రాజీనామా

18:58 - May 19, 2017

అమరావతి: ఏపీకి ప్రత్యేక హోదా అంశంపై వైసీపీ ఎంపీలు రాజీనామాలకు సిద్ధపడతారా? పార్టీ అధినేత గతంలో చెప్పినట్టుగా రాజీనామాస్త్రం ప్రయోగిస్తారా? తాజాగా జరుగుతున్న పరిణామాలతో వైసీపీ ఎంపీలు.. రాజీనామాపై వెనక్కి తగ్గే ఆలోచనలో ఉన్నట్లు తెలుస్తోంది. మరి జగన్‌ యూ టర్న్ తీసుకోవడానికి కారణాలు ఏంటనే అంశంపై ఆసక్తికరమైన చర్చలు జరుగుతున్నాయి.

ఆసక్తికరంగా మారిన రాజీనామా అస్త్రం

నవ్యాంధ్ర ప్రత్యేక హోదాపై మొదటి నుంచి పోరాటం చేస్తున్న వైసీపీ ఎంపీలు.. రాజీనామా అంశంపై ఎటువైపు ప్రయాణం చేస్తున్నారు? ఇప్పుడు ఈ విషయం ఆసక్తికరంగా మారింది. హోదాపై కేంద్రప్రభుత్వం చేతులు ఎత్తేయడంతో.. వైసీపీ ఆందోళనలు, ధర్నాలు చేపట్టింది. అంతిమ అస్త్రంగా రాజీనామాస్త్రాలు ప్రయోగించేందుకు సిద్ధమయ్యింది.

రాజీనామాల కోసం ఎంపీలను ప్రిపేర్‌ చేసిన జగన్‌

వచ్చే పార్లమెంట్ సమావేశాల తర్వాత రాజీనామా చేసేందుకు రెడీ కావాలని.. ఎంపీలను జగన్‌ ప్రిపేర్ చేయడం కూడా జరిగింది. అయితే తాజాగా జరుగుతున్న పరిణామాలు వైసీపీ వ్యూహాలను మార్చినట్టుగా తెలుస్తోంది. అంతిమ అస్త్రంగా ఎంపీలతో రాజీనామాల అస్త్రం ప్రయోగించాలి అనుకున్న జగన్.. ఈ అంశంపై పూర్తిగా వెనక్కి తగ్గారు. హోదాపై తమ ఎంపీలు రాజీనామా చేస్తే పార్లమెంట్‌లో పోరాడేది ఎవరు అని జగన్ అంటున్నారు.

ప్రధాని మోదీని కలిసిన జగన్

గతంలో అరు నూరయినా ఎంపీలతో రాజీనామా చేయించి.. కేంద్రప్రభుత్వంపై పోరాడతామన్న జగన్‌ తాజాగా ఈ నిర్ణయం తీసుకోవడం వెనక కొత్త ఎత్తుగడ ఉన్నట్లు తెలుస్తోంది. ఇటీవల జగన్‌ ప్రధాని మోదీని కలిసిన తరువాత ఇద్దరి మధ్య.. రాజీనామాల అంశం కూడా చర్చకు వచ్చినట్టు తెలుస్తోంది. హోదాపై కేంద్రానికి ఉన్న అభ్యంతరాలు జగన్‌కు ప్రధాని వివరించారు. జగన్‌కు సంబంధించిన ఇతర వ్యక్తిగత అంశాలపై ఏనాడు లేని విధంగా పీఎం ప్రాధాన్యత ఇవ్వడంతో.. జగన్ వైఖరిలో మార్పు వచ్చినట్టుగా విశ్లేషకులు భావిస్తున్నారు. మొత్తం మీద రాజీనామాల పై రూట్ మార్చిన జగన్‌ వ్యూహం.. ఏ విధంగా మలుపు తిరుగుతోందనే అంశం ఆసక్తికరంగా మారింది. 

13:29 - May 19, 2017

గుంటూరు : నవ్యాంధ్ర ప్రత్యేక హోదాపై మొదటి నుంచి పోరాటం చేస్తున్న వైసీపీ ఎంపీలు.. రాజీనామా అంశంపై ఎటువైపు ప్రయాణం చేస్తున్నారు? ఇప్పుడు ఈ విషయం ఆసక్తికరంగా మారింది. హోదాపై కేంద్రప్రభుత్వం చేతులు ఎత్తేయడంతో.. వైసీపీ ఆందోళనలు, ధర్నాలు చేపట్టింది. అంతిమ అస్త్రంగా రాజీనామాస్త్రాలు ప్రయోగించేందుకు సిద్ధమయ్యింది.

వచ్చే పార్లమెంట్ సమావేశాల తర్వాత రాజీనామా చేసేందుకు రెడీ కావాలని.. ఎంపీలను జగన్‌ ప్రిపేర్ చేయడం కూడా జరిగింది. అయితే తాజాగా జరుగుతున్న పరిణామాలు వైసీపీ వ్యూహాలను మార్చినట్టుగా తెలుస్తోంది. అంతిమ అస్త్రంగా ఎంపీలతో రాజీనామాల అస్త్రం ప్రయోగించాలి అనుకున్న జగన్.. ఈ అంశంపై పూర్తిగా వెనక్కి తగ్గారు. హోదాపై తమ ఎంపీలు రాజీనామా చేస్తే పార్లమెంట్‌లో పోరాడేది ఎవరు అని జగన్ అంటున్నారు.

జగన్ కొత్త ఎత్తుగడ....
గతంలో అరు నూరయినా ఎంపీలతో రాజీనామా చేయించి.. కేంద్రప్రభుత్వంపై పోరాడతామన్న జగన్‌ తాజాగా ఈ నిర్ణయం తీసుకోవడం వెనక కొత్త ఎత్తుగడ ఉన్నట్లు తెలుస్తోంది. ఇటీవల జగన్‌ ప్రధాని మోదీని కలిసిన తరువాత ఇద్దరి మధ్య.. రాజీనామాల అంశం కూడా చర్చకు వచ్చినట్టు తెలుస్తోంది. హోదాపై కేంద్రానికి ఉన్న అభ్యంతరాలు జగన్‌కు ప్రధాని వివరించారు. జగన్‌కు సంబంధించిన ఇతర వ్యక్తిగత అంశాలపై ఏనాడు లేని విధంగా పీఎం ప్రాధాన్యత ఇవ్వడంతో.. జగన్ వైఖరిలో మార్పు వచ్చినట్టుగా విశ్లేషకులు భావిస్తున్నారు. మొత్తం మీద రాజీనామాల పై రూట్ మార్చిన జగన్‌ వ్యూహం.. ఏ విధంగా మలుపు తిరుగుతోందనే అంశం ఆసక్తికరంగా మారింది.

 

 

17:06 - May 8, 2017

హైదరాబాద్ : ఈ రోజు కోఠి ప్రభుత్వ ఆసుపత్రిని మహిళ కాంగ్రెస్ నేతలు సందర్శించారు. ప్రభుత్వ ఆస్పత్రుల్లో జరుగుతున్న బాలింతల మరణాలపై తెలంగాణ కాంగ్రెస్ మహిళా నేతలు భగ్గుమన్నారు. కేవలం ప్రభుత్వ నిర్లక్ష్యం వల్లే ఈ మరణాలు సంభవిస్తున్నాయని ఆగ్రహం వ్యక్తం చేశారు. దీనికి బాధ్యత వహిస్తూ లక్ష్మారెడ్డి వెంటగనే రాజీనామా చేయాలని డికే అరుణ డిమాండ్ చేశారు. పూర్తి వివరాలకు వీడియో చూడండి.  

20:53 - April 15, 2017

గోవా : కేంద్ర రక్షణ శాఖ మంత్రి పదవిలో ఒత్తిడి కారణంగానే మంత్రి పదవికి రాజీనామా చేసినట్లు గోవా ముఖ్యమంత్రి మనోహర్‌ పారీకర్‌ పేర్కొన్నారు. శుక్రవారం డాక్టర్ బీఆర్ అంబేద్కర్ 126వ జయంతి సందర్భంగా హాజరైన ఓ కార్యక్రమంలో పారికర్ ఈ విషయాన్ని వెల్లడించినట్లు పిటిఐ కథనం. ఢిల్లీలో ఉన్నపుడు కశ్మీర్‌ సహా పలు కీలక అంశాలపై ఎక్కువగా దృష్టి సారించాల్సి ఉండడం వల్ల తనపై ఒత్తిడి ఉండేదని పారీకర్‌ పేర్కొన్నారు.  గోవాకు సిఎంగా అవకాశం రావడంతో వెంటనే అంగీకరించడానికి అదొక కారణమని పారీకర్‌ చెప్పారు. ఒత్తిడి కారణంగా రక్షణశాఖ మంత్రి పదవికి రాజీనామా చేశారన్న పిటిఐ కథనాన్ని బీజేపీ మీడియా సెల్‌ ఓ ప్రకటనలో ఖండించింది. రక్షణ మంత్రిగా పారీకర్‌ విజయవంతంగా బాధ్యతలు నిర్వహించారని కితాబిచ్చింది.

19:17 - April 2, 2017

గుంటూరు : టీడీపీ ప్రధాన కార్యదర్శి పదవికి గోరంట్ల బుచ్చయ్య చౌదరి రాజీనామా చేశారు. రాజీనామా లేఖను చంద్రబాబుకు పంపారు. 30 ఏళ్లుగా పార్టీకి సేవచేస్తునా.. టీడీపీలో నేను సీనియర్ నాయకుడినని బుచ్చయ్య తెలిపారు. ప్రజాధరణ లేని నేతలను మంత్రివర్గంలోకి తీసుకోవడం విడ్డూరమన్నారు. 

 

12:31 - April 2, 2017

ఏలూరు : ఏపీ మంత్రివర్గ పునర్ వ్యవస్థీకరణలో మంత్రి పదవులు రాకపోవడం పట్ల పలువురు టిడిపి నేతలు తీవ్ర ఆగ్రహం వ్యక్తం చేస్తున్నారు. తమ అసంతృప్తిని వెళ్లగక్కుతున్నారు. రాజీనామా అస్త్రాలను ప్రయోగిస్తున్నారు. వీరిని బుజ్జగించేందుకు టిడిపి అధిష్టానం రంగంలోకి దిగింది. ఇప్పటికే బొజ్జ గోపాల కృష్ణారెడ్డి రాజీనామా చేసిన సంగతి తెలిసిందే. బోండా ఉమ కూడా రాజీనామా చేయాలని నిర్ణయానికి వచ్చారని తెలుస్తోంది. తాజాగా దెందులూరు ఎమ్మెల్యే చింతమనేని ప్రభాకర్ కూడా రాజీనామా చేయాలని నిర్ణయం తీసుకున్నారు. ఏలూరులో పార్టీ కార్యకర్తలు, ముఖ్య నేతలతో ఆయన మాట్లాడారు. కార్యకర్తలనుద్ధేశించి ఆయన ప్రసంగించారు. తనను గెలిపించడానికి కార్యకర్తలు చాలా డబ్బు ఖర్చు పెట్టారని, ఎవరూ ఆవేశపడవద్దని సూచించారు. తాను రాజీనామా చేయనున్నట్లు ప్రకటించారు. కానీ కార్యకర్తలు రాజీనామా చేయవద్దని సూచించారు. ఇతర పార్టీల్లోకి వెళ్లి కార్యకర్తలకు అన్యాయం చేయనని స్పష్టం చేశారు. రాజీనామా లేఖను స్వయంగా సీఎం చంద్రబాబు నాయుడికి ఇవ్వనున్నట్లు తెలిపారు.

12:27 - April 2, 2017

విజయవాడ : ఏపీ మంత్రివర్గ పునర్ వ్యవస్థీకరణలో భాగంగా మంత్రి పదవి రాకపోవడం పట్ల బోండా ఉమ తీవ్ర మనస్థాపానికి గురయ్యారు. రాజీనామా చేయాలని యోచిస్తున్నట్లు తెలుస్తోంది. ఏపీ మంత్రివర్గ పునర్ వ్యవస్థీకరణ చేసిన సంగతి తెలిసిందే. పలువురు పదవులు కోల్పోయారు. మంత్రి పదవి వస్తుందని ఆశించిన నేతల ఆశలు నెరవేరలేదు. మంత్రి పదవి వస్తుందని బోండా ఉమ ఆశించారు. కానీ పదవి దక్కకపోవడంతో ఆయన నిరుత్సాహానికి గురయ్యారు. రాజీనామా చేసి కార్యకర్తగా కొనసాగుతానని బోండా అనుచరులతో వ్యాఖ్యానించినట్లు తెలుస్తోంది. ఆయనతో పాటు సెంట్రల్ నియోజకవర్గ 17 మంది కార్పొరేటర్లు రాజీనామా చేయాలని నిర్ణయించుకున్నారు. విషయం తెలుసుకున్న ఎంపీ కేశినేని నాని రంగంలోకి దిగారు. బోండాను బుజ్జగించేందుకు ప్రయత్నిస్తున్నారు. వెంటనే బోండా ఉమతో సీఎం చంద్రబాబు నాయుడు ఫోన్ లో మాట్లాడారు. కష్టపడిన వారికి భవిష్యత్ ఉంటుందని ఉమకు బాబు భరోసా ఇచ్చారు. వెంటనే తన నివాసానికి బోండాను తీసుకరావాలని ఎంపీ నానికి బాబు సూచించారు. దీనితో బోండాను వెంటపెట్టుకుని సీఎం నివాసానికి బయలుదేరారు. మరి బాబు బుజ్జగింపుతో బోండా సైలెంట్ అవుతారా ? లేదా ? అనేది చూడాలి.

17:00 - March 30, 2017

గుంటూరు : పదో తరగతి పరీక్ష పేపర్‌ లీకేజ్‌ కాలేదని..అది కేవలం మాల్‌ ప్రాక్టీస్‌ అని మంత్రి గంటా శ్రీనివాసరావు అన్నారు. ఒక వేళ అది పేపర్‌ లీక్‌ అయితే..నేనే రాజీనామా చేస్తానని ప్రకటించారు. కాగా మాల్‌ ప్రాక్టీస్‌కి సంబంధించి అంశంపై తగిన చర్యలు తీసుకున్నామని ఆయన చెప్పారు. పరీక్షా తర్వాత పేపర్‌ వాట్సాప్‌ ద్వారా బయటకు వచ్చిందన్నారు.

 

20:12 - March 22, 2017

గోషా మహల్ ఎమ్మెల్యే రాజసింగు సారు యాదికున్నడా..? మర్శిపోయే క్యారెక్టరేనా సారుదిగని.. సారుకు నిన్నియాళ్ల ఓట్లేశిన జనం మీద ఏమన్న ప్రేమ వుట్టుకొచ్చిందా..? ఎన్కగన్ మెన్లు లేకపోతె.. జనం కాళ్లు గడ్కి నెత్తిల సల్లుకోని ఆయన ఆఫీసు మీద గూడ సల్లుకునెతట్టుండి.. రెండున్నరేండ్ల సంది లేని ప్రేమ సడన్గ వుట్టుకొచ్చెవర్కళ్ల జనం గోషామహల్ జనం ఆనంద బాష్పాలు గారిస్తె పెద్ద మడుగే తయ్యారైందట.. ఆ కథేందో వీడియోలో సూడుండ్రి..

11:25 - March 21, 2017

హైదరాబాద్ : గోషామహల్‌ అసెంబ్లీ నియోజకవర్గం బీజేపి ఎమ్మెల్యే టి రాజాసింగ్‌లోథ్‌ తన ఎమ్మెల్యే పదవికి రాజీనామా చేస్తున్నట్లు ప్రకటించారు. అయితే ఆయన రాజీనామా లేఖను శాసనసభ స్పీకర్‌కు పంపకుండా సీఎం కేసీఆర్‌కు పంపించారు. గుడుంబా తయారీ నివారణలో భాగంగా ధూల్‌పేటలోలోని 3వేల కుటుంబాలకు పునరావాస పథకాన్ని సక్రమంగా అమలు చేయనందుకు మనస్థాపంతో ఎమ్మెల్యే పదవికి రాజీనామా చేస్తున్నట్లు ఆయన రాజీనామా లేఖలో పేర్కొన్నారు. ధూల్‌పేట నివాసి భీంసింగ్‌ పోలీసుల కస్టడిలో మరణించిన సంగతి తెలిసింది. దీనిపై ఆదివారంనాడు ఆ ప్రాంతంలో తీవ్ర ఉద్రిక్తత ఏర్పడి పోలీసులు లాఠీచార్జ్‌ చేసే వరకు పరిస్థితులు దారితీశాయి. ఈ నేపథ్యంలో ధూల్‌పేట పునరావాస ప్యాకేజీ అమలును ప్రశ్నిస్తూ రాజాసింగ్‌ రాజీనామా అస్ర్త్రాన్ని ప్రయోగించారు. ఎక్సైజ్‌శాఖ అసిస్టెంట్‌ పోలీస్‌ కమిషనర్‌ అంజిరెడ్డి స్థానిక ప్రజల్ని తీవ్రంగా వేధిస్తున్నారని సీఎం కేసీఆర్‌కు రాసిన రాజీనామాల లేఖలో పేర్కొన్నారు. 

 

Pages

Don't Miss

Subscribe to RSS - రాజీనామా