మోహన్ భగవత్

17:47 - October 20, 2018

ఢిల్లీ : అయోధ్యలో రామజన్మ భూమి వివాదం వచ్చే లోక్ సభ ఎన్నికల్లో ప్రచారాస్త్రం కాబోతోందా? ఇటీవల చోటు చేసుకుంటున్న పరిణామాలు చూస్తే ఈ సందేహం  రాక మానదు. తరచుగా బీజేపీ, ఆర్ఎస్ఎస్ నేతలు ప్రకటనలు చూస్తుంటేఅదే నిజమనిపిస్తోంది. రామ జన్మభూమి నిర్మాణానికి అంతా సహకరిస్తామని ఆర్ఎస్ఎస్ చీఫ్ మోహన్ భగవత్ ప్రకటించారు.

Image result for BHAGAVATH rSS AND UDDAV THAKREదేశంలోనే వివాదాస్పదమైన అయోధ్య రామమందిర నిర్మాణ అంశాన్ని మరోసారి తెరపైకి తెచ్చింది బీజేపీ. యూపీలో అధికారంలోకి వస్తే రామ మందిరాన్ని నిర్మిస్తామని ఎన్నికల మేనిఫెస్టోలో ప్రకటించిన విషయం కూడా తెలిసిందే. కానీ ఎన్డీయే ప్రభుత్వం ఏర్పాటు అయిన తరువాత అది ఎటూ తేలలేదు. కానీ ఇప్పుడు తాజాగా రానున్న ఎన్నికల్లో మరోసారి రామజన్మ భూమిని అస్త్రంగా ఉపయోగించటానికి బీజేపీ రెడీ అయిపోయింది. దీనిపై ఎన్ని వివర్శలు వచ్చినా రామ జన్మ భూమిలో అయోధ్యను నిర్మించి తీరతామని ప్రకటిస్తు వచ్చారు. ఇప్పుడు తాజాగా మరోసారి రామజన్మ భూమి వివాదాన్ని తెరపైకి తెచ్చిన భగవత్ ప్రకటనతో కాంగ్రెస్ నేతలు మండిపడుతున్నారు. విమర్శలు చేస్తున్నారు. మహారాష్ట్ర ఎన్నికల్లో బీజేపీకి దూరంగా వున్న శివసేన కూడా ఇదే పంథాను అవలంభిస్తోంది. రామమందిరం నిర్మాణం ఎందుకు ఆలస్యం అవుతోందని ప్రశ్నిస్తోంది. దీనికోసం నవంబర్ 25 అయోధ్యకు వెళతానని శివసేన చీఫ్ ఉద్ధవ్ ఠాక్రే తెలిపారు. 

Image result for supreme court ayodhyaమరోవైపు సుప్రీంకోర్టులో బాబ్రి మసీదు, రామ జన్మభూమి కేసులు ఇంకా పెండింగ్ లోనే వున్నాయి. ఈ అంశంపై పలుమార్లు విచారణ కొనసాగుతున్నా ఇంతవరకూ ఎటూ తేలలేదు. దీంతో బాబ్రి మసీదు, రామ జన్మభూమి వివాదాలపై ఎన్నికల ముందు తీర్పు వెలువరించవద్దనీ..అలా చేస్తే అల్లర్లు చెలరేగుతాయని సుప్రీం కోర్టులో పలు పిటీషన్స్ దాఖలైయ్యాయి. ఈ నేపథ్యంలో రాజకీయ లబ్ది కోసం రామ జన్మభూమి అంశాన్ని మరోసారి తెరపైకి తెచ్చేందుకు బీజేపీ, ఆర్ఎస్ఎస్, శివసేన యత్నిస్తున్నాయి. 

10:20 - September 20, 2018

ఢిల్లీ : భారతదేశంలో నివసిస్తున్న వారంతా..గుర్తింపు ఉన్న భారతీయులేనన్నారు ఆర్ఎస్ఎస్ చీఫ్‌ మోహన్ భగవత్. కులతత్వంపై ఆర్ఎస్ఎస్ కు నమ్మకం లేదన్న ఆయన...కులమతాలకు అతీతంగా అందరూ ఎదగాల్సిన అవసరముందన్నారు. బలహీన వర్గాల అభ్యున్నతికి రిజర్వేషన్లు అవసరమేనన్న భగవత్...రిజర్వేషన్లకు ఆర్ఎస్ఎస్ వ్యతిరేకం కాదని స్పష్టం చేశారు. రిజర్వేషన్లు ఎప్పటివరకు కొనసాగాలనేది వారే నిర్ణయించుకోవాలని చెప్పారు. 
హిందూలందర్ని ఐక్యంగా ఉంచడానికే ఆర్ఎస్ఎస్ ప్రయత్నిస్తోందన్నారు రాష్ట్రీయ స్వయం సేవక్ సంఘ్ చీఫ్‌ మోహన్ భగవత్. డిల్లీలోని విజ్ఞాన్ భవన్ లో జరిగిన ఆర్ఎస్ఎస్ ముగింపు సమావేశాల్లో మోహన్ భగవత్ కీలకోపన్యాసం చేశారు. దేశంలోని బలహీన వర్గాల అభ్యున్నతికి రిజర్వేషన్లు అవసరమేనని స్పష్టం చేశారు ఆర్ఎస్ఎస్ చీఫ్ మోహన్ భగవత్. రిజర్వేషన్ విధానానికి సంఘ్ మద్దతిస్తుందన్న ఆయన.... ఎస్సీ, ఎస్టీ చట్టాన్ని దుర్వినియోగం చేయరాదని చెప్పుకొచ్చారు. 

భారతదేశంలో నివసిస్తూ భారతీయులుగా గుర్తింపు ఉన్న వారంతా హిందువులేనని భగవత్ అన్నారు. అంతా మనవాళ్లే, అంతా కలిసిమెలిసి ఉండాలన్నదే భారతీయ సిద్ధాంతమన్న ఆయన...ఐక్యతను ప్రతి హిందువు నమ్ముతాడన్నారు. భారతీయులంతా హిందువులేన్న భగవత్... హిందువులందరినీ ఐక్యంగా ఉంచడానికే ఆర్ఎస్ఎస్ ప్రయత్నిస్తోందన్నారు. హిందూ దేశం అంటే ముస్లింలకు స్థానం లేదని అర్థం చేసుకోరాదన్నారు. కులమతాలకు అతీతంగా అందరూ ఎదగాల్సిన అవసరం ఉందన్నారు మోహన్ భగవత్, కులతత్వంపై ఆర్ఎస్ఎస్‌కు నమ్మకం లేదన్న ఆయన...అన్నిమతాలు సమానమేనని, మత మార్పిడులు అవసరం లేదన్నారు. మతమార్పిడుల కోసం మతాన్ని ఉపయోగించుకోరాదన్నారు. అసలు మతమార్పిడుల అవసరం ఏముందున్నారు. గోసంరక్షణ పేరుతో సాటి మనుషులను కొట్టిచంపడం సమర్ధనీయం కాదన్న ఆయన... మూకుమ్మడి హింసాకాండలు జరగరాదన్నారు.

08:50 - September 19, 2018

ఢిల్లీ : ఆర్ఎస్ఎస్ చీఫ్‌ మోహన్ భగవత్...హిందూత్వ అంశంపై కీలక వ్యాఖ్యలు చేశారు. సమాజంలో ముస్లింలను భాగంగా చూడకుండా...వారిని కలుపుకొని ముందుకెళ్లకపోతే హిందూత్వకు అర్థం లేదన్నారు. జాతీయ ప్రయోజనాలకు కోసం పని చేసే వారికి అండగా ఉంటాన్న భగవత్...ఏ పార్టీకి పని చేయమని స్వయం సేవకులను ఆదేశించ లేదని స్పష్టం చేశారు.

హిందుత్వ అంశంపై రాష్ట్రీయ స్వయం సేవక్ సంఘ్ చీఫ్ మోహన్ భగవత్ కీలక వ్యాఖ్యలు చేశారు. ఢిల్లీలోని విజ్ఞాన్ భవన్ లో జరుగుతున్న భవిష్య కా భౄరత్-అర్ఎస్ఎస్ పర్ స్పెక్టివ్ సదస్సులో భగవత్ మాట్లాడారు. భారత సమాజంలో ముస్లింలను భాగంగా చూడకపోతే...అది హిందుత్వ అనిపించుకోదని స్పష్టం చేశారు. సమాజంలో ముస్లింలను భాగంగా చూడకుండా...వారిని కలుపుకొని ముందుకెళ్లకపోతే అసలు హిందుత్వకే అర్థం లేదన్నారు. మొత్తం సమాజాన్ని ఏకం చేయడమే ఆర్ఎస్ఎస్ లక్ష్యమని ప్రకటించారు.

సంఘ్‌ పుట్టుక నుంచే రాజకీయాలకు దూరంగా ఉండాలని నిర్ణయించుకున్నట్లు మోహన్ భగవత్ స్పష్టం చేశారు. ఎప్పుడు ఎన్నికల్లో పోటీ చేయబోదన్న ఆయన...జాతీయ ప్రయోజనాల కోసం పని చేసే వారికి అండగా ఉంటామన్నారు. కేంద్రం ప్రభుత్వం నిర్ణయాల వెనుక నాగ్ పూర్ ఉందంటూ...కొంత మంది చేస్తున్న వ్యాఖ్యలను భగవత్ కొట్టిపారేశారు. రాజకీయాలను, ప్రభుత్వ నిర్ణయాలను తాము ప్రభావితం చేయబోమన్న ఆయన...కేంద్ర ప్రభుత్వానికి ఏదైనా సలహా కావాలంటే మాత్రం తమను సంప్రదిస్తుందని.. అప్పుడు వారికి అవసరమైన సలహాలు ఇస్తామన్నారు. ఫలానా పార్టీకి పని చేయాలని...స్వయం సేవకులకు ఎన్నడూ ఆదేశించలేదన్నారు. 

09:25 - August 31, 2018

కర్నూలు : నేటి నుండి మూడు రోజుల పాటు మంత్రాలయంలో ఆర్ఎస్ఎస్ అఖిల భారత మహాసభలు జరుగనున్నాయి. సమావేశంలో పాల్గొనేందుకు బీజేపీ జాతీయ అధ్యక్షుడు అమిత్ షా, ఆర్ఎస్ఎస్ చీఫ్ మోహన్ భగవత్ లు మంత్రాలయానికి చేరుకున్నారు. ఈ సమావేశంలో అంతర్జాతీయ, జాతీయ నేతలు పాల్గొననున్నారు. సమావేశం జరిగే ప్రాంతం వద్ద భారీ బందోబస్తు ఏర్పాటు చేశారు. ఈ సందర్భంగా మంత్రాలయ రాఘవేంద్ర స్వామిని మోహన్ భగవత్ దర్శించుకున్నారు. అనంతరం పీఠాధిపతి సబూదేంద్ర తీర్థుల ఆశ్వీరాదం తీసుకున్నారు. 

15:54 - February 12, 2018

ఢిల్లీ : తాము తలుచుకొంటే కేవలం మూడు రోజుల్లో ఆర్మీని తయారు చేయగలమని ఆర్ఎస్ఎస్ చీఫ్ మోహన్ భగవత్ చేసిన వ్యాఖ్యలపై ఏఐసీసీ అధ్యక్షుడు రాహుల్ స్పందించారు. భగవత్ చేసిన వ్యాఖ్యలు భారత సైనికులను అవమానపరిచేవిగా ఉన్నాయని, దేశం కోసం ప్రాణాలర్పిస్తున్న సైనికులను..జాతీయ జెండాను అగౌరవపరిచాయని తెలిపారు. ఈ వ్యాఖ్యలు చేసినందుకు మోహన్ భగవత్ సిగ్గు పడాలని తెలిపారు. ఇదిలా ఉంటే భగవత్ చేసిన వ్యాఖ్యలపై ఆర్ఎస్ఎస్ ఓ ప్రకటన విడుదల చేసింది. ఆర్మీని..ఆర్ఎస్ఎస్ తో పోల్చలేదని..బీహార్ లోని ముజఫర్ నగర్ లో జరిగిన సమావేశంలో మోహన్ భగవత్ వివాదాస్పద వ్యాఖ్యలు చేశారు. ఆర్మీ తమ జవాన్లను సిద్ధం చేసేందుకు ఆరు నెలలు పడితే అదే ఆర్ఎస్ఎస్ శిక్షణ ఇస్తే మూడు రోజుల్లో స్వయం సేవక్ తయారవుతారని వ్యాఖ్యానించారు. 

06:48 - March 30, 2017

ఢిల్లీ: రాష్ట్రపతి ఎన్నికల రేసులో తాను లేనని ఆర్ఎస్ఎస్ చీఫ్ మోహన్ భగవత్ స్పష్టం చేశారు. ఆర్‌ఎస్‌ఎస్‌ చీఫ్‌ మోహన్‌భగవత్‌ పేరును రాష్ట్రపతి పదవికి పరిశీలించాలని శివసేన ఎంపీ సంజయ్ రౌత్ ఎన్డీఏ సర్కార్‌కు సూచించని నేపథ్యంలో ఆయన స్పందించారు. ఇది ఎప్పటికీ జరిగేది కాదని, తాను ఆర్ఎస్ఎస్ కోసం మాత్రమే పనిచేస్తానని భగవత్ తెలిపారు. ఆర్ఎస్ఎస్‌లో చేరేముందే తాను అన్ని తలుపులు మూసేశానన్నారు. రాష్ట్రపతి పదవిపై వస్తున్నవన్నీ వదంతులు మాత్రమేనని... పొరపాటున ఎవరైనా తన పేరు ప్రతిపాదించినా తాను ఎప్పటికీ ఒప్పుకోబోనని ఆయన కుండ బద్దలుకొట్టారు. భారత్ హిందూ దేశంగా ఉండాలన్న కల నెరవేరాలంటే రాష్ట్రపతిగా భగవత్‌ను ఎంపిక చేయాలని శివసేన సూచించిన విషయం తెలిసిందే.

10:30 - December 6, 2015

ఢిల్లీ : అయోధ్యలో మందిర నిర్మాణ అంశంపై ప్రకటనల జోరు పెరుగుతోంది. ఆర్ఎస్ఎస్‌ చీఫ్‌ మోహన్ భగవత్ ఒకమాటంటే ఆయనకు మద్దతుగా శివసేన మంటలు పుట్టించే వ్యాఖ్యలు చేసింది. పనిలో పనిగా ప్రధాని నరేంద్ర మోడీని కూడా కాషాయ సేన రామమందిర వివాదంలోకి ప్రవేశపెడుతోంది. శివసేన చేసిన కామెంట్స్ పై మోడీ ఎలా స్పందిస్తారో అని అంతా ఎదురుచూస్తున్నారు.
మోహన్‌భగవత్ వివాదాస్పద వ్యాఖ్యలు
అయోధ్యలో మందిర నిర్మాణ అంశంపై కాషాయ శక్తులు తమ వ్యాఖ్యల జోరు పెంచుతున్నాయి. కొద్ది రోజుల క్రితం ఆర్‌ఎస్‌ఎస్‌ చీఫ్‌ మోహన్‌భగవత్ మాట్లాడుతూ తన జీవిత కాలంలోనే అయోధ్యలో రామ మందిర నిర్మాణమనే అత్యున్నత లక్ష్యం నెరవేరుతుందని, బహుశా మనం ఆ దృశ్యాన్ని మన కళ్లతోనే చూడగలుగుతామని అన్నారు. మందిరం ఎప్పుడు నిర్మాణమవుతుందో మనం చెప్పలేకపోయినా మనం దానికోసం ఎదురుచూడాలని అన్నారు. దీనిపై సెక్యులర్‌ వాదులు ఘాటుగానే స్పందించారు. అసలే దేశంలో అసహన పరిస్థితులు నెలకొనగా ఇప్పుడీ వ్యాఖ్యలేంటంటూ మండిపడ్డారు. భగవత్ వ్యాఖ్యలపై చర్చ జరపాలంటూ రాజ్యసభలో పెద్దలు నిరసనలు కూడా చేశారు. అయితే తాజాగా మోహన్‌ భగవత్‌కు మద్దతు పలుకుతూ శివసేన రంగంలోకి దిగి వివాదాస్పద వ్యాఖ్యలు చేసింది.
డేట్ ప్రకటించాలని మోహన్‌ భగవత్‌ కు శివసేన డిమాండ్
అయోధ్యలో మందిర నిర్మాణం ఎప్పుడు ప్రారంభమవుతుందో డేట్ ప్రకటించాలని శివసేన మోహన్‌ భగవత్‌ను డిమాండ్ చేసింది. మందిరం విషయంలో మోహన్ భగవత్ తీసుకున్న నిర్ణయానికి తాము పూర్తిగా మద్దతు ప్రకటిస్తున్నామని శివసేన తెలిపింది. ఆయన తేదీని కూడా ప్రకటిస్తే మహబాగా ఉంటుందని ఆ పార్టీ తన అధికార పత్రిక సామ్నాలో తెలిపింది. పైగా మోడీని కూడా ఈ వ్యవహారంలోకి తీసుకొచ్చారు. అయోధ్యలో రామ మందిరం నిర్మించేందుకు కావాల్సిన శక్తి సామర్థ్యాలు ప్రధాని నరేంద్ర మోడీకి ఉన్నాయని మందిరం నిర్మిస్తే ఆయనకు మరింత ప్రజాకర్షణ పెరుగుతుందని శివసేన తెలిపింది.
ఇప్పుడు నిర్మించకుంటే మరెప్పుడూ నిర్మించలేరు : శివసేన సామ్నా
రామ మందిరాన్ని ఇప్పుడు నిర్మించకుంటే మరెప్పుడూ నిర్మించలేరనీ శివసేన సామ్నా ద్వారా కామెంట్ చేసింది. మరి ఈ విషయంలో మోడీ పెదవి విప్పుతారో లేదో చూడాలి. మొత్తమ్మీద అయోధ్య అంశాన్ని తీవ్రతరం చేసే ప్రయత్నాలు జరుగుతున్నట్లు ఈ వరుస కామెంట్లు నిరూపిస్తున్నాయి.

 

16:16 - October 4, 2015

విజయవాడ : రిజర్వేషన్లు ఎత్తివేసేందుకు కుట్రలు జరుగుతున్నాయని ఏపీ పీసీసీ చీఫ్ రఘువీరా పేర్కొన్నారు. ఆదివారం కాంగ్రెస్ కార్యాలయంలో ఓబీసీ రాష్ట్ర కార్యవర్గ సమావేశం జరిగింది. ఈ సమావేశానికి ఏపీ పీసీసీ చీఫ్ రఘువీరా పాల్గొన్నారు. ఏపీ కాంగ్రెస్ వ్యవహారాల ఇన్ ఛార్జీ తిరునావక్కరసు హాజరయ్యారు. రిజర్వేషన్లపై స్పష్టమైన వైఖరి వెల్లడించాలని, బీజేపీ ఉద్ధేశ్యపూర్వకంగానే రిజర్వేషన్లను ఎత్తివేసేందుకు ప్రయత్నిస్తోందని రఘువీరా విమర్శించారు. మోహన్ భగవత్ చేసిన వ్యాఖ్యలు బీజేపీకి శాసనమని, ఆయన వ్యాఖ్యలు ఖండించకపోవడం బట్టి చూస్తే రిజర్వేషన్ లను వేరు చేసే ప్రయత్నాలు జరుగుతున్నాయని తెలిపారు.

Don't Miss

Subscribe to RSS - మోహన్ భగవత్