రివ్యూ

19:45 - December 8, 2017

ఎప్పటి నుండో హిట్ కోసం కళ్ళు కాయలు కాచేలా ఎదురు చూసీ చూసి అలసిపోయిన సుమంత్, ఈ మధ్య ట్రెండ్ మారింది అన్న విషయం లేట్ గా గ్రహించాడు.. అందుకే మారి న ట్రెండ్ కి అనుగూణంగా సినిమాలు ప్లాన్ చేసుకుంటున్నాడు... అలా ఆ ప్రొసెస్ లో గౌతమ్ అనే కొత్త డైరక్టర్ చెప్పిన ఫీల్ గుడ్ లవ్ స్టోరీ మళ్లీ రావా కి ఓకే చెప్పాడు..  టీజర్ ట్రైలర్స్ తోనే ఫీల్ ఉందని కన్వేచేసిన మళ్ళీ రావా ప్రేక్షకుల ముందుకు వచ్చింది. ఈ సినిమా ఎలా ఉందో.. సుమంత్ నమ్మకాన్ని నిలబెట్టిందా లేదా.. ఆడియన్స్ కి ఎలాంటి అనుభూతిని ఇచ్చింది అనేది ఇప్పుడు చూద్దాం..
సినిమా కథ 
ఈ సినిమా కథ విషయానికి వస్తే.. టీనేజ్ లో లవ్ తరువాత బ్రేకప్ అనే పాయింట్ తోనే తెరకెక్కింది మళ్ళీ రావా.. కాని ఒకే వ్యక్తి జీవితంలో ఒకే అమ్మాయితో మూడు సార్లు బ్రెకప్ అయితే.వాళ్ల జీవితాలు ఎలా మౌల్డ్ అవుతాయి.తిరిగి కలుసుకున్నప్పుడు వాళ్ల మధ్య ఎలాంటి బావోద్వేగాలు కలుగుతాయి.. అనే విషయాన్ని చాలా రియలిస్ట్ గా చూపించాడు.. అదే సినిమా కథ. కాకపోతే ఇదే కథను ఫాస్ట్ , ప్రజంట్, ఫ్యూచర్ మిక్స్ప్ స్క్రీన్ ప్లేలో ప్రజంట్ చేయడం వల్ల కొత్త సినిమా చూసిన ఫీలింగ్ కలుగుతుంది...
నటీనటులు
నటీనటుల విషయానికి వస్తే కెరీర్ లో ఇప్పటి వరకూ భిన్నమైన సినిమాలు చేసిన సుమన్ ఫస్ట్ టైం ఒక సిన్సీయర్ అండ్ రియలిస్టిక్ ప్రేమికుడి పాత్రలో ఒదిగిపోయి నటించాడు.. ఈ కథ ఎంచుకోవడంతోనే సగం విజయం సాధించిన సుమంత్, ఆ కథను నమ్మి, అందులో తన పాత్రను అర్ధం చేసుకుని, అవసరమైన వేరియేషియన్స్ తో నాచ్యూరల్ గా నటించాడు..  అక్కడక్కడ తడబడినా.. పెద్దగా ఇబ్బంది అనిపించలేదు.. ఇక బాలీవుడ్ హీరోయిన్.. ఆకాంక్ష సింగ్ అంజలీ పాత్రలో చాలా చక్కగా, డిగ్నిఫైడ్ లుక్ తో అలరించింది..  కొన్ని చోట్ల కొంచె ఆర్టిఫిషియల్ గా సాగినా... ఆమె నటన  ఓవర్ ఆల్ గా మెప్పించింది.  మాస్టర్ సాత్విక్, బేబీ ప్రితీ అస్త్రానీ చాలా క్యూట్ గా కనిపించి. బెస్ట్ ఫర్ఫామెన్స్ తో ఆకట్టుకున్నారు. ఇక మిగతా నటీనటులు అందరూ కూడా చాలా మంది కొత్త వారే అయినా కూడా సహజమైన నటనతో అలరించారు.. 
టెక్నీషయన్సన్ 
టెక్నీషయన్సన్ విషయానికి వస్తే.. గౌతం తిన్నసూరి ఈ కథపై చాలా హార్డ్ వర్క్ చేశాడు. అతను రాసుకున్న స్క్రీన్ ఫ్లే చూస్తే.. ఈ పాయింట్ పై అతను ఎంత కాన్ఫిడెంట్ గా ఉన్నాడో అర్ఠం అవుతుంది.. అతని స్క్రీన్ ప్లేకి తోడుగా మ్యూజిక్ డైరక్టర్, లిరిసిస్ట్ అడుగుడుగునా ఈ సినిమాలో ఫీల్ ని నింపి, సోల్ ను నిలబెట్టడానికి చాలా బాగా కృషి చేశారు. మాటలు కూడా చాలా సహజ సిద్దంగా అందరికి అర్ధం అయ్యేలా రాసుకున్నారు డైరక్టర్. ఐటీ కంపెనీ బ్యాక్ డ్రాప్ లో రాసుకున్న డైలాగ్స్.. టీనేజ్ లో విలేజ్ కామెడీ బాగా వర్కౌట్ అయ్యాయి.. ఇక మ్యూజిక్ డైరక్టర్ శ్రావణ్ బరద్వాజ్ సినిమాకు ప్రాధాన బలంగా నిలిచాడు.. ప్రతి సన్నివేశాన్ని ఆ సన్నివేశంలో ఆర్టిస్ట్ ల నటనను.. తగిన మూడ్ ని తన మ్యూజిక్ తో ఎలివేట్ చేయడానికి విపరీతంగ ప్రయత్నించి సక్సెస్ అయ్యాడు.. అలాగే సినిమాటోగ్రాఫర్ సతీష్ ముత్యాల ఇచ్చిన రిసొర్స్ లో రిచ్ అవుట్ పుట్ ఇచ్చాడు.. సినమాకు ఫీల్ అద్దడంలో అతని కృషికూడా చాలా ఉంది.. మిగతా టెక్నీషియన్స్ అయితే డైరక్టర్ విజన్ మేరకు పనిచేసి ఆకట్టుకున్నారు
ఫీల్ గుడ్ మూవీగా మళ్ళీ రావా
ఓవర్ ఆల్ గా చెప్పాలి అంటే కథ పాతదే అయినా, స్క్రీన్ ప్లే కొత్తగా ఉండటంతో ఫీల్ఎంటర్ టైన్ మెంట్ బ్యాలన్స్ చేస్తూ సాగడంతో మంచి ఫీల్ గుడ్ మూవీగా నిలిచింది మళ్ళీ రావా.. అయితే దర్శకుడు వాడిని ట్రూ అండ్ ఫోర్త్ స్క్రీన్ ప్లే కొంచె  అక్కడక్కడ కన్ఫ్యూజ్ క్రియేట్ చేయగా, స్లొ నేరేషన్ చెప్పుకోదగ్గ మైనస్ లుగా నిలిచాయి.. అయినప్పటికీ కూడా చాలా కాలం తరువాత యూత్ ను మల్టీఫ్లక్స్ ఆడియన్స్ ను శాటిస్ఫై చేసే సినిమాగా మళ్ళీ రావే నిలిచే అవకాశాలు పుష్కలంగా ఉన్నాయి... 
ప్లస్ పాయింట్స్
స్క్రీన్ ప్లే, మాటలు
డైరక్టర్
మ్యూజిక్
సినిమాటోగ్రాఫీ
నటీనటుల సహజ నటన
మైనస్ పాయింట్స్
సింపుల్ కథ
స్లో నేరేషన్ 
అక్కడక్కడ మిస్ అయిన ఫీల్

రేటింగ్
2.25/5

18:44 - November 24, 2017

ఎప్పుడు కొత్త తరహాకథలతో విభిన్న ప్రయోగాలు చేసే నారా రోహిత్ ఇప్పుడు కావాలనే మరి రొటిన్ కమార్షల్ మూవీ చేశాడు అదే బాలకృష్ణుడు. పవన్ మల్లెల దర్శకత్వంలో నారా రోహిత్, రెజీనా జంటగా నటించిన చిత్రం బాలకృష్ణుడు ఈ రోజే ప్రేక్షకుల ముందుకు వచ్చింది. మరి సినిమా ఎలా ఇప్పుడు చూద్దాం...కథ విషయానికొస్తే బాలకృష్ణ అలియాస్ బాలు పోకిరిగా తిరిగే వ్యక్తి అతనికి ఆద్య అనే ఆమ్మాయికి బాడీ గార్డుగా మారి ఆమెను అపదలనుంచి కాపాడే ఆఫర్ వస్తోంది. ఈ ఆఫర్ యక్సెప్ట్ చేసిన బాలు ఆద్య క్లోజ్ అయి ఆమెను ప్రొటెక్టు చేస్తాడు. వారి మధ్య చనువును లవ్ అనుకుంటుంది ఆద్య ఇలా జరిగిపోతున్న కథలో ఓ రోజు ఆద్య పై అటాక్ జరుతుంది. ఇంతకి ఆ అటాక్ చేసింది ఎవరు అనేది తెరపై చూడాల్సిందే...రోహిత్ ఈ సినిమాలో చాలా స్టైలిష్ గా కానిపిస్తాడు. అతని నటనలో కొత్త కోణాన్ని ఈ సినిమాలో చూడవచ్చు. టీజింగ్ సన్నివేశాల్లో, కామెడీ సన్నివేశాల్లో నారా రోహిత్ బాడీ లాగ్వేజ్ అకట్టుకుంది. ఇకా రెజీనా తన గ్లామర్ తో అలరించింది. పూర్తి వివరాలకు వీడియో క్లిక్ చేయండి.

 

20:10 - November 10, 2017

నటుడిగా ప్రూవ్‌ చేసుకునేందుకు పోరాడుతున్న మంచు మనోజ్‌ ఈ సారి ఓ బరువైన కథతో తానేంటో ప్రూవ్‌ చేసుకునేందుకు వచ్చాడు. శ్రీలంక శరణార్థలు నేపథ్యంలో వారికష్టాలను, అక్కడి అరాచకాలను కళ్లకు కట్టినట్టుగా చూపిస్తూ కొత్త దర్శకుడు అజయ్‌ ఆండ్రూస్‌ నూతక్కి ఈ సినిమాను తెరకెక్కించాడు. చాలా కాలంగా సరైన్ హిట్‌ లేని మనోజ్‌ కమర్షియల్‌ ఫార్ములాకు భిన్నంగా తెరకెక్కిన ఈ సినిమాతో ఎంత వరకు ఆకట్టకున్నాడు..? దర్శకుడు నటుడిగా అజయ్‌ ఆండ్రూస్‌ఆకట్టుకున్నాడా..? రియలిస్టిక్‌ అప్రోచ్‌తో తెరకెక్కిన ఒక్కడు మిగిలాడు ప్రేక్షకులను ఏ మేరకు అలరించాడు రివ్యూలో చూద్దాం..

కథ విషయానికి వస్తే తన ప్రమోషన్‌ కోసం ఓ కాలేజ్‌ ప్రొఫెసర్‌ తన స్టూడెంట్స్‌ అయిన ముగ్గురమ్మాయిలను మోసం చేసి ఓ మినిస్టర్‌ కొడుకుల దగ్గరకు పంపిస్తాడు. విషయం తెలుసుకున్న అమ్మాయిలు వాళ్లనుంచి తప్పించుకునేందుకు మరో దారిలేక పురుగుల మందు తాగి ఆత్మహత్య చేసుకుంటారు. బయటి ప్రపంచానికి అసలు విషయం తెలియకుండా వాళ్ల వ్యక్తిగత సమస్యల కారణంగానే ఆత్మహత్య చేసుకున్నట్టుగా చిత్రీకరిస్తారు. నిజం తెలుసుకున్న విద్యార్థి నాయకుడు సూర్య మినిస్టర్‌ కు ఎదురుతిరుగుతాడు. విద్యార్థులను కూడగట్టి ఉద్యమాన్ని లేవదీస్తాడు. అమ్ముడు పోవడాని అలవాటు పడ్డ సమాజంతో జరుగుతున్న పోరాటంలో సూర్య ఓడిపోతాడు. తన బలం బలంగంతో ఉద్యమాన్ని అనచివేసిన మినిస్టర్‌ డ్రగ్స్‌ కేసులో  సూర్యని అరెస్ట్‌ చేయిస్తాడు. కేసు కూడా  నమోదు చేయకుండా చిత్ర హింసలు పెట్టి ఎన్‌కౌంటర్‌ చేయాలని ప్లాన్‌ చేస్తారు. అక్కడి నుంచి పారిపోయే ప్రయత్నంలో సూర్యకు ఓ కానిస్టేబుల్‌, జర్నలిస్ట్‌ సాయం చేస్తారు. ఇలాంటి పరిస్థితుల నుంచి సూర్య ఎలా బయట పడ్డాడు..? సూర్యకి విప్లవ నాయకుడు పీటర్‌ కి సంబందం ఏంటి..? అన్నదే మిగతా కథ.

ఇప్పటికే నటుడిగా ప్రూవ్‌ చేసుకున్న మంచు మనోజ్‌ ఈ సినిమాతో మరో బరువైన పాత్రలో ఆకట్టుకునే ప్రయత్నం చేశాడు. విద్యార్థి నాయకుడిగా మనోజ్‌ నటన చాలా సహజంగా అనిపించింది. ఎక్కువగా అల్లరి క్యారెక్టర్‌ లు మాత్రమే చేసిన మనోజ్‌ ఈ సినిమాతో బరువైన ఎమోషన్లు కూడా పండించగలడని ప్రూవ్‌ చేసుకున్నాడు. సూర్య పాత్రలో నేచురల్‌ గా కనిపించిన మనోజ్‌, పీటర్‌ పాత్రలో కాస్త డ్రమెటిక్‌గా కనిపించాడు. బొబ్బులిపులి లో ఎన్టీఆర్‌ను గుర్తుకు తెచ్చే హావభావాలు ప్రదర్శించినా.. అవి నేటి జనరేషన్‌ కు కాస్త అతిగా అనిపిస్తాయి. మరో కీలక పాత్రలో నటించిన దర్శకుడు అజయ్‌ ఆండ్రోస్‌ తనదైన నటనతో ఆకట్టుకున్నాడు. ముఖ్యంగా సముద్రం మీద తెరకెక్కిన సన్నివేశాల‍్లో అజయ్‌ నటన సినిమాకు ప్లస్‌ అయ్యింది. కానీ ఆ పాత్రలో కాస్త గుర్తు పట్టగలిగిన నటుడు ఉంటే ఆడియన్స్‌ మరింతగా కనెక్ట్‌ అయ్యేవారు. ఇతర పాత్రలకుపెద్ద గా ప్రాధాన్యం లేదు. 

శ్రీలంకలో శరణార్థుల సమస్యల నేపథ్యంలో కథను తయారు చేసుకున్న దర్శకుడు అజయ్ ఆండ్రూస్‌ నూతక్కి‌, సినిమాను రియలిస్టిక్‌గా తెరకెక్కించే ప్రయత్నం చేశాడు. అక్కడి ప్రజల సమస్యలను వాళ్లు పడుతున్న ఇబ్బందులను, అక్కడి నుంచి శరణార్థులగా తప్పించుకొని వస్తున్న వారు ఆ ప్రయత్నంలో ఎలా ప్రాణాలు కోల్పోతున్నారో కళ్లకు కట్టినట్టుగా చూపించాడు. సినిమాను రియలిస్టిక్‌ గా తెరకెక్కించటంతో కమర్షియల్‌ సినిమాగా కన్నా ఓ డాక్యుమెంటరీ సినిమాలా అనిపించింది. ఇక శ్రీలంక పోరాటం నేపథ్యంలో తెరకెక్కించిన సన్నివేశాల్లో పాత్రల నటన చాలా డ్రమెటిక్‌ గా అనిపిస్తుంది. బోటు ప్రయాణం కూడా సుధీర్ఘంగా సాగటం ఇబ్బంది పెడుతుంది. ఎమోషనల్‌ డ్రాగా తెరకెక్కిన సినిమాలో కథను పక్కదారి పట్టించే పాటలు లేకపోవటంతో సినిమా అంతా ఒకే మూడ్‌లో సాగుతుంది. అక్కడక్కడ వినిపించిన బిట్‌ సాంగ్స్‌ సన్నివేశాలు మరింత ఎలివేట్‌ అయ్యేందుకు హెల్ప్‌ అయ్యాయి. నేపథ్యం సంగీతం కూడా సినిమా మూడ్‌ ను క్యారీ చేసింది. సినిమాకు మేజర్‌ ప్లస్‌ పాయింట్‌ సినిమాటోగ్రఫి, శ్రీలంకలోని పోరాట సన్నివేశాలతో పాటు బోటు ప్రయాణం సన్నివేశాలను చాలా బాగా చిత్రీకరించారు. ఎడిటింగ్‌విషయంలో ఇంకాస్త దృష్టి పెట్టాల్సింది. ఓవరాల్‌ గా ఒక్కడు మిగిలాడు సమస్యలను ఎత్తిచూపించిన రియలిస్టక్‌ సినిమాగా మెప్పించినా.. డాక్యుమెంటరీ తరహాలో సాగటంతో కమర్షియల్‌ గా ఆకట్టుకోకపోవచ్చు.

ప్లస్ల్ పాయింట్స్ 
మంచు మనోజ్‌ నటన
కథ
నేపథ్య సంగీతం

మైనస్ పాయింట్స్ 
ఇబ్బంది పెట్టేవి
మితిమీరిన డ్రామా
సినిమా నిడివి

21:22 - October 27, 2017

ఆడవారిపై జరుగుతున్న అన్యాయాలను ఖండిస్తూ, స్త్రీ చైతన్యం ముఖ్యమని చెప్పడానికి తీసిన సినిమా ‘అనగనగా ఒక దుర్గ’దర్శకుడు ప్రకాష్ పులిజాల,నిర్మాత గడ్డంపల్లి రవీందర్ రెడ్డి నూతన నటినటులతో రూపొందించిన ఈ చిత్రం ప్రేక్షకుల ముందుకు వచ్చింది. ఈ సినిమా ఎలా వుందో ఇప్పుడు చుద్దాం.
కధ విషయానికొస్తే...
ఆడపిల్ల పుట్టిందని పురిట్లోనే చెరువులో పడేస్తాడు దుర్గ (ప్రియాంక నాయుడు) తండ్రి. మృత్యుంజయురాలై తిరిగొస్తుంది దుర్గ. పాప పెద్దయ్య (మేకా రామకృష్ణ) బాలికను కాపాడి ఇంటికి చేరుస్తాడు. తండ్రి నుంచే వివక్ష ఎదుర్కొన్న దుర్గ పెరిగి పెద్దదువుతుంది. ఆమె యవ్వనంలో అడుగుపెట్టేప్పటికి ఆంక్షలు మొదలవుతాయి. బయటకు వెళ్లడం, సరదాగా స్నేహితులతో ఆటలాడటం వద్దంటాడు తండ్రి. ఇంతతో ఊరి పెద్ద రావూజీ (కాళీచరణ్ సంజయ్) కన్నుదుర్గపై పడుతుంది. రావూజీ స్త్రీ లోలుడు. ఊరిలో కనిపించిన ప్రతి అమ్మాయినీ బలవంతంగా అనుభవిస్తుంటాడు. తమను పరుగు పందెంలో ఓడించిందన్న కోపంతో రావూజీ మనుషులు దుర్గను గ్యాంగ్ రేప్ చేస్తారు. పంచాయితీ పెద్దలే రావుజీ తొత్తులే కాబట్టి దుర్గదే తప్పని తీర్పిస్తారు. ఇలాంటి దుర్మార్గుల్ని దుర్గ ఎలా ఎదుర్కొందన్నది మిగిలిన కథాంశం
నటినటుల విషయానికొస్తే ....
దుర్గ పాత్రలో ప్రియాంక పెర్ఫార్మెన్స్ బాగుంది. మొదట్లో సరదాగా ఉండే యువతిగా, తర్వాత తిరగబడే శక్తిలా తన అభినయంతో ఆకట్టుకుంది. దుర్గ పాత్రకు అన్ని విధాలా న్యాయం చేసింది. క్రాంతి పాత్రలో క్రాంతి కుమార్, రావూజీ క్యారెక్టర్ లో కాళీచరణ్ సంజయ్ మంచి నటన కనబరిచారు. గెటప్ శ్రీను, సత్య కృష్ణ పాత్రలకు ప్రాధాన్యత కనిపించింది..
టెక్నీషియన్స్ విషయానికొస్తే....
ఈ చిత్రానికి సినిమాటోగ్రఫీ అందించిన కళ్యాణ్ సమీ..సినిమాటోగ్రఫీ చెప్పుకోదగిన స్థాయిలో లేదు.స్వరాలు కూర్చిన విజయ్ బాలాజీ సంగీతం అక్కడక్కడా మెప్పించింది ఆడబిడ్డ రుధిరంతో అనే పాట హృద్యంగా సాగుతుంది. దర్శకుడు ప్రకాష్ పులిజాల కథనానికి తీసుకున్న స్ఫూర్తి బాగున్నా దాన్ని రాసుకున్న తీరు చాలా పేలవంగా ఉంది. కొద్దిగా కమర్షియల్ అంశాలని జోడించి, మంచి కథనాన్ని రాసుకుని, కొంత అనుభవం కలిగిన నటీనటుల్ని ఎంచుకుని ఉంటే బాగుండేది.
చివరగా...
‘అనగనగా ఒక దుర్గ’ సినిమా నైపథ్యం పరంగా మెచ్చుకోదగ్గదిగా ఉన్నా తీసిన విధానం, హీరోయిన్ మినహా మిగతా నటీనటుల నటన సరిగా లేకపోవడంతో ఔట్ ఫుట్ గొప్ప స్థాయిలో రాలేదు. సామాజికచైతన్యాన్ని ప్రస్తావించే సినిమాల్ని ఇష్టపడే వారికి పర్వాలేదనిపించవచ్చు.కానీ రెగ్యులర్ కమర్షియల్ ఆడియన్సుకు ఈ సినిమా నచ్చకపోవచ్చు.

ఫ్లస్ పాయింట్స్
ప్రియాంక నటన
సంగీతం

మైనస్ పాయింట్స్
పాత కథ
సినిమాటోగ్రఫీ

18:44 - October 18, 2017

టూడే అవర్ రిసెంట్ రిలీజ్ సినిమా 'రాజ ది గ్రేట్' డైలాగ్ రైటర్ గా తన సత్తాచాటి, కమర్షియల్ డైరరెక్టర్ గా పేరు తెచ్చుకొని, మొదటి సినిమానే హిట్ ఇచ్చిన డైరెక్టర్ కమ్ రైటర్ అనిల్ రాగపూడి డైరెక్ట్ చేసిన మూవీ 'రాజ ది గ్రేట్' కిక్ 2, బెంగాల్ టైగర్ వంటి సినిమాల తర్వాత రవితేజ కొత్తగా కనిపించిన సినిమా రాజ ది గ్రేట్. రెగ్యులర్ స్టోరీ లైన్ తో వస్వే క్లాస్, మాస్ అడియాన్స్ రిజెక్టు చేస్తున్నారని తెలుసుకున్న రవితేజ తన రూట్ మార్చి కామెడీతో పాటు యాక్షన్ కలిపి రాజ ది గ్రేట్ అంటూ ప్రేక్షకుల ముదుకు వచ్చాడు. ఈ సినిమాలో గుడ్డివాడిగా నటించాడు. హీరోయిన్ మెహరిన్ నటిచింది. దీన్ని దిల్ రాజు నిర్మించాడు. పూర్తి వివరాలకు వీడియో చూడండి.   

12:30 - September 28, 2017

హైదరాబాద్ : సినిమా రివ్యూలపై నిర్మాత శోభు యార్లగడ్డ ఫైర్ అయ్యారు. ఓ వెబ్ సైట్ పై ఆయన మండిపడ్డాడు. సినిమా పూర్తి గా చూడకుండా రివ్యూ రాశారని ధ్వజమెత్తారు. సగం సినిమా చూస్తూ మొబైల్ లో రివ్యూలు రాసేవారు తమ పనికి న్యాయం చేయలేరని శోభు అన్నారు. ప్రతి సినిమాను జాగ్రత్తగా గమనించి రాయాలని ఆయన సూచించారు. ఇష్టం వచ్చినట్టు రాసే ముందు ఎంతో మంది శ్రమను గుర్తించాలని శోభు అన్నారు. పూర్తి వివరాలకు వీడియో చూడండి.

20:10 - September 27, 2017

నేషనల్ లెవల్ లో గ్రేట్ హిట్స్ అందుకున్న మురుగదాస్ డైరక్షన్ లో మహేష్ బాబు సినిమా అని ఎనౌన్స్ అవ్వగానే మహేష్ కి మరో బ్లాక్ బాస్టర్ గ్యారంటీ అని మెంటల్ గా ఫిక్స్అయ్యారు ఫ్యాన్స్.. ఇల బైలాంగ్వల్ మూవీ అనగానే సినిమా ఓ రేంజ్ లో  స్టఫ్  ఉంటుందని అంచనా వేశారు.. అందుకు తగ్గట్టుగానే ఫ్రీ రిలీజ్ బిజినెస్ చేసిన మచ్ ఎవైటెడ్ మూవీ స్పైడర్ ప్రేక్షకుల ముందుకు వచ్చింది. భారీ అంచనాల నడుమ విడుదల అయిన ఈ మూవీ, ఆ అంచనాలను ఎంతవరకు రీచ్ అయ్యిందో ఇప్పుడు చూద్దాం.. 
కథ విషయానికి వస్తే.. 
కథ విషయానికి వస్తే.. ఐబి ఆఫీస్ లో కాల్ టాంపరింగ్ ఏజంట్ గా పనిచేస్తున్న శివ, ఎక్కడైన.. ఎవరైన సఫర్ అయితే తట్టుకోలేని మనస్థత్వం అతనిది. అందుకే సొంతంగా ఓ సాప్ట్ వేర్ క్రియేట్ చేసుకుని... ఎవరైన బాధపడినా.. హెల్ప్ అని అడిగినా.. భయపడినా.. ఏడ్చినా.. తనకు ఎలర్ట్ వచ్చేలా ఓ ఫ్రోగ్రామ్ ను రూపొందిస్తాడు... అలా సాఫ్ట్ వేర్ ద్వారా ఓ అమ్మాయి భయపడుతుంది అని తెలిసి ఆమెకు తోడుగా ఓ లేడీ కానిస్టేబుల్ ని పంపుతాడు.. ఆ మరుసటి రోజు ఆ ఇద్దరిని ఓ సీరియల్ కిల్లర్ మర్డర్ చేశాడు అని తెలుసుకుని స్టన్ అవుతాడు.. అలానే వాడిని వదిలేస్తే చాలా మందిని చంపుతాడు అని అర్ధం అయ్యి.. వాడిని వెతుకుంటూ బయలుదేరుతాడు.. ఆ ప్రోసెస్ లో శివకి ఎదురైన ఛాలెంజస్ ఏమిటి. శివ ఆ సైకో కిల్లర్ ని ఎలా పట్టుకున్నాడు. అతని ద్వారా ఎదురైయ్యే ప్రమాధాలనుండి ప్రజలను ఎలా కాపాడాడు.. చివరికి అతన్ని శివా ఎలా మట్టుపెట్టాడు.. ఇలాంటి విషయాలన్ని సినిమా చూసి తెలుసుకోవల్సిందే.. 
నటీ నటుల విషయానికి వస్తే.. 
నటీ నటుల విషయానికి వస్తే.. ఈ సినిమా మొత్తానికి వన్ అండ్ ఓన్లీ హైలట్ మహేష్.. ఫైట్స్ డాన్స్ ల్లో నెవర్ బిఫోర్ అనిపించేలా మెచ్యూరిటీ చూపించాడు.. అతను ఈ సినిమాకు పడిన కష్టం ప్రతీ సీన్లో కనిపిస్తుంది.. డైరక్టర్ నమ్మి ఒక సినిమా కోసం హీరో ఎంత చేయాలో అంతకు పదింతలు చేశాడు.. ఎమోషన్స్ పండించడంలో మహేష్ కు తిరుగులేదు అని మరోసారి ప్రూ చేసుకున్నాడు,.. ఈ సినిమా కోసం మహేష్ పెట్టిన ఎఫర్ట్ ఆడియన్స్ ను ఇంప్రెస్ చేస్తుంది. ఇక హీరోయిన్ రకుల్ విషయానికి వస్తే ఒక నార్మల్ క్యారక్టర్ లొ హైపర్ ఎనర్జీతో యాక్ట్ చేసి ఆకట్టుకుంది.. మహేష్ పెయిర్ గా బాగా సెట్ అయ్యింది.  కాకపోతే ఆ క్యారక్టర్ కి పెద్దగా ఎలివేషన్ ఇంపార్టెన్స్ లేకపోవడంతో  గుర్తుపెట్టుకునే రేంజ్ లో పండలేదు. ఇక ఈ సినిమాకు మహేష్ తరువాత.. మరో మెయిన్ ఎసెట్ గా నిలిచాడు ఎస్ జే సూర్య.. సైకోగా శాడిజాన్ని చూపిస్తూ,... విలనీని బాగా హైలెట్ చేశాడు.. అతని ఫర్ఫామెన్స్ సినిమాకు బాగా ప్లస్ అయ్యింది.. ఇక వరుసగా సీరియస్ క్యారక్టర్స్ చేస్తున్న కమెడియన్ ప్రియదర్శి..  ఈ సినిమాలో కూడా మరో సీరియస్ క్యారక్టర్ చేశాడు.. ప్రేమిస్తే ఫేం భరత్ జస్ట్ గెస్ట్ అపీరియన్స్ గా కనిపించాడు.. ఇక మిగతా నటీనటులు అందరూ.. తమ పాత్రల పరిదిమేర నటించారు.. 
టెక్నీషియన్స్ విషయానికి వస్తే.. 
టెక్నీషియన్స్ విషయానికి వస్తే.. ఈ సినమాకు స్టోరీ స్ర్కీన్ ప్లే.. డైలాగ్స్, డైరక్షన్ వంటి కీలక విభాగాలను హ్యాండిల్ చేసిన మురగదాస్.. రైటర్ గా చాలా డిసప్పాయింట్ చేశాడు.. అతడు రాసిన స్క్రీప్ట్ లో విలన్ కి సరైన స్పాన్ లేదు..  విలన్ పాత్రలో ఇంటెన్సిటీ లేదు.. ఓవర్ ఆల్ గా స్క్రీన్ ప్లేకి ఒక ప్లో లేదు అనే చెప్పాలి.. మంచి కధను ఎంచుకున్న మురుగదాస్ దాన్ని యాక్షన్ ఎంటర్ టైనర్ గా.. ద్విభాషా చిత్రంగా మార్చడంలో.. తడబడ్డాడు..  అందుకే మురుగదాస్ కి మేయిన్ బలం అయిన ఎమోషన్స్ కూడా ఎవరికీ కనెక్ట్ కాలేదు.. హీరో పడుతున్న శ్రమ.. మనుషులను కాపాడాలి అన్న తాపత్రయం కూడా చాలా మామూలు విషయాలుగా మనకు కనిపిస్తాయి..  మహేష్ స్టార్ డమ్ ను ఎలివేట్ చేసే  సీన్స్ అస్సలు రాసుకోలేదు అని చెప్పాలి.. సినిమా మొత్తంలో రెండే రెండు సన్నివేశాలలో  మురుగదాస్ ముద్ర కనిపిస్తుంది.. ఇక పాటలతో జస్ట్ యావరేజ్ అనిపించుకున్న హేరీష్ జయరాజ్  ఆర్ ఆర్ వరకు ఇంప్రెస్ చేయగలిగాడు.. సంతోష్ శివన్ సినిమాటో గ్రాఫీ బాగుంది.. ముఖ్యంగా యాక్షన్ సీన్స్ లో అతని కెమెరా పనితనం కనిపిస్తుంది.. గ్రాఫిక్స్ వర్క్స్ ఓకే.. నిర్మాణ విలువలు బాగున్నాయి.. 

ఓవర్ ఆల్ గా భారీ ఎక్స్ పర్టేషన్స్ తో థియేటర్స్ లోకి వచ్చిన స్పైడర్ అన్ని వర్గాల ప్రేక్షకులను అలరించడం అనేది కొంచెం కష్టమే అనిపిస్తుంది.. సినిమాలో కామెడీ లేకపోవడం.. విలనీ ఎపిసోడ్ అంతా మరీ తమిళ్ టచ్ లో బాగా రా గా ఉండటం... హీరో హీరోయిన్ మధ్య లవ్ ట్రాక్ వల్గర్ గా ప్రొజక్ట్ అవ్వడంతో స్పైడర్ ఏ రేంజ్ విజయం సాధిస్తుంది అనేది చెప్పడానికి  మరికొన్ని రోజులు వేచి చూడాల్సిందే.. కాకపోతే మహేష్ బాబు స్టార్ డమ్ తో ఈ సినిమా గట్టెక్కే అవకాశాలు ఉన్నాయి..   
ప్లస్ పాయింట్స్
మహేష్ బాబు యాక్టింగ్
సినిమాటోగ్రాఫీ.. 
బ్యాగ్రౌండ్ మ్యూజిక్... 
ఫైట్ సీన్స్..
మైనస్ పాయింట్స్
పాటలు
కామెడీ అస్సలు లేకపోవడం
కనెక్ట్ కాని ఎమోషన్స్
హీరో హీరోయిన్ లవ్ ట్రాక్.. 
స్క్రీన్ ప్లే లో లోపాలు

రేటింగ్ 2/5 

12:51 - September 27, 2017

టాలీవుడ్ ప్రిన్స్ 'మహేష్ బాబు' తన తాజా చిత్రం 'స్పైడర్' తో ప్రేక్షకులు ముందుకొచ్చాడు. ప్రముఖ దర్శకుడు మురుగదాస్ కాంబినేషన్ లో వచ్చిన ఈ సినిమాలో 'మహేష్' సరసన 'రకూల్ ప్రీత్ సింగ్' నటించింది. ప్రతి సినిమాలో ఏదో ఒక సామాజిక అంశాన్ని మేళవించే మురుగదాస్ ఈ సినిమాలో ఎలాంటి అంశాన్ని స్ర్పశించరానేది కీలకంగా మారింది. 'బ్రహ్మోత్సోవం' డిజాస్టర్ అనంతరం 'మహేష్' నటించిన ఈ చిత్రంపై భారీ అంచనాలే నెలకొన్నాయి. ఇక ఈ చిత్రం రెండు భాషల్లో తెరకెక్కడం విశేషం. చిత్ర విడుదలపై సోషల్ మాధ్యమాల్లో రివ్యూలు వచ్చేస్తున్నాయి.

మహేష్ ఈ సినిమాలో ఇంటిలిజెన్స్ ఏజెన్సీలో పనిచేసే ఉద్యోగిగా నటించాడు. ఎవరు ఏడ్చినా..ఎవరు హెల్ప్ అని అరిచినా స్పందించేలా సొంతంగాఓ సాఫ్ట్ వేర్ ను కనిపెడుతాడు. ఈ నేపథ్యంలో ఓ కాల్ రావడం..ఆ కాల్ వచ్చిన అనంతరం కానిస్టేబుల్..యువతి హత్యకు గురి కావడం జరుగుతుంది. ఈ హత్యకు కారకులెవరు ? అనే దానిపై మహేష్ స్టడీ చేయడం..సైకో కిల్లర్ భైరవ (సూర్య) అని తేలుతుందని కథనాలు పేర్కొంటున్నాయి.

హీరో..విలన్స్ మధ్య వచ్చే సిన్నివేశాలు కట్టిపడేస్తాయని..ద్వితియార్థం కీలకమని తెలుస్తోంది. అయితే దర్శకుడు మురుగదాస్ తన గత చిత్రాల స్థాయిలో ప్రేక్షకులను కథలో లీనం చేయలేకపోయారని టాక్. కొన్ని సన్నివేశాలు..పతాక సన్నివేశాలు..హాలీవుడ్ స్థాయిలో తీర్చిదిద్దారు. విలన్ చేసే పనులు..అతను తలపెట్టిన ముప్పులనుండి కాపాడేందుకు హీరో చేసే పనులు ప్రేక్షకులకు కొంత విసుగుపాటు తెప్పిస్తాయని సామాజిక మాధ్యమాల్లో చర్చ జరుగుతోంది. చివరకు మురుగదాస్ చెప్పిన సందేశం కథకు ఏమాత్రం అతకలేదని టాక్.

మరి పర్ ఫెక్ట్ రివ్యూ చూడాలంటే టెన్ టివిలో ప్రసారమయ్యే 'నేడే విడుదల' కార్యక్రమంలో చూడండి...

11:00 - September 21, 2017

యంగ్ టైగర్ 'ఎన్టీఆర్' తన తాజా చిత్రంతో ప్రేక్షకుల ముందుకొచ్చేశాడు. వరుస విజయాలతో దూసుకెళుతున్న ఈ యంగ్ టైగర్ మరో హిట్ కొట్టాడా ? లేదా ? అనే దానిపై సోషల్ మాధ్యమాల్లో రివ్యూలు చక్కర్లు కొడుతున్నాయి. బాబీ దర్శకత్వంలో 'ఎన్టీఆర్' సోదరుడు 'కళ్యాణ్ రామ్' నిర్మాణంలో 'జై లవ కుశ' చిత్రం తెరకెక్కింది. ఎన్టీఆర్ కెరియర్ లో అత్యధిక బడ్జెట్ తో ఈ సినిమా రూపొందింది. ప్రపంచవ్యాప్తంగా తొలి రోజున ఈ సినిమా 2400 థియేటర్స్ లో ప్రదర్శితమవుతోంది. 'బాహుబలి 2' తరువాత అత్యధిక థియేటర్స్ లో విడుదలవుతోన్న సినిమా ఇదేనని టాక్. ఈ సినిమాలో ఎన్టీఆర్ మూడు పాత్రలను పోషిస్తుండడంతో చిత్రంపై భారీ అంచనాలు నెలకొన్నాయి. ఎన్టీఆర్ సరసన రాశీఖన్నా..నివేదా థామస్ లు హీరోయిన్స్ నటించారు. 

ఇక చిత్ర కథ విషయానికి వస్తే జై..లవ..కుశ అనే కవలలుంటారు. జైకి నత్తి..సరిగ్గా మాట్లాడలేకపోతాడు. ఈ కారణంతో మిగిలిన ఇద్దరు సోదరులతో సరిగ్గా కలువలేకపోతాడు. లవ..కుశ కూడా జైని చిన్న చూపు చూస్తారంట. ఈ కారణంగా చిన్నప్పుడే తన సోదరులపై కోపం..కసి పెంచుకుంటాడు. ఎలాగో చిన్నప్పుడే ముగ్గురూ తప్పిపోతారు. లవ పెద్దవాడై బ్యాంకు ఉద్యోగిగా..కుశ ఏదోలా మాయ చేసి అమెరికా వెళ్లి గ్రీన్ కార్డు సంపాదించి అక్కడే సెటిల్ అవ్వాలని ప్రయత్నిస్తుంటాడు. వీరిద్దరి జీవితాల్లోకి 'జై' ప్రవేశిస్తాడు. చిన్పప్పటి పగ..ప్రతికారాన్ని తీర్చుకున్నాడా ? ముగ్గురు కలిశారా ? కలిసి ఉంటూనే మరొకరిపై పోరాటం చేశారా ? అనేది తెరపై చూడాల్సిందే.

సినిమాలో మాత్రం 'ఎన్టీఆర్' అన్ని తానై నడిపించారని టాక్ వినిపిస్తోంది. మూడు పాత్రల్లో ఎన్టీఆర్ చక్కగా ఇమిడిపోయాడని, ఇంటర్ వెల్ అనంతరం 'జై' విశ్వరూపం మొదలవుతుందని తెలుస్తోంది. స్పష్టమైన రివ్యూ తెలుసుకోవాలంటే మాత్రం టెన్ టివిలో సాయంత్రం ప్రసారమయ్యే 'నేడే విడుదల' కార్యక్రమాన్ని చూడండి..

21:09 - September 16, 2017

హైదరాబాద్ : బీసీ కులాల అభివృద్ధి కోసం చేపట్టాల్సిన కార్యక్రమాల రూపకల్పనపై సీఎం కేసీఆర్ సమీక్ష నిర్వహించారు. ప్రగతి భవన్‌లో జరిగిన ఈ భేటీకి మంత్రులు జోగు రామన్న, హరీశ్ రావు, ఎంబీసీ కార్పొరేషన్ చైర్మన్ తాడూరి శ్రీనివాస్ పాల్గొన్నారు. వెనుకబడిన కులాల వారి జీవితాల్లో వెలుగు రావడం కోసం ప్రభుత్వ కార్యక్రమాలు రూపొందించి అమలు చేయాలని కేసీఆర్ సూచించారు. కుల వృత్తులు లేని వారు, ప్రత్యామ్నాయ ఉపాధి చూసుకుంటున్న వారికి తగిన ప్రోత్సాహం అందించాలన్నారు. వారి ఉపాధి కోసం బ్యాంకులతో సంబంధం లేకుండా.. ఏంబీసీ కార్పొరేషన్ ద్వారా ఒక్కొక్కరికి లక్ష రూపాయల నుంచి 2 లక్షల ఆర్థిక సాయం అందించాలని కేసీఆర్ సూచించారు. ఏటా 60 నుంచి 70వేల చేతివృత్తి కుటుంబాలను ఆదుకోవాలన్నారు. ఏంబీసీ కార్పొరేషన్‌కు ఇకనుంచి ప్రతి ఏటా బడ్జెట్‌లో నిధులు కేటాయిస్తామని కేసీఆర్ తెలిపారు. 

 

Pages

Don't Miss

Subscribe to RSS - రివ్యూ