రాజీనామా

17:36 - October 4, 2017

హైదరాబాద్ : సింగరేణి ఎన్నికలకు ఒకరోజు ముందు మంత్రి తుమ్మలకు శిష్యుడు షాక్ ఇచ్చాడు. ట్రైకార్‌ చైర్మన్‌ పదవికి రాజీనామా చేస్తున్నట్టు అశ్వారావుపేట ఎమ్మెల్యే తాటి వెంకటేశ్వర్లు ప్రకటించారు. కొద్దిసేపటి క్రితం ఎంపీ పొంగులేటి శ్రీనివాసరెడ్డితో భేటీ అయిన ఎమ్మెల్యే తాటి వెంకటేశ్వర్లు తాను ట్రైకార్‌ చైర్మన్‌ పదవి నుంచి తప్పుకుంటున్నట్టు ప్రకటించారు. మంత్రి తుమ్మల నాగేశ్వరరావుతో ఉన్న విభేదాల కారణంగా ఆయన పదవికి రాజీనామా చేస్తున్నట్టు ప్రచారం జరుగుతోంది. ఈ రాజీనామాతో.. రేపు ఎన్నికల్లో అధికార పార్టీపై ప్రభావం పడే అవకాశాలున్నాయి. మరిన్ని వివరాలను వీడియోలో చూద్దాం...

18:44 - October 3, 2017

అనంతపురం : రాజీనామా చేసేందుకు కూడా ధైర్యముండాలని అనంతపురం ఎంపీ జేసీ దివాకర్‌రెడ్డి అన్నారు. ఎవరు పడితే వాళ్లు రాజీనామా చేస్తామంటూ బెదిరిస్తున్నారని.. ఇది ఊతపదంగా మారిందన్నారు. తాను మాత్రం అనంతపురం అభివృద్ధి కోసమే రాజీనామా చేస్తానన్నారు. అనంతపురం నగరంలో రోడ్ల విస్తరణ జరిగి తీరుతుందన్నారు. నియోజకవర్గంలోని అన్ని ప్రాంతాలకు నీరు అందిస్తానని చెప్పారు.

13:38 - September 29, 2017

అనంతపురం : ప్రజల తాగునీటి కష్టాలను తీర్చేందుకు సీఎం చంద్రబాబు చర్యలు తీసుకుంటున్నారని టీడీపీ ఎంపీ జేసీ దివాకర్ రెడ్డి అన్నారు. తాడిపత్రి ప్రజల కష్టలు చూడలేకే రాజీనామా చేస్తానని చెప్ప అని, కానీ సీఎం సమస్య తీర్చుడన్న ఆశాభవం ఉందని ఆయన అన్నారు. అందుకోసమే తన రాజీనామా చేయడం లేదని తెలిపారు.

15:17 - September 21, 2017

అనంతపురం : ఎంపీ పదవికి రాజీనామా చేస్తానని అనంతపురం టీడీపీ ఎంపీ జేసీ దివాకర్ రెడ్డి ప్రకటించారు. ఎంపీగా అనంతపురంలో లోక్ సభ నియోజకవర్గ ప్రజలకు ఏమీ చేయలేకపోయా, జిల్లాకు సాగునీరు అందించడంలో విఫలమయ్యా అని జేసీ అన్నారు. అనంతపురంలో రోడ్లు వస్తరించలేకపోయా, ప్రజలకు ఏమీ చేయలేకపోయినప్పుడు పదవిలో ఉండలేనని ఆయన ప్రకటించారు. తనకు తెలుగుదేశం అధినాయకత్వం నుంచి ఎలాంటి సహకారం అందడంలేదని, ఎంపీ పదవికి రాజీనామా చేసినా టీడీపీలోనే ఉంటానని జేసీ తెలిపారు. పూర్తి వివరాలకు వీడియో చూడండి.

13:54 - September 10, 2017

కరీంనగర్‌ : జిల్లాలో టీఆర్ఎస్ నేతల విభేదాలు భగ్గుమన్నాయి. ఎమ్మెల్యే గంగుల కమలాకర్ వైఖరిని నిరసిస్తూ 30వ డివిజన్ కార్పొరేటర్ జయశ్రీ.. పార్టీకి, కార్పొరేటర్ పదవికి రాజీనామా చేశారు. తన రాజీనామా సీఎం కార్యాలయం, మంత్రి ఈటల, ఎంపీ వినోద్‌కు పంపించినట్లు జయశ్రీ తెలిపారు. తనపై ఓడిన అభ్యర్థికి కమలాకర్‌ ప్రాధాన్యత ఇస్తూ... వార్డు అభివృద్ధిని అడ్డుకుంటున్నారని ఆరోపించారు. బలహీనవర్గానికి చెందిన తనపై కక్షసాధింపు చర్యలకు పాల్పడుతున్నారన్నారు. ఓవైపు ప్రభుత్వం కరీంనగర్‌ కార్పొరేషన్‌ అభివృద్ధికి 100 కోట్లు కేటాయించగా... పనుల్లో అధికార పార్టీ నేతల జోక్యం ఎక్కువ కావడంతో... ఇన్నాళ్లు నివురుగప్పిన నిప్పులా ఉన్న విభేదాలు గుప్పుమన్నాయి. 

 

06:29 - September 1, 2017

ఢిల్లీ : కేంద్ర మంత్రివర్గ విస్తరణకు రంగం సిద్ధం అవుతోంది. బ్రిక్స్‌ దేశాల సదస్సుకోసం ఆదివారం ప్రధాని మోదీ చైనా వెళ్లనున్నారు. ఈలోపుగానే మత్రి వర్గ విస్తరణ జరగవచ్చన ప్రచారం జరుగుతోంది.. శనివారం సాయంత్రానికల్లా కొత్త మంత్రుల ప్రమాణస్వీకారం ఉండొచ్చని తెలుస్తోంది. పలు కారణాలతో కేబినెట్‌లో ఏర్పడిన ఖాళీలను భర్తీ చేయడంతోపాటు ఎన్డీయేలో కొత్తగాచేరిన మిత్రపక్షాలకు అవకాశం కల్పించనున్నట్టు తెలుస్తోంది.ముఖ్యంగా జేడీయూ, అన్నాడీఎంకే నుంచి కొందరికి మంత్రివర్గంలో చోటు లభించే అవకాశం ఉన్నట్టు సమాచారం. మరోవైపు ఇప్పటికే కేంద్ర స్కిల్‌ డెవలప్‌మెంట్‌ సహాయ మంత్రి రాజీవ్‌ప్రతాప్‌రూడీ, జలవనరులశాఖా మంత్రి ఉమాభారతి తమ రాజీనామాలను సమర్పించారు. దీంతో కేంద్ర మంత్రివర్గ విస్తరణకు రంగం సిద్ధం అయిందని ఢిల్లీలో ప్రచారం జోరందుకుంది. ప్రధాని సూచనలతో మంత్రులు సంజీవ్‌బల్యాన్‌, కల్‌రాజ్‌మిశ్రా, ఫగ్గన్‌సింగ్‌కులస్థే, మంహేద్రపాండే కూడా రాజీనామాలకు సిద్దపడినట్టు తెలుస్తోంది. 2019 ఎన్నికలే టార్గెట్‌గా మిత్రపక్షాలకు అవకాశం కల్పించడంతోపాటు బీజేపీ నేతలకు పార్టీ పనులు అప్పగించాలని మోదీ-అమిత్‌షా భావిస్తున్నట్టు సమాచరం. దీన్లో భాగంగానే ప్రస్తుతం కేంద్ర మంత్రివర్గ విస్తరణ చేపడుతున్నట్టు ప్రచారం జరుగుతోంది. 

11:08 - August 18, 2017

బెంగళూరు : దేశీయ దిగ్గజ ఐటీ సంస్థ ఇన్ఫోసిస్‌ సీఈవో, ఎండీ విశాల్‌ సిక్కా తన పదవికి రాజీనామా చేశారు. సీఈవోగా తప్పుకున్న సిక్కాను కంపెనీ ఎగ్జిక్యూటివ్‌ వైస్‌ ఛైర్మన్‌గా నియమించినట్లు సంస్థ శుక్రవారం ప్రకటించింది. తాత్కాలిక ఎండీ, సీఈవోగా యూబీ ప్రవీణ్‌ రావ్‌ను నియమించినట్లు కంపెనీ ఓ ప్రకటనలో తెలిపింది. త్వరలోనే కొత్త ఎండీ, సీఈవోను బోర్డు ఎన్నిక చేస్తుందని చెప్పారు. 2014 జూన్‌ 12న సిక్కా ఇన్ఫోసిస్‌ సీఈవో, ఎండీగా బాధ్యతలు చేపట్టారు. అభిప్రాయబేధాల కారణంగానే తాను రాజీనామా చేస్తున్నట్లు కంపెనీకి రాసిన లేఖలో సిక్కా తెలిపినట్లు సమాచారం. కాగా.. చరిత్రలోనే తొలిసారిగా ఇన్ఫోసిస్‌ షేర్ల తిరిగి కొనుగోలుకు సమాయత్తమవుతున్న నేపథ్యంలో సిక్కా రాజీనామా చేయడం చర్చనీయాంశంగా మారింది. 

07:45 - August 18, 2017

హైదరాబాద్ : రాబోయే సాధారణ ఎన్నికలకు ఇప్పటి నుంచి ప్రణాళికలను రచిస్తున్న కమలనాథులు తెలంగాణాలో గులాబి పార్టీని టార్గెట్ చేసినట్లు తెలుస్తోంది. ఆరుగురు టిఆర్ఎస్‌ ఎంపీలను తమ వైపు తిప్పుకునేందుకు బిజెపి రంగం సిద్ధం చేసినట్లు జోరుగా ప్రచారం జరుగుతోంది. పార్టీలో అసంతృప్తితో రగిలిపోతున్న ఎంపీలను కమల దళంలో చేర్చుకుంటే తెలంగాణాలో కూడా పట్టు చిక్కినట్లువుతుందని బిజెపి అగ్రనేతలు భావిస్తున్నారట.

తెలంగాణపై ఫోకస్‌
బీజేపీ జాతీయ అధ్యక్షుడు అమిత్‌ షా తెలంగాణపై ఫోకస్‌ చేశారన్న అంశంపై కమలం పార్టీలో చర్చ జరుగుతోంది. తెలంగాణలో కారుపార్టీ జోరుకు బ్రేకులు వేసే దిశగా పావులు కదుపుతున్నారు. దీనికి అమిత్ షా ఇప్పటికే తెర‌వెన‌క మంత్రాంగం న‌డిపిస్తున్నారన్న టాక్‌ వినిపిస్తోంది. ఆపరేషన్‌ ఆకర్ష్‌తో గులాబీ ఎంపీలను లాగేందుకు స్కెచ్‌ వేసినట్లు తెలుస్తోంది. అర‌డ‌జ‌ను ఎంపీలతో అమిత్ షా ట‌చ్‌లో ఉన్నారట. టిఆర్ఎస్ గూటికి చేరిన వ‌ల‌స ఎంపీలు ముందువరుసలో ఉన్నార‌ని తెలుస్తోంది. అసంతృ ఎంపీలు బీజేపీ అధ్యక్షుడితో మంత‌నాలు జరిపిన‌ట్లు ప్రచారం జ‌ర‌గుతోంది.

ఆరుగురు టిఆర్ఎస్ ఎంపీలు
ఇప్పటివరకు ఆరుగురు టిఆర్ఎస్ ఎంపీలు అమిత్ వ‌ల‌లో ఉన్నట్లు కమలం పార్టీలో చర్చ సాగుతోంది. అంతా అనుకూలంగా జరిగి అమిత్‌ షా మంత్రాగం ఫలిస్తే.. త్వరలోనే ఆరుగురు ఎంపీలు క‌మ‌లం గూటికి చేరడం ఖాయమని తెలుస్తోంది. అమిత్ షా పక్కా ప్లాన్‌తో రాష్ట్రానికి వ‌స్తున్నారని సమాచారం. కమలం గూటికి చేరేది ఎవరా ఆరుగురు ఎంపీలు అన్న అంశం గులాబి పార్టీలో గుబులు పుట్టిస్తోంది. రాజ్యసభ సభ్యుడిగా ఉన్న డిఎస్ కుమారుడు కేంద్ర ప్రభుత్వానికి మద్దతుగా ప్రకటనలు ఇవ్వడం చర్చనీయాంశంగా మారింది. ముఖ్యమంత్రి కెసిఆర్ కూడా ఎంపీల వలసల ప్రచారంపై ఆరా తీస్తున్నట్లు సమాచారం.

19:34 - August 3, 2017

కర్నూలు : నంద్యాల సభా వేదికగా టీడీపీ ఎమ్మెల్సీ పదవికి శిల్పా చక్రపాణిరెడ్డి రాజీనామా చేశారు. స్పీకర్‌ ఫార్మాట్‌లో రాజీనామా చేస్తున్నట్లు ఆయన ప్రకటించారు. నంద్యాలలో ఏర్పాటు చేసిన వైసీపీ సభలో జగన్ కు రాజీనామా పత్రాన్ని సమర్పించారు. పార్టీ ఫిరాయించిన 21 మంది ఎమ్మెల్యేలు రాజీనామా చేయకుండా గ్రామాల్లో తిరగనీయకూడదని ప్రజలకు పిలుపునిచ్చారు.

 

15:08 - August 3, 2017

కర్నూలు : వైసీపీలో చేరే ముందు చక్రపాణిరెడ్డి ఎమ్మెల్సీ పదవికి రాజీనామా చేసి ఉండాల్సిందని శ్రీశైలం ఎమ్మెల్యే బుడ్డా రాజశేఖర్‌రెడ్డి అన్నారు. ఈమేరకు ఆయన టెన్ టివితో ప్రత్యేకంగా మాట్లాడారు. జగన్‌కు చిత్తశుద్ధి ఉంటే చక్రపాణిరెడ్డితో రాజీనామా చేయించాలని చెప్పారు. టీడీపీలో గుర్తింపు, గౌరవం లేకపోవడంతోనే వైసీపీలో చేరుతున్నట్టు ఎమ్మెల్సీ శిల్పా చక్రపాణిరెడ్డి ఆరోపించడాన్ని రాజశేఖర్‌రెడ్డి తప్పుపట్టారు. చక్రపాణిరెడ్డికి టీడీపీ అధిష్టానం మంచి గుర్తింపు ఇచ్చిందని చెబుతున్నారు. చక్రపాణిరెడ్డిని టీడీపీ అధినాయకత్వం బాగా గౌరవించిందన్నారు. టీడీపీ నాయకత్వం అగౌరవపరిచిందని చక్రపాణిరెడ్డి చెప్పడం తగదని హితవు పలికారు. 

 

Pages

Don't Miss

Subscribe to RSS - రాజీనామా