రాజకీయాలు

14:56 - July 10, 2018

జగిత్యాల : జిల్లాలో అవిశ్వాస రాజకీయంలో పలు చీకటి కోణాలు బైపడుతున్నాయి. కథలాపూర్ ఎంపీపీ తోట రర్సుపై ఎంపీటీసీలు అవిశ్వాస తీర్మానం ప్రకటించారు. దీంతో నాలుగేళ్లనాటి చీకటి ఒప్పందాలు వెలుగులోకి వస్తున్నాయి. జెట్పీటీసీ మద్దతు కోసం ఒక్కొ ఎంపీటీసీలకు రూ.4లక్షలు చెల్లించినట్లుగా వాస్తవాలు వెలుగులోకి వస్తున్నాయి. దీనికి సంబంధించి ఒప్పంద పత్రాలపై దూలూరు బీజేపీ ఎంపీటీసీ సౌజన్య భర్త గంగాధర్ సంతకం చేసినట్లుగా తెలుస్తోంది. ఈ తాజా క్యాంపు రాజకీయాలు గ్రామస్థుల ముందే ఒప్పందాలు జరుపుకోవటంతో వారు విస్మయానికి గురయ్యారు. కాగా తాజాగా ఎంపీపీ తోట నర్సుపై అవిశ్వాసం నేపథ్యంలో బీజేపీ ఎంపీటీసీ మద్దతు ఉపసంహరించుకోవడంతో రాజకీయం రసవత్తరంగా మారింది. ముందుగా చేసుకున్న ఒప్పందం ప్రకారం మద్దతు విరమిస్తే 20లక్షలు చెల్లించాలని కాంగ్రెస్‌ నేతలు పట్టుబడుతున్నారు. అయితే ఈ ఆరోపణలను కాంగ్రెస్‌ నేతలు ఖండిస్తున్నారు. బీజేపీ ఎంపీటీసీ తమకు స్వచ్ఛందంగానే మద్దతు తెలిపారి చెబుతున్నారు. ఈ తాజా క్యాంపు రాజకీయాల నుండి రెండు రోజులకే సౌజన్య ఇంటికి చేరింది. గ్రామస్థుల ముందే ఒప్పందం గురించి ఎంపీపీ వర్గీయులు నిలదీశారు. అధికారం కోసం జరిగిన చీకటి ఒప్పందంపై స్థానికులు విస్మయం చెందుతున్నారు.

16:40 - July 7, 2018

చెన్నై : తమిళ రాజకీయాలపై సినీ నటుడు ప్రకాష్ రాజ్ సంచలన వ్యాఖ్యలు చేశారు.  తమిళ రాజకీయాలు రియల్ ఎస్టేట్ వ్యాపారంలా మారాయన్నారు ప్రకాష్‌ రాజ్‌.  అన్నాడిఎంకె భవిష్యత్తులో తిరిగి ప్రభుత్వంలో ఉండదనే వాస్తవమే రాబోయే రోజుల్లో ప్రమాదకరంగా మారనుందని ఆందోళన వ్యక్తం చేశారు. చెన్నైలో జరిగిన తూత్తుకుడి మృతుల సంతాప సభలో ప్రకాష్‌ రాజ్‌  మాట్లాడుతూ.. నేను రాజకీయాల్లోనే ఉన్నాను కానీ.. ఎన్నికల్లో నిలబడే రాజకీయ నాయకుడిలా కాదన్నారు. తమిళనాట అన్ని రాజకీయ పార్టీలు ఒకేలా ఉన్నాయన్నారు. భవిష్యత్తులో వాటన్నింటికీ వ్యతిరేకంగా ప్రజాస్వామ్య ఉద్యమం రానుందన్న అభిప్రాయాన్ని వ్యక్తం చేశారు.  ప్రకాష్ రాజ్ తమిళ రాజకీయాలపై చేసిన వ్యాఖ్యలు హాట్ టాపిక్‌గా మారాయి. 

 

16:10 - July 3, 2018

విజయనగరం : జిల్లా రాజకీయాల్లో తమకంటూ ప్రత్యేక స్థానం కల్పించుకున్న జెడ్పీ ఛైర్‌ పర్సన్‌ శోభా స్వాతిరాణి వచ్చే ఎన్నికల్లో పోటీ చేస్తుందా? పార్టీకి అత్యంత విశ్వాసపాత్రులుగా ఉన్న శోభ రాజకీయ భవిష్యత్ ఏమిటి? రాజకీయాల్లో శోభ వ్యూహం ఏమిటి? ఇప్పుడు ఈ విషయంపైనే ఆసక్తి చూపుతున్నారు విజయనగరం జిల్లా ప్రజలు. 
జెడ్పీ ఛైర్‌పర్సన్‌ శోభా స్వాతిరాణికి ప్రత్యేక గుర్తింపు 
విజయనగరం జిల్లా రాజకీయాల్లో ప్రస్తుత జెడ్పీ ఛైర్‌పర్సన్‌ శోభా స్వాతిరాణికి ప్రత్యేక గుర్తింపు ఉంది. టీడీపీ సీనియర్‌ నాయకురాలు శోభా హైమావతి కుమార్తెగా తెరపైకి వచ్చిన స్వాతిరాణి.. అనతి కాలంలోనే విజయనగరం రాజకీయాల్లో ప్రత్యేక స్థానాన్ని సంపాదించారు. స్థానిక సంస్థల ఎన్నికల్లో వేపాడు నుంచి జెడ్పీటీసీ సభ్యురాలుగా ఎన్నికైన స్వాతిరాణి.. రిజర్వుడు కోటాలో జిల్లా పరిషత్‌ ఛైర్‌ పర్సన్ పీఠాన్ని దక్కించుకున్నారు. అప్పటి నుంచి నేటి వరకు ఇటు పాలన పరంగానూ, అటు టీడీపీ వ్యవహారాల్లోనూ చురుగ్గా పాల్గొంటూ జిల్లా రాజకీయాల్లో మంచి గుర్తింపును సాధించారు. పాలనలో సమర్థ జెడ్పీఛైర్‌పర్సన్‌గా అతికొద్ది కాలంలోనే గుర్తింపు పొంది.. యువనేత, మంత్రి లోకేష్‌టీమ్‌లో స్థానం సంపాదించుకున్నారు. భర్త గుల్లిపిల్లి గణేష్‌ తోడుతో.. పార్టీకి పెద్ద దిక్కు అశోక్‌గజపతిరాజు అండతో  పార్టీలో క్రియాశీలకంగా వ్యవహరిస్తున్నారు. ఇంత వరకు బాగానే ఉన్నప్పటికి మరో ఏడాదిలో ఛైర్‌పర్సన్‌ పదవి కాలం ముగియటంతో.. తదుపరి స్వాతిరాణి భవిష్యత్‌ ఏమిటన్నది సర్వత్రా ఆసక్తి నెలకొంది. 
చట్టసభల్లో అడుగుపెట్టాలనే లక్ష్యంతో ఉన్న స్వాతిరాణి
వచ్చే సార్వత్రిక ఎన్నికల్లో పోటీ చేసి చట్టసభల్లో అడుగుపెట్టాలనే లక్ష్యంతో శోభ స్వాతిరాణి ఉన్నట్లు తెలుస్తోంది. అందుకు అనుగుణంగా భర్త గణేష్‌తో కలిసి పావులుకదుపుతున్నారు. 2019 సార్వత్రిక ఎన్నికల్లో ఎస్టీ రిజర్వుడు స్థానమైన సాలూరు నియోజకవర్గం నుంచి స్వాతిరాణిని పోటీ చేయించేందుకు భర్త గణేష్‌, తల్లి హైమావతి తీవ్ర ప్రయత్నాలు చేస్తున్నారు. ప్రస్తుతం వైఎస్‌ఆర్ కాంగ్రెస్‌ పార్టీకి చెందిన పీడిక రాజన్న దొర సాలూరు నియోజకవర్గానికి ప్రాతినిధ్యం వహిస్తున్నారు. ఈ నియోజకవర్గంలో టీడీపీకి బలమైన అభ్యర్థి లేకపోవటంతో ఆ స్థానాన్ని స్వాతిరాణితో భర్తీ చేయించాలని టీడీపీ కార్యకర్తలు భావిస్తున్నారు. కార్యకర్తల యోచనకు అనుగుణంగా స్వాతిరాణి పావులు కదుపుతున్నారు. నియోజకవర్గంలో పార్టీ కార్యక్రమాలతో పాటు సామాజిక కార్యక్రమాల్లో చురుగ్గా పాల్గొంటున్నారు. 
అరకు ఎంపీ సీటుపై పట్టు సాధించేందుకు ప్రయత్నిస్తున్న స్వాతిరాణి
ఎట్టిపరిస్థితుల్లో ఏదో ఒక స్థానం నుంచి సీటు సాధించాలని పట్టుదలతో ఉన్న స్వాతిరాణి ఎంపీ సీటైనా పొందాలని భావిస్తున్నారు. అందుకు అనుగుణంగా అరకు ఎంపీ సీటుపై పట్టు సాధించేందుకు స్వాతిరాణి ప్రయత్నిస్తున్నారు. ఇక్కడ కూడా టీడీపీకి బలమైన అభ్యర్థి లేకపోవటంతో తనకు కలిసివస్తోందనే ఆశాభావం వ్యక్తం చేస్తున్నారు.
పదవుల పంపిణీలో అశోక్‌గజపతిరాజుదే తుది నిర్ణయం
విజయనగరం జిల్లాలో పదవుల పంపిణీలో అశోక్‌గజపతిరాజుదే తుది నిర్ణయం. ఆయన ఆశీస్సులున్న వారికే పదవులు, టిక్కెట్లు వస్తాయనేది బహిరంగ రహస్యం. దీంతో స్వాతిరాణి కుటుంబం అశోక్‌గజపతిరాజుకు విధేయులుగా ఉంటూ పార్టీ కార్యక్రమాల్లో చురుగ్గా పాలుపంచుకుంటున్నారు. అశోక్‌ గజపతిరాజు పాల్గొనే కార్యక్రమాల్లో ముందుంటూ.. ఏర్పాట్లను చేస్తూ.. ఆయన దృష్టిని ఆకర్షించే ప్రయత్నం చేస్తున్నారు.  మొత్తం మీద వివాదాలకు, ఆరోపణలకు దూరంగా ఉంటూ అధికార పార్టీలో తనకంటూ ప్రత్యేక గుర్తింపు తెచ్చుకున్న స్వాతిరాణి భవిష్యత్‌ ఇకపై ఎలా ఉంటుదో వేచి చూడాలి.
 

 

17:27 - June 30, 2018
09:44 - June 18, 2018
15:55 - June 10, 2018

విశాఖ : ఫోక్స్‌ వ్యాగన్‌ కంపెనీ నుంచి  ముడుపులు  తీసుకున్నట్టుగా నిరూపిస్తే రాజకీయాల నుంచి తప్పుకొంటాని వైసీపీ ప్రధాన కార్యదర్శి బొత్స సత్యనారాయణ సవాల్‌ విసిరారు. ఫోక్స్‌ వ్యాగన్‌ ముడుపులు తీసుకొన్నట్టు ముఖ్యమంత్రి చంద్రబాబు చేసిన ఆరోపణలపు బొత్స తోసిపుచ్చారు. చంద్రబాబు నాలుగేళ్ల పాలన అంతా అవినీతిమయమని ఆరోపించారు. 

 

20:54 - May 19, 2018

కర్ణాటక రాష్ట్రం వైపు అందరి చూపు..ఎవరు బలపరీక్ష నెగ్గుతారు ? కాంగ్రెస్ - జేడీఎస్ సంకీర్ణ ప్రభుత్వం ఏర్పాటు అవుతుందా ? ప్రభుత్వం తమదే ఉంటుందని మొదటి నుండి చెబుతూ వస్తున్న సీఎం యడ్యూరప్ప వెనుకంజ వేశారు. శాసనసభలో ఆయన ముఖ్యమంత్రి పదవికి రాజీనామా చేశారు. ఒక్కసారిగా కర్ణాటకలో నెలకొన్న రాజకీయ పరిణామాలు..గవర్నర్ వ్యవస్థపై చర్చ జరుగుతోంది. ఈ అంశంపై టెన్ టివి చర్చా వేదికలో ప్రముఖ విశ్లేషకులు ప్రొ.నాగేశ్వర్ పాల్గొని విశ్లేషించారు.

అధికారం కోసం బీజేపీ ఏ స్థాయికి దిగ జారుతుందో తెలిసిపోయిందని..అయినా ఇక్కడ బీజేపీ ఓడిపోయిందన్నారు. గవర్నర్ వ్యవస్థను దుర్వినియోగం చేసిందని, 104 సంఖ్యాబలం ఉన్న బీజేపీని ప్రభుత్వం ఏర్పాటు చేయాలని గవర్నర్ ఆహ్వానించారని గుర్తు చేశారు. కానీ మిగతా ఎమ్మెల్యేలు ఎక్కడి నుండి వస్తారనే దానిపై క్లారిటీ ఇవ్వలేదని పేర్కొన్నారు. బీజేపీ చివరి వరకు ప్రయత్నం చేసిందన్నారు. యడ్యూరప్ప వారం రోజులు గడువు అడిగితే గవర్నర్ ఏకంగా 15 రోజులు ఇచ్చారని..ఇక్కడ సుప్రీంకోర్టు జోక్యం చేసుకుందన్నారు. సుప్రీం జోక్యం చేసుకోకపోతే తప్పకుండా ఎమ్మెల్యేలను కొనుగోలు చేసి ఉండేవారన్నారు. సీక్రెట్ ఓటింగ్ కావాలని...పార్టీ ఫిరాయింపు నిరోధక చట్టం వర్తించ కూడదని బీజేపీ తరపు న్యాయవాదులు వాదించారన్నారు. స్పీకర్ విషయంలో జోక్యం చేసుకోలేకపోయిందని, తప్పనిసరిస్థితిలో వివాదాస్పద ప్రొటెం స్పీకర్ ను నియమించారన్నారు.

శాసనసభలో మెజార్టీ లేకపోయినా..మెజార్టీ ఉన్నట్లు ప్రకటించే అవకాశం ఉందని భావించి శాసనసభా సమావేశాలను లైవ్ టెలికాస్ట్ చూపించాలని సుప్రీం ఆదేశించిందన్నారు. సుప్రీంకోర్టులో పాగా వేస్తే ఇన్ని సమస్యలు రావని బీజేపీ భావిస్తూ తగిన విధంగా చర్యలు తీసుకొంటోందన్నారు. సుప్రీంలో జరుగుతున్న పరిణామాలపై పలువురు స్పందిస్తున్నారని పేర్కొన్నారు. గవర్నర్..ఎన్నికల కమిషన్..న్యాయ వ్యవస్థ..ఇలాంటి ఎన్నో వ్యవస్థలపై ప్రభావం చూపుతున్నారన్నారు. ఆర్ఎస్ఎస్..ఇతరులను గవర్నర్ లాగా నియమించారని, ఇప్పటికైనా గవర్నర్ వ్యవస్థపై సంపూర్ణ చర్చ జరగాలన్నారు.

గవర్నర్ కేంద్ర ప్రభుత్వ ప్రతినిధి కాదని..రాజ్యాంగ ప్రతినిధి అని అంబేద్కర్ వివరంగా రాజ్యాంగంలో చెప్పారన్నారు. గతంలో కాంగ్రెస్ చేసిందని బీజేపీ చెబుతూ వస్తోందని..కాంగ్రెస్ చేస్తే తాము చేస్తామని బీజేపీ అంటోందని గుర్తు చేశారు. అధికార దాహం..రాజ్యాంగం దుర్వినియోగం చేయడం వల్ల ప్రతిపక్షాలు ఐక్యమయ్యాయని తెలిపారు. రాజ్యాంగ వ్యవస్థను భ్రష్టు పట్టిస్తుంటే..పెత్తందారి వ్యవస్థను తీసుకరావాలని చూస్తే దేశంలోని అన్ని రాజకీయ పార్టీలు ఏకం కావాలని పిలుపునిచ్చారు. ఇంకా ఎలాంటి విషయాలు వెల్లడించారో తెలుసుకోవడానికి వీడియో క్లిక్ చేయండి. 

17:02 - May 18, 2018

కర్నాటక రాష్ట్రంలో రాజకీయాలు మరింత వేడెక్కాయి. శనివారం సాయంత్రం 4గంటలకు కర్ణాటక అసెంబ్లీలో బలపరీక్ష నిర్వహించాలని సుప్రీంకోర్టు ఆదేశాలు ఇవ్వడంతో బీజేపీ ఇరకాటంలో పడిపోయింది. ఇదిలా ఉంటే ఆయా పార్టీల సంఖ్యాబలాలు ఈ విధంగా ఉన్నాయి. బీజేపీ -104, కాంగ్రెస్ - 78, జేడీఎస్ - 37, బీఎస్పీ -1, ఇతరులు -2గా ఉన్నాయి. 222 స్థానాలకు ఎన్నికలు జరిగిన సంగతి తెలిసిందే. సాధారణ మెజార్టీ 112గా ఉంది. ఇప్పటికే రాష్ట్ర ముఖ్యమంత్రిగా యడ్యూరప్ప ప్రమాణ స్వీకారం చేసిన సంగతి తెలిసిందే. సుప్రీంకోర్టు తీర్పు..కర్ణాటకలో జరుగుతున్న పరిణామాలపై చర్చించేందుకు ప్రముఖ రాజకీయ విశ్లేషకులు నాగేశ్వర్ విశ్లేషించారు.

బలపరీక్షను శనివారం నాలుగు గంటల్లోపు పూర్తి చేయాలని, స్పీకర్ ఎన్నిక అవసరం లేదని తెలిపిందన్నారు. ప్రొటెం స్పీకర్ (తాత్కాలిక) స్పీకర్ ను సీనియర్ మోస్ట్ ఎమ్మెల్యేను ఎంపిక చేయాలని, రూల్స్ కు అనుగుణంగా అతను పని చేయాలని, అంతకంటే ముందు ఎమ్మెల్యేలందరూ ప్రమాణ స్వీకారం చేయాల్సి ఉంటుందన్నారు. అనంతరం ఫిరాయింపు నిరోధక చట్టం మొదలు కానుందని, పార్టీ విప్ ను అనుసరించాల్సి ఉంటుందన్నారు.

బల నిరూపణకు బీజేపీ పార్టీకి 15 రోజుల సమయం గవర్నర్ ఇచ్చారని, ఈ సమయాన్ని ఒక విధంగా సుప్రీం తప్పుబట్టినట్లేనన్నారు. కానీ కోర్టులో వారం రోజుల గడువు ఇవ్వాలని బీజేపీ తరపు న్యాయవాది కోరడం జరిగిందని దీనిని సుప్రీంకోర్టు నిరాకరించిందన్నారు. ఎమ్మెల్యేలను కొనుగోలు చేయడానికే గవర్నర్ అవకాశం ఇచ్చినట్లుగా ఉందన్నారు. కర్నాటక గవర్నర్ కు భిన్నంగా గోవా గవర్నర్ వ్యవహరించారని తెలిపారు. న్యాయవ్యవస్థపై గౌరవం లేదన్నారు. ఎమ్మెల్యేల కొనుగోలు కానీయకుండా ఉండడం...గవర్నర్ దురుద్దేశ్యపూర్వకంగా ఇచ్చారనే దానికి సుప్రీం తీర్పు బలం చేకూర్చినట్లైందన్నారు.

మెజార్టీ ఎమ్మెల్యేల బలం ఉందని యడ్యూరప్ప పేర్కొంటున్నారని, కానీ ఆయన ఇచ్చిన నివేదికలో కేవలం 104 మంది ఎమ్మెల్యేల వివరాలు ఉన్నాయన్నారు. అదే కాంగ్రెస్..జేడీఎస్ పార్టీలు 117 మంది ఎమ్మెల్యేల సంతకాలతో కూడిన నివేదికను ఇచ్చిందన్నారు. గవర్నర్ తీసుకున్న నిర్ణయం రాజ్యాంగ బద్ధమని చెప్పలేదని, రాజ్యాంగబద్ధతను తరువాత పరిశీలిస్తామని..అంతకంటే ముందు బల పరీక్ష తేల్చుదామని సుప్రీం పేర్కొనడం జరిగిందన్నారు. అంటే రాజ్యంగబద్ధమైన కేసు కొనసాగుతుందని, గవర్నర్ తీసుకున్న నిర్ణయం రాజ్యాంగ విరుద్ధమని సుప్రీం చెబితే యడ్యూరప్ప ఉండరన్నారు. పూర్తి విశ్లేషణ కోసం వీడియో క్లిక్ చేయండి. 

11:31 - May 18, 2018

ఢిల్లీ : కర్నాటక రాజకీయాలపై సుప్రీంకోర్టు కీలక వ్యాఖ్యలు చేసింది. రేపే కర్నాటకలో బలనిరూపణ చేయాలని సుప్రీంకోర్టు సూచింది. రేపు బలనిరూపణకు సిద్ధమా...? లేక యడ్యూరప్ప ప్రమాణస్వీకారం చెల్లుబాటు అవుతుందా లేదా ? అని పరిశీలించాలని సుప్రీంకోర్టు తెలిపింది. యడ్యూరప్ప ప్రమాణస్వీకారం సుప్రీంకోర్టులో వాదనలు జరిగాయి. త్రిసభ్య ధర్మాసనం ముందు వాదనలు వినిపించారు. జస్టిస్ సిక్రీ నేతృత్వంలోని ధర్మాసనం ముందు వాదనలు వినిపించారు. కేంద్ర ప్రభుత్వం తరపున ఏజీ వేణుగోపాల్, కాంగ్రెస్, జేడీఎస్ తరపున అభిషేక్ సింఘ్వి వాదనలు వినిపించారు. యడ్యూరప్ప గవర్నర్ కు ఇచ్చిన లేఖలను ఏజీ వేణగోపాల్ ధర్మాసనానికి సమర్పించారు. 

18:24 - May 17, 2018

ప్రకాశం : ఏపీకి ప్రత్యేక హోదా..రాష్ట్ర విభజన హామీలపై కేంద్రంపై విమర్శలు గుప్పిస్తున్న ఏపీ సీఎం చంద్రబాబు నాయుడు కర్ణాటకలో జరుగుతున్న రాజకీయ పరిణామాలపై మండిపడ్డారు. కేంద్రంపై పలు విమర్శలు గుప్పించారు. ప్రకాశం జిల్లా పోకూరులో నీరు - ప్రగతి కార్యక్రమంలో పాల్గొని ఏర్పాటు చేసిన సభలో బాబు మాట్లాడారు...
కర్ణాటకలో బీజేపీ అనైతికంగా..అప్రజాస్వామికంగా వ్యవహరిస్తోందన్నారు. ఒక పార్టీకి మెజార్టీ ఇస్తే...రాజ్యాంగపరంగా ముందుకు పోవాలని, ప్రజాస్వామ్యయుతంగా చేయాల్సి ఉంటుందన్నారు. కానీ కర్ణాటకలో కాంగ్రెస్..జేడీఎస్ లు రెండు పార్టీలు కలిసి ప్రభుత్వం ఏర్పాటు చేస్తామంటే..గవర్నర్ ఆహ్వానించకుండా ఇతర పార్టీకి అవకాశం ఇవ్వడం సబబేనా ? ఆలోచించాలన్నారు. ఇదేనా నీతి ? అంటూ మండిపడ్డారు. అధికారం ఉందని బీజేపీ ఇష్టానుసారంగా రాజ్యాంగ విరుద్ధంగా వ్యవహరిస్తోందని పేర్కొన్నారు. కాంగ్రెస్ అన్యాయం చేసిందన్న బీజేపీ ప్రస్తుతం చేసింది ఏంటీ ? ఇది మంచి పద్ధతి కాదన్నారు. 

Pages

Don't Miss

Subscribe to RSS - రాజకీయాలు