రిలీజ్

17:06 - June 21, 2018

తెలుగు సినీ పరిశ్రమలో చిరంజీవిని చిరంజీవి అనేవారు అరుదుగా వుంటారు. మోగాస్టార్ అని పిలుచుకోవటానికే అటు సినీ పరిశ్రమ..ఇటు అభిమానులు ఇష్టపడుతుంటారు. ఇప్పటికే ఈయన ఫ్యామిలోలో హీరోల సంఖ్య భారీగానే వుంది. చిన్న తమ్ముడు పవన్ కళ్యాణ్, కుమారుడు రామ్ చరణ్,తమ్ముడి కుమారుడు వరుణ్ తేజ్, మేనల్లుడు సాయిధరమ్ తేజ్, బావమరిది, ప్రొడ్యూసర్, నటుడు అల్లు అరవింద్ కుమారుడు బన్నీ, శిరీష్, ఇలా హీరోల లిస్ట్ పెద్దదే. ఈక్రమంలో మెగా స్టార్ చిన్న అల్లుడు 'కల్యాణ్ దేవ్' హీరోగా ఎంట్రీ ఇస్తున్న సంగతి తెలిసిందే.

వారాహి బ్యానర్ పై ఎంట్రీ ఇవ్వనున్న మెగాస్టార్ అల్లుడు..చికెన్ సాంగ్ రిలీజ్..
వారాహి చలన చిత్రం బ్యానర్ పై చిరూ చిన్నల్లుడు కల్యాణ్ దేవ్ హీరోగా 'విజేత' సినిమా రూపొందుతోంది. రాకేశ్ శశి దర్శకత్వం వహిస్తోన్న ఈ సినిమాలో కథానాయికగా మాళవిక నాయర్ నటిస్తోంది. ఈ సినిమా నుంచి ఇప్పటికే వదిలిన ఫస్టులుక్ పోస్టర్ కి మంచి రెస్పాన్స్ వచ్చింది. రేపు ఉదయం 8 గంటల 9 నిమిషాలకి ఈ సినిమా నుంచి కోడికి సంతాపాన్ని తెలియజేస్తూ హీరో పాడే 'కొక్కరోకో .. ' పాటను రిలీజ్ చేయనున్నారు.

మాస్ అడియన్స్ ను ఆకట్టుకునే పోస్టర్..
ఆ విషయాన్ని తేలియాజేస్తూ రిలీజ్ చేసిన పోస్టర్ చాలా వెరైటీగా వుంది. చికెన్ షాప్ దగ్గర నుంచుని అలా మారిపోయిన కోడిని తలచుకుని ఏడుస్తూ ఈ పోస్టర్ లో కల్యాణ్ దేవ్ కనిపిస్తున్నాడు. చూస్తుంటే .. మాస్ ఆడియన్స్ ను అలరించడం కోసం 'కోడి' మీద మాంచి మసాలా సాంగ్ పెట్టినట్టుగానే కనిపిస్తోంది. ఈ నెల 24వ తేదీన ఆడియో వేడుకను ఘనంగా జరపనున్నారు. త్వరలోనే ఈ సినిమా విడుదల తేదీని ప్రకటించనున్నారు.

16:54 - June 21, 2018

వివాదాస్ప దర్శకుడు రామ్ గోపాల్ వర్మ దర్శకుడే కాదు నిర్మాత కూడా. వర్మ ద్విభాషా చిత్రానికి నిర్మించాడు. తెలుగు కన్నడ భాషల్లో ఈ సినిమా రానుంది. ఈ సినిమా షూటింగ్ ఇప్పటికే ప్రారంభమయ్యింది. తెలుగులో 'భైరవగీతం' .. కన్నడలో 'భైరవగీత' అనే టైటిల్స్ ను ఖరారు చేశాడు. ఇటీవల జరిగిన ఫిల్మ్ ఫేర్ వేడుకలో క్రిటిక్ కేటగిరి నుంచి ఉత్తమ నటుడుగా అవార్డును అందుకున్న 'ధనుంజయ' ను ఆయన కథానాయకుడిగా వర్మ సెలక్ట్ చేసుకున్నాడు. ఈ సినిమా నుంచి ఆయన మోషన్ టీజర్ ను రిలీజ్ చేశారు. ఇది లవ్ స్టోరీ అని ఈ మోషన్ టీజర్ ద్వారా వర్మ చెప్పినప్పటికీ .. అప్పటికే కొంతమందిని నరికేసిన గొడ్డలితో పగతో రగిలిపోతూ ఒక వ్యక్తి కనిపిస్తుండటం విశేషం. ఇక నేపథ్య సంగీతం కూడా భయపెట్టేదిగానే వుంది. రెండు వర్గాల మధ్య జరిగిన ఘర్షణ కారణంగా ఒక యువకుడు ఎలా రెబల్ గా మారాడనే కథాంశంతో ఈ సినిమా నిర్మితమవుతోందనీ, సిద్ధార్థ దర్శకుడిగా వ్యవహరిస్తాడని ఆయన చెప్పాడు.

15:48 - March 20, 2018

హైదరాబాద్ : ఇండస్ట్రీ ఇన్సెంటీస్ కింద ఈ సం.416 కోట్లు రిలీజ్ చేశామని..మిగతా వాటిని దళల వారిగా రిలీజ్ చేస్తామని మంత్రి ఈటల రాజేందర్ అన్నారు. అసెంబ్లీలో మంత్రి ఈటల ప్రసంగించారు. రాష్ట్రంలోని 4500 మంది అర్చకుల్లో 2200 మందికి పీఈర్ సీ కింది వేతనాలు ఇస్తున్నామని చెప్పారు. రైతాంగానికి ఎప్పటికప్పుడు వడ్డీ జమ అవుతుందన్నారు. ప్రస్తుతం కేంద్రం కంటే రాష్ట్రం అధిక అభివృద్ధిలో ఉందని తెలిపారు. అన్ని రంగాల్లో రాష్ట్రం అభివృద్ధిపథంలో కొనసాగుతుందన్నారు. నాయి బ్రాహ్మణ, రజక, ఎంబీసీ వృత్తుల వంటి సబ్బండ జాతులకు ఉన్నంతలో ఎక్కువమందికి నిధులు ఇచ్చి ఆదుకుంటామని చెప్పారు. 

 

10:52 - January 24, 2018

ఢిల్లీ : పద్మావత్‌ సినిమా విడుదల సందర్భంగా గుజరాత్‌లో హింస చెలరేగింది. మొదటి నుంచి సినిమా విడుదలను అడ్డుకుంటామని హెచ్చరించిన కర్ణిసేన అన్నంత పని చేసింది. గుజరాత్‌, అహ్మదాబాద్‌లో సినిమా ప్రదర్శిస్తున్న ధియేటర్లు, షాపింగ్‌ మాల్స్‌పై దాడులకు దిగింది. సినిమా విడుదలకు సిద్దమౌతున్న హిమాలయ, అహ్మదాబాద్‌ వన్‌ మాల్స్‌, మరో సినిమా థియేటర్‌ను కర్ణిసేన కార్యకర్తలు తగలపెట్టేశారు. పార్కింగ్‌ ప్రదేశాల్లో, రోడ్లపై ఉన్న సుమారు 150 వాహనాలకు  నిప్పు పెట్టారు. ఇక గురుగ్రామ్‌లో అల్లర్లను అదుపు చేయాడానికి 144 సెక్షన్‌ విధించారు.  పరిస్థితి అదుపు తప్పడంతో గాల్లోకి కాల్పులు జరిపారు. ఆందోళనకారులను చెదరకొట్టారు. దీనిపై రాష్ట్ర డీజీపీ అత్యవసర సమావేశాన్ని నిర్వహించారు. అదనపు బలగాలను రంగంలోకి దించారు.  సినిమా ప్రదర్శింపబడుతున్న థియేటర్లకు సెక్యూరిటీ పెంచారు. కర్ణిసేన ఆందోళనలపై స్పందించిన గుజరాత్‌ ముఖ్యమంత్రి విజయ్‌ రూపానీ...  శాంతి పాటించాలంటూ ప్రజలకు విజ్ఞప్తి చేశారు. 
 

13:22 - December 28, 2017

'అజ్ఞాతవాసి' పవన్ సాంగ్ టీజర్ రిలీజ్ అయింది. కొడకా...కోటేశ్వరరావు అంటూ పవన్ కళ్యాణ్ పాట పాడారు. పవన్ అభిమానులు సంబర పడిపోతున్నారు. డిసెంబర్ 31 సాయంత్రం 6 గంటలకు పూర్తి పాటను రిలీజ్ చేయనున్నారు. పాట కోసం పవన్ అభిమానులు ఉత్కంఠగా ఎదురుచూస్తున్నారు. 

 

21:01 - December 16, 2017

అభిమానులు ఎప్పుడెప్పుడా అని ఎంతో ఆసక్తిగా ఎదురుచూస్తున్న తరుణం వచ్చేసింది. పవన్‌కల్యాణ్‌ కథానాయకుడిగా నటించిన చిత్రం అజ్ఞాతవాసి చిత్ర టీజర్‌ను విడుదలైంది. పంచ్‌డైలాగ్‌లకు దూరంగా సరిగమల సంగీతంతో టీజర్ రూపొందించారు. ఓ మై గాడ్‌ అనే ఒక్క డైలాగ్‌ను మాత్రమే పవన్‌ ఇందులో పలికారు. త్రివిక్రమ్ డైరెక్షన్‌లో ఈ చిత్రం సంక్రాంతి కానుకగా 2018 జనవరి 10న విడుదల కానుంది. 

 

14:10 - December 4, 2017

రోబో 2.0 రిలీజ్ డేట్ మరోసారి వాయిదా పడింది. జనవరిలో విడుదల చేయాల్సిన సినిమాను ఏప్రిల్‌లో రిలీజ్‌కు ప్లాన్‌ చేస్తున్నారు. సూపర్ స్టార్ రజనీకాంత్‌, అమీజాక్సన్‌ హీరో, హీరోయిన్లుగా అక్షయ కుమార్‌ విలన్‌గా శంకర్‌ దర్శకత్వంలో '2.0' చిత్రం తెరకెక్కుతున్న విషయం విదితమే. ఈ సందర్భంగా నిర్మాత, లైకా ప్రొడక్షన్‌ క్రియేటివ్‌ హెడ్‌ రాజు మహాలింగం మాట్లాడుతూ.. 'సూపర్‌స్టార్‌ రజనీకాంత్‌, గ్రేట్‌ డైరెక్టర్‌ శంకర్‌ కాంబినేషన్‌లో వచ్చిన 'రోబో' ప్రపంచ వ్యాప్తంగా సంచలనం సృష్టించింది. మళ్ళీ ఇదే కాంబినేషన్‌లో 'రోబో' చిత్రానికి సీక్వెల్‌గా రూపొందుతున్న '2.0' చిత్రంపై భారీ అంచనాలు నెలకొన్నాయి. ఆ ఎక్స్‌పెక్టేషన్స్‌కి తగ్గట్టుగానే భారతీయ సినిమాల్లోనే 450 కోట్ల రూపాయల భారీ బడ్జెట్‌తో, హై టెక్నికల్‌ వాల్యూస్‌తో హాలీవుడ్‌ స్థాయిలో ఈ చిత్రాన్ని నిర్మిస్తున్నాం' అని అన్నారు. 

 

09:57 - November 10, 2017

విజయవాడ : ఆంధ్రప్రదేశ్‌లో పదో తరగతి పరీక్షల షెడ్యూల్‌ విడుదలైంది. మార్చి 15 నుంచి 29 వరకు పరీక్షలు జరగనున్నాయి. రాష్ట్రంలో మొత్తం 6 లక్షల 36 వేల 831 మంది విద్యార్థులు పరీక్షలు రాయనున్నారు. మే మొదటి వారంలో పరీక్షా ఫలితాలను విడుదల చేసేందుకు విద్యాశాఖ అధికారులు కసరత్తు చేస్తున్నారు. ఏపీలో పదో తరగతి పరీక్షల షెడ్యూల్‌ను మంత్రి గంటా శ్రీనివాస్‌ విడుదల చేశారు. ఈ మేరకు మార్చి 15 నుంచి పరీక్షలు ప్రారంభమై... 29 వరకు జరగనున్నాయి. ఉదయం 9: 30 నుంచి మధ్యాహ్నం 12 గంటల 15 నిమిషాల వరకు పరీక్షలు నిర్వహించనున్నారు. మొత్తం 6 లక్షల 36 వేల 831 మంది విద్యార్థులు పరీక్షలు రాయనున్నారు. 3 లక్షల 80వేల, 834 మంది అబ్బాయిలు, 3 లక్షల 27వేల 997 మంది అమ్మాయిలు పరీక్షలకు హాజరుకానున్నారు. 2 వేల 8 వందల 50 సెంటర్‌లలో పరీక్షలు జరగనున్నాయి.

పదో తరగతి పరీక్షల అనంతరం మార్చి 31 నుంచి ఏప్రిల్‌ 15 వరకు స్పాట్ వ్యాలూయేషన్‌ నిర్వహించి... మే మొదటి వారంలోనే ఫలితాలను విడుదల చేసేందుకు అధికారులు ఏర్పాట్లు చేస్తున్నట్టు మంత్రి గంటా శ్రీనివాసరావు తెలిపారు. అన్ని పదో తరగతి పరీక్షా కేంద్రాల్లో ఫర్నిచర్‌ను ఏర్పాటు చేస్తున్నామని.. సమస్యాత్మక కేంద్రాల్లో సీసీ కెమెరాలు పెడుతున్నామని చెప్పారు. ప్రస్తుతానికి ఒక్కో జిల్లాలో ఐదు సమస్యాత్మక కేంద్రాలను గుర్తించామని..చెప్పారు. అలాగే పరీక్షా కేంద్రానికి అరగంట ముందే విద్యార్థులు చేరుకోవాలని మంత్రి గంటా సూచించారు.

15:48 - October 9, 2017

సినిమా : అభిమానులు ఎప్పుడెప్పుడా అని ఎదురుచూస్తున్న పద్మావతి ట్రైలర్‌ వచ్చేసింది. ట్రైలర్‌ మొత్తంలో అల్లాఉద్దీన్‌ ఖిల్జీ క్రూరత్వాన్ని, మహారావల్‌ రతన్‌ సింగ్‌, రాణి పద్మావతి అనుబంధాన్ని, ఖిల్జీ-రతన్‌ సింగ్‌ల మధ్య జరిగే యుద్ధాన్ని చూపించారు. ఖిల్జీ పాత్రలో రణ్‌వీర్‌, మహారావల్‌ రతన్‌ సింగ్‌ పాత్రలో షాహిద్‌ కపూర్‌, పద్మావతి పాత్రలో దీపిక పదుకొణె నటిస్తున్నారు. రాజ్‌పుత్‌ల ఖడ్గంలో ఎంత శక్తి ఉంటుందో వారి కంకణంలోనూ అంతే శక్తి ఉంటుందని దీపిక...రాజ్‌పుత్‌ల గురించి గొప్పగా చెబుతున్న డైలాగ్‌ ఆకట్టుకుంటోంది. 

13:59 - August 29, 2017

హైదరాబాద్: కింగ్ నాగార్జున తన పుట్టిన రోజు సందర్భంగా హర్రర్ థ్రిల్లర్ చిత్రం రాజుగారి గది 2 చిత్రం మోషన్ పోస్టర్ ను విడుదల చేశారు. ఈ మోషన్ పోస్టర్ ను సమంత చేతుల మీదుగా విడుదల కావడం విశేషం. ఓంకార్ దర్శకత్వంలో రాజుగారిగదికి సీక్వెల్ గా రాజు గారి గది 2 చిత్రం తెర‌కెక్కుతుంది. ఇందులో నాగ్ మోడ్రన్ మాంత్రికుడిగా కనిపించనున్నాడు. సీరత్ కపూర్, సమంతలు ఇందులో కీలక పాత్రలు పోషిస్తున్నారు. థ‌మన్ ఈ చిత్రానికి సంగీతం అందిస్తున్నాడు. పీవిపి సినిమా మరియు ఓఏకే ఎంటర్ టైన్ మెంట్స్ సంయుక్తంగా ఈ చిత్రాన్ని నిర్మిస్తున్నాయి. అక్టోబ‌ర్ 13న ఈ మూవీని విడుద‌ల చేయ‌నున్న‌ట్టు స‌మాచారం.

Pages

Don't Miss

Subscribe to RSS - రిలీజ్