మూవీ రివ్యూ

19:26 - December 1, 2017

మొదట హిట్స్ మీద హిట్స్ కొట్టి తరువాత స్క్రిప్ట్స్ ఎంపికలో కన్ ఫ్యూజ్ అయిన సాయిధరమ్ తేజ్ కొంచెం గ్యాప్ తీసుకుని కమర్షియాలిటీ తో పాటు దేశభక్తి కూడా మిక్స్ చేస్తూ జవాన్ అనే సినిమా చేసాడు.రైటర్ BVS రవి డైరెక్షన్ లో ప్రెసెంట్ టైం లో లక్కీ గర్ల్ గా పేరుతెచ్చుకున్న మెహ్రీన్
హీరోయిన్ గా తెరకెక్కిన ఈ సినిమా ఈ రోజే ఆడియన్స్ ముందుకు వచ్చింది.ఇంతకీ ఈ సినిమా ఎలా ఉంది ?

సినిమా కథ...
ఈ సినిమా కథ విషయానికి వస్తే.....చిన్నపటినుండి క్రమశిక్షణ అంటూ పెరిగిన జై.. DRDO లో జాబ్ సంపాదించడమే టార్గెట్ గా ఫిక్స్ అవుతాడు.చిన్నతనం నుండి వైల్డ్ నేచర్ అలవాటయిన కేశవ్ ఎలాగయినా ఎదగాలని అడ్డదాదారులు తొక్కి క్రిమినల్ గా మారతాడు.అయితే DRDO రూపొందించిన ఆక్టోపస్ అనే మిస్సైల్ లాంచర్ కోసం 5oo కోట్ల భారీ డీల్ ఒప్పుకుంటాడు కేశవ.అయితే ఆక్టోపస్ ని ఎవరో దొంగిలించబోతున్నారు అని తెలుసుకుని వాళ్ళ నుండి ఆక్టోపస్ ని రక్షించి DRDO లో ఉద్యోగం కూడా సంపాదించుకుంటాడు జై.దాంతో జై పై పగబట్టి అతనితోనే ఆక్టోపస్ ని తెప్పించడానికి అతని ఫామిలీ ని టార్గెట్ చేస్తాడు కేశవ్. ఈ విషయం తెలుసుకున్న జై కేశవ నుండి ఎలా తన ఫ్యామిలీ ని రక్షించుకున్నాడు, ఆక్టోపస్ కేశవ్ కి దక్కకుండా ఎలా అడ్డుకున్నాడు అన్నది మిగతా కథ.

నటీ నటుల ప్రతిభ...
నటీనటుల విషయానికి వస్తే.... ఈ సినిమా విజయం తన కెరీర్ కి కీలకంగా మారడంతో లుక్ నుండి యాక్టింగ్ వరకు చాలా కేర్ తీసుకున్నాడు తేజు.చాలా స్టైలిష్ గా కనిపించిన తేజు నటనపరంగా కూడా బాగా ఇంప్రూవ్ అయ్యాడు.జై క్యారెక్టర్ లో ఒదిగిపోయి నటించాడు.ఎమోషన్స్ పండించడంలో,డైలాగ్స్ చెప్పేటప్పడు డిక్షన్ లో గాని చాలా మెచ్యూరిటీ చూపించాడు.ఇక విలన్ గా తెలుగు తెరకు పరిచయమయిన హీరోయిన్ స్నేహ భర్త ప్రసన్న కూడా స్టైలిష్ విలన్ గా ఆకట్టుకున్నాడు. అతనికి హేమ చంద్ర చెప్ప్పిన డబ్బింగ్ బాగా హెల్ప్ అయింది. ప్రసన్న రూపంలో టాలీవుడ్ కి మరో విలన్ దొరికాడు. ఇక హీరోయిన్ మెహ్రీన్ ఈ సినిమాలో మునుపెన్నడూ లేనంత గ్లామరస్ గా కనిపించింది. ముఖ్యంగా పాటల్లో ఆమె లుక్స్ యూత్ ని, మాస్ ని బాగా ఆకట్టుకుంటాయి. నటన పరంగా పెద్దగా స్కోప్ లేదు,ఉన్నంతలో కూడా ఆమె పెద్దగా ఎఫర్ట్ పెట్టలేదు. మిగతా నటీనటులంతా తమ పరిధిమేర పరవాలేదనిపించారు.

టెక్నిషీయన్స్...
టెక్నీషియన్స్ విషయానికి వస్తే.... మొదటి సినిమా వాంటెడ్ తో దారుణమయిన డిజాస్టర్ అందుకున్న BVS రవి ఈ సారి పేట్రియాటిక్ టచ్ తో ఉండే యాక్షన్ కథ రాసుకున్నాడు. అయితే సినిమాలో చాలా సన్ని వేశాలు మాత్రం రొటీన్ గా ఉన్నాయి. లవ్ ట్రాక్ కూడా చాలా లైటర్ గా ఉండడంతో అస్సలు ఫీల్ లేదు. హీరో, విలన్ లింక్ అప్, ఆక్టోపస్ సేవింగ్, ఇంటర్వెల్ బ్యాంగ్స్ లో తన రైటర్ గా తన ప్రతిభ చూపించాడు రవి. క్లయిమాక్స్ కూడా బాగానే డీల్ చేసాడు. కానీ హడావిడిగా ముగించినట్టు అనిపించింది. పేట్రియాటిక్ టచ్ తో ఉండే డైలాగ్స్ బాగున్నాయి. ఇక మ్యూజిక్ డైరెక్టర్ థమన్ చాలా ఎఫర్ట్ పెట్టి మ్యూజిక్ చేసాడు. పాటలు పరవాలేదనిపించేలా ఉన్నాయి. ఆర్.ఆర్ మాత్రం సీన్స్ ఎలివేషన్ లో బాగా ఉపయోగపడింది. కెమెరా వర్క్ కూడా బాగుంది. ఎడిటింగ్ చాలా స్టైలిష్ గా ఉంది. గ్రాఫిక్స్ క్వాలిటీ వల్ల విజువల్స్ కి రిచ్ లుక్ వచ్చింది. నిర్మాణ విలువలు బావున్నాయి.

ఓవర్ ఆల్ గా చెప్పాలంటే.... హీరో, విలన్ బ్రెయిన్ గేమ్ హైలైట్ గా తెరకెక్కిన జవాన్ అన్ని వర్గాలకు రీచ్ అయ్యే కంటెంట్ తో వచ్చింది. అయితే అక్కడక్కడా రొటీన్ టచెస్ ఉండడంవల్ల కొంచెం డిజప్పాయింట్ గా అనిపిస్తుంది. అయితే బాక్స్ ఆఫీస్ దగ్గర మంచి మార్కులు వేయించుకునే లక్షణాలున్న, ఈ సినిమా ఫైనల్ గా ఎలాంటి రిజల్ట్ అందుకుంటుందోచూడాలి.

ప్లస్ పాయింట్స్:
సాయిధరమ్ తేజ్ నటన
బ్యాక్ గ్రౌండ్ మ్యూజిక్
ఫైట్స్,కెమెరా వర్క్
ప్రొడక్షన్ వాల్యూస్
మైనస్ పాయింట్స్ :
కధలో రొటీన్ టచెస్
ఫార్ములా స్క్రీన్ ప్లే
వీక్ గా ఉన్న ఎమోషన్స్
నాటకీయత ఎక్కువైన బ్రెయిన్ గేమ్
రేటింగ్ గురించి తెలుసుకోవాలంటే వీడియో క్లిక్ చేయండి.....

18:57 - November 24, 2017

పెళ్లిచూపులు సినిమాతో బ్లాక్ బస్టర్ అందుకుని టాలీవుడ్ లో ఫుల్ గా ఫేమస్ అయ్యాడు నిర్మాత రాజు కందూకురి. ఆ సినమా నేషనల్ అవార్డు అందుకోవడంతో రాజు కందూకురి వచ్చే సినిమాలపై ఫుల్ ఫోకస్ చేశారు అంతా. శ్రీ విష్ణుతో రాజు కందూకురి నిర్మించిన చిత్రం మెంటల్ మదిపై భారీ అంచనాలు ఏర్పాడ్డాయి. ఈ సినిమా ఈ రోజే ప్రేక్షకుల ముందుకు వచ్చింది. ఈ సినిమా కథ విషయానికొస్తే అరవింద్ కృష్ణకు చిన్నప్పటి నుంచి కన్ఫ్యూజన్ అనే ప్రాబ్లమ్ ఉంటుంది. ఆప్షన్స్ ఇస్తే దేన్ని ఎంచుకోవలో తెలియదు. దానికి తోడు ఆమ్మాయిలను చూడడానికి కూడా భయపడుతాడు. దాంతో అతనికి ప్రతి పెళ్లిచూపుల్లో రిజక్ట్ అనే మాట వినబడుతుంది. కానీ స్వేచ్ఛ అనే ఆమ్మాయిని చూసిన అరవింద్ కు ఆమె కనెక్ట్ అయిపోతాడు. కానీ అతని ప్రాబ్లమ్స్ అన్ని ఆమెతో చెబుతాడు. ఆమె కూడా పాజిటివ్ గా రియాక్టు అవుతారు. ఆమె అరవింద్ కృష్ణ మైండ్ సెట్ మారుస్తుంది. అలా కొంతకాలం తర్వాత సరిగ్గా వీరి నిశ్ఛితార్థం టైమ్ లో స్వేచ్ఛ వాళ్ల నానమ్మ చనిపోవడంతో నిశ్ఛితార్థం వాయిదా పడుతంది. ఈ లోగా అరవింత్ కృష్ణ ముంబై వెళ్తాడు. తర్వాత స్వేచ్ఛకు ఫోన్ చేసి నిశ్ఛితార్థం చెబుతాడు. ఆ తర్వాత ఏం జరిగిందో తెరపై చూడాలి.

19:33 - November 17, 2017

వినోద్ హెచ్ దర్శకత్వంలో యాక్షన్ ఎమోషన్స్ తో పాటు పవర్ ఫుల్ రోల్ చూపించిన సినిమా ఖాకి. టైటిల్ లోనే ఇది పోలీస్ స్టోరీ అని తెలిసిపోతుంది. డిఫెరెంట్ సినిమాలతో తనకు గుర్తింపు తెచ్చుకుంటున్న హీరో కార్తీ మరోసారి ఖాకి అనే రియల్ కాఫు స్టోరీతో అడియన్స్ ముందుకు వచ్చాడు. టాలెంటెడ్ దర్శకుడు పేరున్న వినోద్ కార్తీని పవర్ ఫుల్ పోలీస్ అఫీసర్ గా ప్రెసెంట్ చేశాడు. టీజర్, ట్రైలర్ తోనే హైఓల్టెజీ సినిమాగా క్యూరసిటి సృష్టించారు.

కథ విషయానికి వస్తే ధీరజ్ ప్రసాద్ లనే వ్యక్తి ట్రైనీంగ్ నుంచి బ్రిలియంట్, అగ్రెసివ్ కాఫు అని గుర్తింపు లభిస్తుంది. అయితే డ్యూటీలో జాయన్ అయన తర్వాత అతని సిన్సియరిటీ వల్ల అనేక చోట్లు మారుతాడు. ఈ మధ్యలో ప్రియతో ప్రేమలోపడి పెళ్లి చేసుకుంటాడు. అయితే అతని దగ్గరకు వచ్చిన అన్ సల్వుడు కేసు చాలా ఇంటరెస్టింగా అనిపిస్తుంది. అదే టైమ్ లో అదే ముఠా చాలా మందిని చంపెస్తుంది. చివరకు ఓ ఎమ్మెల్యేను కూడా హతమారుస్తారు. వారి చేతిలో ప్రియ గాయపడుతుంది. దీంతో ధీరజ్ ప్రసాద్ కేసును పర్ నల్ గా తీసుకుని నిందితులను ఎలా పట్టుకుంటారని తెర పై చూడాల్సిందే.

21:15 - October 27, 2017

కమర్షియల్ సినిమాలు అంటూ పక్కదారి పట్టిన రామ్.. నేను శైలజాతో హిట్ ట్రాక్ లోకి తెచ్చాడు, డైరక్టర్ కిషోర్ తిరుమల. అందుకే అదే  నమ్మకంతో అతనికి ఫ్రీడమ్ ఇచ్చి, ప్రొడ్యూసర్ గా కూడా మారి. కిషోర్ తిరుమల డైరక్షన్ లో ఉన్నది ఒకటే జిందగీ సినిమా చేశాడు రామ్.. ఆడియో ఆల్బాం సూపర్ హిట్ అవ్వడంతో సినిమాపై మంచి అంచనాలు ఏర్పడ్డాయి..  పైగా హిట్ కాంబినేషన్ కావడంతో, ఆ అంచనాలు మరింత పెరిగాయి..  అలా విడుదలకు ముందే మంచి బస్ క్రియేట్ చేసుకున్న ఉన్నది ఒక్కటే జిందగీ.. ప్రేక్షకుల ముందుకు వచ్చింది..  ఈ సినిమా ఎలా ఉందో ఇప్పుడు చూద్దాం..
కథ 
కథ విషయానికి వస్తే... చిన్న తనంలోనే కొన్ని సంఘటనల వల్ల, అభి, వాసు ప్రాణ స్నేహితులుగా మారుతారు. ఫ్రెండ్ షిప్ తరువాతే ఏదైన అనేంత రేంజ్ లో వాళ్ళ ఫ్రెండ్ షింప్ ఉంటుంది.... అయితే అలా ఉన్న వాళ్ల లైఫ్ లోకి, అనుకోకుండా మహా ఎంట్రీ ఇస్తుంది.. ఇద్దరూ ఆమెను ఇష్టపడతారు.. ఇద్దరూ కలిసి ఆమెకు ప్రపోజ్ చేస్తారు... అయితే మహా మాత్రం వాసుని ఇష్టపడుతుంది.. దాంతో వాసు బిహేవియర్ లో ఛేంజ్ రావడంతో.. వాసు అభి విడిపోతారు.. అయితే వాళ్లిద్దరూ తిరిగి కలిసారా లేదా.. వాళ్ల మధ్య ఉన్న అపార్ధాలు తొలగిపోయాయా లేదా..;ః? ఫ్రెండ్ షిప్ కి వీళ్ళిచ్చిన కొత్త నిర్వచనం ఏమిటి.. ? అనేది సినిమా చూసి తెలుసుకోవలసిందే...
నటీ నటులు
నటీ నటుల విషయానికి వస్తే.. ఈ సినమా కథను, డైరెక్టర్ ను పూర్తిగా నమ్మిన రామ్ అభి క్యారక్టర్ లో ఓదిగిపోయి నటించాడు. హీరోయిజం చూపించాలి అన్న తపన లేకుండా, సెటిల్ యాక్టింగ్ తో అలరించాడు. రామ్ తన గత సినిమాలతో పోలిస్తే.. ఈ సినిమాలో ఎమోషనల్ ఎక్స్ ప్రెషన్స్ లో కూడా చాలా మెచ్యూరిటీ చూపించాడు.. హీరోయిన్ అనుపమా పరమేశ్వరన్.. ఇప్పటివరకు చేసిన సినిమాల్లో కొంచెం పెద్ద తరహా క్యారక్టర్ ఇది. స్వతహాగా మంచి పెర్ఫామర్ కావడంతో, చాలా ఈజీగా మహాపాత్రను ఆడియన్స్ కి కనెక్ట్ చేసింది.. ఈ మధ్య పెద్దగా హిట్స్ లేని లావణ్య త్రిపాఠి. తనలోని గ్లామరస్ యాంగిల్ పైన ఫోకస్ పెట్టింది. సినిమాకు మెయిన్ పిల్లర్ లాంటి వాసు క్యారక్టర్ చేసిన శ్రీవిష్ణు, ఆ పాత్రలో చాలా నాచ్యూరల్ గా కనిపించాడు.. ఈ సినిమా అంతా ఒకే మూడ్ ను కారీ చేసాడు.. ప్రియదర్శ అక్కడక్కడా తన మార్క్ కామెడీతో నవ్వులు పూయించాడు.. ఇక మిగతా నటీనటులు అందరూ తమ పాత్రల పరిది మేరకు నటించారు.. 
టెక్నీషియన్స్  
టెక్నీషియన్స్ విషయానికి వస్తే.. ఈ సినిమాకు రచయితా దర్శకుడైన కిషోర్ తిరుమల, కథ గ్రాఫ్ లో సినిమా టేకాఫ్ లో చాలా వరకు నేను శైలజాను ఫాలో అయ్యాడు అనిపిస్తుంది..  ఎమోషన్స్ ను పండించడంలో సక్సెస్ అయ్యాడు కాని, వాటిని బ్యాలన్స్ చేయడంలో కొంచెం తడబడ్డాడు. ఫస్ట్ ఆఫ్ చాలా డీసెంట్ గా, క్యూట్ గా అందరికి కనెక్ట్ అయ్యేలా మలచిన డైరక్టర్, సెకండ్ ఆఫ్ లో కిచ్చే సరికి రొటీన్ పాట్రన్ ఫాలో అవ్వడం కాస్త నిరుత్సహ పరుస్తుంది.. డైలాగ్స్ బాగున్నాయి.. కెమేరా విషయానికి వస్తే.. సీనియర్ సినమాటోగ్రాఫర్ అయిన సమీర్ రెడ్డి పూర్తి న్యాయం చేశాడు.. సీన్ లో మూడ్ ను ఎక్కడా.. డీబియేట్ కాకుండా కాపాడాడు..  ఇక ఈ సిమాకు హిట్ ఆల్బమ్ ను అందించిన దేవిశ్రీ ప్రసాద్ బ్యాగ్రౌండ్ స్కోర్ లో కూడా తన మార్క్ చూపించాడు.. సీన్స్ లో ఫీల్ ను ఎలివేట్ చేయడంలో ప్రధాన్ పాత్ర వహించాడు దేశిశ్రీ.. నిర్మాణ విలువలు బాగున్నాయి.. ఓవర్ ఆల్ గా చెప్పాలి అంటే ప్రెండ్ షిప్ మూవీల లిస్ట్ లో.వన్ ఆఫ్ ది బెస్ట్ గా నిలవాల్సిన ఈ సినిమా కథ, స్క్రీన్ ప్లేలో  కొన్ని లోపాల వల్ల పర్వాలేదు అనిపిస్తుంది.. సినిమాకు ఎమోషనల్ కంటెంట్ మల్టీప్లెక్స్ జనాలకు కనెక్ట్ అవుతుంది.. బిసీ సెంటర్స్ లో ఈ సినిమా ఎలాంటి విజయం సాధిస్తుందో చూడాలి మరి.. 

ప్లస్ పాయింట్స్
మెయిన్ లీడ్స్ నటన
ఎమోషనల్ కంటెంట్ 
మ్యూజిక్
సినిమాటోగ్రాఫీ
డైలాగ్స్

మైనస్ పాయింట్స్
రొటీన్ క్లైమాక్స్
బాలెన్స్ లేని స్క్రీన్ ప్లే
స్లో నేరేషన్

రేటింగ్ 2.25/5

21:23 - October 13, 2017

యాంకర్ గా తన కెరీర్ ని మొదలుపెట్టి.. టెలీషోస్ ప్రొడ్యూస్ చేస్తూ.. సినిమా డైరెక్టర్ గా ఎదిగాడు ఓంకార్. మొదటి సినిమా పరాజయం పాలైనా.. రెండో సినిమాతో నవ్విస్తూనే భయపెట్టి చివరిలో మంచి మెసేజ్ కూడా ఇచ్చి ప్రేక్షకుల చేత శభాష్ అనిపించుకున్నాడు. దాంతో అతను తాజాగా రూపొందించిన రాజుగారి గది 2 పై మొదటి నుంచి భారీ అంచనాలు ఏర్పాడ్డాయి. అందులో స్టార్ హీరో నాగార్జున ఈ సినిమాను యాక్సెప్ట్ చెయ్యడంతో అంచనాలు ఏర్పాడ్డాయి. ఇక నాగ్ కోడలు .. స్టార్ హీరోయిన్ సమంతా కూడా ఈ సినిమాలో నటిస్తుంది అనడంతో అంచనాలు పదింతలు పెరిగాయి. సో..రిలీజ్ కే ముందే తారాస్తాయిలో అంచనాలు రేకెత్తించిన రాజుగారి గది ప్రేక్షకుల ముందుకొచ్చింది.  ఈ సినిమా ఎలా ఉందో ఇప్పుడు చూద్దాం.
కథ...
ఈ సినిమా కథ విషయానికొస్తే..ఇంట్లోంచి డబ్బులు తెచ్చి.. రాజుగారి రిసార్ట్స్ ను అద్దెకు తీసుకుని ..రిసార్ట్ బిజినెస్ స్టార్ట్ చేస్తారు అశ్విన్, ప్రవీణ్, కిషోర్ లు.  అయితే ఆ రిసార్ట్ లో ఆత్మ తాలూకు ఆనవాళ్లు కనిపిస్తాయి. అక్కడకు టూరిస్ట్ గా వచ్చిన సీరత్ కపూర్ ద్వారా అక్కడ ఆత్మ ఉందని తెలుసుకున్న.. వాళ్లు  ఆ ఊర్లోని చర్చి ఫాదర్ ని పిలుస్తారు. కానీ అతను కూడా  ఆత్మను అంతం చెయ్యలేక ఓ మెంటలిస్ట్ ని రంగంలోకి దిగుతాడు.  అలా ఎంట్రీ  ఇచ్చిన మెంటలిస్ట్ రుద్ర ..ఆ రిసార్ట్ లో ఉన్న  ఆత్మ ఎవరి మీదో పగతో ఉందని తెలుసుకుంటాడు. ఇంతకీ ఆ ఆత్మ ఎవరు..? ఆత్మ వెనుకున్న కథేంటి.? చివరికి ఆ ఆత్మ తన పగతీర్చుకుందా...లేదా..సినిమా చూసి తెలుసుకోవాల్సిందే..
నటీనటులు..
నటీనటుల విషయానికొస్తే.. మెంటలిస్ట్ రుద్ర పాత్రలో నాగార్జున .. తండ్రి చాటు కూతురిగా . పగతో రగిలిపోతున్న ఆత్మ గా ..2 షేడెడ్ క్యారెక్టర్ లో నటించిన సమంత..ఈ ఇద్దరూ కూడా తమ ది బెస్ట్  పెర్ ఫామెన్స్ ఇచ్చారు. వీరిద్దరూ  ఈ సినిమాలోకి రావడంతో... ఒక మెచ్యూర్డ్ ఎమోషనల్ డ్రామా గా రూపుదిద్దుకుంది. ఇక రావురమేష్.. సమంత ఫాదర్ క్యారెక్టర్ లో  మెప్పించాడు. కమెడియన్స్ ప్రవీణ్, వెన్నెల కిషోర్, షకలకశంకర్, నరేష్.. తలో చెయ్యి వేసి రాజుగారి గది 2 కి కామెడీ కలరింగ్ అద్దారు.  కధతో సంబందం లేనప్పటికీ.. కధలో కనెక్ట్ చేసే డ్రైవ్ కి బాగా ఉపయోగపడ్డారు. వీరి ప్రజెన్స్ వల్ల ఎక్కడా బోర్ కొట్టకుండా సరదా..సరదాగా సాగిపోతుంది. సీరత్ కపూర్ పోషించిన పాత్రకు పెద్దగా ప్రాధాన్యం లేనప్పటికీ.. ఆమె గ్లామర్ షో మాత్రం యూత్ ని, మాస్ ని మెప్పిస్తుంది. 
టెక్నీషియన్స్...
టెక్నీషియన్స్ విషయానికొస్తే..  డైరెక్టర్ గా తన విజన్ ని రాజుగారి గదితో ప్రూవ్ చేసుకున్న ఓంకార్ .. ఈసినిమాతో మరింత మెచ్యూరిటీని చూపించాడు. కామెడీ కంటెంట్, కష్టమైన ఎమోషన్ ని పండించడంలో, దాన్ని ఆడియన్స్ కి కనెక్ట్ చెయ్యడంలో సక్సెస్ అయ్యాడు.  నాగార్జున, పి.వి.పి ,ఆడియన్స్.. తన మీద పెట్టుకున్న నమ్మకాన్ని చాలా వరకూ నిలబెట్టుకున్నాడు. ఇక టాలీవుడ్ లో వన్ ఆఫ్ ది బెస్ట్ డైలాగ్ రైటర్  అయిన అబ్బూరి రవి కలం నుంచి చాలా రోజుల తర్వాత అత్యంత బలమైన డైలాగ్స్ జాలువారాయి.  సినిమా సోల్ ని నిలబెట్టి.. ఆడియన్స్ కళ్లు చెమర్చేలా చెయ్యడంలో అబ్బూరి రవి పాత్ర చాలా ఉంది.  ఇక మ్యూజిక్ డైరెక్టర్ అయిన తమన్.. తన ఫామ్ ని కొనసాగిస్తూ.. సినిమాను కాపాడాడు. సినిమా హైలెట్స్ లో ఒకటిగా నిలిచింది.. తమన్ మ్యూజిక్. కెమెరా మెన్ దివాకర్.. ఓంకార్ విజన్ కి తగ్గట్టుగా ఫ్రేమ్ బై ఫ్రేమ్ సినిమాను తీర్చి దిద్దాడు. సినిమా అంతా అతని ప్రతిభ కనిపిస్తుంది. సీ.జీ వర్క్, స్పెషల్ ఎఫెక్ట్స్,.. హై స్టాండర్డ్స్ లో ఉన్నాయి. నిర్మాణ విలువలు బావున్నాయి. ఓవరాల్ గా చెప్పాలంటే.. హార్రర్ ,కామెడీ , ఎమోషన్ మిక్స్ చేసి వచ్చిన రాజుగారి గది 2  ఒక సగటు సినిమాగా కాకుండా హార్ట్ టచింగ్ మెసేజ్ తో ఆకట్టుకుంటుంది. 
ప్లస్ పాయింట్స్ 
సమంత, నాగార్జున
కెమెరా వర్క్
బ్యాక్ గ్రౌండ్ స్కోర్
డైలాగ్స్ 
ఎమోషనల్ క్లైమాక్స్..
మైనస్ పాయింట్స్ 
ఫస్ట్ హాఫ్
రొటీన్ ఫార్మాట్

రేటింగ్..
2.75

20:57 - September 29, 2017

చిన్న సినిమాలతో పెద్ద డైరక్టర్ గా గుర్తింపు తెచ్చుకున్న మారుతి.. బాబు బంగారం అంటూ పెద్ద సినిమా చేసి పరాజయం పాలు అయ్యాడు... అందుకే కాస్త గ్యాప్ తీసుకుని తన బలమైన కథను నమ్ముకుని దానికి ఓసిడీ అనే కొత్త కాన్సెప్ట్ ను యాడు చేసి.. ప్రెష్ స్క్రీన్ ప్లేతో, మహానుభావుడు అనే స్క్రిప్ట్ ను తయారుచేసుకున్నాడు.దానికి వరుస హిట్స్ తో దూసుకుపోతున్న శర్వానంద్ హీరో కావడంతో, ఈ సినిమాకు మంచి హైప్ క్రియేట్ అయ్యింది. పైగా పెద్ద స్టార్స్ మధ్య వచ్చి, భారీ విజయాలు అందుకోవడం శర్వానంద్ కు సెంటిమెంట్ గా మారడంతో.. ఈ సినిమా గురించి అందరూ.. ఆసక్తిగా ఎదురు చూశారు..  అలా రిలీజ్ కు ముందే మంచి క్రేజ్ ను పెంచుకున్న మహానభావుడు ప్రేక్షకుల ముందుకు వచ్చింది.. ఈ సినిమా ఎలా ఉందో ఇప్పుడు చూద్దాం.. 
కథ..
కథ విషయానకి వస్తే. ఓ సాప్ట్ వేర్ కంపెనీలో ప్రొగ్రాం మేనేజర్ గా పనిచేస్తున్న ఆనంద్.. ఓసిడీ అనే ఓవర్ క్లీన్ లీ నెస్ ప్రొబ్లమ్ తో బాధపడుతుంటాడు. అయితే అతనికి అనుకోకుండా పరిచయం అయిన మేఘన బిహేవియర్, క్లీన్  లీ నెస్ నచ్చి ఆమెతో లవ్ లో పడతాడు.. ఆమె కూడా అతని  బిహేవియర్ నచ్చి ఇష్టపడుతుంది. తమ పెళ్ళికి తన తండ్రిని కూడా ఒప్పిస్తుంది కాని తరువాత అతని డిజార్డర్ చూసి అసహ్యించుకుని దూరం పెడుతుంది. అలా లవ్ లో ఫేయిల్ అయిన ఓసిడీ బాధితుడు ఆనంద్ మేఘనాని ఎలా కన్వింన్స్ చేశాడు.. చివరికి ఆనంద్ ప్రేమని మేఘన ఆక్సెప్ట్ చేసిందా లేదా.. ఆనంద్ తన ఓసిడీ డిజార్డర్ ను ఎలా దూరం చేసుకున్నాడు అనేది సినిమాచూసి తెలుసుకోవాలసిందే..
నటీనటులు..
నటీనటుల విషయానికి వస్తే డిఫరెంట్ అండ్ ఫన్ ఫీల్డ్ సినిమాలతో అందరి ఆడియన్స్ కి చేరువైన శర్వానంద్ మరోసారి మహానుభావుడు సినిమాతో అందరిని అలరించాడు అనే చెప్పాలి..  ఓసిడీ అనే ప్రబ్లమ్ ఉన్న ఆనంద్ క్యారక్టర్ లో ఇమిడిపోయాడు.. తన గత సినిమాలతో పోలిస్తే ఈ సినిమాలో నాచ్యూరల్ యాక్టింగ్ ను చాలా ట్రై చేశాడు,... అతని కామెడీ టైమింగ్ ఈ సినిమాకు బ్యాక్ బోన్ గా నిలించింది.. శర్వానంద్ స్టైలింగ్ చాలాబావుంది.. ఇక మెహరిన్ మొదటి సినిమాలాగా మంచి ఇంపార్టెన్స్ ఉన్న క్యారక్టర్  దక్కించుకుంది.. అపీరియన్స్ పరంగా 100% మార్కులు దక్కించుకుంది.. స్కిన్ షో చేయకుండానే మెస్మరైజ్ చేసింది,... యాక్టింగ్ పరంగా అక్కడక్కడా తడబడినప్పటికీ... ఓవర్ ఆల్ గా మేఘన పాత్రలో మెప్పించింది.. వెన్నెల కిషోర్ మంచి ప్రాధాన్యత ఉన్న పాత్రలో నటించి. సినిమాకు ప్లస్ గా మారాడు. నాజర్, బద్రం, వేణు తదితరులంతా.. తమ పాత్రల పరిధిమేర బెస్ట్ ఔట్ పుట్ ఇచ్చారు.. 
టెక్నీషియన్స్...
టెక్నీషియన్స్ విషయానికి వస్తే డైరక్టర్ మారుతి.. మరోసారి ఓసిడీ అనే కొత్త కాన్సెప్ట్ ని తన స్టైల్ ఆఫ్ రైటింగ్ తో మంచి వినోదాత్మక సినిమాగా మలిచాడు శర్వానంద్ కూడా పూర్తిగా కోఆప్ రేట్ చేయడంతో కుటుబం సమేతంగా ఎంజాయి చేయదగ్గ సినిమాగా మారింది మహానుభావుడు.. డైలాగ్ రైటర్ గా కూడా మారుతి తన మార్కును నిలబెట్టుకున్నాడు. ఇక కెమేరామెన్ నిజర్ షఫీ డీసెంట్ విజ్యూవల్స్ తో ఇంప్రస్ చేశాడు. ఒకే సీన్ లో ఎమోషన్, కామెడీ పండించాల్సిన టైంలో అతని కెమేరా పనితనం వలన ఆయా సీన్స్ బాగా ఎలివేట్ అయ్యాయి.. సినిమాటోగ్రాఫర్ కి మంచి రెస్పాన్స్ వస్తుంది. మ్యూజిక్ డైరక్టర్ తమన్ ఓకే అనిపించే ఆల్బమ్ అందించాడు.. పాటలు స్క్రీన్ పై బాగున్నాయి.. ఆర్ ఆర్ పరంగా స్పెషల్ ఎఫర్ట్ పెట్టి సినిమా కలర్ ను కాపాడాడు.. ప్రతి సీన్ లో ని సెన్స్ బులిటీని ఎలివేట్ చేశాడు తమన్ ఇక ఎడిటింగ్ కూడ క్రిస్బ్ గా ఉంది.. యూవీ క్రియేషన్స్ నిర్మాణ విలువలకు తిరుగులేదు.. సినిమాను చాలా రిచ్ గా తెరకెక్కించారు.. 
ఓవర్ ఆల్ గా చెప్పాలి అంటే.. దసరా బరిలో చివరిగా చిన్న సినిమాగా రిలీజ్ అయిన మహానుభావుడు గ్రాండ్ రెస్పాన్స్ సొంతం చేసుకుంది.. ఎక్కడా ఎలాంటి అసభ్యతకు తావు లేకుండా ఫ్యామిలీ ఆడియన్స్ ను టార్గెట్ చేసిన మహానుభావుడు సరదాగా నవ్వించి.. బాగుంది అనిపిస్తాడు.
ప్లస్ పాయింట్స్
శర్వానంద్ నటన
ఫ్రెష్ స్క్రీన్ ప్లే..
కొత్త కాన్సెప్ట్
డైలాగ్స్ ..
కామెడీ..
బ్యాగ్రౌండ్ స్కోర్
నిర్మాణ విలువలు
మైనస్ పాయింట్స్
కొన్నిరిపీటెడ్ సీన్స్
లైటర్ క్లైమాక్స్.. 

 

18:40 - September 21, 2017

బాబి డైరెక్షన్ లో కొంత గ్యాప్ తర్వాత వచ్చిన యాక్షన్ ఎంటటైనర్ ఈ ''జై లవ కుశ'' సినిమా. ఎలాంటి పాత్రైన అలవోకగా చేసే ఎన్టీఆర్ నటించిన 'జై లవ కుశ' సినిమా డిఫరెంట్ కాన్సెప్ట్ తో వచ్చింది. ఈ సినిమాకి ఎన్టీఆర్ నటనే మేజర్ ఎస్సెట్ అని డైరెక్టర్ బాబి చాలా సందర్భల్లో చెప్పారు.

ఒక తల్లికి పుట్టిన ముగ్గురు కొడుకులు మూడు దారులు ఎంచుకుంటే ఎలా ఉంటుందని అనే కథ అంశంతో ఈ చిత్రం తెరకెక్కింది. కథ మొత్తం ఒక హీరో చూట్టో ఒక పాత్ర చూట్టో తిరుగకుండా మూడు పాత్రలతో ముగ్గురిని హీరోలుగా చూపించే ప్రయత్నం చేశాడు బాబీ. ప్రతి పాత్రకి ఒక క్యారెక్టరైజషన్ తో ఇంటరెస్టింగ్ వేలో స్టోరి ప్లాన్ చేశాడు డైరెక్టర్. ఈ సినిమా గురించి పూర్తి రివ్యూ కోసం వీడియో చూడండి.

19:05 - September 8, 2017

ఈ మధ్య డిఫరెంట్ సినిమాలు చేస్తూ యుత్ లో తన ఫాలోయింగ్ పెంచుకుట్టున్న నాగచైతన్య యుద్ధం శరణమంటూ ఒక ఇంటెన్సీటి ఉన్న సినిమాతో ప్రేక్షకుల ముందుకు వచ్చాడు. యంగ్ టీం అంత కలిసి చేసిన ఈ సినిమా ఎలా ఉందో ఇప్పుడు చూద్దాం.....

ఈ సినిమా కథ విషయానికి వస్తే అమ్మ, నాన్న, అక్క, చెల్లితో కలిసి ఎలాంటి చింత లేని లైఫ్ గడుపుతుంటాడు అర్జున్. అప్పుడే అర్జున్ జీవితంలోకి అంజలి వస్తుంది. అప్పుడే అర్జున్ జీవితంలో చిన్న కుదుపు వస్తోంది..అదేంటో తెరపై చూడాల్సిందే...ఈ సినిమాకి టెన్ టివి 1.5 ఇచ్చింది. పూర్తి వివరాలకు వీడియో చూడండి.

19:20 - June 2, 2017

టుడే అవర్ రీసెంట్ రిలీజ్ ఫిల్మ్... 'అంధగాడు'. మరి సినిమా కహాని ఎంటో ఇప్పుడు చూద్దాం.....

 

Don't Miss

Subscribe to RSS - మూవీ రివ్యూ