రోజా

10:57 - January 14, 2018

చిత్తూరు : తెలుగు రాష్ట్రాల్లో భోగి సంబరాలు అంబరాన్ని అంటుతున్నాయి. నగరిలో భోగి వేడుకల్లో ఎమ్మెల్యే రోజా పాల్గొన్నారు. ప్రతి ఒక్కరూ సంక్రాంతి పండుగను ఘనంగా జరుపుకోవాలని రోజా ఆకాంక్షించారు. 

 

18:23 - January 10, 2018

చిత్తూరు : ఇంటికో ఉద్యోగం ఇస్తామని చెప్పి సీఎం చంద్రబాబు నాయుడు మోసం చేశారని వైసీపీ ఎమ్మెల్యే రోజా మరోసారి విమర్శలు గుప్పించారు. వైసీపీ ఆధ్వర్యంలో నిరుద్యోగులు 'బాబు జాబేదీ'..'ఇంటికో ఉద్యోగం ఇంకెన్నాళ్లీ మోసం' అంటూ ప్ల కార్డులు పట్టుకుని నిరసన ప్రదర్శన నిర్వహించారు. ఈ నిరసన ప్రదర్శనలో ఎమ్మెల్యే రోజా పాల్గొని విమర్శలు గుప్పించారు. ఏ రాష్ట్రంలో లేని విధంగా ఏపీలో ఉద్యోగులు వలసలు...ఆత్మహత్యలు ఎంచుకుంటున్నారని, యువతను చైతన్య పరిచేందుకే ఈ కార్యక్రమం చేపట్టినట్లు తెలిపారు. బాబు వస్తే జాబు వస్తుందని చెప్పి తనయుడు లోకేష్ కు మాత్రం మంత్రి పదవి ఇచ్చారని ఎద్దేవా చేశారు. 

21:15 - January 5, 2018

నెల్లూరు : పట్టణంలో జరిగిన యువజన సభలో వైసీపీ ఎమ్మెల్యే రోజా సీఎం చంద్రబాబును తీవ్రంగా విమర్శించారు. ఏపీకి ప్రత్యేక హోదా తీసుకురావడం చంద్రబాబుకు చేతకాలేదన్నారు. ఓటుకు నోటు కేసులో తప్పించుకునేందుకు ఏపీని కేంద్రానికి తాకట్టుపెట్టారని విమర్శించారు. జయంతికి వర్థంతికి తేడా తెలియని పప్పూకి మంత్రి పదవి ఇచ్చారని, కాని రాష్ట్రంలో నిరుద్యోగులకు ఉద్యోగం ఇవ్వలేకపోయారన్నారు.

 

15:20 - December 1, 2017

చిత్తూరు : గాలేరు నగరి ప్రాజెక్టుపై టిడిపి ప్రభుత్వం నిర్లక్ష్యం వహిస్తోందని వైసీపీ నేత రోజా తీవ్రస్థాయిలో ధ్వజమెత్తారు. కాంగ్రెస్ హాయాంలో 70 శాతం పనులు పూర్తయితే ఇప్పటి బడ్టెట్ లో సీఎం చంద్రబాబు నాయుడు ఒక్క రూపాయి కేటాయించలేదని, మిగిలిన 30 శాతం పూర్తి చేసేందుకు నాలుగేళ్లుగా నిధులు ఇవ్వడం లేదన్నారు. బడ్జెట్ లో రూపాయి కేటాయించకుండా ప్రాజెక్టును ఎలా పూర్తి చేస్తారని రోజా సూటిగా ప్రశ్నించారు. 

 

06:57 - November 21, 2017

కర్నూలు : వైసీపీ అధినేత జగన్‌పై కర్నూలు జిల్లా బనగానపల్లె పోలీసు స్టేషన్‌లో కేసు నమోదైంది. జగన్‌తోపాటు  వైపీసీ ఎమ్మెల్యే రోజా, మాజీ ఎమ్మెల్యే కాటసారి రాంరెడ్డిపై కూడా  పోలీసులు కేసు నమోదు చేశారు. 13వ రోజు  పాదయాత్ర సందర్భంగా హుసేనాపురంలో అనుమతి లేకుండా మహిళా సదస్సు నిర్వహించారన్న అభియోగంపై కేసు నమోదు చేశారు. 
 

19:03 - November 20, 2017

కర్నూలు : పాదయాత్రలో భాగంగా కర్నూలు జిల్లా హుసేనాపురంలో వైసీపీ ఏర్పాటు చేసిన మహిళా సదస్సును పోలీసులు అడ్డుకోవడాన్ని ఎమ్మెల్యే రోజా తప్పు పట్టారు. సదస్సుకు ఇచ్చిన అనుమతిని పోలీసులు రద్దు చేయడం దారుణమని ఆమె అన్నారు.

07:01 - November 18, 2017

చిత్తూరు : జిల్లా నగరిలో వైసీపీ ఎమ్మెల్యే రోజా పుట్టినరోజు వేడుకలు ఘనంగా జరిగాయి. రోజా చారిటబుల్‌ ట్రస్ట్‌ ఆధ్వర్యంలో మెగా జాబ్‌ మేళా నిర్వహించారు. ఈ సందర్భంగా మాట్లాడిన రోజా..చంద్రబాబు ప్రభుత్వంపై విరుచుకుపడ్డారు. లక్షా 40 వేల ఉద్యోగాలు ఉన్నా ఇంతవరకు నోటిఫికేషన్‌ ఇవ్వకుండా..నిరుద్యోగుల జీవితాలతో సీఎం చంద్రబాబు ఆడుకుంటున్నారని ధ్వజమెత్తారు. ప్రత్యేక హోదా వచ్చివుంటే నిరుద్యోగులకు ఉపాధి సమస్య ఉండేదికాదన్నారు.

12:29 - November 10, 2017

విజయవాడ : వైసీపీ ఎమ్మెల్యే రోజా మరోసారి ప్రభుత్వంపై తీవ్రస్థాయిలో ధ్వజమెత్తారు. జగన్ చేపడుతున్న పాదయాత్రపై టిడిపి పలు విమర్శలు గుప్పిస్తున్న సంగతి తెలిసిందే. నేటి నుండి ఏపీ శాసనసభ సమావేశాలు ప్రారంభమయ్యాయి. ఈ నేపథ్యంలో రోజా మీడియాతో మాట్లాడారు. ప్రతిపక్ష నాయకుడిగా ఎలా వ్యవహరించాలి..ఎలా నిలదీయాలో ఇప్పటి నుండే లోకేష్ ను యూజ్ చేసుకుంటున్నారని విమర్శించారు. అడ్డదారిలో మంత్రిగా చేసుకున్నారని..బాలకృష్ణ నియోజకవర్గంలో రోడ్లు వేయలేదన్నారు. మూడున్నర సంవత్సరాల్లో ప్రజా సమస్యలను ప్రస్తావించిన జగన్ కు సమాధానం చెప్పలేని పరిస్థితి టిడిపిలో ఉందన్నారు. ప్రతి సమస్యపై జగన్ పోరాడుతూ సూచనలు..సలహాలు ఇచ్చారని తెలిపారు. జగన్ ను వైసీపీ ఎమ్మెల్యేలను దూషిస్తూ పబ్బం గడుపుకుంటున్నారని...ప్రజాస్వామ్యం ఖూనీ జరుగుతోందని..ప్రజా సమస్యలు తెలుసుకోవడానికి పాదయాత్ర చేపడుతున్నట్లు తెలిపారు. ఏ సమస్య లేదని సీఎం చంద్రబాబు నాయుడు పేర్కొనడం జరిగిందని..రోడ్లు..డ్రైనేజీలు సక్రమంగా ఉన్నాయా. ? నిరుద్యోగులకు ఉద్యోగాలు వచ్చాయా ? రైతు రుణమాఫీలు అమలయ్యాయా ? వీటిపై ప్రతి గ్రామంలో చర్చించేదానికి తాము సిద్ధంగా ఉన్నామన్నారు. కేవలం దోచుకోవడం..విదేశాల్లో దాచుకోవడానికి వాళ్లు ప్రయత్నిస్తున్నారని రోజా విమర్శించారు. 

14:03 - October 17, 2017
09:49 - September 3, 2017

విశాఖ : రోజాపై విరుచుకుపడ్డారు ఏపీ మంత్రి అయ్యన్నపాత్రుడు. రోజా ఐరన్ లెగ్‌ అంటూ వ్యాఖ్యానించారు. రోజా వల్లే టీడీపీ అధికారంలోకి రావడానికి పదేళ్లు పట్టిందన్నారు.  ఆమె వెళ్లపోయాక అంతా  తమ పార్టీకి విజయమే నని అయ్యన్నపాత్రుడు వ్యాఖ్యానించారు. 

 

Pages

Don't Miss

Subscribe to RSS - రోజా