రాజధాని

11:35 - April 28, 2018

గుంటూరు : అమరావతి రాజధాని నిర్మాణం..గత కొన్ని సంవత్సరాలుగా నిర్మాణాలు జరుగుతూనే ఉన్నాయి. రాజధానికి సంబంధించిన రోడ్ల నిర్మాణాలు కొనసాగుతున్నాయి. కానీ ఇదే రోడ్డు నిర్మాణం ముగ్గురు చిన్నారుల ప్రాణాలు తీసింది. ఈ ఘటన దొండపాడులో చోటు చేసుకుంది. దొండపాడులో భారీ క్రేన్ల సహాయంతో గుంతలు తీశారు. తీసిన గుంతను పూడ్చకపోవడంతో అందులో భారీగా నీరు చేరింది.

శనివారం ఉదయం ఇక్కడకు పది మంది చిన్నారులు వచ్చారు. ప్రమాదవశాత్తు ముగ్గురు చిన్నారులు అందులో పడిపోయారు. పైన ఉన్న ఏడుగురు చిన్నారులు ఈ విషయాన్ని కుటుంబసభ్యులకు తెలియచేశారు. అప్పటికే జరగాల్సిన ఘోరం జరిగిపోయింది. ముగ్గురు చిన్నారులు మృతి చెందారు. అమల (9), దినేష్ (8), సాత్విక్ (7)లు మృతి చెందిన వారిలో ఉన్నారు. కాంట్రాక్టర్ల నిర్లక్ష్యం వల్లే చిన్నారుల మృతి చెందారని కుటుంబసభ్యులు పేర్కొంటున్నారు. చిన్నారుల మృతితో ఆయా కుటుంబాలు తీవ్ర విషాదంలో మునిగిపోయాయి. రాజధాని నిర్మాణం కోసం చేస్తున్న పనుల్లో ఇప్పటి వరకు 20 మంది మృతి చెందారనే ఆరోపణలు వినిపిస్తున్నాయి. 

15:28 - April 8, 2018

ఢిల్లీ : అమరావతి నిర్మాణం కోసం సీఎం చంద్రబాబు నాయుడు కూడా త్యాగాలు చేయాలని కాంగ్రెస్ సీనియర్ నేత కేవీపీ పేర్కొన్నారు. రాజధాని నిర్మాణం కోసం రైతులు త్యాగాలు చేస్తే సరిపోదని, మూడేళ్లలో వచ్చే లాభాలను రాజధాని నిర్మాణ బాండ్లలో పెట్టుబడులు పెట్టాలని డిమాండ్ చేశారు.

19:07 - March 21, 2018

అమరావతి : రాజధానిలో 15వేల కోట్ల రూపాయల పనులు జరుగుతుంటే... కేంద్రం కేవలం 1500కోట్లు ఇచ్చి... ఏం పనులు చేశారని ప్రశ్నించడం సరికాదన్నారు చీఫ్ విప్ పల్లె రఘనాథ్. అమరావతిలో ఇప్పటికే 6లక్షల చదరపు అడుగుల తాత్కాలిక అసెంబ్లీ, సచివాలయ నిర్మాణం జరిగిందన్నారు. ఇంకా పలు పనులు నిర్మాణ దశలో ఉన్నాయన్నారు. ఇంత జరుగుతున్నా... ఏం పనులు చేశారని ఢిల్లీ పెద్దలు అడుగుతున్నారని... ఇప్పటికైనా వారు ఆత్మవిమర్శ చేసుకోవాలని పల్లె సూచించారు.

18:25 - February 23, 2018

కర్నూలు : ఏపీ రెండో రాజధానిని రాయలసీమలో ఏర్పాటు చేయాలని ఏపీ సీఎం చంద్రబాబు నాయుడిని సీమ బీజేపీ నేతలు డిమాండ్ చేశారు. శుక్రవారం కర్నూలులో బిజెపి ముఖ్య నేతల సమావేశం జరిగింది. 16 డిమాండ్లతో కూడిన రాయలసీమ డిక్లరేషన్ ను సమావేశంలో ఆమోదించారు. రాయలసీమలో అసెంబ్లీ భవనాన్ని నిర్మించి ప్రతి ఏటా కొన్ని సమావేశాలు నిర్వహించాలని, హైకోర్టును కూడా ఏర్పాటు చేయాలని కోరారు. అభివృద్ధిని అమరావతిలో కేంద్రీకరించకుండా రాయలసీమకు కూడా విస్తరించాలన్నారు. రాయలసీమ ప్రజలను ద్వితీయ శ్రేణి పౌరులుగా చూస్తున్నారని, రాయలసీమకు టిడిపి ఇచ్చిన 200 హామీలను అమలు చేయాలని కోరారు. 

11:21 - February 13, 2018

విజయవాడ : విభజన హామీల రగడ ఇంకా కొనసాగుతోంది. టిడిపి..బిజెపి నేతల మధ్య మాటల తూటాలు పేలుతున్నాయి. కేంద్రం అధికంగానే నిధులు ఇచ్చిందని బిజెపి పేర్కొంటుండగా అంతగా నిధులు ఇవ్వలేదని టిడిపి పేర్కొంటోంది. ఈ నేపథ్యంలో మంగళవారం బిజెపి ఎమ్మెల్సీ సోము వీర్రాజు మీడియాతో విభజన హామీల వివరాలు..కేంద్రం ఇచ్చిన నిధుల వివరాలు వెల్లడించారు.

రాజకీయ దుమారానికి తమ పార్టీ అధ్యక్షుడు తెరదించే ప్రయత్నం చేశారని, ఐదేళ్లు అని బిల్లులో ఎందుకు పెట్టలేదని కాంగ్రెస్ ను నిలదీయాలని పిలుపునిచ్చారు. 2022 దాక హామీలు నెరవేర్చడానికి సమయం ఉందన్నారు. ఏపీకి కేంద్రం ఎక్కువగానే ఇచ్చిందని..సంతృప్తిగానే ఉన్నామని..కేంద్రం అన్ని ఇచ్చిందని స్వయంగా సీఎం చంద్రబాబు నాయుడు..కేంద్ర మంత్రి సుజనా చౌదరి అనేకసార్లు చెప్పారని గుర్తు చేశారు. ప్రత్యేక ప్యాకేజీపై సీఎం బాబు మాటమారుస్తున్నారని ఆరోపించారు. ఏపీకి ఇనిస్టిట్యూట్ వంద శాతం ఇచ్చారని, అదనంగా 8 ఇనిస్టిట్యూట్స్ ఇచ్చారని తెలిపారు. ఇందుకు కేంద్రానికి కృతజ్ఞతలు తెలియచేస్తున్నట్లు రాష్ట్ర విద్యా శాఖ మంత్రి గంటా శ్రీణివాసరావు తెలియచేశారని తెలిపారు. నిట్ కు ప్రారంభంలో వంద సీట్లు మాత్రమే ఇస్తారని, కానీ కేంద్ర మంత్రి స్మృతి ఇరానీని ప్రత్యేకంగా కోరడంతో నాలుగు వంద సీట్లు తెచ్చుకోవడం జరిగిందన్నారు. క్లాసులు ప్రారంభమయ్యాయని, కేంద్రం యొక్క మేనేజ్ మెంట్ తో ఇనిస్టిట్యూట్ జరుగుతాయన్నారు. ఇక బిల్లులో రాజధాని అంశం కూడా పేర్కొనడం జరిగిందని...రాజ్ భవన్, సెక్రటేరియట్, అసెంబ్లీ, హైకోర్టు భవనాలు కట్టాలని బిల్లులో పొందుపర్చడం జరిగిందన్నారు. 

14:55 - February 6, 2018
14:32 - February 6, 2018

విజయవాడ : అమరావతి...రాజధాని నిర్మాణం..సీఎం చంద్రబాబు నాయుడు ప్రతిష్టాత్మకంగా తీసుకుంటున్నారు. మూడేండ్లు అయిపోయాయి..కానీ రాజధాని నిర్మాణం ఇంకా ఓ కొలిక్కి రాలేదు. ఇదిలా ఉంటే రాజధానికి భూమి ఇవ్వకుండానే కొంతమంది ప్రయోజనాలు పొందుతుండడం గమనార్హం. ల్యాండ్ పూలింగ్ పేరిట ఘరానా మోసాలు వెలుగు చూస్తున్నాయి. ఈ విషయాన్ని స్థానిక రైతులు బహిర్గపరచడంతో మోసం వెలుగు చూసింది. ఈ విషయంపై సీఎం చంద్రబాబు నాయుడు తీవ్ర ఆగ్రహం వ్యక్తం చేసినట్లు తెలుస్తోంది. 

గౌస్ ఖాన్ అనే వ్యక్తికి సీఆర్డీఏ అధికారులు భూమి కేటాయించారు. కానీ ఈ గౌస్ ఖాన్ స్థానికుడు కూడా కాదు. అంతేగాకుండా ఇతనికి ఇక్కడ భూమి లేకుండానే భూమి ఉన్నట్లు కాగితాలు సృష్టించాడు. గౌస్ ఖాన్ కుమారుడికి రూ. 3 కోట్లకు పైగా అధికారులు ప్రయోజనాలు కల్పించారు. సీఆర్డీఏ అధికారుల తీరుపై ఆరోపణలు వెల్లువెత్తుతున్నాయి. ల్యాండ్ పూలింగ్ ప్రక్రియపై సీబీఐ విచారణ జరపాలని ప్రతిపక్షాలు పేర్కొంటున్నాయి.

ఇందులో ఎన్నో ప్రశ్నలు తలెత్తుతున్నాయి. కౌలు ఎలా చెల్లించారు ? జరీబు పొలానికి 1400 స్థలం ఎలా కేటాయించారు ? మూడు రకాల ప్లాట్లు ఎలా కేటాయించారు ? ఎలా రిజిస్ట్రేషన్ చేయించారు..? ఇలా ఎన్నో ప్రశ్నలు తలెత్తుతున్నాయి. ల్యాండ్ లు సృష్టించి..రిజిస్ట్రేషన్ చేయించడంలో సీఆర్డీఏ అధికారుల హస్తం తప్పకుండా ఉంటుందని అనుమానాలు వ్యక్తమౌతున్నాయి. 29 గ్రామాలున్న సీఆర్డీఏ కార్యాలయంలో ఉంటూ ల్యాండ్ మాఫియాకు పాల్పడుతున్నారని ప్రచారం జరుగుతోంది.

19:08 - December 13, 2017

గుంటూరు : కలల రాజధాని అమరావతిలో నిర్మించ తలపెట్టిన అసెంబ్లీ భవనానికి తుది డిజైన్లు ఖరారు చేసే పనిలో పడింది ప్రభుత్వం. నార్మన్‌ ఫోస్టర్‌ బృందం తాజాగా రూపొందించిన రెండు డిజైన్లపై సచివాలయంలో సవివరంగా చర్చ జరిగింది. ఒక డిజైన్‌ సూది మొన ఉన్న టవర్‌ కాగా... రెండోవది చతురస్ర ఆకారంలో ఉన్న భవనంగా తీర్చిదిద్దారు. ఈ రెండింటిలో సూది మొన ఉన్న ఆకృతి టవర్‌కు అత్యధికులు మొగ్గు చూపారు. అయితే... రెండు డిజైన్లను CRDA డొమైన్‌లో పెట్టి ప్రజాభిప్రాయం ప్రకారమే తుది నిర్ణయం తీసుకుంటామని నారాయణ తెలిపారు.

21:42 - November 17, 2017

గుంటూరు : అమరావతిలోని ఒకవేయి 691 ఎకరాల్లో సింగపూర్‌ కన్సార్టియం అభివృద్ధి చేస్తున్న స్టార్టప్‌ ఏరియా పురోగతిపై చర్చించేందుకు జాయింట్‌ ఇంప్లిమెంటేషన్‌ స్టీరింగ్‌ కమిటీ వెలగపూడి సచివాలయంలో సమావేశమైంది. కమిటీకి చైర్మన్‌గా ఉన్న సీఎం చంద్రబాబు.. సింగపూర్‌ మంత్రి ఈశ్వరన్‌తో పాటు ఏపీ మంత్రులు నారాయణ, యనమల, సీఆర్డీఏ అధికారులు, సింగూర్‌ ప్రతినిధులు ఈ సమావేశంలో చర్చించారు. అభివృద్ధిలో దూసుకుపోతున్న సింగపూర్‌ను అందుకునేందుకు ప్రయత్నిస్తున్నామన్నారు చంద్రబాబు. రాజధాని నిర్మాణంలో ఎంతగానో సహకరిస్తున్న సింగపూర్ ప్రభుత్వానికి ఎప్పటికీ మిత్రులుగా ఉంటామనితెలిపారు.

త్వరలో 1500 ఎలక్ట్రిక్‌ వాహనాలు
సహజవనరులతో అత్యాధునిక సాంకేతికతను అందిపుచ్చుకుంటూ అద్భుతమైన రాజధానిని నిర్మించాలన్నదే తమ ధ్యేయమని ముఖ్యమంత్రి ఈశ్వరన్‌తో అన్నారు. రానున్న కాలంలో రాజధానిలో ఎలక్ట్రిక్‌ వాహనాలకే అధిక ప్రాధాన్యం ఇస్తామని, త్వరలో 1500 ఎలక్ట్రిక్‌ వాహనాలు ప్రవేశ పెడుతున్నామన్నారు. ప్రజా రవాణా వ్యవస్థ నిర్మాణంలో సెంటర్‌ ఫర్‌ లివబుల్‌ సిటీస్‌ సూచనలు తీసుకుంటామని తెలిపారు. అమరావతి ఇంటిగ్రేటెడ్‌ వాటర్‌ అథారిటీ, వాటర్‌ మాస్టర్‌ పురోగతి గురించి సెంటర్ ఫర్‌ లివబుల్‌ సిటీస్ ఎగ్జిక్యూటివ్‌ డైరెక్టర్‌ ఖూ టెంగ్‌ చె సమావేశంలో వివరించారు. తొలి జెఐఎస్‌సీ సమావేంలో తీసుకున్న నిర్ణయాల పురోగతిపై ఈభేటీలో చర్చించారు. అలాగే అమరావతి ప్లానింగ్‌, డిజైన్‌ అండ్‌ రీసెర్చ్‌ ఇన్సిస్టిట్యూట్‌ ఏర్పాటు, క్యాపిటల్‌ రీజియన్ ఇన్వెస్టిమెంట్‌ ప్రమోషన్‌ ఏజెన్సీ వంటి అంశాలపై సమావేశం దృష్టి పెట్టింది. ఇంటిగ్రేటెడ్‌ సాలిడ్‌ వేస్టు మేనేజ్‌మెంట్‌ ప్రాజెక్టుపై కార్యచరణ నిర్వహిస్తున్నామని ఖూ టెంగ్‌ చె తెలిపారు.

విజయవాడ నుండి సింగపూర్‌కు విమాన సర్వీసులు
విజయవాడ నుండి సింగపూర్‌కు విమాన సర్వీసులు ఎప్పటి నుండి ప్రారంభించాలనే అంశాలపై కూడా ఈ సమావేశంలో చర్చించారు. సింగపూర్‌ విజయవాడ మధ్య వారంలో కనీసం మూడు విమాన సర్వీసులు ప్రారంభంచాలని, వెంటనే ఇందుకు సంబంధించి అవసరమైన చర్యలు తీసుకోవాలని సీఎం సింగపూర్‌ ప్రభుత్వాన్ని కోరారు. మరోవైపు రాజధాని అమరావతిలో ఊష్ణోగ్రతలను తగ్గించే డిస్ట్రిక్‌ కూలింగ్‌ వ్యవస్థను ఏర్పాటు చేయాలని సింగపూర్‌ డిస్ట్రిక్‌ కూలింగ్‌ మేనేజింగ్‌

ఏపీలోని ఏదైనా ఒక నగరంలో ప్రయోగాత్మకంగా సౌర విద్యుత్‌ వినియోగించుకునేలా బస్‌స్టాపుల్లో శీతలీకరణ వ్యవస్థ ఏర్పాటు చేయాలని సింగపూర్‌ ప్రతినిధులను కోరారు సీఎం. 2018 జులైలో నిర్వహించే పారిశ్రామిక భాగస్వామ్య సదస్సులో పాల్గొనాలని ముఖ్యమంత్రిని సింగపూర్‌ ప్రతినిధులు ఆహ్వానించారు. ఈ సదస్సును ఒకసారి ఏపీలో నిర్వహించాలని ముఖ్యమంత్రి కోరారు. స్టార్టప్‌ ఏరియా అభివృద్ధిలో సింగపూర్‌కు, ఏపీకి ఉన్న న్యాయపరమైన సమస్యలు తొలగిపోయాయన్నారు మంత్రి నారాయణ. మొత్తం మూడు దశల్లో స్టార్టప్‌ ఏరియాను సింగపూర్‌ సంస్థలు అభివృద్ధి చేస్తాయని తెలిపారు. రిపబ్లిక్‌ దినోత్సవ వేడుకలకు భారతదేశానికి ముఖ్య అతిథిగా వస్తున్న సింగపూర్‌ ప్రధానమంత్రి... అదే సమయంలో అమరావతిని సందర్శించేలా చూడాలని చంద్రబాబు ఈశ్వరన్‌ను కోరారు. 

21:41 - November 17, 2017

గుంటూరు : ఏపీ రాజధాని అమరావతి నిర్మాణానికి నేషనల్ గ్రీన్ ట్రిబ్యునల్ పచ్చజెండా ఊపింది. పర్యావరణం దెబ్బతినకుండా, నిబంధనలకు లోబడే రాజధాని నిర్మాణాలు చేపట్టాలని న్యాయస్థానం స్పష్టమైన ఆదేశాలు ఇచ్చింది. పర్యావరణ శాఖ విధించిన 191 నిబంధనలను కచ్చితంగా అమలు చేస్తూనే నిర్మాణాలు సాగాలని ఆంధ్రప్రదేశ్‌ ప్రభుత్వానికి సూచించింది. కృష్ణానది ప్రవాహ దిశ మార్చకుండా చర్యలు తీసుకోవాలని ఆదేశించింది. పర్యావరణ పరిరక్షణకు సూపర్‌వైజర్, ఇంప్లిమెంటేషన్‌ కమిటీలు ఏర్పాటు చేయాలని ధర్మాసనం తీర్పునిచ్చింది. రాజధాని నిర్మాణ పనులపై నెలనెలా సమీక్షించాలని సూచించింది. ఆరుగురు సభ్యులతో సూపర్‌వైజరీ కమిటీని ఏర్పాటు చేసింది. కమిటీ ఛైర్మన్‌గా పర్యావరణ శాఖ అదనపు కార్యదర్శిని నియమించింది. రాష్ట్ర పర్యావరణ శాఖ అదనపు చీఫ్ సెక్రటరీ సభ్య కార్యదర్శి, నోడల్ అధికారిగా వ్యవహరించనున్నారు. రూర్కీలోని నేషనల్ ఇన్‌స్టిట్యూట్ ఆఫ్ హైడ్రాలజీ నామినేట్ చేసే సీనియర్ శాస్త్రవేత్త, బెంగళూరులోని ఇండియన్ ఇన్‌స్టిట్యూట్ ఆఫ్ సైన్స్‌ నామినేట్ చేసే సైంటిస్టులు సభ్యులుగా ఉంటారు. సావిత్రిబాయి పూలే యూనివర్సిటీ జియాలజీ ప్రొఫెసర్ ఎన్.జే పవార్‌తో పాటు ఏపీ కాలుష్య నియంత్రణ మండలి సభ్య కార్యదర్శి సభ్యులుగా ఉండనున్నారు.

నలుగురు సభ్యులతో ఇంప్లిమెంటేషన్‌ కమిటీ
నలుగురు సభ్యులతో ఇంప్లిమెంటేషన్‌ కమిటీని ధర్మాసనం ఏర్పాటు చేసింది. కమిటీ ఛైర్మన్‌గా ఏపీ పర్యావరణ శాఖ అదనపు ప్రధాన కార్యదర్శిని నియమించింది. కేంద్ర పర్యావరణ శాఖ ప్రతినిధి, ఏపీ కాలుష్య నియంత్రణ మండలి సభ్యకార్యదర్శి, ఐఐఎస్ బెంగళూరు డైరక్టర్ నియమించే సీనియర్ సైంటిస్ట్, కృష్ణదేవరాయ యూనివర్సిటీకి చెందిన రిటైర్డ్ మైక్రో బయాలజీ ప్రొఫెసర్ కడియాల వెంకటేశ్వర్లకు కమిటీలో సభ్యులుగా స్థానం కల్పించింది. రాజధాని నిర్మాణానికి అనుకూలంగా ఎన్జీటీ తీర్పు ఇచ్చిందని, రాజధాని నిర్మాణంలో ఇది శుభ పరిణామమని సీఎం చంద్రబాబు అన్నారు. ఇక నుంచి రాజధాని పనులు వేగంగా జరుగుతాయన్నారు. మొదటి నుంచి నిబంధనలకు అనుగుణంగానే ముందుకు వెళ్తున్నామని సీఎం పేర్కొన్నారు. ఎన్టీటీ తీర్పు రాజధాని మీద ప్రభుత్వ ఒంటెత్తు పోకడను ఆపటంలో తొలి మెట్టు అని పిటిషనర్ శ్రీమన్నారాయణ అన్నారు. కొండవీటి వాగు ప్రవాహం మార్చవద్దని చెప్పడం వల్ల 15 వేల ఎకరాలకు ముప్పు తప్పిందన్నారు. ఏడాది పొడవునా పండే పంట భూములు అన్నీ కాపాడే వరకు తన పోరాటం ఆగదన్నారు.

ఎన్జీటీ తీర్పుపై భిన్నాభిప్రాయాలు
పర్యావరణ అనుమతులకు లోబడి కమిటీల నేతృత్వంలో ఏపీ రాజధాని నిర్మాణాలు చేపడుతామని ఆ రాష్ట్ర అడ్వొకేట్‌ జనరల్‌ దమ్మాలపాటి శ్రీనివాస్‌ అన్నారు. కొండవీటి వాగును విస్తరిస్తున్నాం తప్ప ధ్వంసం చేయడం లేదన్నారు. ఎన్జీటీ తీర్పుపై భిన్నాభిప్రాయాలు వ్యక్తమవుతున్నాయి. రాజధాని అమరావతి నిర్మాణానికి అడ్డంకులు తొలగినట్లైందని ఏపీ సర్కార్‌ చెబుతుంటే..తమ న్యాయపోరాటం వల్లే పర్యావరణ అనుమతులకు లోబడి నిర్మాణాలు జరిగేలా తీర్పు వెలువడిందని పిటిషనర్లు అంటున్నారు. 

Pages

Don't Miss

Subscribe to RSS - రాజధాని