భేటీ

16:48 - December 10, 2018

ఢిల్లీ : దిగితేనే గానీ లోతు ఎంతుటుంటో తెలీదని పెద్దల మాట. అదే అర్థమైనట్లుగా వుంది కేంద్ర మంత్రి పదవికి రాష్ట్రీయ లోక్ సమతా పార్టీ అధినేత ఉపేంద్ర కుష్వాహాకు. మానవ వనరుల శాఖామంత్రిగా వున్న ఉపేంద్ర కుష్వాహా తన మంత్రి పదవికి రాజీనామా చేసిన సంగతి తెలిసిందే. ఈ  క్రమంలో ప్రధాని మోదీకి ఓ లేఖను కూడా రాశారాయన. తీవ్ర విమర్శలు సందిస్తు కుష్వాహా రాసిని లేఖలో ప్రధాని నరేంద్రమోదీ నాయకత్వంలో తాను పూర్తిగా మోసపోయాననీ..రాజ్యాంగ బద్ధంగా నిర్వహించాల్సిన విధులను కూడా వ్యవస్థను మోదీ నాశనం చేస్తున్నారంటే తీవ్రంగా విమర్శించారు. 
ఈ సందర్భంగా మోదీకి ఆయన ఒక ఘాటు లేఖను రాశారు.  కేబినెట్ ను రబ్బర్ స్టాంప్ స్థాయికి దిగజారనీ..మంత్రులు సొంత నిర్ణయాలు తీసుకోకుండా కట్టడి చేస్తు..ప్రధాని మోదీ తన నిర్ణయాలను మాత్రమే అమలు చేసేలా చేశారనీ..త్రులు, ఉన్నతాధికారులను నిస్సహాయులుగా మోదీ మార్చేశారని ఉపేంద్ర తన లెటర్ లో పేర్కొన్నారు. 
అన్ని నిర్ణయాలను ప్రధాని, ప్రధాని కార్యాలయమే నిర్ణయిస్తుందనీ..ఈ నిర్ణయాలలో బీజేపీ అధ్యక్షుడు అమిత్ షా ప్రధానంగా వుంటారని..పేదలు, అణగారిన వర్గాల కోసం కాకుండా ప్రత్యర్థులను నిర్వీర్యం చేయడం కోసమే పని చేస్తున్నారని ప్రధానికి రాసిన లేఖలో కుష్వాహా తీవ్ర వ్యాఖ్యలు చేశారు. మరోవైపు, జాతీయ స్థాయిలో ఏర్పాటు కాబోతున్న మహాకూటమిలో ఆయన చేరే అవకాశం ఉంది. కాగా డిసెంబర్ 10 ఉదయం కాంగ్రెస్ అధినేత రాహుల్ గాంధీతో సమావేశమైన తర్వాత ఆయన తన రాజీనామా లేఖను ప్రధాని మోదీకి పంపించారు. అనంతరం ప్రధాని మోదీకి రాసిన లేఖలో పలు ఘాటు విమర్శలను కుష్వాహా సంధించారు. 
 

 

16:17 - December 1, 2018

అమరావతి : ఏపీలో 2019లో సార్వత్రిక ఎన్నికలు జరగనున్న నేపథ్యంలో కాంగ్రెస్ లో లొల్లి ప్రారంభమయ్యింది. టీడీపీ, కాంగ్రెస్ తెలంగాణలో పొత్తుల నేపథ్యంలో ఏపీలోని ద్వితీయ శ్రేణి కాంగ్రెస్ నాయకుల్లో సీట్ల లొల్లి ప్రారంభమయ్యింది. ఈ నేపథ్యంలో కాంగ్రెస్ రాష్ట్ర అధ్యక్షుడు రఘువీరా రెడ్డి రాష్ట్రంలోనే 175 నియోజక వర్గాల్లోని కన్వీనర్స్ తో విడివిడిగా సమావేశం కావటంతో చర్చలకు, నేతలల్లో ఆందోళనకు కారణంగా కనిపిస్తోంది. మరి ఆ కన్వీనర్లకు రఘువీరా ఏం భరోసా ఇచ్చారు? అనే అంశం ఇప్పుడు కాంగ్రెస్ వర్గాల్లో చర్చినీయాంశంగా మారింది.
పార్టీల బలా బలాలు తారుమారు కావటానికి కొన్ని కారణాలుగా వుంటాయి. ఈ నేపథ్యంలో ఏపీ విభజన అనంతరం ఏపీలో కాంగ్రెస్ చావు దెబ్బ తింది. దీంతో కాంగ్రెస్ సీనియర్ నేతలు సైతం పార్టీని విడిచిపెట్టేశారు. దీంతో ఏపీ కాంగ్రెస్ ప్రశ్నార్థకంలో పడిపోయింది. ఈ నేపథ్యంలో నగరాల్లో వుండే ద్వితీయ శ్రేణి నేతలంతా ప్రథమశ్రేణిలోకొచ్చే తమ స్థానాలను కుదుటపరుచుకున్నారు. రానున్న ఎన్నికల్లో పార్టీ టిక్కెట్స్ పై ఆశలు కూడా పెంచేసుకున్నారు. తాజాగా కాంగ్రెస్ టీడీపీతో జత కట్టేందుకు ఏపీలో కూడా సిద్ధం కానున్నట్లుగా సంకేతాలు వినిపిస్తున్నాయి.కాగా ఇప్పటికే తెలంగాణలో కాంగ్రెస్ తో పొత్తు పెట్టుకున్న విషయ తెలిసిందే.  ఈ నేపథ్యంలో జీవితంలో ఒక్కసారైన ఎమ్మెల్యేగా పోటీ చేసిన నెగ్గితే చాలు అన్నట్లుగా ఈ నేతలు భావిస్తున్నారు. ఈ క్రమంలో ఏపీ కాంగ్రెస్ లో పరిణామాలు మారిపోవటంతో ఈ నేతలు డైలమాలో పడ్డారు. వారి పరిస్థితి అగమ్యగోచరంగా మారిపోయింది. తెలంగాణలో కాంగ్రెస్ హవా సాగితే ఏపీలో టీడీపీ హవా సాగుతుందనీ..ఈ క్రమంలో తమ టిక్కెట్లపై ఈ ద్వితీయశ్రేణి నేతలు ఆందోళనలకు గురవుతున్నారు. 

దీంతో కొందరు నేతలు అంటే టిక్కెట్లు ఆశించే నేతలు టీడీపీతోపొత్తు వద్దంటు రఘువీరా దృష్టికి తీసుకెళ్లారు. సీనియర్ నేతలు మాత్రం టీడీపీతో పొత్తు పెట్టుకుంటేనే ఏపీలో కాంగ్రెస్ కు తిరిగి పాత వైభవం వస్తుందంటున్నారు. దీంతో టికెట్ ఆశావహుల లొల్లి ప్రారంభంలోనే అధిష్టానికి తలనొప్పిగా మారింది. దీంతో కాంగ్రెస్ లో ఎటువంటి వేడి రాజేయనుంది వేచి చూడాలి.
 

10:39 - November 21, 2018

తమిళనాడు : జనసేనాని పవన్ కళ్యాణ్ విశ్వనాయకుడు కమల్ హాసన్ తో భేటీ కానున్నారు. దేశ రాజకీయ పరిణామాలపై చర్చించేందుకే పవన్ కమల్ తో భేటీకానున్నట్లుగా సమాచారం. ఈ నేపథ్యంలో నవంబర్ 21 బుధవారం ఉదయం  చెన్నై చేరుకున్న జనసేన అధ్యక్షుడు పవన్ కల్యాణ్ నేరుగా విలక్షణ నటుడు, మక్కల్ నీది మయ్యమ్ పార్టీ అధినేత కమలహాసన్ ఇంటికి బయలుదేరాకగ. మరికాసేపట్లో ఆయన కమల్ తో ప్రత్యేకంగా భేటీ కానున్నారు. దేశ రాజకీయ పరిణామాలపై వీరిద్దరూ చర్చిస్తారని తెలుస్తోంది. 

ఇప్పటికే ఏపీ రాజకీయాల్లో క్రియాశీలకంగా ఉన్న ఆయన, తనకు అభిమానులున్న తమిళనాడు, కర్ణాటక రాష్ట్రాల్లోనూ ప్రభావం చూపే క్రమంలో పొరుగు రాష్ట్రాల్లో పర్యటించాలని నిర్ణయించుకున్నారు. కాగా, ఈ మధ్యాహ్నం పవన్ కల్యాణ్, హోటల్‌ కన్నెమెరాలో మీడియాతో ప్రత్యేకంగా మాట్లాడతారు. ఈ సమావేశంలో పవన్‌ కీలక ప్రకటన చేస్తారని ఆ పార్టీ వర్గాలు అంటున్నాయి. కాగా పవన్ కొన్ని రోజుల క్రితం యూపీ మాజీ సీఎం, బీఎస్పీ అధినేత మాయావతితో భేటీ అయ్యేందుకు యూపీ వెళ్లిన విషయం తెలిసిందే.కాగా అనివార్య కారణాలతో వీరి భేటీ సాధ్యం కాలేదు. మరి కమల్ తో పవన్ భేటీపై సర్వత్రా ఆసక్తి నెలకొంది. 

07:47 - November 8, 2018

హైదరాబాద్ :  తెలంగాణలో ఎన్నికలకు సమయం దగ్గర పడుతుండడంతో అభ్యర్థుల ఎంపికపై అన్ని పార్టీలు స్పీడ్‌ పెంచాయి. ఇప్పటికే మహాకూటమిలో టీడీపీకి 14 స్థానాలు కేటాయించే అవకాశం ఉండడంతో.. ఆ పార్టీ అభ్యర్థులను ఖరారు చేసింది. అయితే.. అభ్యర్థులను ఫైనల్‌ చేసేందుకు ఇవాళ టీ-టీడీపీ నేతలు అమరావతి వెళ్తున్నారు. చంద్రబాబు ఆమోదం తర్వాత.. అభ్యర్థుల జాబితా ఫైనల్‌ కానుంది. 
తెలంగాణలో సీట్ల సర్దుబాటు కసరత్తుపై దృష్టి సారించింది టీడీపీ. సీట్ల సర్దుబాటు, అభ్యర్ధుల ఎంపికపై నిర్ణయం తీసుకుని తనకు సమాచారమివ్వాలని టీడీపీ జాతీయ అధ్యక్షుడు చంద్రబాబు.. తెలంగాణ నేతలకు సూచించారు. దీంతో తెలంగాణ టీడీపీ అధ్యక్షుడు ఎల్‌.రమణ ఇవాళ ఉదయం 10 గంటలకు అమరావతిలో చంద్రబాబును కలవనున్నారు. 

దాదాపుగా రెండు నెలలుగా కూటమికి సంబంధించి చర్చలు జరుగుతున్నాయి. ఇందులో అభ్యర్థులు, నియోజకవర్గాలపై రాజకీయ పార్టీల మధ్య అవగాహన కుదరడంలో ఆలస్యమైంది. కాంగ్రెస్‌ తర్వాట ప్రధాన పార్టీగా కూటమిలో వ్యవహరిస్తున్న టీడీపీ దాదాపు 20 స్థానాలు దక్కించుకునే ప్రయత్నం చేసినా.. అది సాధ్యమయ్యే పరిస్థితి కనిపించలేదు. 14 స్థానాలు మాత్రమే ఇవ్వనున్నట్లు తెలుస్తోంది. అయితే.. మరో రెండు, మూడు స్థానాలు దక్కే అవకాశం ఉందన్న ధీమాతో టీడీపీ నేతలున్నారు. దీంతో టీడీపీ నేతలు అభ్యర్థుల జాబితాను సిద్దం చేసుకున్నారు. 20 నియోజకవర్గాలపై కసరత్తు చేసి.. అభ్యర్థుల జాబితాను సిద్దం చేశారు. చివరి నిమిషంలో నియోజకవర్గాల్లో మార్పు జరిగినా... అందుకనుగుణంగా జాబితాను సిద్దం చేశారు. మరో రెండు, మూడు రోజుల్లో అభ్యర్థులను ప్రకటించాల్సి ఉండడంతో చంద్రబాబుతో.. టీ-టీడీపీ నేతలు సమావేశమై.. అభ్యర్థుల ఎంపికపై నిర్ణయం తీసుకోనున్నారు. 

మొత్తానికి పొత్తులో భాగంగా కాంగ్రెస్‌ పార్టీ 90 స్థానాలకు పరిమితమైతే... కూటమిలోని ఇతర పార్టీలకు సీట్ల సంఖ్య పెరిగే అవకాశం ఉంది. చంద్రబాబు చొరవ తీసుకుంటే టీడీపీకి 14 కంటే ఎక్కువ స్థానాలు దక్కే అవకాశం ఉందని టీ-టీడీపీ నేతలు ధీమా వ్యక్తం చేస్తున్నారు.

09:45 - November 2, 2018

ఢిల్లీ : మహాకూటమి సీట్ల పంచాయతీ హస్తినకు చేరింది. మహాకూటమి నేతలు సీట్ల పంపకాలపై చర్చోపచర్చలు జరుపుతున్నారు. ఇప్పటికే తెలంగాణ జన సమితి అధ్యక్షుడు కోదండరాం ఢిల్లీలో మకాం వేశారు. ఇవాళ కాంగ్రెస్ జాతీయ అధ్యక్షుడు రాహుల్ గాంధీతో కోదండారం భేటీ కానున్నారు. రాహుల్‌తో భేటికి ముందే అశోక్ గెహ్లాట్, జైరా రమేశ్‌లతో ఆయన సమావేశం కానున్నారు. తెలంగాణలో పొత్తులు, సీట్ల సర్దుబాటు, కామన్ మినిమమ్ ప్రోగ్రాంపై చర్చించనున్నారు. 

అయితే కోదండరాం కూటమిలో 15 సీట్లు కోరుతున్నారు. కాగా తాను బలంగా ఉన్న చోట సీటు ఇవ్వడానికి కాంగ్రెస్ సిద్ధంగా లేనట్లు కనిపిస్తోంది. ఇదిలావుంటే ఇప్పుడు కూటమిలోని మిత్ర పక్షాలకు ఎక్కువ సీట్లు కేటాయిస్తే...రాబోయే ఎంపీ ఎన్నికలు, సార్వత్రిక ఎన్నికల్లో అధిక సీట్లు అడిగే అవకాశముందని కాంగ్రెస్ భావిస్తున్నట్లు సమాచారం. కాగా కోదండరాం అభ్యర్థనను రాహుల్ గాంధీ ఎంత వరకు ఒప్పుకుంటారనేది ప్రశ్నార్థకంగానే ఉంది.

 

17:24 - November 1, 2018

ఢిల్లీ : ‘జాతిని రక్షిద్దాం... ప్రజాస్వామ్యాన్ని కాపాడుదాం’ అనే నినాదంతో భాజపా వ్యతిరేక పక్షాలన్నింటినీ ఏకతాటిపైకి తెచ్చేందుకు స్వయంగా నడుం బిగించిన చంద్రబాబు.. కొద్దిసేపటి క్రితమే కాంగ్రెస్‌ అధ్యక్షుడు రాహుల్‌ గాంధీతో దిల్లీలో భేటీ అయ్యారు. 
ఈ సందర్బంగా రాహుల్ గాంధీ మాట్లాడుతు..దేశం బీజేపీ పాలనలో క్లిష్ట పరిస్థితుల్లోకి నెట్టబడిందన్నారు. ప్రజాస్వామ్యాన్ని, వ్యవస్థలను కాపాడుకోవాల్సిన అవసరముందని రాహుల్ అభిప్రాయపడ్డారు. పాత విషయాలు ఇప్పుడు ముఖ్యం కాదని..ఇప్పుడు దేశ పరిస్థితులను దృష్టిలో పెట్టుకుని దేశ భవిష్యత్ కోసం కలిసి పనిచేయాలనుకుంటున్నామని రాహుల్ తెలిపారు. ఈ సందర్భంగా రాహుల్ మీడియాపై ఛలోక్తులు విసిరారు. మీరెప్పుడు సెన్షేషన్ కోసమే ప్రయత్నిస్తుంటారా? అంటు సెటైర్ వేశారు. ఈ సందర్భంగా రాఫెల్ కుంభకోణం గురించి విలేకరులు అడిగిన ప్రశ్నకు ఆయన స్పందించారు. రాఫెల్ ఒప్పందంలో భారీ కుంభకోణం జరిగిందని, సరైన విచారణ జరిపిస్తే వాస్తవాలు బయటకొస్తాయని అన్నారు.

బీజేపీ యేతర పార్టీలతో ఉమ్మడి వేదికను ఏర్పాటు చేస్తామని చంద్రబాబు పేర్కొన్నారు. అీన్ని పార్టీలతో కలిసి త్వరలో ఉమ్మడి వేదికను ఏర్పాటు చేస్తామని తెలిపారు. ప్రజాస్వామ్యాన్ని కాపాడాలని నిర్ణయించామని, దేశ భవిష్యత్, రాజ్యాంగాన్ని కాపాడాలనుకున్నామని అన్నారు. పాత విషయాల జోలికి వెళ్లదలచుకోలేదని స్పష్టం చేశారు. భావసారూప్యత గల పార్టీలతో కలిసి పనిచేస్తామని, గతం గురించి తాము ఆలోచించడం లేదని, ప్రస్తుత పరిణామాలపై ఆలోచిస్తున్నామని చెప్పారు. తమకు పదవులు ముఖ్యం కాదని, ప్రజాస్వామ్యమే ముఖ్యమని స్పష్టం చేశారు. ఎన్డీయే ప్రభుత్వం సీబీఐ,ఆర్బీఐ వంటి రాజ్యాంబద్ధ వ్యవస్థల్లో కూడా జోక్యం చేసుకుంటు దేశంలోని అన్ని వ్యవస్థలను కేంద్ర ప్రభుత్వం నాశనం చేస్తోందని చంద్రబాబు విమర్శించారు. ఇప్పుడు దేశం వున్న పరిస్థితులను బట్టి వ్యక్తుల గురించి కాదు దేశం గురించే మా ఆలోచన అంతా అని అందుకే బీజేపీ యేతర పార్టీలతో కలిసి పనిచేయాలని నిర్ణయించుకున్నామని చంద్రబాబు స్పష్టంచేశారు. విభజన సమయంలో వున్న సమస్యలపై రాహుల్ గాంధీ ఏపీకి అండగా వుంటామని హామీ ఇచ్చారని..కాంగ్రెస్ తో ప్రస్తుతం మాకు ఇబ్బందులేమీ లేవని  ఈ సందర్భంగా చంద్రబాబు తెలిపారు. 

కాగా భాజపాపై సమరశంఖం పూరించిన తెదేపా జాతీయ అధ్యక్షుడు, సీఎం చంద్రబాబు నాయుడు మరో కీలక అడుగేశారు. ఈ నేపథ్యంలో జాతీయ స్థాయిలో కూటమి ఏర్పాటుపై ఇప్పటికే శరద్ పవార్‌, ఫరూక్‌ అబ్దుల్లాలతో సీఎం చర్చించిన విషయం తెలిసిందే. ఈ క్రమంలోనే జాతీయ కాంగ్రెస్ అధ్యక్షుడు రాహుల్ గాంధీతో భేటీ అయి గంటపాటు చర్చలు జరిపారు. ఈ సందర్భంగా రాహుల్ గాంధీకి చంద్రబాబు వీణను బహుమతిగా ఇచ్చిన అనంతరం మీడియాతో మాట్లాడుతు ఈ అంశాలపై మాట్లాడారు.
 

15:53 - November 1, 2018

ఢిల్లీ : రాహుల్ గాంధీతో భేటీ అయ్యేందుకు ఢిల్లీ వెళ్లిన చంద్రబాబు తెలంగాణలో మహా కూటి సీట్ల పంపకంతో పాటు..ఇతర పనులలో బిజీ బిజీగా వున్నారు. బీజేపీ ఏతర పార్టీలతో జత కట్టి రానున్న ఎన్నికల్లో కేంద్రంలో బీజేపీ ఏతర ప్రభుత్వాన్ని ఏర్పాటు చేసేందుకు పావులు కదుపుతున్నారు. ఈ నేథ్యంలో ఎన్సీపీ అధినేత శరద్ పవార్, నేషనల్ కాన్ఫరెన్స్ అధ్యక్షుడు ఫరూక్ అబ్దుల్లాలతో భేటీ అయ్యారు. ఈ సమావేశం శరద్ పవార్ నివాసంలో కొనసాగింది. జాతీయ స్థాయిలో మహా కూటమికి పునాదులు వేస్తున్నారు.  శరత్ పవార్, ఫరూక్ లతో భేటీ అనంతరం చంద్రబాబు మాట్లాడుతు..దేశంలోనే శరద్ పవార్, ఫరూక్ అబ్దుల్లాను సీనియర్ నేతలన్నారు. బీజేపీ పాలనలో దేశ పరిస్థితులు నానాటికీ దిగజారుతున్నాయని, కీలకమైన వ్యవస్థలు నిర్వీర్యం అవుతున్నాయని..సీనియర్ నేతలుగా తామంతా ఆందోళన చెందుతున్నామన్నారు. భవిష్యత్ తరాలను, దేశాన్ని రక్షించడానికి తాము పూనుకున్నామని తెలిపారు. అందరం కలసి భవిష్యత్ కార్యాచరణను ప్రకటిస్తామని చెప్పారు.

Image result for sharad pawarప్రజాస్వామ్యం ప్రమాదంలో పడిపోయింది..
శరద్ పవార్ మాట్లాడుతూ, దేశం క్లిష్ట పరిస్థితుల్లో ఉందని అన్నారు. ప్రజాస్వామ్యం ప్రమాదంలో పడిపోయిందని ఆవేదన వ్యక్తం చేశారు. 'సేవ్ కంట్రీ, సేవ్ డెమోక్రసీ' పేరుతో తామంతా ముందుకు సాగుతున్నామని చెప్పారు. భావసారూప్యం ఉన్న పార్టీలన్నీ తమతో కలసి రావాలని కోరుతున్నామని తెలిపారు. బీజేపీకి వ్యతిరేకంగా అన్ని పార్టీలు కలసి పోరాడాలని పిలుపునిచ్చారు.

Image result for faruq abdullah
సీబీఐ,ఆర్బీఐలను కేంద్రం భ్రష్టు పట్టించింది..
సీబీఐ, వ్యవహారం దగ్గర నుంచి ఆర్బీఐ వరకు అన్ని రంగాలను కేంద్రప్రభుత్వం భ్రష్టుపట్టించిందని ఫరూక్ విమర్శించారు. ఈ నేపథ్యంలో చంద్రబాబు సూచనల నేపథ్యంలో అంతా కలిసి పనిచేద్దాం అని యోచిస్తున్నట్లు తెలిపారు. దీనిపై తాము చర్చించామని తెలిపారు. రానున్న ఎన్నికలు, దేశంలో జరుగుతున్న పరిణామాలపై కూడా చర్చించామని వెల్లడించారు. దేశ భవిష్యత్తు కోసం బీజేపీని ఓడించాల్సిన అవసరం ఉందని చెప్పారు. 

 

11:31 - November 1, 2018

హైదరాబాద్ : మహాకూటమి పొత్తుల వ్యవహారం హస్తినకు చేరింది. కూటమిలోని ప్రధాన పార్టీల నేతలంతా ఒక్కొక్కరూ ఢిల్లీకి చేరుకుంటున్నారు. టీడీపీ అధినేత చంద్రబాబు, టీజేఎస్‌ అధ్యక్షుడు కోదండరాం ఇవాళ ఢిల్లీకి వెళ్తున్నారు. బీజేపీ యేతర ప్రతిపక్షాలను కూడగట్టే పనిలో భాగంగా జాతీయ నేతలను కలిసేందుకు చంద్రబాబు, సీట్ల సర్దుబాటుపై రాహుల్‌ను కలిసేందుకు కోదండరాం ఢిల్లీకి పయనమవుతున్నారు.  ఏఐసీసీ ఎన్నికల కమిటీ తెలంగాణ కాంగ్రెస్‌ అభ్యర్థుల తొలి జాబితాపై సమీక్ష చేపట్టనుండడంతో ఉత్తమ్‌కుమార్‌రెడ్డి నిన్ననే ఢిల్లీకి వెళ్లారు. వీరంతా ఇవాళ సమావేశం కాబోతున్నారు. ఈ భేటీలో సీపీఐ జాతీయ నాయకులు కూడా పాల్గొనే అవకాశముంది. ఈ భేటీలో సీట్ల సర్దుబాటుపై చర్చలు ఓ కొలిక్కి వస్తాయని భావిస్తున్నారు. 

 

 

08:44 - November 1, 2018

హైదరాబాద్ : కాసేపట్లో ఏపీ సీఎం చంద్రబాబు ఢిల్లీ వెళ్లనున్నారు. సీఎంతోపాటు కళా వెంకట్రావు, యనమల రామకృష్ణుడు వెళ్లనున్నారు. బీజేపీయేతర పార్టీలను ఏకతాటిపైకి తేవడం లక్ష్యంగా సీఎం పర్యటన కొనసాగనుంది. కాంగ్రెస్ జాతీయ అధ్యక్షుడు రాహుల్ గాంధీ, శరద్‌పవార్, ఫరూక్‌అబ్దుల్లా, సీపీఎం జాతీయ ప్రధాన కార్యదర్శి సీతారాం ఏచూరి, తేజస్వియాదవ్‌లతో ఆయన భేటీ కనున్నారు. మధ్యాహ్నం 12 గంటలకు చంద్రబాబు శరద్‌పవార్‌ను కలవనున్నారు. మధ్యాహ్నం 3.30 గంటలకు రాహుల్ గాంధీతో సమావేశం కానున్నారు. రాబోయే ఎన్నికలు, దేశ రాజకీయాలపై సీఎం చర్చించనున్నారు. ములాయంసింగ్‌ యాదవ్‌ను కూడా కలవనున్నట్లు టీడీపీ వర్గాలు చెబుతున్నాయి. బీజేపీని ఓడించాలని చంద్రబాబు కసర్తత్తు చేస్తున్నారు.

 

20:35 - October 31, 2018

అమరావతి : లగడపాటి రాజగోపాల్ మాజీ ఎంపీ. తెలంగాణ రాష్ట్ర విభజన జరిగితే రాజకీయ సన్యాసం తీసుకుంటానన్న లగడపాటి  రాష్ట్ర విభజన అనంతరం ఇప్పటి అన్నమాటకు కట్టుబడి వున్నారు. రాజకీయాలలో లేకపోయినా..ఆయన సర్వేలు మాత్రం చేయిస్తునే వుంటారు. తెలుగు రాష్ట్రాల్లో మాజీ ఎంపీ లగడపాటి రాజగోపాల్ సర్వేకు ఉండే డిమాండే వేరు. ఆయన చెప్పినవన్నీ ఇప్పటివరకూ జరుగుతూనే వచ్చాయి. అయితే తెలంగాణ ఎన్నికల నేపథ్యంలో తన సర్వేను త్వరలో ప్రకటిస్తానన్నారు. ఈ సందర్భంగా ఆయన మాట్లాడుతూ చంద్రబాబుపై ప్రశంసల వర్షం కురిపించారు. గతంలోనూ చంద్రబాబును కలిసిన రాజగోపాల్ మర్యాదపూర్వకంగానే కలిశానన్నారు. అయితే మళ్లీ ఇప్పుడు చంద్రబాబును ప్రశంసించడం రాజకీయ ప్రాధాన్యతను సంతరించుకుంది. చంద్రబాబును ఆయన అనుభవం ఉన్న నేతగా అభివర్ణించారు. ఆయన ప్రయత్నాలు ఆయన చేసుకుంటారంటూ కితాబు ఇచ్చారు. కాగా అవకాశం వస్తే తెలంగాణ ఎన్నికల్లో పోటీ చేస్తానంటు సంచలన వ్యాఖ్యలు చేసిన లగడపాటి చంద్రబాబుతో భేటీ కావటం చూస్తుంటే  తెలంగాణలో మహాకూటమిగా ఏర్పడిన నేపథ్యంలో టీడీపీ తరపునుండి గానీ..కాంగ్రెస్ తరపు నుండి గానీ పోటీ చేస్తారా? అనే అనుమానాలు వ్యక్తం అవుతున్నాయి.

Pages

Don't Miss

Subscribe to RSS - భేటీ