రాష్ట్రపతి

10:35 - December 8, 2017

విశాఖపట్టణం : దేశ రక్షణలో నౌకాదళం కీలక పాత్ర పోషిస్తోందని రాష్ట్రపతి రామ్ నాథ్ కోవింద్ పేర్కొన్నారు. విశాఖపట్టణంలో ఆయన రెండో రోజు పర్యటనలో భాగంగా తూర్పు నౌకాదళ ప్రధాన కేంద్రాన్ని సందర్శించారు. తొలి జలాంతర్గమి ఐఎస్ఎస్ కల్వరి స్వర్ణోత్సవాల్లో కోవింద్ పాల్గొన్నారు. ఈ సందర్భంగా నావికుల నుండి గౌరవ వందనం స్వీకరించారు. మేకింగ్ ఇండియాలో భాగంగా కేంద్ర ప్రభుత్వం జలాంతర్గాముల నిర్మాణాలకు ప్రాధాన్యతనిస్తోందని, త్రివిద దళాల్లో నౌకాదళం ఎంతో కీలకమైనదని అభివర్ణించారు. 

08:25 - December 8, 2017
06:29 - December 8, 2017

విశాఖపట్టణం : ఆంధ్రప్రదేశ్‌లో రాష్ట్రపతి రామ్‌నాథ్‌ కోవింద్‌ పర్యటన సాగుతోంది. పర్యటనలో భాగంగా టీయూ 142 యుద్ధ విమాన ప్రదర్శనశాలను రామ్‌నాథ్‌ కోవింద్‌ ప్రారంభించారు. ఏయూలోని పలు భవన నిర్మాణాలకు ఆయన శంకుస్థాపన చేశారు. గవర్నర్‌ నరసింహన్‌, ముఖ్యమంత్రి చంద్రబాబు నాయుడు ఆయనకు ఘనంగా ఆహ్వానించారు. అనంతరం నగరంలోని పలు అభివృద్ధి కార్యక్రమాల్లో రాష్ట్రపతి పాల్గొన్నారు. తొలుత విశాఖ సాగర తీరంలో ఏర్పాటు చేసిన టీయూ 142 యుద్ధ విమాన ప్రదర్శనశాలను రాష్ట్రపతి రామ్‌నాథ్‌ కోవింద్‌ ప్రారంభించారు. విమానాన్ని సందర్శించి.. ఆ విమాన విశేషాలను తెలుసుకున్నారు. తర్వాత బీచ్‌రోడ్డులోని అల్లూరి సీతారామరాజు కాంస్య విగ్రహానికి పూలమాలలు వేసి.. నివాళులు అర్పించారు. అనంతరం ఆంధ్రయూనివర్సిటీలోని ఈ-క్లాస్‌ రూమ్‌ భవన సముదాయం, ఇంక్యుబేటర్ కేంద్ర నిర్మాణానికి శంకుస్థాపన చేశారు. ఈ సందర్భంగా.. రాష్ట్రపతిగా బాధ్యతలు స్వీకరించిన తర్వాత.. విశాఖకు రావడం ఇదే తొలిసారని.. చాలా ఆనందంగా ఉందని రామ్‌నాథ్‌ కోవింద్‌ అన్నారు. అలాగే గవర్నర్ నరసింహన్‌, సీఎం చంద్రబాబనాయుడులు రాష్ట్రపతి రాకపై సంతోషం వ్యక్తం చేశారు. విశాఖ చరిత్రలో ఇది ఒక మధుర స్మృతిగా అభివర్ణించారు. శుక్రవారం కూడా.. రాష్ట్రపతి మరికొన్ని అభివృద్ధి కార్యక్రమాల్లో పాల్గొని.. అనంతరం తిరిగి ఢిల్లీకి పయనం కానున్నారు. 

20:13 - October 25, 2017

బెంగళూరు : కర్ణాటలో టిప్పు సుల్తాన్‌ జయంతిపై రాజకీయ దుమారం చెలరేగిన నేపథ్యంలో రాష్ట్రపతి రామ్‌నాథ్‌ కోవింద్‌ ఆయనను ప్రశంసలతో ముంచెత్తారు. మైసూర్ పాలకుడు టిప్పు సుల్తాన్ గొప్ప యుద్ధ వీరుడని రాష్ట్రపతి రామ్‌నాథ్ కోవింద్ అన్నారు. బ్రిటిష్‌ వారితో పోరాడుతూ టిప్పు సుల్తాన్‌ అసువులు బాసారని...యుద్ధంలో మైసూరు రాకెట్లకు ఆయనే నాంది పలికారని కొనియాడారు. విధాన సౌధ 60వ వార్షికోత్సవం సందర్భంగా కర్ణాటక అసెంబ్లీ, శాసనమండలి సంయుక్త సమావేశంలో ప్రసంగిస్తూ రాష్ట్రపతి ఈ వ్యాఖ్యలు చేశారు. బిజెపి నేతలు టిప్పు సుల్తాన్‌ను నిరంకుశుడిగా పేర్కొన్న నేపథ్యంలో కోవింద్‌ ఆయనను గొప్ప యోధుడిగా కీర్తించడం గమనార్హం. నవంబర్‌ 10న జరిగే టిప్పు సుల్తాన్‌ జయంతోత్సవాలకు కర్నాటక ప్రభుత్వ ఆహ్వానాన్ని బీజేపీ తోసిపుచ్చిన విషయం తెలిసిందే. టిప్పు సుల్తాన్‌ జయంతిని బిజెపి తిరస్కరిస్తోంది. ఘనమైన ఆధ్యాత్మిక చరిత్రతో పాటు శాస్త్ర, సాంకేతిక రంగాలకు, వ్యవసాయానికి కర్ణాటక ప్రసిద్ధి చెందిందని రాష్ట్రపతి ఈ సందర్భంగా అన్నారు.

 

21:26 - October 7, 2017

హైదరాబాద్ : ఉమ్మడి ఆంధ్రప్రదేశ్ రాష్ట్రంలో ఉద్యోగాల నిమాయకాల కోసం జోనల్ వ్యవస్థను ఏర్పాటు చేస్తూ జారీ చేసిన రాష్ట్రపతి ఉత్తర్వులు- 371 డి ని సవరించాల్సిన అవసరం ఉందని సీఎం కేసీఆర్ అభిప్రాయపడ్డారు. తెలంగాణ రాష్ట్రంలో ఉద్యోగ నియామకాలు, జోనల్ వ్యవస్థ, రాష్ట్రపతి ఉత్తర్వులు తదితర అంశాలపై సీఎం కేసీఆర్ ప్రగతి భవన్‌లో ఉన్నత స్థాయి సమీక్ష నిర్వహించారు. ఈ సమీక్షలో ఉప ముఖ్యమంత్రులు కడియం శ్రీహరి, మహమూద్ అలీతో పాటు మంత్రులు, అధికారులు పాల్గొన్నారు. కొత్త ఉద్యోగాల నియామకం ఏ ప్రాతిపదికన జరగాలి.. జోనల్ వ్యవస్థ ఉండాలా ..రద్దు చేయాలా.. జోన్లు ఉంటే ఎన్ని ఉండాలి.. ఉమ్మడి ఆంధ్రప్రదేశ్‌లో జారీ చేసిన రాష్ట్రపతి ఉత్తర్వులు కొత్తగా ఏర్పడిన తెలంగాణ రాష్ట్రానికి ఎలా అన్వయించుకోవాలి.. డీఎస్సీ కొత్త జిల్లాల ప్రాతిపదికన చేయాలా.. పాత జిల్లాల ప్రాతిపదికనా.. తదితర అంశాలపై కూలంకషంగా చర్చ జరిగింది.

కేంద్రహోంశాఖతో స్వయంగా మాట్లాడతా..
కొత్తగా ఏర్పడిన తెలంగాణ రాష్ట్రం కోసం రాష్ట్రపతి కొత్త ఉత్తర్వులు ఇవ్వాలని ఇందుకోసం తగు ప్రతిపాదనలు పంపుతామని సీఎం వెల్లడించారు. అందుకోసం స్వయంగా తానే ఢిల్లీ వెళ్లి కేంద్రహోంశాఖతో మాట్లాడి వీలైనంత తొందరలోనే కొత్త ఉత్తర్వులు వచ్చేలా ప్రయత్నిస్తానని సీఎం చెప్పారు. ప్రస్తుతం తెలంగాణలో రెండు జోన్లు మాత్రమే ఉన్నాయన్న కేసీఆర్ ఏ జోన్‌లోకి ఏ జిల్లాలు వస్తాయో నిర్ధారించాలన్నారు. ఇందుకోసం మంత్రులు, అధికారులతో కూడిన కమిటీని నియమిస్తున్నామని సీఎం ప్రకటించారు. వారు పూర్తిస్థాయిలో అధ్యయనం చేసి ప్రభుత్వానికి నివేదిక సమర్పిస్తారని సీఎం తెలిపారు. ప్రభుత్వం ద్వారా జరిగే ప్రతీ నియామకం కచ్చితంగా రాష్ట్రపతి ఉత్తర్వులకు లోబడే ఉండాలని సీఎం కేసీఆర్ స్పష్టం చేశారు. కొత్త ఉత్తర్వుల కోసం ఉన్నతమైన విధానాన్ని ప్రతిపాదించాలన్న సీఎం.. డీఎస్సీ నోటిఫికేషన్ కూడా కొత్త జిల్లాల వారీగా జారీ చేయాలని సమావేశంలో నిర్ణయం తీసుకున్నారు. కొత్తగా జారీ చేయాల్సిన రాష్ట్రపతి ఉత్తర్వులకు సంబంధించిన ముసాయిదా రూపొందించడానికి, అధ్యయనం చేయడానికి మంత్రులు, అధికారులతో కూడిన కమిటీని సీఎం కేసీఆర్ నియమించారు.

07:35 - October 1, 2017

ఢిల్లీ : దేశంలో ఐదు రాష్ట్రాలు, ఓ కేంద్ర పాలిత ప్రాంతానికి నూతన గవర్నర్లను నియమిస్తూ రాష్ట్రపతి రామ్‌నాథ్‌ కోవింద్‌ శనివారం ఉత్తర్వులు జారీచేశారు. తమిళనాడు గవర్నర్‌గా బన్వరీలాల్‌ పురోహిత్‌ నియమితులయ్యారు. ఇప్పటివరకు అండమాన్‌ నికోబార్‌ దీవులకు లెఫ్టినెంట్‌ గవర్నర్‌గా బాధ్యతలు నిర్వర్తించిన ప్రొఫెసర్‌ జగ్దీష్‌ ముఖీను తప్పించి ఆయన స్థానంలో రిటైర్‌ అడ్మిరల్‌ దేవేంద్రకుమార్‌ జోషిని నియమించారు. జగ్దీష్‌ ముఖీని అసోం గవర్నర్‌గా నియమిస్తున్నట్లు ప్రకటించారు. మేఘాయల గవర్నర్‌గా గంగా ప్రసాద్‌, బిహార్‌ గవర్నర్‌గా సత్యపాల్‌ మాలిక్‌, అరుణాచల్‌ప్రదేశ్‌ గవర్నర్‌గా బీ.డీ. మిశ్రాను నియమించారు. అయితే గత కొంత కాలంగా గవర్నర్‌ పదవి వస్తుందని ఎదురు చూస్తున్న టీడీపీ నేత మోత్కుపల్లి నర్సింహ్ములుకి ఈసారి కూడా నిరాశే ఎదురైంది.

15:43 - September 19, 2017

చెన్నై : తమిళ తాజా రాకీయాలు వేడెక్కాయి. నేడు సాయంత్రం డీఎంకే శాసనసభాపక్షం సమావేశం కానుంది. ఈ భేటీలో ఎమ్మెల్యేల మూకుమ్మడి రాజీనామాలపై నిర్ణయం తీసుకునే అవకాశం ఉంది. మరోవైపు తమిళనాడు ఇన్ చార్జ్ గవర్నర్ విద్యాసాగర్ రావు ఢిల్లీలో బిజీబీజీగా ఉన్నారు. ఆయన కేంద్రహోంశాఖ మంత్రి రాజ్ నాథ్ సింగ్ తో భేటీ అయ్యారు. వారి మధ్య తమిళనాడు తాజా రాజకీయ పరిణామలపై, దినకరన్ వర్గానికి చెందిన 18 మంది ఎమ్మెల్యేలపై అనర్హత వేటుపై చర్చ జరిగినట్టు తెలుస్తోంది. విద్యాసాగర్ రావు రాష్ట్రపతి కోవింద్ కూడా భేటీ అయ్యారు. తాజా పరిణామాలను అన్నాడీఎంకే నిశితంగా పరిశీలిస్తుంది. పూర్తి వివరాలకువ వీడియో చూడండి.

13:34 - September 3, 2017

ఢిల్లీ : మోదీ కొత్త టీమ్‌ ప్రమాణ స్వీకారం చేసింది. కేబినెట్‌ పునర్వ్యవస్థీకరణలో కొత్తగా 9 మందికి అవకాశం లభించింది. కొత్త మంత్రుల చేత రాష్ట్రపతి రామ్‌నాథ్‌ కోవింద్‌... ప్రమాణ స్వీకారం చేయించారు. కొత్త కేంద్రమంత్రులుగా వీరేంద్రకుమార్‌, శివప్రతావ్‌ శుక్లా, అనంతకుమార్‌ హెగ్డే, సత్యపాల్‌ సింగ్, అశ్వినీకుమార్‌ చౌబే, గజేంద్రసింగ్‌ షెకావత్, హర్దీప్‌సింగ్‌ పూరి, రాజ్‌కుమార్‌ సింగ్‌, అల్ఫోన్స్‌ కన్నన్‌థానం ప్రమాణ స్వీకారం చేశారు. అలాగే నిర్మలాసీతారామన్‌, ధర్మేంద్ర ప్రదాన్‌, ముక్తార్‌ అబ్బాస్‌నఖ్వీ, పీయూష్‌గోయల్‌కు పదోన్నతి కల్పించి... కేబినెట్‌ హోదా ఇచ్చారు. ఇక కేబినెట్‌ పునర్వ్యవస్థీకరణలో తెలుగు రాష్ట్రాలకు మొండి చేయే మిగిలింది. ఏపీ నుంచి కంభంపాటి హరిబాబుకు కేంద్రమంత్రి పదవి దక్కుతుందని చివరి వరకు ఊహాగానాలు సాగినా.... చివరకు మొండిచేయ్యే మిగిలింది. కేంద్ర కేబినెట్‌ విస్తరణపై తెలుగు రాష్ట్రాల బీజేపీ నేతలు నిరాశతో ఉన్నారు. బండారు దత్తాత్రేయ రాజీనామాతో తెలంగాణకు ప్రాధాన్యత దక్కలేదు. చివరి వరకు ఉత్కంఠ కొనసాగింది.

14:51 - September 2, 2017

ఢిల్లీ : కేంద్ర కేబినెట్‌ విస్తరణ జాబితా ఇవాళ సాయంత్రం రాష్ట్రపతికి చేరే అవకాశముంది.. ప్రస్తుతం రామ్‌నాథ్ తిరుపతి పర్యటనలో ఉన్నారు.. ఆయన తిరుపతినుంచి ఢిల్లీ చేరుకోగానే కేబినెట్‌ సెక్రటరీ జాబితాను అందజేయనున్నారు.. సాయంత్రమే కొత్తగా ఎంపికైన మంత్రులకు సమాచారం ఇవ్వనున్నారు.. మరోవైపు పలువురు కొత్త నేతలకు మంత్రి పదవులు రానున్నాయని ప్రచారం జరుగుతోంది.. కర్ణాటక నుంచి ప్రహ్లాద్‌ జోషి, సురేశ్‌ అంగాడి, శోభా కరండాల్జీ.... మహారాష్ట్రనుంచి వినయ్‌ సహస్రబుద్దే, మాజీ పోలీస్‌ కమిషనర్‌ సత్యపాల్‌ సింగ్... ఉత్తరప్రదేశ్‌నుంచి హరీశ్ ద్వివేది...... మధ్య ప్రదేశ్‌నుంచి ప్రభాత్‌ ఝా, రాకేశ్‌ సింగ్... ప్రహ్లాద్‌ పటేల్ పేర్లు వినిపిస్తున్నాయి.. అలాగే బీహార్‌నుంచి అశ్విని చౌబే... ఢిల్లీనుంచి మహేశ్‌ గిరి... ఓం మాథుర్‌.... జెడీయూ నుంచి ఆర్ సీపీ సింగ్‌... సంతోశ్‌ కుమార్‌... శివసేన నుంచి ఆనంద్‌ రావ్‌ అడ్సూల్‌... అనిల్‌ దేశాయ్ పేర్లు ప్రచారంలో ఉన్నాయి... 

21:58 - September 1, 2017

Pages

Don't Miss

Subscribe to RSS - రాష్ట్రపతి