రాజీనామా

11:40 - December 12, 2018

ఢిల్లీ : ఎన్డీయు ప్రభుత్వానికి షాక్ ల మీద షాకులు తగులుతున్నాయి. పలువురు ప్రముఖులు మోదీ ప్రభుత్వం నుండి వైదొలుగుతున్నారు. దీనికి కారణాలు ఏమైనా ప్రధాని మోదీకి ఇవి పెద్ద షాక్ లనే అంటున్నారు ప్రముఖ విశ్లేషకులు.ఈ క్రమంలోనే ప్రధాని ఆర్థిక సలహా మండలి పార్ట్ టైమ్ సభ్యత్వానికి ప్రముఖ ఆర్థికవేత్త, వ్యాసకర్త సుర్జీత్ భల్లా రాజీనామా చేశారు. భారతీయ రిజర్వు బ్యాంకు గవర్నర్ ఉర్జిత్ పటేల్ తన పదవికి రాజీనామా చేసిన మరునాడే సుర్జీత్ భల్లా రాజీనామా విషయం వెలుగులోకి రావడం కలకలం రేపుతోంది. అలాగే, ప్రధాన ఆర్థిక సలహాదారు పదవికి అరవింద్ సుబ్రమణియన్ రాజీనామా చేశారు.
డిసెంబర్  1 తేదీనే రిజైన చేసిన సుర్జీత్ భల్లా ట్విట్టర్ ద్వారా ఈ విషయాన్ని డిసెంబర్ 11న వెల్లడించారు. భల్లా రాజీనామాను ప్రధాని కార్యాలయం ఆమోదించింది కూడా. అలాగే నీతి ఆయోగ్ చైర్మన్ పదవి నుంచి అరవింద్ పనగడియా తప్పుకున్నారు. ఇలా అందరూ ఒకరి తర్వాత ఒకరు తప్పుకుంటుండడం మోదీకి షాకేనని అంటున్నారు ప్రముఖ విశ్లేషకులు. కాగా ఇక్కడ గమనించాల్సిన విషయం ఏమిటంటే ఇప్పటి వరకూ రిజైన్ చేసిన వీరిలో ఏ ఒక్కరు కూడా పూర్తికాలం పనిచేయలేకపోవటం. 
కేంద్ర ప్రభుత్వంలోని ప్రధానితో సహా పెద్దస్థాయి నేతలు పెట్టే తీవ్ర ఒత్తిడితోనే వీరంతా తమ పదవులకు రాజీనామా చేసి బయటకు వస్తున్నట్టు బైటపడిన తరువాత వెల్లడించటం గమనార్హం. మోదీ ప్రభుత్వానికి సేవలందిస్తున్న ఆర్థికవేత్తలు ఒక్కొక్కరుగా దూరమవుతుండడం..వారి పనిని వారు చేసుకోనివ్వకుండా మోదీ ప్రభుత్వం తీవ్ర ఒత్తిళ్లకు గురిచేస్తుండడం వల్లే వారంతా రాజీనామా చేస్తున్నారని కాంగ్రెస్ విమర్శిస్తోంది. దీనికి ఎన్డీయే ప్రభుత్వం నుండి కూడా ఎటువంటి స్పందన రాకపోవటం ఈ అనుమానాలను బలపరుస్తోంది. కాగా ప్రధాని మోదీ ప్రభుత్వం అన్ని వ్యవస్థలను నాశనం చేస్తోందనే విమర్శలు వెల్లువెత్తుతున్న సమయంలో  ప్రముఖ శాఖల్లోని ప్రముఖ రంగాలలో రాజీనామాలు ఇకనైనా ఆగుతాయా? లేదా మరిన్ని రాజీనామాలు జరగనున్నాయో వేచి చూడాలి. కాగా మోదీ కేబినెట్ నుండి మానవ వనరుల శాఖామంత్రిగా వున్న బీహార్ కు చెందిన ఉపేంద్ర కుశ్వాహ కూడా తన మంత్రి పదవికి రాజీనామ చేసిన విషయం తెలిసిందే. రాజీనామా అనంతరం కుష్వాహా ప్రధాని మోదీకి ఓ లేఖ రాస్తు..ప్రధాని మోదీ ఎవరి శాఖల విధులు వారిని చేసుకోనివ్వటంలేదనీ బీజేపీ ప్రముఖుల జోక్యం అన్ని శాఖల్లోను ఎక్కువయ్యిందనీ..పార్లమెంట్ లో సైతం మోదీ మార్క్ చర్చలే జరుగుతాయి తప్ప వేరేవీ వుండవనీ..ఇలా అన్ని విషయాలలోను మోదీ మార్క్ తప్ప ఏమీ వుండవనీ వంటి పలు అంశాలపై కుష్వాహ పలు  ఘాటు విమర్శలు చేయటం ఈ ఆరోపణలకు, అభిప్రాయాలకు బలం చేకూరుస్తోంది.  
 

19:14 - December 10, 2018

ఢిల్లీ: ఆర్బీఐ గవర్నర్ పదవికి ఉర్జిత్ పటేల్ రాజీనామా చేయడం చర్చనీయాంశంగా మారింది. ఏడాది ముందే ఆయన ఎందుకు దిగిపోయారు? సార్వత్రిక ఎన్నికలకు సమయం సమీపిస్తున్న తరుణంలో ఉర్జిత్ పటేల్ ఇలాంటి నిర్ణయం ఎందుకు తీసుకున్నారు? అసలేం జరిగింది? ఆర్బీఐకి కేంద్రానికి ఎక్కడ చెడింది? రాజీనామా చేయడానికి కారణాలు ఏంటి? ప్రస్తుతం ఈ ప్రశ్నలు హాట్ టాపిక్‌గా మారాయి.
కేంద్ర ప్రభుత్వానికి, ఆర్బీఐకు మధ్య కొంత కాలంగా కోల్డ్ వార్ నడుస్తున్న సంగతి తెలిసిందే. దేశ ఆర్థిక వ్యవస్థకు సంబంధించిన కీలక విధాన నిర్ణయాలపై కేంద్ర ప్రభుత్వంతో ఢీ అంటే ఢీ అనే రీతిలో పటేల్ తలపడుతున్నారు. విధాన నిర్ణయాల విషయంలో కేంద్రంతో తీవ్రంగా విబేధిస్తున్నారు. తాను చెప్పినట్టు వినకుండా ఉర్జిత్‌ స్వతంత్రంగా వ్యవహరిస్తుండటం.. కేంద్రాన్ని తీవ్ర అసంతృప్తికి గురిచేస్తోంది. ముఖ్యంగా రిజర్వ్ బ్యాంకులో ఉన్న నగదు నిల్వల్లో కొంత భాగాన్ని తమకు ఇవ్వాలంటూ కేంద్రం ఒత్తిడి చేస్తోంది. ఈ ప్రతిపాదనను ఉర్జిత్ పటేల్‌తో పాటు మరికొందరు బోర్డు సభ్యులు తీవ్రంగా వ్యతిరేకిస్తున్నారు. ఈ క్రమంలోనే ఆయన రాజీనామా చేసినట్టు తెలుస్తోంది. వ్యక్తిగత కారణాలతోనే ఆర్బీఐ గవర్నర్ పదవికి రాజీనామా చేశానని పటేల్ చెబుతున్నా.. అసలు కారణం మాత్రం కేంద్రంతో ఉన్న విభేదాలే.
2016లో ఆర్బీఐ గవర్నర్‌గా ఉర్జిత్ పటేల్ బాధ్యతలను స్వీకరించారు. 2019 సెప్టెంబర్ వరకు ఆయన పదవీకాలం ఉంది. పటేల్‌ హయాంలోనే పెద్దనోట్ల రద్దు వంటి తీవ్రమైన నిర్ణయాలను మోడీ ప్రభుత్వం తీసుకుంది. ఆర్థికంగా దేశం ఒకింత క్లిష్ట సమయంలో ఉన్నప్పుడు పటేల్ రాజీనామా చేయడం రాజకీయంగా దుమారం రేపే అవకాశముంది. పటేల్ రాజీనామా కేంద్ర ప్రభుత్వాన్ని ఇబ్బందుల్లోకి నెట్టే ఛాన్స్ ఉందని, శీతాకాల పార్లమెంటు సమావేశాల్లో ఈ అంశాన్ని విపక్షాలు అస్త్రంగా మలచుకోవచ్చని విశ్లేషకులు అభిప్రాయపడుతున్నారు.

16:48 - December 10, 2018

ఢిల్లీ : దిగితేనే గానీ లోతు ఎంతుటుంటో తెలీదని పెద్దల మాట. అదే అర్థమైనట్లుగా వుంది కేంద్ర మంత్రి పదవికి రాష్ట్రీయ లోక్ సమతా పార్టీ అధినేత ఉపేంద్ర కుష్వాహాకు. మానవ వనరుల శాఖామంత్రిగా వున్న ఉపేంద్ర కుష్వాహా తన మంత్రి పదవికి రాజీనామా చేసిన సంగతి తెలిసిందే. ఈ  క్రమంలో ప్రధాని మోదీకి ఓ లేఖను కూడా రాశారాయన. తీవ్ర విమర్శలు సందిస్తు కుష్వాహా రాసిని లేఖలో ప్రధాని నరేంద్రమోదీ నాయకత్వంలో తాను పూర్తిగా మోసపోయాననీ..రాజ్యాంగ బద్ధంగా నిర్వహించాల్సిన విధులను కూడా వ్యవస్థను మోదీ నాశనం చేస్తున్నారంటే తీవ్రంగా విమర్శించారు. 
ఈ సందర్భంగా మోదీకి ఆయన ఒక ఘాటు లేఖను రాశారు.  కేబినెట్ ను రబ్బర్ స్టాంప్ స్థాయికి దిగజారనీ..మంత్రులు సొంత నిర్ణయాలు తీసుకోకుండా కట్టడి చేస్తు..ప్రధాని మోదీ తన నిర్ణయాలను మాత్రమే అమలు చేసేలా చేశారనీ..త్రులు, ఉన్నతాధికారులను నిస్సహాయులుగా మోదీ మార్చేశారని ఉపేంద్ర తన లెటర్ లో పేర్కొన్నారు. 
అన్ని నిర్ణయాలను ప్రధాని, ప్రధాని కార్యాలయమే నిర్ణయిస్తుందనీ..ఈ నిర్ణయాలలో బీజేపీ అధ్యక్షుడు అమిత్ షా ప్రధానంగా వుంటారని..పేదలు, అణగారిన వర్గాల కోసం కాకుండా ప్రత్యర్థులను నిర్వీర్యం చేయడం కోసమే పని చేస్తున్నారని ప్రధానికి రాసిన లేఖలో కుష్వాహా తీవ్ర వ్యాఖ్యలు చేశారు. మరోవైపు, జాతీయ స్థాయిలో ఏర్పాటు కాబోతున్న మహాకూటమిలో ఆయన చేరే అవకాశం ఉంది. కాగా డిసెంబర్ 10 ఉదయం కాంగ్రెస్ అధినేత రాహుల్ గాంధీతో సమావేశమైన తర్వాత ఆయన తన రాజీనామా లేఖను ప్రధాని మోదీకి పంపించారు. అనంతరం ప్రధాని మోదీకి రాసిన లేఖలో పలు ఘాటు విమర్శలను కుష్వాహా సంధించారు. 
 

 

14:51 - December 10, 2018

బీహార్ : సార్వత్రిక ఎన్నికలకు మరో నాలుగు నెలలే గడువు ఉండటంతో ఎన్డీఏలో భాగస్వామపక్షమైన రాష్ట్రీయ లోక్ శక్తి పార్టీ అధ్యక్షుడు బీజేపీకి షాక్ ఇచ్చాడు. ఎన్డీయే భాగస్వామిగా కొనసాగుతున్న రాష్ట్రీయ లోక్ శక్తి పార్టీ అధ్యక్షుడు ఉపేంద్ర కుశాహ్వా తన కేంద్ర మంత్రి పదవికి రాజీనామా చేశారు. బిహార్‌లో 2019 లోక్‌సభ ఎన్నికలకు సంబంధించిన సీట్ల పంపిణీ సక్రమంగా జరగడం లేదని ఆరోపిస్తూ ఆ పార్టీ చీఫ్, మానవ వనరులు శాఖామంత్రి పదవికి ఉపేంద్ర కుశాహ్వా కేంద్ర మంత్రి పదవికి రాజీనామా చేశారు.  రాజీనామా లేఖను ప్రధాని కార్యాలయానికి, లోక్ సభ స్పీకర్‌కూ పంపించారు. గత, సార్వత్రిక ఎన్నికల్లో ఎన్డీఏ మిత్రపక్షంగా మూడు చోట్ల పోటీచేసిన రాష్ట్రీయ లోక్‌శక్తి పార్టీ అన్ని స్థానాల్లోనూ విజయం సాదించింది. దీంతో వచ్చే సాధారణ ఎన్నికల్లో తమకు ఏడు స్థానాలు ఇవ్వాలని పట్టుబడుతోంది. అలా కాకపోతే ఎన్డీఏ నుంచి బయటకు వచ్చేస్తానంటూ అల్టిమేటం జారీ చేశారు. అయితే, బీజేపీ, జేడీయూలు మాత్రం రెండు సీట్లను మాత్రమే ఇస్తామని తేల్చిచెప్పాయి. దీంతో తీవ్ర అసంతృప్తి వ్యక్తం చేసిన కుశాహ్వా, కూటమిలో తమకు సరైన ప్రాతినిథ్యం దక్కడంలేదని ఆరోపించారు. 
దీంతో మంత్రి పదవికి రాజీనామా చేశారు. అంతేకాదు, సోమవారం సాయంత్రం పార్లమెంటు ప్రాంగణంలో జరిగే ఎన్డీఏ సమావేశానికి సైతం వెళ్లబోనని కుశ్వాహా ప్రకటించారు. మరోవైపు, కాంగ్రెస్, ఆర్జేడీ కూటమితో రాష్ట్రీయ లోక్‌శక్తి పార్టీ జట్టుకట్టనుందని విశ్వసనీయ వర్గాలు పేర్కొంటున్నాయి. బిహార్‌లో మొత్తం 40 లోక్‌సభ స్థానాలు ఉండగా గత ఎన్నికల్లో బీజేపీ తన మిత్ర పక్షాలతో కలిసి 31 చోట్ల విజయం సాధించింది. ఈసారి మాత్రం జేడీయూతో పొత్తు కారణంగా చెరి సగం పంచుకోవాలనే అవగాహనకు వచ్చింది. దీంతో ఉపేంద్ర కుశ్వాహా ఈ నిర్ణయం తీసుకున్నట్లుగా సమాచారం. 
 

09:43 - December 8, 2018

శ్రీకాకుళం : హిందూపురం ఎమ్మెల్యే బాలక‌ృష్ణ నియోజకవర్గంలో టీడీపీకి షాక్ తగిలింది. ఆ పార్టీ కీలక నాయకుడు, మాజీ ఎమ్యెల్యే అబ్దుల్ ఘని పార్టీని వీడారు. టీడీపీకి రాజీనామా చేస్తున్నట్లు ప్రకటించిన ఘనీ వైసీపీ కండువా కప్పుకున్నారు. డిసెంబర్ 8వ తేదీ శనివారం సిక్కోలు జిల్లాల్లొని కేసవరావుపేట వద్ద వైసీపీ అధ్యక్షుడు జగన్ సమక్షంలో వైసీపీ తీర్థం పుచ్చుకున్నారు.
సీటు త్యాగం...
2004-2009లో జరిగిన ఎన్నికల్లో ఏకంగా వైఎస్ రాజశేఖరరెడ్డిని ధీటుగా ఎదుర్కొన్న ఘనీ విజయదుంధుభి మ్రోగించారు. గత ఎన్నికల్లో మాత్రం బాలయ్య కోసం అబ్దుల్ ఘనీ సీటును త్యాగం చేయాల్సి వచ్చింది. కానీ ఆ సమయంలో పార్టీ అధిష్టానం ఇచ్చిన హామీలను విస్మరిస్తోందని..పార్టీ పట్టించుకోవడం లేదని ఘనీ తీవ్ర అసంతృప్తికి లోనయినట్లు సమాచారం. దీనితో కొంతకాలంగా పార్టీ కార్యక్రమాలకు దూరంగా ఉంటూ వస్తున్నాడు. తాజాగా వైసీపీ పార్టీలో్ చేరడంతో టీడీపీకి ఎలాంటి నష్టం వాటిల్లనుందో చూడాలి. 

14:24 - December 2, 2018

హైదరాబాద్ : తెలంగాణ జన సమితికి రచనారెడ్డి షాక్ ఇచ్చారు. టీజేఎస్ కి రచనారెడ్డి గుడ్ బై చెప్పారు. ఉపాధ్యక్షురాలి పదవికి ఆమె రాజీనామా చేశారు. ఈ సందర్భంగా ఆమె మీడియాతో మాట్లాడారు. టీఆర్ఎస్ కు ప్రజాకూటమి ప్రత్యామ్నాయం కాదని, ఈ కూటమిలో పొలిటికల్ బ్రోకర్స్ ఉన్నారని సంచలన వ్యాఖ్యలు చేశారు. కాంగ్రెస్ పార్టీని, టీజేఎస్ అధినేత కోదండరామ్ ను చూసి ప్రజలు నవ్వుకుంటున్నారని వ్యాఖ్యానించారు. కాంగ్రెస్ పార్టీతో కోదండరామ్ అంతర్గత ఒప్పందాలు కుదుర్చుకున్నారని ఆరోపించారు. చర్చల పేరుతో హోటల్స్ లో సమావేశాలు ఏర్పాటు చేసి టైంపాస్ చేశారని మండిపడ్డారు. పైసలు వసూలు చేసి ప్రజాకూటమి ఏర్పాటు చేశారని ఆరోపించారు. ప్రజాకూటమిలో సామాజిక న్యాయం జరగలేదని... ప్యారాచూట్ అభ్యర్థులకు టికెట్లు ఇచ్చారని విమర్శించారు. కూటమిలో అమాయకులను బలిపశువులను చేశారని వాపోయారు. 
చంద్రబాబును ప్రజలు తిరస్కరిస్తారు... 
తెలంగాణ ప్రజలకు జ్ఞానం ఉందని.. టీడీపీని చంద్రబాబును ప్రజలు తిరస్కరిస్తారని తెలిపింది. మైనార్టీలకు టీజేఎస్ ఒక్క టికెట్ కూడా ఇవ్వలేదని అన్నారు. కూరగాయలు అమ్ముకున్నట్టే సీట్లు అమ్ముకున్నారని ఆరోపించారు. కాంగ్రెస్ తో కలిసిన కోదండరామ్ ఓటమిపాలు కానున్నారని జోస్యం చెప్పారు.

09:18 - November 30, 2018

ఆదిలాబాద్ : టీఆర్‌ఎస్‌కు కంచుకోట..ఉమ్మడి ఆదిలాబాద్‌ జిల్లా. ఎన్నికలకు ముందు గులాబీ దళానికి షాక్‌లు ఎదురవుతున్నాయి. పలు నియోజకవర్గాల నుండి గులాబీ నేతలు ఇతర పార్టీల్లోకి జంప్ అయిపోతున్నారు. దీనితో టీఆర్ఎస్ శిబిరంలో ఆందోళన వ్యక్తమౌతోంది. తమకు టికెట్ దక్కలేదని..గౌరవం ఇవ్వడం లేదని..అవమానాలు ఎదురవుతున్నయని నేతలు ఇతర పార్టీల్లోకి వలసలు వెలుతున్నారు. టీఆర్ఎస్ కీలక నేత, మాజీ ఎమ్మెల్యే కావేటి సమ్మయ్య, ఆయన భార్య మాజీ మున్సిపల్ ఛైర్ పర్సన్ సాయిలీల టీఆర్ఎస్‌కు రాజీనామా చేశారు. 
సీఎం కేసీఆర్ నిర్వహించిన ప్రజా ఆశీర్వాద సభకు పిలుపు రాకపోవడం..తమను పట్టించుకోకపోవడంతో వారు రాజీనామా చేశారని తెలుస్తోంది. ఉద్యమ సమయంలో పాల్గొన్న వారిని అధినాయకత్వం పట్టించుకోవడం లేదని..పార్టీకి రాజీనామా చేసి కాంగ్రెస్ తీర్థం పుచ్చుకోనున్నట్లు సమ్మయ్య వెల్లడించారు. 

  • 2009లో సిర్పూర్ నుంచి టీఆర్ఎస్ ఎమ్మెల్యేగా సమ్మయ్య గెలిచారు. ఉప ఎన్నికల్లో మరోసారి గెలిచారు. 
  • 2014 ఎన్నికల్లో బీఎస్పీ తరపున గెలిచిన కోనేరు కన్నప్ప చేతిలో పరాజయం చెందారు. ఎన్నికల నేపథ్యంలో కోనేరు కన్నప్ప టీఆర్ఎస్‌లో చేరి టికెట్ దక్కించుకున్నారు. 
  • ఉమ్మడి ఆదిలాబాద్‌ జిల్లాలో పది నియోజ కవర్గాలున్నాయి. 
  • గత ఎన్నికల్లో ఏడు స్థానాల్లో టీఆర్‌ఎస్‌ అభ్యర్థులు గెలిచారు. 
  • బీఎస్‌పీ నుంచి ఇద్దరు, కాంగ్రెస్‌ నుంచి ఒక్కరు గెలిచారు. 
  • టీఆర్‌ఎస్‌లోనే వీరు చేరడంతో మొత్తం పది నియోజకవర్గాల్లోనూ గులాబీ ఎమ్మెల్యేలు కొనసాగారు. 
14:55 - November 16, 2018

బెంగళూరు: ఆన్‌లైన్ వ్యాపార సంస్థ ఫ్లిప్‌కార్ట్‌లో టాప్ అదికారుల రాజీనామా పరంపర కొనసాగుతోంది. ఇప్పటికే వ్యక్తిగత దుష్ప్రవర్తన ఆరోపణలతో ఫ్లిప్‌కార్ట్ సీఈఓ బిన్నీ బన్సల్ రాజీనామా చేయగా.. ఇప్పుడు దాని అనుబంధ సంస్థ మైంత్రా సీఈఓ, సీఎప్ఓలు రాజీనామా చేశారు. 
మైంత్రా సీఈఓ అనంత్ నారాయణన్, సీఎఫ్ఓ దీపాంజన్ బసూలు రాజీనామా చేశారు. బన్సాల్ రాజీనామా తర్వాత కంపెనీలో కొన్ని మార్పులు చేర్సులు ఉంటాయని మాతృసంస్థ వాల్‌మార్ట్ గ్రూపు ప్రకటించింది. ఇప్పటికే సీనియర్ అధికారుల రాజీనామాలతో బెంగళూరులోని ఫ్లిప్‌కార్ట్ ప్రాంగణంలోని ఉద్యోగుల మధ్య కొంత అనిశ్చత పరిస్థితి నెలకొంది. 
 

 

19:53 - November 15, 2018

హైదరాబాద్: తాను పార్టీ మారుతున్నట్లు వచ్చిన వార్తలపై టీఆర్‌ఎస్ ఎంపీ కొండా విశ్వేశ్వరరెడ్డి స్పందించారు. టీఆర్‌ఎస్‌ వీడుతున్నట్లు వస్తున్న వార్తల్ని ఆయన తీవ్రంగా ఖండించారు. తాను టీఆర్ఎస్‌కు రాజీనామా చేయలేదని, తనకు పార్టీ మారే ఆలోచనే లేదని ఆయన స్ఫష్టం చేశారు. గురువారం(15వ తేదీ) ప్రగతి భవన్‌లో కేటీఆర్‌ను కలిసి వచ్చినట్లు చెప్పారు. తెలంగాణ పీసీసీ వర్కింగ్ ప్రెసిడెంట్ రేవంత్‌రెడ్డి కావాలనే తనపై దుష్ప్రచారం చేస్తున్నారని కొండా విశ్వేశ్వరరెడ్డి ఆరోపించారు.
కాగా టీఆర్ఎస్ నుంచి ఇద్దరు ఎంపీలు కాంగ్రెస్ పార్టీలో చేరతారంటూ రేవంత్‌రెడ్డి చేసిన వ్యాఖ్యలు రాజకీయవర్గాల్లో కలకలం రేపాయి. దీనికి తోడు చేవెళ్ల ఎంపీ కొండా విశ్వేశ్వరరెడ్డి టీఆర్ఎస్‌కు రాజీనామా చేశారని, ఆ లేఖను కేసీఆర్‌కు పంపారని మీడియాలో వార్తలు హల్‌హల్ చేశాయి. దీంతో ఎంపీ కొండా విశ్వేశ్వరరెడ్డి క్లారిటీ ఇచ్చారు.
మరోవైపు మహబూబాబాద్ ఎంపీ సీతారాం నాయక్ కూడా టీఆర్ఎస్‌కు గుడ్‌బై చెబుతారని ఊహాగానాలు వచ్చాయి. అయితే ఎంపీ సీతారాం నాయక్ అనూహ్యంగా గురువారం(15వ తేదీ) మధ్యాహ్నం మీడియా ముందుకు వచ్చారు. తాను పార్టీ మారడం లేదని స్పష్టం చేశారు. ఇద్దరు టీఆర్‌ఎస్ ఎంపీలు పార్టీ మారుతున్నారని రేవంత్ చెప్పడం.. పేపర్లలో రావడం.. ఓ మైండ్‌గేమ్‌లా ఉందని సీతారాం నాయక్ పేర్కొన్నారు. రేవంత్‌కు దమ్ము, ధైర్యం ఉంటే పార్టీ మారుతున్న ఆ ఇద్దరు ఎంపీలు ఎవరో వెల్లడించాలని సీతారాం నాయక్ సవాల్ చేశారు.

15:08 - November 15, 2018

హైదరాబాద్ : మహాకూటమి పొత్తు..కాంగ్రెస్ పార్టీలో ప్రకంపనాలు స‌ృష్టిస్తోంది. పొత్తులో భాగంగా తమకు సీటు రాలేదని భావిస్తున్న సదరు నేతలు పార్టీకి గుడ్ బై చెబుతున్నారు. ఇప్పటికే పలువురు రాజీనామా బాట పట్టగా అందులో మాజీ మంత్రి సబిత ఇంద్రారెడ్డి తనయుడు కార్తీక రెడ్డి కూడా చేరారు. ఈయన రాజేంద్రనగర్ సీటు ఆశించిన సంగతి తెలిసిందే. మహా కూటమి పొత్తులో భాగంగా ఈ సీటు టీడీపీకి దక్కింది. మనస్థాపానికి గురైన ఆయన పార్టీకి గుడ్ బై చెబుతున్నట్లు నవంబర్ 15వ తేదీ గురువారం ప్రకటించారు. రాజీనామా లేఖను ఆయన పార్టీ చీఫ్‌కి పంపించారు. ఆయనతో పాటు ఇతర నేతలు రాజీనామా చేస్తున్నారని సమాచారం. మరి ఆయన రెబల్‌గా పోటీ చేస్తారా ? లేదా ? అనేది చూడాలి. 

Pages

Don't Miss

Subscribe to RSS - రాజీనామా