మేడ్చల్

20:26 - November 23, 2018

మేడ్చల్ : తెలంగాణ రాష్ట్ర ఏర్పాటు తర్వాత  మొదటిసారి నా బిడ్డల దగ్గరికి వచ్చినట్లుందని ఉద్వేగబరిత వ్యాఖ్యలతో తన ప్రసంగాన్ని ప్రారంభించారు కాంగ్రెస్ అధినేత్రి సోనియాగాంధీ. మేడ్చల్ లోని ఎన్నికల బహిరంగ సభలో పాల్గొన్నారు. కూటమి నేతలు అందరూ హాజరయ్యారు. తెలంగాణ స్వపరిపాలన ప్రారంభం అయిన తర్వాత తొలిసారి తెలంగాణ గడ్డపై అడుగుపెట్టారామె. ప్రజలను ఉద్దేశించి ప్రసంగం ప్రారంభించే ముందు.. తెలంగాణ బిడ్డల దగ్గరకు వచ్చినట్లు ఉందంటూ వ్యాఖ్యలు చేశారు. 
తెలంగాణకు రావడం చాలా సంతోషంగా ఉంది...
తెలంగాణకు రావడం చాలా సంతోషంగా ఉందన్నారు. తెలంగాణ ప్రజలందరికీ కార్తీక పౌర్ణమి శుభాకాంక్షలు తెలిపారు. తెలంగాణ ఏర్పడినందుకు తనకు చాలా గర్వంగా ఉంది. తెలంగాణ ప్రజల ఆకాంక్షలను గౌరవించి తెలంగాణ రాష్ట్ర ఏర్పాటు నిర్ణయం తీసుకున్నామని తెలిపారు. రాజకీయంగా నష్టం జరుగుతుందని తెలిసినా తెలంగాణకు అనుకులంగా నిర్ణయం తీసుకున్నామని తెలిపారు. ఇచ్చిన మాట ప్రకారం ఆంధ్రప్రదేశ్‌కు ప్రత్యేక హోదాకు కట్టుబడి ఉన్నామని తెలిపారు. ఆంధ్రప్రదేశ్ ప్రజలు బతుకులు బాగు పడాలని ప్రత్యేక హోదా ఇచ్చేందుకు నిర్ణయం తీసుకున్నామని తెలిపారు. 
తెలంగాణ ప్రజలు కన్న కలలు సాకారమయ్యాయా?
ప్రత్యేక తెలంగాణలో జరగాల్సిన అభివృద్ధి జరగలేదన్నారు. తెలంగాణ ప్రజలు కన్న కలలు సాకారమయ్యాయా? నీళ్లు, నిధులు, నియామకాల్లో ఎన్ని నెరవేరాయని ప్రశ్నించారు. భూసేకరణ చట్టాన్ని తుంగలో తొక్కి రైతుల హక్కులను ఈ ప్రభుత్వం తుంగలో తొక్కిందన్నారు. ఇప్పటికీ రైతుల పొలాల్లోకి నీరు రావడం లేదని తెలిపారు. రైతుల ఆత్మహత్యలు కొనసాగుతూనే ఉన్నాయని పేర్కొన్నారు. దళితులు, ఆదివాసీలకు టీఆర్ఎస్ ప్రభుత్వం చేసిందేమీ లేదని విమర్శించారు. మహాకూటమిని గెలిపించాలని పిలుపు ఇచ్చారు. 

 

12:26 - November 23, 2018

హైదరాబాద్ : టీఆర్ఎస్ పార్టీ నుండి ఓ నేత బహిష్కరణకు గురయ్యారు. ఈ విషయాన్ని టీఆర్ఎస్ కార్యాలయం అధికారికంగా ప్రకటించింది. ఎమ్మెల్సీ కె.యాదవరెడ్డిని టీఆర్‌ఎస్ పార్టీ బహిష్కరించింది. పార్టీ వ్యతిరేక కార్యకలాపాలకు పాల్పడుతున్నందున క్రమశిక్షణ చర్యల్లో భాగంగా యాదవరెడ్డిపై బహిష్కరణ వేటు వేసినట్లు టీఆర్ఎస్ కార్యాలయం పేర్కొంది. కాగా, విశ్వేశ్వరరెడ్డి గత రెండు రోజుల క్రితం టీఆర్ఎస్ పార్టీకి రాజీనామా చేశారు. విశ్వేశ్వరరెడ్డి అనుచరుడిగా పేరున్న యాదవరెడ్డి టీఆర్ ఎస్ నుండి బహిష్కరణకు గురయ్యారు. ఈ నేపథ్యంలో విశ్వేశ్వరరెడ్డి  మేడ్చల్‌లో నవంబర్ 23 న జరిగే ఎన్నికల సభలో సోనియాగాంధీ సమక్షంలో కాంగ్రెస్ పార్టీలో చేరనున్నారు. ఆయనతోపాటు ఎమ్మెల్సీ యాదవరెడ్డి కూడా కాంగ్రెస్‌లో చేరే అవకాశం ఉందని తెలుస్తున్న నేపథ్యంలో టీఆర్ఎస్ పార్టీ అధిష్టానం యాదవరెడ్డిపై సస్పెన్షన్ వేటు వేసినట్లు సమాచారం. 2014 వరకు కాంగ్రెస్‌లో ఉన్న యాదవరెడ్డి ఆ తర్వాత టీఆర్ఎస్‌లో చేరిన సంగతి తెలిసిందే. 
 

 

08:06 - November 23, 2018

హైదరాబాద్: తెలంగాణ ప్రత్యేక రాష్ట్రంగా  ఏర్పాటయ్యాక యూపీఏ చైర్ పర్సన్ సోనియా గాంధీ  రాష్ట్రానికి తొలిసారి రాబోతున్నారు. అసెంబ్లీ  ఎన్నికల్లో పార్టీ తరుఫున ప్రచారం చేయటానికి సోనియా శుక్రవారం మేడ్చల్లో జరిగే బహిరంగ సభలో ఏఐసీసీఅధ్యక్షుడు రాహుల్ గాంధీతో కలిసి సభలో పాల్గోంటారు. కాంగ్రెస్  పాశ్రేణులు బహిరంగ సభను విజయవంతం చేయటానికి ఘనంగా  ఏర్పాట్లు చేసారు. ఈ సభ అనంతరం రాష్ట్రంలో  పార్టీ ప్రచారాన్ని ముమ్మరం చేసే ఉద్దేశ్యంలో ఉంది.  ఉమ్మడి ఆంధ్రప్రదేశ్ లో  ఉఁడగా  తెలంగాణా ప్రత్యేకా రాష్ట్రాన్ని ఏర్పాటు చేసిన ఘనత సోనియా గాంధీకి దక్కినప్పటికీ గత ఎన్నికల్లో  పార్టీ ఆమేర  ప్రయోజనం చేకూర్చుకోలేక పోయింది.సోనియా గాంధీ వల్లే  తెలంగాణ వచ్చిందని ఈ సభ ద్వారా  ప్రజలకు చెప్పాలని రాష్ట్ర నాయకత్వం భావిస్తోంది.  రాహుల్ ,సోనియాలు  మధ్యాహ్నం ఢిల్లీ నుంచి ప్రత్యేక విమానంలో  బయలు దేరి ,సాయంత్రం 5 గంటలకు బేగంపేట విమానాశ్రయానికి చేరుకుంటారు. అక్కడి నుంచి బయలుదేరి  6 గంటలకు మేడ్చల్ లో ఏర్పాటు చేసిన బహిరంగ సభకు చేరుకుంటారు.  ఈసభలో సోనియా 45 నిమిషాలు, రాహుల్ గాంధీ 20నిమిషాలు  ప్రసంగిస్తారు.  తెలంగాణ ఏర్పాటు విషయంలో కాంగ్రెస్ పార్టీ  తీసుకున్న నిర్ణయం, అప్పటి పరిస్ధితులును  సోనియా, రాహుల్  ప్రజలకు వివరించనున్నారు. ఈ  సందర్భంగా 116 పేజీల కాంగ్రెస్ మేనిఫెస్టోను సోనియా ఆవిష్కరించనున్నారు.  మేడ్చల్ లోజరిగే బహిరంగ సభ వేదికపై  కాంగ్రెస్ పార్టీకి చెందిన ప్రముఖ నాయకులు, పోటీలో ఉన్న అభ్యర్ధులతో పాటు ప్రజాకూటమిలోని ప్రదాననాయకులు కూడా పాల్గోంటారని టీపీసీసీ నేతలు  చెప్పారు. 

12:25 - November 22, 2018

హైదరాబాద్: నామినేషన్ల ఘట్టం ముగియడంతో రాజకీయ పార్టీలు ఇక ప్రచారంపై దృష్టిసారించాయి. కాంగ్రెస్ పార్టీ ఈ నెల 23న మేడ్చల్ లో భారీ బహిరంగసభ నిర్వహించేందుకు కసరత్తు చేస్తోంది. ఈ సభలో సోనియా గాంధీ పాల్గొంటారని పీసీసీ చీఫ్ ఉత్తమ్ కుమార్ రెడ్డి టీవీ ప్రకటనల్లో హోరెత్తిస్తున్నారు. ఏపీ సీఎం చంద్రబాబు నాయుడు కూడా ఈ సభలో పాల్గొంటారన్న ప్ర,చారం సాగుతున్న నేపథ్యంలో చంద్రబాబు సోనియా సభలో పాల్గొనబోవడంలేదని.. వచ్చే నెలలో జరిగే రాహుల్ గాంధీ పాల్గోనే సభలో పాల్గోంటారని సీనియర్ కాంగ్రెస్ నాయకులు చెబుతున్నారు. హైదారాబాద్, ఖమ్మం, రంగారెడ్డి జిల్లాల్లో జరిగే రాహుల్ గాంధీ సభల్లో పాల్గొనేందుకు చంద్రబాబు అంగీకారం తెలిపినట్టు సమాచారం. మొత్తానికి వచ్చేనెల 7న జరిగే ఎన్నికల్లో మహాకూటమి తరపున చంద్రబాబు ప్రచారం చేసేందుకు సిద్ధమవుతున్నారు. 

 

12:22 - October 15, 2018

మేడ్చల్ : జిల్లాలోని జవహర్ నగర్‌లో దారుణం జరిగింది. ఓ వ్యక్తిని గుర్తు తెలియని వ్యక్తులు హత్య చేసి గోనెసంచిలో పెట్టి కాల్చి వేశారు. చెన్నాపురం చెరువులో నీళ్లు లేని గుంతలో కాలిపోయిన వ్యక్తి మృతదేహం లభ్యమైంది. కాలిన గాయాలతో వ్యక్తి అనుమానాస్పద మృతి చెందారు. గుర్తు తెలియని వ్యక్తులు వ్యక్తిని హత్య చేసి గోనెసంచిలో పెట్టి కాల్చి వేశారు. సమాచారం తెలుసుకున్న క్లూస్ టీమ్‌తో 
ఘటనాస్థలికి చేరుకుని సమాచారాన్ని సేకరిస్తున్నారు. చుట్టుపక్కలున్న సీసీ కెమెరాలను పరిశీలిస్తున్నారు. మృతుడు 30 నుంచి 35 వయస్సు గల వ్యక్తిగా గుర్తించారు. మృతదేహాన్ని గాంధీ ఆస్పత్రి మార్చురీకి తరలించారు. హత్యకు కారణం ప్రేమ వ్యవహారామా? లేదా మరేదైనా కారాణాలున్నాయా ? అనే కోణంలో పోలీసులు దర్యాప్తు చేస్తున్నారు. 

 

18:32 - August 18, 2018

మేడ్చల్ : జిల్లాలోని జవహర్ నగర్ లో దారుణం జరిగింది. జవహర్ నగర్ పోలీస్ స్టేషన్ పరిధిలోని చెన్నాపురం చెరువులో గుర్తుతెలియని యువకుడి మృతదేహాన్ని స్థానికులు గుర్తించారు. సమాచారం తెలుసుకున్న పోలీసులు ఘటన స్థలానికి చేరుకొని మృతదేహాన్ని బయటకు తీసి గాంధీ ఆస్పత్రికి తరలించారు. మృతుడు శాంతినగర్ కి చెందిన వ్యక్తిగా పోలీసులు గుర్తించారు.  కేసు నమోదు చేసి దర్యాప్తు చేపట్టారు.

 

13:26 - August 15, 2018

మేడ్చల్ : షామీర్ పేట్ పోలీస్ స్టేషన్ పరిధిలో రోడ్డు ప్రమాదం జరిగింది. ద్విచక్ర వాహనాన్ని టాటాఏసీ ఆటో ఢీకొనడంతో ..ముందుకు వెళ్తున్న లారీ కిందపడి ఇద్దరు మృతి చెందారు. జాతీయ రహదారి తుకుంటా గ్రామంలోని అలంకృత రిసార్ట్స్ వద్ద ఈ ఘటన చోటు చేసుకుంది. సంఘటన స్థలానికి చేరుకున్న పోలీసులు కేసు నమోదు చేసి దర్యాప్తు చేపట్టారు.

09:32 - August 5, 2018

మేడ్చల్ : జవహార్ నగర్ పీఎస్ పరిధిలోని అరుంధినగర్ లో ఓ మహిళ గొంతు కోశారు. ఉష అనే మహిళ ఇంట్లో ఒంటరిగా ఉంది. ఇది గమనించిన మైనర్ అబ్బాయిలు ఆమె ఇంట్లోకి చొరబడ్డారు. వెంటనే ఉష గొంతు కోసి పరారయ్యారు. స్థానికులు గమనించి ఆమెను ఆసుపత్రికి తరలించారు. ఆమె గొంతు ఎందుకు కోశారో ? తెలియరాలేదు. పరారయిన నిందితులను పోలీసులు అదుపులోకి తీసుకున్నారు. పోలీసుల విచారణలో ఈ ఘటనకు ఎందుకు పాల్పడ్డారో తెలియరానుంది. ప్రస్తుతం ఉష ఆరోగ్య పరిస్థితి నిలకడగానే ఉందని తెలుస్తోంది. 

20:14 - July 23, 2018

తెలంగాణ రాష్ట్రంలో బోనాల సందడి ప్రారంభమైంది. ఇటీవలే గోల్కొండలో బోనాలు ప్రారంభమయ్యాయి. ఈ సందర్భంగా ఇటీవలే 'మల్లన్న' బోనాల సాంగ్ రిలీజ్ చేశారు. పాటకు సంబంధించిన షూటింగ్ మేడ్చల్ నియోజకవర్గంలో జరిగింది. ఇందుకు స్కైలాబ్ రెడ్డి సహకరించారు. ఈ నేపథ్యంలో సాంగ్ కు సంబంధించిన మేకింగ్ వీడియోను 'మల్లన్న ముచ్చట్లు' లో చూడాలంటే వీడియో క్లిక్ చేయండి. 

09:44 - July 22, 2018

మేడ్చల్‌ : జిల్లాలోని కీసర మండల కేంద్రంలో వృద్ధురాలిని ఆగంతకులు హత్య చేశారు. కుతడి పెద్దమ్మను గొంతు నులిమి చంపి నగలను దోచుకెళ్ళారు దుండగులు.  మృతురాలిది యాదాద్రి జిల్లా మల్యాల గ్రామం. కాగా.. కూతురిని చూడటానికి వచ్చిన పెద్దమ్మ దుండగుల చేతిలో హతమైందని బంధువులు ఆవేదన చెందుతున్నారు. సమాచారం అందుకున్న పోలీసులు, ఫోరెన్సిక్‌ ల్యాబ్, డాగ్‌స్క్వాడ్‌ ద్వారా వివరాలు సేకరిస్తున్నారు.

 

Pages

Don't Miss

Subscribe to RSS - మేడ్చల్