మహేందర్ రెడ్డి

13:42 - June 8, 2018

హైదరాబాద్ : ఆర్టీసీ కార్మికులతో ప్రభుత్వం జరిపిన చర్చలు ముగిశాయి. ఈ సందర్భంగా టీఎంయూ అధ్యక్షులు అశ్వత్థామ మాట్లాడుతు..ఆర్టీసీ సంస్థను అధికారులకు, బోర్డు మెంబర్లకు అప్పగిస్తే నాలుగేళ్లలో లాభాల బాట పట్టిస్తాం’ అని టీఎస్ ఆర్టీసీ టీఎంయూ నేత అశ్వత్థామరెడ్డి పేర్కొన్నారు. 11నుంచి జరిగే సమ్మెను వాయిదా వేయాలని రవాణా మంత్రి కోరారనీ..రాష్ట్ర కమిటీ సమావేశమై నిర్ణయం ప్రకటిస్తామని అశ్వత్థామ స్పష్టం చేశారు. ఆర్టీసీ నష్టాల్లో నడిచే సంస్థ కాదనీ..ఆ రకంగా చెప్పాలంటే లాభనష్టాలకు వ్యతిరేకంగా ఆర్టీసీని నడిపించాలని అశ్వత్థామ డిమాంబడ్ చేశారు. మాఈ సమ్మె చివరి సమ్మె కావాలని, అన్ని సమస్యలు ఈ సమ్మెతోనే పరిష్కారం కావాలనే ఉద్దేశ్యంతోనే ఈ సమ్మె ప్రారంభించామని అశ్వత్థామ స్పష్టంచేశారు.

ప్రభుత్వంతో ముగిసిన ఆర్టీసీ కార్మికుల చర్చలు..
ఆర్టీసీ కార్మికులతో ప్రభుత్వం జరిపిన చర్చలు ముగిశాయి. రవాణ మంత్రి మహేందర్‌రెడ్డి సమక్షంలో జరిగిన ఈ చర్చల్లో ఆర్టీసీ కార్మిక సంఘాల నాయకులతో సంస్థ చైర్మన్‌ సత్యనారాయణ, ఎండీ రమణారావు, రవాణ శాఖ ముఖ్యకార్యదర్శి సునీల్‌ శర్మ తదితరులు పాల్గొన్నారు. వేతన సవరణను అమలు చేయడంతోపాటు 19 డిమాండ్లను ఆమోదించాలని కోరుతూ టీఎంయూ సమ్మె నోటీసు ఇచ్చింది. తమ డిమాండ్లను ఆమోదించకపోతే ఈనెల 11 నుంచి సమ్మె చేస్తామని హెచ్చరించాయి. సమ్మె నిర్ణయాన్ని వాయిదా వేసుకోవాలని ప్రభుత్వం కోరింది. దీనికి కార్మిక సంఘాలు ఒప్పుకోలేదు. అందర్నితో చర్చించి తమ నిర్ణయాన్ని ప్రకటిస్తామని చెప్పి చర్చల నుంచి బయటకు వచ్చాయి. 

10:32 - June 8, 2018

హైదరాబాద్ : ఆర్టీసీ కార్మికులు ఇచ్చిన గడువు ముంచుకొస్తోంది. ఈనెల 11వ తేదీ నుండి సమ్మెలోకి వెళుతున్నట్లు గుర్తింపు సంఘం టీఎంయూ, ఇతర సంఘాల నేతలు సమ్మె నోటీసులు ఇచ్చిన సంగతి తెలిసిందే. కానీ ఆర్టీసీలో సమ్మె నిషేధం ఉందని...ఆర్టీసీ తీవ్ర నష్టాల్లోకి వెళుతుందని ప్రభుత్వం, యాజమాన్యం పేర్కొంటోంది. తాజాగా సీఎం కేసీఆర్ సమ్మెపై హెచ్చరికలతో కూడిన వ్యాఖ్యలు చేశారు. సమ్మె నిర్ణయాన్ని ఉపసంహరించుకోవాలని, లేకపోతే ఆర్టీసీని మూసివేస్తామని హెచ్చరికలపై కార్మిక సంఘాలు తీవ్ర ఆగ్రహాన్ని వ్యక్తం చేస్తున్నాయి. ఇదిలా ఉంటే కార్మికుల సంఘాలతో రవాణ మంత్రి మహేందర్ రెడ్డి భేటీ కానున్నారు. కానీ సీఎం కేసీఆర్ హెచ్చరికల నేపథ్యంలో సమావేశానికి హాజరు కాబోబమని సంఘాలు ప్రకటించాయి. దీనితో మహేందర్ రెడ్డి కార్యాలయం నుండి ఆహ్వానాలు అందాయి. సమావేశానికి హాజరు కావాలని..చర్చించకుందామని చెప్పడంతో పలు కార్మిక సంఘాల నేతలు సచివాలయానికి చేరుకున్నారు. సమ్మె అనేది కార్మికుడి హక్కు అని, తమ న్యాయమైన డిమాండ్ల సాధన కోసమే సమ్మెలోకి వెళుతున్నట్లు కార్మిక సంఘాలు వెల్లడిస్తున్నాయి. వేతన సవరణ సంఘం అమలు చేయాలని కోరుతూ కార్మిక సంఘాలు డిమాండ్ చేస్తున్న సంగతి తెలిసిందే. 

18:45 - December 26, 2017

భద్రాద్రి కొత్తగూడెం : తెలంగాణ రాష్ట్ర డీజీపీ మహేందర్ రెడ్డి... కొత్తగూడెం ఆకస్మికంగా పర్యటించారు. ఎస్ ఐబీ చీఫ్ సజ్జనార్‌తో కలిసి.. హెలికాఫ్టర్‌లో కొత్తగూడెం చేరుకున్నారు. జిల్లా ఎస్పీ కార్యాలయంలో.. పోలీస్ ఉన్నతాధికారులతో సమీక్ష నిర్వహించారు. జిల్లాలో నిర్మిస్తున్న ఎస్పీ కార్యాలయం, మౌలిక వసతులు, మావోయిస్టుల కార్యాకలాపాలపై రివ్యూ సాగింది. 

 

17:28 - December 4, 2017

మేడ్చల్ : జిల్లా.. శామీర్‌పేట్‌ మండలం ..అలియాబాద్ గ్రామంలో 39వ కుర్మల దసరా, దీపావళి సమ్మేళన కార్యక్రమం ఘనంగా జరిగింది. రాష్ట్రంలో కుల సంఘాలను ప్రోత్సహించేందుకు సీఎం కేసీఆర్‌ కోట్లాది నిధులతో కృషి చేస్తున్నారని.. మంత్రి మహేందర్‌రెడ్డి అన్నారు. కుర్మ, గొల్ల, యాదవుల సంక్షేమానికి ఐదు వేల కోట్లతో గొర్రెలను అంది స్తున్నారని చెప్పారు. అన్ని వర్గాలు అభివృద్ధి చెందితేనే బంగారు తెలంగాణ సాధ్యమని... ఆయన అన్నారు. ఈ కార్యక్రమంలో కర్ణాటక మంత్రి రేవన్‌ పాల్గొన్నారు.

07:10 - November 17, 2017

ఖమ్మం : ఎన్నో కష్టాలు.. మరెన్నో ఇబ్బందులను ఎదుర్కొని.. అనుకున్న స్థాయికి చేరుకున్నారు. సర్కారు బడుల్లోనే చదువుకుని... ప్రభుత్వ అధికారిగా ఎదిగారు. ఆయన తల్లి ఆకాంక్షను నెరవేర్చారు. ఆయనే డీజీపీ మహేందర్‌రెడ్డి.. నేడు ఆయన అభివృద్ధిని చూసి .. ఊరు ఊరంతా... ఆనందాన్ని వ్యక్తం చేస్తోంది. అవరోధాలను, అడ్డంకులను దాటుకుని... అన్నింటా విజయం సాధించిన వ్యక్తి డీజీపీ మహేందర్‌రెడ్డి. కృషికి, పట్టుదలకు, నిబద్ధతకు ఫలితంగా.. ఆయన నేడు డీజీపీ స్థాయికి ఎదిగారు. మారుమూల గ్రామాల్లోని పాఠశాలల్లోనే ఆయన చదువునంతా పూర్తి చేశారు. ఖమ్మం జిల్లా.. కూసుమంచి మండలంలోని కిష్టాపురానికి చెందిన మహేందర్‌రెడ్డి 1986లో ఐపీఎస్‌ అధికారి అయ్యారు. అనేక చోట్ల పనిచేసి ఉన్నతాధికారుల వద్ద, అధికారంలో ఉన్న ప్రభుత్వాలతో శభాష్‌ అనిపించుకున్నారు.

మహేందర్‌రెడ్డి అనేకస్థాయిల్లో విధులు నిర్వహించారు. మహేందర్ రెడ్డి ఉద్యోగ ప్రస్థానం.. ఆదిలాబాద్‌ జిల్లా బెల్లంపల్లిలో ఏఎస్పీగా ప్రారంభమైంది. తరువాత గుంటూరు, నిజామాబాద్‌, కర్నూలు జిల్లాల్లో ఎస్పీగా, హైదరాబాద్‌ తూర్పు డీసీపీగా, పోలీసు అకాడమీ ఛైర్మన్‌గానూ, ఇంటెలిజెన్స్‌ ఐజీగానూ, సైబరాబాద్‌ కమిషనర్‌గానూ, హైదరాబాద్‌ కమిషనర్‌గా పనిచేశారు.

మహేందర్‌రెడ్డి తన విధుల నిర్వహణలో నిబద్ధతను పాటించేవారు. పైరవీలకు తావివ్వకుండా... తన స్థాయిని తక్కువ చేసుకోకుండా ఒక్కో మెట్టు ఎదిగారు. ప్రస్తుతం డీజీపీగా బాధ్యతలు నిర్వహిస్తున్నారు. మహేందర్ రెడ్డి డీజీపీగా బాధ్యతలు స్వీకరించడంతో... ఆయన కుటుంబ సభ్యులు.. గ్రామస్థులు ఆనందాన్ని వ్యక్తం చేస్తున్నారు. ఆయన కృషి తగ్గ ఫలితం దక్కిందని..అంటున్నారు. మహేందర్‌రెడ్డి వల్ల.. కిష్టాపురం గ్రామానికి గుర్తింపు వచ్చిందని సంతోషాన్ని వ్యక్తం చేస్తున్నారు. మహేందర్‌రెడ్డి... డీజీపీగా ఎంపికై... తమ గ్రామానికి పేరు తెచ్చారని కిష్టాపురం వాసులు సంతోషం వ్యక్తం చేస్తున్నారు. 

12:28 - November 12, 2017

హైదరాబాద్ : నేర రహిత సమాజం కోసం కృషి చేస్తామని నూతన డీజీపీ మహేందర్ రెడ్డి పేర్కొన్నారు. తెలంగాణ డీజీపీగా మహేందర్ రెడ్డి ఆదివారం బాధ్యతలు స్వీకరించారు. ఈ సందర్భంగా ఆయన మీడియాతో మాట్లాడారు. పేదలు..ధనికులు అనే తేడా లేకుండా ఉంటామని..ప్రజల తరపున ఉన్న శాఖ అని తెలిపారు. ప్రజలకిచ్చే సేవలను..మూడు కమిషనర్ పరిధిలో..ఒక యూనిఫాం స్టాండర్డ్స్ తీసుకొస్తామని..ఒక సమస్యతో ఓ వ్యక్తి పీఎస్ కు వెళితే..తగిన విధంగా స్పందన ఉంటుందని పేర్కొన్నారు. ప్రజల్లో ఉండి సేవ చేసే సమయంలో..రాష్ట్ర సర్వతోముఖాభివృద్ధికి కృషి చేయడం జరుగుతుందన్నారు. శాంతిభద్రతలు అదుపులో ఉన్న సమయంలో పెట్టుబడులు..పరిశ్రమలు ఎలా వస్తాయనే దానిపై ప్రతి పోలీసు ఆలోచించాలన్నారు. 'నేను సైతం' ప్రాజెక్టు కింద లక్షా 50వేల సీసీ కెమెరాలు ఏర్పాటు చేయడం జరిగిందని..పది లక్షల కెమెరాలు సిటీలో ఏర్పాటు చేసే విధంగా కృషి చేయడం జరుగుతుందన్నారు. నేరం చేస్తే దొరికిపోతామనే భయం నేరస్తుల్లో కలిగే విధంగా ప్రయత్నిస్తామని పేర్కొన్నారు. 

11:15 - November 12, 2017

హైదరాబాద్ : డీజీపీ అనురాగ్‌శర్మకు పోలీస్‌శాఖ ఘనంగా వీడ్కోలు పలికింది. డీజీపీగా అనురాగ్‌శర్మ పదవీకాలం నేటితో ముగియనున్న సంగతి తెలిసిందే. ఈ సందర్భంగా డీజీపీ అనురాగ్‌శర్మకు తెలంగాణ పోలీస్ అకాడమీలో వీడ్కోలు సభ ఏర్పాటు చేశారు. ఈ కార్యక్రమంలో నూతన డీజీపీ మహేందర్‌రెడ్డి, ఇతర పోలీసు ఉన్నతాధికారులు హాజరయ్యారు. 11 పోలీస్ బృందాలు కవాతు, పరేడ్‌లతో అనురాగ్‌శర్మకు గౌరవ వందనం సమర్పించాయి.

ఈ సందర్భంగా నూతన డీజీపీ మహేందర్‌రెడ్డి మాట్లాడారు. తెలంగాణ పోలీస్‌ను నెంబర్-1గా నిలబెట్టిన ఘనత డీజీపీ అనురాగ్‌శర్మకు దక్కిందన్నారు. కొత్త రాష్ట్రంలో అన్ని ఇబ్బందులను అధిగమించినట్లు చెప్పారు. పోలీసులు శాంతి భద్రతలే కాకుండా సామాజిక సేవా కార్యక్రమాల్లో పాల్గొంటున్నరని వెల్లడించారు. టెర్రరిజం, నక్సలిజాన్ని ధీటుగా ఎదుర్కొంటున్నట్లు ఆయన పేర్కొన్నారు. విభజన తరువాత పోలీసు శాఖలో సిబ్బంది కొరత ఏర్పడినా సమర్థంగా ఎదుర్కొన్నామన్నారు. తెలంగాణ ఆదాయంలో హైదరాబాద్ ది కీలక పాత్ర అని తెలిపారు.

పోలీసు శాఖలో దాదాపు అన్ని రంగాల్లో పనిచేయడం జరిగిందని మాజీ డీజీపీ అనురాగ్ శర్మ పేర్కొన్నారు. విభజన తరువాత తెలంగాణ డీజీపీగా బాధ్యతలు చేపట్టడం జరిగిందని, నక్సలిజం పెరుగుతుందని అందరూ భావించారని కానీ తన టీం పసపోర్టుతో అలా జరగలేదన్నారు. పోలీసు శాఖకి రాష్ట్ర ప్రభుత్వం అందించిన సహాయ సహకారాలు మరువలేవని కొనియాడారు. అందరి సహకారంతోనే డీజీపీగా సఫలమయ్యాయన్నారు. శాంతి భద్రతల పరిరక్షణ కోసం పోలీసులకు కావాల్సిన అన్ని సదుపాయాలను సీఎం కేసీఆర్ కల్పించారని వెల్లడించారు. సీఎం సహకారంతో రాష్ట్రంలో లా అండ్ ఆర్డర్‌ను అదుపులో పెట్టామన్నారు. కొత్త డీజీపీ మహేందర్‌రెడ్డి రాష్ట్ర పోలీసింగ్ వ్యవస్థను మరింత ముందుకు తీసుకెళ్లాలని ఆశిస్తున్నట్లు అనురాగ్‌శర్మ పేర్కొన్నారు.

09:03 - November 11, 2017
08:18 - November 11, 2017

హైదరాబాద్ : తెలంగాణ రాష్ట్ర నూతన డీజీపీగా ఎం. మహేందర్ రెడ్డి నియమితులయ్యారు. ఉత్తర్వులపై సీఎం కేసీఆర్ సంతకం చేశారు. ఈ ఆదివారం మహేందర్‌రెడ్డి డీజీపీగా పదవి బాధ్యతలు చేపట్టనున్నారు. మరోవైపు హైదరాబాద్ నగర తాత్కాలిక పోలీస్ కమిషనర్‌గా వీవీ శ్రీనివాసరావును నియమించారు. హోంశాఖ సలహాదారుగా అనురాగ్‌శర్మ నియమితులయ్యారు.

మహేందర్‌రెడ్డి 1986 బ్యాచ్‌కు చెందిన ఐపీఎస్ అధికారి. ఖమ్మం జిల్లా కూసుమంచి మండలం కిష్టాపురంలో 1962 డిసెంబర్ 3న మహేందర్‌రెడ్డి జన్మించారు. వరంగల్ ఆర్‌ఈసీ లో బీటెక్ చదివిన మహేందర్‌రెడ్డి ఢిల్లీ ఐఐటీ నుంచి ఎంటెక్ పట్టా అందుకున్నారు. దాదాపు నాలుసంత్సరాల పాటు హైదరాబాద్‌కు సీపీగా పనిచేశారు. కరీంనగర్, గుంటూరు, ఆదిలాబాద్, నిజామాబాద్, కర్నూల్ జిల్లాల్లో మహేందర్‌రెడ్డి వివిధ హోదాల్లో పనిచేశారు. ఇంటెలీజెన్స్ చీఫ్, గ్రేహౌండ్స్ ఐజీగా, సైబరాబాద్, హైదరాబాద్ కమిషనర్‌గా మహేందర్‌రెడ్డి బాధ్యతలు నిర్వహించారు. ఆదివారం ఆయన బాధ్యతలు స్వీకరిస్తారు. 

మరోవైపు ఇప్పటిదాకా డీజీపీగా ఉన్న అనురాగ్‌శర్మ సేవలను, అనుభవాన్ని ఉపయోగించుకోవాలని తెలంగాన ప్రభుత్వం డిసైడ్‌ అయింది. అందుకే అనురాగ్‌శర్మను హోంశాఖ సలహాదారుగా నియమించింది. తెలంగాణ రాష్ట్రం ఏర్పడిన తర్వాత తొలి డీజీపీగా బాధ్యతలు నిర్వహించడం సంతోషంగా ఉందన్నారు అనురాగ్‌శర్మ. డీజీపీగా పదవి విరమణ చేసిన తర్వాత కూడా తెలంగాణ రాష్ట్రానికి తన సేవలు అందిస్తానని అనురాగ్ శర్మఅన్నారు. ఫ్రెండ్లీ పోలీస్ అనే కాన్సెప్ట్‌ను తీసుకురావడం, పోలీస్ శాఖను ప్రజలకు సన్నిహితం చేయడంలో కీలక పాత్ర పోషించిన మహేందర్ రెడ్డి.. డీజీపీగా మరిన్ని మార్పులకు శ్రీకారం చుడతారనే అభిప్రాయాలు వస్తున్నాయి.  

21:42 - November 10, 2017

హైదరాబాద్ : తెలంగాణ రాష్ట్ర నూతన డీజీపీగా మహేందర్ రెడ్డి నియమితులయ్యారు. ఈమేరకు ప్రభుత్వం ఉత్తర్వులు జారీ చేసింది. ఎల్లుండి ఆయన బాధ్యతలు స్వీకరించనున్నారు. ఇప్పటివరకు మహేందర్ రెడ్డి హైదరాబాద్ సీపీగా విధుల నిర్వర్తించారు. అనురాగ్ శర్మను హోంశాఖ సలహాదారుగా నియమించింది. హైదరాబాద్ తాత్కాలిక పోలిస్ కమిషనర్ గా వీవీ శ్రీనివాసరావు కొనసాగనున్నారు. మరిన్ని వివరాలను వీడియోలో చూద్దాం....

 

Pages

Don't Miss

Subscribe to RSS - మహేందర్ రెడ్డి