రారండోయ్ వేడుక చూద్దాం

10:48 - May 18, 2017

‘కంగ్రాట్స్ కోడలా' అంటూ 'సమంత'ను టాలీవుడ్ మన్మథుడు అక్కినేని నాగార్జున అభినందించారు. నాగార్జున తనయుడు 'నాగ చైతన్య'..’సమంత'లు త్వరలో ఒక్కటి కాబోతున్న సంగతి తెలిసిందే. ఇటీవలే వీరి ఎంగేజ్ మెంట్ జరిగింది. అనంతరం ఇరువురు పలు చిత్రాల్లో నటిస్తూ బిజీగా మారారు. నాగ చైతన్య, రకూల్ ప్రీత్ సింగ్ జంటగా నటిస్తున్న 'రారండోయ్ వేడుక చూద్దాం' అనే సినిమా రూపొందుతోంది. ఈ సినిమా సాంగ్స్ ను యూ ట్యూబ్ లో విడుదల చేస్తున్నారు. ఈ సినిమాకు సంబంధించి నాగార్జున..సమంతల మధ్య ఫోన్ లో చాటింగ్ జరిగింది. ఈ చాటింగ్ జరిగిన తీరును నాగార్జున సోషల్ మీడియాలో పోస్టు చేశారు. 'కంగ్రాట్స్‌ కోడలా..' అని నాగార్జున పేర్కొంటే, 'లవ్‌ మామా' అని సమంత మెసేజ్‌ చేసింది. 'రారండోయ్‌ వేడుక చూద్దాం' సినిమాలో అక్కినేని నాగచైతన్య చాలా బాగున్నాడనీ, 'ఎవ్రిథింగ్‌ వర్క్స్‌' అని సమంత చెప్పుకొచ్చింది.

15:11 - May 7, 2017

అక్కినేని నాగార్జున తనయుడు 'నాగ చైతన్య' మెగా ఫ్యామిలీ వారు వెళుతున్న దారిలో వెళుతున్నాడా ? అంటే అవుననే సమాధానం వస్తోంది. ఇటీవలే మెగా హీరోలు నటించిన పలు చిత్రాల ఆడియో వేడుకలు నిర్వహించకుండానే యూ ట్యూబ్ లలో రోజుకొకటి..రెండు రోజుల ఒకటి విడుదల చేసిన సంగతి తెలిసిందే. తాజాగా 'నాగ చైతన్య' నటిస్తున్న 'రారండోయ్ వేడుక చూద్దాం' సినిమా పాటలను కూడా ఆన్ లైన్ లో విడుదల చేస్తున్నారు. 'బుగ్గచుక్క పెట్టుకుంది సీతమ్మా. సీతమ్మా!.. కంటి నిండా ఆశలతో మా సీతమ్మ... తాళిబొట్టు చేతబట్టి.. రామయ్యా!.. రారండోయ్ వేడుక చూద్దాం. సీతమ్మను, రామయ్యను ఒకటిగా చేద్దామంటూ'.. .సాగే టైటిల్‌ సాంగ్‌ను శనివారంనాడు ఆన్‌లైన్‌లో ఆవిష్కరించారు.
నాగచైతన్య, రకుల్‌ప్రీత్‌సింగ్‌ జంటగా నటించిన ఈ చిత్రాన్ని అన్నపూర్ణ స్టూడియో బేనర్‌లో నిర్మిస్తున్న సంగతి తెలిసిందే. 'సోగ్గాడే చిన్నినాయన' ఫేమ్‌ కళ్యాణ కృష్ణ దర్శకత్వం వహిస్తున్న ఈ సినిమా ఈనెల 19న విడుదల చేసేందుకు సన్నాహాలు చేస్తున్నారు. ఇదిలా ఉంటే ఆదివారం సాయంత్రం 4.30 గంటలకు ఈ పాటకు సంబంధించిన 30 సెకన్ల టీజర్‌ రిలీజ్‌ చేస్తామని, త్వరలోనే ఇదే పాటకు 90 సెకన్ల వీడియోను విడుదల చేస్తామని నిర్మాత నాగార్జున వెల్లడించారు.

16:33 - May 6, 2017

యంగ్ హీరో, అక్కినేని నాగర్జున తనయుడు నాగచైతన్య నటిస్తోన్న కొత్త చిత్రం ' రారండోయ్ వేడుక చూద్దాం' చిత్రం టైటిల్ సాంగ్ ఈ రోజు విడుదలైంది. అక్కినేని నాగర్జున నిర్మాతగా వ్యవహరిస్తున్నారు. ఈ సినిమాను డైరెక్టర్ కల్యాణ్ కృష్ణ తెరకెక్కిస్తున్నారు. ఈ చిత్రంలో చైతు పక్కన రకుల్ ప్రీత్ సింగ్ కథానాయకగా నటిస్తోంది. 'బుగ్గన చుక్క పెట్టుకుంది సీతమ్మ కంటి నిండ ఆశలతో ...రారాండోయ్ వేడుక చూద్దాం' అంటూ సాగుతున్న ఈ చిత్ర పాట అభిమానులకు అదిరిపోయేలా అనిపిస్తోంది. ఈ చిత్రానికి దేవిశ్రీ ప్రసాద్ సంగీతం అందిస్తున్నారు. 

11:09 - April 15, 2017

సినిమా ఇండస్ట్రీ లో సెంటిమెంట్స్ ఉంటాయి. లక్కీగా కొన్ని సార్లు వర్క్అవుట్ ఔతాయి కూడా. అక్కినేని ఫామిలీ ఈ విషయాన్నీ బాగా నమ్మినట్టుంది. నాగార్జున కి హిట్ ఇచ్చిన డైరెక్టర్ తో వారసుడి సినిమాకి ఓకే చెప్పి సెట్స్ మీదకి తీసుకెళ్లింది. 'నాగార్జున'కు ఉన్న 'మన్మధుడు' అనే పేరును సార్ధకం చేసిన సినిమా 'సోగ్గాడే చిన్ని నాయన'. 'నాగార్జున' డ్యూయెల్ రోల్ చేసి మెప్పించిన సోషియో ఫాంటసీ ఫిలిం సోగ్గాడే చిన్ని నాయన. ఈ సినిమాలో నాగార్జున సరసన రమ్యకృష్ణ తో పాటు లావణ్య త్రిపాఠి స్క్రీన్ ని పంచుకున్నారు. ప్రతి ఫ్రేమ్ లో అందాన్ని చూపించిన ఈ సినిమాకి డైరెక్టర్ కళ్యాణ్ కృష్ణ. హంస నందిని, అనసూయ వంటి హాట్ అండ్ గ్లామర్ బ్యూటీ లని మంచి సాంగ్ లో వాడేసి మాస్ పల్స్ టచ్ చేసాడు డైరెక్టర్. మొత్తానికి ఈ సినిమా నాగార్జున ఖాతాలో హిట్ గా పడింది. 'ప్రేమమ్' సినిమాతో నటనలో పర్ఫెక్షన్ చూపించాడు నాగ చైతన్య. 'అక్కినేని' వారసుల్లో గుడ్ జాబ్ అని ఆడియన్స్ తో అనిపించుకున్న నటుడు నాగ చైతన్య. మలయాళం మూవీ 'ప్రేమమ్' కి తెలుగు టచ్ ఇచ్చి ఆడియన్స్ కి కొత్త ఫీల్ ఉన్న ఫిలింని అందించాడు డైరెక్టర్ చందు మొండేటి. ఈ సినిమాలో 'నాగచైతన్య' వేరియషన్ ఉన్న పాత్ర ప్లే చెయ్యడం వల్ల అతనిలో నటన బాగా హై లెట్ అయింది. 'ప్రేమమ్' సినిమా తెలుగు స్క్రీన్ మీద హిట్ కొట్టింది. 'నాగచైతన్య' ప్రెజెంట్ ఒక ఫామిలీ ఎంటర్టైనర్ లో నటిస్తున్నాడు. షూటింగ్ కూడా స్పీడ్ గా జరిగిపోతోంది. ఈ సినిమాకి డైరెక్టర్ కళ్యాణ్ కృష్ణ. 'సోగ్గాడే చిన్నినాయనా' సినిమాతో హిట్ ఇచ్చిన కల్యాణ కృష్ణని రిపీట్ చేశారు అక్కినేని ఫామిలీ. నాగ‌చైత‌న్య హీరోగా ర‌కుల్ ప్రీత్ సింగ్ హీరోయిన్‌గా 'రా రండోయ్‌..వేడుక చూద్దాం' అనే ఫ్యామిలీ ఎంట‌ర్‌టైన‌ర్ రూపొందుతోంది. ఈ చిత్రంలో జ‌గ‌ప‌తిబాబు ఓ కీల‌క‌పాత్ర‌లో న‌టిస్తున్నాడు. నాగ‌చైత‌న్య సాఫ్ట్‌వేర్ ఉద్యోగి పాత్ర‌లో క‌నిపించ‌బోతున్నాడు. ఈ సినిమాను స‌మ్మ‌ర్ సంద‌ర్భంగా మే 19న విడుద‌ల చేయ‌డానికి స‌న్నాహాలు చేస్తున్నార‌ట‌. సెంటిమెంట్ ఎంతవరకు వర్కౌట్ అవుతుందో చూడాలి మరి.

11:30 - April 13, 2017

నాగ చైతన్య..రకూల్ ప్రీత్ సింగ్ జంటగా నటించిన 'రారండోయ్ వేడుక చూద్దాం' చిత్రం విడుదలకు చిత్ర యూనిట్ సన్నాహాలు చేస్తోంది. కళ్యాణ్ కృష్ణ కురసాల దర్శకత్వంలో శ్రీమతి అక్కినేని అన్నపూర్ణ ఆశీస్సులతో అన్నపూర్ణ స్టూడియోస్ పతాకంపై అక్కినేని నాగార్జున ఈ చిత్రాన్ని నిర్మించారు. ఇటీవలే ఈ చిత్రానికి సంబంధించిన పోస్టర్స్ విడుదలైన సంగతి తెలిసిందే. చిత్రీకరణ పూర్తి చేసుకుని ప్రస్తుతం పోస్ట్ ప్రొడక్షన్ వర్క్ జరుపుకొంటోంది. మే 19వ తేదీన ప్రపంచ వ్యాప్తంగా సినిమాను విడుదల చేయనున్నట్లు చిత్ర బృందం పేర్కొంది. అన్నపూర్ణ స్టూడియోస్‌ బ్యానర్‌లో 'మనం', 'సోగ్గాడే చిన్నినాయనా' చిత్రాల తర్వాత వస్తున్న మరో సూపర్‌హిట్‌ చిత్రమిదని పేర్కొంది. ఇక ఈ చిత్రంలో జగపతి బాబు, సంపత్, కౌసల్య ఇర్షాద్ (పరిచయం) తదితరులు నటించారు. సంగీతం దేవిశ్రీ ప్రసాద్ అందించారు.

Don't Miss

Subscribe to RSS - రారండోయ్ వేడుక చూద్దాం