రాజకీయాలు

16:03 - September 22, 2017

చెన్నై : తాను రాజకీయాల్లో చేరేందుకు సిద్ధంగా ఉన్నానని...ఒకవేళ తమిళనాడు ముఖ్యమంత్రి పదవి చేపట్టాల్సి వస్తే అందుకు సిద్ధమేనని ప్రముఖ నటుడు కమల్ హాసన్ చెప్పారు. ఇండియా టుడేకు ఇచ్చిన ఇంటర్వ్యూలో కమల్ ఆసక్తికర వ్యాఖ్యలు చేశారు. ఓ నిజాయతీ కలిగిన వ్యక్తి అత్యుత్తమ స్థానంలో ఉండాలని ప్రజలు కోరుకుంటే అందుకు తాను సిద్ధమేనని తెలిపారు. ముందు ఓటర్లు నిజాయతీగా ఉండాలని కమల్ అభిప్రాయపడ్డారు. తాను పార్టీ ఎప్పుడు ప్రారంభించబోతున్నది మాత్రం ఆయన చెప్పలేదు. మా పార్టీ ఎలా ఉంటుందో చెప్పలేను. కానీ కచ్చితంగా పార్టీని లాంచ్ చేస్తానని పేర్కొన్నారు. ముందు తాను ప్రజలను కలుసుకుని...ఆ తర్వాత రోడ్‌ మ్యాప్‌ తయారు చేస్తానని కమల్ తెలిపారు. 

21:40 - September 19, 2017

 

గుంటూరు : రాష్ట్రంలో ముఖ్యమంత్రి పట్టణ ఆరోగ్య కేంద్రాల టెండర్లలో ఎలాంటి అవకతవకలు జరగలేదని.. కొందరు కావాలనే వీటిపై రాజకీయం చేస్తున్నారని మంత్రి కామినేని శ్రీనివాసరావు అన్నారు. రాష్ట్రంలో వ్యాధుల వల్ల ఒక్కరు కూడా చనిపోకూడదనేది ప్రభుత్వ లక్ష్యమని మంత్రి తెలిపారు. జిల్లా ఆసుపత్రిలో కొన్ని చోట్ల కొరతగా ఉన్న సిటీ స్కాన్‌, MRI స్కాన్‌, పరికరాలను ఏర్పాట్లు చేస్తున్నట్లు మంత్రి తెలిపారు. 

15:43 - September 19, 2017

చెన్నై : తమిళ తాజా రాకీయాలు వేడెక్కాయి. నేడు సాయంత్రం డీఎంకే శాసనసభాపక్షం సమావేశం కానుంది. ఈ భేటీలో ఎమ్మెల్యేల మూకుమ్మడి రాజీనామాలపై నిర్ణయం తీసుకునే అవకాశం ఉంది. మరోవైపు తమిళనాడు ఇన్ చార్జ్ గవర్నర్ విద్యాసాగర్ రావు ఢిల్లీలో బిజీబీజీగా ఉన్నారు. ఆయన కేంద్రహోంశాఖ మంత్రి రాజ్ నాథ్ సింగ్ తో భేటీ అయ్యారు. వారి మధ్య తమిళనాడు తాజా రాజకీయ పరిణామలపై, దినకరన్ వర్గానికి చెందిన 18 మంది ఎమ్మెల్యేలపై అనర్హత వేటుపై చర్చ జరిగినట్టు తెలుస్తోంది. విద్యాసాగర్ రావు రాష్ట్రపతి కోవింద్ కూడా భేటీ అయ్యారు. తాజా పరిణామాలను అన్నాడీఎంకే నిశితంగా పరిశీలిస్తుంది. పూర్తి వివరాలకువ వీడియో చూడండి.

19:35 - September 18, 2017

విశాఖపట్టణం : నంద్యాల, కాకినాడ ఎన్నికల్లో గెలిచిన టీడీపీ...అదే రెట్టింపు ఉత్సాహంతో మరో ఎన్నికకు సిద్ధం అవుతుంది. మరోవైపు ఓటమి నైరాశ్యం నుండి బయటపడి రానున్న ఎన్నికలకు ప్రజలను కార్యకర్తలను సిద్ధం చేసేపనిలో పడింది వైఎస్‌ఆర్‌ కాంగ్రెస్‌ పార్టీ. అయితే త్వరలో విశాఖలో రానున్న జీవీఎంసీ ఎన్నికలకు ఈ రెండు పార్టీలు పోటాపోటీగా ప్రజల్లోకి వెళ్లేందుకు సన్నద్దం అవుతున్నాయి.

నంద్యాల, కాకినాడ ఎన్నికల్లో గెలిచి రెట్టింపు ఉత్సాహంతో ఉన్న టీడీపీ మరో ఎన్నికల్లో కూడా అదే ఉత్సాహాన్ని ప్రదర్శించేందుకు సిద్ధం అవుతుంది. ఏ క్షణంలో అయినా జీవీఎంసీ ఎన్నికల ప్రకటన వస్తుందన్న ఊహాగానాలతో ఇటు టీడీపీ, అటు వైసీపీ పార్టీలు పోరుకు సిద్ధం అవుతున్నాయి. ఇందుకోసం ఇరు పార్టీలు పోటాపోటీ కార్యక్రమాలు నిర్వహిస్తున్నాయి. ప్రస్తుతం కాకినాడ కార్పొరేషన్‌ ఎన్నికల తర్వాత అందరి దృష్టి విశాఖ కార్పొరేషన్‌పై పడింది. 5 సంవత్సరాలుగా విశాఖ కార్పొరేషన్‌ ప్రత్యేక అధికారుల పాలనలోనే నడుస్తుంది. దీంతో కాకినాడ ఎన్నికల తర్వాత విశాఖలో ఎన్నికలు నిర్వహిస్తారన్న ఆలోచనలో ఉన్నాయి ఇరుపార్టీ వర్గాలు.

ఇందులో భాగంగానే ఈ నెల 11వ తేదీన ఇంటింటికి తెలుగుదేశం అనే కార్యక్రమాన్ని అధికార పార్టీ ప్రారంభించింది. ఈ కార్యక్రమంలో టీడీపీ ప్రజలకు నెరవేర్చని హామీలను ప్రజల నుండి తెలుసుకునే ప్రయత్నం చేస్తుంది. అంతే కాకుండా ప్రజల సమస్యలను తెలుసుకొని వాటిని అధిష్ఠానం దృష్ఠికి తీసుకెళ్తుంది. టీడీపీ అధిష్టానం ఇచ్చిన ఆదేశాలతో ఇప్పటికే విశాఖ జిల్లాలోని అన్ని నియోజకవర్గాలలో ఆ పార్టీ నేతలు పనులు ప్రారంభించారు.

నంద్యాల, కాకినాడ ఎన్నికల్లో ఓటమితో ప్రధాన ప్రతిపక్షమైన వైసీపీ ఒక్కసారిగా డీలా పడిందని చెప్పవచ్చు. అయితే నంద్యాల ఉప ఎన్నికల సమయంలో జగన్‌ ఇచ్చిన హామీలు విస్తృతంగా ప్రజల్లోకి తీసుకెళ్లే పనిలో ఉంది వైసీపీ. ఓటమి నైరాశ్యం నుండి బయటపడి పార్టీ శ్రేణులకు ఉత్సాహాన్ని నింపడంలో నవరత్నాల సభలతో పాటుగా వైఎస్‌ఆర్‌ కుటుంబం పేరుతో కార్యకర్తలు ప్రతి గ్రామస్తులను కలిసే కార్యక్రమాన్ని ప్రారంభించింది. ఇప్పటికే సంస్థాగతంగా బూత్‌ కమిటీలను ఏర్పాటు చేసుకున్న వైసీపీ...వైఎస్‌ఆర్‌ కుటుంబం కార్యక్రమాన్ని పూర్తిగా బూత్‌ కమిటీలకు అప్పగించింది. ప్రత్యేక హోదా విశాఖకు రైల్వే జోన్‌ వంటి అంశాలతో పాటు స్థానికంగా ఉన్న సమస్యలను కూడా తీసుకువచ్చి ప్రజల దృష్టికి తీసుకెళ్లే ప్రయత్నం చేస్తున్నారు. 20 రోజుల పాటు ఈ కార్యక్రమాన్ని నిర్వహించనున్నారు. అయితే డిసెంబర్‌, జనవరి నాటికి కార్పొరేషన్‌ ఎన్నికలు వస్తాయన్న ఊహాగానాలు వినిపిస్తున్నాయి. ఈ ఎన్నికల్లో గెలిచేందుకు వైసీపీ, టీడీపీ పార్టీలు ఇప్పటికే తమ తమ కార్యకర్తలను విశాఖలో పర్యటించేలా ప్రయత్నాలు మొదలుపెట్టాయి.

20:37 - August 22, 2017

బిగ్ బాస్ హౌస్ లో ఎప్పుడేం జరుగుతుందో ఊహించవచ్చేమో కానీ.. తమిళ పాలిటిక్స్ మాత్రం అనూహ్యంగానే కపిస్తున్నాయి. అమ్మలేని ఖాళీని భర్తీ చేయటానికి తగిన స్థాయి ఉన్న నేతలు కనిపించకపోవటం పార్టీ ప్రయోజనాలకంటే... పదవులు కావాలనే దాహం వెరసి ఆదిపత్య పోరులో అధికార పార్టీ నానా చిక్కుల్లో ఉంది. ఇక విపక్షం తన ఆయుధాల్ని సిద్ధం చేసుకుంటుంటే... తెరవెనుక మత్రాంగంతో తమిళనాడుపై పట్టు సాధించే ప్రయత్నం మరొకరిది. వెరసి తమిళ్ పాలిటిక్స్ చాలా హాట్ గా మారాయి. దీనిపై టెన్ టివి ప్రత్యేక కథనం..శరవేగంగా మారిపోతున్న తమిళనాడు రాజకీయ పరిణామాలు. ప్రభుత్వానికి షాకులమీద షాకులిస్తున్న దినకరన్. పళని ప్రభుత్వాన్ని కూలగొట్టాలని తీవ్ర ప్రయత్నాలు. మరోవైపు రజనీకాంత్ రాజకీయాల్లోకి వస్తారంటూ పెరుగుతున్న వార్తలు..విమర్శలతో, పొలిటికల్ సీన్ పై కనిపిస్తున్న కమల్ హాసన్ .. వెరసి చెన్నై పాలిటిక్స్ చాలా హాట్ గా మారాయి.

అందర్నీ కట్టిపడేసేలా.. ఒక బలమైన నేత లేకపోతే ఎలా ఉంటుందో తమిళనాడు రాజకీయాలు ఉదాహరణగా నిలుస్తున్నాయి. పదవులు, ఎత్తులు, పై ఎత్తుల తప్ప బాధ్యత పట్టని నేతలు రాజకీయాల్లో ఉంటే రాజకీయాలు ఎలా ఉంటాయో తమిళనాడు ఉదాహరణగా నిలుస్తోంది. అందుకే ఎవరెవరు కలుస్తారో... ఎవరెవరు విడిపోతారో.. అర్ధంకాని విధంగా తమిళడ్రామా సాగుతోంది. దినకరన్ వర్గం ఏం చేయబోతోంది? రాజీనామా చేస్తే ఏం జరుగుతుంది? మద్దతు ఉపసంహరించుకుంటే ఏం జరుగుతుంది? డీఎంకే ప్రభుత్వాన్ని ఏర్పాటు చేసే అవకాశాలు పెరుగుతున్నాయా? మ్యాజిక్ ఫిగర్ సాధించే సత్తా ఎవరికుంది?

నిజానికి పన్నీర్, పళనిలు ఏకంగా కావటమే చాలా చిత్రంగా సాగింది. ఆర్నెళ్ల పాటు అనేక వివాదాలు సాగిన తర్వాత.. మాజీ సీఎంగా మారిన పన్నీర్...తాజా డిప్యూటీ సీఎంగా పదవి చేపట్టారు. ఇక శశికళకు పార్టీలో ఎదురేలేదనుకుంటున్న తరుణంలో జైలుపాలై సీన్ యూ టర్న్ తీసుకుంది. అంతా సద్దుమణిగిందనుకుంటున్న తరుణంలో దినకరన్ తెరపైకి వచ్చి నేనున్నా అంటూ కథను మరో మలుపు తిప్పాడు.. అసలు అన్నా డీఎంకే ఎప్పటికైనా కోలుకోగలదా? ఈ వివాదాలనుండి తేరుకోగలదా?

ఈ పరిణామాల వెనుక కమలదళం ఉందా? బీజెపీ తమిళనాట పాగా వేయటానికి అన్నాడీఎంకే లుకలకలను వాడుకుంటోందా? కేంద్రం కనుసన్నల్లోనే తమిళ రాజకీయాలు మలుపు తిరుగుతున్నాయా? అమిత్ షా పర్యటన ఉద్దేశ్యం ఏమిటి? రద్దుకు కారణాలేంటి? అసలు తమిళ రాజకీయాల్లో తెరవెనుక నడుస్తున్న మంత్రాంగం ఏమిటి? ఎత్తులు, పైఎత్తులు, పదవీ దాహం కలిసి సాగితే ఎలా ఉంటుందో తమిళ రాజకీయాలు ఉదాహరణగా నిలుస్తున్నాయి. జయ మరణంతో ఒక్కసారిగా ఏర్పడిన గందరగోళం.. అన్నా డీఎంకేను అతలాకుతలం చేస్తోంది. ఎవరికి వారు కుర్చీకోసం ఎత్తులు వేస్తున్నారు. ఓ పక్క రిసార్టు రాజకీయాలు బ్రహ్మాండంగా సాగుతున్నాయి. అమ్మ నామస్మరణ చేస్తూ ఎవరికి వారు పైచేయికి ప్రయత్నిస్తున్నారు. ఈ పరిణామాలు ఇప్పట్లో సద్దుమణిగే అవకాశాలు కనిపించటం లేదు. పూర్తి విశ్లేషణకు వీడియో క్లిక్ చేయండి. 

13:36 - August 22, 2017

చెన్నై : తమిళనాడు రాజకీయాలు ఇంకా చల్లారలేదు. పళనిస్వామి, పన్నీరు సెల్వం వర్గాలకు చెక్ పేట్టేందుకు పావులు దినకరన్ కదుపుతున్నారు. 19 ఎమ్మెల్యేలతో దినకరన్ గవర్నర్ విద్యాసాగర్ ను కలిశారు. 

17:29 - August 21, 2017

చెన్నై : తమిళనాడు కేబినెట్ విస్తరించారు. రాజ్ భవన్ లో గవర్నర్ విద్యా సాగర్ రావు ప్రమాణ స్వీకారం చేయించారు. డిప్యూటి సీఎంగా పన్నీర్ సెల్వం ప్రమాణం చేశారు.  పన్నీర్ కు ఆర్థిక..గృహ నిర్మాణ శాఖలను కేటాయించారు. మంత్రులుగా పాండ్య రాజన్, రాధాకృష్ణన్, జీరెడ్డిలు ప్రమాణం చేశారు. 
జయ మరణానంతరం అన్నాడీఎంకే రెండుగా చీలిపోయిన సంగతి తెలిసిందే. శశికళ వర్గానికి పళనీ స్వామి నేతృత్వం వహించి సీఎం పదవిని అధిష్టించిన సంగతి తెలిసిందే. పన్నీర్ సెల్వం వర్గం తీవ్ర విమర్శలు చేస్తూ రాజకీయాలను వేడెక్కించారు. ఈ నేపథ్యంలో సోమవారం ఈపీఎస్..ఓపీఎస్ గ్రూపులు భేటీ అయ్యాయి. మొదటి నుంచి పన్నీర్‌ వర్గం శశికళను పార్టీ పదవి నుంచి తొలగించాలని కోరుతున్న సంగతి తెలిసిందే. చర్చల అనంతరం చివరకు పార్టీలు ఒక్కటైపోయాయి. దీనితో తమిళనాడులో కొత్త రాజకీయానికి తెరలేచినట్లైంది. సాయంత్రం 5గంటలకు కేబినెట్ విస్తరణ జరిగింది. మరోవైపు ప్రధాన కార్యదర్శి పదవి నుండి తొలగించడం పట్ల దినకరన్ తీవ్ర ఆగ్రహంగా ఉన్నట్లు తెలుస్తోంది. 16 మంది ఎమ్మెల్యేలు, ముగ్గురు ఎంపీలు మద్దతిస్తున్నట్లు తెలుస్తోంది. శశికళను పార్టీ పదవి నుంచి తొలగిస్తే ప్రభుత్వాన్ని అస్థిరపర్చుతామని దినకరన్‌ హెచ్చరిస్తున్నారు. 

14:30 - August 21, 2017

చెన్నై : తమిళనాడులో రాజకీయం మరింతగా వేడెక్కుతోంది. పన్నీరు - పళనిస్వామి కలయికకు మరో సమస్య అడ్డుతగిలింది. మొదటి నుంచి పన్నీర్‌ వర్గం శశికళను పార్టీ పదవి నుంచి తొలగించాలని కోరుతోంది. ఇందుకు పళనిస్వామి వర్గం కూడా సుముఖత వ్యక్తం చేసింది. దీంతో ఇవాళ రెండు వర్గాలు విలీనైపోతాయని ప్రచారం జరిగింది. కానీ వీరి విలీనానికి శశికళను తొలగింపే ప్రధాన అడ్డంకిగా మారింది. శశికళను పార్టీ ప్రధాన కార్యదర్శి పదవి నుంచి తొలగించడం కుదరదని పళనిస్వామి తేల్చిచెప్పారు. మరోవైపు దినకరన్‌ ఇంటికి ఎమ్మెల్యేలు క్యూకడుతున్నారు. శశికళను పార్టీ పదవి నుంచి తొలగిస్తే ప్రభుత్వాన్ని అస్థిరపర్చుతామని దినకరన్‌ హెచ్చరిస్తున్నారు. దీంతో తమిళ రాజకీయాలు ఏ మలుపు తీసుకుంటాయోనన్న ఉత్కంఠ నెలకొంది. 

19:57 - August 18, 2017

చెన్నై : తమిళనాడు రాజకీయాల్లో కీలక మలుపుకు రంగం సిద్ధమైంది. అన్నాడీఎంకే వర్గాల విలీన ప్రక్రియ తుది అంకానికి చేరుకుంది. ఈ మేరకు పన్నీర్‌ సెల్వం.. సీనియర్‌ నేతలతో, మంత్రులతో, ఎమ్మెల్యేలతో భేటీ అయ్యారు. మరోవైపు శశికళ మద్దతుదారులు చెన్నైలోని ఓ హోటళ్లో సమావేశమయ్యారు. ఇరువర్గాలు ఏ క్షణమైన మెరీనా బీచ్‌ వద్దకు చేరుకోవచ్చని సమాచారం. ఈ క్రమంలో మెరీనా బీచ్‌లోని జయలలిత సమాధి వద్ద అలంకరణ పనులు కూడా జరుగుతున్నాయి. 

07:49 - August 18, 2017

కర్నూలు : నంద్యాల ఉపఎన్నికలో కులాల ఓటు బ్యాంకు కీలకంగా మారింది. పార్టీలు కులాలు, మతాల వారీగా ఓట్లను అంచనాలు వేసుకుంటున్నాయి. ఏ కులం ఓట్లు ఏపార్టీకి పడతాయి. కీలకంగా ఉన్న ఏరియాల్లో ఆయా సామాజిక వర్గాలను, కులపెద్దలను ప్రసన్నం చేసుకునేందుకు పక్కా ప్రణాళికలతో అన్నిపార్టీలు ముందుకు సాగుతున్నాయి. గత 2014 ఎన్నికల్ల్లో పోల్‌ అయిన ఓట్లను దృష్టిలో పెట్టుకుని టీడీపీ, వైసీపీ, కాంగ్రెస్‌పార్టీలు ఎవరి అంచనాలు వారు వేసుకుంటున్నారు. బూత్‌ల వారీగా గత ఎన్నికల్లో ఏ పార్టీకి ఎన్ని ఓట్లు నమోదు అయ్యాయి అన్న వివరాలతో ముందస్తు ప్రణాళికలు రూపొందించారు. తమకు నమోదైన ఓటింగ్ శాతాన్ని కాపాడు కుంటూనే , ప్రత్యర్థి పార్టీకి నమోదైన ఓటింగ్ ను దెబ్బకొట్టేందుకు అనుసరించాల్సిన వ్యూహాల్ని అమలు చేస్తున్నారు. నంద్యాల బరిలో 15 మంది అభ్యర్దులు ఉన్నప్పటికీ ప్రధాన పోటీ టిడిపి అభ్యర్ది భూమా బ్రహ్మానందరెడ్డి , వైసీపీ అభ్యర్ది శిల్పా మోహన్ రెడ్డీల మధ్యనే ఉంది. ఇద్దరూ కూడా సమవుజ్జీలు కావడంతో పోటీ ఆసక్తికరంగా మారింది. ఈ నేపథ్యంలో విజయానికి సామాజికవర్గా ఓట్లు కీలకంగా మారాయి.

మైనార్టీ ఓట్లు 52 వేలు
నంద్యాల నియోజకవర్గంలో మొత్తం 2లక్షల 18వేల 858 మంది ఓటర్లు ఉండగా అందులో పురుషులు 1 లక్షా 7వేల 778 మంది.. మహిళలు 1లక్షా 10వేల 18 మంది ఉన్నారు. ఇక కులాల వారీగా ఓటర్ల వివారాలు పరిశీలిస్తే ముస్లిం మైనార్టీ ఓట్లు 52 వేలులు ఉండగా బలిజలు 41 వేలు, వైశ్యులు ఓట్లు 25వేల వరకు ఉన్నాయి. మాలసామాజిక వర్గ ఓట్లు 21000, మాదిగ సామాజిక వర్గం ఓటర్లు 7500 వరకు ఉన్నారు. అటు బోయ వాల్మీకుల ఓటర్లు 10, 500 , రజకులు 4500 ఉండగా ఈడిగ సామాజిక వర్గం ఓట్లు 3100 ఉన్నాంయి. ఇక యాదవుల ఓట్లు ఏడు వేలవరకు ఉండగా.. ఎస్టీలు , కమ్మ, కుమ్మరి సామాజికవర్గా ఓట్లు దాదాపు 10వేలు వరకు ఉన్నాయి. ఇక ఇతరుల ఓట్లు 15 వేల వరకు ఉన్నాయి. ఈ కులాల్లో ముస్లింలు, బలిజలు, వైశ్యులు, మాలసామాజిక వర్గం ఓట్లే సుమారు లక్షన్నర వరకు ఉన్నాయి. దీంతో అన్నిపార్టీలు కులపెద్దలను ప్రసన్నం చేసుకునే పనిలో నిమగ్నమయ్యాయి. అన్నిపార్టీల నేతలు సొంతకులాల ఓటర్లకు గాలం వేస్తూ ఆశలపల్లకి ఎక్కిస్తున్నారు.

డీపీ, వైసీపీ పోటాపోటీ
కుల పెద్దలను ఆకట్టుకోవడంలో టీడీపీ, వైసీపీ పోటాపోటీగా ప్రయత్నాలు చేస్తున్నాయి. అధికార టీడీపీ ముందస్తుగానే ముస్లిం నాయకులకు పదవులు కేటాయించింది. మాజీమంత్రి ఎన్ ఎమ్ డి ఫరూక్ కు ఎమ్మెల్సీ పదవి, మరో ముస్లీం నేత నౌమాన్ కు ఉర్దూ అకాడమీ ఛైర్మెన్ పదవిని కట్టబెట్టింది. ఇక వైసీపీ నేత జగన్ ముస్లింలకు అనేక హామీలను ఇచ్చారు. భవిష్యత్తులో నంద్యాలలో ముస్లింలకు ఎమ్మెల్సీ పదవి ఇస్తానని జగన్ ప్రకటించారు. ఇదిలా ఉండగా ముస్లింలలో కొందరు కాంగ్రెస్ వైపు కూడా ఉన్నారు. మొదటి నుంచి వీరి ఓటు బ్యాంకు హస్తం పార్టీకి ఉండటంతో ఆ వర్గం ఓట్లు..ఈసారికూడా తమకే పడతాయన్న ఆశ కాంగ్రెస్‌ నేతల్లో వ్యక్తమవుతోంది. ఈ వ్యూహంలో భాగంగానే కాంగ్రెస్ పార్టీ తమ అభ్యర్దిగా అబ్దుల్ ఖాదర్ ను బరిలోకి దింపింది. అన్నిపార్టీల అభ్యర్దుల్లో నెలకొంది. మొత్తానికి సామాజిక వర్గాల ఓట్లపై ప్రధాన పార్టీలు దృష్టి పెట్టినప్పటికీ చివరి దాకా తమ వెంట నడిచే దెవరోననే ఆందోళన చెందుతున్నారు.

Pages

Don't Miss

Subscribe to RSS - రాజకీయాలు