మల్లన్న ముచ్చట్లు

20:30 - August 10, 2018

భారతదేశంలనే గాదు ఈ ప్రపంచంలనే రైతులకు భీమా జేశిన ప్రభుత్వంగానీ.. రైతులకు పెట్టుబడి ఇచ్చిన ప్రభుత్వంగాని ఏడలేదు అంటున్నడు ఎవుసం శాఖామంత్రి శ్రీ పోచారం శ్రీనివాసరెడ్డి సారు.. సూడుండ్రి నెల రోజుల సంది గ్రామ పంచాది కార్మికులు సమ్మె జేస్కుంట జీతాలు వెంచుమంటే ఎవ్వడు వాళ్ల ముచ్చట వట్టిచ్చుకోలే..రాసమయి బాలకిషన్ సారు.. ఎందుకు సారు ఈ ఉద్దెర మాటలు మాట్లాడ్తవ్..? నిజామాబాద్ జిల్లా బాల్కొండ జడ్పీటీసీ రాజీనామా జేశింది..ప్రజలారా మీరు ముందుగాళ్ల మారకుంట ఈ భూమ్మీద ఏ వ్యవస్థ మారది.. మార్పురావాల్సింది ముందుగాళ్ల ప్రజలళ్లనే.. నిన్న పొద్దుగాళ్ల యాదాద్రి బోనగిరి జిల్లా బీబీనగర్ మండలం కొండమడ్గుకాడ.. ఒక కారు స్కూటీ మీద వోతున్న పోరగాళ్ల బండికి టక్కరైంది..రాజుగాని పెండ్లి శ్రీకాంతు సావుకొచ్చింది.. ప్రేమించుకున్నోళ్లు బాగనే ఉన్నరు.. గీ గరం గరం ముచ్చట్ల కోసం వీడియో క్లిక్ చేయండి. 

20:23 - August 9, 2018

సూస్తిరా రాజ్యసభ డిప్యూటీ చైర్మన్ ఎన్నికలు ఎట్లైనయో.. మనం ఈడ అంగీలు శింపుకుంటం.. అభిమానం ఉండాలేగని.. అది బానిసత్వానికి ప్రతిరూపంగ మారొద్దు.. కరుణానిధి జీవితం నుంచి మనం నేర్చుకోవాల్సిన పాఠం ఏమన్న ఉన్నదా..? జగన్ మోహన్ రెడ్డిగారు పాదయాత్ర జేస్తున్నడు.. ఎందుకు..?అభిమానం ఉండాలేగని.. అది బానిసత్వానికి ప్రతిరూపంగ మారొద్దు.. జగన్ మోహన్ రెడ్డిగారు పాదయాత్ర జేస్తున్నడు.. ఎందుకు..? రేపు పొద్దుగాళ్ల పేపర్ల పొంట వస్తయ్ తాటికాయంత అచ్చరాలతోని.. ఘనంగా ఆదివాసీ దినోత్సవ వేడుకలు.. రాజకీయాలు ఎంత దిగజారిపోయినయో సూడుండ్రి మొన్న ఒకనాడు ఒక బాండు బైటవడెనా..? డబుల్ బెడ్రూం ఇండ్ల పథకం కేసీఆర్ రాజకీయ కొంప కొల్లేరు జేస్తట్టే గొడ్తున్నది..వర్దన్నపేట ఎమ్మెల్యేగారు.. మీరు రాజీనామా జేయవల్చిన ఎమ్మెల్యేల లిస్టుల ఫస్టు ప్లేస్ల ఉంటరేమో... పదో తర్గతి పోరడు ఉరివెట్టుకోని సచ్చిపోయిండు.. ఎందుకు..? గీ గరం గరం ముచ్చట్ల కోసం వీడియో క్లిక్ చేయండి. 

20:10 - July 25, 2018

సూస్తున్నరా ఆంధ్ర రాష్ట్రంల రాజకీయం ఎట్లైతున్నదో.. జగనాలు ప్రెస్ మీటింగు వెట్టి.. పవన్ కళ్యాణ్ను ఎన్నిమాటలన్నడు.. ఏదన్న ఉంటే రాజకీయంగ ఎదుర్కోవాలెగని.. పవన్ కళ్యాణ్ వ్యక్తిగత విషయాలు ఎందుకు జగన్కు..? అంటే ఓ ఆంధ్రా ప్రజలారా..? జగన్ మోహన్ రెడ్డి జేశ్న తిక్కపని ఏం తెల్వక జేశిండేమో అనుకుంటున్నరా..? తప్పు.. దీని ఎన్క అత్యంత పెద్ద కుట్ర దాగున్నది.. నేను జెప్త సూడుండ్రి..

ఆంధ్రప్రదేశ్ రాష్ట్రానికి ప్రత్యేక హోదా ఇస్తే.. తెలంగాణకు గూడ ఇయ్యాలే అని డిమాండ్ జేస్తున్నడు పార్టీ మారి పదవి దక్కిచ్చుకున్న పూజ్యులు శ్రీ గుత్త సుఖేందర్ రెడ్డిగారు.. తెలంగాణల గూడ.. హైద్రావాదు, వరంగల్ తప్ప అంత ఎన్కబడిన ప్రాంతమే మా ప్రాంతానికి గూడ ప్రత్యేక హోదా ఇస్తెనే మంచిది అనుకొచ్చిండు ప్రెస్ మీటింగు వెట్టి..

తెలంగాణ రాష్ట్రంల కేసీఆర్ పరిపాలన అంత దరిద్ర్యమైన పరిపాలన నేను ఏడ జూడలే అంటున్నడు సీపీఎం పెద్ద ముత్తైదువు తమ్మినేని వీరభద్రం సారు.. గుర్రానికి ముంగట గడ్డిగట్టి ఉర్కిచ్చినట్టు ఉంటది కేసీఆర్ పరిపాలన.. ఆ గుర్రానికి గడ్డి అందది అది తినది.. సేమ్ ఈన పథకాలు ఈన ఏశాలు గూడ అట్లనే ఉంటయనుకొచ్చిండు..

పొయ్యిన ఊరుకు మళ్ల వొయ్యేది లేదు.. చెప్పిన మాట మళ్ల జెప్పేది లేదు.. రోజు రొక్కం బలాదూర్.. ఇది తెలంగాణ ప్రభుత్వం యవ్వారం.. మీరు జూడుండ్రి హరీష్ రావుగారు ఎప్పుడు జూడు కొబ్బరు కాయలు గొట్టి రిబ్బన్లు కట్ జేశేకాడనే గనిపిస్తడుగని.. సమస్యలు ఉన్నకాడికి వోడు.. ఎందుకంటె జనం నుంచి రియాక్షన్ ఉంటదని.. ఇగ ఒకతాన మళ్లేందో చెప్తున్నడు అక్కడి పబ్లీకుకు..

ఇప్పుడేగాదు మన నీళ్ల మంత్రి హరీషు రావుగారు ముచ్చట జెప్పింది.. కేసీఆర్ గారి ప్రభుత్వం వచ్చినంక ఐదువందల రెసిడెన్షియల్ హాస్టళ్లను ప్రారంభం జేశి సన్నబియ్యంతోని బువ్వవెడ్తున్న ప్రభుత్వం మాది అని.. ఇగ జూడుండ్రి ఆయన ముచ్చట ఎంత పచ్చి అవద్దమో ఈ ముచ్చట జూస్తె మీకే అర్థమైతది.. ఏమన్నడు మంత్రి హాస్టళ్ల పిల్లలు ఏమంటున్నరో ఇనుండ్రి..

ఊర్లె మోరీలు సక్కగలేవు ఏంలేవు ఎన్నిమాట్ల జెప్పినా సర్పంజి వట్టిచ్చుకుంటలేడు.. వార్డునెంబర్లు వట్టిచ్చుకుంటలేరు.. సెక్రటెరీ గూడ ఇంటలేడని ఏం జేశిండ్రు ఆ ఊరోళ్లంత.. పెద్దతాళం దీస్కపోయి గ్రామ పంచాది ఆఫీసుకు తాళమేశిండ్రు.. ఎమ్మార్వోను గల్చి వినతిపత్రం ఇచ్చిండ్రు.. తర్వాత ఎమ్మెల్యే కారు ఆడంగొస్తుంటే.. అడ్డం దల్గిండ్రు.. ఇగ జూడుండ్రి కథ ఎట్లున్నదో..

మనం గడ్కోపారి పోలీసోళ్లను అంటాఉంటం వాళ్లు ఎక్స్ ట్రా జేస్తుంటరు అని.. కని పోలీసోళ్ల తప్పుగాదు.. చట్టం తెల్సుకోకపోవడం ప్రజల తప్పు.. ప్రజలకు చట్టం ఏంది... న్యాయం ఏంది.?. పోలీసోళ్లు ఏం జేయాలే.. ఏం జేస్తున్నరు అన్న సోయి తెలిస్తె పోలీసోళ్లు ఓవరాక్షన్ జేయరు.. తోకముడుస్తరు.. ప్రజలకే సెల్యూట్ కొడ్తరు.. అమెరికా పోలీసోళ్లకు మనకు తేడా జూడుండ్రి..

జనం తల్చుకుంటే మంచోన్ని పిచ్చోన్ని జేస్తరు.. పిచ్చోన్ని దేవున్ని జేస్తరు... ఇద్వరకు చాలమాట్ల  జేశిండ్రు.. మనంగూడ ఎన్నోమాట్ల అసొంటియి జూపెట్టుకున్నం మన మల్లన్న ముచ్చట్లగని.. సేమ్ అసొంటిదే ఇంకోటొచ్చింది మనతానికి.. అదేందంటే.. రాత్రికి రాత్రే ఒక తాడిచెట్టును ఎల్లమ్మ తల్లిగ మల్చేశిండ్రు మన భక్తజనం.. నిన్నటిదాక కల్లువోశిన తాడిచెట్టు ఇయ్యాళటి సంది దీవెనార్తిలు వెట్టెస్తుందన్నట్టు..

20:17 - July 16, 2018

అరరరే ఏమో అనుకున్నంగని.. వానలు బాగనే వడ్తున్నయ్ గదా..బంగారు తెలంగాణను తయ్యారు జేస్తందుకు ఒక్క కేసీఆర్ సరిపోతలేడు గావట్టి ఊరూరికి ఒక్క కేసీఆర్ తయ్యారు గావాలే అంటున్నది.. ఇదేమీ రాజ్యం ఇదేమి రాజ్యం దొంగల రాజ్యం దోపిడి రాజ్యం తెలంగాణల కాంగ్రెస్ పార్టోళ్ల నినాదం ఇది ఇప్పుడు..మిషన్ భగీరథ పైపులు ఎందుకేశినట్టు మంత్రిగారు.?? ఇది నిజంగ జనానికి దూప ఆర్పెతందుకేనా లేకపోతె కాంట్రాక్టర్ల జేవులు నింపెతందుకా..?మొన్న ఐదురోజుల కింద మంత్రి కేటీఆర్ గారు.. రంగారెడ్డి జిల్లా పాశమైలారం కాడికి వొయ్యిండు.. పొయ్యి ఏమన్నడు..?మాకు ఎయిర్ ఫోర్సుల నౌకర్లు ఇప్పిస్తాని చెప్పి.. ఒక్కొక్కలి తాన రెండు లక్షల ఇర్వైఐదు వేల రూపాలు వసూలు జేశిండు....అలాగే మల్లన్న ముచ్చట్లలో 'బోనాల' సాంగ్ ప్రసారమైంది. మరి గీ గరం గరం ముచ్చట్ల కోసం వీడియో క్లిక్ చేయండి. 

20:26 - July 10, 2018

టీఆర్ఎస్ పార్టీ పరిస్థితి కార్యకర్తలు చింపిన ఇస్తరాకే అయితున్నదిగదా..? మొన్న బెల్లంపల్లి కాడ అవిశ్వాస తీర్మానం.. నిన్న రామగుండం కాడ... ఇయ్యాళ వేములవాడ కాడ.. వాళ్లదాంట్లె వాళ్లే విశ్వాసాలు లేకుంట బత్కుతున్నరు.. ఇంకో నాల్గురోజులు ఇదే స్పీడుతోని అంబాసిడర్ ముంగటికి వొయ్యెనాంటే.. కాంగ్రెసోళ్లు పెద్దగ కష్టపడవల్సిన పనేం ఉండదేమో..

నక్కవుట్టి నాల్గు రోజులు గాలే నా ఎక్సుపీరియన్సు ఎవ్వలికున్నదని ఎక్కిరిచ్చిందట అగో అట్లనే ఉన్నది.. చంద్రాలు కొడ్కు లోకేశం ముచ్చట గూడ.. నేను వుట్టెటప్పటికే మా తాత ముఖ్యమంత్రిగుండే.. నేను శెడ్డి ఏస్కోని బడికి వొయ్యెతప్పుడే మా నాయిన ముఖ్యమంత్రిగుండే.. అయినా నా మీద గింత అవినీతి మచ్చవడ్డదా అంటున్నడు..

నాల్గురు బీసీ పోరగాళ్లు ఒక్కతాన గూడి.. టూ బై ఫోర్ చాయజెప్పి.. పైసలు నువ్వుగట్టుమంటే నువ్వుగట్టుమని.. అద్దగంట ముచ్చట వెట్టుకోని రేపు పొద్దుగాళ్ల వర్కళ్ల రాజ్యాధికారం ఎట్లొస్తదని ఆలోచన జేశి ప్రెస్ మీటింగు వెట్టి ఎవ్వలికి వాళ్లు ఎల్లిపోవుడు.. తర్వాత ఇదే నాల్గురు మళ్లొక నెల రోజులకు గూడి మళ్ల చాయి మళ్ల ప్రెస్ మీటు.. మళ్ల ఎవ్వలింటికి వాళ్లు.. గిదా రాజ్యాధికారం సాధించే కథ..?

మాటలు జెప్పుమంటే ఏమన్న మాటలా అవ్వి.. గా మూడేండ్ల కింద నారాయణ ఖేడ్ ఉప ఎన్నికైందిగదా.?. ఆ ఉపఎన్నికలకోసం ప్రచారానికి వొయ్యిండు కేసీఆర్ అల్లుడు హరీష్ రావు.. పొయ్యి ఆ నియోజకవర్గాన్ని సూశి వైసు కన్నీళ్లు గార్చిండు.. ఇగ ఒక ఊరికి వొయ్యి ఈ ఊరిని నేను దత్తత దీస్కుంటున్నాని చెప్పిండు.. ఓట్లువడంగనే ఊరులేదు గీరు లేదు.. దత్తత గాదు సారే పత్తకు లేడు.. పాపం ఆఊరిగోస జూడుండ్రి..

చట్టాలను ఉల్లంఘించెటోళ్లు మీద కేసులు వెట్టి జైలుకు తోలిస్తున్నప్పుడు.. మరి విద్యాహక్కు చట్టాన్ని ఉల్లంఘించి విద్యార్థులను సద్వుకు దూరం జేస్తున్న ముఖ్యమంత్రి కేసీఆర్ మీద.. విద్యామంత్రి కడియం శ్రీహరి మీద గూడ కేసులు వెట్టి జైలుకు వంపాలేగదా... నెల రోజులాయే బడులు సుర్వై.. ఇప్పటికి ఒక్కసారి వచ్చింది లేదు పాఠం జెప్పింది లేదు.. ఇగ మరి ఇది చట్టం ఉల్లంఘన కిందికి రాదా..?

అంగట్ల పశులను కొన్నట్టే ఉన్నది ఎంపీటీసీల కొనుగోలు తెలంగాణల.. ఎవ్వని బర్రైతేంది మన దొడ్లె పెండవెట్టిందా లేదా అన్నట్టే సూస్కుంటున్నరు.. ఒక్కొక్క ఎంపీటీసీకి నాల్గు లక్షల రూపాలు ఖరీదు వెట్టి కొనుక్కున్నడంటే ఆ ఎంపీపీ ఎంత సంపాయించాలే.. మళ్ల మందిని ముంచాల్సిందేగదా.?. అమ్ముడువొయ్యే ఎంపీటీసీలకు శిగ్గులేదు.. కొనుక్కునెటోనికి గూడ లేదు.. జగిత్యాల జిల్లాల ఒక కథ బైటవడ్డది సూడుండ్రి..

తెలంగాణ రైతులకు ఆన్ లైన్ అంటె హార్ట్ ఫెయిల్ అయినంత భయమైతున్నది.. భూ ప్రక్షాళణ పేరు మీద వేల మంది రైతుల బత్కు ఆగానికొచ్చింది.. ఒకలి భూమి ఒకలికి వడి.. కొంతమందికి సంగం భూమే ఎక్కింది.. కొంతమందికి మొత్తం భూములే లేకుంట వొయ్యినయ్... ఆగమాగం చెందన చెందన అయ్యింది. నాకు తెల్చి ఒక్క కేసీఆర్ ఇంటోళ్ల భూములు తప్ప అందరియి ఆగమే ఉన్నట్టున్నయ్ కాదా మరి.. ఇగజూడుండ్రి..

ఎంకి పెండ్లి సుబ్బిసావుకొచ్చిట్టుగాదు.. సుబ్బి సావే ఎంకిపెండ్లికొచ్చినట్టుంది ఈ వానలు జూస్తుంటే.. పాపం ఆ మహారాష్ట్రల అడ్డగోల్గవానలు వడి.. అక్కడి జనం తక్లైవైతుంటే.. వానలు ఎప్పుడువడ్తయా అని ఎదురు సూస్తున్న తెలంగాణలకు మహారాష్ట్ర వర్దొస్తున్నది.. గోదావరి నది.. గట్టిగనే వారుతున్నది.. ఇగ మన కళల ప్రాజెక్టుల కట్కాలు ఏడికాడ ఆగిపోయినయట.. 

20:24 - July 9, 2018

రామగుండం రాజకీయం రంజుకొచ్చింది గదా..? ఇప్పటికే ఉత్తర తెలంగాణల పట్టుగోల్పోతున్న టీఆర్ఎస్ పార్టీకి రామగుండం ఎమ్మెల్యే సోమారపు సత్యనారాయణ షాకిచ్చిండు.. రాజకీయాలళ్ల కెళ్లి తప్పుకుంటున్న అని ప్రకటించిండు.. రామగుండం మేయర్ అవిశ్వాస తీర్మానం పంచాది చిల్కి చిల్కి టీఆర్ఎస్ దుమారం లేశింది.. అసలు ఏం జర్గింది ఒక్కపారి జూద్దాం పాండ్రి.. సతీష్.. అడ్గు..

తెలంగాణ రాష్ట్రానికి పరిశ్రమలు పెద్ద ఎత్తునొస్తున్నయట.. ఐటీ మంత్రి కల్వకుంట్ల తారక రామారావు అంటున్నడు.. పెద్ద ఎత్తునొస్తున్నాయి..? యాడనో సూపెడ్తవా కేటీఆర్ గారు ఆ పరిశ్రమలు ఏడికొచ్చినయ్ ఇప్పుడు ఏడున్నయ్.. అండ్ల నౌకర్లు ఎన్నొచ్చినయ్ మా పోరగాళ్లకు అనేది ఎందుకు సారు ఈ ఉద్దెర ముచ్చట్లు జెప్తవ్..?

అయ్యో గద్వాల జేజమ్మ అలియాస్ అరుణారెడ్డి అడ్డగోల్గ తిట్టిందిగదా కల్వకుంట్ల తారక రామారావును భీమా నెట్టెపాండు ప్రాజెక్టులు గట్టి నీళ్లిచ్చింది కాంగ్రెస్ పార్టీరా సన్నాశి అని నోటికొచ్చిన మాటలన్నది.. నీళ్లు ఇచ్చింది మేమే అని చెప్పింది అరుణమ్మగని..? అర్వై ఏండ్ల సంది తెలంగాణ ఉద్యమం అయితే ఆల్చంగ రాష్ట్రమిచ్చింది గూడ మేమే అని చెప్తలేదు పాపం..

పార్టీల డ్రామాలు జూడుండ్రి ఎట్లుంటయో.. ఏడనన్న గింత మంచి జర్గంతనే అది మాదంటే మాదని ఎగవడి వాళ్ల ఖాతల ఏస్కుంటరు.. చెడు జర్గితె మాత్రం మాదిగాదు గతపాలకుల నిర్ణయాలు అని మంది మీద నూకేస్తుంటరు.. నిన్నమొన్న రెండు గట్టి శిన్కులు వడంగనే తెల్గుదేశం పార్టోళ్లు జూడుండ్రి ఆంధ్ర రాష్ట్రంల హంగామా ఎట్ల జేస్తున్నరో..

ఉన్నదే ఎక్రం పొలం.. ఆ పొలాన్ని ఉన్నకాడికి కాళేశ్వరం కాల్వకోసం గుంజుకున్నరు.. ఇగ ఏం జేయాల్నో తెల్వక అదే పొలంకాడ గూసోని పొద్దంత ఏడ్సింది ఒక మహిళా రైతు.. ఏడ్సి ఏడ్సి ఆడనే జీవిడ్సింది.. కళేశ్వరం అద్భుతాలళ్ల ఇది గూడ ఒక్కటన్నట్టు.. ఉన్నోని పొలాలు వోవు... పాపం ఎక్రం అద్దెక్రం ఉన్నోని భూములు వోతె వాళ్లు ఎట్లబత్కుతరు చెప్పుండ్రి.. ముఖ్యమంత్రిగారు మీ ఖాతల జామజేయవల్సిన సావు ఇదే..

తెలంగాణ రాష్ట్రం నిరాహార దీక్షలు రాస్తరొకోలు.. నిరసనలు ఆందోళనలతోనే తెల్లార్తున్నది.. అవ్విటితోనే పొద్దుగూట్లె వడ్తున్నది.. ఆశాలు అంగన్ వాడీలు, ఏఎన్ఎంలు వాళ్లు ఉద్యోగాలు తక్వ జేశిండ్రు ఆందోళనలు ఎక్వ జేశిండ్రు చేశిండ్రంటే సర్కారు జేపిచ్చింది వాళ్లతోని.. వీళ్లకు తోడుగ ఇగ మెప్మా రిసోర్స్ పర్సన్లు రంగంలకు దిగిండ్రు మా బత్కు సంగతేంది ఈ బంగారు తెలంగాణల అంటున్నరు..

నిజామాబాద్ జిల్లా బోధన్ కాడ ఒక వైన్సుల దొంగలు వడ్డరట నిన్నరాత్రి.. వైన్సు దుకాండ్ల దొంగలు వడ్తె పొయ్యేదేమున్నది.. అదేమన్న మెడికల్ షాపు అని మీరు అనుకుంటుండొచ్చుగని.. ఏదైనా దొంగతనం దొంగతనమేగదా..? మరి దొంగలు వడి రెండు లక్షల రూపాలు ఎత్కపోయిండ్రట.. వైన్సులున్న మాలు గూడ జర్రంత లేపిండ్రట..

జూన్ ఇర్వై మూడు తారీఖు నాడు అంటే అటీటు పదిహేను రోజులైంది ఇయ్యాళటికి పన్నెండు మంది పోరగాళ్లు థాయ్ లాండ్ దేశంలున్న ఒక గుహలకు వొయ్యిండ్రట సూస్తందుకు బాగ వానలొచ్చి గుహంత నీళ్లతోని నిండిపోయిందట.. అండ్లనే ఒక గడ్డ మీద గూసున్నరట వాళ్లను బైటికి తీస్తందుకు చిన్న కష్టమైతలేదు కొంతమందిని దీశిండ్రు ఇంక కొంతమంది అండ్లనే ఉన్నరు పదిహేను రోజుల సంది నీళ్లు తాగి బత్కిండ్రంటే మామూలు ముచ్చట గాదు..

 

20:25 - June 29, 2018

హురక చంద్రబాబు ఏశం గట్టిగనే గట్టినట్టుండుగదా.?. నాకు తెల్సిన కాడికి కేసీఆర్ భారతదేశంల నెంబర్ వన్ ముఖ్యమంత్రి అంటే.. మొత్తానికి బాలికాకయ్యను మొచ్చుకోవచ్చుపోండ్రి..మందియే పిత్తులు మందియే కత్తులు.. నీదేం బొయ్యింది.. పెట్టు వందల కోట్లు గాకపోతో వేల కోట్ల రూపాలు ఖర్చు వెట్టుండ్రి...అగో ఆడలేక పాతగజ్జలన్నట్టే ఉన్నదిగదా..? తెలంగాణ సర్కారు ముచ్చట..ఆ మొత్తానికి మన గుణాత్మక గుర్వయ్య పేరు మీద సీన్మ కట్క ఒత్తిండ్రు... సూస్తిరా తెల్గుదేశం పార్టీ ఎంపీల మాటలు..?భూమి మీద జాగలు అయిపోయినట్టున్నయ్.. అందుకే ఇప్పుడు చంద్రుని మీద గూడ రియలెస్టేట్ వ్యాపారం సుర్వైంది.. గీ గరం గరం ముచ్చట్ల కోసం వీడియో క్లిక్ చేయండి. 

20:27 - June 18, 2018

దొంగలకు సర్ధి కడుతున్న దేశం..భారతదేశపు దొంగలకు ఆశ్రయమిస్తున్న ఇంగ్లండ్..ఎమ్మార్వో ఆపీసుకాడికి ఇనిపించేత దూరంలో వున్న చెరువు. అక్కినేని నాగార్జునను గతంతో గ్రీకు వీరుడు కాదు తెలంగాణ గీకుల వేరుడు అన్న కేసీఆర్ ఇప్పుడు తండ్రీ,కుమారుడు కలిసి అలయ్ బలయ్ తిరుర్గతన్నరు. అధికార పార్టీ ఎంపీపీ కావరం..మహిళలను గుండెలపై తన్నిన ఎంపీపీ ఇమ్మడి గోపి..బహుజనులంతా ఒకటైన బహుజనులు..నిజామాబాద్ జిల్లాల ఏకతాటిపైకొచ్చి 30ఏళ్ల సంది బహుజనులే సర్పంచులుగా నెగ్గుతుండట..తొవ్వంటా బోయే జనాలను ఆపి డబ్బులు వసూలు చేస్తున్న వసూలు రాజా..వసూలు రాజాగా మారిన ఏఆర్ కానిస్టేబులు బాలూ నాయక్.

20:29 - June 12, 2018

ఏ ధమ్ముందా సూస్కుందామంటె సూస్కుందాం నువ్వెంత నీ బతుకెంత..? ఏయ్ అమెరికోడా..? ఇగో ఈ కట్క ఒత్తితే నీ అమెరికా మొత్తం కుప్పగూలిపోతది..? ఏయ్ ఉత్తర కొరియా తమాష జేస్తున్నవా..? మమ్ములను తక్వంచనేస్తున్నవా..? అమెరికా సత్తా ఏందో సూపెడ్త..? ఇట్ల పాము ముంగీస లెక్క కీసులాడుకున్న ఇద్దరు దేశాధినేతలు.. ఇయ్యాళ కల్చుకోని కావలిచ్చుకున్నరు.. ముద్దుగ..

అయ్యో పోసాని క్రిష్ణ మురళి సారు చంద్రబాబు మైలపోలు బాగనే దీస్తున్నట్టుండుగదా..? చంద్రబాబుకు నీతి జాతి ఏముండది.. తన అధికారం కోసం ఎవ్వలినైనా రాజకీయంగ సంపెతందుకు ఎన్కకు వొయ్యెమన్షిగాదు చంద్రబాబును నమ్మొద్దు అని గంటల కమానం ప్రెస్ మీటింగు వెట్టి మరీ చెప్పిండు.. ఇగ ఆ ప్రెస్ మీటింగుల బ్యాగ్ రౌండు జూస్తరా సూడుండ్రి..

యాడంగ దాపురమైతర్రా వారీ మీరంత ఈ దొంగలు లంగలు అంత ఎమ్మెల్యేలు అయ్యితుంటే ఇది ప్రజాస్వామ్యమేనా అన్న అనుమానం రావట్టే.. మాల్కజ్ గిరి ఎమ్మెల్యే కనకారెడ్డి.. నువ్వు ఎమ్మెల్యే పోస్టుకు గాదు.. కనీసం వార్డు కౌన్సిలర్ పోస్టుగూడ అర్హునువి గాదన్న ముచ్చట నీ చేతలతోనే బైటవడ్డది.. మల్కాజ్ గిరి ఎమ్మెల్యే కనకారెడ్డికి ఓట్లేశిన ప్రజలరా.?. ఇది జూడుండ్రి మీ ఎమ్మెల్యేగారి పనితనం ఎట్లున్నదో..

రేపటి తెలంగాణ రాష్ట్రం ఇట్లుండది.. ఆంధ్రవలస పాలకులు ధ్వంసం జేశినారు.. రేపు మన టీఆర్ఎస్ ప్రభుత్వం వచ్చినంక ఆదిలాబాద్ ఆడ్విబిడ్డల కోసం హెలికాప్టర్ అంబులెన్సులు వెట్టుకుంటం... వాళ్లకు ఆపతొస్తె పదినిమ్షాలళ్ల దావఖానకు చేరుస్తం.. ఇది కేసీఆర్ మాట... కేసీఆర్ మాట జెప్తె ఎట్లుంటదో మీకు ఎర్కేగదా..? ఎవ్వలికన్న అనుమానం ఉంటే సూడుండ్రి..

అయ్యా సిరిసిల్లా కలెక్టర్ సారు మా భూమిని టీఆర్ఎస్ నాయకులు కబ్జావెడ్తున్నరు సారూ మీరే కాపాడాలే అని మొత్తుకున్నరు.. అయినా ఆ కలెక్టర్కు చెవ్వుమీద పేను వారలే.. ఒక్కపారి వొయ్యింది రెండు మాట్ల వొయ్యింది మూడో పారి ఏకంగ నరేంద్రమోడీ ఏశం గట్టుకోని దిగిండు బాధితుడు.. ఇట్లనన్న ఇంటడో ఏమో అని పాండ్రి పల్కరిద్దాం..

తెలంగాణ రాష్ట్రంల రెప్పపాటుగూడ.. కరెంటివోదిగ.. జనరేటర్లతోని పనే ఉండది.. నేను ఆయాళ రాష్ట్రం విడిపోయేనాడు జెప్పిన.. ఇయ్యాళ చేశి సూపెట్టిన.. ఇది ఎవ్వలు జెప్పిండ్రో నేను మళ్ల యాది జేయవల్సిన పనేం లేదుగదా..? సరే ఈ టాపిక్ ఇప్పుడెందుకంటె.. కేసీఆర్ జెప్పినట్టు రెప్పపాటు కరెంటి వోవుడుగాదు.. రెప్పపాటన్న కరెంటి వస్తె సూద్దామని సూస్తున్నది ఒక గూడెం.. ఇదే అది..

తెలంగాణ రాష్ట్రం నిజంగనే దనిక రాష్ట్రం అనుకుంటున్నరా..? తూచ్.. 2014 కేసీఆర్ ముఖ్యమంత్రిగాకముందుకు నిజంగనే దనిక రాష్ట్రం దాంట్లె ఏం డౌటు లేదు.. ఏమంట సారువారు కుర్చెక్కిండో.. తెలంగాణలున్న ఒక్కొక్క తల్కాయ మీద లక్షా యాభైవేల రూపాల అప్పుజమజేశి పెట్టిండు.. మరి ఇంత అప్పులళ్ల రాష్ట్రముంటే.. ఇగో రైతులు ధాన్యం గొంటిరి పైసలియ్యకపోతిరి అంటున్నరు..

ఉన్నది వొయ్యింది ఉంచుకున్నది వొయ్యింది చేసుకున్నది చెప్పకుంటవొయ్యిందన్నట్టు.. పాపం ఎన్కటి సర్కారు నాగార్జున సాగర్ ముంపు బాధితులకు 724 ఎక్రాల భూమిచ్చి అండ్ల పట్టాలిచ్చి వన్ బీ గూడ ఇచ్చిండ్రు.. ఇగ బంగారు తెలంగాణ సర్కారొచ్చిందిగదా..? ఇప్పుడు ఆ భూములకు పట్టాలు లేవు.. వన్ బీ లేదు.. పాసుబుక్కు లేదు చెక్కుకాయిదం లేదు.. 

20:39 - June 1, 2018

భూమి లేనోళ్లు ఎవ్వలన్న ఉన్నరా..? పవన్ కళ్యాణ్ బాగనే అర్సుకుంటున్నడుగదా.?. దంతాలు లేని సింహం గాండ్రిస్తున్నది వరంగల్ పట్నంల.. జూన్ రెండు తారీఖు నాడు విద్రోహ దినం...మ్మం కార్పొరేటర్లు కౌరవుల లెక్కనే తయ్యారైనట్టుండ్రుగదా...గుండు గొట్టినందుకు సంతోషంతోని మంగళాయినకు పదో పర్కో ఇస్తరు.. అది తీస్కుంటె తప్పా..? తల్లి భళే మోపైండ్రొసు.. సూస్తిరా రాజమండ్రి సౌత్ జోన డీఎస్పీగాని యవ్వారం.. ఈ ముచ్చట తల్లిదండ్రులు బాగినాలే.. అయ్యో ఎంతపనైపాయెరా..? పార్టీ మారినోడు మంచిగనే ఉన్నడు..గీ గరం గరం ముచ్చట్ల కోసం వీడియో క్లిక్ చేయండి. 

Pages

Don't Miss

Subscribe to RSS - మల్లన్న ముచ్చట్లు