మహిళ

18:18 - June 16, 2018

రంగారెడ్డి : జిల్లా షాద్‌నగర్‌లో విజయ ఆస్పత్రి ఎదుట పలువురు ఆందోళనకు దిగారు. హరిత అనే మహిళ మృతి చెందడంతో.. మృతురాలి బంధువులు ఆందోళన చేపట్టారు. ఏడు నెలల క్రితం హరిత విజయ ఆస్పత్రిలో ప్రసవించింది. ఆపరేషన్‌ సమయంలో హరిత కడుపులో వైద్యులు కాటన్‌ మరిచిపోయారని బంధువులు ఆరోపిస్తున్నారు. కడుపులో కాటన్‌ మరిచిపోవడంతో హరితకు ఇన్ఫెక్షన్‌ సోకింది. ఉస్మానియా ఆస్పత్రిలో చికిత్స పొందుతూ ఆమె మృతి చెందింది. దీంతో ఆగ్రహంచిన బంధువులు.. విజయ ఆస్పత్రి ఎదుట ఆందోళనకు దిగారు. డాక్టర్‌ను అరెస్ట్‌ చేయాలని డిమాండ్‌ చేస్తున్నారు. 

19:11 - June 9, 2018

చెన్నై : దుబాయ్‌ నుండి చెన్నైకు బంగారం స్మగ్లింగ్‌ చేస్తున్న మహిళను పోలీసులు అరెస్ట్‌ చేశారు. కర్నాటకలోని చిక్కమంగలూరుకు చెందిన పద్మ అనే మహిళను విమానాశ్రయ పోలీసులు అదుపులోకి తీసుకున్నారు. మహిళ వద్ద నుండి 4 కోట్ల విలువ చేసే 13 కిలోల బంగారు చైన్లు స్వాధీనం చేసుకున్నారు.

 

13:55 - June 3, 2018

చిత్తూరు : జిల్లా మర్రిగుంటలో దారుణం జరిగింది. మహిళతో పాటు ఆమె కుమారున్ని ఓ వ్యక్తి హత్య చేసి అనంతరం ఆత్మహత్య చేసుకున్నాడు. వనిత అనే మహిళతో పాటు ఆమె ఆరేళ్ల కుమారున్ని భరత్ కుమార్ అనే వ్యక్తి కత్తులతో నరికి చంపాడు. అనంతరం ఘటనాస్థలిలోనే భరత్ కుమార్ ఉరేసుకుని ఆత్మహత్యకు చేసుకున్నాడు. వివాహేతర సంబంధమే కారమణి పోలీసులు అనుమానిస్తున్నారు. 

 

10:39 - June 1, 2018

ఖమ్మం : ఖమ్మం కార్పొరేషన్ కు కార్పొరేటర్లు కళంకంగా మారారు. ఖమ్మం కార్పొరేషన్ అధికార పార్టీ కార్పొరేట్ పై లైంగిక వేధింపుల కేసు నమోదు అయింది. 49 డివిజన్ కార్పొరేటర్ జంగం భాస్కర్ లైంగిక వేధింపులకు పాల్పడుతున్నాడని మహిళ ఫిర్యాదు చేసింది. రెండేళ్లుగా తనపై లైంగిక వేధింపులకు పాల్పడుతున్నాడని మహిళ ఫిర్యాదులో పేర్కొంది. ఖమ్మం కార్పొరేటర్ల తీరుపై నగర ప్రజలు ఆగ్రహం వ్యక్తం చేస్తున్నారు. 

 

11:33 - May 24, 2018

గుంటూరు : సోషల్ మీడియా వదంతులతో తెలుగు రాష్ట్రాల్లో హత్యలు జరుగుతున్నాయి. అనుమానం వచ్చిన వారిని చితకబాది చంపేస్తుండడం కలకలం సృష్టిస్తోంది. దీనిపై పోలీసులు పలు హెచ్చరికలు జారీ చేసినా పరిస్థితిలో మార్పు రావడం లేదు. తాజాగా రేపల్లె రైల్వే స్టేషన్ లో ఓ మహిళపై యువకులు దాడి చేయడం సంచలనం సృష్టిస్తోంది. ఈ మహిళకు మతిస్థిమితం లేనట్టుగా తెలుస్తోంది. రేపల్లే రైల్వే స్టేషన్ లో జీన్స్ ప్యాంట్ ధరించిన ఈ మహిళ పిల్లలను ఎతుకెళ్లే అవకాశం ఉందని భావించిన యువకులు కర్రలతో విచాక్షణారహితంగా దాడి చేశారు. తీవ్రంగా గాయపడిన మహిళ సృహ కోల్పోయింది. స్థానికులు అందించిన సమాచారంతో ఆమెను ఒంగోలు ఆసుపత్రికి తరలించి చికిత్స అందించారు. ఆరోగ్యం విషమించడంతో గుంటూరు ప్రభుత్వాసుపత్రికి తరలించారు. 

19:17 - May 14, 2018

కరీంనగర్‌ : రాంపూర్‌లోని జయశంకర్‌ కాలనీలో ఓ మహిళకు దేహశుద్ధి చేశారు. వివాహేతర సంబంధం నేపథ్యంలో మహిళను తాళ్లతో కట్టేసి చితకబాదారు. కోటేశ్వరరావు అనే వ్యక్తి మరో మహిళతో వివాహేతర సంబంధం కొనసాగిస్తూ కుటుంబాన్ని పట్టించుకోకపోవడంతో ఆగ్రహించిన బంధువులు.. కోటేశ్వరరావు ఆ మహిళతో ఉండగా రెడ్‌హ్యాండ్‌గా పట్టుకుని చితకబాదారు. అయితే... బంధువులు రావడంతో కోటేశ్వరరావు అక్కడినుంచి ఉడాయించాడు. 

08:58 - May 5, 2018

గుంటూరు : పట్టణంలోని ఒమెగా హాస్పిటల్‌ అండాశయ క్యాన్సర్‌తో బాధపడుతున్న మహిళకు అరుదైన ఆపరేషన్‌ చేశారు. గుంటూరుకు చెందిన మహిళకు అండాశయ క్యాన్సర్‌ సోకడంతో.. రెండుసార్లు కీమోథెరపీతో పాటు ఆపరేషన్‌ చేయించుకుంది. అయినా మళ్లీ వ్యాధి తిరగబెట్టడంతో.. ఒమెగా హాస్పటిల్‌ సర్జికల్‌ అంకాలజిస్ట్‌ డాక్టర్‌ నాగకిశోర్‌ ఆధ్వర్యంలో వైద్యపరీక్షలు చేసి.. ఆపరేషన్‌ చేశారు. అమెరికా నుండి తెప్పించిన బెల్మెంతో కంపెనీకి చెందిన పరికరాలతో సర్జరీ విజయవంతంగా చేశామని.. అత్యంత వైద్య విధాన పరికరాలతోనే సర్జరీ సాధ్యమైందన్నారు. క్యాన్సర్‌ చికిత్సలో అత్యాధునికి వైద్య విధానాలు అందించడంలో ఒమెగా హాస్పిటల్‌ ముందుంటుందని నాగకిశోర్‌ అన్నారు. 

11:34 - May 4, 2018

విశాఖ : నగరంలోని నరవా ప్రాంతంలో దారుణం చోటుచేసుకుంది. గుర్తు తెలియని మహిళ దారుణ హత్యకు గురైంది.  మహిళ మృతదేహాన్ని దుండగులు కాల్చి వేశారు. సగం కాలిన మృతదేహాన్ని గుర్తించిన స్థానికులు పోలీసులకు సమాచారం అందించారు. దీంతో పోలీసులు మృతదేహాన్ని స్వాధీనం చేసుకుని మార్చురీకి తరలించారు. 

10:37 - May 4, 2018

విశాఖ : నగరంలోని నరవా ప్రాంతంలో దారుణం చోటుచేసుకుంది. గుర్తు తెలియని మహిళ దారుణ హత్యకు గురైంది.  మహిళ మృతదేహాన్ని దుండగులు కాల్చి వేశారు. సగం కాలిన మృతదేహాన్ని గుర్తించిన స్థానికులు పోలీసులకు సమాచారం అందించారు. దీంతో పోలీసులు మృతదేహాన్ని స్వాధీనం చేసుకుని మార్చురీకి తరలించారు.

 

11:44 - April 3, 2018

హైదరాబాద్‌ : ఎస్‌ఆర్‌నగర్‌ పీఎస్‌ పరిధిలోని నందనగర్‌లో సౌమ్య అనే వివాహిత అనుమానాస్పద స్థితిలో మృతి చెందింది. సౌమ్య మృతిపై కుటుంబ సభ్యులు అనుమానం వ్యక్తం చేస్తున్నారు. అర్ధరాత్రి భర్త ఇంట్లో లేని సమయంలో ఈ ఘటన చోటు చేసుకుంది. మరోవైపు ఇంటి బయటవైపు తలుపు గడియపెట్టి ఉండడంతో ఈ అనుమానాలకు మరింత బలం చేకూరుతుంది. స్థానికుల సమాచారం మేరకు ఘటనాస్థలికి చేరుకున్న పోలీసులు... ఇంట్లో రక్తపు మరకలు, కెమికల్‌ పదార్థాలు గుర్తించారు. 

Pages

Don't Miss

Subscribe to RSS - మహిళ