రివ్యూ

20:25 - August 15, 2018

సోలో, శ్రీరస్తు శుభమస్తు సినిమాలతో యూత్ ఫుల్ కమ్ ఎమోషనల్ కంటెన్ట్ ను అరెస్టింగ్ గా చెప్పగల డైరక్టర్ గా పేరు తెచ్చుకున్నాడు పరశురాం. అలాంటి డైరక్టర్ తో యంగ్ సెన్సేషన్ విజయ దేవరకొండ టీం అప్ అయ్యాడు అనగానే ఈ సినిమాపై అంచనాలు ఓ రేంజ్ లో ఎర్పడ్డాయి.. ఇక దానికి గీతా ఆర్ట్స్ ప్రొడక్షన్ ట్యాగ్ ఆడ్ అవ్వగానే, కన్ఫాం హిట్ అని ఫ్రీ రిలీజ్ టాక్ విపరీతంగా స్ర్పెడ్ అయ్యింది.. ఈ సినిమా నుండి వచ్చిన లిరికల్ వీడియోస్, సినిమా ప్రోమోస్.. గీతగోవిందానికి కావలసినంత హైప్ ను తెచ్చిపెట్టాయి.. మరి అలా భారీ అంచనాల నడుమ  థియేటర్స్ లోకి వచ్చిన గీతగోవిందం తమ  లవ్ స్టోరీతో ఎలా ఆకట్టుకున్నారు.. ఆడియన్స్ ను ఎలా అలరించారో ఇప్పుడు చూద్దాం..
కథ విషయానికి వస్తే.. 
కథ విషయానికి వస్తే.. విజయ్ గోవింద్ చిన్నప్పటి నుండి అమ్మాయిలంటే రెన్పెక్ట్ తో, కుటుంబం అంటే ప్రేమతో పెరిగిన ఓ మంచి కుర్రాడు.. అతను గీతను చూసి, తొలిచూపులోనే ప్రేమలో పడతాడు..కాని ఓ ఇన్సిడెంట్ లో ఆమె దృష్టిలో రాంగ్ గా ప్రొజక్ట్ అవుతాడు. నాటకీయంగా అతని చెల్లిని గీతవాళ్ల అన్నయ్యకు ఇచ్చి నిశ్చితార్థం చేస్తారు.. విజయ్  వల్ల తన చెల్లెలి పెళ్ళికి ఏమైనా ఆటంకాలు ఏర్పడ్డాయా..? గీత దృష్టిలో రాంగ్ యాంగిల్ లో ఉన్న విజయ్, తన ఇన్నోసెన్స్ ఎలా ఫ్రూ చేసుకున్నాడు.. చివరికి గీతగోవింద్ కలిసి గీతగోవిందంగా ఎలా మారారు.. అనేది సినిమా చూసి తెలుసుకోవలసిందే..
నటీనటుల విషయానికి వస్తే.. 
నటీనటుల విషయానికి వస్తే.. ఈ సినిమాకు బిగెస్ట్ ఎసెట్ విజయ్ దేవరకొండ.ఒక క్యారక్టర్ కి కమిట్ అయితే అతను చూపించే డెడికేషన్, దాన్ని ఓన్ చేసుకునే తీరు, జనాలకి కనెక్ట్ చేసే విధానంలో.మరోసారి తన బెస్ట్ ఈ సినిమాకోసం ఇచ్చాడు.. సినిమా పూర్తి అయ్యే సరికి గీత మాత్రమే కాదు, థియేటర్ లో ఉన్న ప్రతీ ఒక్కరు విజయ్ గోవింద్ క్యారక్ట్ కు ఎడిక్ట్ అయిపోతారు.. అలాంటి లవర్ తమకూ ఉండాలని ఓ సగటు అమ్మాయి కోరుకుంటే తప్పు లేదు అనిపిస్తుంది.. పరశురాం పేపర్ మీద రాసుకున్న గోవింద్ పాత్రను పదింతలు పెంచి స్ర్కీన్ పై ప్రజంట్ చేశాడు విజయ్ దేవరకొండ. తన విలక్షణ మైన కామెడీ టైమింగ్, తెలంగాణ యాసతో మిక్స్ అయిన డైలాగ్ డెలివరీ, సూపర్బ్ బాడీ లాంగ్వేజ్ తో ఆధ్యాంతం గీతగోవిందాన్ని తన బుజాలపై మోశాడు.. విజయ్ కెరీర్ లో ఇదొక బెస్ట్ పర్ఫామెన్స్.. ఇక ఛలో సినిమాతో యూత్ ప్రేక్షకులను ఆకట్టుకున్న కన్నడ బ్యూటీ రష్మిక మందన్న ఈ సినిమాతో మరింత పేరు తెచ్చుకోవడం ఖయం.. విజయ్ కి థీటుగా నటించింది. గీత క్యారక్టర్ లో పూర్తిగా ఇన్వాల్వ్ అవ్వడం వల్ల.. ఎక్కడా కూడా కన్ఫ్యూజ్డ్ ఎక్స్ ప్రషన్స్ కాని బ్లాంక్ ఎక్స్ ప్రషన్స్ కాని కనిపించలేదు.. ఎమోషనల్ సీన్స్ లోసైతం ఆకట్టుకుంది. లీడ్ పెయిర్ సినిమా మొత్తాన్ని ఆథ్యాంతం కనువిందుగా నడిపించేయడంతో మిగతా వాళ్లందరికి స్ట్రేయిన్ తో పాటు, స్క్రీన్ స్పెస్ కూడా తగ్గింది. ఇక చివరిలో వచ్చిన వెన్నెల కిషోర్, మరోసారి తనదైన శైలిలో మెరుపులు మెరిపించాడు.. రాహుల్ రామకృష అండ్ గ్యాంగ్ విజయ్ ఫ్రెండ్స్ గా ఫుల్ డోస్ ఎంటర్టైన్మెంట్ పంచారు.. నిత్యామీనన్, అనూఇమ్మాన్యుయల్ అస్సలు ఊహించని సర్ఫ్రైజస్. నాగబాబు, మౌర్యాని,గిరిబాబు, అన్నపూర్ణమ్మ, రవిప్రకాశ్, అభయ్ తదితరులంతా తమ వరకు డీసెంట్ పర్ఫామెన్స్ ఇచ్చారు..
టెక్నీషియన్స్ విషయానికి వస్తే.. 
టెక్నీషియన్స్ విషయానికి వస్తే.. పాత కథలను తన రైటింగ్ ఎబిలిటీతో కొత్తగా చూపించి, హిట్స్ అందుకున్న పరశురాం.. మరోసారి గీతగోవిందం ని కూడా తన కంఫర్ట్ జోన్ ను ఎంచుకున్నాడు. కాకపోతే గోవింద్ అండ్ గీత పాత్రలను స్ట్రాంగ్ గా రాసుకోవడం వల్ల, వాటి లోని అన్ని వేరియేషన్స్ ను చూపించడం వల్ల, లీడ్ పెయిర్ మీదనే పూర్తిగా డిపెండ్ అయిపోయి, సగం పైగా సినిమాను నడిపంచేశాడు. ఫస్ట్ ఆఫ్ అంతా ఎక్కడా వంక పెట్టడానికి లేకుండా, వినోదాత్మకంగా సాగిపోయిన గీతగోవిందానికి సెకండ్ హాఫ్ లో మాత్రం రెండు చిన్న స్పీడ్ బ్రేకర్స్ ఎదురయ్యాయి. అయినా కూడా విజయ్ యాక్టింగ్ టాలెంట్, పరశురాం డైరక్టోరియల్ స్కిల్స్ వలన, స్మూత్ గా క్లైమాక్స్ కి చేరిపోయింది గీతగోవిందం. పరశురాం డైలాగ్స్ సినిమాకు బాగా కలిసొచ్చాయి. కాకపోతే ఎమోషనల్ టచ్ మాత్రం తగ్గింది. ఈ మధ్య తన మ్యూజిక్ తో  కాస్త నిరాశపరిచిన గోపీ సుందర్. మళ్ళీ ఫాంమ్ లోకి వచ్చాడు.. అయితే అతను అందించిన మ్యూజికల్ ట్యూన్స్ కి తెరమీద మాత్రం ఇంపాక్ట్ తగ్గింది.. అందరి నోళ్ళల్లో నానిన ఇంకేంకావాలి సాంగ్, పిక్చరైజేషన్ పరంగా ఇంకాస్తా బెటర్ గా ఉంటే బాగుండేది అనిపిస్తుంది.. ఆర్ ఆర్ బాగుంది.. సినిమాటోగ్రఫర్ మణికందన్ సినిమాటోగ్రఫీ సినిమా మూడ్ కు తగ్గట్టు బాగా సెట్అయ్యింది..  నిర్మాణ విలువలు చాలా బాగున్నాయి.. ఎక్కడా కాంప్రమైజ్ కాకుండా, సినిమాను రిచ్ గా తీర్చిదిద్దారు.
ఓవర్ ఆల్ గా చెప్పాలంటే.. 
ఓవర్ ఆల్ గా చెప్పాలంటే.. మొదటి నుండి ఓ యూత్ ఫుల్ ఎంటర్టైనర్ చూడబోతున్నారు అంటూ.. క్లియర్ హింట్స్ ఇస్తూ.. పబ్లిసిటీ చేసిన గీతగోవిందం టీం.. ఆ ప్రామిస్ ను సక్సెస్ ఫుల్ గా నెరవేర్చింది.. పాతకథే అయినా.. ఆధ్యాంతం వినోదాన్ని అందిస్తూ.. అక్కడక్కడా.. కొన్నిలోపాలను ఉన్నా.. వాటిని కవర్ చేస్తూ.. ఓ ఫర్ఫెక్ట్ ఎంటర్టైనర్ ను తీసుకువచ్చింది.. యూత్ కంటెన్ట్ మేజర్ ఎసెట్ గా ఉండటం,  విజయ్ దేవరకొండ క్రేజ్, లాంగ్ వీకెండ్ , ఇలా అన్ని అంశాలు కలిసి రావడంతో, బాక్సాఫీస్ దగ్గర ఊహించిన దానికన్న భారీగా సందడి చేసేలా.. ఉన్నారు గీతగోవిందం.
ప్లస్ పాయింట్స్
విజయ్, రష్మిక నటన
డైలాగ్స్, కామెడీ
డైరెక్షన్, మ్యూజిక్
ప్రొడక్షన్ వాల్యూస్
మైనస్ పాయింట్స్
రొటీన్ కథ
గెస్సింగ్ స్ర్కీన్ ప్లే
ఎక్కువైన నాటకీయత
రేటింగ్
3 /  5

18:57 - August 10, 2018

2013లో వచ్చిన 'విశ్వరూపం' చిత్రానికి సీక్వెల్‌గా 'విశ్వరూపం 2' రూపొందించారు. కమల్ హాసన్ స్వీయ దర్శకత్వంలో ఈ చిత్రం తెరకెక్కింది. పూజా కుమార్, ఆండ్రియా, రాహుల్ బోస్ ముఖ్య పాత్రలు పోషించారు. కానీ పలు కారణాల వల్ల ఐదేళ్ల తరవాత ఈ సినిమా శుక్రవారం రిలీజైంది. యాక్షన్ స్పై థ్రిల్లర్‌గా వచ్చిన ఈ చిత్ర రివ్యూ...రేటింగ్ కోసం వీడియో క్లిక్ చేయండి.

 

20:57 - August 3, 2018

హీరో అయిన రాహుల్ రవీంద్రన్ డైరెక్టర్ గా మారుతున్నాడు, సుశాంత్ తో సినిమా తీస్తున్నాడు అని అనగానే .. అంతా ఇదో వేస్ట్ ప్రయత్నం అనుకున్నారు. కానీ సడెన్ గా సమంతా, నాగచైతన్య , నాగార్జున్ లైవ్ లోకి వచ్చి సినిమాకి కావల్సినంత బూస్ట్ ఇవ్వడంతో ఇధో విషయం ఉన్న సినిమా అని  క్లారిటీ వచ్చింది. ఇక అన్నపూర్జ  స్టూడియెస్, మనం ఎంటర్ టైన్ మెంట్స్ ప్రజెంటేషన్ అనగానే ఫుల్ అటెన్షన్ తెచ్చుకుంది చిలసౌ. అలా భారీ ప్రీ  రిలీజ్ హైప్ తో ధియేటర్ లోకి వచ్చిన  ఈ డిఫరెంట్ అటెంప్ట్ ఎలా ఉ:దో ఇప్పుడు చూద్దాం.
కథ విషయానికొస్తే..    
కథ విషయానికొస్తే..అర్జున్   తనకంటూ కొన్ని గోల్స్ పెట్టుకుని  పెళ్లి అనగానే 5 ఇయర్స్ పోస్ట్ పోన్ అనే స్టాండ్ మీద ఉంటాడు.  అనుకోని విధంగా  అంజలితో పెళ్లి చూపులకు రెడీ అవుతాడు. ఆ సమయంలో జరిగిన అనూహ్య పరిణామాలు, వాటి పర్యావసానాల పరంగా అంజలి  తనకు పర్ పెక్ట్ లైఫ్ పార్టనర్ అని ఫిక్స్ అయ్యి ఆమెని పెళ్లాడతాడు. పెళ్లే వద్దనుకున్న అర్జున్ ని అంతగా ఇంప్రెస్ చేసిన అంజలి క్వాలిటీస్ ఏంటి..? వాళ్లిద్దరి మధ్య  ఎలాంటి ట్రావెల్ జరిగింది.. అనేది సినిమా కథ.
నటీనటుల విషయానికొస్తే
నటీనటుల విషయానికొస్తే.. ఇప్పటి వరకూ ఒక్క సినిమాలో కూడా పరిణతి కనిపించని సుశాంత్.. ఈ సినిమాలో మాత్రం నటించలేదు.. అర్జున్ అనే  ఒక యువకుడి క్యారెక్టర్ ని అర్దం చేసకుని  అందులో ఒదిగిపోయి అతను సుశాంత్ కాదు.. అర్జున్ అనేంతలా ఇంప్రెస్ చేశాడు.  మొట్టమొదటి సారిగా సెటిల్ ఎక్స్ ప్రెషన్స్ పలికిస్తూ..ఎమోషనల్ సీన్స్ లో సైతం  ఆకట్టుకున్నాడు. స్క్రీన్ ప్రజెన్స్ లో కూడా చాలా వేరియేషన్ ఉంది. సినిమా చూశాక అర్జున్ క్యారెక్టర్ కి సుశాంత్  100 పర్సెంట్ న్యాయం చేశాడు అనిపిస్తుంది. ఇక హీరోయిన్ రుహానీ శర్మ..ట్రైలర్స్ లో జస్ట్ యావరేట్ అనిపించే లుక్స్ లో సినిమాకి మైనస్ ఏమో అనే  ఫీలింగ్ కలిగించింది. కానీ సినిమాకి  మెయిన్ ఎసెట్ ఆమె నటనే. అంజలి క్యారెక్టర్ ఆమె క్యారీ చేసిన తీరుకి హాట్సాఫ్ చెప్పాలి. ఈ మధ్య కాలంలో మన టాలీవుడ్ కి అంత ఎక్స్ ప్రెసివ్ ఫేస్ ఉన్న హీరోయిన్ ఎవరూ రాలేదనే చెప్పాలి. చిన్న చిన్న ఎమెషన్స్ ని ఆమె  కన్వే చేసిన విధానం సింప్లీ సూపర్బ్.  అందం పరంగా యావరేజ్ మార్క్స్ స్కోర్ చేసినా.. నటన పరంగా మాత్రం డిస్టింక్షన్ లో పాస్ అయ్యింది. సినిమా పూర్తయ్యే సరికి అంజలి లాంటి అమ్మాయి లైఫ్ పార్టనర్ గా ఉంటే బావుండు అని చాలా మంది బ్యాచిలర్స్ అనుకుంటారు అంటే...అతిశయోక్తి కాదు. ఒక చిన్న డైలాగ్ ఇచ్చానా.. సింపుల్ ఎక్స్ ప్రెషన్ ఇచ్చినా..విపరీతంగా ఎలివేట్ చేసి నవ్వించే వెన్నెల కిషోర్ సినిమాకి బ్యాక్ బోన్ గా నిలిచాడు. ఈ మధ్య కాలంలో సరైన  క్యారెక్టర్ దొరకక వెయిట్ చేస్తున్న వెన్నెల కిషోర్ ఈసినిమాలో మాత్రం ఛాన్స్ ఉన్న ప్రతిచోటా..  చెలరేగిపోయాడు. 2 సీన్స్ అయితే.. ధియేటర్ మొత్తం నవ్వులే నవ్వులు. ఒక రాహుల్ రామకృష్ణ గెస్ట్ క్యారెక్టర్ లా జస్ట్ ఇలా వచ్చి అలా వెళ్లిపోతాడు, విధ్యుల్లేఖ, రోహిణి, సంజయ్  ఇలా నోన్ ఫేసెస్ అన్నీ.,. సినిమా రీచ్ కి బాగానే ఉపయోగపడ్డాయి.
టెక్నీషియన్స్ విషయానికొస్తే..  
టెక్నీషియన్స్ విషయానికొస్తే.. యాక్టర్ లా ఉన్న రాహుల్.. డైరెక్టర్ లా మారి..ఏం చెయ్యగలుగుతాడా..? అని అనుకున్నారు అంతా. కానీ అతను డైరెక్టర్ గా ఏం చేశాడ్రా అనిపించుకున్నాడు. మొదటి సినిమాకి  అలాంటి  సెన్సిబుల్ స్క్రిప్ట్ ని రాసుకోవడమే ఒక సాహసం. దాన్ని అతను పక్కా స్క్రీన్ ప్లే తో  ఎంటర్ టైనింగ్ ఎలిమెంట్స్ తో  ఎలివేట్ చేసినవిధానానికి మెచ్చుకుని తీరాలి.  మొదటి సినిమాకే డైరెక్టర్ గా  స్క్రిప్ట్ పై అతనికున్న కమాండ్, క్లారిటీ చూశాక  అతని నుంచి ముందుముందు మరిన్ని మంచ సినిమాలు ఖచ్చితంగా ఆశించవచ్చు. డైలాగ్స్ కూడా.. కథను నడిపిస్తూ..ఆహ్లాదంగా సాగిపోయాయి. d.o.p సుకుమార్ డైరెక్టర్ మైండ్ లో ఉన్న విజువల్స్ ని మైండ్ బ్లోయింగ్ గా స్క్రీన్ పైకి ట్రాన్స్ లేట్ చేశాడు. అక్కడక్కడా.. టైట్ ఫ్రేమ్స్ మాత్రం కాస్త్ ఇబ్బంది పెట్టాడు.  కానీ అంత తక్కువ ఖర్చులో  అలాంటి రిచ్ నెస్ తీసుకొచ్చినందుకు అతనికి తప్పకుండా క్రెడిట్ ఇచ్చి తీరాలి. మ్యూజిక్ డైరెక్టర్ ప్రశాంత్ విహారి కూడా డైరెక్టర్ విజన్ ని అర్ధం చేసుకుని అవసరం అయినంతమేరకు  క్వాలిటీ ఉన్న మ్యూజిక్ అందించాడు. ముఖ్యంగా సినిమా సోల్ రివీల్ అయ్యే సీన్స్ లో  విహారి అందించిన మ్యూజిక్ హార్ట్ ను టచ్ చేస్తుంది.  ప్రొడక్షన్ వాల్యూస్..సినిమాకు తగ్గట్టుగా ఉన్నాయి. ఎడిటింగ్ కూడా క్రిస్ప్ గా ఉంది. ఆర్ట్ డైరెక్టర్ కష్టం  సినిమాలో కనిపిస్తుంది.     
ఓవరాల్ గా చెప్పాలంటే..     
ఓవరాల్ గా చెప్పాలంటే.. సెన్సిబుల్ స్టోరీ లైన్ తో సెన్సిటివ్ నెరేషన్ తో తెరకెక్కిన చిలసౌ మల్టీప్లెక్స్ ఆడియన్స్ ని అలరించే అంశాలు పుష్కలంగా ఉన్నాయి. తమ టేస్ట్ కి మ్యాచ్ అయ్యే  సినిమా లేక ఆవురావురు అంటూ ఎదురుచూస్తున్న A  సెంటర్ ఆడియన్స్ ని చాలా వరకూ శాటిస్ఫై చేస్తుంది చిలసౌ.

ప్లస్..
సెన్సిటివ్ కథ
ఫ్రెష్ స్క్రీన్ ప్లే
డైలాగ్స్, కామెడీ, డైరెక్షన్ 
హీరోయిన్ నటన

మైనస్..
స్లో నెరేషన్
ల్యాగింగ్ హీరోయిన్ ఫ్లాష్ బ్యాక్

రేటింగ్..
2.5

20:53 - August 3, 2018

క్షణం సినిమాతో తెలుగు సినిమాల్లోనే కొత్త ఒరవడిని క్రియేట్ చేసిన అడవిశేష్...మళ్లీ తన టీమ్ తో కలిసి గూడఛారి అనే  న్యూ ఏజ్ స్పై థ్రిల్లర్ ను రూపొందించారు. సమంతా టీజర్ లాంచ్ చెయ్యడం, నాని ట్రైలర్ రిలీజ్ చెయ్యడంతో గూడఛారి రేంజ్ విపరీతంగా పెరిగింది. ప్రమోషన్ మెటీరియల్ అంతా..హాలీవుడ్ తరహాలో ఉండడంతో విడుదలకు ముందే.. భారీ అంచనాలు క్రియేట్ చేసింది. గూడఛారి అలా భారీ అంచనాల నడుమ థియేటర్ లోకి అడుగు పెట్టి,,అనుకున్నట్టుగానే ఆఢియన్స్ మనసులు కొల్లగొట్టాడా..? థ్రిల్లింగ్ విక్టరీ అందుకున్నాడా అనేది ఇప్పుడు మనం చూద్దాం.
కథ విషయానికొస్తే..    
కథ విషయానికొస్తే..చిన్న తనంలోనే రా ఏజెంట్ గా ఉన్న తన తండ్రిని కోల్పోయిన  అర్జున్ తండ్రి ఇన్స్పిరేషన్ తోనే రా ఏజెంట్ గా మారతాడు .దేశాన్ని కాపాడాలి అనే స్ట్రాంగ్ విల్లింగ్ తో డ్యూటీ ఛార్జ్ తీసుకున్న కొన్ని రోజుల్లోనే ఊహాతీత పరిణామాల మధ్య టెర్రర్రిస్ట్ అనే ముద్ర పడుతుంది. అలా టెర్రరిస్ట్ ముద్రవేయించుకున్న అర్జున్..తాను టెర్రరిస్ట్ కాదని ఎలా నిరూపించుకున్నాడు..? అసలు అతన్ని టెర్రరిస్ట్ గా ఫోకస్ చెయ్యాలనుకున్నది ఎవరు..? అసలు అర్జున్ గతం ఏంటి అనేది సినిమా చూసి తెలుసుకోవాల్సిందే. 
నటీనటుల విషయానికొస్తే..    
నటీనటుల విషయానికొస్తే..ఎలాంటి క్యారెక్టర్ ని అయినా పోషించి మెప్పించే సత్తా ఉన్న అడవిశేష్ ఈ సినిమాలో రాఏజెంట్ గా ఇంప్రసివ్ మేకోవర్ తోకనిపించాడు. క్లాసీ యాక్టింగ్ తో ఆ క్యరెక్టర్ కి ఫుల్ ఫిల్ మెంట్ ఇస్తూ..స్టైలిష్ టచ్ ఇచ్చాడు. అతని హావభావాలు, డైలాగ్ డెలివరీ అన్నీ కూడా ఆ క్యరెక్టర్ కి పర్ ఫెక్ట్ గా సూట్ అయ్యాయి. ఇక ఈ సినిమాతో టాలీవుడ్ కి ఎంట్రీ ఇచ్చిన శోబితా ధూలిపాళ్ల..హై ఫై లుక్ తో అలరించింది. ఆమె ఎలిగెంట్ యాక్టింగ్ సినిమాకి ప్లస్ అయ్యింది. చాలా కాలం తర్వాత రీ ఎంట్రీ ఇఛ్చిన సుప్రియ..ఇంపార్టెన్స్ ఉన్న రా ఆఫీసర్ పాత్రలో పర్ ఫెక్ట్ గా సెట్ అయ్యింది. ఆమె నట అనుభవం స్క్రీన్  పై కనిపించింది. ఇక ఎలాంటి పాత్రనైనా తమ నటనతో వంద రెట్లుపెంచి చూపించే..ప్రకాష్ రాజ్, జగపతిబాబు సినిమాకి బ్యాక్ బోన్ గా నిలిచారు. వాళ్లిద్దరి మధ్య వచ్చే ట్విస్ట్  సినిమాకు ఆయువుపట్టుగా నిలిచింది. సినిమాని ఎమోషనల్ గా డ్రైవ చేసింది. అనీష్ కురువిళ్ల ప్రజెన్స్.. చాలా డిగ్నిఫైడ్ గా ఉంది. వెన్నెల కిషోర్ ఉన్నంతలో నవ్విస్తూ..చిన్న ఝ లక్ ఇచ్చాడు.మధుశాలిని తదితరులంతా ఆక్యరెక్టర్స్ కి పర్ ఫెక్ట్ గా ఫిట్ అయ్యారు.
టెక్నీషియన్స్ విషయానికొస్తే..
టెక్నీషియన్స్ విషయానికొస్తే..ఈ సినిమా కథను రాసుకున్న అడవిశేష్..కథలో తనను తాను ఊహించుకుంటూ డెవలప్ చెయ్యడంతో అది నటనపరంగా కూడా ప్లస్ అయ్యింది. అయితే క్షణం తరహాలో కన్సిస్టెన్సీని మెయింటెన్ చెయ్యడంలో తడబాటు కనిపించింది. ఫస్ట్ హాఫ్ ని ఎలాబిరేటెడ్ గా, ఎఫెక్టివ్ గా , ఎంగేజింగ్ గా, ఎంటర్ టైనింగ్ గా తీర్చిదిద్దిన టీమ్ సెకండ్ హాఫ్ కి వచ్చేసరికి ..పర్సనల్ మిషన్ కి హీరో ని పరిమితం చెయ్యడంతో గ్రాఫ్ లో డౌన్ కనిపించింది. మధ్య మధ్యలో ఆసక్తి కరమైన ట్విస్ట్ లు ఉన్నప్పటికీ హీరో ప్రిపరేషన్ కి పూర్తి విరుద్దంగా స్క్రీన్ ప్లే మలచడం కాస్త డిజప్పాయింటింగ్ గా అనిపిస్తుంది.  ఫస్ట్ హాఫ్ తరహాలో సెకండ్ హాఫ్ ని మలచడంలో గూడఛారి టీమ్ తడపడింది. ఇక ఈ సినిమాతో దర్శకుడిగా  మారిన శశికిరణ్ తిక్క.. షాట్ డివిజన్ లో, మేకింగ్ లో  కమాండ్ చూపించాడు. అతి తక్కువ బడ్జెట్ లో అల్ట్రా స్టైలిష్ విజువల్స్  ఇచ్చాడు.  క్షణం సినిమాని తన రైటింగ్ తో వెయిట్ పెంచిన అబ్బూరి రవి ఈ సినిమాకి కూడా స్క్రిప్ట్ పరంగా వర్కవుట్ అయ్యే మెరుగుని దిద్దాడు. అతని డైలాగ్స్ చాలా నేచురల్ గా రియలిస్టిక్ గా ఎఫెక్టివ్ గా ఉన్నాయి. కెమెరామెన్ షానియల్ డియో..సూపర్ అవుట్ పుట్ ఇచ్చాడు. స్క్రిప్ట్ తో అతను కూడా ట్రావెల్ అవ్వడంతో ప్రతి సీన్ కి కావల్సిన ఎటైర్ కూడా పర్ఫెక్ట్ గా ఎంచుకోగలిగాడు.  అతని డెడికేషన్...ప్రతి ఫ్రేమ్ లో కనిపిస్తుంది. ఇక ఎడిటర్, గ్యారీ స్టైలిష్ కట్స్ ఇచ్చాడు. సినిమా డీవియేట్ అయ్యే సీన్స్ ఏమీ లేకుండాజాగ్రత్త పడ్డాడు. మ్యూజిక్ డైరెక్టర్ శ్రీచరణ్ పాకాల ..శేష్ తో ఉన్న రాపో వల్ల వాళ్ల టేస్ట్ కి తగ్గట్టు..సినిమాకి అవసరమైనట్టు ..క్లాసీ సౌండింగ్ అందించాడు. నిర్మాణ విలువలు బావున్నాయి.
ఓవరాల్ గా చెప్పాలంటే..     
ఓవరాల్ గా చెప్పాలంటే.. ట్రైలర్ తరహాలోనే  స్టైలిష్ అవుట్ పుట్ తో రూపొందిన స్పై థ్రిల్లర్ గూడఛారి సెకండాఫ్ లో కాస్త డీవియేట్ అయినా కానీ..డిఫరెంట్ జానర్ లవర్స్ కి బాగా నచ్చుతుంది. మల్టీప్లెక్స్ ఆడియన్స్ ని టార్గెట్ చేసిన ఈసినిమా బాక్సాఫీస్ గా బాగానే సందడి చేసే అవకాశం కనిపిస్తోంది. 
ప్లస్ ..
కాస్టింగ్, స్క్రీన్ ప్లే
మేకింగ్, మ్యూజిక్
కెమెరా వర్క్
ప్రొడక్షన్ వాల్యూస్
మైనస్...
సెకండాఫ్ డీవియేషన్
ప్రీ క్లైమాక్స్
కాస్త ఎక్కువైన సినిమాటిక్ లిబర్టీ
టచ్ కాని ఎమోషన్

రేటింగ్..2.5

22:02 - July 29, 2018

టుడే అవర్ రీసెంట్ రిలీజ్ లో ఉన్న  మూవీ '''హ్యాపి వెడ్డింగ్'' సుమంత్ అశ్విన్ హీరోగా, కొనిదెల వారి హీరోయిన్ నిహారిక హీరోయిన్ గా  ప్రతిష్టాత్మక యువి క్రియేష‌న్స్ మ‌రియు పాకెట్ సినిమా సంయుక్తంగా నిర్మిస్తున్నఈ మూవీని, యంగ్ టాలెంటెడ్ ద‌ర్శ‌కుడు ల‌క్ష్మ‌ణ్ దర్శకత్వం వహించారు..

లవ్వర్ బాయ్ ఇమేజ్ మూవీస్ హీరో సుమంత్ అశ్విన్.. బారీ బ్యాగ్రౌండ్ ఉన్న ఫ్యామిలీ నుండి వచ్చి, క్యూట్ లవ్ స్టోరీ మూవీ చేసిన హీరోయిన్ నిహారిక కొనిదెల. వీరిద్దరి కాంబినేషన్ లో వచ్చిన  మెచ్యూర్డ్ మారేజ్ స్టోరీ హ్యాపీ వెడ్డిండ్.. మరి ఈ మూవీ ఎలాంటి ఫలితాన్ని రాబడుతుందో చూద్దాం..

ల‌వ‌ర్‌, కేరింత లాంటి యూత్ ఫుల్ స్టోరీస్ తో, లవ్వర్ బాయ్ ఇమేజ్ తెచ్చుకున్నాడు సుమంత్ అశ్విన్.. యూత్ ఆడియ‌న్స్ నే కాకుండా ఫ్యామిలీ ఆడియెన్స్ లో కూడా మంచి పేరు తెచ్చుకున్న సుమంత్ అశ్విన్‌, అన్ని సినిమాలు అబో యావరేజ్ లాక్ తెచ్చుకున్నాడు..మరి ఈ మూవీతో సుమంత్ అశ్విన్ లైఫ్ ఎలా ఉండబోతుందో చూడాలి.. 

ఇక అచ్చ‌తెలుగు చీర‌క‌ట్టు తో ప‌ద‌హ‌ర‌ణాల తెలుగు పిల్లగా, ఒక మనసు మూవీతో తెలుగు తెర‌కి పరిచ‌య‌మై, ప్ర‌తి తెలుగు వారింటి ఆడ‌ప‌డుచులా, త‌న ప్లెజెంట్ న‌ట‌న‌తో ఆకట్టుకుంది నిహ‌రిక. మెగా ఫ్యామిలీలో దాదాపు తొమ్మింది మంది హీరోలు ఉండగా.. ఒకే ఒక్క హీరోయిన్ గా బయటకు వచ్చింది నిహారిక.. ఈ మూవీతో నిహారిక హీరోయిన్ గా సెటిల్ అయినట్టేనా లేదా అన్న విషయం తెలిసిపోతుంది..

హ్యాపి వెడ్డింగ్  ప్రీ వెడ్డింగ్ ఈవెంట్ తో పాటు అన్ని కార్యక్రమాలు  గ్రాండ్ ప్లాన్ చేశారు. సుమంత్ అశ్విన్ బర్త్ డే స్పెషల్ గా  ట్రైలర్ రిలీజ్ చేస్తే  మంచి రెస్పాన్స్ వచ్చింది.. దాంతో పాటు మూవీకి  మంచి పబ్లిసిటీ కూడా చేశారు.. మారి ఇవన్నీ సినిమా పై ఎలాంటి ప్రభావంచూపిస్తాయో చూడాలి..

ఇప్పటి వరకు ఈ సినిమాకు సంబంధించిన  ట్రైలర్, టీజర్స్, అండ్ ప్రమోషనల్ వీడియోస్ అన్ని ఈ సినిమాపై అంచనాలు పెంచాయి.. ఇంతకు ముందు సినిమాల కంటే ఈ మూవీ డిఫరెంట్ గా ఉండబోతుందన్న సిగ్నెల్స్ ఇచ్చాయి.. అయితే మూవీ పై వీటి ప్రభావం ఎంత వరకు ఉంటుందో వేచి చూడాలి....

సుమంత్ అశ్విన్, నిహారికా కొనిదెల తో పాటు, అన్నపూర్ణమ్మ, నరేశ్, మురళీ శర్మ, పవిత్ర లోకేశ్, తులసి, ఇంద్రజ లాంటి సీనియర్ నటీనటులు ఈ సినిమాలో నటించారు.. భారి తారగణం ఉన్న ఈ సినిమాపై మంచి అంచనాలు ఉన్నాయి..

సాంప్రదాయ పెళ్ళి వేడుక, పెళ్ళి తరువాత జీవితం, అనే అంశాలతో మన ముందుకు వస్తున్న ఈ మూవి.. ప్రేక్షకులకు నచ్చుతుందా, లేదా అనేది తెలియాలి.. హీరో హీరోయిన్ బ్యాగ్రైండ్స్ అలా ఉంచితే ఈ సినిమా కథ ఎంత వరకు ఆడియన్ కు రీచ్ అవుతుందో చూడాలి.. 

10:53 - July 21, 2018

టాలీవుడ్‌లో విజయవంతమైన నిర్మాతగా పేరొందిన 'దిల్' రాజు ఎన్నో వైవిధ్యమైన చిత్రాలను ప్రేక్షకులకు అందించారు. ఎంతో మంది కొత్త దర్శకులను కూడా పరిచయం చేశారు. ఆయన బ్యానర్‌లో సినిమా వస్తుందంటే అంచనాలు భారీగానే ఉంటాయి. తాజాగా ఆయన నిర్మించిన చిత్రం 'లవర్'. ఈ సినిమాను అనీష్ కృష్ణ దర్శకత్వం వహించారు. గతంలో 'అలా ఎలా’సినిమా ద్వారా దర్శకుడిగా ఇతను పరిచయమయ్యారు. వరుస ఫ్లాపులతో సతమతమవుతోన్న యంగ్ హీరో 'రాజ్ తరుణ్ హీరో'గా నటించగా 'రిద్ది కుమార్' హీరోయిన్‌గా పరిచయమయ్యింది. ఈ చిత్రంపై సాధారణంగానే అంచనాలు ఏర్పడ్డాయి. శుక్రవారం ప్రేక్షకుల ముందుకు వచ్చిన ఈ సినిమాపై టెన్ టివి రివ్యూ...రేటింగ్ చూడాలంటే వీడియో క్లిక్ చేయండి. 

19:47 - July 6, 2018

హ్యట్రిక్స్ హిట్స్ తో కెరీర్ మొదలు పెట్టి, ఆ తరువాత దారితప్పి డబుల్ హ్యాట్రిక్ ప్లాప్ అంచున నిలిచిన మెగా మేనల్లుడు తేజ్ ఎలాగైనా హిట్ అందుకోవాలని, రెమ్యూనరేషన్ కూడా తీసుకోకుండా చేసిన సినిమా తేజ్ ఐ లవ్ యు. మాస్ మూస నుండి బయట పడటానికి లవ్ స్టోరీస్ స్పెషలిస్ట్ అయిన కరుణాకరణ్ డైరక్షన్ లో ఈ సినిమా చేశాడు.. సీనియర్ అండ్ గుడ్ జడ్జిమెంట్ ఉన్న కె.ఎస్ రామారావు ఈ సినిమా నిర్మించడం.. ప్రొమోస్ అండ్ సాంగ్ టీజర్స్ గ్రాండీయర్ గా కనిపించడంతో తేజ్ ఐలవ్ యు పై ఓ మోస్తరు అంచనాలు ఏర్పడ్డాయి.. ప్రస్తుతానికి హిట్ అత్యవసరంగా మారిన టీంకు వాళ్ళు  అందరూ కలిసి చేసిన తేజ్ ఐ లవ్ యు ప్రేక్షకుల చేత ఐ లవ్ యు అనిపించుకుందా.లేక ఐ హేట్ యు అని రిజక్ట్ చేయబడిందా అనేది ఇప్పుడు చూద్దాం.. 
కథ.. 
 కథ విషయానికి వస్తే.. లండన్ నుండి ఇండియాకు వచ్చిన నందినిని చూసిన వెంటనే ఇష్టపడతాడు తేజ్.. అయితే ముందు తేజ్ ను ఆటపట్టించిన నందిని, అతని కేరింగ్ ను, సిన్ సియారిటీని చూసి లవ్ చేస్తుంది...  ఆ విషయం తేజ్ కి చెప్పడానికి వెళ్ళిన టైంలో.. యాక్సిడెంట్ అయ్యి గతం మర్చిపోతుంది.. అసలు నందిని ఎవరు, ఆమె ఇండియాకు ఎందుకు వచ్చింది, మళ్ళీ ఆమెకు గతం గుర్తుకు వచ్చిందా లేదా.. తేజ్ లవ్ సక్సెస్ అయ్యిందా లేదా అనేది మిగతా కథ.
నటీనటులు.. 
నటీనటుల విషయానికి వస్తే.. మొదటి నుండి మాస్ అని పరిగెత్తిన తేజుకు.. దానివల్ల ఎలాంటి పర్యవసానాలు ఎదురౌతాయి అని తెలుసుకోవడానికి ఇంత టైం పట్టింది.. అందుకే మార్పు అనివార్యం అని గ్రహించి, ఇమేజ్ చేంజ్ ఓవర్ కోసం ఫ్యూర్ లవ్ స్టోరీని ఎంచుకున్నాడు.. అతని క్యారక్టర్ వరకు బాడీలాంగ్వేజ్ నుండి యాక్టింగ్ వరకు బాగానే డిజైన్ చేశాడు డైరక్టర్. తేజూ కూడా ఆ పాత్రను పండించడానికి సిన్సియర్ ఎఫర్ట్ పెట్టాడు.. అయితే సినిమా మొత్తాన్ని టేకోవర్ చేసి నటిపించింది అనుపమా పరమేశ్వరన్.. క్యాట్ లుక్స్ కి తోడు, కాస్త బబ్లీ యాక్టింగ్ తో స్క్రీన్ పై మెరిసింది.. తేజ్ ఐ లవ్ యు కి మేజర్ ప్లస్ పాయింట్ అనుపమా పరమేశ్వరన్. లవ్ ఫీల్ ను కూడా 100% ఎక్స్ ప్రెసీవ్ గా పండించింది ఇన్నాళ్ళు ఉన్న ట్రెడిషన్ లుక్స్ కి.. కాస్త గ్లామర్ టచ్ కూడా ఇచ్చింది. ఇక హీరో ఫ్రెండ్ గ్యాంగ్ తమ ఇంట్లో లేడీస్ గ్యాంగ్ కాస్త కామెడీ పండించగలిగారు.. హీరోయిన్ తండ్రిగా అనీష్ కురువెళ్ళ, హీరో పెదనాన్నగా జయప్రకాశ్, సాదా సీదా పాత్రల్లో కనిపించారు.. హీరో బాబాయి పాత్రలో  పృథ్వీ, అతని భార్య పాత్రలో సురేఖావాణి.. ఎంటర్ టైన్మెంట్ తో  కాస్త నవ్వులు పూయించారు.. మిగతా వాళ్లు అంతా పాత్రల పరిది మేర అలా అలా నటించారు.. 
టెక్నీషియన్స్..  
టెక్నీషియన్స్ విషయానికి వస్తే.. తొలిప్రేమ, డార్లింగ్ అనే రెండు హిట్స్ తో వరుసగా సినిమాలు చేస్తున్న కరుణాకరణ్ ఆ రెండు సినిమాల్లో ఉన్న ఫీల్ లో పదోవంతుకూడా ఈ సినిమాలో పండించలేకపోవడం ఆశ్చర్యంగా అనిపిస్తుంది.. కథ లేని లవ్ ట్రాక్స్ ని కూడా అరెస్టింగ్ గా చెప్పగల కరుణాకరణ్ ఈ సినిమాలో మాత్రం మొదటి నుండి అవుట్ అవ్ ట్రాక్ లో నడిచాడు.. హీరో హీరోయిన్ కలిస్తే బావుండు అని ఆడియన్స్ ఫీలయ్యేలా ఒక్క సీన్ కూడా రాసుకోలేకపోయాడు.. అతి పలుచని కథ, కరుణాకరణ్ స్క్రీన్ ప్లేతో ఇంకా వీక్ గా తయారయ్యింది.. డార్లింగ్ స్వామి మాటలు కూడా, కథకు తగ్గట్టే సొ.. సోగా ఉన్నాయి.. ఈ సినిమాకు సంగీతం అందించిన గోపీ సుందర్ కాస్త మనసు పెట్టి ఆర్ ఆర్ ఇచ్చాడు అనిపిస్తుంది. పాటలు కూడా మెస్మరైజింగ్ గా లేకపోయిన. పర్వాలేదు అనిపించేలా ఉన్నాయి. ఆండ్రూ సినిమాటోగ్రాఫీ  సినిమాకు చాలా హెల్ప్ అయ్యింది.. లిమిటెడ్ బడ్జెట్ లో కూడా క్వాలిటీ అవుట్ పుట్ ఇచ్చాడు. ఇక ప్రొడక్షన్ వాల్యూస్ బాగున్నాయి.. 
ఓవర్ ఆల్ గా.. 
ఓవర్ ఆల్ గా చెప్పాలిఅంటే కరుణాకరణ్ కసిగా, కెఎస్ రామారావు పకట్బందీగా, తేజ్ సిన్సియర్ గా చేసినా.. ఈ సినిమాలో ఉండాల్సిన ఫీల్ మిస్ అయ్యింది.. మిగిలిన అంశాలు.. హైలెట్ అయ్యాయి.. అసలే అయిదు ప్లాప్ లతో చాలా డల్ గా ఉన్న తేజు మార్కెట్ ఈ సినిమాను బాక్సాఫీస్ దగ్గర సేవ్ చేయడం కాస్త కష్టమే. .. అటు యూత్ కి, ఇటు మల్టీప్లక్స్ ఆడియన్స్ కి మరో వైపు మాస్ ఆడియన్స్ కి ఎవరికీ కనెక్ట్ అయ్యే అంశాలు లేకుండా వచ్చిన తేజ్ ఐ లవ్ యు ఫైనల్ గా బాక్సాఫీస్ దగ్గర ఎంత వరకు నిలబడుతుందో తెలియాలి అంటే వేచి చూడాల్సిందే.. 
 
ప్లస్ పాయింట్స్
అనుపమ లుక్స్, నటన
మ్యూజిక్
సినిమాటోగ్రఫి
ప్రొడక్షన్ వాల్యూస్

మైనస్ పాయింట్స్
వీక్ కథ
రొటీన్ స్ర్కీన్ ప్లే
ఫీల్ లేని లవ్ ట్రాక్
డ్రమటిక్ క్లైమాక్స్

రేటింగ్
1. 2.5 /  5

20:10 - June 7, 2018

రజనీ కాంత్ ఈ పేరుకి ఇండియాలోనే కాకుండా వరల్డ్ వైడ్ గా మంచి మాస్ ఇమేజ్ ఉంది. అందుకే రజనీ సినమా అంటే కథ ఎలా ఉన్నా.. డైరక్టర్ ఎవరైనా.. రజనీ కాంత్ ను జనాలు ఎలా చూడాలి అనుకుంటారో.. అలానే చూపిస్తారు.. అది ఒక రూల్.. కాని ఫస్ట్ టైం దానికి విభిన్నంగా కబాలీ అనే సినిమా చేసి, ప్రేక్షకులను డిస్సపోయింట్ చేసి, ఆ డిస్టిబ్యూటర్స్ కి ఆ సినిమాను ఓ పీడకలలా మిగిల్చాడు పా.రంజిత్.. అయితే అదే డైరక్టర్ తో రజనీ అల్లుడు ధనుష్ మళ్ళీ ఓ సినిమా మొదలు పెట్టడం.. మళ్ళీ అందులో కూడా రజనీనే హీరోగా పెట్టడంతో అందరూ షాక్ అయ్యారు.. కాని ఈసారి పా.రంజిత్ కి రజనీ చరిష్మా మీద క్లారిటీ వచ్చింది కాబట్టి.. కొత్త స్టైల్లో సినిమా తీస్తాడు అని ఆశించారు.. అదే ఫాక్టర్ వల్ల తెలుగులో ముప్పై కోట్ల ఫ్రీ రిలీజ్ బిజినెస్ తో కాలా ప్రేక్షకుల ముందుకు వచ్చాడు.. మరి అంత భారీ హైప్ మధ్య థియేటర్స్ లోకి వచ్చిన కాలా ఎలా ఉన్నాడు.. తన కోర్ ఆడియన్స్ ను సాటిస్పై చేశాడా లేదా అన్న విషయాన్ని ఇప్పుడు చూద్దాం... 
కథ.. 
కథ విషయానికి వస్తే..  ముంబంయి లోని ధారవి అనే భారీ స్లమ్ లో ఎప్పటి నుండో కొన్ని వేల గుడిసెలలో లక్షలాది మంది జనం నివసిస్తూ ఉంటారు.. అయితే ఆ ప్రాంతానికి విపరీత మైన డిమాండ్ రావడంతో ఆ గుడిసెలను ఖాళీ చేయించి అక్కడ భారీగా కట్టడాలు నిర్మించాలి అని క్లీన్ ముంబయి అనే గవర్నమెంట్ పాలసీను బలవంతంగా అమలు చేయలి అని చూస్తాడు అక్కడ రాజకీయ నాయకుడు హరి దాదా.. అయితే దాని వెనుక దురుద్దేశ్యం అర్ధం అయిన మాస్ లీడర్ కాలా..  అతనిని అడ్డుకుంటాడు..  అలా సాగిన  హీరో విలన్ ఫేస్ టూ ఫేస్ గేమ్ లో ఎవరు గెలిచారు.. ధారవీని కాలా, హరిదాదా నుంచి ఎలా కాపాడగలిగాడు అలాంటి విషయాలు సినిమా చూసి తెలుసకోవలసిందే.. 
నటీనటులు..  
నటీనటుల విషయానికి వస్తే.. కాలా అనే మామూలు సినిమాకు ఇంత హైప్ రావడానికి కారణం అయిన రజనీకాంత్, తన ఫుల్ పొటెన్షియాలిటీతో సినిమాను నిలబెట్టడానికి విశ్వ ప్రయత్నం చేశాడు..  తన ఇమేజ్ ను పక్కకు పెట్టి కథకు అవసరం కాబట్టి.. చాలా సాదా సీదా సీన్స్ లో కూడా దర్శకుడు చెప్పినట్టే నటించాడు.. ఇంత వయస్సులో కూడా వర్షంలో తడుస్తూ ఫైట్స్ దగ్గర నుండి ఫామిలీ..మరియూ కామెడీ  సీన్స్ వరకు వంక పెట్టే విధంగా లేదకుండా.. తన నటనలో సత్తా తగ్గిపోలేదని మరో సారి ఫ్రూ చేశాడు... రజనీ కాంత్ వరకూ కాలా కోసం ఎంత చేయగలడో అంతకు మించి చేశాడు.. రజనీ భార్యగా నటించిన ఈశ్వరి రావ్ ఒక ఢిఫ్రెంట్ అప్రోచ్ ఉన్న పాత్రలో మెప్పించింది.. ఇంత సీరియస్ సినిమాలో కూడా కాస్త నవ్వులు పూయించింది.. మరో హిరో హీరోయిన్ హ్యూమాకురేష్.. ప్రసెంస్ డిగ్నిఫైడ్ గా ఉంది..  కాకపోతే ఆ క్యారక్టర్ కి అంతగా స్కోప్ లేకపోవడంతో.. గుర్తుపెట్టుకునేలా.. ప్రజంట్ చేయలేకపోయింది.. కబాలిలో రజనీకి తమ్ముడిగా నటించిన సముద్రఖని ఈ సినిమాలో కూడా ఆల్మోస్ట్ అలాంటి క్యారక్టర్ లో కనిపించాడు.. ఇక రజనీని ఢీకొట్టే పొలిటికల్ లీడర్ హరిదాదాగా  నానా పాటేకర్  నటన సింప్లీ సూపర్.. ఇప్పటి వరకూ సౌత్ ఆడియన్స్ కి పెద్దగా కిక్ ఇవ్వని సటిల్ విలనిజంలో మజా.. ఆ పాత్ర ద్వార కన్వే చేశాడు,, రజనీ తరువాత సినిమాలో సెకండ్ టవరింగ్ పర్ఫామెన్స్ అతనిదే.. ఇక సంపత్ రాజ్, రవికాలే.. షాయాజీ షిండే లాంటి వాళ్ళు అంతా.. మూమూలుగాను గ్రేషేడ్స్ లో కనిపించారు తెలుగు వాళ్లకు పెద్దగా పరిచయం లేని మిగతా నటీనటులు అందరూ.. డిసెంట్ పర్ఫామెన్స్ ఇచ్చారు.. 
టెక్నీషియన్స్.. 
టెక్నీషియన్స్ విషయానికి వస్తే.. కబాలీతో రజనీ ఫ్యాన్స్ నే కాక.. సినిమా అభిమానులను కూడా తీవ్రంగా నిరాశ పరిచిన పా. రంజిత్.. కాలా కి కూడా తనకు బాగా అచ్చోచ్చిన, హిట్స్ ఇచ్చిన స్లమ్ సమస్యలనే బ్యాక్ డ్రాప్ గా ఎంచుకున్నాడు.. అయితే బేస్ ముంబాయి కి మారడంతో కాస్త కొత్తదనం వచ్చింది..  మొదటి సినమా ఫెయిల్ అయినా.. రజనీ ఇమేజ్ ను పూర్తిగా అంచనా వేయలేకపోయిన పా.రంజిత్ మరోసారి రా ఓరియెంటెడ్ కథ తోనే కాలా ను మలిచాడు..  కబాలీతో పోలిస్తే ఇందులో హీరో ఎలివేషన్స్ ఎక్కువే ఉన్నప్పటికీ... హీరోయిజాన్ని విలన్ డామేజ్ చేయడంతో  ఆడియన్స్ నిరాశకు లోనయ్యారు.. క్లైమాక్స్ లో సైతం తన మార్క్, తన టచ్ చూపించాలి అని డిఫరెంట్ గా ప్లాన్ చేసినా.. అది ఎవరిని మెప్పిచలేదు.. తమిళ్ నెటివిటీ మోతాదు చాలా ఎక్కువగా ఉంది.. ఓవర్ ఆల్ గా రజనీ స్థాయికి, క్రేజ్ కి తగ్గ సినిమా అందించడంలో మరోసారి తడబడ్డాడు పా. రంజిత్..  అయితే ఈ సినిమాకు ప్రాధాన భాగంగా నిలిచాడు సినిమాటోగ్రాఫర్ మురళీ.. స్టార్టింగ్ నుండి ఎండింగ్ వరకు ఎక్కడా.. రిలాక్స్ కాకుండా.. బ్లడ్ అండ్ హార్ట్ పెట్టి పనిచేశాడు.. ముఖ్యంగా హీరోయిజాన్ని ఎలివేట్ చేసిన.. ఫ్లై ఓవర్ రెయిన్ ఫైట్.. పోలీస్టెషన్ సీన్, హీరో విలన్ కాన్ ఫ్రంటేషన్ సీన్స్ లో .. మురళీ వర్క్ హ్యాట్సాఫ్ అని చెప్పాలి.. ఇక ఆల్భమ్ పరంగా మెజార్టీ ఆడియన్స్ ను డిస్సాపాయింట్ చేసిన సంగీత దర్శకుడు సంతోష్ నారాయణ్.. ఆర్ ఆర్ పరంగా మాత్రం కాస్త కష్ట పడ్డాడు.. చాలా చోట్ల సీన్స్ ఆర్ ఆర్ వల్ల ఎలివేట్ అయ్యాయ్యి.. ప్రొడక్షన్ వాల్యూస్ బాగున్నాయి.. ఎడిటర్ శ్రీకర్ బాబు కాస్త లిబర్టీ తీసుకుని ఉంటే స్లో నేరేషన్ కి కాస్త సొల్యూషన్ దొరికుండేది.. 

ఓవర్ ఆల్ గా చెప్పాలి అంటే.. సూపర్ స్టార్ రజనీ కాంత్ గ్రాండ్ మార్క్ తో, భొంమ్ బోర్టింగ్ ఓపెనింగ్స్ తో స్టార్ట్ అయిన కాలా. కాబాలీలా మరీ డిస్స్ పాయింట్ చేయకపోయిన.. పూర్తిగా మెప్పించే లాగా కూడా లేదు.. స్లో నేరేషన్ శాపంగా మారిన ఈ మూవీలో అక్కడక్కడా వచ్చే రజనీ మార్క్ సీన్స్ మాత్రమే ఊరటను ఇస్తాయి..  అయితే ఈ సినమా బాక్సాఫీస్ దగ్గర ఎలాంటి స్థాయిలో నిలబడగలుగుతుంది అనేది తెలియాలి అంటే.. వీకెండ్ వరకూ వెయిట్ చేయాల్సిందే.. 

ప్లస్ పాయింట్స్
రజనీ పర్ఫామెన్స్
స్టార్ కాస్ట్, ఆర్ ఆర్
సినిమాటోగ్రఫీ
హీరో ఎలివేషన్ సీన్స్

మైనస్ పాయింట్స్
స్లో నేరేషన్
ఇంపాక్ట్ లేని క్లైమాక్స్
డామినేటింగ్ విలనిజం
సాంగ్స్
తమిళ్ నెటివిటీ

రేటింగ్
1.75 / 5

18:59 - June 1, 2018

కింగ్ నాగార్జున - ఆర్జీవీ క్రేజీ కాంబినేషన్‌లో యాక్షన్ థ్రిల్లర్‌గా తెరకెక్కిన 'ఆఫీసర్' సినిమా నేడు ప్రేక్షకుల ముందుకు వచ్చింది. శుక్రవారం నాడు విడుదలైన ఈ సినిమాపై భారీ అంచనాలే ఉన్నాయి. దాదాపు 'శివ' చిత్రం అనంతరం నాగ్..రాంగోపాల్ వర్మ కాంబినేషన్ లో ఈ చిత్రం రావడంతో అభిమానుల్లో ఆసక్తి నెలకొంది. ఇక వరుస ఫ్లాప్‌లలో ఉన్న రామ్ గోపాల్ వర్మ ఈ చిత్రాన్ని చాలా శ్రద్దగా, జాగ్రత్తగా తెరకెక్కించారని ప్రచారం జరిగింది. ఈ మూవీలో 'నాగార్జున' సరసన ముంబై మోడల్ 'మైరా సరీన్' జోడీ కట్టింది. తెలుగులో ఆమెకు తొలి చిత్రం ఇదే కావడం విశేషం. మరి చిత్రం ఎలా ఉంది ? టెన్ టివి ఇచ్చే రేటింగ్ కోసం వీడియో క్లిక్ చేయండి. 

19:46 - May 25, 2018

ఒకప్పుడు తన బాడీ లాంగ్వేజ్ తో, వెరైటీ డైలాగ్ డెలివరీతో ఈజీగా నవ్వులుపూయించి అలవోకగా సినిమాను పాస్ చేయించి, మినిమమ్ గ్యారంటీ హీరో అనిపించుకున్నాడు రవితేజ. ఇప్పుడు మారిన ట్రెండ్ లో కూడా.. పాత ఫార్ములా ఫాలో అవుతూ రొటీన్ అయిపోయాడు. టచ్ చేసి చూడు అంటూ..ఒక డిజాస్టర్ ని గట్టిగా టచ్ చేసిన రవితేజ..ఎలాగైనా సక్సెస్ అందుకోవాలని  మాస్ ని టార్గెట్ చేసి నేల టికెట్ అనే సినిమాతో ప్రేక్షకుల ముందుకొచ్చాడు.  దర్శకుడిగా మంచి మార్కులు వేయించుకున్న కళ్యాణ్ కృష్ణ ఈ సినిమాకు డైరెక్టర్ కావడం .. ట్రైలర్ అంతా కూడా రవితేజ తరహాలో ఎంటర్ టైనింగ్ అనిపించడం..పవన్ కళ్యాణ్..ఈ సినిమా ఆడియో ఫంక్షన్ కు చీఫ్ గెస్ట్ గా రావడం వంటి విషయాలతో ఓ మోస్తర్ బజ్ క్రియేట్ చేసుకుని థియేటర్స్ లోకి వచ్చింది ఈసినిమా. మరి ఈసినిమాకు అనుకున్నట్టు..నేలటికెట్ ఆడియన్స్ నుంచి విజిల్స్ వచ్చాయా..? మాస్ ఈ సినిమాను మెచ్చారా..? ఓవరాల్ గా ఈ సినిమా ఎలాంటి రిజల్ట్ ని అందుకుందో ఇప్పుడు చూద్దాం.
కథ..
కథ విషయానికొస్తే..చిన్న తనంలోనే అనాథగా మారిన రవితేజ.. చుట్టూ జనం, మధ్యలో మనం అనే కాన్సెప్ట్ తో అందరితో కలిసిమెలిసి ఉంటాడు. కోర్టులో దొంగ సాక్ష్యాలు చెపుతూ జీవితాన్ని అలా అలా గడిపేస్తూ ఉంటాడు. అయితే అనుకోకుండా విశాఖపట్నంలో ఓ పోలీస్ తో వచ్చిన గొడవవల్ల హైదరాబాద్ కి వస్తాడు. అయితే..ఇక్కడ కూడా  అనుకోకుండా హోమ్ మినిస్టర్ తో రవితేజ కు క్లాష్ వస్తుంది. అది ఊహించని మలుపులు తిరిగి అనేక ట్విస్ట్ లు రివీల్ అవుతాయి. అసలు రవితేజ హైదరాబాద్ కు ఎందుకొచ్చాడు..? హోమ్ మినిస్టర్ కి అతనికి ఉన్న సంబందం ఏ:టి..? తను  అనుకున్న ఎయిమ్ ని రీచ్ అయ్యాడా లేదా అన్నది సినిమా చూసి తెలుసుకోవాల్సిందే. 
నటీనటులు..
నటీనటుల విషయానికొస్తే..ఒకప్పుడు మాస్ సినిమాలకు కేరాఫ్ అడ్రస్ గా ఉన్న రవితేజలో మునుపటి ఛార్మ్, ఎనర్జీ లెవల్స్ తగ్గాయి. స్క్రీన్ ప్రజెన్స్ కూడా కాస్త ఆడ్ గా అనిపిస్తుంది. అయితే ఈ సినిమా వరకూ లుక్స్ విషయంలో కేర్ తీసుకున్న రవితేజ..తనవరకూ తాను అలా అలా చేసుకుంటూ వెళ్లిపోయాడు. అియతే మిగతా వాళ్ల క్యారెక్టరైజేషన్స్ సరిగా కుదరకపోవడంతో..వాళ్ల నటన కూడా అలాగే సాగిపోయింది. ఉన్నంతలో జయప్రకాష్ రెడ్డి, అలీ , పృధ్వీ , ప్రవీణ్ లు కలిసి చేసిన  కామెడీ  కాస్త ఊరటనిస్తుంది. పవర్ ఫుల్ విలన్ రోల్ లో ఎంట్రీ ఇఛ్చిన జగపతిబాబు ఆ తర్వాత మాత్రం రొటీన్ విలన్ గా పాసివ్ క్యారెక్టర్ ని పాస్ చేయించడానికి మ్యాగ్జిమమ్ ట్రై చేశాడు.  కొత్త హీరోయిన్ మాళవిక శర్మ..గ్లామర్ విషయంలో ఏమాత్రం డిసప్పాయింట్ చెయ్యలేదు. నటనలో ఒఖ మామూలు హీరోయిన్  పరిథి ఎలా ఉంటుందో ..అలాంటి పాత్రే దక్కింది. ఆమె యాక్టింగ్ కూడా సో..సో గానే ఉంది.  తనకామెడీతో  సినిమాను నిలబెట్టే బ్రహ్మానందాన్ని చిన్నపాత్రలో చూపించి  నవ్వులు బదులు చిరాకు తెప్పించాడు డైరెక్టర్. ఇక సీనియర్ నటులు, సంపత్ , అజయ్, సురేఖావాణి, శరత్ బాబు సినిమాలో కనిపించడం వల్ల సినిమాకు రిచ్ నెస్ వచ్చింది.
టెక్నీషియన్స్.. 
టెక్నీషియన్స్ విషయానికొస్తే..ఈ సినిమా కథ, డైలాగ్స్ , డైరెక్షన్ లాంటి కీలక విభాగాలను డీల్ చేసిన కళ్యాణ్ కృష్ణ అన్ని విభాగాల్లో పూర్తిగా విఫలమయ్యాడు. మొదటి 2 సినిమాలకు చూపించిన పట్టు..ఈ సినిమాలో  ఓ ఒక్క దశలో కనిపించలేదు.  అస్తవ్యస్తమైన కథకు  అతుకుల స్క్రీన్ ప్లే యాడ్ చేసి , మాటలతో మేనేజ్ చేసేద్దాం  అన్న ధోరణి అడుగడుగునా.. కనిపించింది.  డైరెక్టర్ గా కూడా  చాల ప్లేస్ మెంట్స్ లో  క్లూ లెస్ గా కనిపించాడు కళ్యాణ్ కృష్ణ.  సినిమా సాగుతున్న కొద్దీ.. అన్నివిదాలుగా సినిమా గ్రాఫ్ పడుతూ వచ్చింది. దాన్ని ఏ దశలో కూడా తిరిగి నిలబెట్టలేకపోయాడు డైరెక్టర్.  ఇక నేల టికెట్ కు కష్టపడి వర్క్  చేసి తన క్రాఫ్ట్ వరకూ పూర్తి న్యాయం చెయ్యగలిగాడు కెమెరామెన్ ముఖేష్. ఏరియల్ షాట్స్, టాప్ యాంగిల్ షాట్స్, హఈరో ఎలివేషన్ సీన్స్ బాగా వచ్చాయి. ఇక ఫిదా ని తన మ్యూజిక్ తో హిట్ కు 10 మెట్లు పైన నిలబెట్టిన శక్తికాంత్ కార్తీక్.. ఈ రొటీన్ సినిమాకు తగ్గట్టు గానే .. పరమ రొటీన్ సంగీతం అందించాడు.  సినిమా మొత్తం మీద  ఒకే ఒక్క పాట జస్ట్ ఓకే అనిపించింది. అంటే మ్యూజిక్ ఎంత దారుణంగా ఉ:దో అర్ధం చేసుకోవచ్చు. కొత్త నిర్మాత రామ్ తాళ్లూరి సినిమాకు పెట్టాల్సిన దానికంటే రెట్టింపు బడ్జెట్ కేటాయించాడు.  అయితే..  ఆ రిచ్ నెస్ సినిమకు ఏమాత్రం హెల్ప్ అవ్వలేదు కాదుకదా.. సినిమాను ఏమాత్రం  కాపాడలేకపోయింది. రొటీన్ అండ్ ఎంటర్ టైనింగ్ మూవీస్ తో మాస్ మహారాజ హోదా దక్కించుకున్న రవితేజ.. టచ్ చేసి చూడు తర్వాత మళ్లీ అదే స్తాయి రిజల్ట్ ని అందుకునే లా ఉన్నాడు. నేలటికెట్ అంటూ కనీసం వాళ్ల అభిమానాన్ని కూడా అందుకోలేని స్తాయి సినిమాతో వచ్చిన ఈ సినిమా బాక్సాఫీస్ దగ్గర కమర్షియల్ సక్సెస్ సాధించడం కష్టమే.
ప్లస్ ..
సినిమాటోగ్రఫీ
ప్రొడక్షన్ వాల్యూస్
డైలాగ్స్
..
మైనస్
రొటీన్ కథ
ఫ్లో లేని స్క్రీన్ ప్లే
మ్యూజిక్
క్లైమాక్స్ కామెడీ

రేటింగ్..  1/5

Pages

Don't Miss

Subscribe to RSS - రివ్యూ