రోజు

20:14 - July 15, 2017

పార్టీలు వెట్టినోళ్లు ఎవ్వలు ఎన్నికలళ్ల పోటీ జేస్తందుకు వీలు లేదని అంటే.. కాంగ్రెసోళ్లు పార్టీ వెడ్తుండెనా..? కల్వకుంట్ల చంద్రశేఖర్ రావు పార్టీ వెడ్తుండేనా..మన సంగారెడ్డి కలెక్టర్ సారుకట.. మెడల టీఆర్ఎస్ పార్టీ కండువ ఏస్తే సరిగ్గ సరిపోతదంటున్నడు మాజీ ఎమ్మెల్యే జగ్గారెడ్డి సారు..మన తెలంగాణ పోలీసోళ్లకు కొత్త ఇన్నోవా కార్లు ఇచ్చెగదా..? దాని ఎన్క బాధుకు జీపీఆర్ఎస్ సిష్టం అది ఇది లొట్టపీసు అని ముచ్చట్లు జెప్పిండ్రు ఆ సిస్టం ఎటువొయ్యిందో ఏమైందోగని..మన్సులకు పుట్టిన రోజులు జేయంగ జూశ్నం.. కుక్కలకు నక్కలకు.. పిల్లులకు జేయంగ జూశ్నంగని.. చెట్లకు గూడ పుట్టిన రోజు జేశ్నోళ్లను జూశ్నమా..? ఆ లోటు భర్తీ జేశిండ్రు ఒకతాన.. డబుల్ బెడ్రూం ఇండ్లకు దర్కాస్తు జేస్కున్న ప్రజలారా..? మీరు ఎంటనే ఒక గట్టి ఎల్లైసీ పాలసీ గూడ జేపిచ్చుకోండ్రి ఇంటిల్లిపాదికి.. పుసుక్కున ఏమన్న తేడా వచ్చినా.. తల్లి మంచిగ మోపైండ్రొసు.. నిన్ననేగాదూ.. మనం జనగాం ఎమ్మెల్యే ముత్తిరెడ్డి యాదగిరి రెడ్డి భూ బాగోతం గూరించి చెప్పుకున్నది.. ఇగో ఇంకో రెడ్డిగారు దొర్కిండు..మొన్న మహబూబాబాద్ కలెక్టర్ మేడానికి చెయ్యిదల్గినందుకే ఎమ్మెల్యే శంకర్ నాయకును ముక్కునాలకు రాపిచ్చి మూడు చెర్వుల నీళ్లు దాపిచ్చిండ్రు ఈ సర్కారోళ్లు..అటు ఆంధ్రల గూడ చంద్రబాబు బాగనే వాడుతున్నట్టుండుగదా..? పోలీసోళ్లను.. ఆయనకు వ్యతిరేకంగ ఎవ్వలు మాట్లాడినా పోలీసోళ్లను వంపుడు అరెస్టులు జేసుడు సేమ్ తెలంగాణల జేస్తున్నట్టే జేస్తున్నడు..వీఎన్ఆర్145 ఈ పేరుతోని ఉండే మిర్పకాయ ఇత్తునాలు కొనకుండ్రే రైతన్నలు.. అద్భతమైన దిగుబడి.. ఇంట్ల సిరుల పంట అని చెప్తె వరంగల్ దిక్కు రైతులు ఏశిండ్రట.. ఏశిన శేను ఏశినట్టే ఉన్నది.. 

13:24 - June 28, 2017

తూర్పు గోదావరి : జీఎస్టీని వ్యతిరేకిస్తూ తూర్పుగోదావరి జిల్లాలో వస్త్ర వ్యాపారులు పాటిస్తున్న బంద్‌ రెండో రోజుకు చేరుకుంది. హోల్‌సేల్‌ మార్కెట్ల, వస్త్రదుకాణాలు మూతపడ్డాయి. దీంతో దాదాపు 40 కోట్ల రూపాయాల ఆర్థిక లావాదేవీలు నిలిచిపోయాయి. మరింత సమాచారం కోసం వీడియో చూడండి.

10:37 - June 22, 2017

 

విశాఖ :  జరగుతున్న ఆదివాసి రాష్ర్టీయ అధికారి మంచ్ మహాసభల్లో రెండో రోజు ఆసక్తికర చర్చలు జరిగాయి. కేంద్రంలో బీజేపీ అధికారంలోకి వచ్చిన తర్వాత గిరిజన సంప్రదాయాలపై జరుగుతున్న దాడులపై ప్రధానంగా చర్చ జరిగింది. ఈ సందర్భంగా కళాప్రదర్శనలు ఆకట్టుకున్నాయి.గిరిజనులను అడవి నుంచి వెళ్లగొట్టడానికే చత్తీస్‌గఢ్‌ , జార్ఖండ్‌ , ఒడిశా తదితర రాష్ట్రాల్లో భారీగా సాయుధ బలగాలను ఉపయోగిస్తున్నారని ఆదివాసీ ప్రతినిధులు ఆగ్రహం వ్యక్తం చేశారు. ఆదివాసి మహిళలపై భద్రతా బలగాలు చెస్తున్న అత్యాచారాలపై కూడా సభలో చర్చించారు. బీజేపీ అధికారంలో ఉన్న రాష్ట్రాల్లో ప్రభుత్వాలే గిరిజనులపై యుద్ధం చేస్తున్నాయని మహాసభ అభిప్రాయపడింది. ఏపీ , చత్తీస్‌గఢ్‌లోని గిరిజన ప్రాంతాల్లో వందలాదిగా పాఠశాలకు మూసివేసి గిరిపుత్రులను చదువులకు దూరం చేస్తున్నారని మహాహసభలో ఆగ్రహం వ్యక్తం అయింది. ఆదివాసీల భూములను కార్పొరేట్‌ కంపెనీలకు ధారాదత్తం చేసేందుకు ప్రభుత్వం కేంద్ర సాయుధబలగాలను ఉపయోగిస్తోందని గిరిజన ప్రతినిధులు ఆరోపిస్తున్నారు.

5,6 షెడ్యూల్స్‌ ను కేంద్ర, రాష్ట్ర ప్రభుత్వాలు విస్మరిస్తున్నయి
రాజ్యాంగంలోని 5,6 షెడ్యూల్స్‌ ను కేంద్ర, రాష్ట్ర ప్రభుత్వాలు పూర్తిగా విస్మరిస్తున్నాయని మహాసభ అభిప్రాయపడింది. ఇటు పోలవరం ప్రాజెక్టు వల్ల నిర్వాసితులవుతున్న గిరిజనులను ప్రభుత్వమే ఆదుకోవాలని మహాసభ తీర్మానం చేసింది. గోవధ పేరుతో సంఘ్‌పరివార్‌ శక్తులు గిరిజనులపై చేస్తున్న దాడులను వెంటనే ఆపాలని తీర్మానం చేశారు. కేంద్ర, రాష్ట్ర ప్రభుత్వాలు గిరిజన వ్యతిరేక విధానాలు మానుకునేంతవరకు ఉద్యమాలు కొనసాగిస్తామని గిరిజన మహాసభ తీర్మానించింది.
 

16:23 - June 14, 2017

మెగాస్టార్ తనయుడు 'రామ్ చరణ్ తేజ' తన తాజా చిత్రం కోసం తీవ్రంగా కష్టపడుతున్నాడు. సుకుమార్ దర్శకత్వంలో తెరకెక్కుతున్న ఈ సినిమా ప్రస్తుతం రాజమండ్రి పరిసర ప్రాంతాల్లో షూటింగ్ శరవేగంగా కొనసాగుతోంది. గ్రామీణ నేపథ్యంలో తెరకెక్కుతున్న సినిమా టైటిల్ ‘రంగస్థలం 1985’ అంటూ ఇటీవలే ప్రకటించారు. షూటింగ్ ను వీలైనంత త్వరగా కంప్లీట్ చేయాలని 'చెర్రీ' భావిస్తున్నాడు. అందుకనుగుణంగా ఎలాంటి బ్రేక్ ఇవ్వకుండా షూటింగ్ లో పాల్గొంటున్నాడు. అందుకని పెళ్లి రోజుకు కూడా బ్రేక్ తీసుకోలేదు. దీనితో ఆయన సతీమణి 'ఉపాసన' రాజమండ్రికి వెళ్లారు. 'మిస్టర్ అండ్ మిసెస్ సి'కి ఐదేళ్లు. స్నేహితులు, కుటుంబ సభ్యుల సపోర్ట్, ప్రేమ కారణంగా ఇన్ని రోజులు ఇంత అద్భుతంగా గడిచాయి.' అంటూ తమ శ్రేయోభిలాషులకు కృతజ్ఞతలు తెలియజేసింది ఉపాసన.

12:14 - April 6, 2017

ఉరుకుల పరుగుల జీవితం..ఉదయం లేచినప్పటి నుండి రాత్రి పడుకొనే వరకు బిజీ బిజీగా గడుపుతుంటారు. దీనితో వారు కొంత మానసిక వత్తిడికి గురవుతుంటుంటారు. రోజు లేవగానే ఏదో వెలితి ఉన్నట్లు అనిపిస్తుంటుంది. మరి రోజంతా ఆహ్లాదంగా..ఉల్లాసంగా ఉండాలంటే ఏమి చేయాలి.

  • ఉదయం లేవగానే చేతులను..మెడను..కాళ్లు..చేతులను అటూ ఇటూ కదుపుతూ చిన్న పాటి వ్యాయామాలు చేయండి. ఇలా బెడ్ పై కూడా చేయవచ్చు.
  • ఉదయాన్నే తొందరగా లేవడం అలవాటు చేసుకోండి. కనీసం 8గంటల పాటు పడుకొనే విధంగా ప్లాన్ చేసుకోవాలి. ఎక్కువ కూడా పడుకోవద్దు.
  • ఉదయం లేవగానే నిమ్మరసం తాగడం అలవాటు చేసుకోండి. ఇది శరీరంలో పిహెచ్ స్థాయిలను సమతుల్యంగా ఉంచుతుంది. జీర్ణక్రియను మెరుగుపరుస్తుంది.
  • బ్రేక్ ఫాస్ట్ లో ఐరన్ ఎక్కువగా ఉండే పదార్థాలను తీసుకోవాలి.
  • ఆహార విషయంలో తగిన జాగ్రత్తలు పాటించండి.
  • ఇక రాత్రి పడుకొనే సమయంలో నిద్ర రాకపోతే పుస్తకాలు చదవడం అలవాటు చేసుకోండి. ఇలా చేయడం వల్ల ఆందోళనలు తగ్గి మెదడు ప్రశాంతంగా ఉంటుంది.
  • వీకెండ్ రోజుల్లో కొత్త కొత్త ప్రాంతాలకు వెళ్లే విధంగా ప్లాన్ చేసుకోండి.

Don't Miss

Subscribe to RSS - రోజు