రాజస్థాన్

08:50 - August 24, 2018

రాజస్థాన్ : నీటిలో సగానికిపైగా మునిగిపోయిన స్కూలు బస్సు నుంచి 50 మంది విద్యార్థులు సురక్షితంగా బయటపడ్డ ఘటన రాజస్థాన్‌లోని దౌసా జిల్లాలో చోటుచేసుకుంది. గత రెండు రోజులుగా కురుస్తున్న భారీ వర్షాలకు దౌసా జిల్లాలో లోతట్టు ప్రాంతాలు జలమయమయ్యాయి. ఓ గ్రామం నుంచి అండర్‌ పాస్‌ ద్వారా నగరానికి వెళ్లే దారిలో నీరు చేరింది. దీన్ని గుర్తించని డ్రైవర్‌ బస్సును నీటిలోకి తీసుకెళ్లాడు. బస్సు నీటిలో మునుగుతుందని గ్రహించిన విద్యార్థులు కిటికీల్లోంచి పైకి ఎక్కడంతో వారి ప్రాణాలకు ముప్పు తప్పింది. ఘటనా స్థలానికి భారీగా చేరుకున్న స్థానికులు ఓ గోడపై నుంచి తాడు వదిలినప్పటికీ ఫలితం లేకపోయింది. దీంతో ఈతగాళ్లు నీళ్లలోకి దూకి పిల్లలను ఒడ్డుకు చేర్చారు. పిల్లలంతా సురక్షితంగా బయటపడడంతో అందరూ ఊపిరి పీల్చుకున్నారు.

 

16:05 - August 10, 2018

రాజస్థాన్ : ఒక యువకుడికి వివాహం కావటంలేదు అంటే వారు కట్నం ఎక్కువ డిమాండ్ చేసుండాలి..లేదా అతడికి ప్రవర్తన మంచికాదై వుండాలి. కానీ ఒకే ఊరిలో నివసించే యువకులకు వివాహాలు కావటంలేదు అంటే అది మాత్రం వింత..విశేషంగా చెప్పుకోవాలి. లేదా..ఆ ఊరికి ఎటువంటి మౌలిక సదుపాయాలు లేనిదై వుండాలి..కానీ రాజస్తాన్ లో మాత్రం వుండే ఒక గ్రామంలో నివసించే యువకులకు పిల్లనివ్వటానికి మాత్రం ఏ ఆడపిల్లల తండ్రులు ముందుకు రావటంలేదు కారణం ఏమిటో తెలిస్తే ఆశ్చర్యపోవాల్సిందే..వారి కుమారులకు వివాహాలు కావటం కోసం ఆ ఊరివాంతా కలిసి ఆలోచించి ఓ సంచలనాత్మక నిర్ణయం తీసుకున్నారు. అదే ఆ ఊరి పేరు మార్చేయాలనుకోవటం!!..వినటానికి ఆశ్చర్యంగా వున్నా ఇది సత్యం..ఆ ఊరి పేరు మార్చేసారు!!..

వివాహాలను నిలిపివేసిన ఊరి పేరు..
ఊర్లో అన్ని సౌకర్యాలు ఉన్నాయి..ఆ ఊరి యువకులు మంచి మంచి ఉద్యోగాలు కూడా వున్నాయి. కానీ చుట్టుపక్కల గ్రామాల నుంచి అమ్మాయిల్ని ఇచ్చేందుకు ఎవ్వరూ ముందుకురావడం లేదు. ఎందుకంటే ఈ ఊరి పేరు 'మియాంకా బరా' అని ఉండటమే. ముస్లిం ఊరిపేరు కావడంతో తమ కుమారులకు పెళ్లిళ్లు కావడం లేదని గ్రామస్తులు వాపోయారు. గ్రామం పేరును మార్చాల్సిందిగా పలుమార్లు ప్రభుత్వానికి విజ్ఞప్తి చేసుకున్నారు. ఎట్టకేలకు అధికారులు ఆ ఊరి పేరును మార్చారు. ప్రస్తుతం ఈ ఊరికి మహేశ్ నగర్ గా పేరు పెట్టారు. 'మియాంకా బరా హల్ట్' కాస్తా మహేశ్ నగర్ గా మారిపోయింది. ఈ విషయమై స్థానిక బీజేపీ ఎమ్మెల్యే హర్మీర్ సింగ్ మాట్లాడుతూ.. స్వాతంత్ర్యానికి పూర్వం ఈ గ్రామాన్ని మహేశ్ నగర్ అనే పిలిచేవారనీ, కాలక్రమంలో కొన్ని కారణాలతో దీన్ని మార్చాల్సి వచ్చిందని తెలిపారు.

15:57 - July 30, 2018

రాజస్థాన్ : పితృస్వామ్య సమాజంలో మహిళలు చేసే పనులు, పురుషులు చేసే పనులు అని వేర్వేరుగా కేటాయించబడి వున్నాయి. వీటి అమలును సమాజం చాలా పకడ్బందీగా అమలు చేస్తుంది. సంప్రదాయాలు, పనులు, పద్దతులు ఇలా స్త్రీలకు పరిధులు విధించాయి. వంశాలను ఉద్ధరించేది పురుషుడే,కుటుంబాన్ని రక్షించేది, పోషించేది పురుషుడేనంటుంది ఈ సమాజం. సృష్టికి మూలం ఆదిశక్తి అని చెప్పే ఈ పురాణాలే ఆ స్త్రీకి కొన్ని ఆలయాలలోకి ప్రవేశం లేదంటుంది. ఇలా మహిళలపై ఆంక్షలు అడుగడుగునా కనిపిస్తున్నాయి. ఇందులో మరి ముఖ్యమైనవి కటుంబంలో ఎవరైనా చనిపోతే అంత్యక్రియలు ఖచ్చితంగా పురుషుడే చేయాలనే నిబంధన అతి ముఖ్యమైనది. కానీ ఎన్నో పోరాటాలతో స్త్రీలు ఇంటి నుండి బైటకొచ్చి తమ అస్థిత్వాలను, వ్యక్తిత్వాలను నిలుపుకునేందుకు ఎన్నో సంస్కరణలకు శ్రీకారం చుట్టి విజయాలను అందుకున్నారు. కానీ మనిషి చనిపోయిన తరువాత చేసే అంత్యక్రియల్లో మాత్రం పెద్దగా మార్పులు రాలేదు. ఆ కార్యక్రమం మాత్రం పురుషులే చేయాలనే గట్టి ఆచారాలను కొనసాగిస్తున్నారు. కానీ కొంతమంది చైతన్యవంతమైన స్త్రీలు ఆ ఆచారాలను కూడా తుడిచిపెట్టేందుకు ముందుకు వచ్చి తమ తల్లిదండ్రులు చనిపోయేత అంత్యక్రియలు వారి చేతుల మీదుగా చేసిన సందర్భాలను మనం వింటున్నాం..చూస్తున్నాం. కానీ ఓ కుటుంబంలో తండ్రి మృతి చెందిన తరువాత అంత్యక్రియల కార్యక్రమాన్ని కుమార్తెలే చేసినందుకు వారిని వెలివేసిన ఘటనతో మరోసారి మూఢత్వ భావనలు వెలుగులోకి వస్తున్నాయి.
కుల పెద్దల్ని ఎదిరించిన మహిళలు..వెలివేసిన ఖాప్ పంచాయితీలు..
తండ్రి చివరి కోరికను తీర్చడమే వారి పాలిట శాపంగా మారింది. కుల పెద్దల హెచ్చరికల్ని కాదని తండ్రి అంత్యక్రియల్ని నిర్వహించిన నలుగురు కుమార్తెలను, ఆ కుటుంబాన్ని ఖాప్ పంచాయితీ వెలివేసింది. ఈ ఘటన రాజస్తాన్ లోని బుండీ జిల్లాలో చోటుచేసుకుంది.

తండ్రి అంత్యక్రియలు చేసేందుకు సిద్దపడిన కుమార్తెలు..
కోట పట్టణానికి సమీపంలోని బార్లి బుండీ రాజెర్ కాలనీలో ఉంటున్న దుర్గాశంకర్ అనే టైలర్ శనివారం రాత్రి కన్నుమూశాడు. ఇంట్లో మగ సంతానం లేకపోవడంతో తండ్రి చివరి కోరిక మేరకు ఆయన అంత్యక్రియలు చేసేందుకు నలుగురు కుమార్తెలు ముందుకొచ్చారు. దీనిపై రాజెర్ కుల పెద్దలు అభ్యంతరం వ్యక్తం చేశారు. ఈ నలుగురు అంత్యక్రియల్లో పాల్గొనేందుకు వీలు లేదని స్పష్టం చేశారు. అయినా సరే కుమార్తెలు వెనక్కి తగ్గకుండా అంత్యక్రియల్లో పాల్గొనడంతో నలుగురితో పాటు మిగతా కుటుంబ సభ్యుల్ని వెలేస్తున్నట్లు ఖాప్ పంచాయితీ కుల పెద్దలు ప్రకటించారు.

స్నానం చేసే ప్రాంతాన్ని వినియోగించకుండా తాళం వేసిన కులపెద్దలు
తండ్రి అంత్యక్రియల అనంతరం అక్కడ స్నానం చేసే ప్రాంతాన్ని తాము వాడుకోకుండా కులపెద్దలు తాళం వేశారని ఆరోపించింది. దుర్ఘటన తర్వాత ఇరుగుపొరుగువారు ఎవ్వరూ తమకు భోజనం పంపలేదని ఆవేదన వ్యక్తం చేశారు. కొంతమంది చదువుకున్న కులస్తులు మాత్రమే అంత్యక్రియలకు హాజరయ్యారని ఆమె తెలిపింది. కాగా తండ్రికి అంత్యక్రియలు నిర్వహించిన నలుగురు యువతుల్ని ఆయన ప్రశంసించారు.

 

17:59 - July 23, 2018

ఢిల్లీ : రాజస్థాన్ అల్వార్ జిల్లాలో 'మూక' దాడి ఘటనపై ఏఐసీసీ అధ్యక్షుడు రాహుల్ గాంధీ స్పందించారు. దేశాన్ని 'క్రూర్ నయా ఇండియా'గా మోడీ మార్చివేశారని ట్విట్టర్ వేదికగా ట్వీట్ చేశారు. అల్వర్ జిల్లా రామ్ ఘడ్ లో ఆవులను స్మగ్లింగ్ చేస్తున్నారనే నెపంతో గో రక్షక్ దళాలు ఆ వ్యక్తిపై దాడికి పాల్పడి చంపేశారు. మూకోన్మాదుల దాడిలో అక్బరుద్దీన్ ఖాన్ ను ఆసుపత్రికి తరలించేందుక పోలీసులు మూడు గంటల సమయం తీసుకున్నారని..మార్గమధ్యంలో పోలీసులు ఛాయ్ తాగి నిర్లక్ష్యంగా వహించారని ఆరోపించారు. మోడీ నేతృత్వంలో దేశంలో మానవత్వం తగ్గి ధ్వేషం పెరిగిందన్నారు. 

16:30 - July 21, 2018

రాజస్థాన్ : గోరక్షణ పేరుతో చట్టాన్ని చేతుల్లోకి తీసుకోవద్దని సుప్రీంకోర్టు పలుమార్లు హెచ్చరించినా దాడులు మాత్రం ఆగడం లేదు. రాజస్థాన్‌లోని అల్వార్‌ జిల్లాలోని రామ్‌గఢ్‌లో ఆవులను స్మగ్లింగ్‌ చేస్తున్నారనే నెపంతో గ్రామస్తులు ఓ యువకుడిని కొట్టి చంపారు. ఈ ఘటనపై పోలీసులు కేసు నమోదు చేసి దర్యాప్తు చేపట్టారు. మృతుడిని హర్యానాకు చెందిన అక్బర్‌ ఖాన్‌గా పోలీసులు గుర్తించారు. ఈ ఘటనకు సంబంధించి పలు సెక్షన్ల కింద పోలీసులు కేసు నమోదు చేశారు. శుక్రవారం రాత్రి అక్బర్‌, అస్లామ్‌ ఆవులను తీసుకెళ్తుండగా.. అల్వార్‌ గ్రామస్తులు అడ్డుకున్నారు. భయాందోళనలకు గురైన ఆ యువకులు ఆవులను వదిలి పారిపోయే ప్రయత్నం చేశారు. గ్రామస్థులు వారిని వెంబడించి అక్బర్‌ను పట్టుకుని చితకబాదారు. అస్లామ్‌ వారి నుంచి తప్పించుకున్నాడు. నిందితులను త్వరలోనే అరెస్ట్‌ చేస్తామని అల్వాల్‌ ఎఎస్‌పి అనిల్‌ బైజల్‌ తెలిపారు. వారు ఆవుల అక్రమ రవాణకు పాల్పడ్డారా... అన్నది ఇంకా స్పష్టత లేదన్నారు.  ఈ ఘటనను రాజస్థాన్‌ ముఖ్యమంత్రి వసుంధరా రాజే ఖండించారు. నిందితులపై తగిన చర్యలు తీసుకుంటామని తెలిపారు. 

 

16:40 - July 11, 2018

పిల్లల ఆరోగ్యానికీ, ఎదుగుదలకూ పాలు చాలా అవసరం. అలాగే వయసుతో తారతమ్యం లేకుండా పాలు అన్ని వయసులవారికి చాలా అవసరం. సాధారణంగా మనం ఎక్కువ ఆవు, గేదె పాలను వాడుతుంటాం. అంతగా కాకుంటే మేకపాలు, గొర్రెపాలు వాడుతుంటాం. ఆవుపాలు పిల్లలకు, పెద్దవారికి కూడా ఎంతో శ్రేష్టమయినవి. పాలు ఆరోగ్యంతో పాటు అందాన్ని కూడా ఇస్తాయి. ఇది అందరికీ తెలుసు. పాలవలన బరువు తగ్గడము కూడా సాధ్యమేని నిరూపించబడింది. ఇజ్రాయిల్ పరిశోధకులు భారీ కాయము కలిగిన 45-60 మధ్య వయసు వున్న 300 మంది మీద జరిపిన పరిశోధనా ఫలితం ఇది. ప్రతిరోజూ 2 గ్లాసుల పాలు త్రాగడంతో పాటు పిండి పదార్ధము ఉన్న ఆహారము తక్కువగా తీసుకున్న వీరు 2 ఏళ్ళ కాలములో 5.5 కిలోల బరువు తగ్గడము గమనించారు. అందుకే పాలలోని కాల్సియం, విటమిన్‌ డి-బరువుతగ్గడములో కీలక పాత్ర వహిస్తాయని పరిశోధనల ద్వారా స్పష్టమైనది. గంగి గోవు పాలు గరిటెడైనను చాలు కడివెడైననేమి ఖరము పాలు అనే సామెతను మనం వింటుంటాం. కానీ ఆవుపాలకు మించిన డిమాండ్ ఒంటెపాలకు వచ్చింది.

ఆవు పాలకు మించిన డిమాండ్‌ ఇప్పుడు ఒంటె పాలకు..
ఆవు పాలకు మించిన డిమాండ్‌ ఇప్పుడు ఒంటె పాలకు ఉంది. ఆ ‘డిమాండ్‌’ను రూపాయల్లో లెక్కించాలంటే.. లొట్టిపిట్ట అంటే ఒంటె. దీనినే ఎడారి ఓడ అని కూడా అంటారు. ఒంటె పాలు లీటరు ధర అంతర్జాతీయ మార్కెట్‌లో రూ. 3వేల వరకూ పలుకుతోందట. అమెరికాలో అయితే రూ. 3500 వరకూ వెళ్తోంది. ఒంటెపాలతో పాటు పాల పౌడర్‌కూడా మనదేశం నుంచి విదేశాలకు ఎగుమతి అవుతోంది. రాజస్థాన్‌లోని ఒంటెల యజమానులకు ఈ డిమాండ్‌ వరంగా మారింది. దీంతో వారు ఒంటె పాలతో ఆదాయాన్ని పెంచుకుంటున్నారు.

పాల తయారీకోసం కొత్తగా యూనిట్లు..
బికనీర్‌, కచ్‌, సూరత్‌ ప్రాంతాల్లో పాల తయారీకోసం కొత్తగా యూనిట్లు కూడా వెలిశాయి. అసలేంటి ఈ ఒంటె పాల విశిష్టత అంటే.. వీటిలో సహజసిద్ధమైన ఇన్సులిన్‌ ఉందట. డయాబెటిస్‌ ఉన్న వారికి ఈ పాలు చాలా ఆరోగ్యకరమని కొన్ని జంతువులపై చేసిన పరీక్షల్లో తేలిందని పరిశోధకులు తెలపటంతో ఒంటెపాటకు డిమాండ్ రోజురోజుకు పెరిగిపోతోంది.

పలు దీర్ఘకాలిక వ్యాధులకు ఔషదంగా ఒంటెపాలు..
ఇదే కాక ఆటిజం, కీళ్లనొప్పుల పరిష్కారానికి, రోగనిరోధక శక్తి పెంపుదలకు ఉపకరిస్తాయని పరిశోధకులు అంటున్నారు. మిగిలిన పాలతో పోలిస్తే లాక్టోజ్‌ శాతం కూడా చాలా తక్కువగా ఉన్న కారణంగా.. లాక్టోజ్‌ సహించని వారికి ఒంటెపాలు మంచి ప్రత్యామ్నాయమని వారు చెబుతున్నారు. అయితే ఇక్కడో చిన్న మెలిక ఉంది. ఒంటెపాలను నేరుగా అస్సలు తాగకూడదు. మానవ శరీరంలోకి వెళ్లకూడని అనేక మలినాలు వీటిలో ఉంటాయట. ఈ పాలను శుద్ధి చేసిన తర్వాతే తాగడానికి వీలుగా తయారవుతాయి. 

21:42 - July 7, 2018

రాజస్థాన్‌ : జైపూర్‌లో జరిగిన బహిరంగసభలో ప్రధానమంత్రి నరేంద్రమోది కాంగ్రెస్‌ను మళ్లీ టార్గెట్‌ చేశారు. కాంగ్రెస్‌ పార్టీని ప్రజలంతా 'బెయిల్‌ గాడీ' అని పిలుస్తున్నారని ఎద్దేవా చేశారు. కాంగ్రెస్‌ పార్టీకి చెందిన చాలామంది నేతలు బెయిలుపై బయట ఉన్నారని విమర్శించారు. విపక్షాలు సైనికులనే అనుమానించే విధంగా ప్రవర్తిస్తున్నాయని మండిపడ్డారు. ఇలాంటి రాజకీయాలు చేసేవారికి రాజస్థాన్‌ ప్రజలు బుద్ధి చెబుతారని మోది అన్నారు. రాజస్థాన్‌లో గత నాలుగేళ్లలో రెండింతల అభివృద్ధి జరిగిందన్నారు. రాష్ట్రప్రభుత్వం 2100 కోట్ల ఖర్చుతో చేపడుతున్న వివిధ అభివృద్ధి కార్యక్రమాలకు మోది శంఖుస్థాపన చేశారు.

 

08:59 - May 24, 2018

ఢిల్లీ : ఐపీఎల్ ఎలిమినేట్‌ మ్యాచ్‌లో కోల్‌కతా నైట్ రైడర్స్ ఘనవిజయం సాధించింది. రాజస్థాన్‌పై 25 పరుగుల తేడాతో రాజస్థాన్‌ రాయల్స్‌ను చిత్తుచేసింది. అద్భుతమైన బౌలింగ్‌తో రాజస్థాన్ జట్టును కట్టడిచేసి కోల్‌కతా క్వాలిఫైర్-2 మ్యాచ్‌కు దూసుకెళ్లింది. టాస్ ఓడి తొలుత బ్యాటింగ్ చేసిన కోల్‌కతా నిర్ణీత 20 ఓవర్లలో 7 వికెట్ల నష్టానికి 169 పరుగులు చేసింది. తర్వాత బ్యాటింగ్ కు దిగిన రాజస్థాన్‌జట్టు ఆరంభంలో దూకుడుగా ఆడింది. కెప్టెన్ అజింక్యా రహనే 46, సంజూ శాంసన్ 50పరుగులతో రాణించారు. దీంతో ఓ దశలో రాజస్థాన్ గెలుపు ఖాయమని భావించారు. కానీ కోల్‌కతా బౌలర్లు సరైన సమయానికి వికెట్లు పడగొట్టడంతో .. రాజస్థాన్‌ కష్టాల్లో పడింది. 20 ఓవర్లలో 4 వికెట్ల నష్టానికి కేవలం 144 పరుగులను మాత్రమే చేసింది. కోల్‌కతా బౌలర్లలో చావ్లాకు-2, ప్రసిద్ధ్, కులదీప్ యాదవ్‌లకు చెరో వికెట్ దక్కింది. కాగా ఈ మ్యాచ్‌లో గెలుపుతో కోల్‌కతా ఈ నెల 25న పూణెలో జరగనున్న క్వాలిఫైర్-2 మ్యాచ్‌లో సన్‌రైజర్స్ హైదరాబాద్‌తో తలపడనుంది

16:19 - May 3, 2018

ఢిల్లీ : భూగోళంలో ఎన్నో వింతలు? విచిత్రాలు, అద్భుతాలు,ఆశ్చర్యాలు. ప్రకృతి వింతలను చూడటానికి రెండు కళ్లు చాలవు. ప్రకృతి ప్రళయాన్ని, ప్రకోపాన్ని ఊహించేందుకు మనిషి మేధస్సు చాలదు. ఒకచోట చల్లగా, మరోచోట వెచ్చగా, ఇంకోచోట సమతుల్యంగా, ఒక ప్రాంతోని భూమి సస్యశ్యామలంగా, మరోప్రాంతంలో క్షామంగా. ఒకచోట అందంగా..మరోచోట భయకరంగా ఇలా ప్రకృతిలో వింతలు, విచిత్రాలు. ఈ భూమిపై మనిషి ఊహకు..మేధస్సుకు అందనంత అగమ్యగోచరంగా...అయోమంగా వినిపిస్తుంటాయి. కనిపిస్తుంటాయి. ప్రకృతి మనిషికి ఎప్పుడు సవాల్ విసురుతునే వుంటుంది. దాన్ని ఛేదించేందుకు మనిషి యత్నిస్తునే వుంటాడు. ఈ క్రమంలో బహు మార్పులు చోటుచేసుకుంటుంటాయి. ఇప్పుడు మనకు అందిన సమచారం మేరకు ప్రస్తుతం భారతదేశంలో అదే జరుగుతోంది.

ఒకచోట ఎండలు..మరోచోట వానలు..
మొన్నటి వరకూ ఎండలు మనిషి మాడ్చి పడేశాయి. గచ్చుమీద ఆమ్లెట్ వేసుకుని తినేసేంతగా కాల్చుకుతినేశాయి. మండించేసాయి. ఒకే రోజు ఒకచోట వేడి గాలులు...ఇంకోచోట వడగళ్ల వర్షాలు...ఇంకోచోట ఇసుక తుపానులు.. ఎందుకిలా? ఏమిటా కారణం? అసలు వేసవిలో ఎండలెందుకు పెరుగుతాయో? రోజురోజుకీ మారుతున్న ఉష్ణోగ్రతల్లో తేడాలెందుకో? తెలుసుకుందామా?

ప్రాణి మనుగడకు మూడు కాలాలు..
మనకు కాలాలు మూడు అనే విషయం తెలిసిందే. వేసవికాలం, శీతాకాలం, వర్షాకాలం. ఈ మూడు కాలాలు ప్రాణి మనుగడకు దోహదపడుతుంటాయి. వేసవి ఎండలకు నీరు ఆవిరైపోతుంది. వర్షాకాలం అదే నీరు వర్షంగా మారి ప్రాణికోటికి అవసరమైన స్వచ్ఛమైన వాననీటిని అందిస్తుంది. ఆ వర్షమే ప్రాణికోటికి జీవాధారమవుతుంది. ఇక శీతాకాలం..చలి ఎక్కువగా వుంటంతో గాలిలోని తేమ మంచుగా మరిపోయి ఆయా కాలంలో వచ్చే పంటలకు ఉపయోగపడుతుంది. ఈ మూడు కాలాలు ప్రాణికోటి మనుగడు కారణాలుగా మారి కాపాడుతుంటాయి. కానీ అన్ని జంతువులలోకి తెలివిగల మనిషి మాత్రం తన వినాశనాన్ని తానే కొని తెచ్చుకుంటున్నాడు. మనిషి జీవితంలోపెను మార్పులకు కారణమైన అనేకనేక కారణాలు ప్రకృతి విపత్తులకు కారణమవుతున్నాయి. ప్లాస్టిక్ వాడకం, నీటి కాలుష్యం, పర్యావరణ కాలుష్యం, వాతావరణ కాలుష్యం ఇత్యాది కారణాలన్నీ ప్రకృతి సమతుల్యతను దెబ్బతీసి అకాల వాతావరణ కారకాలుగా మారి కాలాల గమనంలో పెను మార్పులకు తావిస్తున్నాయి. దీంతో ఎండకాలంలో వర్షాలు, శీతాకాంలో ఎండలు..వానాకాలంలో వర్షాలు లేక కరవు కాటకాలకు కారణభూతాలుగా మారిపోతున్నాయి.

వేసవికాలం దినచర్యల్లో మార్పులు..
వేసవికాలం వచ్చిందంటే చాలు మన దినచర్యల్లో పలు మార్పులు చోటుచేసుకుంటాయి. మధ్యహ్నాం చేసుకునే పనులు ఉదయాన్నో..లేదా సాయంత్రం చల్లబడిన తరువాతకో పనులను వాయిదా వేసుకుంటుంటాము. తినే ఆహారంలో మార్పులు చేర్పులు చేసేసుకుంటాం. స్కూల్స్ కు సెలవులిచ్చేస్తారు. వేసవి సెలవులు రాగానే చాలామంది చల్లటి ప్రదేశాలకు టూర్స్ వేసేసుకుంటారు. చల్ల చల్లటి వాటిని తినేందుకు ఆసక్తి చూపిస్తుంటాము. ప్రయత్నిస్తుంటాము. ఎందుకంటే ఇప్పటికే మీకు అర్ధం అయిపోయి వుంటుంది. ఈ కాలంలోనే వేడి ఎక్కువ ఎందుకని? భూమి తన చుట్టూ తాను తిరిగే అక్షం కొంచెం వంగడం వల్లే. అంటే భూమి సూర్యుడికేసి కొంచెం వంగుతుందన్నమాట. ఇప్పుడు వంగిన వైపు మన దేశం ఉంది కాబట్టి మనకు ఎండలు కాసే ఎండాకాలం వస్తుంది.

ఒక్కో ప్రాంతంలో ఒక్కోలా..
పల్లెటూళ్లలో చల్లగా ఉంటుంది. అదే నగరాల్లో ఎక్కువ వేడిగా వుంటుంది. ప్రాంతాల్ని బట్టి ఎండ వేడి వేరువేరుగా ఉంటుంది. నగరాల్లో భవనాలు, ఉపయోగించే యంత్రాలు బోలెడంత వేడిని పుట్టిస్తాయి. భవనాలు, ఎత్తయిన నిర్మాణాలు ఎక్కువగా వేడిని స్టాక్ చేసేస్తాయట. అందుకే మొక్కలు తక్కువగా, భవనాలు ఎక్కువగా ఉంటే వేడి ఎక్కువవుతుందన్నమాట. కొన్ని ప్రాంతాల్లో చెట్లు ఎక్కువగా ఉన్నా... స్థానిక పరిస్థితులు, భవనాలు, జీవనవిధానం వంటి కారణాల వల్ల కూడా వేడి ఎక్కువగా ఉంటుంది.

వేసవిలో వర్షాలేందుకొస్తాయి?!..
ఇటీవల ఏపీలో పలు ప్రాంతాల్లో వర్షాలు బాగా పడుతున్నాయి. వేసవిలో అసలీ వర్షాలు కురవడం ఏంటంటే....?ఎండ ఎక్కువగా ఉండటం వల్ల భూమి వేడెక్కుతుంది. దానికి దగ్గరగా ఉన్న గాలి మిగిలిన గాలి కన్నా ఎక్కువగా వేడెక్కుతుంది. ఇలా గాలి వేడిగా తయారుకావడంతో అది తేలికై వాతావరణంలో పైకి వెళుతుంది. ఇలా భూమి సమీపంలోని గాలి వాతావరణంలో పైపైకి వెళ్లిపోవడంతో గాలి తక్కువై పోతుందన్నమాట. పైకి వెళుతున్న గాలి వ్యాకోచం చెంది చల్లబడుతుంది. నీటి ఆవిరి... తేమతో కూడిన గాలి ఈ విధంగా చల్లబడటంతో ఒక దశలో అది ద్రవీభవన స్థాయిని చేరుకుంటుంది. అంటే గాలిలోని తేమ చల్లదనానికి నీటి బిందువులుగా మారిపోతాయన్నమాట.దీనివల్ల మేఘాలు ఏర్పడతాయి. ఈ మేఘాలు పెరుగుతూ ఓ దశలో వర్షంగా కురుస్తాయి. ఇలా వేసవిలో కురిసే వర్షాల్ని ‘సంవహన వర్షాలు’ అంటారు. భూమిపై అన్ని చోట్ల ఉండే వాతావరణ పరిస్థితుల ఫలితమేఈ వాతావరణ పరిస్థితుల్లో మార్పులు చోటుచేసుకుంటాయన్న మాట..ఈ ప్రక్రియలో స్థానికంగా క్షణక్షణం మారుతూ ఉంటుందన్నమాట.

14:56 - May 3, 2018

ప్రకృతికి అందరూ సమానమే. పేద, గొప్ప, చిన్నా, పెద్దా అనే తేడా వుండదు. సాంకేతికత మోజులో టెక్నాలజీ వెంట పరుగులిడే మనిషి మేధస్సు ఎంత గొప్పదైనా ప్రకృతికి తలవంచాల్సిందే. ఎంత పెద్ద పర్వతమైనా అద్దంముందు మరగుజ్జే అన్నట్లు..ఎంత పెద్ద రాజకీయ నాయకుడైనా..ఎంతపెద్ద హీరో అయినా..ఎంత భారీ రెమ్యూన్ తీసుకుంటున్నా...ఒక్కొక్కసారి సాధారణ ఇంకా చెప్పాలంటే అతి సాధారణ వ్యక్తుల్లా మిన్నకుండిపోవాల్సిందే. టెక్నాలజీని సృష్టించిన మానవుడు ప్రకృతిని అదుపులో వుంచేందుకు పలు ప్రయత్నాలు చేస్తునే వున్నాడు. కానీ అది మాత్రం సాధ్యం కావటంలేదు. ఎందుకంటే మనిషి మేధస్సు కంటే ప్రకృతి శక్తివంతమైనది. అది ఒక్కసారి విశ్వరూపం చూపిందంటే అన్నీ తుడిచిపెట్టుకుపోవాల్సిందే. ఇప్పుడు అదే జరిగింది. మండు వేసవిలో తెలుగు రాష్ట్రాలలో అకాల వర్షాలు అతలా కుతం చేసేస్తున్నాయి. మరోపక్క ఉత్తరప్రదేశ్ లో వడగళ్ల వాన బీభత్సానికి రాజస్థాన్ లో దాదాపు 50 మంది మృతి చెందారు. ఇక ఎడారి అంటేనే గుర్తుకొచ్చే రాష్ట్రం అయిన రాజస్థాన్ లో ఇసుక తుపాను బీభత్సాన్ని సృష్టించటమే కాక పదుల సంఖ్యలో ప్రాణాలను బలితీసుకుంది. ఈ నేపథ్యంలో బాలివుడ్ హీరోయిన్ అనుష్క శర్మ తుపానులో చిక్కుకున్న చిరునావలా అల్లాడిపోయింది.

ఇసుక తుపానులో అనుష్క శర్మ..
ప్రముఖ బాలీవుడ్ హీరోయిన్ అనుష్కశర్మ ఇసుక తూఫాన్ లో చిక్కుకు పోయింది. ఏం చేయాలో తోచక అల్లాడిపోయిందట. ఇసుక తుపాను అనుష్కకు చుక్కలు లేక్క పెట్టిందట. ఏం చేయాలో తోచని విపత్కర పరిస్థితిలో నరకం చూసానటోంది ప్రముఖ క్రికెట్ స్టార్ భార్య బాలివుడ్ హీరోయిన్ అనుష్క శర్మ. రాజస్థాన్‌‌లో జరుగుతన్న ఓ షూటింగ్ కు అటెండ్ అయిన అనుష్కకు ఎదురైన రియల్ స్టొరీ ఇది. అనుష్కశర్మ లేటెస్ట్ మూవీ ‘ఎన్‌హెచ్ 10’. నవదీప్‌సింగ్ డైరెక్షన్ చేస్తున్నాడు అన్న విషయం తెలిసిందే. ఈ మూవీని సెప్టెంబర్‌లో ప్రేక్షకుల ముందుకు తీసుకురావాలని నిర్మాత ప్లాన్ చేస్తున్నాడు. యాక్షన్ థ్రిల్లర్‌గా రానున్న ఈ చిత్రం షూటింగ్ రాజస్థాన్‌లోని ఎడారి ప్రాంతంలో జరుగుతోండగా ప్రమాదవశాత్తు హఠాత్తుగా ఇసుక తుపాన్ రావడంతో షూటింగ్‌కు అంతరాయం కలగటమే కాక అనుష్కకు భయమేంటే ఏమిటో రుచి చూపించిందట. అసలే ఎడారి... ఆపై ఎక్కడికి వెళ్లాలన్నా వెళ్లలేని పరిస్థితి. ఆ సమయంలో ఏం చెయ్యాలో తోచక దాదాపు అర్థగంటపాటు దుమ్ము ధూళిల మధ్య ఈ బ్యూటీ ఉక్కిరిబిక్కి అయ్యాను అంటూ ఆ విషయాన్ని తన ట్విటర్‌లోపెట్టింది. అయితే యూనిట్ సభ్యులతోపాటు అందరూ క్షేమంగా బయటపడ్డామని పోస్ట్ చేసింది. ఇసుక తుపాను వస్తే ఆ క్షణం ఎలా వుంటుందో కళ్లతో చూశానని అనుష్క ఆ సంఘటనలను తరిచి తరిచి గుర్తుకు చేసుకుని నిద్రలో కూడా ఉలిక్కి పడుతోంది అందాల అనుష్క శర్మ..

 

Pages

Don't Miss

Subscribe to RSS - రాజస్థాన్