మేడ్చల్

18:32 - August 18, 2018

మేడ్చల్ : జిల్లాలోని జవహర్ నగర్ లో దారుణం జరిగింది. జవహర్ నగర్ పోలీస్ స్టేషన్ పరిధిలోని చెన్నాపురం చెరువులో గుర్తుతెలియని యువకుడి మృతదేహాన్ని స్థానికులు గుర్తించారు. సమాచారం తెలుసుకున్న పోలీసులు ఘటన స్థలానికి చేరుకొని మృతదేహాన్ని బయటకు తీసి గాంధీ ఆస్పత్రికి తరలించారు. మృతుడు శాంతినగర్ కి చెందిన వ్యక్తిగా పోలీసులు గుర్తించారు.  కేసు నమోదు చేసి దర్యాప్తు చేపట్టారు.

 

13:26 - August 15, 2018

మేడ్చల్ : షామీర్ పేట్ పోలీస్ స్టేషన్ పరిధిలో రోడ్డు ప్రమాదం జరిగింది. ద్విచక్ర వాహనాన్ని టాటాఏసీ ఆటో ఢీకొనడంతో ..ముందుకు వెళ్తున్న లారీ కిందపడి ఇద్దరు మృతి చెందారు. జాతీయ రహదారి తుకుంటా గ్రామంలోని అలంకృత రిసార్ట్స్ వద్ద ఈ ఘటన చోటు చేసుకుంది. సంఘటన స్థలానికి చేరుకున్న పోలీసులు కేసు నమోదు చేసి దర్యాప్తు చేపట్టారు.

09:32 - August 5, 2018

మేడ్చల్ : జవహార్ నగర్ పీఎస్ పరిధిలోని అరుంధినగర్ లో ఓ మహిళ గొంతు కోశారు. ఉష అనే మహిళ ఇంట్లో ఒంటరిగా ఉంది. ఇది గమనించిన మైనర్ అబ్బాయిలు ఆమె ఇంట్లోకి చొరబడ్డారు. వెంటనే ఉష గొంతు కోసి పరారయ్యారు. స్థానికులు గమనించి ఆమెను ఆసుపత్రికి తరలించారు. ఆమె గొంతు ఎందుకు కోశారో ? తెలియరాలేదు. పరారయిన నిందితులను పోలీసులు అదుపులోకి తీసుకున్నారు. పోలీసుల విచారణలో ఈ ఘటనకు ఎందుకు పాల్పడ్డారో తెలియరానుంది. ప్రస్తుతం ఉష ఆరోగ్య పరిస్థితి నిలకడగానే ఉందని తెలుస్తోంది. 

20:14 - July 23, 2018

తెలంగాణ రాష్ట్రంలో బోనాల సందడి ప్రారంభమైంది. ఇటీవలే గోల్కొండలో బోనాలు ప్రారంభమయ్యాయి. ఈ సందర్భంగా ఇటీవలే 'మల్లన్న' బోనాల సాంగ్ రిలీజ్ చేశారు. పాటకు సంబంధించిన షూటింగ్ మేడ్చల్ నియోజకవర్గంలో జరిగింది. ఇందుకు స్కైలాబ్ రెడ్డి సహకరించారు. ఈ నేపథ్యంలో సాంగ్ కు సంబంధించిన మేకింగ్ వీడియోను 'మల్లన్న ముచ్చట్లు' లో చూడాలంటే వీడియో క్లిక్ చేయండి. 

09:44 - July 22, 2018

మేడ్చల్‌ : జిల్లాలోని కీసర మండల కేంద్రంలో వృద్ధురాలిని ఆగంతకులు హత్య చేశారు. కుతడి పెద్దమ్మను గొంతు నులిమి చంపి నగలను దోచుకెళ్ళారు దుండగులు.  మృతురాలిది యాదాద్రి జిల్లా మల్యాల గ్రామం. కాగా.. కూతురిని చూడటానికి వచ్చిన పెద్దమ్మ దుండగుల చేతిలో హతమైందని బంధువులు ఆవేదన చెందుతున్నారు. సమాచారం అందుకున్న పోలీసులు, ఫోరెన్సిక్‌ ల్యాబ్, డాగ్‌స్క్వాడ్‌ ద్వారా వివరాలు సేకరిస్తున్నారు.

 

10:23 - July 21, 2018

మేడ్చల్ : జిల్లాలో బోడుప్పల్ లో పోలీసులు కార్డన్ సెర్చ్ నిర్వహించారు. దేవేంద్ర నగర్, జ్యోతి నగర్ కాలనీల్లో మల్కాజ్ గిరి డీసీపీ ఉమా మహేశ్వర్ ఆధ్వర్యంలో ఈ తనిఖీలు కొనసాగాయి. సెర్చ్ లో 300 మంది పోలీసులు పాల్గొన్నారు. రౌడీ షీటర్, ముగ్గురు నాన్ బెయిలబుల్ వ్యక్తులను పోలీసులు అదుపులోకి తీసుకున్నారు. మరో 11 మందిని పోలీసులు అదుపులోకి తీసుకున్నారు. సరైన ధృవపత్రాలు లేని 2 ఫోర్ వీలర్ వాహనాలు, 5 ఆటోలు, 18 బైక్ లను పోలీసులు స్వాధీనం చేసుకున్నారు. తనిఖీల్లో ఓ బెల్ట్ షాప్ ను కూడా స్వాధీనం చేసుకున్నారు. 

15:29 - July 6, 2018

మేడ్చల్ : జిల్లాలో ఓ కానిస్టేబుల్ ఆత్మహత్యాయత్నానికి పాల్పడ్డాడు. మేడ్చల్ పోలీసు స్టేషన్ లో సూర్యప్రకాశ్ కానిస్టేబుల్ గా పని చేస్తున్నాడు. నెల రోజుల క్రితమే షామీర్ పేట పోలీస్ స్టేషన్ నుంచి మేడ్చల్ పీఎస్ కు ప్రకాశ్ బదిలీ అయ్యారు. ఈనేపథ్యంలో షామీర్ పేటలోని తన ఇంట్లో ప్రశాక్ ఆత్మహత్యాయత్నం చేసుకున్నారు. అతని పరిస్థితి విషమంగా ఉంది. సుచిత్రలోని ఓ ప్రైవేట్ ఆస్పత్రికి తరలించారు. మరిన్ని వివరాలను వీడియోలో చూద్దాం.. 

18:27 - June 16, 2018

మేడ్చల్‌ : జిల్లా యువతకు టీఎన్‌ఆర్‌ సైనిక్‌ అకాడమీ బహదూర్‌పల్లి నందు శిక్షణ ఇవ్వనున్నట్లు ఆ సంస్థ చైర్మన్‌ టీఎన్‌ రావు తెలిపారు. పోలీసు శాఖలో ఉద్యోగాలకు నోటిఫికేషన్‌ విడుదలైన నేపథ్యంలో.. జిల్లా గ్రామీణాభివృద్ధి సంస్థ ఆధ్వర్యంలో 2 నెలల పాటు ఉచిత శిక్షణ ఇవ్వనున్నట్లు తెలిపారు. అర్హత కల్గిన అభ్యర్థులు ఆదివారం వరకు దరఖాస్తు చేసుకోవాలన్నారు. ఎంపికైన అభ్యర్థులకు ఉచిత శిక్షణతో పాటు భోజనం.. స్పోర్ట్స్‌ కిట్‌ ఇవ్వనున్నామని ఈ అవకాశాన్ని యువత సద్వినియోగం చేసుకోవాలన్నారు. 

16:59 - June 11, 2018

మేడ్చల్ : ఆర్హులైన పేదలకు డబుల్ బెడ్ రూం ఇళ్లు ఇవ్వాలని లేకపోతే ప్రగతి భవన్ ముట్టడిస్తామని సీపీఐ రాష్ట్ర కార్యదర్శి చాడ వెంకటరెడ్డి హెచ్చరించారు. డబుల్ బెడ్‌రూంలలో అవకతవకలు జరిగాయని.. ఎమ్మెల్యేల కోటాలో పంచుకుంటున్నారని టీడీపీ నేత పెద్దిరెడ్డి ఆరోపించారు. వచ్చే ఎన్నికల్లో కేసీఆర్‌ ప్రభుత్వాన్ని గద్దె దించుతామని వారు హెచ్చరించారు. మేడ్చల్ కలెక్టరేట్ వద్ద వామపక్షాల మహాధర్నాలో సీపీఐ రాష్ట్ర కార్యదర్శి చాడ వెంకట్‌రెడ్డి, టీడీపీ నేత పెద్దిరెడ్డి తదితురులు పాల్గొన్నారు.

14:55 - May 21, 2018

Pages

Don't Miss

Subscribe to RSS - మేడ్చల్