాని పవన్ కళ్యాణ్ తో టీటీడీ మాజీ ఛైర్మన్ చదలవాడ క‌ృష్ణమూర్తి కలిశారు. త్వరలోనే ఆయన జనసేనలో చేరనున్నట్లు తెలుస్తోంది. ఈ నేపథ్యంలోనే పవన్‌ను చదలవాడ కలిసినట్లుగా రాజకీయ వర్గాల సమాచారం.

 

15:34 - September 15, 2018

ఢిల్లీ : దేశ రాజధాని ఢిల్లీలో కాంగ్రెస్ స్ర్కీనింగ్ కమిటీ భేటీ అయింది. తెలంగాణలో ముందస్తు ఎన్నికలపైనే చర్చిస్తున్నట్లు తెలుస్తోంది. ఎన్నికల కమిటీల ఏర్పాటుపై స్ర్కీనింగ్ కమిటీ దృష్టి సారించింది.  ఎన్నిక లకు టికెట్లు కేటాయింపుపై కాంగ్రెస్ అధిష్టానం కసరత్తు ప్రారంభించింది. ప్రచార, సమన్వయ, మేనిఫెస్టో కమిటీల ఏర్పాటుపైనా చర్చిస్తున్నారు. మరో రెండు రోజుల్లో అన్ని కమిటీలను ఏర్పాటు చేయనున్నారు. నిన్న ముగ్గురు సభ్యులతో రాహుల్ గాంధీ స్ర్కీనింగ్ కమిటీని వేశారు. భక్తచరణ్ అధ్యక్షతన జ్యోతిమని సెంథిమలై, శర్మిష్ఠ సభ్యులుగా కమిటీని ఏర్పాటు చేశారు. 
ప్రచార కమిటీ బాధ్యతలపై కాంగ్రెస్ లో పోటీ పెరిగింది. తెలంగాణ పీసీసీ చీఫ్ ఉత్తమ్ కుమార్ రెడ్డి, మల్లుభట్టి విక్రమార్క, రేవంత్ రెడ్డిలు ప్రచార కమిటీ బాధ్యతలు కోరుతున్నారు. ప్రచార కమిటీ ఆశావహుల్లో కోమటిరెడ్డి, వి.హెచ్, మధుయాష్కీ గౌడ్ ఉన్నారు. కాంగ్రెస్ ఆశావహులు ఢిల్లీ చేరుకున్నారు. 
రాష్ట్రంలో పొత్తులపైనా తుది నిర్ణయం తీసుకునే దిశగా కసరత్తు చేస్తున్నారు. మహాకూటమి పార్టీలతో పొత్తుపై నిర్ణయానికి కాంగ్రెస్ కమిటీలు వేయయనుంది. కాంగ్రెస్, టీడీపీలు బలంగా ఉన్న స్థానాల జాబితాను రూపకల్పన చేయనున్నారు. టీడీపీకి ఎన్ని స్థానాలు ఇవ్వాలన్న అంశంపై ఢిల్లీ స్థాయిలో చర్చ చేస్తున్నారు. తుది నివేదికను రాహుల్ కు సమర్పించే దిశగా కసరత్తు చేస్తున్నారు. 

 

15:49 - September 13, 2018

హైదరాబాద్ : తెలుగు  రాష్ట్రాల ఉమ్మడి గవర్నర్ నరసింహన్ తో అపద్ధర్మ ముఖ్యమంత్రి కేసీఆర్ భేటీ అయ్యారు. ఉద్యోగుల మధ్యంతర భృతి, తాజా రాజకీయ అంశాలపై గవర్నర్ తో చర్చించారు. అసెంబ్లీ రద్దుపై సుప్రీంకోర్టుకి వెళ్తామన్న విపక్షాల నిర్ణయం, కొండగట్టు ప్రమాదం, తదితర అంశాలపై గవర్నర్ ఆరా తీశారు. కేబినెట్ రద్దు తర్వాత తొలిసారి కేసీఆర్ అపద్ధర్మ ముఖ్యమంత్రి హోదాలో గవర్నర్ ను కలిశారు. 

 

07:00 - September 1, 2018

హైదరాబాద్ : తెలంగాణ కేబినెట్‌ రేపు సమావేశం కానుంది. ప్రగతి నివేదన సభ ప్రారంభానికి ముందే భేటీ అవుతోంది. కేసీఆర్‌ ముందస్తుకు వెళ్తారన్న ప్రచారం నేపథ్యంలో రేపు జరిగే కేబినెట్‌ సమావేశానికి అధిక ప్రాధాన్యత ఏర్పడింది. ఈ సమావేశంలో ఏ నిర్ణయం తీసుకుంటారన్న ఉత్కంఠ నెలకొంది.

తెలంగాణలో ముందస్తు అంచనాలు తార స్థాయికి చేరాయి. కొంగరకలాన్‌లో జరిగే ప్రగతి నివేదన సభతో ముందస్తుపై స్పష్టత వస్తుందని అందరూ ఎదురు చూస్తున్నారు. ఈ నేపథ్యంలో రేపు కేబినెట్‌ భేటీ అవుతుండడం రాజకీయ వర్గాల్లో ఆసక్తి రేపుతోంది. కొంగరకలాన్‌లో సభ ప్రారంభానికి ముందే మధ్యాహ్నం ఒంటిగంటకు తెలంగాణ మంత్రివర్గం సమావేశం కానుంది. ఈ సమావేశంలో కీలక నిర్ణయాలు తీసుకోనున్నట్టు తెలుస్తోంది. ప్రగతి నివేదన సభలో సీఎం ప్రజలపై వరాలు కురిపించబోతున్నారన్న ప్రచారం సాగుతోంది. సీఎం ప్రకటించబోయే వరాలకు కేబినెట్‌ నుంచి ఆమోదం తీసుకోనున్నట్టు తెలుస్తోంది. ఈ సమావేశంలో వరాల కన్నా ముందస్తుపైనే ఎక్కువ చర్చ జరిగే అవకాశముంది.

వేతన సవరణ కమిషన్‌ ఇచ్చిన మధ్యంతర నివేదికను మంత్రివర్గం ఆమోదించనుంది. మధ్యంతర భృతిపై కీలక ప్రకటన చేసే అవకాశాలు ఉన్నాయి. దీంతోపాటు 31 కులాలకు సామాజిక భవనాలు నిర్మించడానికి వీలుగా 61.30 ఎకరాల స్థలాన్ని కేటాయించే ప్రతిపాదనలు సిద్ధం చేశారు. ఇదే భేటీలో వృద్దాప్య, వికలాంగ, వితంతువు వర్గాలకు పింఛన్‌ పెంపు, నిరుద్యోగ భీతిపైన కూడా కీలక నిర్ణయం తీసుకుంటారని తెలుస్తోంది. కొత్త జోనల్‌ విధానంపై రాష్ట్రపతి ఉత్తర్వులు విడుదల కావడంతో.. నోటిఫికేషన్ల మీద చర్చించనున్నారు. ఇప్పటికే నియామకాలకు పరిపాలనాపరమైన అనుమతులు ఇచ్చినప్పటికీ భర్తీ ప్రకియ చోటుచేసుకోని నోటిఫికేషన్లు రద్దు చేయడానికి మంత్రివర్గం ఆమోదం తెలిపే అవకాశం ఉంది. మొత్తంగా మంత్రివర్గ సమావేశంలో చర్చించే ఎజెండాలో వందకుపైగా అంశాలున్నట్టు తెలుస్తోంది. అర్చకుల పదవీ విరమణ వయసు 65 ఏళ్లకు పెంచే ప్రతిపాదనలతోపాటు రెగ్యులర్‌గా ఒకటో తేదీన వేతనం ఇవ్వడానికి వీలుగా తగిన చర్యలు తీసుకోవడానికి ఆమోదం తెలిపే వీలుంది.

ఈ సమావేశమే కేబినెట్‌ చివరి భేటీ అన్న ప్రచారం జరుగుతోంది. అయితే అనూహ్య నిర్ణయం జరిగితే తప్ప ఇది చివరి మంత్రివర్గ సమావేశం కాదని తెలుస్తోంది. 2వ తేదీన మంత్రివర్గం తీసుకున్న నిర్ణయాలు అమలుకావాలంటే మరికొన్ని రోజులు ప్రభుత్వం ఉండాల్సిందే. అసెంబ్లీని రద్దు చేస్తూ నిర్ణయం తీసుకుంటే అపద్ధర్మ ప్రభుత్వానికి కీలక నిర్ణయాలు తీసుకునే అధికారం ఉండదు. అందుకే మరో కేబినెట్‌ సమావేశంలో అసెంబ్లీ రద్దుపై విధాన నిర్ణయం తీసుకుంటారని తెలుస్తోంది. అసెంబ్లీ సమావేశాలు నిర్వహించకుండానే అసెంబ్లీని రద్దు చేసే అవకాశం కూడా ఉంది. ముందస్తు ఎన్నికలపై మంత్రివర్గం నిర్నయం తీసుకొని.. సీఎంకు సంపూర్ణ అధికారాలు కట్టబెట్టే అవకాశాలున్నాయని న్యాయనిపుణులు చెబుతున్నారు. ఎదేమైనా రేపు జరిగనున్న కేబినెట్‌ సమావేశం తెలంగాణ రాజకీయాల్లో హీట్‌ పెంచుతోంది. 

08:27 - August 28, 2018

హైదరాబాద్ : నేడు తెలంగాణ మంత్రివర్గం భేటీ కానుంది. ముఖ్యమంత్రి కేసీఆర్‌ మూడు రోజుల ఢిల్లీ పర్యటన తర్వాత సమావేశం అవుతున్న కేబినెట్‌ మీటింగ్‌... ఇప్పుడు రాష్ట్ర రాజకీయాల్లో హాట్‌ టాఫిక్‌గా మారింది. ఢిల్లీలో ముందస్తు ఎన్నికలకు గ్రీన్‌సిగ్నల్‌ రావడంతోనే.. సీఎం ఈ సమావేశం పెట్టారని.. దీంతో ఇదే రాష్ట్ర చివరి కేబినెట్‌ అనే ప్రచారం జరుగుతోంది.
అత్యవసరంగా కేబినెట్‌ భేటీకి పిలుపు
తెలంగాణ కేబినెట్‌ ఇవాళ సాయంత్రం అత్యవసరంగా భేటీ కానుంది. రాష్ట్రంలో ముందస్తు ఎన్నికలకు అధికారపార్టీ సంసిద్ధం అవుతుండడంతో... ఈ కేబినెట్‌ పట్ల అందరు ఆసక్తిగా ఎదురు చూస్తున్నారు.  కేసీఆర్‌ నాలుగు రోజుల క్రితం అనధికారికంగా మంత్రివర్గ సహచరులతో దాదాపు ఆరున్నర గంటలపాటు భేటీ అయ్యారు. జిల్లాల వారీగా వారి అభిప్రాయాలు తెలుసుకున్నారు. రాష్ట్ర రాజకీయ పరిణామాలపై సుదీర్ఘంగా చర్చించారు. అనంతరం పార్టీ రాష్ట్ర కమిటీ సమావేశం నిర్వహించి... ఎన్నికల బాధ్యత తనదేనని ... నాయకత్వమంతా సెప్టెంబర్‌ 2న జరిగే సభపై దృష్టి సారించాలని ఆదేశించారు. అదేరోజు సాయంత్రం సీఎం హస్తినకు బయలుదేరి వెళ్లారు.
మూడు రోజులపాటు హస్తినలో మకాం వేసిన కేసీఆర్‌
మూడు రోజులపాటు ఢిల్లీలోనే మకాం వేసిన సీఎం... ప్రధానిసహా పలువురు మంత్రులతో భేటీ అయ్యారు. అయితే ఇందులో రాష్ట్ర విభజన సమయంలో కేంద్రం ఇచ్చిన హామీలతోపాటు కేంద్రం నుంచి రావాల్సిన గ్రాంట్స్‌పై నివేదించారు. ఇందులో అత్యంత కీలకమైన , సున్నితమైన జోనల్‌ వ్యవస్థపై రాష్ట్రపతిచేత ఆమోదానికి ఒప్పించుకున్నట్టు తెలుస్తోంది. దీనిపై ఇవాళో.. రేపో రాష్ట్ర సంతకం చేసి గెజిట్‌ కూడా విడుదల చేయవచ్చన్న ప్రచారం సాగుతోంది.
ప్రజలకు వరాలు కురిపించనున్న కేబినెట్‌!
ఢిల్లీలో జరిగిన పరిణామాల నేపథ్యంలో ఇవాళ కేసీఆర్‌ కేబినెట్‌ సమావేశం నిర్వహిస్తున్నారు. ఇందులో పలు కీలక అంశాలు చర్చించే అవకాశముంది. ముందస్తుకు వెళితే ఇదే చివరి సమావేశం అయ్యే అవకాశమూ ఉంది. ఒకవేళ ఇదే చివరి సమావేశమైతే.. ప్రజలపై వరాలు కురిపించేలా పలు నిర్ణయాలు తీసుకుంటారన్న ప్రచారం జరుగుతోంది.  ఈ భేటీ అనంతరం ఒకటి రెండు రోజుల్లోనే కేబినెట్‌ను రద్దు చేస్తారనే ఊహాగానాలు కూడా ఊపందుకున్నాయి. అయితే సెప్టెంబర్‌ రెండు సభ సక్సెస్‌ అయిన తర్వాత ఒకరోజు అసెంబ్లీని సమావేశపర్చి అక్కడే తమ ప్రభుత్వ పనితీరుపై మరోసారి వివరించి శాసనసభను అక్కడి నుంచే రద్దు కూడా చేసే ఆలోచన చేస్తున్నట్టు తెలుస్తోంది. మొత్తానికి కేంద్రం నుంచి వచ్చిన గ్రీన్‌సిగ్నల్‌ ముందస్తు ఎన్నికల వేడి రాష్ట్రంలో మరింత రాజుకుంది. 

 

06:58 - August 26, 2018

హైదరాబాద్ : తెలంగాణ ముఖ్యమంత్రి మరో రెండు రోజులపాటు హస్తినలోనే ఉండనున్నారు. ఇవాళ ఆయన కేంద్ర ఆర్థికశాఖ మంత్రి అరుణ్‌జైట్లీతో భేటీ అవుతారు. విభజన చట్టంలోని హామీలను అమలు చేయాలని ఆయనను కోరనున్నారు. తెలంగాణకు కేంద్రం నుంచి అందాల్సిన నిధులపై ఆయనతో చర్చించనున్నారు. అరుణ్‌జైట్లీతోపాటు అపాయింట్‌మెంట్‌ దొరికితే మరికొంత మంది కేంద్రమంత్రులతో కేసీఆర్‌ భేటీ అవుతారు.

 

21:56 - August 25, 2018

హైదరాబాద్ : తెలంగాణ ముఖ్యమంత్రి కేసీఆర్‌ అసెంబ్లీ ముందస్తు ఎన్నికలకే మొగ్గు చూపుతున్నారు. ప్రధాని నరేంద్ర మోదీతో ఢిల్లీలో జరిగిన భేటీలో కేసీఆర్‌ ఈ అంశం చర్చించినట్టు టీఆర్‌ఎస్‌ వర్గాల్లో చర్చ జరుగుతోంది. హైకోర్టు విభజనతోపాటు కొత్త జోనల్‌ విధానానికి ఆమోదం, రాష్ట్రంలోని వెనుకబడిన ప్రాంతాల అభివృద్ధికి 450 కోట్ల రూపాయల కేంద్ర సాయం  వంటి అంశాలపై ముఖ్యమంత్రి కేసీఆర్‌.. ప్రధాని మోదీతో చర్చించారు.
లోక్‌సభ ముందస్తు ఎన్నికలు.. మోదీ ఆలోచనలపై ఆరా ?
తెలంగాణ ముఖ్యమంత్రి కేసీఆర్‌ ప్రధాని నరేంద్ర మోదీతో భేటీ అయ్యారు. దాదాపు 20 నిమిషాల పాటు సాగిన సమావేశంలో రాష్ట్రానికి సంబంధించిన పలు అంశాలపై ఇద్దరూ చర్చించారు. ప్రధాని మోదీతో కేసీఆర్‌ జరిపిన భేటీలో ప్రధానంగా ముందస్తు ఎన్నికల అంశం చర్చకు వచ్చినట్టు టీఆర్‌ఎస్‌ వర్గాల్లో చర్చ జరుగుతోంది. ఈవిషయంలో కేసీఆర్‌ తన ఆలోచనలకు మోదీతో పంచుకున్నారని సమాచారం. లోక్‌సభ ముందస్తు ఎన్నికలపై ప్రధాని ఆలోచనలు ఎలా ఉన్నాయన్న అంశంపై కేసీఆర్‌ ఆరా తీసినట్టు ప్రచారం జరుగుతోంది. కేంద్ర వైఖరిని బట్టి తెలంగాణ నిర్ణయం  ఆధారపడి ఉంటుందన్న అంశాన్ని కేసీఆర్‌... మోదీ దృష్టికి తెచ్చారని వినిపిస్తోంది. ఏప్రిల్‌, మేలో ఎన్నికలకు వెళితే సాగు, తాగునీరు సమస్యలు ఎదురయ్యే ప్రమాదం ఉంది, ఇది ప్రజా వ్యతిరేకతకు దారితీసే ప్రమాదం ఉందని కేసీఆర్‌ ఆందోళన వ్యక్తంచేసినట్టు ప్రచారం జరుగుతోంది. ఈ సమస్య ఎన్నికల ఫలితాలపై కూడా ప్రభావం చూపే అవకావం ఉందని మోదీని వివరించినట్టు సమాచారం. రాజస్థాన్‌, ఛత్తీస్‌గఢ్‌, మధ్యప్రదేశ్‌, మిజోరం అసెంబ్లీ ఎన్నికలతోపాటే తెలంగాణ అసెంబ్లీకి కూడా ఎన్నికలు నిర్వహిస్తే టీఆర్‌ఎస్‌ గెలుపు నల్లేరుపై నడకగా ఉంటుందన్న అంశాన్ని కేసీఆర్‌ ప్రస్తావించినట్టు తెలుస్తోంది. ముందస్తు ఎన్నికలపై ముఖ్యమంత్రి  కేసీఆర్‌ చెప్పిన  అన్ని విషయాలు సావధానంగా విన్న ప్రధాని మోదీ.. దేనిపై కూడా పెద్దగా స్పందించలేదని సమాచారం. 
కొత్త జోనల్‌ విధానానికి ఆమోదం తెలపాలి 
మరోవైపు కేసీఆర్‌, మోదీ భేటీలో తెలంగాణకు సంబంధించిన పలు అంశాలు చర్చకు వచ్చాయి. ముఖ్యంగా కొత్త జోనల్‌ వ్యవస్థకు ఆమోదం తెలపాలని కోరారు. ఈ విషయంలో జరుగుతున్న జాప్యం ప్రభుత్వ ఉద్యోగాల నియామకంపై ప్రభావం చూపుతోందని ఆందోళన వ్యక్తం చేశారు. విభజన చట్టంలోని హామీలను కూడా కేసీఆర్‌... ప్రధాని మోదీతో చర్చించారు. రాష్ట్రంలోని 9 వెనుకబడిన జిల్లాల అభివృద్ధికి నాల్గవ విడత 450 కోట్ల ఇవ్వాలని కోరారు. మూడవ విడత నిధులు విడుదల చేసినందుకు కేసీఆర్‌ కృతజ్ఞతలు తెలిపారు. నిధుల వినియోగానికి సంబంధించి ఎప్పటికప్పుడు యుటిలైజేషన్‌ సర్టిఫికెట్లు పంపిన విషయాన్ని ప్రస్తావించారు. 
బైసన్‌ పోలో గ్రౌండ్‌ కేటాయింపుపై దఫదఫాలుగా చర్చలు 
తెలంగాణ అసెంబ్లీ, సచివాలయం నిర్మాణానికి రక్షణశాఖ పరిధిలోని సికింద్రాబాద్‌ బైసన్‌ పోలో మైదానాన్ని కేటాయించాలని కేసీఆర్‌ కోరారు. రెండేళ్లుగా ఈ విషయంలో కేంద్రంతో దఫదఫాలుగా చర్చించిన విషయాన్ని ప్రస్తావించారు. అదనపు బీఆర్‌బీఎం నిధులను విడుదల చేయాలని విన్నవించారు. తెలంగాణ మిగులు బడ్జెట్‌ రాష్ట్రంగా ఉన్న అంశాన్ని మోదీ దృష్టికి తెచ్చిన కేసీఆర్‌.. ఎఫ్‌ఆర్‌బీఎం పరిమితిని 3 నుంచి 3.5 శాతానికి పెంచితే అదనంగా రుణాలు తీసుకునే అవకాశం ఉంటుందన్న అంశాన్ని ప్రస్తావించారు. తెలంగాణ, ఏపీ  ఉమ్మడి హైకోర్టును తక్షణం విభజించడంతోపాటు హైదరాబాద్‌ అవుటర్‌ రింగ్‌ రోడ్డు వెలుపల రీజనల్‌ రింగ్‌ రోడ్డు నిర్మాణానికి నిధులు కేటాయించాని కోరారు. అన్నీ పరిశీలించి తగిన నిర్ణయం తీసుకుంటామని కేసీఆర్‌కి  మోదీ హామీ ఇచ్చారు. 
 

20:53 - August 25, 2018

హైదరాబాద్ : ప్రధాని నరేంద్ర మోదీతో సీఎం కేసీఆర్‌ భేటీ ముగిసింది. 20 నిమిషాల పాటు వీరి భేటీ కొనసాగింది. రాష్ర్టానికి సంబంధించిన 14 అంశాలపై ప్రధానితో కేసీఆర్ చర్చించినట్లు సమాచారం. ప్రత్యేక హైకోర్టు ఏర్పాటు..కొత్త జోనల్ వ్యవస్థకు ఆమోదం, బీసీ రిజర్వేషన్ బిల్లుపైతో పాటు రక్షణ శాఖ భూములు రాష్ర్టానికి బదలాయించాలని కోరినట్లు సమాచారం. అలాగే రాష్ర్టానికి ఐఐఐటీ, ఐఐఎం మంజూరు, కొత్త జిల్లాల్లో నవోదయ విద్యాలయాలు ఏర్పాటుపై మోదీతో సీఎం కేసీఆర్ చర్చించినట్లు సమాచారం. 

 

 

16:46 - August 25, 2018

ఢిల్లీ : తెలంగాణ ముఖ్యమంత్రి కేసీఆర్‌ ఢిల్లీ పర్యటనలో బిజీగా ఉన్నారు. మరో మూడు రోజుల పాటు సీఎం ఢిల్లీలోనే గడపనున్నారు. సాయంత్రం నాలుగు గంటల పది నిమిషాలకు ప్రధాని మోదీతో కేసీఆర్‌ భేటీ కానున్నారు. అలాగే కేంద్ర హోంమంత్రి, రక్షణశాఖ మంత్రిని కలవనున్నారు. కొత్త జోనల్‌ వ్యవస్థకు ఆమోదం, హైకోర్టు విభజన, రాష్ట్రానికి రావాల్సిన నిధులతోపాటు పలు పెండింగ్‌ అంశాలపై ప్రధాని, కేంద్రమంత్రులతో సీఎం కేసీఆర్‌ చర్చించనున్నారు. పెండింగ్‌ అంశాలను వెంటనే పూర్తి చేయాలని కేసీఆర్‌ కోరనున్నారు. మరిన్ని వివరాలను వీడియోలో చూద్దాం

 

10:39 - August 24, 2018

హైదరాబాద్ : ఇవాళ మధ్యాహ్నం టీఆర్‌ఎస్‌ విస్తృత సమావేశం జరగనుంది. ఈ సమావేశంలో ముందస్తు ఎన్నికలు, ప్రగతి నివేదనసభపై చర్చించనున్నారు. సమావేశం ముగిసిన వెంటనే తెలంగాణ సీఎం కేసీఆర్‌  సాయంత్రం ఢిల్లీ వెళ్లనున్నారు. సీఎంతో రాష్ట్ర ప్రభుత్వ ప్రధాన కార్యదర్శి ఎస్‌.కె.జోషి ఇతర ఉన్నతాధికారులు ఢిల్లీ వెళ్లనున్నారు. రాష్ట్రానికి సంబంధించి కేంద్రం వద్ద పెండింగ్‌లో ఉన్న అంశాలపై ప్రధాని సహా కేంద్ర మంత్రులను సీఎం కలువనున్నారు. కొత్త జోనల్‌ వ్యవస్థ, సచివాలయ నిర్మాణం, రెండు రహదారుల విస్తరణ కోసం రక్షణశాఖ భూములు ఇవ్వాలని ప్రభుత్వం తరఫున గతంలోనే కోరారు. దీంతో పాటు వెనుకబడి జిల్లాల అభివృద్ధి నిధులు 450 కోట్లు, అదనపు ఎఫ్‌ఆర్‌బీఎం నిధుల విడుదల అంశాలను ప్రస్థావించనున్నారు. జోనల్‌ వ్యవస్థకు తక్షణం ఆమోదముద్ర వేయించే విషయంలో ప్రధాని చొరవ చూపాలని కేసీఆర్‌ కోరనున్నారు. 

 

Pages

Don't Miss

Subscribe to RSS - భేటీ