రకూల్ ప్రీత్ సింగ్

12:00 - October 13, 2017

రకూల్ ప్రీత్ సింగ్..ఓ సామాజిక కార్యక్రమానికి బ్రాండ్ అంబాసిడర్ గా ఎంపికైంది. టాలీవుడ్ లో వరుస సినిమాలు చేస్తూన్న ఈ ముద్దుగుమ్మ ప్రధాన మంత్రి తలపెట్టిన 'భేటీ బచావో..భేటీ పడావో' కార్యక్రమానికి తెలంగాణ తరపు నుండి కేసీఆర్ ప్రభుత్వం అంబాసిడర్ గా నియమించింది.

సామాజిక అభివృద్ధి పట్ల...స్త్రీల పురోగతి అంశంలో ఎక్కువగా 'రకూల్ ప్రీత్ సింగ్' శ్రద్ధ చూపుతుంటుంది. తెలంగాణ ప్రభుత్వం తనను ఈ కార్యక్రమానికి బ్రాండ్ అంబాసిడర్ గా నియమించడం పట్ల సంతోషంగా ఉందని 'రకూల్' పేర్కొన్నారు. ఈ మహత్తర కార్యక్రమంలో తాను కూడా ఒక భాగం కావడం గౌరవంగా భావిస్తున్నట్లు తెలిపారు.

రకూల్ ప్రీత్ సింగ్ తమిళ..కన్నడ..హిందీ..తెలుగు భాషల్లోని పలు చిత్రాల్లో నటించింది. టాలీవుడ్ లోని యంగ్ హీరోల సరసన నటించి మెప్పించింది. జయ జానకి నాయక..రారండోయ్ వేడుక చూద్దాం..విన్నర్..ధృవ..సరైనోడు..నాన్నకు ప్రేమతో...బ్రూస్ లీ..కిక్-2..పండుగ చేసుకో..రన్..కరెంటు తీగ..లౌక్యం..వెంకటాద్రి ఎక్స్ ప్రెస్..తదితర చిత్రాల్లో 'రకూల్ ప్రీత్ సింగ్' నటించింది. ఇటీవలే వచ్చిన 'స్పైడర్' సినిమాలో మహేష్ బాబు సరసన హీరోయిన్ గా నటించింది. 'కార్తీ' సరసన 'ఖాకీ'లో..తీరన్..అదిగరం ఒంద్రు..జయత్ జంత్రి సినిమాలో 'రకూల్' నటిస్తోంది.

10:51 - September 26, 2017

టాలీవుడ్ ప్రిన్స్ 'మహేష్ బాబు' నటించిన తాజా చిత్రం 'స్పైడర్' చిత్రం దసరా పండుగ పురుస్కరించుకుని ప్రపంచ వ్యాప్తంగా బుధవారం రిలీజ్ కాబోతోంది. ఈ సినిమాపై అభిమానులు భారీ ఆశలు పెట్టుకున్నారు. అటువైపు చిత్ర యూనిట్ కూడా భారీ అంచనాలు పెట్టేసుకుంది. ఈ సినిమాలో 'మహేష్' 'రా' అధికారిగా పనిచేశాడు. ప్రముఖ దర్శకుడు 'మురుగదాస్' తెరకెక్కించిన ఈ సినిమాలో 'మహేష్' సరసన 'రకూల్ ప్రీత్ సింగ్' నటించింది.

'మహేష్ బాబు' 'బ్రహ్మోత్సవం' డిజాస్టర్ అనంతరం ఈ సినిమా ప్రేక్షకుల ముందుకొస్తోంది. చాలా రోజుల పాటు షూటింగ్ జరుపుకొంది. షూటింగ్ మొదలై రోజులు గడుస్తున్నా చిత్ర పోస్టర్..టీజర్ విడుదలకాకపోయేసరికి అప్పట్లో అభిమానులు తీవ్ర నిరుత్సాహంలో మునిగిపోయారు. అనంతరం అడపదడపా పోస్టర్స్..టీజర్స్ విడుదలను చేశారు. 'మహేష్ బాబు' సీరియస్ గా తన పని చేసుకుంటూ వెళుతుంటే, ఓ రోబో స్పైడర్ మెల్లగా ఆయన కాలు పట్టుకుని పైకి ఎక్కి, భుజంపై చేరి డిస్ట్రబ్ చేయడానికి ప్రయత్నిస్తుంది. అప్పుడు మహేష్ దాన్ని 'ష్...' అని హెచ్చరిస్తే, తోక ముడుచుకుని కూర్చునే టీజర్ అభిమానులను ఆకట్టుకుంది.

ఇదిలా ఉంటే ఈ సినిమాలో డబుల్ యాక్షన్ ఉంటుందనే వార్తలను 'మహేష్ బాబు' కొట్టిపారేశారు. అంతేగాకుండా టీజర్ లో చూపిన 'స్పైడర్' సినిమాలో కనిపించదని స్పష్టం చేశారు. 'స్పైడర్'లో నటించడం తనకెంతో కొత్త అనుభవాన్ని ఇచ్చిందన్నారు.
ప్రస్తుతం 'మహేష్' 'భరత్ అను నేను' సినిమాలో నటిస్తున్న సంగతి తెలిసిందే. 

10:35 - September 19, 2017

టాలీవుడ్ ప్రిన్స్ మహేష్ బాబు తాజా చిత్రం 'స్పైడర్' కోసం అభిమానులు ఆతృతగా ఎదురు చూస్తున్నారు. కొద్ది రోజులుగా జరుగుతున్న ఈ సినిమా షూటింగ్ ఇటీవలే కంప్లీట్ చేసుకుంది. ఆడియో ఫంక్షన్ కూడా జరిపేశారు. ఈనెల 27న చిత్రం విడుదలవుతోందని చిత్ర బృందం ప్రకటించేసింది. ఆడియో వేడుకలో 'స్పైడర్' ట్రైలర్ ను విడుదల చేశారు.

ఈ మూవీ సెన్సార్ కార్యక్రమాల్ని పూర్తి చేసుకుంది. సెన్సార్ బోర్డు యు/ఎ సర్టిఫికెట్ ను జారీ చేసింది. రన్ టైమ్ రెండు గంటల 25 నిముషాలుగా ఉంది. తెలుగు, తమిళ భాషల్లో ఈ సినిమా రూపొందించారు. స్వయంగా మహేష్ తమిళ డైలాగ్స్ చెప్పినట్లు తెలుస్తోంది. 'మహేష్ బాబు' సరసన 'రకూల్ ప్రీత్ సింగ్' హీరోయిన్ గా నటిస్తుండగా తమిళ నటుడు 'ఎస్.జె.సూర్య', 'భరత్' లు ప్రతి నాయకులుగా నటించారు. మరి ఈ సినిమా ఎలా ఉండనుందో తెలుసుకోవాలంటే 27వరకు వెయిట్ చేయాల్సిందే. 

10:24 - September 10, 2017

‘ఐయామ్ వెయిటింగ్' అనే డైలాగ్ తనకెంతో ఇష్టమని టాలీవుడ్ ప్రిన్స్ 'మహేష్ బాబు' వ్యాఖ్యానించారు. తమిళంలో 'కత్తి' సినిమా రూపొందిన సంగతి తెలిసిందే. ఇందులో 'హీరో' ఈ డైలాగ్ పలుకుతాడు. తెలుగులో మెగాస్టార్ 'చిరంజీవి' ‘ఖైదీ నెంబర్150’ గా రీమెక్ అయ్యింది. విజయ్ ‘కత్తి' సినిమాను రీమెక్ చేయాలని అనుకున్నట్లు..కొన్ని కారణాల వల్ల అది సాధ్యం కాలేదన్నారు.

ప్రిన్స్ 'మహేష్ బాబు' నటించిన 'స్పైడర్' చిత్రం వేడుకలు శనివారం రాత్రి చెన్నైలో ఘనంగా జరిగాయి. కలైలవానర్ ఆరంగం ప్రాంగణంలో జరిగిన ఈ వేడుకల్లో 'మహేష్' అభిమానులు సందడి చేశారు. మురుగదాస్ దర్శకత్వంలో ప్రతిష్టాత్మకంగా ఈ సినిమా రూపొందింది. తెలుగు, తమిళ భాషల్లో విడుదలయ్యే ఈ ఆడియో వేడుకకు అతిరథ మహారథులు వస్తారని ప్రచారం జరిగినా ఎవరూ రాలేదు. హీరో విశాల్ స్పెషల్ గెస్ట్ గా వచ్చి మహేష్ ని సాదరంగా తమిళ పరిశ్రమకి ఆహ్వానించడం ఆకట్టుకుంది.

మురుగదాస్, హీరోయిన్ రకూల్ ప్రీత్ సింగ్, మహేష్ బాబు..చిత్ర బృందం వేడుకల్లో పాల్గొన్నారు. తెలుగు వేడుక హైదరాబాద్ లో ఈనెల 15 గ్రాండ్ గా నిర్వహించబోతున్నారు. మరో 17 రోజుల్లో ప్రిన్స్ దండయాత్ర స్టార్ట్ కాబోతోంది.  

12:12 - September 7, 2017

టాలీవుడ్ సూపర్ స్టార్ 'మహేష్ బాబు' తాజా చిత్రం 'స్పైడర్' రిలీజ్ కు సిద్ధమౌతుండడంతో అభిమానులు సంతోషం వ్యక్తం చేస్తున్నారు. గత కొన్ని రోజులుగా చిత్ర షూటింగ్ జరుపుకుంటున్న విషయం తెలిసిందే. సినిమాకు సంబంధించిన విషయాలు గతంలో తెలియకపోతుండడంతో అభిమానులు కొంత నిరుత్సాహానికి గురయ్యారు. అనంతరం మహేష్ కు సంబంధించిన పోస్టర్స్..టీజర్స్ విడుదల చేయడంతో అభిమానులు ఖుషీ అయ్యారు. మురుగదాస్ దర్శకత్వంలో రూపొందుతున్న సినిమాలో రకూల్ ప్రీత్ సింగ్ హీరోయిన్ గా నటించింది. యూ ట్యూబ్ ద్వారా రెండు సాంగ్స్ ను రిలీజ్ చేసిన సంగతి తెలిసిందే.

తాజాగా సినిమాకు సంబంధించి ఆడియోను రిలీజ్ చేసేందుక చిత్ర బృందం సన్నాహాలు చేస్తోంది. తెలుగు, తమిళం, హిందీ, మలయాళం భాషల్లో 'స్పైడర్' రిలీజ్ కానుంది. చిత్ర ఆడియోను సెప్టెంబర్ 9న గ్రాండ్‌గా విడుదల చేయనున్నారు. మహేష్ బాబు నటించిన తెలుగు సినిమాలను తమిళంలో డబ్బింగ్ చేసి రిలీజ్ చేసే వారు తొలిసారిగా తమిళంలో 'స్పైడర్' ను రూపొందించి విడుదల చేయనున్నారు. ఈ సందర్భంగా మహేష్ ను కోలీవుడ్ వాసులు పరిచయం చేసేందుకు ఆడియో వేదికను ఉపయోగించుకోనున్నారని తెలుస్తోంది. ఈ ఈవెంట్ కు ముఖ్య అతిధులుగా దర్శ‌క‌ ధీరుడు రాజ‌మౌళి, సూప‌ర్ హిట్ మూవీల ద‌ర్శ‌కుడు శంక‌ర్ లు హాజ‌రుకానున్నారు. తమిళ, తెలుగు వెర్షన్స్ కి సంబంధించిన ఆడియోను ఇదే వేదిక‌పై దిగ్గ‌జ ద‌ర్శ‌కులు విడుద‌ల చేయ‌నున్నారు. ఈ చిత్రంలో ఎస్‌జె సూర్య, భరత్ నెగెటివ్ పాత్రలలో నటిస్తున్నారు. అన్ని కార్యక్రమాలను పూర్తి చేసుకొని సెప్టెంబర్ 27న సినిమాను ప్రపంచ వ్యాప్తంగా విడుదల చేయడానికి సన్నాహాలు చేస్తున్నారు.

11:02 - September 5, 2017

'యే హాలీ..యే హాలీ..హాలీబీ అనే పాటతో టాలీవుడ్ ప్రిన్స్ మహేష్ బాబు ముందుకొచ్చాడు. ఆయన నటిస్తున్న తాజా చిత్రం 'స్పైడర్' పాటలు విడుదలవుతున్న సంగతి తెలిసిందే. ఇప్పటికే మొదటి పాటను విడుదల చేసిన చిత్ర యూనిట్ తాజాగా రెండో పాటను విడుదల చేసింది. ఈ పాట మహేష్ అభిమానులను అలరిస్తోంది.

మురుగదాస్ కాంబినేషన్ లో తెరకెక్కుతున్న ఈ సినిమా షూటింగ్ ఇటీవలే పూర్తయినట్లు తెలుస్తోంది. సెప్టెంబర్ 27వ తేదీన ప్రేక్షకుల ముందుకొచ్చేందుకు ఏర్పాట్లు చేస్తున్నారు. థ్రిల్లర్ మూవీగా రూపొందిన ఈ సినిమా తెలుగు, తమిళ బాషల్లో విడుదల కానుంది. తమిళ ఆడియో వేడుక ఈనెల 9వ తేదీన చెన్నైలో జరుగనుంది. త్వరలోనే తెలుగు ఆడియో వేడుకకు సంబంధించి టైంను ఫిక్స్ చేయనున్నారు. హ‌రీష్ జైరాజ్ సంగీతం అందించిన చిత్రంలో 'మహేష్' సరసన 'రకూల్ ప్రీత్ సింగ్' హీరోయిన్ గా నటించింది. విల‌న్ గా ఎస్‌జె సూర్య క‌నిపించ‌నున్నాడు. 

11:47 - August 31, 2017

ప్రిన్స్ 'మహేష్ బాబు' న్యూ ఫిల్మ్ కోసం అభిమానులు ఆసక్తిగా ఎదురు చూస్తున్నారు. తాజా సినిమా మొదలై రోజులు గడుస్తున్నా ఇంకా చిత్రీకరణ దశలోనే ఉంటుండడంతో అభిమానులు నిరుత్సాహం వ్యక్తం చేస్తున్నట్లు టాక్. సినిమాకు సంబంధించిన పోస్టర్స్..టీజర్స్ కూడా ఆలస్యంగానే విడుదలయ్యాయి. తాజాగా ఈ సినిమాపై ఓ వార్త హల్ చల్ చేస్తోంది.

గ్రామం, కుటుంబ విలువలతో ముడిపడి ఉన్న లవ్ స్టోరీ తో వచ్చిన 'శ్రీమంతుడు' సినిమా సూపర్ హిట్ టాక్ తెచ్చుకుంది. ఈ హిట్ తో 'మహేష్' నెక్స్ట్ ప్రాజెక్ట్ మీద హోప్స్ బాగా పెరిగాయి. అనంతరం వచ్చిన 'బ్రహ్మోత్సవం' డిజాస్టర్ మూటగట్టుకుంది. 'మహేష్ బాబు', 'రకూల్ ప్రీత్ సింగ్' జంటగా 'మురుగదాస్' దర్శకత్వంలో 'స్పైడర్' సినిమా రూపొందుతోంది. తెలుగు, తమిళ భాషల్లో సినిమా తెరకెక్కుతోంది. రా ఏజెంట్ గా కనిపించనున్న 'మహేష్' నటన ఎలా ఉంటుందనే దానిపై ఉత్కంఠ నెలకొంది. ఈ చిత్రాన్ని హిందీలోకి అనువాదం చేసి విడుదల చేసే ప్రయత్నాలు కూడా జరుగుతున్నాయి.

పెండింగ్ లో ఉన్న ఓ సాంగ్ చిత్రీకరణ పూర్తి చేసుకున్నట్లు తెలుస్తోంది. ఇక ఈ సినిమాకు గుమ్మడికాయ కొట్టేసినట్టేనని ప్రచారం జరుగుతోంది. 100 కోట్లకు పైగా బడ్జెట్ తో తెరకెక్కించిన ఈ సినిమా సెప్టెంబర్ 27వ తేదీన ప్రేక్షకుల ముందుకు రానుంది. 

16:21 - August 8, 2017

ప్రిన్స్ 'మహేశ్ బాబు'..'మురుగదాస్' కాంబినేషన్ లో నిర్మితమౌతున్న 'స్పైడర్' సినిమా కోసం అభిమానులు ఎంతగానో ఎదురు చూస్తున్నారు. ఇటీవలే చిత్రానికి సంబంధించిన టీజర్స్..పోస్టర్స్ విడుదలైన సంగతి తెలిసిందే. రా ఏజెంట్ గా కనిపించబోతున్న 'మహేష్' సరసన 'రకూల్ ప్రీత్ సింగ్' హీరోయిన్ గా నటించింది.

రా ఏజెంట్ గా నటిస్తున్న 'మహేష్ బాబు' సరసన 'రకూల్ ప్రీత్ సింగ్' నటిస్తోంది. ఎస్.జె.సూర్య విలన్ గా నటిస్తున్నాడు.
తెలుగు, తమిళ భాషల్లో రూపొందుతున్న సినిమా షూటింగ్ కంప్లీట్ చేసుకున్నట్లు తెలుస్తోంది. విదేశాల్లో పాట చిత్రీకరణ పూర్తయ్యింది. ప్రేక్షకుల్లో అంచనాలు పెంచేందుకు చిత్ర యూనిట్ వినూత్న ప్రచారం నిర్వహిస్తోంది. అందులో భాగంగా చిత్ర మొదటి సాంగ్‌ 'బూమ్‌ బూమ్‌..పల్లవితో సాగేదాన్ని విడుదల చేశారు. అంతేగాకుండా మరో టీజర్ ను విడుదల చేసేందుకు చిత్ర బృందం సన్నాహాలు చేస్తోంది.

ఆగస్టు 9న 'మహేష్‌' పుట్టిన రోజున స్పెషల్‌ టీజర్‌ను రిలీజ్‌ చేయనున్నట్లు దర్శకుడు మురుగదాస్ ట్విట్టర్ లో ట్వీట్ చేశారు. దసరా పండుగ సందర్భంగా ప్రపంచ వ్యాప్తంగా రిలీజ్ చేయాలని మురుగదాస్ ప్లాన్స్ వేశారు. మరి విడుదలయ్యే టీజర్ ఎలా ఉంటుందో వేచి చూడాలి.

14:00 - August 1, 2017

ప్రిన్స్ మహేశ్ బాబు..మురుగదాస్ కాంబినేషన్ లో నిర్మితమౌతున్న 'స్పైడర్' సినిమా కోసం అభిమానులు ఎంతగానో ఎదురు చూస్తున్నారు. గత కొన్ని రోజులుగా ఈ సినిమా షూటింగ్ జరుగుతోంది. సినిమా టైటిల్..టీజర్..పోస్టర్స్ విషయాల్లో చిత్ర బృందం ఆలస్యంగా రిలీజ్ చేసింది. ఇటీవలే చిత్ర టీజర్ కూడా విడుదలైన సంగతి తెలిసిందే.

రా ఏజెంట్ గా నటిస్తున్న 'మహేష్ బాబు' సరసన 'రకూల్ ప్రీత్ సింగ్' నటిస్తోంది. ఎస్.జె.సూర్య విలన్ గా నటిస్తున్నాడు. తెలుగు, తమిళ భాషల్లో ఈ చిత్రం తెరకెక్కుతోంది. సినిమా చివరి పాట షూటింగ్ నిమిత్తం చిత్ర బృందం విదేశాలకు పయనమైంది. పాట షూటింగ్ కంప్లీట్ చేసుకుని మిగతా వర్క్స్ పూర్తి చేయాలని చిత్ర బృందం భావిస్తోంది.

తాజాగా చిత్ర మొదటి సాంగ్‌ 'బూమ్‌ బూమ్‌..పల్లవితో సాగేదాన్ని బుధవారం విడుదల చేయనున్నారు. ఆగస్ట్ 9న 'మహేష్‌' పుట్టిన రోజున స్పెషల్‌ టీజర్‌ను రిలీజ్‌ చేస్తారు. దసరా పండుగ సందర్భంగా ప్రపంచ వ్యాప్తంగా రిలీజ్ చేయాలని మురుగదాస్ ప్లాన్స్ వేశారు. మరి విడుదలయ్యే పాట ఎలా ఉంటుందో వేచి చూడాలి. 

11:25 - July 24, 2017

టాలీవుడ్ ప్రిన్స్ 'మహేష్ బాబు' సినిమా కోసం అభిమానులు ఎప్పటి నుండో వేచి చూస్తున్నారు. మురుగదాస్ దర్వకత్వంలో రూపొందుతున్న సినిమాలో 'మహేష్ బాబు' నటిస్తున్న సంగతి తెలిసిందే. ఈ సినిమాకు 'స్పైడర్' అనే టైటిల్ ను ఫిక్స్ చేశారు. కొన్ని రోజులుగా షూటింగ్ జరుపుకుంటున్న ఈ సినిమా విడుదల ఎప్పుడు చేస్తారని అభిమానులు ఆశగా ఎదురు చూస్తున్నారు. సినిమా ఫస్ట్ లుక్..టీజర్ విషయాల్లో కూడా లేట్ చేసిన సంగతి తెలిసిందే.

నెమ్మదిగా షూటింగ్ చేయడం వల్లే సినిమా విడుదల విషయంలో ఆలస్యం జరుగుతోందని టాక్ వినిపిస్తోంది. ఫ్యాన్స్ ఎగ్జయింట్ మ ఎంట్ ను చిత్ర బృందం అస్సలు పట్టించుకోవడం లేదంటూ సోషల్ మాధ్యమాల్లో పుకార్లు షికారు చేస్తున్నాయి. జులైలో రావాల్సిన సినిమా ఆగస్టుకు వాయిదా పడడం..మళ్లీ సెప్టెంబర్ చివరి తేదీకి మార్చారని తెలుస్తోంది.

రెండు భాషల్లో విడుదలయ్యే ఈ సినిమా విడుదలపై తేదీపై క్లారిటీ రావడం లేదని టాక్. కానీ సెప్టెంబర్ 27వ తేదీన చిత్రాన్ని విడుదల చేయాలని చిత్ర బృందం ప్లాన్ చేసినట్లు తెలుస్తోంది. విజువల్ ఎఫెక్ట్ కోసం ఎక్కువ సమయం తీసుకుంటున్నారని తెలుస్తోంది. ప్రస్తుతం టాకీ పార్ట్ పూర్తి చేసుకుందని..ఒక్క పాట కూడా పూర్తయితే సినిమా షూటింగ్ కంప్లీట్ అయిపోతుందని తెలుస్తోంది.

'రకూల్' హీరోయిన్ గా వస్తున్న ఈ సినిమాలో 'మహేష్' రా ఏజెంట్ గా కనిపించనున్నాడు. మరి సెప్టెంబర్ నెలలో వస్తాడా ? రాడా ? అనేది వెయిట్ అండ్ సీ..

Pages

Don't Miss

Subscribe to RSS - రకూల్ ప్రీత్ సింగ్