రాష్ట్రపతి

19:18 - April 23, 2018

పన్నెండేండ్ల లోపు బాలికలపై లైంగికదాడికి పాల్పడేవారికి మరణశిక్ష విధించేలా నేరశిక్షాస్మృతిని సవరిస్తూ శనివారం కేంద్రం తెచ్చిన ఆర్డినెన్స్‌కు రాష్ట్రపతి ఆమోదముద్ర లభించింది. ఈ మేరకు ఆర్డినెన్స్‌పై రాష్ట్రపతి రామ్‌నాథ్ కోవింద్ ఆదివారం సంతకం చేశారు. కతువా, సూరత్‌లలో మైనర్ బాలికలపై లైంగికదాడి, హత్య, ఉన్నావ్ గ్యాంగ్‌రేప్ ఘటనలతో దేశవ్యాప్తంగా నిరసన పెల్లుబికిన నేపథ్యంలో కేంద్ర మంత్రివర్గం శనివారం సమావేశమై.. లైంగిక దాడుల నుంచి బాలికల సంరక్షణ (పోక్సో) చట్టానికి సవరణలు చేస్తూ నిర్ణయం తీసుకుంది. ఈమేరకు ఆర్డినెన్స్‌కు ఆమోదముద్ర వేస్తూ రాష్ట్రపతి కోవింద్ సంతకం చేశారు. ఈ నేపథ్యంలో పోక్సో చట్టం పవరెంత? దానిలో ఎటువంటి నిబంధనలుంటాయి? దాని విధి విధానాలేమిటి? అనే అంశాలపై 10టీవీ చర్చ. ఈ చర్చలో సామాజిక కార్యకర్త దేవి, బీజేపీ నేత పద్మజా రెడ్డి, పీవోడబ్య్లు సంధ్య పాల్గొన్నారు. 

12:43 - April 22, 2018

ఢిల్లీ : పోక్సో చట్ట సవరణ ఆర్టినెన్స్‌కు రాష్ట్రపతి రామ్‌నాథ్‌ కోవింద్‌ ఆమోదం తెలిపారు. ఈ చట్టం ద్వారా ఇకపై 12 ఏళ్లలోపు బాలికలపై అత్యాచారానికి పాల్పడితే మరణదండన విధిస్తారు. గత కొన్ని రోజులుగా చిన్నారులపై లైంగికదాడులు పెరిగిపోవడంతో... నిన్న కేంద్రమంత్రి వర్గం సమావేశంలో ఈ చట్టానికి సవరణలు చేస్తూ ఆర్డినెన్స్‌ విడుదల చేశారు. దీనికి ఇవాళ రాష్ట్రపతి ఆమోదం తెలిపారు. దీంతో ఇకపై 12 ఏళ్ల బాలికపై అత్యాచారం చేస్తే మరణశిక్ష విధిస్తారు. ఇక ఈ కేసు దర్యాప్తు రెండు నెలల్లోనే పూర్తి చేయాలి. ఇందుకోసం అన్ని పోలీస్‌స్టేషన్లకు, ఆస్పత్రులకు ఫోరెన్సిక్‌ కిట్లను అందించాలని నిర్ణయించారు. ఇక 12 నుంచి 16 ఏళ్ల బాలికలపై లైంగికదాడులకు పాల్పడితే గతంలో కంటే కఠిన శిక్ష విధించనున్నారు. అలాగే మహిళలపై లైంగికదాడులకు పాల్పడితే శిక్షను ఏడేళ్ల నుంచి పదేళ్లకు పెంచాలని నిర్ణయించారు. 

 

11:35 - April 17, 2018

ఢిల్లీ: విభజన సమస్యలు, ప్రత్యేకహోదా అంశంపై వైకాపా ఎంపీలు ఈరోజు మధ్యాహ్నం 12.30 గంటలకు రాష్ట్రపతి రామ్‌నాథ్‌ కోవింద్‌ను కలవనున్నారు. రాష్ట్రానికి విభజన చట్టం ప్రకారం ఇచ్చిన హామీలన్నీ కేంద్రం అమలుచేసేలా ఆదేశించాలని కోరుతూ వారు రాష్ట్రపతికి వినతిపత్రం సమర్పించనున్నారు. ప్రత్యేక హోదా అంశాలపై కేంద్ర అవలంభిస్తున్న వైఖరిని రాష్ట్రపతికి ఎంపీలు తెలియజేయనున్నారు. 

19:09 - March 28, 2018

ఢిల్లీ : రాష్ట్రపతితో ప్రతిపక్ష పార్టీలు, ఎస్సీ-ఎస్టీ కమిషన్ సభ్యులు భేటీ అయ్యారు. ఈ సమావేశానికి రాహుల్ గాంధీ, గులాంనబీ ఆజాద్, డీఎంకే, బీఎస్పీ నేతలు హాజరయ్యారు. ఎస్సీఎస్టీ అట్రాసిటీ కేసుల విషయంలో సుప్రీంతీర్పుపై... కేంద్రం రివ్యూ పిటిషన్ వేసేలా కేంద్రానికి సూచించాలని రాష్ట్రపతిని నేతలు కోరారు. ప్రివెన్షన్ ఆఫ్ అట్రాసిటీస్ కేసుల నమోదు విషయంలో చట్టం నిర్వీర్యం అవుతోందని.. కేసుల విషయంలో దర్యాప్తు జరిపి.. అరెస్ట్ చేయాలని.. ఇందుకు ముందస్తు బెయిల్ ఇవ్వవచ్చని.. గతంలో సుప్రీంకోర్టు తీర్పు ఇచ్చింది. సుప్రీంకోర్టు తీర్పు వల్ల దళితులపై దాడులు పెరుగుతాయని దళిత సంఘాలు ఇప్పటికే ఆందోళన వ్యక్తంచేస్తున్నాయి. 

17:12 - February 7, 2018

ఢిల్లీ : భారత రాష్ట్రపతి ప్రసంగానికి ధన్యవాదాలు తెలిపే తీర్మానంపై భారత ప్రధాన మంత్రి నరేంద్ర మోడీ ప్రసంగించారు. లోక్ సభలో తీవ్రస్థాయిలో విపక్షంపై విరుచకపడిన ప్రధాని రాజ్యసభలో విభిన్నంగా ప్రవర్తించారు. భారతదేశ ప్రయోజనాల కోసం మంచి పనులు చేయడం జరుగుతోందని..తాము అప్పట్లోనే చేశాం..తాము ఇప్పుడు చేశామనేది ఎన్నికల్లో మాట్లాడుకుందామన్నారు. విమర్శలు చేయడం సర్వసాధారణమని, కానీ దేశంపై ప్రభావితం చూపుతుందన్నారు. రాష్ట్రపతి న్యూ ఇండియా అంశాన్ని ప్రస్తావించడం జరిగిందని, కానీ కొంతమందికి న్యూ ఇండియా ఇష్టం లేదని..పాత ఇండియా కావాలని కోరుకుంటున్నారని విమర్శించారు. 

16:08 - February 5, 2018
16:45 - February 1, 2018

ఢిల్లీ : రాష్ట్రపతి, ఉపరాష్ట్రపతి, గవర్నర్ల జీతాలు పెరిగాయి. రాష్ట్రపతికి ఐదు లక్షల రూపాయలు చెల్లిస్తారు. ఉపరాష్ట్రపతికి నాలుగు లక్షలు ఇస్తారు. గవర్నర్లరకు మూడున్నర లక్షలు చెల్లించేవిధంగా జీతభత్యాలు సవరించారు. ఎంపీలకు ప్రతి ఐదేళ్లకు ఒకసారి జీతాలు సవరించే విధంగా చట్ట సవరణ తీసుకురావాలని నిర్ణయించారు.
బడ్జెట్‌లో గ్రామీణాభివృద్ధికి పెద్దపీట
కేంద్ర బడ్జెట్‌లో గ్రామీణాభివృద్ధి, వ్యవసాయం, నీటిపారుదల, గ్రామీణ ఉపాధి రంగాలకు పెద్దపెట వేశారు. ఇందుకోసం బడ్జెట్‌లో 14.34 లక్షల కోట్ల రూపాయలు కేటాయించారు. ఫుడ్‌ ప్రాసెసింగ్‌ సెక్టార్‌కు 14 వందల కోట్లు మంజూరు చేసినట్లు అరుణ్‌జైట్లీ ప్రకటించారు. అగ్రి ఉత్పత్తుల కోసం 42 ఫుడ్‌ పార్కులు ఏర్పాటు చేయనున్నట్లు తెలిపారు. రైతులందరికి కిసాన్‌ క్రెడిట్‌ కార్డులు అందివ్వనున్నట్లు పేర్కొన్నారు.
మహిళలకు ఉజ్వల యోజన పథకం 
ఉజ్వల యోజన పథకం 8 కోట్ల మంది పేద మహిళలకు ఉచితంగా గ్యాస్‌ కనెక్షన్లు ఇవ్వనున్నట్లు ఆర్థికమంత్రి అరుణ్‌జైట్లీ తెలిపారు. పేదలు, మధ్యతరగతి వర్గాల ప్రజల కోసం కేంద్రం పలు పథకాలు ప్రవేశ పెట్టిందని అన్నారు. పేదల సమస్యలను తీర్చేందుకు ప్రభుత్వం కట్టుబడి ఉందన్నారు. పేద మహిళల పొగ పొయ్యి నుంచి విముక్తి కల్పించేందుకు ఉజ్వల యోజన పథకం కేంద్ర తెచ్చిందని పేర్కొన్నారు.
రైతుల అభివృద్ధికి ప్రభుత్వం కట్టుబడి ఉందన్న ఆర్థికమంత్రి
రైతుల అభివృద్ధికి తమ ప్రభుత్వం కట్టుబడి ఉందని ఆర్థికమంత్రి అరుణ్‌జైట్లీ తెలిపారు.  2022 నాటికి రైతుల ఆదాయాన్ని రెట్టింపు చేయడమే తమ ప్రభుత్వ లక్ష్యమని చెప్పారు. ఈ ఏడు వ్యవసాయ ఉత్పత్తులు రికార్డు స్థాయిలో ఉన్నాయని తెలిపారు. పంటలకు గిట్టుబాటుల ధర కల్పించడం ద్వారా వ్యవసాయాన్ని లాభదాయకంగా మార్చుతామన్నారు. 
స్వచ్ఛభారత్‌తో పేదల జీవితాల్లో మార్పు 
స్వచ్ఛభారత్‌తో పేదల జీవితాల్లో మార్పు వచ్చిందని ఆర్థికమంత్రి అరుణ్‌జైట్లీ అన్నారు. ఈ పథకం కింద ప్రభుత్వం ఇప్పటివరకు 6 కోట్ల టాయ్‌లెట్లను నిర్మించడం జరిగిందని పేర్కొన్నారు. వీటి వళ్ల మహిళలకు భద్రత, ఆరోగ్యాలు మెరుగు పడ్డాయన్నారు. వచ్చే ఆర్థిక సంవత్సరంలో 2 కోట్ల మరుగుదొడ్ల నిర్మాణం చేపట్టనున్నట్లు జైట్లీ ప్రకటించారు.
రైల్వేల్లో భద్రతకు ప్రాధాన్యత 
రైల్వేల్లో భద్రతకు ప్రాధాన్యత ఇవ్వాలని కేంద్ర ప్రభుత్వం నిర్ణయించింది. టెక్నాలజీకి పెద్దపీట వేస్తారు. దేశవ్యాప్తంగా 600 స్టేషన్లను ఆధునీకరిస్తారు. అన్ని ప్రధాన రైళ్లలో వైఫై, టీవీ సౌకర్యం కల్పిస్తారు. వచ్చే రెండేళ్లలో 4,267 కాపలాలేని లెవల్‌ క్రాసింగ్‌లను తొలగిస్తారు. 
బడ్జెట్‌లో గ్రామీణాభివృద్ధికి పెద్దపీట 
కేంద్ర ప్రభుత్వం పేదల ఆరోగ్య సంరక్షణ కోసం కొత్త  వైద్య బీమా పథకాన్ని ప్రవేశపెట్టింది. ఐదు లక్షల రూపాయల వరకు వైద్య బీమా వర్తించే విధంగా దీనిని తీసుకొస్తున్నారు. 
నీటిపారుదల, వ్యవసాయ రంగాలకు ప్రాధాన్యత 
కేంద్ర బడ్జెట్‌లో గ్రామీణాభివృద్ధి, వ్యవసాయం, నీటిపారుదల, గ్రామీణ ఉపాధి రంగాలకు పెద్దపెట వేశారు. ఇందుకోసం బడ్జెట్‌లో 14.34 లక్షల కోట్ల రూపాయలు కేటాయించారు. 

21:09 - January 29, 2018

ఢిల్లీ : పార్లమెంటు బడ్జెట్‌ సమావేశాలు ప్రారంభమయ్యాయి. రాష్ట్రపతి రామ్‌నాథ్‌ కోవింద్‌ తొలిసారిగా ఉభయసభలను ఉద్దేశించి ప్రసంగించారు. దేశవ్యాప్తంగా జమిలి ఎన్నికల అంశంపై విస్తృత చర్చ జరగాలని.... దీనిపై రాజకీయ పార్టీలు ఏకాభిప్రాయానికి రావాల్సిన అవసరం ఉందన్నారు రాష్ట్రపతి. రైతులు, కార్మికులు, మధ్యతరగతి వర్గాలు విద్యార్థులకు కేంద్ర ప్రభుత్వం చేపట్టిన వివిధ పథకాలు, సామాజిక న్యాయం గురించి ప్రస్తావించారు. దేశంలో పేదలు, ఉన్నత వర్గాల మధ్య ఉన్న అంతరాన్ని తొలగించాల్సిన అవసరం ఉందని పేర్కొన్నారు. ఈ సమావేశాల్లో ట్రిపుల్‌ తలాక్‌ బిల్లుకు ఆమోదం లభిస్తుందన్న ఆశాభావాన్ని రాష్ట్రపతి వ్యక్తం చేశారు. రాష్ట్రపతి రామ్‌నాథ్‌ కోవింద్‌ ఉభయ సభలను ఉద్దేశించి ప్రసంగించడం ద్వారా పార్లమెంటు బడ్జెట్‌ సమావేశాలు ప్రారంభమయ్యాయి. తన ప్రసంగంలో రైతులు, కార్మికులు, మధ్యతరగతి వర్గాలు విద్యార్థులకు కేంద్ర ప్రభుత్వం చేపట్టిన వివిధ పథకాలు, సామాజిక న్యాయం గురించి ప్రస్తావించారు. నవభారత కలలను సాకారం చేసేందుకు 2018ని ముఖ్యమైన సంవత్సరంగా రాష్ట్రపతి పేర్కొన్నారు. 2019లో గాంధీజీ 150వ జయంతి ఉత్సవాలు జరగనున్న నేపథ్యంలో భారత్‌ను స్వచ్ఛదేశంగా మారుద్దామని పిలుపునిచ్చారు.

దేశవ్యాప్తంగా జమిలి ఎన్నికల అంశంపై విస్తృత చర్చ జరగాలని.... దీనిపై రాజకీయ పార్టీలు ఏకాభిప్రాయానికి రావాల్సిన అవసరం ఉందని రాష్ట్రపతి తెలిపారు. ముస్లిం మహిళల ఏళ్ల నాటి ఆవేదన నుంచి విముక్తి కోసం తలాక్ బిల్లును ప్రభుత్వం తీసుకువచ్చిందన్నారు. ఈ సమావేశాల్లో ట్రిపుల్ తలాక్ బిల్లుకు ఆమోదం లభిస్తుందన్న ఆశాభావాన్ని రాష్ట్రపతి వ్యక్తం చేశారు. దేశంలో పేదలు, ఉన్నత వర్గాల మధ్య అంతర్యాన్ని తగ్గించాల్సిన అవసరం ఉందని రాష్ట్రపతి అన్నారు. పేదలు, మధ్యతరగతి వర్గాలకు మేలుకు చేకూర్చేందుకు ఆరోగ్య బీమా, జన ఆషాదీ పథకాలను ప్రభుత్వం అందుబాటులోకి తెచ్చిందన్నారు. యువత స్వయం ఉపాధికి అత్యంత ప్రాధాన్యతనిస్తోన్న ప్రభుత్వం... ముద్రా యోజన ద్వారా ఇప్పటివరకు 3 కోట్ల మందికి లబ్ది చేకూరిందని కోవింద్‌ చెప్పారు. 2022 నాటికి రైతుల ఆదాయాన్ని రెట్టింపు చేయడమే ప్రభుత్వ లక్ష్యమని రాష్ట్రపతి కోవింద్‌ తెలిపారు. సాగునీటి పారుదల వ్యవస్థను విస్తరించి రైతులకు చేయూతనిస్తామన్నారు. ఎరువులను బ్లాక్‌మార్కెట్‌కు వెళ్లకుండా నిరోధించగలిగామన్నారు. ప్రధాన్‌మంత్రి కిసాన్ బీమా, ఫసల్‌ బీమా పథకాళు రైతులకు ప్రయోజనం చేకూరుస్తుందని వెల్లడించారు.

దేశంలో అవినీతిని నిర్మూలించేందుకు ప్రభుత్వం పోరాటం కొనసాగుతుందని రాష్ట్రపతి తెలిపారు. గత ఏడాది 3.50 లక్షలకు పైగా అనుమానస్పద కంపెనీల రిజిస్ట్రేషన్లను రద్దు చేసినట్లు పేర్కొన్నారు. దళారీ విధానాన్ని రూపుమాపేందుకు, పేదల హక్కులకు ఆధార్‌ దోహద పడుతోందన్నారు. ఆధార్‌తో 57 వేల కోట్లు ప్రభుత్వానికి మిగిలాయన్నారు. ప్రధానమంత్రి ఉజ్వల్‌ యోజన ద్వారా 3 కోట్ల 30 లక్షల గ్యాస్‌ కనెక్షన్లు ఇవ్వడం ద్వారా పేద మహిళల కష్టాలు తీరిపోయాయని రాష్ట్రపతి అన్నారు. మెటర్నిటీ బెనిఫిట్‌ కింద గర్భిణీలకు 26 వారాల పాటు వేతనంతో కూడిన సెలవులు ఇవ్వడం జరిగిందన్నారు. బ్రాడ్ బ్యాండ్ కనెక్టివిటీని గ్రామాలకు విస్తరిస్తున్నామని రామ్‌నాథ్ కోవింద్ వెల్లడించారు. భారత్ నెట్ పథకం ద్వారా రెండు లక్షల గ్రామాలు బ్రాడ్ బ్యాండ్‌తో అనుసంధానం జరిగిందని...రెండున్నర లక్షల పంచాయతీల్లో ఇంటర్నెట్ సేవలు అందుబాటులోకి వచ్చాయన్నారు. మైనార్టీ, పేద ప్రజలను బుజ్జగించేందుకు ప్రభుత్వం పనిచేయడం లేదని.. వారి సాధికారతే తమ ప్రభుత్వ మంత్రమని రాష్ట్రపతి తెలిపారు.

09:43 - January 21, 2018

ఢిల్లీ : పలు రంగాల్లో ప్రతిభావంతులైన 112 మంది మహిళామణులను రాష్ట్రపతి రామ్‌నాథ్ కోవింద్ ఘనంగా సన్మానించారు. వివిధ రంగాల్లో తొలిసారి అడుగుపెట్టి చరిత్ర సృష్టించిన 227 మంది మహిళల పేర్లను సేకరించిన మహిళా శిశు సంక్షేమ శాఖ వారిలో 112 మందిని సత్కారానికి ఎంపిక చేసింది. తొలి మిసైల్‌ప్రాజెక్ట్‌ హెడ్‌, శ్మశానం నిర్వహిస్తున్న తొలిమహిళ, తొలి ఒలింపిక్‌ పతకం సాధించినవారు.. ఇలా వివిధ రంగాల్లోకి తొలిసారి అడుగులేసిన మహిళల వివరాలను సేకరించి ఈ గౌరవానికి ఎంపికచేశారు. ఇందులో తెలుగురాష్ట్రాలకు చెందిన పీవీ సింధు, కరణం మల్లేశ్వరి, వంకదారత్‌ సరిత, సైనా నెహ్వాల్‌, టెస్సీ థామస్‌, కెప్టెన్‌ శోభా, కె.మిథాలీరాజ్‌, సాజిదాఖాన్‌, సానియామీర్జా, శోభనాకామినేని , గాయని కేఎస్‌చిత్ర అవార్డులు అందుకున్నారు.

 

22:07 - January 20, 2018

ఢిల్లీ : పలు రంగాల్లో ప్రతిభావంతులైన 112 మంది మహిళామణులను రాష్ట్రపతి రామ్‌నాథ్ కోవింద్ ఘనంగా సన్మానించారు. వివిధ రంగాల్లో  తొలిసారి అడుగుపెట్టి చరిత్ర సృష్టించిన 227 మంది మహిళల  పేర్లను సేకరించిన మహిళా శిశు సంక్షేమ శాఖ వారిలో 112 మందిని సత్కారానికి ఎంపిక చేసింది. తొలి మిసైల్‌ప్రాజెక్ట్‌ హెడ్‌, శ్మశానం నిర్వహిస్తున్న తొలిమహిళ, తొలి ఒలింపిక్‌ పతకం సాధించినవారు.. ఇలా వివిధ రంగాల్లోకి తొలిసారి అడుగులేసిన మహిళల వివరాలను సేకరించి ఈ గౌరవానికి ఎంపికచేశారు. ఇందులో తెలుగురాష్ట్రాలకు చెందిన పీవీ సింధు, కరణం మల్లేశ్వరి, వంకదారత్‌ సరిత , సైనా నెహ్వాల్‌ , టెస్సీ థామస్‌, కెప్టెన్‌ శోభా,  కె.మిథాలీరాజ్‌ , సాజిదాఖాన్‌ , సానియామీర్జా , శోభనాకామినేని , గాయని కేఎస్‌చిత్ర అవార్డులు అందుకున్నారు. 

 

Pages

Don't Miss

Subscribe to RSS - రాష్ట్రపతి