మహిళలు

16:50 - August 15, 2018

మహిళలకు సంబంధించి ఎన్ని చట్టాలున్నాయి ? మహిళలకు సంబంధించి అనేక చట్టాలున్నాయి. మహిళలకు ఉన్న చట్టాలను పలు రకాలుగా వర్గీకరించారు. ఇదే అంశంపై నిర్వహించిన మానవి మైరైట్ కార్యక్రమంలో లాయర్ పార్వతి పాల్గొని, మాట్లాడారు. ఆ వివరాలను ఆమె మాటల్లోనే..
నాటి కాలం నుంచి మన సమాజంలో అనేక సాంఘీక దురాచారాలు ఉన్నాయి. సతీసహాగమనం, కన్యాశుల్కం, వరకట్నం వంటి సాంఘీక దురాచారాలు ఉన్నాయి. మహిళలకు అనేక చట్టాలు ఉన్నాయి. సాంఘీక దురాచారాల నుంచి మహిళలను కాపాడేందుకు, మహిళ రక్షణ... భద్రత కోసం చట్టాలు ఉన్నాయి. మొదటగా 1929 లో బాల్య వివాహ నిరోధక చట్టం వచ్చింది. 1937 లో హిందూ మహిళలకు ఆస్తి హక్కు చట్టం వచ్చింది. 1956 లో సవరణలతో కూడిన మహిళలకు ఆస్తి హక్కు చట్టం వచ్చింది. 1961లో వరకట్నం నిషేధ చట్టం వచ్చింది. 2006 లో సవరణలతో కూడిన బాల్య వివాహాల చట్టం వచ్చింది. మహిళలపై అత్యాచారాలు...లైంగిక వేధింపులు పెరిగిపోతున్నాయి. అత్యాచారాలు, లైంగిక వేధింపుల నిరోధానికి నిర్భయ చట్టం వచ్చింది. ఆమె తెలిపిన మరిన్ని వివరాలను వీడియోలో చూద్దాం... 

17:22 - August 13, 2018

హైదరాబాద్ : ప్రధాన మంత్రి నరేంద్ర మోడీ, తెలంగాణ రాష్ట్ర ముఖ్యమంత్రి కేసీఆర్ లు ఇచ్చిన హామీలు ఏమయ్యాయని ఏఐసీసీ కాంగ్రెస్ అధ్యక్షుడు రాహుల్ ప్రశ్నించారు. శంషాబాద్ లోని క్లాసిక్ కన్వెన్షన్ సెంటర్ లో డ్వాక్రా సంఘాలతో నిర్వహించిన సమావేశంలో రాహుల్ పాల్గొని ప్రసంగించారు.మహిళా సంఘాల గ్రూపులకు బ్యాంకులు లోన్లు మంజూరు చేస్తుందని...సరిగ్గా రుణాలు అందిస్తే వ్యాపారం..ఉద్యోగాలు చేసే అవకాశం ఉందన్నారు. తెలంగాణ రాష్ట్రం, ఎన్డీయే సర్కార్...బ్యాంకుల్లో ఉన్న డబ్బులు పెద్ద పెద్ద పారిశ్రామిక వేత్తలకు మాత్రమే లోన్లు మాత్రమే ఇవ్వడానికి అనుమతినిస్తోందన్నారు.

చిన్న వ్యాపారులు, రైతులు, మహిళా సంఘాలు రుణాలు కావాలని కోరితే వీరికి రుణాలు ఇవ్వద్దని చెబుతోందన్నారు. కాంగ్రెస్ ప్రభుత్వం అధికారంలోకి వచ్చిన తరువాత బ్యాంకు రుణాలు అందించేందుకు కృషి చేస్తామని, నేరుగా అకౌంట్ లో డబ్బులు జమ చేస్తామన్నారు. రైతులకు మద్దతు ధర ఎక్కువ చేస్తామని ఇటీవలే ప్రధాన మంత్రి నరేంద్ర మోడీ చెప్పారని, దేశం మొత్తంలో రూ. 10వేల కోట్ల రూపాయలు పెంచబోతున్నట్లు వెల్లడించారు. ఈ విషయాన్ని ఆయా పర్యటనల్లో మోడీ వెల్లడించారన్నారు. కర్నాటక రాష్ట్రంలో కాంగ్రెస్ పార్టీ రూ. 30వేల కోట్ల రూపాయల రుణం మాఫీ చేసిందని, మోడీ చెప్పిన దానికంటే మూడొంతుల అధికంగా ఒక్క రాష్ట్రంలోనే కాంగ్రెస్ చేసిందని తెలిపారు.

నవంబర్ 8వ తేదీన నోట్ల రద్దు చేసిందని..ఈ విషయం అందరికీ తెలిసిందేన్నారు. బ్యాంకుల్లో ఎంతో మంది క్యూ లైన్ లో వేచి ఉన్నారని..ఈ క్యూ లైన్ లో ఒక్క ధనవంతుడు నిలబడ్డాడా ? అని నిలదీశారు. వారి దగ్గర డబ్బులు లేవా ? వారు ఎందుకు క్యూ లైన్ లో ఎందుకు నిలబడలేదు ?..క్యూ లైన్ లో పేద వారు మాత్రమే ఎందుకు నిలబడ్డారని ప్రశ్నించారు. దేశం మొత్తం మీద ఉన్న అవినీతి వ్యక్తులు బ్యాంకుల వెనుక ద్వారం నుండి వెళ్లి మొత్తం డబ్బులు వేశారని తెలిపారు. బ్యాంకుల్లో 12 లక్షల కోట్ల రూపాయలు నాన్ ఫెర్మామింగ్ ఉన్నాయన్నారు. నల్లధనం మీద పోరాటం చేస్తామన్న మోడీ..ప్రజల జేబుల్లో ఉన్న డబ్బులు తీసుకుని బ్యాంకుల్లో వేయించారరని..ఈ డబ్బులను అధిక ధనవంతులు..పారిశ్రామిక వేత్తలకు అందిస్తున్నారని పేర్కొన్నారు. రుణాలు మాఫీ చేయాలని మహిళా సంఘాలు కోరుతుంటే...ప్రధాన మంత్రి మోడీ..కేసీఆర్ లు సాధ్యం కాదని చెబుతున్నారని పేర్కొన్నారు. 

09:25 - August 5, 2018
12:26 - August 2, 2018

విజయవాడ : తాను చినప్పటి నుండి తన కుటుంబసభ్యులతో మెలగడం జరిగిందని, అందువల్ల మహిళల బాధల తెలుసని సినీ నటుడు, జనసేన అధినేత పవన్ కళ్యాణ్ పేర్కొన్నారు. భూ సేకరణ చట్ట పరిరక్షణ సదస్సులో ఆయన పాల్గొని ప్రసంగించారు. మహిళలకు కనీస భద్రత ఇవ్వాలని...బయటకు వెళితే భద్రత ఉందా అని ప్రశ్నించారు. చిన్న తనంలో తల్లులు ఇంటిని ఎలా నడిపారో తెలిసేదని..మహిళల్లో నిగూఢమైన శక్తి ఉందని..మహిళలను ఇబ్బంది పెట్టకుండా ఉంటే అన్నీ సవ్యంగా జరుగుతాయన్నారు. 

15:21 - July 20, 2018

ఢిల్లీ : దేశంలో మోడీ హయాంలో మహిళలకు రక్షణ కరువైందని కాంగ్రెస్ జాతీయ అధ్యక్షులు రాహుల్ గాంధీ విమర్శించారు. హిందూస్తాన్ మహిళలకు రక్షణ లేదని ఎకనామిక్ టైమ్స్ లో ఆర్టికల్ వచ్చిందన్నారు. వాయిదా అనంతరం లోక్ సభ ప్రారంభం అయింది. రాహెల్ ఆరోపణలతో సభలో గందరగోళం నెలకొంది. ఈ సందర్భంగా రాహుల్ మాట్లాడుతూ యుద్ధ విమానాల కొనుగోలులో అక్రమాలు జరిగాయని ఆరోపించారు. మోడీ ఒత్తిడితో మంత్రి నిర్మలా సీతారామన్ దేశ ప్రజలకు తప్పుడు సమాచారం ఇచ్చారని పేర్కొన్నారు. ప్రపంచమంతా పెట్రోల్ ధరలు తగ్గుతుంటే.. మన దగ్గర పైపైకి పోతున్నాయన్నారు. 
మోడీ హృదయంలో రైతులు, పేదలకు స్థానం లేదు.. 
మోడీ హృదయంలో రైతులు, పేదలకు స్థానం లేదని చెప్పారు. పారిశ్రామిక వేత్తలకు మోడీ రెండున్నర లక్షల కోట్ల రుణాలను మాఫీ చేశారని చెప్పారు. రూ.2.5 లక్షల కోట్ల బ్యాంకు రుణాలు మాఫీ చేయించారని తెలిపారు. కానీ రైతుల రుణమాఫీని మాత్రం ప్రధాని పట్టించుకోరని విమర్శించారు. మోదీ ప్రభుత్వం కేవలం కార్పొరేట్ల కోసమే పని చేస్తోందని విమర్శించారు. ఏ ఎజెండా లేకుండా చైనాలో మోడీ రహస్యంగా పర్యటించడం వెనుక మతలబు ఏంటీ ? ప్రధాని మోదీ చైనా అధ్యక్షుడితో పచార్లు చేస్తుంటే..1000 మంది చైనా సైనికులు భారత భూభాగంలోకి చొచ్చుకొచ్చారని తెలిపారు. చైనా అధ్యక్షుడు వెళ్లిపోగానే డోక్లాంలో చైనా సైనికులు తిష్ట వేస్తారని చెప్పారు. నిజాలను విని భయపడకండి అని అన్నారు. కాంగ్రెస్ పార్టీ జీఎస్టీ తెస్తే బీజేపీ వ్యతిరేకించిందని గుర్తు తెచ్చారు. పెట్రోల్, డీజిల్ ధరలను జీఎస్టీ పరిధిలోకి తేవాలన్నారు. 

 

21:49 - July 18, 2018

ఢిల్లీ : కేరళలోని శబరిమలై అయ్యప్పస్వామి ఆలయంలోకి మహిళల ప్రవేశంపై ఉన్న నిషేధంపై సుప్రీంకోర్టులో వాదనలు జరిగాయి. ఆలయం ప్రయివేట్‌ ఆస్తి కాదు...అందరికి సంబంధించినదని కోర్టు స్పష్టం చేసింది.  స్త్రీ, పురుష భేదం దేవుడికే లేనపుడు భూమిపై ఈ భేదాలు ఎందుకని  కోర్టు ప్రశ్నించింది. ఏ ఆధారంతో ఆలయంలోకి మహిళల ప్రవేశాన్ని నిషేధిస్తున్నారని చీఫ్‌ జస్టిస్ దీపక్‌ మిశ్రా ఆలయ అధికారులను ప్రశ్నించారు. ఇది రాజ్యాంగం కల్పించిన ప్రాథమిక హక్కులకు భంగకరమని పేర్కొన్నారు. ఒకసారి ఆలయాన్ని భక్తుల కోసం తెరిచాక ఆ ఆలయానికి ఎవరైనా వెళ్లవచ్చని ప్రధాన న్యాయమూర్తి అభిప్రాయపడ్డారు. ఓ పురుషుడికి ఆలయంలో పూజించే హక్కు ఎంత ఉందో మహిళకు కూడా అంతే ఉంటుందని...మహిళలను ఆలయంలోకి ప్రవేశించకుండా అడ్డుకోవడం సరికాదని జస్టిస్‌ చంద్రచూడ్‌ అన్నారు. 10 నుంచి 50 ఏళ్ల లోపు మహిళలకు ఆలయ ప్రవేశాన్ని నిరాకరించడంపై సుప్రీంకోర్టు విచారణ జరిపింది.

 

18:28 - July 18, 2018

ఢిల్లీ : శబరిమల ఆలయంలోకి మహిళలకు అనుమతిస్తూ సుప్రీం కోర్టు కీలక తీర్పునిచ్చింది. గతంలో 10 నుంచి 50 ఏళ్ల మధ్య వయస్సు స్త్రీలను ఆలయంలోకి అనుమతి నిరాకరించేవారు. అయితే దీనిపై వాదనలు విన్న సుప్రీం కోర్టు .. ఆలయంలోకి ఎవరైనా వెళ్లవచ్చని తీర్పు నిచ్చింది. 

 

19:32 - July 16, 2018

ఉత్తర్ ప్రదేశ్ : ముస్లింలలో పురుషుల పార్టీ కాంగ్రెస్ అని ప్రధాన మంత్రి నరేంద్ర మోడీ వ్యాఖ్యానించారు. ముస్లిం పార్టీగా చెప్పుకొనే కాంగ్రెస్ ముస్లిం మహిళల పట్ల వివక్షత చూపుతోందని ఆరోపించారు. ట్రిపుల్ తలాక్ పేరిట మోడీని అడ్డుకుంటున్న విపక్షాలు ముస్లిం మహిళలతో మాట్లాడి పార్లమెంట్ లో తమ వైఖరిని తెలియచేయాలన్నారు. ఉత్తర్ ప్రదేశ్ ఆజంగఢ్ లో పూర్వాంచల్ ఎక్స్ ప్రెస్ వేకు ఆయన శంకుస్థాపన చేశారు. రూ. 23వేల కోట్లతో ఎక్స్ ప్రెస్ నిర్మితం కానుంది.

 

16:27 - July 1, 2018

హైదరాబాద్ : మహిళలకు డ్యాన్స్‌ ద్వారా ఫిట్‌నెస్‌ ట్రైనింగ్‌ ఇస్తున్నారు ఎరోక్‌ డ్యాన్స్‌ ఫిట్‌ సంస్థ నిర్వాహకులు. హైదరాబాద్‌లోని కుత్బుల్లాపూర్‌ సర్కిల్‌లోని ఓ ఫంక్షన్‌ హాల్‌లో 10 రోజులుగా ఫిట్‌ నెస్‌ ట్రైనింగ్‌ ఇస్తున్నారు. డ్యాన్స్‌ ద్వారా మహిళలు ఫిట్‌నెస్‌ అవుతారనే ఉద్దేశ్యంతో ఈ ట్రైనింగ్‌ ఇస్తున్నామని ఎరోక్‌ డ్యాన్స్‌ ఫిట్‌ సంస్థ నిర్వాహకులు అన్నారు. ట్రైనింగ్‌ పూర్తి అయిన మహిళలతో ఈ రోజు ఫిట్‌ నెస్‌ పోగ్రామ్‌ నిర్వహించినట్లు నిర్వాహకులు తెలిపారు.

16:59 - June 28, 2018

ఢిల్లీ : స్త్రీ సాధికారత కోసం ఎన్నో చేస్తామని పాలకులు, నేతలు ఎప్పటికప్పుడు గప్పాలు పలుకుతుంటారు. కానీ స్త్రీ సాధికారత కోసం స్త్రీలు పోరాటాలతోనే సాధించుకుంటున్నారు. కానీ రక్షణ విషయంలో మాత్రం భారత సమాజం మహిళలపై హింస కొనసాగుతునే వుంది. రోజు రోజుకీ చులకన భావం,హింస,అణచివేత, ఆంక్షలు పెరుగుతున్నాయి.

భారత మహిళల కన్నీటి వెతలకు అంతం లేదా?
భారతదేశంలో చాలామంది మహిళలను కదిలిస్తే వారి కన్నీటిగాధలు, వెతలు, వేదనలు ఎన్నో, ఎన్నెన్నో. కటుంబం కోసం, బిడ్డల భవిష్యత్తు కోసం అహోరాత్రులు కష్టపడే మహిళల స్థితిగతులు భారత్ లో వున్న పరిస్థితులు తవ్వినకొద్దీ వెలుగులోకి వస్తున్న హింసా భారతాలు లెక్కలేనన్నిగా వుంటాయి. ఉబికి వస్తున్న కన్నీంటి సముద్రాలను కనురెప్ప దాటనీయకుండా లోలోపలే అణిచివేసుకుంటు ముందుకు సాగేందుకు మహిళలు పోరాడుతునే వున్నారు. తమ శక్తిని, యుక్తిని నిరూపించుకుంటు, హింసలను తట్టుకుంటు..అవమానాలను అనుభవాలుగా తీర్చిదిద్దుకుంటు సాధికారత కోసం కొట్లాడుతున్నారు. తమతో తామే ధైర్యాన్ని కూడగట్టుకుని ఎదరవుతున్న పరిస్థితులను తట్టుకుని జారిపోతున్న గుండె ధైర్యాన్ని ఆత్మస్థైర్యంగా చేసుకుని ఆత్మవిశ్వాసన ఆయుధంతో హింసా భారతంలో తమ శక్తి యుక్తులకు పదును పెట్టుకుంటు..నిరూపించుకుంటు ముందుకు విజయదరహాసంతో సాగిపోతున్న మహిళా శక్తికి ఈ భారతదేశం ఏమిచ్చినా రుణం తీర్చుకోలేదు.
థామన్స్ రాయిటర్స్ ఫౌండేషన్ నిర్వహించిన ఓ సర్వే..
భారతదేశంలో ప్రస్తుతం మహిళల రక్షణ అంశం తీవ్ర భయాందోళనను రేకిత్తిస్తుంది. థామన్స్ రాయిటర్స్ ఫౌండేషన్ నిర్వహించిన ఓ సర్వేలో మహిళా రక్షణ విషయంలో ప్రపంచంలోనే అత్యంత భయంకరమైన దేశంగా భారత్ మొదటిస్థానంలో నిలిచింది. ప్రభుత్వ లెక్కల ప్రకారమే 2007-2016 మధ్య కాలంలో దేశంలో మహిళలపై హింస 80 శాతం పెరిగింది. కానీ అనధికారిక లెక్కలు చూస్తే ఆశ్చర్యపోవాల్సిందే. ఇక ఫిర్యాదు చేసేందుకు కూడా బైటకు రాని హింసలకు లెక్కేలేదు. ఇంచుమించు ప్రతి ఐదుగురు మహిళల్లో ఇద్దరు హింసల బారిన పడుతునే వున్నారు. అది కుటుంబ హింస కావచ్చు. సామాజిక హింస కావచ్చు. అది మానసికంగా కావచ్చు. శారీరకంగా కావచ్చు. హింస అనేది మాత్రం మహిళ జీవితంలో ఒక భాగంగా మారిపోయింది.

మహిళకు రక్షణ లేని దేశరాజధాని ఢిల్లీ
ఢిల్లీలోని ఓ యువతి ముఖానికి స్కార్ప్, మొబైల్ ఫోన్‌లో సేఫ్టీ యాప్స్, హ్యాండ్ బ్యాగులో పెప్పర్ స్ప్రే ఇవి లేనిదే ఇంటి నుంచి బయటకు అడుగుపెట్టదు. ఇటువంటి ఎంతోమంది విద్యార్థినుల, యువతుల, మహిళల దుస్థితి నేడు దేశ రాజధాని నగరం ఢిల్లీలో. దేశం మొత్తం మీద ఇంచుమించుగా ఇటువంటి స్థితిగతులే నెలకొన్నాయి. ఇది అత్యంత సిగ్గుపడాల్సిన పరిస్థితి.
గంటకు మహిళలపై 40 నేరాలు..
అధికారిక లెక్కల ప్రకారం దేశంలో మహిళలపై హింస వివిధ రూపాల్లో ప్రతి గంటకు 40 నేరాలు నమోదు అవుతున్నాయి. వీధుల్లో నడిచేటప్పుడు, బస్సుల్లో, మెట్రోల్లో ప్రయాణించేటప్పుడు ఎదుర్కొనే లైంగిక వేధింపులను తట్టుకుని ఆఫీసులకు చేరుకుంటే అక్కడా సహ ఉద్యోగులతోనూ, బాస్‌లతోనూ ఇదే పరిస్థితులను ఎదుర్కొంటున్నట్లు మార్కెటింగ్ ప్రొఫెషనల్‌గా పనిచేసే జోహ్రీ అనే 28 సంవత్సరాల మహిళ తన ఎదుర్కొన్న భయంకర అనుభవాలను పంచుకుంది. వీటన్నింటితో విసిగి వేసారి తట్టుకోలేక చివరికి ఆమె ఉద్యోగం మానేసింది.

యుద్ధదేశాల్లో దిగజారిన స్థితిగతులు..
యుద్ధాలతో చితికిపోయిన దేశాల్లో మహిళల పరిస్థితి దయనీయంగా మారింది. ప్రపంచంలోనే మహిళలకు అపాయకరమైన దేశంగా రెండవస్థానంలో ఆప్ఘనిస్థాన్ నిలిచింది. ఏడేండ్లుగా అంతర్యుద్ధంలో నలుగుతున్న సిరియా కూడా ఈ జాబితాలో మూడోదేశంగా నిలిచింది. ఇక రెండు దశాబ్దాలుగా యుద్ధానికి ఛిన్నాభిన్నమైన సోమాలియా మహిళలకు సురక్షితంకాని దేశాల జాబితాలో నాలుగో స్థానంలో నిలిచింది. ఐదో స్థానంలో నిలిచిన సౌదీ అరేబియాలో ఇటీవలికాలంలో మంచి పురోగామిచర్యలు కనిపిస్తున్నాయి.

టాప్ 10లో కొన్ని దేశాలు..
యెమెన్, నైజీరియా, పాకిస్థాన్ దేశాలు కూడా టాప్-10 జాబితాలో ఉన్నాయి. మహిళలకు సురక్షితం కాని టాప్-10 దేశాల జాబితాలో అగ్రరాజ్యం అమెరికా కూడా ఉంది.మీటూ ఉద్యమం కారణంగా మహిళలు స్వచ్ఛందంగా తమపై జరిగిన లైంగిక వేధింపులను వెల్లడించడంతో అమెరికా ఈ జాబితాలో చేరినట్లు నిపుణులు చెబుతున్నారు.

బయటకు వెళ్లాలంటేనే భయమేస్తోంది..
ఇంటినుంచి బయటకు అడుగుపెట్టాలంటేనే భయపడే పరిస్థితి నెలకొందని ఢిల్లీకి చెందిన కనిక జోహ్రా చెప్పారు. అత్యాచారాల రాజధానిగా మారిన ఢిల్లీలో.. ముఖానికి స్కార్ఫ్, బ్యాగులో పెప్పర్ స్ప్రే, మొబైల్‌లో సేఫ్టీ యాప్స్‌తో ఇంటినుంచి బయల్దేరుతుంది. సగటున ప్రతీ గంటకు మహిళలపై 40 నేరాలు రికార్డవుతున్న దేశంలో ఇవన్నీ తప్పనిసరి అంటున్నారు 28 ఏండ్ల జోహ్రి. మార్కెటింగ్ ఉద్యోగిగా పనిచేసే ఆమె సర్వే నిర్వహించిన థామ్సన్ రాయిటర్స్ ఫౌండేషన్‌తో తన అనుభవాలను, ఆవేదనను పంచుకున్నారు. మీరు సిటీ బస్సులో వెళ్తుంటే ఎవరో వెనకనుంచి తోస్తారు. పక్కనుంచి మరొకరు పైపైకి వస్తారు. మీరేమైనా అంటే, అక్కడున్నవారంతా మిమ్మల్నే దోషిగా చూస్తారు. అకస్మాత్తుగా ఓ చేయి మీ భుజం మీదో, తొడమీదో పడుతుంది. ఏడేండ్లలో అలా కన్నీళ్లు కార్చిన రోజులెన్నో ఉన్నాయి అని ఆమె తెలిపారు.
హింసలేని మహిళా భారతం కోసం..
ప్రపంచ దేశాలలో భారత మహిళలు ఎగురవేస్తున్న విజయబావుటాలను చూసైనా ఈ భారతం మహిళలపై వున్న దృక్పథాన్ని మార్చుకోవాల్సిన అవుసరం వుంది. ఆరోజులు త్వరలో రావాలని కోరుకుందాం..భారతదేశం అంటే మహిళలపై హింస సాగిస్తున్న భారతం అనే మాటను తుడిపెట్టి మహిళా విజయభారతి అని చాటిచెప్పే నవయుగ భారతం రావాలని కోరుకుందాం!!

Pages

Don't Miss

Subscribe to RSS - మహిళలు