రాహుల్ గాంధీ

11:14 - December 18, 2018

ఢిల్లీ : పార్లమెంట్ ఎన్నికలు సమీపిస్తున్న క్రమంలో జాతీయ స్థాయిలో రాజకీయ సమీకరణలు మారుతున్నాయి.బీజేపీ యేతర ఫంట్ అంటున్న కొందరు నేతలు సరికొత్త ఫ్రంట్ కు తెర తీస్తున్నట్లుగా రాజకీయ సమీకరణల్లో మార్పులొస్తున్నాయి. ఈ మార్పులకు జాతీయ  కాంగ్రెస్ అధినేత రాహుల్ గాంధీనే కీలకంగా మారబోతున్నట్లుగా తెలుస్తోంది.
ఫిబ్రవరి 15 తరువాత ఎన్నికల నోటిఫికేషన్..
పార్లమెంట్ ఎన్నికలు సమీపిస్తున్నాయి..అనుకున్నది అనుకున్నట్లుగా జరిగితే పార్లమెంట్ ఎన్నికలతో పాటు మరికొన్ని రాష్ట్రాలలో అసెంబ్లీ ఎన్నికలు  కూడా ఏప్రిల్ రెండో వారంలో జరగనున్నాయి. దీంతో ఫిబ్రవరి 15 తరువాత ఏ క్షణంలోనైనా ఎన్నికల నోటిఫికేషన్ ప్రకటించేలా ఎన్నికల సంఘం సంకేతాలిస్తోంది. దీంతో పార్లమెంట్ ఎన్నికలకు తెరమీదికి సరికొత్త ఫ్రంట్ రానుంది. 
ఈ ఫ్రంట్ లో ఎవరెవరు వుంటారు? ఏఏ పార్టీలు భాగస్వామ్యం కానున్నాయి? అనే ప్రశ్నలు తలెత్తున్న క్రమంలో కొత్త కదలికలు..ప్రతిపాదనలు తెరపైకి వస్తున్నాయి. ఇప్పటికే బీజేపీ యేతర ఫ్రంట్ కోసం అటు ఏపీ సీఎం చంద్రబాబు పలు రాష్ట్రాల సీఎంలతోను..పార్టీల అధినేతలతోను భేటీ అయిన పలు అంశాలపై చర్చలు కూడా కొనసాగిస్తున్నారు. దీని కోసం ఇప్పటికే చంద్రబాబు తృణముల్ కాంగ్రెైస్ అధినేత..పశ్చిమ బెంగాల్ సీఎం మమతా బెనర్జీ..డీఎంకే పార్టీ అధినేత స్టాలిన్ వంటి అధినేతలతో భేటీ అయిన విషయం తెలిసిందే. 
పార్టీ వర్కింగ్ ప్రెసిడెంట్ గా కేటీఆర్ బాధ్యతలు..
మరోపక్క తెలంగాణ సీఎం కేసీఆర్ కూడా రాష్ట్ర బాధ్యతలను కుమారుడు..సిరిసిల్ల ఎమ్మెల్యే కేటీఆర్ కు బాధ్యతలను అప్పగించి జాతీయ రాజీయాలపై దృష్టి పెట్టిన క్రమంలో టీఆర్ఎస్, టీఎంసీ, బిజూ జనతాదళ్, ఎస్పీ,బీఎస్పీ,ఏపీ పార్టీ అయిన వైసీపీ జట్టు కట్టే అవకాశాలు కనపిస్తున్నాయి. 
ప్రధాని అభ్యర్థి ఎవరు?..
కాగా అటు చంద్రబాబు, ఇటు కేసీఆర్ థర్డ్ ఫ్రంట్ అని..ఫెడరల్ ఫ్రంట్ అని భేటీలు కొనసాగుతున్నా..ఈ ఫ్రంట్ లకు సంబంధించి ప్రధాని అభ్యర్థుల విషయంపై ఇప్పటి వరకూ చర్చించలేదు ఈ సోకార్డ్ పార్టీల నేతలు. కాగా డీఎంకే అధినేత స్టాలిన్ ప్రధాని అభ్యర్థిపై స్పందిస్తు కాంగ్రెస్ అధ్యక్షుడు రాహుల్ గాంధీనే ప్రకటిస్తున్నానని కొన్ని రోజుల క్రితం ప్రటించి కొత్త చర్చకు తెర లేపారు. మరోపక్క ఏపీ సీఎం చంద్రబాబు కూడా రాహుల్ గాంధీనే ప్రధాని అభ్యర్థుల్లో ఒకరని ప్రకటించారు. కాగా కూటమిలో భాగస్వామ్యం అవుతాటమంటున్న అఖిలేశ్ యాదవ్, మమతా బెనర్జీ, మాయావతి వంటి దిగ్గజాలు మాత్రం రాహుల్ గాంధీ ప్రధాని అభ్యర్థిత్వాన్ని వ్యతిరేకిస్తున్నట్లుగా తెలుస్తోంది. 
 ఈ క్రమంలో వీరిద్దరి నిర్ణయాన్నే కూటమి నిర్ణయంగా ఖాయమవుతుందా? లేదా ప్రధాని అభ్యర్థి విషయంలో అభిప్రాయాలు మారనున్నాయా? అనే విషయం తేలాల్సి వుంది. ఈ విషయంపై క్లారిటీ రావాలంటే ఈ ఫ్రంట్ ను ఖరారు కావాలి..అధికారంగా ప్రకటించాలి..ఇవన్నీ పూర్తి అయిన తరువాత భావి ప్రధాని అభ్యర్థి విషయం తేలనుంది. 

08:32 - December 17, 2018

మూడు రాష్ట్రాల్లో కొత్త ప్రభుత్వాలు కొలువుదీరనున్నాయి. ముగ్గురు ముఖ్యమంత్రులు ప్రమాణస్వీకారం చేయనున్నారు. రాజస్థాన్ ముఖ్యమంత్రిగా అశోక్ గెహ్లాట్, రాజస్థాన్ ముఖ్యమంత్రిగా కమల్‌నాథ్, ఛత్తీస్‌గఢ్ ముఖ్యమంత్రిగా భూపేశ్ బఘేల్ ప్రమాణస్వీకారం చేయనున్నారు. మొత్తంగా సీనియర్లకే పెద్దపీట వేసిన కాంగ్రెస్ అధిష్టానం యువతను నిరాశ పరిచింది.
సీనియర్లకే పట్టం:
మధ్యప్రదేశ్, రాజస్థాన్, ఛత్తీస్‌గఢ్ అసెంబ్లీ ఎన్నికల్లో విజయం సాధించిన కాంగ్రెస్ పార్టీ ముఖ్యమంత్రులను ఎంపిక చేయడంలో మాత్రం బాగానే కసరత్తు చేసింది. కాంగ్రెస్ అధ్యక్షుడు రాహుల్‌ గాంధీ ఆయా రాష్ట్రాల పరిశీలకులు, సీనియర్‌ నేతలు, కార్యకర్తలతో జరిపిన చర్చల అనంతరం అభ్యర్థుల పేర్లను ఖరారు చేశారు. ఇప్పటికే మధ్యప్రదేశ్‌ ముఖ్యమంత్రిగా కమల్‌నాథ్‌పై ఆమోద ముద్ర వేసిన కాంగ్రెస్‌ అధిష్టానం తాజాగా రాజస్థాన్‌, ఛత్తీస్‌గఢ్ సీఎంల పేర్లను కూడా ప్రకటించింది. కాంగ్రెస్‌ సీనియర్‌ నేత అశోక్‌ గెహ్లాట్‌కు ముఖ్యమంత్రి పదవిని కట్టబెట్టింది. సచిన్‌ పైలట్‌కు ఉప ముఖ్యమంత్రి పదవితో సరిపెట్టింది.  
రాజస్థాన్ సీఎంగా అశోక్ గెహ్లాట్:
1974లో ఎన్‌ఎస్‌యుఐ అధ్యక్షుడిగా అశోక్‌ గెహ్లాట్‌ రాజకీయ జీవితం ప్రారంభమైంది. ఇందిరా గాంధీ స్ఫూర్తితో రాజకీయాల్లోకి వచ్చిన గెహ్లాట్ రాజస్థాన్‌కు రెండుసార్లు ముఖ్యమంత్రిగా పనిచేశారు. ఐదు సార్లు ఎమ్మెల్యేగా, ఐదుసార్లు ఎంపీగా ఎన్నికయ్యారు. ప్రస్తుతం ఏఐసిసి కార్యదర్శిగా ఉన్నారు. ఎన్నికల్లో కాంగ్రెస్‌ అధ్యక్షుడు రాహుల్‌ గాంధీ ఇచ్చిన హామీలను నెరవేర్చేందుకు కృషి చేస్తామని అశోక్‌ గెహ్లాట్‌ చెప్పారు.
డిప్యూటీ సీఎంగా పైలట్:
సచిన్‌ పైలట్‌ రెండుసార్లు లోక్‌సభ సభ్యునిగా ఉన్నారు. రాహుల్‌కు సన్నిహితుడైన పైలట్‌ను రాజస్థాన్‌ పార్టీ అధ్యక్ష పదవిని అప్పగించారు. పైలట్‌ నేతృత్వంలో కాంగ్రెస్‌ పార్టీ విజయపథంలో సాగింది. 3 రాష్ట్రాల ఎన్నికల ఫలితాలు దేశానికి శుభ సూచకమని ఈ సందర్భాగా పైలట్‌ అన్నారు. బీజేపీయేతర పార్టీలను కలుపుకుని లోక్‌సభ ఎన్నికలకు సన్నద్ధమవుతామని ఆయన తెలిపారు.
ఎంపీ సీఎంగా కమల్‌నాథ్:
మధ్యప్రదేశ్‌ ముఖ్యమంత్రిగా కమల్‌నాథ్‌ ప్రమాణ స్వీకారం చేయనున్నారు. 1946లో కాన్పూర్‌లో వ్యాపార కుటుంబంలో కమల్‌నాథ్ జన్మించారు. 1980లో ఆయన తొలిసారిగా లోక్‌సభకు ఎన్నికయ్యారు. చింద్వాడా నుంచి పోటీలో ఉన్న కమల్‌నాథ్‌ను ఇందిరాగాంధీ తన మూడో కుమారుడిగా పేర్కొన్నదంటేనే ఆయనకు గాంధీ కుటుంబంతో ఉన్న సాన్నిహిత్యాన్ని అర్థం చేసుకోవచ్చు. కమల్‌నాథ్‌ 9 సార్లు ఎంపీగా ఎన్నికయ్యారు. సీఎం రేసులో యువనేత జ్యోతిరాదిత్య సింధియా పోటీ పడ్డప్పటికీ కమల్‌నాథ్‌ వైపే పార్టీ మొగ్గుచూపింది.
ఛత్తీస్‌గఢ్‌లో రాజీ ఫార్ములా, ఇద్దరు సీఎంలు:
చాలాకాలం తర్వాత ఛత్తీస్‌గఢ్‌లో అధికారాన్ని చేజిక్కించుకున్న కాంగ్రెస్.. సీఎం పదవిపై నాలుగు రోజుల ఉత్కంఠకు తెరదించింది. ఇక్కడ రాజీ ఫార్మూలాను అనుసరించారు. పార్టీలోని ఇద్దరు సీనియర్ నేతలు భూపేశ్ బఘేల్, టీపీ సింగ్‌దేవ్‌లకు చెరో రెండున్నరేళ్లు సీఎం పదవిని ఇవ్వాలని అధిష్ఠానం నిర్ణయించింది. రాహుల్‌తో పాటు రాష్ట్ర వ్యవహారాల ఇంచార్జ్ పీఎల్ పునియాల సమక్షంలో సీనియర్ నేతలు సమావేశమయ్యారు. గంటల కొద్దీ చర్చల అనంతరం తామ్రధ్వజ్ సాహును ఎంపిక చేస్తున్నట్టు చెప్పగానే, సీఎం రేసులో ఉన్న బఘేల్, సింగ్ దేవ్‌లు తిరుగుబాటు చేశారు. దీంతో రంగంలోకి దిగిన సోనియా, ప్రియాంకా గాంధీ.. తామ్రధ్వజ్‌ను పక్కనబెట్టి, రాజీ ఫార్ములాను తెరపైకి తెచ్చారు. కుర్మి వర్గానికి చెందిన బఘేల్‌కు ప్రజల్లో సానుభూతి ఉంది. పైగా పలుకుబడి, ధనిక వర్గాల మద్దతు కూడా పుష్కలం. హస్తినలో ఆయన లాబీయింగ్ బాగానే పని చేసింది. ఇదే సమయంలో రాజ్‌పుత్ వర్గానికి చెందిన సింగ్‌దేవ్ సైతం, తనదైన శైలిలో పావులు కదిపి రెండున్నరేళ్లు సీఎం అవకాశాన్ని పొందారు.

19:45 - December 16, 2018

చెన్నై:  తమిళనాడు మాజీ ముఖ్యమంత్రి  కరుణానిధి కాంస్యవిగ్రహాన్ని యూపీఏ ఛైర్ పర్సన్ సోనియా గాంధీ ఆదివారం సాయంత్రం  అన్నాఅరివాలయంలోని డీఎంకే ప్రధాన కార్యాలయంలో ఆవిష్కరించారు.  పార్టీలకతీతంగా పలు రాజకీయ పార్టీల నాయకులు ఈ సభకు హజరయ్యారు. కాంగ్రెస్ పార్టీ అధ్యక్షుడు రాహుల్‌ గాంధీ, ఏపీ సీఎం చంద్రబాబు నాయుడు, కేరళ ముఖ్యమంత్రి పినరయి విజయన్, రజనీకాంత్, శత్రుఘ్నసిన్హా, సీతారాం ఏచూరి, వైగోలతో పాటు జాతీయ, రాష్ట్రస్దాయి నేతలు ఈ కార్యక్రమానికి  హాజరయ్యారు. తమిళుల కోసం జీవితాంతం  పోరాడినవ్యక్తి కరుణానిధి అని ఏఐసీసీ అధ్యక్షుడు రాహుల్ గాంధీ అన్నారు. గత నాలుగున్నరేళ్లుగా కేంద్రంలోని బీజేపీ ప్రభుత్వ వైఫల్యాలను ఎండగట్టిన ఆంధ్రప్రదేశ్ ముఖ్యమంత్రి చంద్రబాబు నాయుడు తనప్రసంగంలో ఈవీఎంలట్యాంపరింగ్ విషయాన్ని ప్రస్తావనకు తెచ్చారు.బీజేపీ ఆటల్ని తమిళనాయకులు సాగనివ్వలేదని, దేశంలోప్రజాస్వామ్య పరిరక్షణకు అన్నిపార్టీలు ఏకం కావాల్సిన సమయం ఆసన్నమైందని ఆయన అన్నారు.  కేంద్రంలోనిబీజేపీ ప్రభుత్వ వ్యవస్ధలను నాశనంచేస్తోందని  దాంతో ఆర్బీఐ గవర్నర్ రాజీనామా చేయాల్సి వచ్చిందని చంద్రబాబు  అన్నారు. 

08:43 - December 16, 2018

యూపీ: ప్రధాని మోడీ తొలిసారిగా కాంగ్రెస్ కంచుకోట రాయ్‌బరేలీలో పర్యటించనున్నారు. ఇందిర, రాజీవ్, సోనియా కుటుంబానికి పెట్టని కోటలాంటి రాయ్‌బరేలీ నియోజకవర్గంలో మోడీ వెయ్యికోట్లకిపైగా అభివృధ్ది పనులకు శంకుస్థాపన చేయనున్నారు. వచ్చే లోక్‌సభ ఎన్నికలకు ముందు మోడీ ఇలా రాయ్‌బరేలీ టూర్ పెట్టుకోవడం వ్యూహాత్మకమే అని భావిస్తున్నారు. ఐదు రాష్ట్రాల ఎన్నికల ఫలితాల తర్వాత బీజేపీలో జోష్ పెంచేందుకు మోడీ తయారయ్యారు. అందుకోసం గాంధీ కుటుంబానికి పెట్టని కోటలాంటి రాయ్‌బరేలీని ఎంచుకున్నారు. రాయ్‌బరేలీలో మోడీ పర్యటించడం ఇదే తొలిసారి కావడం మరో విశేషం.
2019 లోక్‌సభ ఎన్నికలే టార్గెట్:
అసెంబ్లీ ఎన్నికల ఫలితాలకు ముందే..మోడీ ఈ టూర్ ప్లాన్ చేసినట్లు తెలుస్తోంది. రాయ్‌బరేలీకి పక్కనే ఉన్నఅమేథీ నుంచి రాహుల్‌గాంధీపై బీజేపీ నేత, కేంద్ర టెక్స్ట్‌టైల్ శాఖ మంత్రి స్మృతి ఇరాని పోటీ చేశారు. అప్పట్నుంచి ఆమె రాయ్‌బరేలీ నియోజకవర్గాన్ని తరచూ సందర్శిస్తున్నారు. 2019 లోక్‌సభ ఎన్నికలనాటికి రాయ్‌బరేలీ ప్రజల్లోకి చొచ్చుకుపోవాలనేది బీజేపీ వ్యూహం. ఇప్పుడా వ్యూహంలో భాగంగానే మోడీ టూర్ కూడా ఏర్పాటైందంటారు.
అభివృద్ధి పనులకు రూ.1100కోట్లు:
2018, డిసెంబర్ 16వ తేదీన ప్రధాని మోడీ ఓ బహిరంగసభ నిర్వహిస్తారు. అందులోనే హంసఫర్ ఎక్స్‌ప్రెస్ రైలుని ప్రారంభిస్తారు. ఇప్పటికే యూపీ సిఎం యోగి ఆదిత్యనాద్ ఈ ఏర్పాట్లు పర్యవేక్షించారు. రాయ్‌బరేలీలోని రైల్ కోచ్ ఫ్యాక్టరీని కూడా పరిశీలించారు. మోడీ రాయ్‌బరేలీ టూర్‌లో దాదాపు రూ.1100కోట్ల మేర అభివృద్ధి పనులకు శంకుస్థాపనలు చేయనున్నారు.
ఒక్కసారి కూడా రాని సోనియా:
సోనియాగాంధీ గత ఏప్రిల్ నుంచి ఇప్పటిదాకా ఒక్కసారి కూడా ఇక్కడికి రాలేదు. దానికి ముందు సోనియా..2016 మధ్యలో ఓసారి స్థానికులకు కన్పించి వెళ్లారు. 2017 యూపీ ఎన్నికలలోనూ సోనియా ప్రచారం చేయలేదు. దీంతో నెహ్రూ-గాంధీ కుటుంబం హవాని వీలైనంత తగ్గించడానికి ఇదే అవకాశమని కమలదళం భావిస్తోంది. మరోవైపు కాంగ్రెస్ కూడా రాయ్‌బరేలీ అభివృధ్దిని బీజేపీనే అడ్డుకుంటుందని ప్రచారం చేస్తోంది. ఈ మధ్యనే కేంద్రమంత్రి అరుణ్ జైట్లీ తన ఎంపీ లాడ్స్ నుంచి కొంత నిధులు రాయ్‌బరేలీకి విడుదల చేశారు. మోడీ తన టూర్‌లో ఈ అంశాన్ని ప్రస్తావించే అవకాశం కన్పిస్తోంది. మోడీ రాయ్‌బరేలీ పర్యటన తర్వాత అలహాబాద్ కుంభమేళా పనులను పర్యవేక్షించేందుకు వెళ్తారు.

10:10 - December 15, 2018

ఢిల్లీ : రాఫెల్ స్కాంపై తన సవాల్ కు కట్టుబడి ఉన్నానని కాంగ్రెస్ పార్టీ జాతీయ అధ్యక్షుడు రాహుల్ గాంధీ స్పష్టం చేశారు. రాఫెల్ వ్యవహారంపై డిసెంబర్ 14న సుప్రీంకోర్టు తీర్పు ఇచ్చిన విషయం తెలిసిందే. ఈ అంశంపై కుంభకోణం జరిగిందనే వాదనకు తాను కట్టుబడి వున్నానని కాంగ్రెస్ చీఫ్ రాహుల్ మీడియా సమావేశంలో మరోసారి స్పష్టంచేశారు.  రూ.1600 కోట్లకు రాఫెల్ డీల్ ఎలా కుదిరిందనీ..రిలయన్స్ అధినేత అనిల్ అంబానీకి ఈ కాంట్రాక్ట్ ఎలా ఇచ్చారనీ..అనే ప్రశ్నలకు కేంద్రం దగ్గర సమాధానం లేదన్నారు. ‘రాఫెల్’ పై జాయింట్ పార్లమెంటరీ కమిటీ వేయాల్సిందేనని ఈ సందర్భంగా రాహుల్ మరోసారి డిమాండ్ చేశారు.
ఈ డీల్ కు సంబంధించిన వివరాలు ఇప్పటికే కాగ్ ద్వారా పబ్లిక్ అకౌంట్స్ కమిటీకి చేరాయని సుప్రీంకోర్టు పేర్కొన్న విషయాన్ని రాహుల్ ఈ సందర్భంగా ప్రస్తావించారు. అలాంటి వివరాలేవీ కాగ్ కు చేరలేదనే తన వ్యాఖ్యలకు పీఏసీ చైర్మన్ గా ఉన్న మల్లికార్జున ఖర్గే వాదనే సాక్ష్యమని రాహుల్ తెలిపారు. పీఏసీ చైర్మన్ కు తెలియకుండా ఈ నివేదిక ఎలా ఉంటుందని...ఖర్గేకు తెలియకుండా వేరే పీఏసీ ఉందా?  మీడియా వేదికగా రాహుల్ ఆగ్రహంతో ప్రశ్నించారు. స్కామ్ జరకుంటే తాను అడిగిన ప్రశ్నలకు ప్రభుత్వం ఎందుకు సరైన సమాధానం చెప్పలేకపోతోందనీ ప్రశ్నించారు. దేశానికి కాపలాదారుని అని చెప్పుకుంటున్న మోదీ పెద్ద దొంగ అని తీవ్ర వ్యాఖ్యలు చేశారు.
కాగా డిసెంబర్ 14న రాఫెల్ కుంభకోణంపై దాఖలైన పిటీషన్స్ పై విచారణ చేపట్టిన సుప్రీంకోర్టు పలు వ్యాఖ్యలు చేసింది.  రాఫెల్ ఒప్పందం విషయంలో తాము జోక్యం చేసుకోవాల్సిన అవసరం ఉందని భావించడం లేదని సుప్రీంకోర్టు పేర్కొంది. యుద్ధ విమానాల తయారీ కోసం ఫ్రాన్స్ తో డీల్ విషయంలో  న్యాయస్థానాలు జోక్యం చేసుకోవడానికి ఏ విధమైన సహేతుక కారణాలూ కనిపించడం లేదని న్యాయమూర్తి రంజన్ గొగొయ్ ఈ కేసు విచారణ సందర్భంగా వ్యాఖ్యానించారు. దేశ భద్రతను దృష్టిలో ఉంచుకుని కొన్ని విషయాల్లో గోప్యత పాటించాల్సిన అవసరం ఉందని అటార్నీ జనరల్ చేసిన వాదనను అంగీకరిస్తున్నామని..అటువంటి రహస్య ఒప్పందాల్లో భాగంగానే రాఫెల్ కుంభకోణం కేసుపై  విచారణను కొనసాగించలేమని దేశ అత్యున్నత ధర్మాసనం వ్యాఖ్యానించింది. ఈ  మూడు అంశాలను పరిశీలించిన మీదటే ధర్మాసనం ఈ నిర్ణయానికి వచ్చిందనీ..నిర్ణయ విధానం, ధరల వ్యవహారం, అంతర్జాతీయ ఒప్పందం అంశాలను సమీక్షించామని ఈ సందర్భంగా జస్టిస్ రంజన్ గొగొయ్ వెల్లడించిన విషయం తెలిసిందే. దీనిపై బీజేపీ శ్రేణులు హర్షం వ్యక్తంచేయగా..కాంగ్రెస్ నేతలు మాత్రం స్కామ్ జరిగిన విషయం వాస్తవమేనని..ఈ అంశంపై తాము కట్టుబడి వున్నామని స్పష్టంచేస్తున్నారు.
 

11:30 - December 14, 2018

ఢిల్లీ : రాఫెల్ కుంభకోణం దేశంలో సంచలనం సృష్టించిన విషయం తెలిసిందే. ఈ కుంభకోణాన్ని ఆధారంగా చేసుకుని ఎన్డీయే ప్రభుత్వంపై కాంగ్రెజ్ అధినేత రాహుల్ గాంధీ విరుచుకుపడ్డారు. దీన్నే ప్రధాన అస్త్రంగా చేసుకుని ఎన్నికల ప్రచారంలో ప్రధాని నరేంద్రమోదీపై విరుచుకుపడ్డారు. ఈ క్రమంలో రాఫెల్ కుంభకోణం విషయంలో మోదీ ఊపిరి పీల్చుకున్నారు. 
రాఫెల్ ఒప్పందం విషయంలో తాము జోక్యం చేసుకోవాల్సిన అవసరం ఉందని భావించడం లేదని సుప్రీంకోర్టు పేర్కొంది. యుద్ధ విమానాల తయారీ కోసం ఫ్రాన్స్ తో డీల్ విషయంలో  న్యాయస్థానాలు జోక్యం చేసుకోవడానికి ఏ విధమైన సహేతుక కారణాలూ కనిపించడం లేదని న్యాయమూర్తి రంజన్ గొగొయ్ ఈ కేసు విచారణ సందర్భంగా వ్యాఖ్యానించారు. దేశ భద్రతను దృష్టిలో ఉంచుకుని కొన్ని విషయాల్లో గోప్యత పాటించాల్సిన అవసరం ఉందని అటార్నీ జనరల్ చేసిన వాదనను అంగీకరిస్తున్నామని..అటువంటి రహస్య ఒప్పందాల్లో భాగంగానే రాఫెల్ కుంభకోణం కేసుపై  విచారణను కొనసాగించలేమని దేశ అత్యున్నత ధర్మాసనం వ్యాఖ్యానించింది. ఈ  మూడు అంశాలను పరిశీలించిన మీదటే ధర్మాసనం ఈ నిర్ణయానికి వచ్చిందనీ..నిర్ణయ విధానం, ధరల వ్యవహారం, అంతర్జాతీయ ఒప్పందం అంశాలను సమీక్షించామని ఈ సందర్భంగా జస్టిస్ రంజన్ గొగొయ్ వెల్లడించారు.
కాగా, ఈ ఒప్పందం వెనుక కుంభకోణం ఉందని నిజాలు నిగ్గు తేలాలంటే..సుప్రీంకోర్టు పర్యవేక్షణలో విచారణ జరిపించాలని న్యాయవాది ఎంఎల్ శర్మ పిటిషన్ దాఖలు చేసిన సంగతి తెలిసిందే. ఇదే సమయంలో రాఫెల్ డీల్ పై సీబీఐ విచారణ కోరుతూ యశ్వంత్ సిన్హా, అరుణ్ శౌరీ, ప్రశాంత్ భూషణ్ తదితరులు కూడా సుప్రీంకోర్టును ఆశ్రయించారు. ఈ పిటిషన్లపై విచారణ జరిపిన సుప్రీంకోర్ట్  త్రిసభ్య ధర్మాసనం విచారణను పూర్తి చేసి, నవంబర్ 14న తీర్పును రిజర్వ్ చేసింది. డిసెంబర్ 14న ఈ తీర్పునిస్తు..రాఫెల్ డీల్ పై సీబీఐ విచారణకు నిరాకరిస్తూ, కోర్టు పర్యవేక్షణలో ఎంక్వయిరీ జరిపించాలని దాఖలైన అన్ని పిటిషన్లను సుప్రీంకోర్టు కొట్టేవేసింది. దీంతో ప్రధాని నరేంద్రమోదీ ప్రభుత్వానికి ఊరట కలిగింది.
 

19:15 - December 13, 2018

ఢిల్లీ: ఐదు రాష్ట్రాలకు జరిగిన అసెంబ్లీ ఎన్నికల్లో మూడు రాష్ట్రాల్లో కాంగ్రెస్ పార్టీ విజయం సాధించిన సంగతి తెలిసిందే. మధ్యప్రదేశ్, ఛత్తీస్‌గడ్, రాజస్థాన్‌లలో ప్రభుత్వం ఏర్పాటు చేయనుంది. దీంతో ముఖ్యమంత్రుల ఎంపికపై కాంగ్రెస్ కసరత్తు చేస్తోంది. ముఖ్యమంత్రుల ఎంపిక విషయంలో కాంగ్రెస్ పార్టీ సీనియర్లవైపే మొగ్గు చూపింది. మధ్యప్రదేశ్ ముఖ్యమంత్రిగా కమల్‌నాథ్, రాజస్థాన్ ముఖ్యమంత్రిగా అశోక్ గెహ్లాట్ పేర్లను ఖరారు చేసినట్టుగా తెలుస్తోంది. కాంగ్రెస్ అధ్యక్షుడు రాహుల్ ‌గాంధీ అధికారికంగా వారి పేర్లు ప్రకటించాల్సి ఉంది. యువ నాయకత్వానికి కాకుండా సీనియర్లవైపు మొగ్గు చూపడానికి చాలానే కారణాలు ఉన్నాయి.
సీనియర్లపైనే నమ్మకం: కమల్‌కు అవకాశం:
మధ్యప్రదేశ్‌లో యువ నాయకుడు జ్యోతిరాదిత్య సింథియా, రాజస్థాన్‌లో సచిన్ పైలెట్‌లను సీఎంలుగా నియమిస్తే ఇబ్బందులు ఎదురవుతాయని కాంగ్రెస్ పెద్దలు భావించారు. పరిపాలన అనుభవంలో, నాయకులను మేనేజ్ చేసే విషయంలో సమస్యలు తలెత్తుతాయనే కోణంలో ఆలోచన చేశారు. దీంతో సీనియర్ల వైపు మొగ్గు చూపినట్లు తెలుస్తోంది. కమల్‌నాథ్‌కు కేంద్ర మంత్రిగా పని చేసిన అనుభం ఉంది. 35ఏళ్లకు పైగా రాజకీయ అనుభవం కూడా ఉంది. పీసీసీ ఇంచార్జ్‌గా కేడర్‌ను ప్రజల్లోకి తీసుకెళ్లారనే పేరుంది. ఆయన సీనియారిటీ, రాజకీయ పరిస్థితులను కాంగ్రెస్‌కు అనుకూలంగా మలిచే వ్యక్తిగా కమల్‌నాథ్‌కు గుర్తింపు ఉంది.
బీజేపీని దృష్టిలో పెట్టుకుని:
రాజస్థాన్‌లో కూడా సేమ్ సీన్ కనిపించింది. అక్కడ ఎస్పీ, బీఎస్పీల మద్దతుతో కాంగ్రెస్ ప్రభుత్వం ఏర్పాటు చేయబోతోంది. ఈ క్రమంలో నాయకులను మేనేజ్ చేయాలంటే సీనియర్ అవసరం ఎంతైనా ఉంది. దీంతో ముఖ్యమంత్రిగా అశోక్ గెహ్లాట్ వైపు రాహుల్ గాంధీ మొగ్గు చూపారు. గెహ్లాట్‌కు రెండు సార్లు రాజస్థాన్ ముఖ్యమంత్రిగా చేసిన అనుభవం కూడా ఉంది. ఇక చాలామంది రెబెల్ ఎమ్మెల్యేలు సైతం గెహ్లాట్‌కు మద్దతుగా నిలుస్తున్నారు. దీంతో ముఖ్యమంత్రి అభ్యర్థిగా కాంగ్రెస్ అధిష్టానం సచిన్ పైలెట్‌ను కాదని అశోక్ గెహ్లాట్ పేరు ఖరారు చేసినట్టు తెలుస్తోంది. రానున్న సార్వత్రిక ఎన్నికలు, నాయకులను మేనేజ్ చేసే అంశాలను దృష్టిలో ఉంచుకుని కాంగ్రెస్ హైకమాండ్ సీనియర్లవైపే మొగ్గుచూపింది. చాలా రాష్ట్రాల్లో ప్రభుత్వాలను కూల్చి బీజేపీ తమ ప్రభుత్వాలను ఏర్పాటు చేసుకుందని, ఇందుకు బీహారే నిదర్శనం అని కాంగ్రెస్ నేతలు గుర్తు చేస్తున్నారు. బీహార్‌లో ఆర్జేడీని దింపి జేడీయూతో చేతులు కలిపి బీజేపీ.. ప్రభుత్వాన్ని ఏర్పాటు చేసిన సంగతి తెలిసిందే. ఇలాంటి పరిస్థితులు మధ్యప్రదేశ్, రాజస్థాన్, ఛత్తీస్‌గడ్‌లలో తలెత్తకుండా.. ప్రభుత్వాలు కూలిపోయే పరిస్థితి రాకుండా బలమైన నాయకత్వాన్ని కాంగ్రెస్ అధిష్టానం నియమిస్తోందని ఆ పార్టీ నాయకులు చెబుతున్నారు.

07:20 - December 12, 2018

ఛత్తీస్ గడ్ : అధికారం కోసం 15 ఏండ్ల పాటు నిరీక్షణ...సీఎం పీఠంపై కన్ను...అధికారం కోసం దగ్గరగా వచ్చినా ఓటమి...ఎలాగైనా విజయం సాధించాలనే తపన..ఎట్టకేలకు ఆ పార్టీకి ప్రజలు బ్రహ్మరథం పట్టారు. పాలించమని ఓటర్ తీర్పు చెప్పాడు. ఛత్తీస్ గడ్‌లో 15 సంవత్సరాల బీజేపీ పాలన వద్దని..అధికారాన్ని కాంగ్రెస్ చేతికి అందించారు అక్కడి ఓటర్లు. ఇక్కడ హంగ్ ఏర్పడుతుందని ఎగ్జిట్ పోల్స్ అంచనా వేసినా..అది నిజం కాదని తేలింది. 
90 స్థానాలు...
90 స్థానాలకు జరిగిన ఎన్నికల్లో కాంగ్రెస్ 62 స్థానాలు..బీజేపీ 16 స్థానాలు..జనతా కాంగ్రెస్ ఛత్తీస్ గడ్ (జేసీసీ) - బీఎస్పీల కూటమి 6 స్థానాలు సాధించాయి. అధకారానికి దూరంగా ఉండి తీవ్ర నిరాశ నిస్ర్పహల మధ్య ఉన్న కాంగ్రెస్ నేతలు ప్రస్తుతం సంబరాల్లో మునిగితేలుతున్నారు. 
భూపేశ్ భఘాల్ క‌ృతజ్ఞతలు...
ఘన విజయాన్ని అందించిన ప్రజలకు రాష్ట్ర పీసీసీ అధ్యక్షుడు భూపేశ్ భఘాల్ క‌ృతజ్ఞతలు తెలియచేశారు. ప్రభుత్వంపై వ్యతిరేకత ఉందని ప్రజల ఓటు తీర్పు ద్వారా తెలిసిందన్న ఆయన..రాహుల్ గాంధీ నేతృత్వంలో రాష్ట్రంలో బలపడ్డమన్నారు. సీఎం ఎవరనేది అధిష్టానం నిర్ణయిస్తుందన్నారు. 
రాజ్‌నందగావ్‌ నియోజకవర్గంలో రమణ్‌సింగ్‌ గెలుపు...
> వాజ్‌పేయి మేనకోడలు కరుణ్‌ శుక్లా ఓటమి...
బిలాస్‌పూర్‌ నుంచి పోటీ చేసిన పట్టణాభివృద్ధి, కమర్షియల్‌ టాక్స్‌ శాఖ మంత్రి అమర్‌ అగర్వాల్‌ పరాజయం.. 
బిలాస్ పూర్‌లో కాంగ్రెస్‌ అభ్యర్థి శైలేశ్‌ పాండే విజయం...
మంత్రి రాజేశ్‌ మునాత్‌ ఓటమి...

21:36 - December 11, 2018

ఢిల్లీ : దేశంలో ఈవీఎంల విధానం రద్దు చేసి బ్యాలెట్ ద్వారా ఓట్లు  వేసే పద్దతి రావాలని ఏఐసీసీ అధ్యక్షుడు రాహుల్  గాంధీ అన్నారు. 5 రాష్ట్రాల అసెంబ్లీ ఎన్నికల ఫలితాలపై ఆయన మాట్లాడుతూ ఈవీఎంలలోని  చిప్ లను మ్యానిపులేట్  చేసే అవకాశం ఉందని అన్నారు.  తెలంగాణ, మిజోరంలలో మేము గెలవలేకపోయాం అని, రాజస్థాన్‌, మధ్యప్రదేశ్‌, ఛత్తీస్‌గఢ్‌ రాష్ట్రాల్లో గెలవటం సంతోషం కలిగించిందని ఆయన చెప్పారు. ఈ ఎన్నికల్లో  కాంగ్రెస్ కు ఓట్లు వేసి గెలిపించిన ప్రజలకు, పార్టీ  విజయానికి కృషిచేసిన కార్యకర్తలకు ఆయన కృతజ్ఞతలు తెలిపారు.
దేశంలో మోడీ  పాలన పట్ల ప్రజలు వ్యతిరేకతతో ఉన్నారనటానికి ఈ ఎన్నికల ఫలితాలే నిదర్శనమని ఆయన అన్నారు. దేశంలో రైతులు, యువత,  జీఎస్టీ అమలుతో సామాన్యులు అసంతృప్తితో ఉన్నారని ఆయన చెప్పారు. రైతుల సమస్యలు పరిష్కరించేందుకు కాంగ్రెస్ పార్టీ ఒక ప్రణాళిక రూపోందిస్తుందని రాహుల్ గాంధీ చెప్పారు. 

16:48 - December 10, 2018

ఢిల్లీ : దిగితేనే గానీ లోతు ఎంతుటుంటో తెలీదని పెద్దల మాట. అదే అర్థమైనట్లుగా వుంది కేంద్ర మంత్రి పదవికి రాష్ట్రీయ లోక్ సమతా పార్టీ అధినేత ఉపేంద్ర కుష్వాహాకు. మానవ వనరుల శాఖామంత్రిగా వున్న ఉపేంద్ర కుష్వాహా తన మంత్రి పదవికి రాజీనామా చేసిన సంగతి తెలిసిందే. ఈ  క్రమంలో ప్రధాని మోదీకి ఓ లేఖను కూడా రాశారాయన. తీవ్ర విమర్శలు సందిస్తు కుష్వాహా రాసిని లేఖలో ప్రధాని నరేంద్రమోదీ నాయకత్వంలో తాను పూర్తిగా మోసపోయాననీ..రాజ్యాంగ బద్ధంగా నిర్వహించాల్సిన విధులను కూడా వ్యవస్థను మోదీ నాశనం చేస్తున్నారంటే తీవ్రంగా విమర్శించారు. 
ఈ సందర్భంగా మోదీకి ఆయన ఒక ఘాటు లేఖను రాశారు.  కేబినెట్ ను రబ్బర్ స్టాంప్ స్థాయికి దిగజారనీ..మంత్రులు సొంత నిర్ణయాలు తీసుకోకుండా కట్టడి చేస్తు..ప్రధాని మోదీ తన నిర్ణయాలను మాత్రమే అమలు చేసేలా చేశారనీ..త్రులు, ఉన్నతాధికారులను నిస్సహాయులుగా మోదీ మార్చేశారని ఉపేంద్ర తన లెటర్ లో పేర్కొన్నారు. 
అన్ని నిర్ణయాలను ప్రధాని, ప్రధాని కార్యాలయమే నిర్ణయిస్తుందనీ..ఈ నిర్ణయాలలో బీజేపీ అధ్యక్షుడు అమిత్ షా ప్రధానంగా వుంటారని..పేదలు, అణగారిన వర్గాల కోసం కాకుండా ప్రత్యర్థులను నిర్వీర్యం చేయడం కోసమే పని చేస్తున్నారని ప్రధానికి రాసిన లేఖలో కుష్వాహా తీవ్ర వ్యాఖ్యలు చేశారు. మరోవైపు, జాతీయ స్థాయిలో ఏర్పాటు కాబోతున్న మహాకూటమిలో ఆయన చేరే అవకాశం ఉంది. కాగా డిసెంబర్ 10 ఉదయం కాంగ్రెస్ అధినేత రాహుల్ గాంధీతో సమావేశమైన తర్వాత ఆయన తన రాజీనామా లేఖను ప్రధాని మోదీకి పంపించారు. అనంతరం ప్రధాని మోదీకి రాసిన లేఖలో పలు ఘాటు విమర్శలను కుష్వాహా సంధించారు. 
 

 

Pages

Don't Miss

Subscribe to RSS - రాహుల్ గాంధీ