యూపీ

06:33 - July 7, 2018

ఉత్తరప్రదేశ్‌ : ఉన్నావ్‌లో మరో దారుణ ఘటన చోటుచేసుకుంది. గంగాఘాట్‌ పోలీస్‌ స్టేషన్‌ పరిధిలో ఓ మహిళ పట్ల అమానుషంగా ప్రవర్తించారు. ముగ్గురు యువకులు మహిళను అటవీ ప్రాంతంలోకి తీసుకెళ్లి బలవంతగా అత్యాచారయత్నానికి ప్రయత్నించారు. దీనికి సంబంధించిన వీడియో సోషల్ మీడియాలో వైరల్‌ అయింది. ఇద్దరు యువకులు మహిళను బలవంతంగా లాక్కెళ్లుతుంటే మరో యువకుడు దానిని వీడియో తీశాడు. మాకు సహకరించకపోతే వీడియోను సోషల్‌ మీడియాలో షేర్‌ చేస్తామని బెదిరించారు. తనని వదిలేయండని ఎంత వేడుకున్నా ఆ దుర్మార్గులు కనికరించలేదు. చివరికి ఆ మహిళ ఎలాగోలా ఆ కామాంధుల నుంచి తప్పించుకుంది. దీనిపై కేసు నమోదు చేసిన పోలీసులు ఇద్దరు నిందితులను అరెస్ట్‌ చేశారు. మరొకరి కోసం గాలిస్తున్నారు. 

10:55 - June 13, 2018

యూపీ : యూపీలో ఘోర రోడ్డుప్రమాదం జరిగింది. విహారయాత్రకు వెళ్లివస్తుండగా విషాదం నెలకొంది. మెయిన్‌పురిలో డివైడర్‌ను ఢీకొట్టి బస్సు బోల్తాపడింది. ఈ ప్రమాదంలో 17 మంది మృతి చెందారు. టూర్స్ ఆండ్ ట్రావెల్స్ కు చెందిన ప్రైవేట్ బస్సులో 45 మందికిపైగా ప్రయాణికులు విహారయాత్రకు వెళ్లారు. రాజస్థాన్ లోని టూరిజం ప్రాంతాలకు వెళ్లివస్తున్నారు. జైపూర్ నుంచి ఫరక్కాబాద్ కు వెళ్తున్నారు. కిరాట్ పూర్ కు ఐదు కిలో మీటర్ల దూరంలో మెయిన్ పురిలో ఉదయం 5 గంటల సమయంలో డివైడర్ ను ఢీకొట్టి బస్సు బోల్తా పడింది. దీంతో బస్సులో ప్రయాణిస్తున్న 17 మంది అక్కడికక్కడే మృతి చెందారు. మరో 35 మందికి గాయాలయ్యాయి. వీరిలో 12 మంది పరిస్థితి విషమంగా ఉంది. క్షతగాత్రులు స్థానిక ఆస్పత్రిలో చికిత్స పొందుతున్నారు. డ్రైవర్ మితిమీరిన వేగంతో బస్సు అదుపు తప్పి డివైడర్ ను కొట్టి బోల్తా పడినట్లు తెలుస్తోంది. డ్రైవర్ కు తీవ్ర గాయాలు అయ్యాయి. ప్రమాద ఘటన పట్ల సీఎం యోగి ఆదిత్యనాథ్‌ తీవ్ర దిగ్భ్రాంతి వ్యక్తం చేశారు. మృతుల కుటుంబాలకు సీఎం సంతాపం ప్రకటించారు. క్షతగాత్రులకు మెరుగైన వైద్యం అందించాలని అధికారులను ఆదేశించారు. మెయిన్ పురి కలెక్టర్, పోలీసులు, అధికారులు ఘటనా స్థలికి చేరుకుని, పరిశీలిస్తున్నారు. ఘటన ఏవిధంగా జరిగిందో రికార్డు చేసుకునేందుకు యూపీ పోలీసులు ఆస్పత్రి వద్ద వెయిట్ చేస్తున్నారు. ఉత్తరప్రదేశ్, మధ్యప్రదేశ్ రాష్ట్రాలకు చెందిన ప్రయాణికులుగా గుర్తించారు. సమాచారాన్ని వారి కుటుంబసభ్యులకు తెలిపే పనిలో పోలీసులు ఉన్నారు. 

07:46 - May 30, 2018

లక్నో : ఉత్తరప్రదేశ్‌ సీనియర్‌ పోలీస్‌ అధికారి రాజేష్‌ సాహ్ని ఆత్మహత్యకు పాల్పడడం కలకలం రేపింది. సెలవుల్లో ఉన్న రాజేష్‌ ఇవాళ ఆఫీస్‌కు వచ్చారు. తన కారులో ఉన్న పిస్టల్‌ను సిబ్బందితో తెప్పించుకున్నారు. సర్వీస్‌ రివాల్వర్‌తో తనని తాను కాల్చుకుని ఆత్మహత్యకు పాల్పడడంతో సిబ్బంది కంగుతిన్నారు. ఆత్మహత్యకు గల కారణాలపై ఎలాంటి సుసైడ్‌ నోట్‌ కూడా రాయలేదు. 1992 బ్యాచ్‌ ప్రొవెన్షియల్ పోలీస్‌ సర్వీస్‌ ఆఫీసర్‌ రాజేష్‌ సాహ్ని యాంటీ టెర్రరిస్ట్‌ స్క్వాడ్‌లో ఎఎస్‌పిగా ఉన్నారు. ఉగ్రవాదానికి సంబంధించిన కేసుల్లో రాజేష్‌ కీలక పాత్ర పోషించారు. రాజేష్‌ సాహ్ని నిబద్ధత గల అధికారని యూపీ డిజిపి ఓమ్‌ ప్రకాశ్‌సింగ్ ట్వీట్‌ చేశారు. అతని ఆత్మహత్యకు కారణాలు ఇంకా తెలియలేదన్నారు.

 

15:00 - May 21, 2018

ఉత్తర్ ప్రదేశ్ : రాష్ట్రంలో 'నిర్భయ' ఘటనలు ఆగడం లేదు. ఎక్కడో ఒక చోట మహిళలు బలై పోతున్నారు. కామాంధులు రెచ్చిపోతూనే ఉన్నారు. ఎన్ని చట్టాలు తెచ్చినా ఆఘాయిత్యాలు మాత్రం ఆగడం లేదు. తాజాగా ఎటాలో దారుణ ఘటన చోటు చేసుకుంది. మే 1వ తేదీన హాజరా కెనాల్ సమీపంలో ఓ యువతిపై కారులో తిప్పుతూ సామూహిక అత్యాచారానికి పాల్పడ్డారు. అనంతరం నిందితులంతా పారిపోయారు. బాధితురాలి ఫిర్యాదు మేరకు కేసు నమోదు చేసుకుని దర్యాప్తు చేపట్టారు. 

13:53 - May 2, 2018

హైదరాబాద్ : యూపీ మాజీ సీఎం అఖిలేష్ యాదవ్ హైదరాబాద్ కు వచ్చారు. మంత్రి తలసాని శ్రీనివాస్ యాదవ్ ఆయనకు ఘన స్వాగతం పలికారు. అఖిలేష్ ప్రగతిభవన్ కు చేరుకున్నారు. సీఎం కేసీఆర్ తో ఆయన సమావేశం కానున్నారు. ఫెడరల్ ఫ్రంట్ ఏర్పాటుపై ఇరువురు చర్చించనున్నారు. మరిన్ని వివరాలను వీడియోలో చూద్దాం.. 

 

12:52 - May 2, 2018

హైదరాబాద్ : యూపీ మాజీ సీఎం అఖిలేష్ యాదవ్ హైదరాబాద్ కు చేరుకున్నారు. కాసేపట్లో ప్రగతిభవన్ లో సీఎం కేసీఆర్ తో ఆయన సమావేశం కానున్నారు. ఫెడరల్ ఫ్రంట్ ఏర్పాటుపై ఇరువురు చర్చించనున్నారు. మరిన్ని వివరాలను వీడియోలో చూద్దాం.. 

10:53 - May 2, 2018

హైదరాబాద్ : నేడు యూపీ మాజీ సీఎం అఖిలేష్ యాదవ్ హైదరాబాద్ కు రానున్నారు. మధ్యాహ్నం 12.10 గంటలకు బేగంపేట్ఎయిర్ పోర్టుకు చేరుకోనున్నారు. మధ్యాహ్నం 12.30 గంటలకు ప్రగతిభవన్ లో కేసీఆర్ తో అఖిలేష్ సమావేశం కానున్నారు. ఫెడరల్ ఫ్రంట్ ఏర్పాటుపై కేసీఆర్, అఖిలేష్ చర్చించనున్నారు. మధ్యాహ్నం కేసీఆర్ తో కలిసి అఖిలేష్ భోజనం చేయనున్నారు. ఆ తర్వాత తలసాని శ్రీనివాస్ యాదవ్ ఇంట్లో తేనేటి విందులో పాల్గొననున్నారు. సాయంత్రం 4 గంటలకు అఖిలేష్ యూపీకి తిరుగుప్రయాణం కానున్నారు. 

17:17 - April 12, 2018

ఢిల్లీ : దేశంలో మహిళలపై జరుగుతున్న అత్యాచారాలు, దాడులను నిరసిస్తూ ఢిల్లీలో మహిళా లోకం కదం తొక్కింది. ఐద్వాతోపాటు పలు మహిళా సంఘాలు పార్లమెంటు స్ట్రీట్‌లో ధర్నా నిర్వహించాయి. మహిళలపై జరుగుతున్న అత్యాచారాలను అరికట్టడంలో విఫలమైన యూపీ ముఖ్యమంత్రి యోగి ఆదిత్యనాథ్‌ రాజీనామా చేయాలని డిమాండ్‌ చేశాయి. దీనిపై మరింత సమాచారం కోసం వీడియో చూడండి..

18:22 - April 10, 2018

లక్నో : అణువణువూ కాషాయాన్ని ఒంటబట్టించుకున్న హిందుత్వవాదులు రాజ్యాంగ నిర్మాత డాక్టర్‌ బాబా సాహెబ్‌ అంబేద్కర్‌ విగ్రహాన్ని కూడా కాషాయంగా మార్చేశారు. దీనిపై తీవ్ర నిరసనలు వెల్లువెత్తడంతో విగ్రహానికి మళ్లీ నీలిరంగు వేశారు. ఉత్తరప్రదేశ్‌ బదయూ జిల్లాలో ఇటీవల అంబేద్కర్‌ విగ్రహాన్ని ధ్వంసం చేశారు. ఈ విగ్రహాన్ని తిరిగి పునరుద్ధరించిన సందర్భంగా రాజకీయ రంగు పులుముకుంది. సాధారణంగా కోటు, ట్రౌజర్‌తో కనిపించే అంబేద్కర్‌ విగ్రహం వస్త్రాధారణ కూడా మార్చేశారు. అంబేద్కర్‌ విగ్రహానికి  షేర్వానీ వేసి కాషాయరంగులోకి మార్చడంతో దళిత సంఘాలు తీవ్ర అభ్యంతరం వ్యక్తం చేశాయి. బిఎస్పీ నేత వీరేంద్ర యాదవ్‌ అంబేద్కర్‌ విగ్రహానికి మళ్లీ నీలిరంగు పెయింట్‌ వేయించారు.

 

22:17 - March 28, 2018

యూపీ : రిజర్వేషన్ల అంశంలో ఉత్తరప్రదేశ్‌కు చెందిన బీజేపీ ఎంపీ సావిత్రిబాయి పూలే సొంత పార్టీపైనే తిరుగుబాటు చేశారు. రిజర్వేషన్లను మంగళం పాడేందుకు పార్టీలో కుట్ర జరుగుతున్నా...ప్రభుత్వం మౌన ప్రేక్షకుడి మాదిరిగా వ్యవహరిస్తోందని ఆమె దుయ్యబట్టారు. వెనుకబడిన వర్గాలకు రిజర్వేషన్లను వ్యతిరేకిస్తున్న పార్టీలోని సభ్యుల తీరుకు నిరసనగా ఏప్రిల్ 1న లక్నోలో భారీ సభ నిర్వహిస్తున్నట్లు సావిత్రి చెప్పారు. రాజ్యాంగం, రిజర్వేషన్లను సమీక్షించాలంటూ బిజెపి చర్చిస్తూనే ఉందన్నారు. ఇదంతా వెనుకబడిన వర్గాల రిజర్వేషన్లకు ఫుల్‌స్టాప్ పెట్టే ప్రయత్నమేనని ఆమె పేర్కొన్నారు. రిజర్వేషన్లను రద్దు చేసే ఎలాంటి శక్తులతోనైనా తాను పోరాడటానికి సిద్ధంగా ఉన్నట్లు సావిత్రి స్పష్టం చేశారు. 

 

Pages

Don't Miss

Subscribe to RSS - యూపీ