రాజకీయం

18:54 - November 1, 2017

కరీంనగర్ : ఉమ్మడి కరీంనగర్‌ జిల్లాలో తెలుగుదేశం నేతలు రేవంత్‌రెడ్డి బాటలో నడుస్తున్నారు. ఒక్కొక్కరుగా టీడీపీకి గుడ్‌ బై చెప్పి.. కాంగ్రెస్‌ గూటికి చేరుతున్నారు. తెలంగాణలో టీడీపీకి భవిష్యత్‌ లేదన్న ఉద్దేశంతో కాంగ్రెస్‌ కండువాలు కప్పుకొంటున్నారు. ఈ పరిస్థితి కొత్త కుమ్ములాటలకు దారి తీస్తోంది. టీడీపీ నాయకులు కాంగ్రెస్‌లో చేరికతో మొదటిగా చిక్కుల్లో పడిన నేత మానకొండూర్‌ మాజీ ఎమ్మెల్యే ఆరెపల్లి మోహన్‌. 2009లో ఈ స్థానం నుంచి గెలుపొందిన ఆరెపల్లి మోహన్‌... 2014లో టీఆర్‌ఎస్‌ అభ్యర్థి రసమయి బాలకిషన్‌ చేతిలో ఓడిపోయారు. మానకొండూర్‌ నుంచి టీడీపీ అభ్యర్థిగా పోటీచేసి రెండుసార్లు ఓడిపోయిన కవ్వంపల్లి సత్యనారాయణ.. ఇప్పుడు పార్టీ మారే యత్నంలో ఉన్నారు. వచ్చే ఎన్నికల్లో పోటీ చేసే ఉద్దేశంతో ఇప్పటి వరకు కవ్వంపల్లి, ఆరెపల్లి ఇప్పటి వరకు ప్రత్యర్థుగానే ప్రచారం చేసుకున్నారు. వచ్చే ఎన్నికల్లో టికెట్‌ ఇస్తానని కాంగ్రెస్‌ అధిష్టానం హామీ ఇవ్వడంతో టీడీపీకి గుడ్‌ బై చెప్పి కాంగ్రెస్‌లో చేరబోతున్నట్టు కవ్వంపల్లి ప్రకటించారు.

కవ్వంపల్లి కాంగ్రెస్‌ గూటికి
కవ్వంపల్లి కాంగ్రెస్‌ గూటికి చేరునుండటంతో మానకొండూర్‌ అసెంబ్లీ స్థానం టికెట్ ఆశిస్తున్న ఆరెపల్లి మోహన్‌ షాక్‌ ట్రీట్‌మెంట్‌గా మారింది. వచ్చే ఎన్నికల్లో టికెట్‌ ఆశించి కవ్వంపల్లి కాంగ్రెస్‌ తీర్థం పుచ్చుకోనుండటంలో ఆరేపల్లి మోహన్‌ పరిస్థితి అయోమంగా మారింది. సురక్షితమైన మరో సీటు చూసుకోవాలని కొందరు కాంగ్రెస్‌ నేతలు ఆరేపల్లి మోహన్‌కు సూచిస్తున్నా... ఇందుకు ఒప్పుకోవడంలేదని ఈయన అనుచరులు చెబుతున్నారు. నియోజవర్గం మారితే అక్కడ సీటు ఆసిస్తున్న నేతల నుంచి సహాయ నిరాకరణ ఎదురైతే.. మళ్లీ ఓటమిని మూటకట్టుకోవాల్సి వస్తుందన్న అభిప్రాయంలో ఉన్నారు.

ఆరెపల్లి మోహన్‌ను పెద్దపల్లి లోక్‌సభ స్థానం నుంచి
ఆరెపల్లి మోహన్‌ను పెద్దపల్లి లోక్‌సభ స్థానం నుంచి పోటీ చేయించే అవకాశం ఉందని కాంగ్రెస్‌లో ప్రచారం జరుగుతోంది. 2014 ఎన్నికల్లో ఈ స్థానం నుంచి కాంగ్రెస్‌ తరుపున పోటీచేసి ఓడిపోయిన వివేక్‌... ఇప్పుడు టీఆర్‌ఎస్‌లో ఉన్నారు. ఈ పరిస్థితుల్లో బలమైన దళిత నేతగా ముద్రపడ్డ ఆరెపల్లి మోహన్‌ పెద్దపల్లి పార్లమెంటరీ స్థానం నుంచి పోటీ చేయిస్తేనే మంచిదన్న అభిప్రాయం కాంగ్రెస్‌ వర్గాల్లో వ్యక్తమవుతోంది. పెద్దపల్లి లోక్‌సభ స్థానంలోని రామగుండం, పెద్దపల్లి, మంథని, ధర్మపురి, బెల్లంపల్లి, మంచిర్యాల అసెంబ్లీ స్థానాల్లో గతంతో పోలిస్తే కాంగ్రెస్‌ పరిస్థితి కొద్దిగా మెరుగుపడింది పార్టీ నేతలు భావిస్తున్నారు. దీంతో ఆరెపల్లి వంటి బలమైన నేతను నిలబెట్టి కొద్దిగా కష్టపడితే వచ్చే ఎన్నికల్లో పెద్దపల్లి లోక్‌సభ సీటును కైవసం చేసుకోవచ్చన్న అభిప్రాయం పార్టీ సీనియర్లలో వ్యక్తమవుతోంది. అయితే ఆరెపల్లి మోహన్‌ మాత్రం అసెంబ్లీ సీటు... అది కూడా మానకొండూరే కావాలని పట్టుపడుతున్నట్టు ప్రచారం జరుగుతోంది. కాంగ్రెస్‌ టికెట్‌ ఇవ్వకపోతే వేరే పార్టీలో చేరడమా లేక స్వతంత్ర అభ్యర్థి బరిలో దిగి సత్తా సాటడమా.. అన్న ప్రత్యామ్నాయాలపై ఆరెపల్లి వర్గీలయు తర్జనభర్జన పడుతున్నారు.

కాంగ్రెస్‌ సీనియర్లంతా తమ రాజకీయ భవిష్యత్‌పై
ఈ పరిస్థితి ఒక్క ఆరెపల్లి మోహన్‌కే పరిమితం కాలేదు. ఉమ్మడి కరీంనగర్‌ జిల్లాలో కాంగ్రెస్‌ టికెట్లు ఆశిస్తున్న నాయకుంతా ఇలాంటి సంకట స్థితిని ఎదుర్కొంటున్నారు. కొత్త నీరు వస్తే పాతనీరు కొట్టుకుపోతుందన్న విషయాన్ని గుర్తు చేసుకుంటున్నారు. టీడీపీని వీడి కాంగ్రెస్‌లోకి వస్తున్న నేతలకు వచ్చే ఎన్నికల్లో టికెట్లు ఇస్తామన్న అధిష్టానం హామీతో ఉమ్మడి కరీంనగర్‌ జిల్లాలోని కాంగ్రెస్‌ సీనియర్లంతా తమ రాజకీయ భవిష్యత్‌పై రకరకాల ఆలోచనలు చేస్తున్నట్టు ప్రచారం జరుగుతోంది. మున్ముందు పరిణామాలు ఎలా ఉంటాయో చూడాలి. 

19:38 - October 31, 2017

శ్రీకాకుళం : ఈమె పేరు కావలి గ్రీష్మ ప్రసాద్‌. ఉమ్మడి ఏపీలో టీడీపీ నుంచి నాలుగుసార్లు అసెంబ్లీకి ప్రాతినిధ్యం వహించి, 1999-2004 మధ్య స్పీకర్‌గా పనిచేసిన కావలి ప్రతిభా భారతి కుమార్తె. శ్రీకాకుళం జిల్లా రాజాం అసెంబ్లీ నియోజకవర్గ రాజకీయాలపై గ్రీష్మ ప్రసాద్‌ ప్రత్యేక దృష్టి పెట్టడం ఇప్పుడు చర్చనీయాశంగా మారింది. లండన్‌లో బయోటెక్నాలజీలో డిగ్రీ చదివి, ప్రైవేటు కంపెనీలలో మంచి ఉద్యోగం వదులుకుని రాజకీయాల్లోకి వచ్చారు కావలి గ్రీష్మ ప్రసాద్‌. శ్రీకాకుళం జిల్లా రాజాం అసెంబ్లీ నియోజకవర్గంలో ఇంటింటికి తెలుగుదేశం కార్యక్రమంలో విస్తృతంగా పాల్గొంటున్నారు గ్రీష్మ ప్రసాద్‌. ప్రతిభా భారతి కూడా తన కుమార్తెను వెంటపెట్టుకుని ఇంటింటికి తిరుగుతూ ఓటర్లకు పరిచయం చేస్తున్నారు. తనను ఆదరించిన తరహాలోనే తన బిడ్డను కూడా ఆశీర్వదించాలని కోతున్నారు. కావలి గ్రీష్మ ప్రసాద్‌ రాజీం పట్టణ టీడీపీ అధ్యక్షురాలుగా వ్యవహరిస్తున్నారు.

తల్లి ప్రతిభా భారతి తరుపున ప్రచార బాధ్యతలు
2004 మూడుసార్లు జరిగిన అసెంబ్లీ ఎన్నికల్లో తల్లి ప్రతిభా భారతి తరుపున ప్రచార బాధ్యతలు నిర్వహించారు. ఓటర్లతో ఎలా వ్యవహరించాలో, రాజకీయాల్లో ఎలా రాణించాలో, నలుగురితో ఎలా నెగ్గుకురావాలో తల్లి నుంచి అన్ని విషయాలు నేర్చుకున్నారు. రాజకీయాల్లో చొరవ, చతురత వంటి లక్షణాలను తల్లి నుంచి పుణికిపుచ్చుకున్నారు. ప్రజా సమస్యల పరిష్కారంపై ఎలా స్పందించాలో అనుభపూర్వకంగా నేర్చుకున్నారు. రాజాం నియోజకవర్గ టీడీపీ వ్యవహారాల్లో గ్రీష్మ ప్రసాద్‌ క్రియాశీలకంగా మారడం సోషల్‌ మీడియాలో హాట్‌ టాపిక్‌గా మారింది. ప్రజా సమస్యల పరిష్కారంపై గ్రీష్మ ప్రసాద్‌ దృష్టి పెట్టారు.

గ్రీష్మ ప్రసాద్‌ పోటీ...
కావలి ప్రతిభా భారతి ఎమ్మెల్యే పదవీకాలం 2020 వరకు ఉంది. దీంతో 2019 అసెంబ్లీ ఎన్నికల్లో ప్రతిభా భారతి పోటీ చేసే అవకాశంలేదని భావిస్తున్నారు. గ్రీష్మ ప్రసాద్‌ పోటీ చేస్తారని రాజకీయ వర్గాల్లో విస్తృతంగా ప్రచారం జరుగుతోంది. 2004 నుంచి వరుసగా మూడు ఎన్నికల్లో ఓడిపోయిన తల్లిని తిరిగి ఎమ్మెల్యేగా చేయడమే తన లక్ష్యమని గ్రీష్ర ప్రసాద్‌ పైకి చెబుతున్నా... ఈమే పోటీ చేసే అవకాశం ఉందని టీడీపీ వర్గాల్లో వినిపిస్తోంది.అందుకే ప్రజలతో మంచి సంబంధాలు ఏర్పాటు చేసుకుంటున్నారు. టీడీపీ అధినేత చంద్రబాబు ఏ బాధ్యతలు అప్పగించినా తీసుకునేందుకు గ్రీష్మ ప్రసాద్‌ సంసిద్ధత వ్యక్తం చేస్తున్నారు. శ్రీకాకుళం జిల్లాకు చెందిన రాష్ట్ర విద్యుత్‌ శాఖ మంత్రి కమిడి కళా వెంకట్రావుతో ప్రతిభా భారతికి ఉన్న అభిప్రాయబేధాలు సమచిపోవడంతో కావలి గ్రీష్మ ప్రసాద్‌కు ఎంట్రీకి ఎటువంటి అవరోధాలు ఉండవని భావిస్తున్నారు. 

20:56 - October 17, 2017
07:58 - September 29, 2017

విశాఖ : ఆంధ్రప్రదేశ్‌ ప్రభుత్వం పండుగలను, దేవుళ్లను రాజకీయకోణంలో చూస్తున్నారని వైఎస్‌ఆర్‌ కాంగ్రెస్‌ పార్టీ నేత బొత్స సత్యనారాయణ అన్నారు. ఒకప్పుడు పోలవరాన్ని అడ్డుకున్న చంద్రబాబుకు ఇప్పుడు అదే వరంగా మారిందన్నారు. రాష్ట్రంలో అభివృద్ధి కార్యక్రమాలు ఎందుకు ఆలస్యం అవుతుందో చంద్రబాబు చెప్పాలని బొత్స డిమాండ్ చేశారు. 

08:42 - September 27, 2017

శ్రీకాకుళం : శ్రీకాకుళం జిల్లాలో రాష్ట్ర స్థాయి గుర్తింపు పొందిన లీడర్లు ఎందరో ఉన్నారు.. కేంద్ర, రాష్ట్ర మంత్రులుగా.. ఆయాపార్టీల్లో కీలక వ్యక్తులుగా పనిచేసిన అనుభం వీరి సొంతం. అయినా.. ప్రస్తుత పాలిటిక్స్‌లో తమ రాజకీయ భవిష్యత్తుపై చాలా మంది సీనియర్‌నేతలు సందిగ్ధంలో పడిపోయారు. కొండ్రు మురళి... కాంగ్రెస్ పార్టిలో ఎచ్చెర్ల, రాజాం ఎస్సి రిజర్వు స్థానం నుండి రెండు సార్లు గెలిచిన కొండ్రు ..కిరణ్‌కుమార్‌రెడ్డి ప్రభుత్వంలో మంత్రిగా పనిచేశారు. పార్టీ కష్టాల్లో ఉన్నా.. అందరినేతల్లా పూటకో పార్టీకండువా మార్చలేదు. అయినా ప్రస్తుతం రాజకీయాల్లో యాక్టివ్‌గాలేరు.

ఎమ్మెల్యేగా పోటిపడి ఓటమి
గతంలో కేంద్ర సహాయ మంత్రిగా పనిచేసిన కిల్లి కృపారాణి, వైఎఎస్‌ఆర్‌ ప్రభుత్వంలో మంత్రిగా ఓవెలుగు వెలిగిన ధర్మాన ప్రసాదరావు, ఇక గతఎన్నికల్లో శ్రీకాకుళం నుంచి ఎమ్మెల్యేగా పోటిపడి ఓటమి చెందిన గుండా లక్ష్మీదేవి..వీరంతా ప్రస్తుతం తమ రాజకీయ భవిష్యత్తుపై సందిగ్ధంలో ఉన్నారు. టిడిపి నుంచి అయిదుసార్లు ఎమ్మెల్యే గా గెలిచిన మాజీ మంత్రి గుండా అప్పలసూర్య నారాయణ.. సిన్సియర్ పొలిటీషియన్ గా పేరు తెచ్చుకున్నారు. కాని ప్రస్తుతం పార్టీలో అంతగా ప్రాధాన్యత దక్కడంలేదన్న అసంతృప్తిలో ఉన్నారు. ఇక నాలుగుసార్లు ఎమ్మెల్యేగా గెలిచిన ప్రతిభా భారతి ప్రస్తుతం పాలిటక్ట్స్‌లోయాక్టివ్‌గా లేరు. అలాగే మూడుసార్లు ఎమ్మెల్యేగా విజయం సాధించిన ఆమదాలవలస మాజీ ఎమ్మెల్యే బొడ్డేపల్లి సత్యవతి, రెండు సార్లు పార్టీలు మారి ప్రస్తుతం టీడీపీలో ఉన్న బగ్గు లక్ష్మణరావు రాజకీయంగా సైలెంట్‌ ఆయ్యారు.

రాజకీయ ప్రతికూలత
ఇక నాలగులుసార్లు ఎమ్మెల్యేలగా గెలిచి.. టీడీపీ నుంచి ప్రజారాజ్యంపార్టీలోకి వెళ్లి, ప్రస్తుతం వైసీపీలో కొనసాగుతున్న తమ్మినేని సీతారాం ప్రజెంట్‌ పాలిటిక్స్‌లో ప్రతికూలత ఎదుర్కొంటున్నారు. అటు పలాసలో మంచి పట్టున్న నాయకునిగా పరపతిని సంపాదించిన కణితి విశ్వనాధం కాంగ్రెస్, వైకాపా, జై సమైక్యాంధ్ర పార్టీలు మార్చి ప్రస్తుతం బిజెపి లోకి వెళ్ళారు. దీంతో ఈయన ప్రజల విశ్వసనీయత కోల్పోయారనే అభిప్రాయాలు వస్తున్నాయి. అధికారంలో ఉన్నపుడు ప్రజలను విస్మరించడం.. అవకాశాన్ని బట్టి పార్టీలు మార్చడం..వల్లే శ్రీకాకుళం జిల్లాలో పలువురు సీనియర్లు ప్రస్తుతం రాజకీయ ప్రతికూలత ఎదుర్కొంటున్నారనే అభిప్రాయాలు స్తున్నాయి. ప్రజల బాగోగులు పట్టని ఏ నేత అయినా .. రాజకీయాల్లో ప్రాభవం కోల్పోక తప్పదని సిక్కోలు ప్రజలు అంటున్నారు. 

11:42 - September 18, 2017

చెన్నై : తమిళ రాజకీయంలో కీలక మలుపు చోటుచేసుకుంది. శశికళ, దినకరన్ వర్గానికి పళనిస్వామి వర్గం షాక్ ఇచ్చింది. శాసనసభ శాభ స్పీకర్ దన్ పాల్ దినకరన్ మద్దతు ఇస్తున్న 18 మంది ఎమ్మెల్యేలపై అనర్హత వేటు వేశారు. బలపరీక్షకు వెళ్లేందుకు దినకరన్ వర్గంపై వేటు వేసినట్టు తెలుస్తోంది. పార్టీ విప్ ను ధిక్కరించారన్న కారణంతో స్పీకర్ ఆ ఎమ్మెల్యేలపై వేటు వేశారు. మరో వైపూ ఈ రోజు తమిళనాడు ఇనా చార్జ్ గవర్నర్ విద్యాసాగర్ చెన్నైకి రానున్నారు. పూర్తి వివరాలకు వీడియో చూడండి.

 

09:36 - September 11, 2017

చెన్నై : తమిళనాడు రాజకీయలు రసకందాయంలో పడ్డాయి. ముఖ్యమంత్రి పళనిస్వామి నేతృత్వంలోని అన్నా డీఎంకే ప్రభుత్వం విశ్వాస పరీక్షకు మొగ్గు చూపకపోడతంతో, ఈ అంశంపై కోర్టును ఆశ్రయించాలని ప్రతిపక్ష డీఎంకే నిర్ణయించింది. తమిళనాడు ముఖ్యమంత్రి పళనిస్వామి నేతృత్వంలోని అన్నా డీఎంకే ప్రభుత్వం అసెంబ్లీలో బలం నిరూపించుకోవాలన్న విపక్షాల విజ్ఞప్తిపై  ఆ రాష్ట్ర ఇన్‌చార్జ్‌ గవర్నర్‌ విద్యాసాగర్‌రావు సానుకూలంగా స్పందించకపోవడం ఇప్పుడు రాజకీయంగా పెద్ద చర్చనీయాంశంగా మారింది. అసెంబ్లీలో ప్రతిపక్ష నేత, డీఎంకే నాయకుడు స్టాలిన్‌...  ఇన్‌చార్జ్‌ గవర్నర్‌  విద్యాసాగర్‌రావును రెండు సార్లు కలిసి... పళనిస్వామి ప్రభుత్వ  బలనిరూపణకు ఆదేశించాలని కోరారు. దీనికి విద్యాసాగర్‌రావు సానుకూలంగా స్పందించకపోవడంతో ఇకపై హైకోర్టును ఆశ్రయించాలని డీఎంకే నిర్ణయించింది. 
మైనారిటీ ప్రభుత్వం నడుపుతున్న సీఎం పళనిస్వామి   
ముఖ్యమంత్రి పళనిస్వామి మైనారిటీ ప్రభుత్వం నడుపుతున్నారు. అన్నా డీఎంకేకి అసెంబ్లీలో తనిగన సంఖ్యాబలం లేకపోవడంతోనే బలనిరూపణకు పళనిస్వామి భయపడుతున్నారన్నది విపక్ష డీఎంకే వాదన. తమిళనాడు అసెంబ్లీలో 238 మంది సభ్యులు ఉన్నారు. పళనిస్వామి ప్రభుత్వానికి 114 మంది ఎమ్మెల్యేల మద్దతు మాత్రమే ఉంది. డీఎంకేకి 89 మంది సభ్యులు ఉన్నారు. కాంగ్రెస్‌కు 8 మంది ఎమ్మెల్యేలు, ఐయూఎంఎల్‌కు ఒక సభ్యుడు ఉన్నారు.  అన్నా డీఎంకే చీలికవర్గం దినకరన్‌కు 21 మంది ఎమ్మెల్యేలు ఉన్నారని చెబుతున్నారు. దినకరన్‌ వర్గం కూడా పళనిస్వామి మంత్రివర్గం బలపరీక్ష కోరుతోంది. గవర్నర్‌ను రెండుసార్లు కలిసి తన వాదాన్ని వినిపించారు. బలపరీక్ష కోరుతున్న డీఎంకే, అన్నా డీఎంకే చీలికవర్గం ఎమ్మెల్యేల సంఖ్య 119 ఉందని చెబుతున్నారు. పళనిస్వామి మంత్రివర్గాన్ని పడగొట్టే ఉద్దేశం తమకులేదని దినకరన్‌ చెబుతున్నా... ప్రభుత్వ బలపరీక్షకు ఇన్‌చార్జ్‌ గవర్నర్‌ విద్యాసాగర్‌రావు అంగీకరించకపోవడంతో... దినకరన్‌ కూడా ఇప్పుడు ప్రత్యామ్నాయాలు గురించి ఆలోచిస్తున్నారు. మరోవైపు ముఖ్యమంత్రి పళనిస్వామి తకు 124 మంది ఎమ్మెల్యే మద్దతు ఉందని చెబుతున్నారు. దినకరన్‌ వర్గం నుంచి తొమ్మిది మంది ఎమ్మెల్యేలు తమవైపు తిరిగిరావడంతో తమ బలం 124కు పెరిగిందని, ఈ పరిస్థితుల్లో మెజారిటీ తమకే ఉందని పళనిస్వామి  వర్గం వాదిస్తోంది. తమిళనాడు రాజకీయాలు ఏ  మలుపు తిరుగుతా చూడాలి. 

07:42 - August 18, 2017

విజయవాడ : పాలిటిక్స్‌ అంటేనే ఎప్పటికప్పుడు వ్యూహాలు రచించడం. మారుతున్న పరిస్థితులకు అనుగుణంగా నిర్ణయాలు తీసుకోవడం. ఎదుటి పార్టీ వ్యూహాలను తిప్పికొట్టడం. ఇలా వ్యూహాత్మకంగా అడుగులు వేస్తేనే పార్టీ మనగలుగుతుంది. పార్టీ క్యాడర్‌లో భరోసా పెరుగుతుంది. ఇన్నాళ్లూ తన అభిప్రాయాలు ట్విట్టర్‌, యూట్యూబ్ వేదికగా వెల్లడించిన జనసేనాని పవన్‌ కల్యాణ్‌ అక్టోబర్‌ నుంచి ప్రత్యక్ష రాజకీయాల్లోకి అడుగిడబోతున్నారు. దీంతో రాజకీయ వ్యూహాలకు పదును పెడుతున్నారు.

ఏపీకి ప్రత్యేకహోదా
గత ఎన్నికల సమయంలో పవన్‌ కల్యాణ్‌ టీడీపీ, బీజేపీకి మద్దతు ఇచ్చారు. రాష్ట్రాన్ని విభజించిన కాంగ్రెస్‌ను గద్దె దింపేందుకు పసుపు, కాషాయ దళంతో చేతులు కలిపారు. సభా వేదికలనూ పంచుకున్నారు. కేంద్రంలో బీజేపీ, రాష్ట్రంలో టీడీపీ అధికారంలోకి వచ్చింది. ఎన్నికల్లో ఏపీకి ప్రత్యేకహోదా ఇస్తానన్న హామీని మోదీ విస్మరించారు. ప్రత్యేక ప్యాకేజీ అంటూ ఊదరగొడుతుండడంతో పవన్‌ వారితో విభేదిస్తున్నారు. ఇక టీడీపీ ప్రభుత్వాన్ని కొన్ని విషయాల్లో వ్యతిరేకిస్తున్నా.... ప్రజా సమస్యల పరిష్కారం విషయంలో ప్రభుత్వానికి మద్దతు తెలుపుతూనే ఉన్నారు. ఉద్దానం కిడ్నీ సమస్యను పవన్‌ కల్యాణ్‌ సీఎం చంద్రబాబు దృష్టికి తీసుకెళ్లారు. ఈ సమస్యను చంద్రబాబు కూడా సానుకూలంగా స్పందించి పరిష్కరించేందుకు ప్రయత్నాలు చేస్తున్నారు. అయితే టీడీపీతో పవన్‌ రహస్య ఒప్పందాలేంటో చెప్పాలంటూ ప్రతిపక్షాలు విమర్శలు చేస్తున్నాయి. దీంతో ఇక నుంచి టీడీపీకి దూరంగా ఉండాలనే నిర్ణయానికి పవన్‌ వచ్చినట్టు తెలుస్తోంది. రాబోయే ఎన్నికల్లో పవన్‌ ఒంటరిగానే పోటీలోకి దిగుతారన్న సంకేతాలు వస్తున్నాయి. ఇందులో భాగమే నంద్యాల, కాకినాడ ఎన్నికల్లో పవన్‌ టీడీపీకి మద్దతు ఇవ్వకపోడం. తమ పార్టీకి మద్దతు ఇవ్వాలని టీడీపీ నుంచి ఒత్తిడి వచ్చినా ఆయన తటస్థ వైఖరే తీసుకున్నారు.2019లో జరిగే సాధారణ ఎన్నికలే తన టార్గెట్‌ అని... అంతవరకు ఎలాంటి ఎన్నికల్లోనూ పోటీచేయబోమంటూ పవన్‌ చేసిన ప్రకటన రాజకీయవర్గాల్లో చర్చనీయాంశమైంది. అక్టోబర్‌ తర్వాత విద్యార్థి, మహిళా విభాగాల ఏర్పాటు

పార్టీ నిర్మాణంపైనే
పవన్‌ ప్రస్తుతం పార్టీ నిర్మాణంపైనే దృష్టిపెట్టారు. ఇప్పటికే జనసేన సైనికుల ఎంపిక ప్రక్రియను పూర్తి చేశారు. పార్టీ తరపున సేవాదళ్‌ను ఏర్పాటు చేశారు. అక్టోబర్‌ తర్వాత విద్యార్థి, మహిళా విభాగాలను ఏర్పాటు చేయనున్నట్టు పవన్‌ తెలిపారు. ఈ ఏడాదిలోగా మహిళా, విద్యార్థి విభాగాల కార్యక్రమాలు మొదలుపెట్టనున్నట్టు చెప్పారు. మొత్తానికి జనసేనాని పార్టీ నిర్మాణంపై సీరియస్‌గా వర్క్‌ చేస్తున్నారు. 2019 ఎన్నికల నాటికి పటిష్టమైన పార్టీగా జనసేనను తయారు చేయడమే లక్ష్యంగా పెట్టుకున్నట్టు తెలుస్తోంది.

20:11 - August 8, 2017

నిజాయితీకి, నీతికి, స్వచ్ఛతకి తామే హోల్ అండ్ సోల్ బ్రాండ్ అంబాసిడర్లమని చెప్పుకుంటారు. ఉపన్యాసాలు దంచుతారు. నీతులు వల్లెవేస్తారు. కానీ, అసలు విషయానికి వస్తే మాత్రం ఇంతకంటే దిగజారటానికి మరేమీ ఉండదనిపిస్తుంది. ఎన్ని ఎత్తులు.. ఎన్ని జిత్తులు.. ఎంత వికృత క్రీడ.. రాజకీయాలంటే అమ్మకాలు కొనుగోళ్లే అని ఏదో సినిమాలో చెప్పినట్టు.. అధికారం కోసం, పైచేసి కోసం, పట్టు సాధించటం కోసం.. దేనికైనా వెనుకాడని పరిస్థితి కమలదళంలో స్పష్టంగా కనిపిస్తోందా? అరుణాచల్ ప్రదేశ్, తమిళనాడు,బీహార్ లేటెస్ట్ గా గుజరాత్... ఇలా వరుసగా పలురాష్ట్రాల్లో ఆ పార్టీ వ్యవహారశైలి ఇదే అంశాన్ని చెప్తోందా? ఈ గుజరాత్ మోడల్ నే దేశమంతా అనుసరించనున్నారా? ఈ మాట మన దేశంలో చాలా పాతది.. గోడదూకే రాజకీయాలకు, ప్రజాప్రతినిధులను ప్రలోభపెట్టి...పబ్బం గడుపుకునే పార్టీలకు మన రాజకీయాలు అడ్డాగా మారి ఎన్నో ఏళ్లయింది. అయితే.. తొండముదిరి ఊసరవెల్లిగా మారినట్టు.. మన పార్టీలు ఈ విషయంలో పీక్స్ కు చేరుతున్నాయి. గుజరాత్ రాజ్యసభ ఎన్నికల్లో కనిపించిన పరిణామాలు ఈ అంశాన్ని స్పష్టం చేస్తున్నాయి. నిజానికి కాంగ్రెస్ పార్టీ నుంచి గెలిచిన సభ్యులంతా ఆ పార్టీతోనే ఉంటే, ఆ ఒక్క సీటు గెలవటం, అహ్మద్ పటేల్ రాజ్యసభకు ఎన్నిక అవటం నల్లేరుపై నడకే. కానీ, దానిపై బీజెపీ కన్నేసింది. దానికోసం పక్కాగా అడుగులు వేసింది. ఎమ్మెల్యేలను తనవైపు తిప్పుకుంది. చివరి క్షణం వరకు అడ్డదారిలో అధికారం కోసం అడుగులు వేస్తూనే ఉంది.. ఇప్పుడు ఇరకాటంలో పడింది.

18:01 - July 31, 2017

విజయవాడ : ఉద్దానం సమస్య రాజకీయ విమర్శల వల్ల పరిష్కారం కాదన్నారు జనసేన అధినేత పవన్‌ కళ్యాణ్‌. ఉద్దానం సమస్యను మానవీయ కోణంలో చూడాలన్నారు. మీడియావల్లే ఉద్దానం సమస్య తనదాకా వచ్చిందన్న పవన్‌.. సమస్య పరిష్కారానికి తనవంతు బాధ్యతగా పనిచేస్తాన్నారు. సీఎం చంద్రబాబు చొరవ తీసుకుని కొంత వరకు ఉపశమనం కలిగించారని... అయితే ఉద్దానం సమస్య మూలాలను తొలగించాల్సిన అవసరం ఉందన్నారు. అక్టోబర్ నుండి ప్రజాల్లోనే ఉంటా.. ప్రత్యక్ష రాజకీయాల్లో ఉంటా. ప్రజల సమస్యలు తెలుసుకుంటా..చేనేత కార్మికులను జీఎస్టీ నుండి తగ్గించాలని సీఎం తో చెప్పా.. కేంద్రంతో మాట్లాడమని చెప్పా అనిగరగపర్రు అంశం చాలా సున్నితమైంది. లోకల్ అడ్మినిస్ట్రేటివ్ విఫలం.. ఆదిలోనే పరిష్కరించకపోవడం వల్ల ప్రజల్ని ఇబ్బంది పెట్టిందని పవన్ అన్నారు.అల్లూరి, అంబెడ్కర్ లాంటి వాళ్ళు మహనీయులు వాళ్ళని ఒక కులానికి వర్గానికి ముడిపెట్టడం సరికాదు ఆయన అభిప్రాయపడ్డారు.అంబెడ్కర్ సిద్దాంతాలని అర్ధం చేసుకుంటే అందరికి మహనీయుడు అవుతాడని,అల్లూరి సీతారామ రాజు గిరిజినులతో కలిసి బ్రతికిన వ్యక్తి.. క్షత్రియ కులంకే ముడిపెట్టడం సరికాదని పవన్ ఆవేదన వ్యక్తం చేశారు.సమాజాన్ని విభజించి పాలించే రాజకీయాలు జనసేన చెయ్యదు..అందరిని కలిపే రాజకీయాలు చేస్తుందని ఆయన అన్నారు.గోదావరి ఆక్వా పార్క్ నిబంధనలు పాటిస్తే ప్రజల నుండి వ్యతిరేకత రాదని, ప్రభుత్వం చిత్త శుద్దిగా వ్యవహరించాలని, పోలీసులతో సమస్య పరిష్కరం అవ్వదని పవన్ అన్నారు. నేను కాపు కులానికి చెందినవాన్ని.. సినిమాల్లో ఉన్నప్పుడు కులలపై అవసరం ఉండదు.. కానీ రాజకీయాల్లోకి వచ్చాక అన్నీనిటీపై స్పందించాలని, కాపుల రేసేర్వేషన్ డిమాండ్ చాలా దశాబ్దాల నుండి ఉందని ఆయన తెలిపారు. బీసీ లకు అన్యాయం జరగకుండా కాపులకు రిజర్వేషన్ అంశం పరిష్కరించాలని ఆయన కోరారు. నాకు పాదయాత్ర చెయ్యాలని ఉంది.. కానీ నా కార్ ని కూడా యువత ముందుకు వెళ్ళనివ్వడం లేదు.. అందుకే ఆలోచిస్తున్నా.. లేదంటే పాదయత్రకి ఎప్పుడు సిద్ధమే అని పవన్ ప్రకటించారు.

Pages

Don't Miss

Subscribe to RSS - రాజకీయం