రాజీనామా

21:03 - December 8, 2017

ముంబై : ప్రధాని నరేంద్ర మోదీకి మహారాష్ట్రకు చెందిన బీజేపీ ఎంపీ షాకిచ్చారు. గోండియా పార్లమెంట్ నియోజకవర్గానికి చెందిన నానా పటోల్ తన లోక్‌సభ సభ్యత్వానికి రాజీనామా చేశారు. ప్రధాని మోదీ నిర్ణయాల వల్లే తాను ఈ నిర్ణయం తీసుకున్నట్లు లోక్‌సభ స్పీకర్ సుమిత్రా మహాజన్‌కు పంపిన రాజీనామా  లేఖలో తెలిపారు. రైతుల సమస్యలను పరిష్కరించడంలో ప్రభుత్వం విఫలమైందన్నారు. నోట్ల రద్దు, జీఎస్టీ కూడా తన రాజీనామా నిర్ణయానికి కారణమని నానా పటోల్‌ పేర్కొన్నారు. నానా బీజేపీ పార్టీలో రెబల్‌గా మారారు. గతంలో పటోల్ కాంగ్రెస్ పార్టీలోనూ పనిచేశారు. 2014 లోక్‌సభ ఎన్నికలకు ముందు ఆయన బీజేపీలో చేరారు. ఎన్‌సీపీ నేత ప్రఫుల్ పటేల్‌ను నానా పటోల్ ఓడించారు.

20:11 - December 3, 2017

ఆంధ్రప్రదేశ్ సీఎం చంద్రబాబు నాయుడుకు ఉన్న మిత్రుల్లో చిత్తూరు టిడిపి ఎంపీ శివప్రసాద్ ఒకరు. దళితుల అంశంపై బాబుపై విమర్శలు గుప్పించారని గతంలో ఆయనపై పలు ఆరోపణలు వచ్చిన సంగతి తెలిసిందే. అనంతరం జరిగిన పరిణామాల నేపథ్యంలో ఆయన పార్టీకి రాజీనామా చేశారు. అనంతరం ఏ పార్టీలో చేరుతారనేది సస్పెన్స్ గా నిలిచింది. కానీ ఇప్పటికే వైసీపీ పార్టీ ముఖ్య నేతలతో శివప్రసాద్ పార్టీ మారడంపై చర్చలు జరిపినట్లు వార్తలు వినిపిస్తున్నాయి. ఒకవేళ పార్టీ మారినా చిత్తూరు నుంచే శివప్రసాద్‌కు అవకాశం కల్పించే విధంగా చర్చలు జరిగినట్లు తెలుస్తోంది. ఈ నేపథ్యంలో ప్రస్తుతం జరుగుతున్న రాజకీయ పరిణామాలపై తెలుసుకొనేందుకు శివప్రసాద్ తో టెన్ టివి చర్చించింది. పూర్తి వివరాలకు వీడియో క్లిక్ చేయండి. 

12:50 - November 22, 2017

గుంటూరు : ఏపీ అసెంబ్లీ లాబీలో గన్నవరం ఎమ్మెల్యే వల్లభనేని వంశీ రాజీనామా కలకలం రేపింది. డెల్టా సుగర్స్ విషయంలో సీఎంవో తన పట్ల అమర్యాదగా ప్రవర్తించిందని వంశీ మనస్తాపానికి గురయ్యారు. సీఎంవోలో వంశీ కన్నీటి పర్యంతమయ్యారు. ఒక ప్రజా ప్రతినిధికి విలువ లేనప్పుడు ఎమ్మెల్యే పదవి ఎందుకని ఆవేదన వ్యక్తం చేశారు. వంశీ తన రాజీనామా లేఖను స్పీకర్ కు ఇవ్వడానికి సిద్ధమయ్యారు. ఇంతలో వంశీ రాసిన రాజీనామా లేఖను బోడే ప్రసాద్ తీసుకుని చించి వేశారు. వంశీకి సర్ది చెప్పేందుకు మంత్రి నారా లోకేష్ కళా వెంకట్రావును పంపారు. మరిన్ని వివరాలను వీడియోలో చూద్దాం...

 

08:57 - November 22, 2017

హరారే : జింబాబ్వే అధ్యక్ష పదవికి రాబర్ట్‌ ముగాబే రాజీనామా చేశారు. సుదీర్ఘ కాలం పాటు అధ్యక్షుడిగా సేవలందించిన ముగాబే రాజీనామా చేసినట్లు.. అధికారికంగా ప్రకటించారు. ముగాబే రాజీనామాను పార్లమెంట్‌ స్పీకర్‌ జాకబ్‌ ముదెండా ధృవీకరించారు. ఓ వైపు ముగాబేను అభిశంసన తీర్మానం ద్వారా తొలగింపునకు పార్లమెంట్‌ సిద్దమైన నేపథ్యంలో ఆయన రాజీనామా చేయడం గమనార్హం. ముగాబే రాజీనామాతో హరారే వీధుల్లో పండగ వాతావరణం నెలకొంది. 

 

15:49 - November 15, 2017

కేరళ : రాష్ట్ర రవాణా శాఖ మంత్రి థామస్‌ చాందీ మంత్రి పదవికి రాజీనామా చేశారు. సొంత ప్రభుత్వంపై పిటిషన్‌ దాఖలు చేయడం పట్ల కేరళ హైకోర్టు తీవ్రంగా తప్పుపట్టడంతో థామస్‌ చాందీ మంత్రి పదవికి రాజీనామా చేశారు. అలప్పుజలోని తన లేక్ ప్యాలేస్‌ రిసార్టులో థామస్‌ పర్యావరణ ఉల్లంఘనలకు పాల్పడ్డారనే ఆరోపణలు ఉన్నాయి. ఆయన అక్రమాలపై అలప‍్పజ జిల్లా కలెక్టర్‌ వెల్లడించిన నివేదికను సవాల్‌ చేస్తూ థామస్‌ కేరళ హైకోర్టులో పిటిషన్‌ దాఖలు చేశారు. జిల్లా కలెక్టర్‌ నివేదికను సవాల్‌ చేస్తూ కేబినెట్‌ మంత్రి పిటిషన్‌ వేయడం రాజ్యాంగ విరుద్ధమని పేర్కొంటూ పిటిషన్‌ను కేరళ హైకోర్టు కొట్టివేసింది. దీనిపై తాను సుప్రీం కోర్టును ఆశ్రయిస్తానని థామస్‌ చెప్పారు. మంత్రి పదవికి రాజీనామా చేస్తూ త్వరలోనే తాను రాష్ర్ట కేబినెట్‌లోకి తిరిగి వస్తానని థామస్‌ చాందీ ధీమా వ్యక్తం చేశారు.

10:35 - November 4, 2017

తూర్పుగోదావరి : పాదయాత్రకు ముందే వైసీపీ అధినేత జగన్ కు షాక్ తగిలింది. మరో ఎమ్మెల్యే వైపీపీకి గుడ్ బై చెప్పారు. రంపచోడవరం ఎమ్మెల్యే రాజేశ్వరి వైసీపీకి రాజీనామా చేశారు. చంద్రబాబు సమక్షంలో ఆమె టీడీపీలో చేరారు. మరిన్ని వివరాలను వీడియోలో చూద్దాం...

08:22 - October 31, 2017

హైదరాబాద్ : టీడీపీకి నేతల రాజీనామా పరంపర కొనసాగుతోంది. వరుసగా నేతలు ఒకరితర్వాత మరొకరు పార్టీకి గుడ్ బై చెబుతున్నారు. టీడీపీకి రేవంత్ రెడ్డి రాజీనామా చేసిన సంగతి తెలిసిందే. తాజాగా మాజీ ఎమ్మెల్యే సీతక్క టీడీపీకి రాజీనామా చేశారు. ఆమె ఢిల్లీకి చేరుకున్నారు. రాహుల్ సమక్షంలో రేవంత్ రెడ్డితోపాటు సీతక్క కాంగ్రెస్ లో చేరనున్నారు. రేవంత్ బాటలోనే మరికొంత మంది నేతలున్నట్లు తెలుస్తోంది. మరిన్ని వివరాలను వీడియోలో చూద్దాం....

 

21:01 - October 30, 2017

పునాదులు కదిలిపోతున్నాయా? అసలు ఉనికిలో ఉంటుందా? తెలంగాణలో టీడీపీ ఖాళీ అవుతోందా? ఒకనాటి వెలుగులు అంతమయినట్టేనా? సైకిల్ ఫ్యూచర్ లో ఒక రాష్ట్రానికే పరిమితం కాబోతోందా? తెలంగాణలో తెలుగుదేశం పార్టీ  ఫ్యూచరేంటి? ఇదే ఈ రోజు వైడాంగిల్ స్టోరీ.. అనూహ్య పరిణామాలు.. రేవంత్ రెడ్డి రాజీనామాతో తెలంగాణలో టీడీపీ ఇక నామ మాత్రమే అనే వాదనలు. మిగతా నేతలు, కేడర్ కూడా పార్టీ మారుతున్నారనే వాదనలతో పార్టీ వర్గాల్లో అయోమయం.. గత కొన్నాళ్లుగా జరుగుతున్ పరిణామాలకు ఇప్పుడు ఓ ముగింపు వచ్చినట్టయిందా? రేవంత్ కాంగ్రెస్ కండువా కప్పుకోవటంతో టీటీడీపీ గట్టి దెబ్బ తింటోందా? మరిన్ని వివరాలను వీడియోలో చూద్దాం...

 

16:05 - October 28, 2017

గుంటూరు : తెలంగాణ టీడీపీ నేత రేవంత్‌రెడ్డి రాజీనామా  ఇంకా తన దృష్టికి రాలేదని ఏపీ ముఖ్యమంత్రి చంద్రబాబు వ్యాఖ్యానించాతరు. కొంత మంది వ్యక్తిగత భవిష్యత్‌ కోసం తీసుకునే నిర్ణయాలతో టీడీపీకి నష్టంలేదన్నారు. టీడీపీ మాజీ ఎంపీ నామానాగేశ్వరరావుపై హైదరాబాద్‌ జూబ్లీహిల్స్‌ పోలీసు స్టేషన్‌లో నమోదైన కేసు వ్యక్తిగత విషయమన్నారు. 

16:03 - October 28, 2017

హైదరాబాద్ : కొడంగల్‌ ఎమ్మెల్యే రేవంత్‌రెడ్డి టీడీపీకి రాజీనామా చేశారు. కాంగ్రెస్‌లో చేరనున్నారని కొన్ని రోజులుగా జరుగుతున్న ప్రచారం నేపథ్యంలో ఆయన తెదేపాను వీడుతున్నట్లు ప్రకటించారు. ఇటీవల రేవంత్‌ రెడ్డి వ్యవహారాన్ని సొంత పార్టీ నేతలు తీవ్రంగా వ్యతిరేకిస్తూ వస్తున్నారు. రేవంత్‌ వ్యవహారంపై పార్టీ అధినేత  చంద్రబాబునాయుడుతో చర్చించేందుకు టీటీడీపీ  నేతలు ఇవాళ విజయవాడకు చేరుకున్నారు. వారితోపాటు రేవంత్‌ కూడా విజయవాడ వచ్చారు. ఈ నేపథ్యంలో ఆయన పార్టీకి, పార్టీ పదవులకు రాజీనామా చేస్తూ లేఖ ఇచ్చారు. అయితే రేవంత్ రాజీనామా లేఖ తనకు అందలేదని చంద్రబాబునాయుడు తెలిపారు. వ్యక్తిగత భవిష్యత్ కోసం కొందరు పార్టీ వీడుతున్నారని.. అలాంటి వారివల్ల టీడీపీకి ఎలాంటి నష్టం లేదన్నారు. రాజీనామా అనంతరం.. రేవంత్ రెడ్డి గన్నవరం ఎయిర్ పోర్ట్ నుంచి హైదరాబాద్ బయలుదేరి వెళ్లారు. అనంతరం చంద్రబాబు... తాజా పరిణామాలపై టీటీడీపీ నేతలతో భేటీ  అయ్యారు.

 

Pages

Don't Miss

Subscribe to RSS - రాజీనామా