రంగారెడ్డి

18:18 - June 16, 2018

రంగారెడ్డి : జిల్లా షాద్‌నగర్‌లో విజయ ఆస్పత్రి ఎదుట పలువురు ఆందోళనకు దిగారు. హరిత అనే మహిళ మృతి చెందడంతో.. మృతురాలి బంధువులు ఆందోళన చేపట్టారు. ఏడు నెలల క్రితం హరిత విజయ ఆస్పత్రిలో ప్రసవించింది. ఆపరేషన్‌ సమయంలో హరిత కడుపులో వైద్యులు కాటన్‌ మరిచిపోయారని బంధువులు ఆరోపిస్తున్నారు. కడుపులో కాటన్‌ మరిచిపోవడంతో హరితకు ఇన్ఫెక్షన్‌ సోకింది. ఉస్మానియా ఆస్పత్రిలో చికిత్స పొందుతూ ఆమె మృతి చెందింది. దీంతో ఆగ్రహంచిన బంధువులు.. విజయ ఆస్పత్రి ఎదుట ఆందోళనకు దిగారు. డాక్టర్‌ను అరెస్ట్‌ చేయాలని డిమాండ్‌ చేస్తున్నారు. 

16:15 - June 11, 2018

రంగారెడ్డి : మహేశ్వరం నియోజకవర్గం ఎమ్మెల్యే తీగల కృష్ణారెడ్డి వివాదంలో చిక్కుకున్నారు. తన పుట్టినరోజు వేడుకలకు సొంత కాలేజ్ స్టాఫ్ నుండి డబ్బు వసూలు చేసేందుకు సిద్ధపడ్డారు. దీనికి సంబంధించి స్టాఫ్ కు ఓ సర్క్యేలర్ కూడా జారీ చేశారు. కాలేజ్ ఉద్యోగులంతా తమ జీతాలలో నుండి సగం డబ్బులు ఇవ్వాలంటు కాలేజ్ ప్రిన్సిపల్ పేరిట సర్క్యులర్ ను విడుదల చేశారు. దీంతో ఈ సర్క్యులర్ సోషల్ మీడియాలో హల్ చల్ చేస్తోంది. 

18:50 - June 9, 2018

రంగారెడ్డి : కుత్బుల్లాపూర్‌ దుండిగల్‌ పోలీస్‌ ష్టేషన్‌ పరిధిలోని బౌరంపేట ఇందిరమ్మ గృహంలో విషాదం చోటుచేసుకుంది. సత్యవతి అనే 12 ఏళ్ల బాలిక అనుమనాస్పదంగా మృతి చెందింది. బౌరంపేట ప్రభుత్వ పాఠశాలలో 8వ తరగతి చదువుతున్న బాలిక ఫ్యాన్‌కు ఉరివేసిఉంది. బాలికను ఎవరైనా చంపి ఉరివేశారా.. లేక ఆత్మహత్య చేసుకుందా అనే కోణంలో పోలీసులు దర్యాప్తు చేస్తున్నారు. సత్యవతి మరణానికి గల కారణాలను పోలీసులతో పాటు క్లూస్‌ టీం దర్యాప్తు చేస్తోంది. పోస్టుమార్టం తరువాత పూర్తి సమాచారం తెలుస్తుందని పోలీసులు అన్నారు. 

 

11:54 - June 4, 2018

రంగారెడ్డి : నందిగామ మండలం బైపాస్‌రోడ్డులో రోడ్డు ప్రమాదం జరిగింది. ఉల్లిగడ్డ లోడుతో వెళ్తున్న లారీ అదుపుతప్పి బోల్తా పడటంతో ఇద్దరు అక్కడికక్కడే మృతి చెందారు. మరో నలుగురు గాయపడ్డారు. వీరిని షాద్‌నగర్‌ ప్రభుత్వ ఆస్పత్రికి తరలించి చికిత్స అందిస్తున్నారు. కర్నూలు జిల్లా ఎమిగనూరు నుండి హైదరాబాద్‌కు ఉల్లిగడ్డ లోడ్‌తో వస్తుండగా ఈ ప్రమాదం జరిగింది. మృతులు రామలక్ష్మి(50), లారీ క్లీనర్‌ నాగరాజులుగా గుర్తించారు. 

16:06 - June 3, 2018

రంగారెడ్డి : జిల్లాలోని అబ్దుల్లాపూర్ మెట్ మండలం కొత్తగూడెంలో దారుణం చోటు చేసుకుంది. గుర్తు తెలియని వ్యక్తిని దుండగులు కత్తులతో విచక్షణారహితంగా పొడిచి చంపేశారు. సమాచారం అందుకున్న పోలీసులు ఘటనాస్థలికి చేరుకున్నారు. హత్యకు గురైన వ్యక్తికి సుమారు 35 సంవత్సరాల వయస్సు ఉంటుందని పోలీసులు భావిస్తున్నారు. హత్యకు ఆర్థిక లావాదేవీల కారణంమా ? లేక పాతకక్షలా ? అనే కోణంలో పోలీసులు దర్యాప్తు చేపడుతున్నారు. ఘటనా స్థలంలో ఎలాంటి క్లూస్ లభించలేదని తెలుస్తోంది. 

10:54 - June 3, 2018

రంగారెడ్డి : రాజ్యాధికారం కోసం బహుజనులంతా ఏకం కావాలని బీఎల్‌ఎఫ్‌ నాయకులు పిలుపు ఇచ్చారు. రంగారెడ్డి జిల్లా ఇబ్రహీంపట్నం అంబేద్కర్‌ చౌరాస్తాలో బీఎల్‌ఎఫ్‌ జెండా ఆవిష్కరణ కార్యక్రమం జరిగింది. బీఎల్‌ఎఫ్‌ నియోజకవర్గ  కన్వీనర్‌ అరుణ్‌కుమార్‌ పార్టీ జెండా ఎగురవేశారు. నాలుగేళ్ల కేసీఆర్‌ పాలనలో రాష్ట్రం అన్ని రంగాల్లో వెనుకబడిపోయిందని ఈ సందర్భంగా అరుణ్‌కుమార్‌ విమర్శించారు. వచ్చే ఎన్నికల్లో బహుజనులంతా ఏకమై బీఎల్‌ఎఫ్‌ను బలపరచాలని కోరారు. 
 

17:47 - May 30, 2018

రంగారెడ్డి : కన్న కుమార్తెను దారుణంగా చంపిన ఘటన మానవత్వానికి, మాతృత్వానికి మాయని మచ్చగా మిగిలిపోయింది. కన్నబిడ్డను కంటికి రెప్పలా కాపాడుకోవాల్సిన తల్లిదండ్రులే కడతేర్చిన దారుణ ఘటన యాచారం మండలం చింతుల్ల గ్రామంలో చోటుచేసుకుంది. మూడు రోజుల క్రితం తప్పిపోయిన ఉర్మిళ అనే ఏడేళ్ల బాలిక శవం ఇటుక బట్టిలో దొరికింది. ఈ కేసును పోలీసులు ఛేదించారు. కాగా చిన్నారి ఆచూకీ గురించి పోలీసు స్టేషన్‌లో ఫిర్యాదు చేయడానికి మొదట్లో వారు నిరాకరించటం..ఆపై ఫిర్యాదు చేయటంతో ఊర్తిళ తల్లిదండ్రులైన హేతురాం, ఛత్రియలపై పోలీసులకు అనుమానాలు వ్యక్తమయ్యాయి. పోలీసులు విచారిండంతో చిన్నారిని చంపినట్లు తల్లి దండ్రులు హేతురాం, ఛత్రియ అంగీకరించారు.  ఈనెల 26వ తేదీన ఊర్మిళ మిస్సింగ్ కేసు నమోదయ్యింది. ఈ కేసును ఏసీపీ మల్లారెడ్డి లోతుగా విచారణ చేపట్టగా అసలు విషయం బైటపడింది. కన్న కుమార్తెను తల్లిదండ్రులే చంపినట్లుగా మల్లారెడ్డి విచారణలో వెల్లడయ్యింది. బీఎన్ సీ ఇటుకల బట్టీలో కూలీలుగా పనిచేస్తున్న హేతురాం, ఛత్రియలలకు ఊర్మిళతో పాటు మరో ఇద్దరు కుమార్తెలు, ఒక కుమారుడు వున్నారు. ఈ నేపథ్యంలో మానసిక, శారీరక వికలాంగురాలైన కుమార్తెను వదిలించుకునేందుకు కన్నవారే కాలయముడిలా మారి ఊర్మిళను హతమార్చారు. చెవిటి, మూగగా వుండే ఊర్మిళను తల్లిదండ్రులే చంపి ఇటుకల బట్టీలోని బూడిదలో పాతిపెట్టారు.

పోలీసులకు ఫిర్యాదు..
కన్న కుమార్తెను చంపి ఏమీ తెలియనట్లుగా తాము పనిలోకి వెళ్లి వచ్చేసరికి ఊర్మిళ అనే తమకుమార్తె కనిపించటంలేదనీ హేతురాం, ఛత్రియలు ఫిర్యాదు చేశారు. ఈ ఫిర్యాదుపై వెంటనే స్పందించిన పోలీసులు  పనిచేసే ఇటుకల బట్టీలో పనిచేసే తోటి కూలీలను విచారించారు. ఊర్మిళ మానసిక, శారీరక వికలాంగురాలని తెలిపారు. దీంతో ఊర్మిళ తల్లిదండ్రుల్ని అనుమానించిన ఏసీపీ మల్లారెడ్డి తమదైన శైలిలో విచారించగా అసలు విషయాన్ని వారు అంగీకరించారు. దీంతో వారే ఊర్మిళను చంపినట్లుగా వెల్లడయ్యింది. 

12:23 - May 23, 2018

రంగారెడ్డి : తెలుగు రాష్ట్రాలను సోషల్ మీడియా పోస్టులు వణికిస్తున్నాయి. హంతక ముఠా సంచారంపై సోషల్ మీడియాలో విచ్చవిడిగా పోస్టులు దర్శనమిస్తున్నాయి. పలు పల్లెలు భయంతో రాత్రుళ్లు నిద్రకు దూరమౌతున్నాయి. సొంతంగా వంతుల వారీగా గ్రామీణులు పహారా కాస్తున్నారు. అపరిచితులపై అనుమానంతో దాడులకు గ్రామస్తులు తెగబడుతున్నారు. భయంతో చట్టాన్ని గ్రామీణులు చేతుల్లోకి తీసుకుంటున్నారు. అమాయకంగా దాడులు..హత్య కేసుల్లో ప్రజలు ఇరుక్కుంటున్నారు. దాడులకు దిగే వారిపై కఠిన చర్యలుంటాయని పోలీసులు హెచ్చరిస్తున్నారు.పోలీసు ప్రకటనలు ప్రజల భయాన్ని పారదోలడం లేదు. ఇబ్రహింపట్నంలోని కానాపూర్ లో పరిస్థితులు తెలుసుకొనేందుకు టెన్ టివి ప్రయత్నించింది. అక్కడి గ్రామస్తులు ఏమనుకుంటున్నారో తెలుసుకొనేందుకు వీడియో క్లిక్ చేయండి. 

14:54 - May 21, 2018

రంగారెడ్డి : జిల్లాలోని నాదర్ గుల్ లో భూ బకాసురులు రెచ్చిపోతున్నారు. చాణక్యపురిలోని 607, 608, 609లో సుమారు వంద ఎకరాల భూమి కబ్జాకు గురయ్యింది. దీనితో భూ యజమానులు లబోదిబోమంటున్నారు. తమకు న్యాయం చేయాలంటూ ధర్నాకు దిగారు. యాదయ్య అనే వ్యక్తి తమ భూములను కబ్జా చేశారని ఆరోపిస్తున్నారు. భూమిని అక్రమంగా కబ్జా చేసి రెండు సార్లు రిజిస్ట్రేషన్ చేసి ఇతరులకు విక్రయించాడని ఆరోపిస్తున్నారు. ఇదే విషయాన్ని నిలదీస్తే చంపేస్తానన యాదయ్య బెదిరిస్తున్నాడని యజమానులు పేర్కొంటున్నారు. ప్రభుత్వం జోక్యం చేసుకుని ఎల్ఆర్ఎస్ ఇప్పించాలని కోరుతున్నారు. భూ కబ్జాలకు పాల్పడిన యాదయ్యను వెంటనే అరెస్టు చేయాలని డిమాండ్ చేస్తున్నారు. మరి ప్రభుత్వం స్పందిస్తుందా ? లేదా ? అనేది చూడాలి. 

10:13 - May 11, 2018

రంగారెడ్డి : ప్రేమ హత్యలు వెలుగు చూస్తూను ఉన్నాయి. ప్రేమించలేదనే కారణంతో ప్రేమోన్మాదులు రెచ్చిపోతున్నారు. నిండు జీవితాలను బలి తీసుకుంటున్నారు. రంగారెడ్డి జిల్లాలో శంకర్ పల్లిలో విద్యార్థినిని ప్రేమ పేరిట చంపేశాడు. డిగ్రీ చదువుతున్న విద్యార్థి శిరీష బ్యాంకు పరీక్షల నిమిత్తం దిల్ సుఖ్ నగర్ లో కోచింగ్ తీసుకొంటోంది. ప్రేమ పేరిట శిరీషను సాయి ప్రసాద్ వేధిస్తున్నాడు. కానీ ప్రేమను శిరీష నిరాకరిస్తూ వస్తోంది. ఈ నేపథ్యంలో మాట్లాడుకుందామని బలవంతంగా శంకర్ పల్లిలోని ప్రగతి రిసార్ట్స్ కు తీసుకొచ్చాడు. అనంతరం ఇద్దరి మధ్య వాగ్వాదం చోటు చేసుకోవడంతో సాయి ప్రసాద్ కత్తితో శిరీష గొంతు కోశాడు. ఈ సమాచారాన్ని పోలీసులు శిరీష తల్లిదండ్రులకు తెలియచేశారు. కూతురు చనిపోవడంతో తల్లిదండ్రులు కన్నీరుమున్నీరుగా విలపిస్తున్నారు. 

Pages

Don't Miss

Subscribe to RSS - రంగారెడ్డి