రామ్ నాథ్ కోవింద్

18:49 - April 18, 2018

జమ్మూ కాశ్మీర్ : కథువాలో ఎనిమిదేళ్ల బాలికపై జరిగిన హత్యాచారంపై భారతీయులందరూ సిగ్గు పడాలని రాష్ట్రపతి రామ్‌నాథ్‌ కోవింద్‌ అన్నారు. జమ్ముకశ్మీర్‌ కత్రాలో జరిగిన శ్రీమాతా వైష్ణోదేవి విశ్వవిద్యాలయం ఆరవ స్నాతకోత్సవంలో పాల్గొన్న సందర్భంగా కోవింద్‌ ఈ వ్యాఖ్యలు చేశారు. స్వాతంత్య్రం వచ్చిన 70ఏళ్ల తర్వాత కూడా చిన్నారులపై ఇలాంటి దారుణాలు జరుగుతున్నాయంటే మన సమాజం ఎటువైపు పోతోందో ఆలోచించుకోవాలన్నారు. ఇలాంటి అఘాయిత్యాలు జరక్కుండా చూసుకోవాల్సిన బాధ్యత మనపై ఉందని రాష్ట్రపతి తెలిపారు. ఆడపిల్లలకు ఒంటరిగా తిరిగే స్వేచ్ఛనిచ్చి, ఇప్పుడు వాళ్లపై పైశాచికం చూపడం అత్యంత దారుణమైన చర్యగా పేర్కొన్నారు. 

11:35 - April 17, 2018

ఢిల్లీ: విభజన సమస్యలు, ప్రత్యేకహోదా అంశంపై వైకాపా ఎంపీలు ఈరోజు మధ్యాహ్నం 12.30 గంటలకు రాష్ట్రపతి రామ్‌నాథ్‌ కోవింద్‌ను కలవనున్నారు. రాష్ట్రానికి విభజన చట్టం ప్రకారం ఇచ్చిన హామీలన్నీ కేంద్రం అమలుచేసేలా ఆదేశించాలని కోరుతూ వారు రాష్ట్రపతికి వినతిపత్రం సమర్పించనున్నారు. ప్రత్యేక హోదా అంశాలపై కేంద్ర అవలంభిస్తున్న వైఖరిని రాష్ట్రపతికి ఎంపీలు తెలియజేయనున్నారు. 

11:48 - March 9, 2018

ఢిల్లీ : కేంద్ర మంత్రులుగా ఇన్నాళ్లు ఉన్న అశోక్ గజపతి రాజు..సుజనా చౌదరీలు కాసేపటి క్రితం మాజీలయ్యారు. ఏపీపై కేంద్రం వ్యవహరిస్తున్న తీరు..ఏపీకి ప్రత్యేక హోదా..విభజన హామీల అమలు చేయడం లేదని పేర్కొంటూ ఏపీ ప్రభుత్వం బీజేపీకి గుడ్ బై చెప్పింది. దీనితో కేంద్ర మంత్రులు అశోక్ గజపతి రాజు, సుజనా చౌదరీలు ప్రధాన మంత్రి నరేంద్ర మోడీకి రాజీనామాలను గురువారం సమర్పించారు. సెంటిమెంట్ కోణంలోనే తాము రాజీనామాలు చేయడం జరిగిందని ప్రధానికి వివరించారు. అనంతరం ఈ రాజీనామాలను రాష్ట్రపతి కార్యాలయానికి పీఎం పంపించారు.

శుక్రవారం ఉదయం రాష్ట్రపతి రామ్ నాథ్ కోవింద్ రాజీనామాలపై నిర్ణయం తీసుకున్నారు. ఆర్టికల్ 75 (2) ప్రకారం రాజీనామాలను ఆమోదించారు. రాష్ట్రపతి సూచన మేరకు పౌర విమానయాన శాఖల బాధ్యతలను ప్రధాన మంత్రి మోడీ చేపట్టనున్నట్లు తెలుస్తోంది. 

15:27 - February 7, 2018

ఢిల్లీ : లోక్ సభలో బుధవారం గందరగోళ పరిస్థితులు నెలకొన్నాయి. అధికార పక్షం..విపక్ష సభ్యుల మధ్య వాగ్వాదం చోటు చేసుకుంది. రాష్ట్రపతి ప్రసంగానికి ధర్మానాలు తెలిపే తీర్మానంపై చర్చ జరిగింది. చర్చలో పాల్గొన్న ప్రధాన మంత్రి నరేంద్ర మోడీ కాంగ్రెస్ ను పూర్తిగా టార్గెట్ చేస్తూ విమర్శలు గుప్పించారు. పనిలో పనిగా ఖర్గేపై కూడా పలు వ్యాఖ్యలు చేశారు. అధికారంలోకి వచ్చిన తరువాత చేస్తున్న పథకాలపై మోడీ ప్రసంగించారు. అనంతరం సభ వాయిదా పడింది. తిరిగి సభ మొదలు కాగానే బీజేపీ, కాంగ్రెస్ సభ్యుల మధ్య వాగ్వాదం నెలకొంది. ఖర్గేపై మోడీ చేసిన వ్యాఖ్యలను ఆయన తప్పు పట్టారు. క్రూడ్ ఆయిల్, పెట్రోల్ దానిపై కేంద్రం సరియైన చర్యలు తీసుకోలేదని, తమ ప్రభుత్వంపై విమర్శలు గుప్పిస్తోందని విమర్శించారు. సభుక్యలు నినాదాలు..గందరగోళం మధ్యనే వీరప్ప మొయిలీ ప్రసంగించారు. 

09:43 - January 21, 2018

ఢిల్లీ : పలు రంగాల్లో ప్రతిభావంతులైన 112 మంది మహిళామణులను రాష్ట్రపతి రామ్‌నాథ్ కోవింద్ ఘనంగా సన్మానించారు. వివిధ రంగాల్లో తొలిసారి అడుగుపెట్టి చరిత్ర సృష్టించిన 227 మంది మహిళల పేర్లను సేకరించిన మహిళా శిశు సంక్షేమ శాఖ వారిలో 112 మందిని సత్కారానికి ఎంపిక చేసింది. తొలి మిసైల్‌ప్రాజెక్ట్‌ హెడ్‌, శ్మశానం నిర్వహిస్తున్న తొలిమహిళ, తొలి ఒలింపిక్‌ పతకం సాధించినవారు.. ఇలా వివిధ రంగాల్లోకి తొలిసారి అడుగులేసిన మహిళల వివరాలను సేకరించి ఈ గౌరవానికి ఎంపికచేశారు. ఇందులో తెలుగురాష్ట్రాలకు చెందిన పీవీ సింధు, కరణం మల్లేశ్వరి, వంకదారత్‌ సరిత, సైనా నెహ్వాల్‌, టెస్సీ థామస్‌, కెప్టెన్‌ శోభా, కె.మిథాలీరాజ్‌, సాజిదాఖాన్‌, సానియామీర్జా, శోభనాకామినేని , గాయని కేఎస్‌చిత్ర అవార్డులు అందుకున్నారు.

 

06:31 - December 25, 2017

హైదరాబాద్ : తెలుగు రాష్ట్రాల్లోని అధికార, ప్రతిపక్ష నేతలంతా ఒక్కచోట కలిశారు. పార్టీలకతీతంగా హాజరైన నేతలంతా... యోగక్షేమాలతో పాటు.. అనేక అంశాలపై చర్చించుకున్నారు. కాసేపు ఆహ్లాదకరంగా గడిపారు. ఇందుకోసం రాష్ట్రపతి గౌరవార్ధం గవర్నర్‌ ఇచ్చిన విందు వేదికగా మారింది. శీతాకాలం విడిది కోసం రాష్ట్రపతి రామ్‌నాథ్‌ కోవింద్‌ హైదరాబాద్‌కు విచ్చేశారు. బొల్లారంలోని రాష్ట్రపతి భవన్‌లో విడిది చేశారు. రేపటి వరకు నగరంలోనే ఉండనున్నారు. రాష్ట్రపతి గౌరవార్ధం గవర్నర్‌ నరసింహన్‌.. రాజ్‌భవన్‌లో ప్రత్యేక విందు ఇచ్చారు. ఈ కార్యక్రమానికి ఆంధ్రప్రదేశ్‌, తెలంగాణ రాష్ట్రాల ముఖ్యమంత్రులు చంద్రబాబు, కేసీఆర్‌లు పాల్గొన్నారు. ఏపీ స్పీకర్‌ కోడెల శివప్రసాదరావు, తెలంగాణ శాసనమండలి చైర్మన్‌ స్వామీగౌడ్‌, డిప్యూటీ సీఎంలు కడియం శ్రీహరి, మహమూద్‌అలీ, నాయిని నర్సింహారెడ్డితో పాలు పలువురు నేతలు హాజరయ్యారు.

ఈ కార్యక్రమానికి హాజరైన కేసీఆర్‌, చంద్రబాబులు కాసేపు ముచ్చటించుకున్నారు. గవర్నర్‌ వారిద్దరిని రాష్ట్రపతి వద్దకు తీసుకెళ్లారు. ఇద్దరూ సీఎంలు అనేక అంశాలపై చర్చించుకున్నట్లు తెలుస్తోంది. అనంతరం కేసీఆర్‌, చంద్రబాబులు రాష్ట్రపతి పక్కనే నిలబడి ఫొటోలకు ఫోజులిచ్చారు. ఇక ఈ కార్యక్రమంలో హైలెట్‌గా చిరంజీవి, పవన్‌కల్యాణ్‌ నిలిచారు. ఈ కార్యక్రమానికి హాజరైన పవన్‌.. చిరంజీవితో కాసేపు ముచ్చటించుకున్నారు. చాలా కాలం తర్వాత అన్నదమ్ములిద్దరూ ఒకే దగ్గర కలవడం ఆసక్తి కలిగించింది. అలాగే పవన్‌కల్యాణ్‌, చిరంజీవి... రాష్ట్రపతి, కేసీఆర్‌, చంద్రబాబులతోనూ మాట్లాడారు. పార్టీలతో సంబంధం లేకుండా.. ఇరు రాష్ట్రాల నేతలు ఒకే దగ్గర కలిసి కాసేపు అన్ని అంశాలపై మాట్లాడుకోవడం విశేషం. 

12:27 - December 24, 2017
12:29 - December 20, 2017
11:03 - December 20, 2017
07:30 - December 19, 2017

హైదరాబాద్ : రాష్ట్రపతి రామ్‌నాథ్‌ కోవింద్‌ ఇవాళ ప్రపంచ తెలుగు మహాసభలకు హాజరవుతారు. ముఖ్యమంత్రి కేసీఆర్‌ ఆహ్వానం మేరకు ఆయన ఉత్సవాల్లో పాల్గొంటున్నారు. మధ్యాహ్నం మూడు గంటలకు హైదరాబాద్‌ చేరుకోనున్న రాష్ట్ర పతి ..సాయంత్రం ఐదు గంటలకు ఎల్బీస్టేడియానిలోని ముగింపు వేడుకల్లో పాల్గొంటారు. అనంతర ఢిల్లీకి బయలుదేరి వెళతారు.

Pages

Don't Miss

Subscribe to RSS - రామ్ నాథ్ కోవింద్