రజనీకాంత్

11:03 - October 11, 2017

'శంకర్' దర్శకత్వంలో ఓ చిత్రం వస్తుందంటే ఆ సినిమాపై భారీ అంచనాలు నెలకొని ఉంటాయి. అత్యంత భారీ బడ్జెట్ తో 'శంకర్' సినిమాలు నిర్మిస్తుంటాడు. గతంలో ఆయన నిర్మించిన చిత్రాలు ఘన విజయం సాధించిన సంగతి తెలిసిందే. 'రజనీకాంత్' 'ఐశ్వర్య రాయ్' కాంబినేషన్ లో 'రోబో' వచ్చిన సంగతి తెలిసిందే. ఈ చిత్రం ఘన విజయం సాధించింది. అనంతరం దీనికి సీక్వెల్ గా 'రోబో 2' సినిమాను 'శంకర్' అత్యంత ప్రతిష్టాత్మకంగా నిర్మిస్తున్నారు.

అత్యంత భారీ బడ్జెట్ తో తెరకెక్కుతున్న ఈ ప్రాజెక్టులో 'అమీ జాక్సన్' ప్రధాన పాత్ర పోషిస్తోంది. తాజాగా అమీ జాక్సన్ పై వచ్చే సన్నివేశాలను షూట్ చేస్తున్నారు. ఇందులో 'రోబో రజనీ'తో జరిగే షూటింగ్ లో 'అమీ' పాల్గొననున్నారు. ఈ సందర్భంగా 'శంకర్' కార్యాలయంలో ఏర్పాటు చేసిన 'రోబో రజినీ' తో 'అమీ జాక్సన్' ఫొటో దిగింది. రేపటి నుంచి 'రోబో రజినీ'తో షూటింగ్ అంటూ క్యాప్సన్ పెట్టి..'అమీ జాక్సన్' ఫొటోను షేర్ చేసింది.

తెలుగు.. తమిళ.. హిందీ భాషల్లో ఒకేసారి ఈ సినిమాను విడుదల చేయనున్నారు. మూడు భాషల్లో ఒకేసారి డబ్బింగ్ పనులు నిర్వహించారు. వచ్చే ఏడాది సంక్రాంతికి ఈ సినిమాను విడుదల చేయాలనే ఆలోచనలో వున్నారు. లైకా ప్రొడక్షన్స్ దాదాపు రూ.400 కోట్ల బడ్జెట్ తో ఈ సినిమాను నిర్మిస్తోంది. సూప‌ర్ స్టార్ రజనీ కాంత్ తో పాటు బాలీవుడ్ హీరో అక్షయ్ కుమార్ .. అమీ జాక్సన్ ప్రధానమైన పాత్రలను పోషిస్తున్నారు.

07:32 - October 2, 2017

చెన్నై : రాజకీయాల్లో గెలవాలంటే స్టార్‌డమ్‌, పేరు ప్రఖ్యాతులు, డబ్బు మాత్రమే సరిపోవరన్నారు తలైవా రజనీకాంత్. వీటన్నింటికన్నా అతీతమైనది ఏదో కావాలన్నారు. చెన్నైలో జరిగిన శివాజీ గణేశన్‌ స్మారక మందిరం ప్రారంభోత్సవ కార్యక్రమంలో రజనీకాంత్‌ చెప్పిన ఈ విషయాలపై ఇప్పుడు తమిళ రాజకీయాల్లో ఆసక్తికరమైన చర్చ జరుగుతోంది. వేదికపై కోలీవుడ్ అగ్రనటులు రజనీకాంత్, కమల్‌ హాసన్‌ కనిపించారు. వీరితో పాటు కోలీవుడ్ నటులు ప్రభు, విశాల్, కార్తీ, రాధిక ఈ కార్యక్రమానికి హాజరయ్యారు. తమిళనాడు ఉప ముఖ్యమంత్రి పన్నీరు సెల్వం స్మారక మందిరాన్ని ప్రారంభించారు. తమిళ సినీ రంగానికి శివాజీ గణేశన్‌ చేసిన సేవలను ప్రస్తావించిన రజనీకాంత్‌.. స్మారక మందిరం నిర్మించిన ప్రభుత్వానికి కృతజ్ఞతలు తెలిపారు.

ఈ సందర్భంగా రజనీకాంత్‌ చేసిన కొన్ని వ్యాఖ్యలు ఆసక్తికరంగా మారాయి. శివాజీ గణేశన్‌ ఎన్నికల్లో పోటీ చేసిన తన సొంత నియకవర్గంలో ఓడిపోయిన విషయాన్ని గుర్తు చేశారు. రాజకీయ పార్టీల పెట్టాలని నిర్ణయించుకున్న తన సహరుడు కమల్‌హాసన్‌ను ఉద్దేశించిన చేసిన వ్యాఖ్యలు కూడా చర్చనీయాశంగా మారాయి. రాజకీయ నాయకుడిగా విజయం సాధించాలంటే కీర్తి ప్రతిష్ఠలు, డబ్బు మాత్రమే సరిపోవన్నారు. ఇంకా ఎక్కువ కావాలని, ఈ రహస్యం తనకు తెలియదని, బహుశా కమల్‌కు తెలుసని భావిస్తున్నానని రజనీకాంత్‌ వ్యాఖ్యానించడంతో సభలో చప్పట్లు మార్మోగాయి. రెండు నెలల క్రితమే కమల్‌ తనతో కలిసి పనిచేయాలని అడిగి ఉండాల్సిందన్నారు. జయలలిత మరణం తర్వాత తమిళనాడు రాజకీయాలు తీవ్ర సంక్షోభం ఎదుర్కొంటున్నాయి. ప్రస్తుతం ఈ స్టార్‌ నటులిద్దరూ రాజకీయాల్లోకి వచ్చేందుకు చేస్తున్న ప్రయత్నాలపై రాజకీయ నాయకులు, ప్రజల్లో తీవ్ర ఉత్కంఠ నెలకొంది. 

12:10 - September 29, 2017

టాలీవుడ్ ప్రిన్స్ 'మహేష్ బాబు' న్యూ ఫిల్మ్ 'స్పైడర్' ప్రేక్షకుల ముందుకొచ్చేసింది. దీనిపై భిన్నమైన టాక్స్ వినిపిస్తున్నాయి. ఎ.ఆర్. మురుగదాస్ దర్శకత్వంలో ఈ సినిమా తెరకెక్కింది. మహేష్ సరసన రకూల్ ప్రీత్ సింగ్ హీరోయిన్ గా నటించింది. ఈ భారీ యాక్షన్‌ ఎంటర్‌టైనర్‌ ప్రపంచ వ్యాప్తంగా విడుదలై భారీ ఓపెనింగ్స్ ను రాబట్టింది. తాజాగా తమిళ సూపర్ స్టార్ 'రజనీకాంత్' ఈ చిత్రాన్ని వీక్షించి ప్రశంసల జల్లు కురిపించారు. 'సినిమా చాలా బాగుంది. యాక్షన్‌తోపాటు మంచి మెసేజ్‌ కూడా ఈ సినిమాలో ఉంది. మురుగదాస్‌ అద్భుతంగా ఈ సబ్జెక్ట్ ని హ్యాండిల్‌ చేశారు. మహేష్‌బాబు చాలా ఎక్స్ ట్రార్డినరీగా నటించారు. ఇలాంటి మంచి సినిమాని ప్రేక్షకులకు అందించిన యూనిట్‌ సభ్యులందరికీ అభినందనలు' అంటూ రజనీ కామెంట్స్ చేశారు.

ఇక ఇదిలా ఉంటే 'స్పైడర్' విడుదలైన మొదటి రోజే భారీగా కలెక్షన్లు రాబట్టింది. మొదటి రోజు రూ. 51 కోట్ల రూపాయలను కలెక్ట్ చేసినట్లు టాక్. ప్రపంచ వ్యాప్తంగా భారీగా ఓపెనింగ్స్ వచ్చాయని, ఓవర్సీస్ ప్రీమియర్స్ లోనే 1 మిలియన్ డాలర్లకు పైగా కలెక్ట్ చేసినట్లు నిర్మాతలు వెల్లడించారు. మొదటిరోజు 51 కోట్లు కలెక్ట్ చేయడం హ్యాపీగా ఉందన్నారు. 

12:49 - August 25, 2017

భారీ బడ్జెట్ చిత్రాల దర్శకుడు 'శంకర్'...తమిళ సూపర్ స్టార్ 'రజనీకాంత్' కాంబినేషన్ లో రూపొందుతున్న 'రోబో 2.0’ చిత్ర షూటింగ్ ఇంకా కొనసాగుతూనే ఉంది. బాలీవుడ్ యాక్షన్ హీరో 'అక్షయ్ కుమార్' ప్రతి నాయకుడిగా కనిపించబోతున్నారు. భారీ బడ్జెట్ తో రూపొందుతున్న సినిమాపై భారీ అంచనాలు నెలకొన్నాయి. సినిమా ప్రస్తుతం నిర్మాణాంతర కార్యక్రమాలు జరుపుకొంటోంది.

'రోబో' సినిమాకు సీక్వెల్ గా రూపొందుతున్న విషయం తెలిసిందే. 'శంకర్‌' దేశంలోనే టాప్‌మోస్ట్ డైరెక్టర్‌.. ఇండియన్ స్పీల్‌బర్గ్‌గా అభిమానులు పిలుచుకునే శంకర్‌.. జంటిల్‌మెన్‌ నుంచి రోబో వరకూ ఎన్నో అత్యుత్తమ చిత్రాలు తీశాడు. కొత్త కొత్త వెరైటీ కాన్‌సెప్ట్‌లతో సినిమాలుతీసే శంకర్‌ అంటే దేశవ్యాప్తంగా ఎంతో క్రేజ్‌. రోబో 2.0 భారీ బడ్జెట్‌ చిత్రం కావడం కూడా మూవీపై అంచనాల్ని పెంచేస్తోంది.. ఈ సినిమాకు 450కోట్ల వరకూ ఖర్చు చేస్తున్నారని సినీవర్గాల టాక్‌.. 'బాహుబలి' రెండు భాగాల ఖర్చు కంటే 'రోబో2.0'కే ఖర్చు ఎక్కువ. తక్కువ ఖర్చుతోనే రాజమౌళికి అంతటి సక్సెస్‌ వస్తే ఇంత భారీ బడ్జెట్‌తో వస్తున్న 'రోబో 2.0'లో ఎంతటి స్థాయిలో గ్రాఫిక్స్ ఉంటాయోనని సినీ అభిమానులు చూడకముందే థ్రిల్ అవుతున్నారు.

సినిమాకు సంబంధించిన ఏ విషయం బయటకు పొక్కడం లేదు. సినిమాకు సంబంధించిన లుక్స్..ఇతరత్రా కొన్ని లీక్ అయినా అసలు విషయం మాత్రం బయటకు రావడం లేదు. తాజాగా శంకర్ ట్విట్టర్ ద్వారా ట్వీట్ చేశారు. వినాయక చవితి సందర్భంగా ఓ వీడియోను రిలీజ్ చేస్తున్నారు. సినిమాకు సంబంధించిన అప్ డేట్ తెలిసే విధంగా వీడియో ఉంటుందని తెలుస్తోంది. ఈ రోజు సాయంత్రం ఆరు గంటలకు రిలీజ్ చేయనున్నట్లు ట్వీట్ లో పేర్కొన్నారు. 'రోబో 2.0’, 'బాహుబలి 2’ రెండూ ఒకేసారి షూటింగ్‌ స్టార్ట్ అయినా 'బాహుబలి' ముందుగా రిలీజైంది. 'బాహుబలి 2'ను చూసిన సినీ అభిమానులు అంతకంటే అద్భుతమైన గ్రాఫిక్స్‌తో రూపొందిస్తున్న 'రోబో 2.0'కోసం ఉత్సాహంగా ఎదురుచూస్తున్నారు.

12:35 - August 11, 2017

ఢిల్లీ : తలైవా పొలిటికల్‌ ఎంట్రీకి ముహూర్తం కుదిరిందా..? తమిళ రాజకీయాల్లో సూపర్‌స్టార్ చరిష్మా ఏ మేరకు ఉండబోతోంది..? అనిశ్చితిలో ఉన్న పాలిటిక్స్‌ను రజనీకాంత్‌ రాక ఉత్తేజాన్ని కలిగిస్తుందంటున్నారు సూపర్‌స్టార్‌ అభిమానులు. అక్టోబర్‌లోనే రజనీకాంత్‌ రాకీయ అరంగేట్రంఅంటూ సాగుతున్న ప్రచారంపై టెన్‌టీవీ ప్రత్యేక కథనం. జయలలిత మృతి, వయోభారంతో కరుణానిధి ఇంటికే పరిమితమయ్యారు. దీంతో మరోసారి తమిళనాట రాజకీయ అనిశ్ఛితి ఏర్పడింది. ఈ పరిస్థితిలో తలైవా పొలిటికల్‌ ఎంట్రీకి రంగం సిద్ధం చేసుకుంటున్నారు. ప్రస్తుతం తమిళ రాజకీయాల్లో కొత్త పార్టీకి కచ్చితంగా స్పేస్‌ ఉందని సూపర్‌స్టార్‌ అభిమానులు ఉత్సాహంగా చెబుతున్నారు. అధికార అన్నాడిఎంకెలో మూడు ముక్కలాట నడుస్తోంది.

ఈ రాజకీయ శూన్యతే రజనీకాంత్ రాజకీయ అరంగేట్రానికి నాంది పలికింది. అంతే.. హుటాహుటిన అభిమానులతో సమావేశం.. యుద్ధానికి సిద్ధంకండి అంటూ పిలుపునివ్వటం జరిగిపోయింది. తర్వాత అంతా రాజకీయ పార్టీ ఏర్పాటుపై కసరత్తులంటూ రజనీ సన్నిహితులు, గురువులు హడావుడి చేయడం మొదలుపెట్టారు. ఇప్పుడు కాకపోతే ఎపుడూ కాదు అంటున్నారు రజనీ అభిమానులు. రజనీకాంత్ రాజకీయాల్లోకి వచ్చేస్తున్నాడంటూ వస్తున్న వార్తలు అభిమానుల గుండెల్లో షికార్లు చేస్తున్నాయి. రజనీ సెంటర్‌పాయింట్‌గా జరుగుతున్న కొత్తరాజకీయాల చర్చ.. తమిళనాట ద్రవిడ పార్టీలకు దడపుట్టిస్తోంది. ఈ నెలలోనే కాలా చిత్రం పూర్తివుతోంది. ఆ తర్వాత అక్టోబర్‌లో పార్టీ ఆవిర్భవానికి రజనీ ఏర్పాట్లు చేస్తున్నారంటూ ఆయన సన్నిహిత వర్గాల నుంచి వస్తున్న సమాచారం గుప్పుమంటోంది. దీంతో అభిమానులు, ద్రవిడ పార్టీల నేతల దృష్టంతా అక్టోబర్ నెలపైనే పడింది.

నిన్నటిదాకా రజనీకాంత్‌ జాతీయపార్టి పెట్టడానికే సిద్ధం అవుతున్నారని, లేదా బీజేపీకే మద్దతు ఇస్తారని..ఆయన వెనుక ఆర్‌ఎస్‌ఎస్‌ ఉందని ఇలా రకరకాలుగా సాగిన ప్రచారం ప్రస్తుతం చప్పబడింది. దీనికీ ఓ కారణం ఉంది. దాదాపు 4దశాబ్దాల కిందటనే జాతీయ పార్టీలకు గుడ్ బై చెప్పిన తమిళ ఓటర్లు.. ద్రవిడ పార్టీలనే ఆదరిస్తున్నారు. ఈ నేపథ్యంలో అరంగ్రేట్రంతోనే రాజకీయంగా స్థిరత్వం సాధించాలంటే.. కచ్చితంగా ప్రాంతీయపార్టీపెట్టడమే మంచిదని రజనీ సన్నిహితులు సలహా ఇస్తున్నారు. దీంతో సూపర్‌స్టార్‌ ప్రాంతీయపార్టీకే మొగ్గుచూపినట్టు తెలుస్తోంది. అయితే గత నలబైఏళ్లుగా ద్రవిడ అజెండాతో రాజకీయాలు నెరపుతున్న డీఎంకే, అన్నాడీఎంకే, ఇతర చిన్నాచితకా ప్రాంతీయపార్టీలు రాష్ట్రంలోని దాదాపు 70శాతం ఓటుబ్యాంకును కలిగిఉన్నాయి. ఇక మిగిలిన 30శాతం ఓటర్లలో 1, 2శాతం జాతీయపార్టీలకు పోను.. మిగిలిన ఓటర్లపైనై తలైవా పెట్టబోయే పార్టీ దృష్టిపెట్టాల్సి ఉంది. అయితే.. ప్రస్తుతం చీలికలు పీలికలుగా ఉన్న అన్నాడీఎంకే నుంచి రజనీ పార్టీ వైపు భారీగా ఓటర్లు స్వింగ్‌ అవుతారని ఆయన సన్నిహితులు ఊహిస్తున్నారు.

ఆదిశగానే పావులు కదుపుతూ .. ద్రవిడ నినాదంతోనే కొత్తపార్టీని పెట్టడానికి రజనీకి సలహాలు ఇస్తున్నట్లు తెలుస్తోంది. అందుకే ఆర్ఎస్ఎస్, బీజేపీలతో తలైవా దూరంగా ఉంటున్నట్టు చూపించే ప్రయత్నం చేస్తున్నారు. అసెంబ్లీ ఎన్నికలకు మరో నాలుగేళ్ల సమయం ఉండటంతో.. పార్టీని ప్రజల్లో ఎస్టాబ్లిష్‌చేయడానికి ఆమాత్రం టైం అవసరమేనని తలైవా వ్యూహకర్తలు ఆలోచిస్తున్నట్టు తెలుస్తోంది. ఈ నేపథ్యంలో అక్టోబర్‌లో పొలిటికల్‌ ఎంట్రీకి ముహూర్తం ఖరారు చేసుకున్న రజనీకాంత్‌ను దేవుడు ఇంకా ఏమని ఆదేశిస్తాడో వేచి చూడాలి అంటున్నారు అభిమానులు.  

21:49 - August 10, 2017

చెన్నై : ఒకే వేదికపై సూపర్‌స్టార్‌ రజనీకాంత్‌, విలక్షణ నటుడు కమల్‌హాసన్‌ దర్శనమిచ్చారు. తమిళనాడులో డీఎంకేపార్టీ పత్రిక 'మురసోలి' 75 ఏళ్లు పూర్తి చేసుకున్న సందర్బంగా.. చెన్నైలో ప్లాటినమ్‌ జూబ్లీ వేడుకలను నిర్వహించారు. ఈ వేడుకలకు రజనీకాంత్‌, కమల్‌హాసన్‌, ప్రభుతో పాటు పలువురు తమిళ సినీ, రాజకీయ ప్రముఖులు హాజరయ్యారు. అయితే వేదికపై కమల్‌ కూర్చోగా.. రజనీకాంత్‌ కింద మొదటి వరుసలో కూర్చున్నారు. మరోవైపు అనారోగ్య కారణాల వల్ల ఈ వేడుకల్లో కరుణానిధి పాల్గొనలేదు. దాంతో ఆయన కుమారుడు డీఎంకే వర్కింగ్‌ ప్రెసిడెంట్‌ స్టాలిన్‌ అధ్యక్షతన ఈ కార్యక్రమాన్ని ఏర్పాటు చేశారు. డీఎంకే అధినేత కరుణానిధికి 18ఏళ్ల వయసు ఉన్నప్పుడు ఈ మురసోలి పత్రికను ప్రారంభించారు. ఆగస్టు 10, 1942న తొలి మురసోలి పత్రిక విడుదలైంది. 

09:52 - August 10, 2017

తమిళ సూపర్ స్టార్ 'రజనీకాంత్' ఓ సినిమా సీక్వెల్ లో నటించబోతున్నారా అనే చర్చ జరుగుతోంది. 'శంకర్‌' దర్శకత్వంలో 'ముదల్వన్‌' తమిళనాట ఎంత విజయం సాధించిందో తెలిసిందే. 'అర్జున్‌' హీరోగా నటించిన ఈ సినిమా తెలుగులో 'ఒకే ఒక్కడు' పేరిట వచ్చింది.

ఈ సినిమాలో నటించాలని 'రజనీ'ని చిత్ర బృందం కలిసిందని..కానీ ఆయన మాత్రం పెద్దగా ఆసక్తి చూపలేదంట. ప్రస్తుతం ఈ సినిమా సీక్వెల్ చేస్తే యాక్ట్ చేయడానికి 'రజనీ' ఆసక్తి చూపుతున్నారని సోషల్ మాధ్యమాల్లో వార్తలు హల్ చల్ చేస్తున్నాయి. ఈ సినిమాకి విజయేంద్ర ప్రసాద్‌ కథను సిద్ధం చేస్తున్నారని టాక్ వినిపిస్తోంది.

ఇదిలా ఉంటే 'రజనీకాంత్' త్వరలోనే రాజకీయ రంగ ప్రవేశం చేస్తారనే వార్తలు గుప్పుమంటున్న సంగతి తెలిసిందే. రాజకీయ నేపథ్యంలో ఆ సినిమా ఉండడం..రజనీకి కలిసొస్తుందని ప్రచారం జరుగుతోంది. ఇందుకు శంకర్ అయితే కరెక్టుగా సరిపోతాడని అనుకుంటున్నారంట. సీఎంగా 'రజనీ' అయితే ఎలా ఉంటుందనే విషయాన్ని ముందుగా జనానికి తెలియజేసే ప్రయత్నంలో భాగమని అనుకుంటున్నారు.

మరి ఇది నిజమా ? కాదా ? అనేది తెలియాలంటే కొద్ది రోజులు వెయిట్ చేయాల్సిందే. 

14:54 - July 20, 2017

'ధనుష్' కెరీర్ లోనే బిగ్గెస్ట్ హిట్ గా నిలిచిన చిత్రం 'వేలలై యిల్ల పట్టధారి'. ఈ సినిమాకు సీక్వెల్ గా 'వీఐపీ 2’ సినిమా తెరకెక్కుతున్న సంగతి తెలిసిందే. 'కబాలి' నిర్మాత కలైపులి ఎస్‌.థాను నిర్మాతగా సౌందర్య రజనీకాంత్‌ రూపొందుతున్న ఈ క్రేజీ ప్రాజెక్టు విడుదల తేదీల్లో మార్పు చేసినట్లు టాక్. 'ధనుష్‌' పుట్టినరోజు అంటే జూన్‌ 28న ప్రేక్షకుల ముందుకు తీసుకురావాలని నిర్ణయించగా ఇందులో మార్పు చేసినట్లు ప్రచారం జరుగుతోంది.

ధనుష్ నటించిన చివరి చిత్రం 'తొడరి' బాక్సాపీస్ వద్ద పరాజయం మూటగట్టుకుంది. దీనితో ఎలాగైనా హిట్ కొట్టాలని ఈ హీరో ప్రయత్నిస్తున్నాడు. ‘వీఐపీ 2’ ద్వారా భర్తీ చేయాలని భావిస్తున్నాడు. అందుకు తగినట్లుగానే కథ..కథనాలతో భారీగా ఈ చిత్రం రూపొందింది. ఇటీవలే ఈ సినిమాకు సంబంధించిన ట్రైలర్ విడుదలైంది. అందులో 'ధనుష్' నటన..డైలాగ్స్ ఆకట్టుకునేలా ఉన్నాయి.

ప్రోస్టు ప్రోడక్షన్ పనులు జరుపుకుంటున్న 'వీఐపీ 2’లో 'అమలాపాల్' హీరోయిన్ గా నటించగా బాలీవుడ్ నటి 'కాజల్' ముఖ్యపాత్ర పోషించారు. దాదాపు 20 ఏళ్ల తరువాత తమిళ సినిమాలో 'కాజల్' నటిస్తుండడం పట్ల ధనుష్ సంతోషం వ్యక్తం చేశాడు. ఇదిలా ఉంటే అనివార్య కారణాల వల్ల సినిమా విడుదల తేదీల్లో మార్పు చేసినట్లు సౌందర్య రజనీకాంత్ ట్విట్టర్ ద్వారా వెల్లడించారు. ఆగస్టు మొదటి వారంలో విడుదల చేసేందుకు ప్రయత్నిస్తున్నట్లు, ‘ధనుష్' అభిమానుల ఓపిక..సహకరిస్తున్నందుకు ధన్యవాదాలు తెలియచేశారు. త్వరలోనే రిలీజ్ డేట్ ను ప్రకటిస్తామని ప్రకటించారు.

10:28 - July 6, 2017

వినోదపు పన్ను పై కూడా పన్ను వేస్తారా ? అంటూ తమిళనాడు రాష్ట్రానికి చెందిన థియేటర్ల యజమానులు కేంద్రంపై కన్నెర చేశారు. ఇటీవలే కేంద్రం జీఎస్టీ అమల్లోకి తెచ్చిన సంగతి తెలిసిందే. సినిమా థియేటర్లో రూ. 100 కన్నా తక్కువ ఉన్న టికెట్ ధరలపై 18 శాతం, రూ. 100 కన్నా ఎక్కువ ఉన్న టికెట్ ధరలపై 28 శాతం పన్నును జీఎస్టీ నిర్ధారించిన సంగతి తెలిసిందే. జులై 1 నుంచి ఇది అమల్లోకి వచ్చింది. అప్పటి నుండి అక్కడి థియేటర్లు మూత పడ్డాయి.

పలు సినిమాల పరాజయం..
కోలీవుడ్...ప్రముఖ హీరోల భారీ సినిమాలు..చిన్న హీరోల చిన్న సినిమాలు విడుదలవుతూ ఉంటాయి. కానీ ఈ ఏడాది కోలీవుడ్ కు కలిసి రాలేదని విశ్లేషకులు అభిప్రాయాలు వ్యక్తం చేస్తున్నారు. పలు సినిమాలు బాక్సాపీస్ వద్ద బోల్తా పడడంతో నష్టాలు చవి చూడాల్సి వచ్చింది. ఇదిలా ఉండగానే వస్తు సేవల పన్ను అమల్లోకి రావడంతో సినిమా కష్టాలు మరింత పెరిగాయి. పన్నును తగ్గించాలంటూ థియేటర్ల యజమానులు గళమెత్తాయి. రోడ్డు మీదకు వచ్చి ఆందోళనలు కొనసాగించాఇ. వెయ్యికి పైగా థియేటర్లు మూసి ఉండడంతో భారీగా నష్టాలు వస్తున్నాయని తెలుస్తోంది. ఎక్కువ రోజులు కొనసాగితే మాత్రం కోలీవుడ్ పరిశ్రమకు కోలుకొని దెబ్బ తగులుతుందని సినీ పండితుల అంచనా. ఈ వారంలో నాలుగు సినిమాలు విడుదల కావాల్సి ఉంది. కానీ ప్రస్తుత పరిస్థితుల్లో ఈ సినిమాల విడుదల తేదీలను వాయిదా వేసుకోవడానికి నిర్మాతలు నిర్ణయం తీసుకున్నట్లు తెలుస్తోంది. థియేటర్ల బంద్ పై పలువురు ఒక్కొక్కరుగా స్పందిస్తున్నారు. తమిళ సూపర్ స్టార్ రజనీకాంత్ స్పందించారు. పన్నును తగ్గించేందుకు చర్యలు తీసుకోవాలంటూ ట్వీట్ లో సర్కార్ ను కోరారు. ఈ ట్వీట్ కు మరో నటుడు కమల్ హాసన్ స్వాగతించారు.

సమ్మె ముగుస్తుందా ?
గురువారానికి సమ్మె ముగుస్తుందని భావిస్తున్నట్లు అక్కడి థియేటర్ల యజమానుల సంఘం అధ్యక్షుడు వెల్లడించారు. ప్రభుత్వం ఎదుట తాము రెండు ప్రధాన డిమాండ్లను పెట్టడం జరిగిందని పేర్కొన్నారు. టికెట్ల ధరలు పెంచడం..స్థానిక పన్నును తగ్గించాలని కోరడం జరుగుతోందన్నారు. పదేళ్ల నుండి సరైన విధంగా టికెట్ల ధరలు పెంచలేదని, అందులో భాగంగానే ధరలు పెంచాలని కోరుతున్నట్లు తెలిపారు. మరి ఈ సమ్మెకు తెరపడుతుందా ? లేదా ? అనేది కొద్ది గంటల్లో తెలియనుంది.

16:18 - June 30, 2017

తమిళ సూపర్ స్టార్ 'రజనీకాంత్' మళ్లీ అమెరికాకు పయనం కానున్నారా ? ఈ విషయం సామాజిక మాధ్యమాల్లో తెగ వైరల్ అవుతోంది. తమిళ రాజకీయాల్లోకి 'రజనీ' ఎంట్రీ ఉంటుందని...అభిమానులతో కూడా 'రజనీ' భేటీ కావడం రాజకీయాల్లో ప్రకంపనాలు సృష్టించిన సంగతి తెలిసిందే. దీనితో పాటు ఆయన 'రోబో 2.0'..'కాలా' సినిమా షూటింగ్ లో బిజీగా ఉంటున్నారు. 'కబాలి' చిత్ర సమయంలో 'రజనీ' అమెరికాలో కొన్ని రోజులు రెస్ట్ తీసుకున్నారు. ఆయన అనారోగ్యానికి గురయ్యారని అప్పట్లో ప్రచారం జరిగింది. తాజాగా మళ్లీ 'రజనీ' అమెరికాకు వెళ్లనున్నట్లు తెలుస్తోంది. 'కాలా' సినిమా షూటింగ్ నిమిత్తం ముంబైలో ఉన్న 'రజనీ' అమెరికాకు వెళ్లినట్లు ప్రచారం జరుగుతోంది. దీనిపై నిజాలు ఏంటో 'రజనీ' స్వయంగా..లేదా ఆయన కుటుంబసభ్యులు నోరు మెదిపితే కాని తెలియదు.

Pages

Don't Miss

Subscribe to RSS - రజనీకాంత్