లాయర్ పార్వతి

16:50 - August 15, 2018

మహిళలకు సంబంధించి ఎన్ని చట్టాలున్నాయి ? మహిళలకు సంబంధించి అనేక చట్టాలున్నాయి. మహిళలకు ఉన్న చట్టాలను పలు రకాలుగా వర్గీకరించారు. ఇదే అంశంపై నిర్వహించిన మానవి మైరైట్ కార్యక్రమంలో లాయర్ పార్వతి పాల్గొని, మాట్లాడారు. ఆ వివరాలను ఆమె మాటల్లోనే..
నాటి కాలం నుంచి మన సమాజంలో అనేక సాంఘీక దురాచారాలు ఉన్నాయి. సతీసహాగమనం, కన్యాశుల్కం, వరకట్నం వంటి సాంఘీక దురాచారాలు ఉన్నాయి. మహిళలకు అనేక చట్టాలు ఉన్నాయి. సాంఘీక దురాచారాల నుంచి మహిళలను కాపాడేందుకు, మహిళ రక్షణ... భద్రత కోసం చట్టాలు ఉన్నాయి. మొదటగా 1929 లో బాల్య వివాహ నిరోధక చట్టం వచ్చింది. 1937 లో హిందూ మహిళలకు ఆస్తి హక్కు చట్టం వచ్చింది. 1956 లో సవరణలతో కూడిన మహిళలకు ఆస్తి హక్కు చట్టం వచ్చింది. 1961లో వరకట్నం నిషేధ చట్టం వచ్చింది. 2006 లో సవరణలతో కూడిన బాల్య వివాహాల చట్టం వచ్చింది. మహిళలపై అత్యాచారాలు...లైంగిక వేధింపులు పెరిగిపోతున్నాయి. అత్యాచారాలు, లైంగిక వేధింపుల నిరోధానికి నిర్భయ చట్టం వచ్చింది. ఆమె తెలిపిన మరిన్ని వివరాలను వీడియోలో చూద్దాం... 

15:04 - August 1, 2018

ఇటీవల ఆడపిల్లల అక్రమ రవాణా పెరిగిపోయింది. ఆడపిల్లలను అక్రమ రవాణా చేస్తూ లక్షలు, కోట్లు గడిస్తున్నారు. వ్యభిచార కూపంలోకి దింపుతున్నారు. పిల్లలను చిత్ర హింసలకు గురి చేస్తున్నారు. లైంగిక వేధింపులకు పాల్పడుతున్నారు. ఇదే అంశంపై నిర్వహించిన మైరైట్ కార్యక్రమంలో లాయర్ పార్వతి పాల్గొని, మాట్లాడారు. ఆడపిల్లల అక్రమ రవాణాను అరికట్టాలన్నారు. ఆ వివరాలను వీడియోలో చూద్డాం...

 

19:45 - July 18, 2018

బాల్య వివాహాలు.. బాల్య వివాహాలు పెరగడానికి కారణం ఏమిటి ? అనే అంశంపై నిర్వహించిన మానవి మైరైట్ కార్యక్రమంలో లాయర్ పార్వతి పాల్గొని, మాట్లాడారు. ఈ సందర్భంగా ఆమె మాట్లాడారు. ఆ వివరాలను ఆమె మాటల్లోనే..
తెలంగాణలో 25 శాతం బాల్య వివాహాలు జరుగుతున్నాయి. గ్రామాల్లో 35 శాతం బాల్య వివాహాలు జరుగుతున్నాయి. అర్బన్ లో 17 శాతం బాల్య వివాహాలు చేస్తున్నారు. 16 నుంచి 17 ఏళ్ల వయస్సు లోనే గర్భవతులు అవుతున్న వారు 11 శాతం మంది ఉన్నారు. 1929లో బాల్య వివాహ నిరోధక చట్టం వచ్చింది.
బాల్య వివాహాలు కావడానికి కారణం... 
బాల్య వివాహాలు కావడానికి కారణం..పేదరికం, నిరక్షరాస్యత, అంధ విశ్వాసాలు, మూఢాచారాలు అని చెప్పవచ్చు. 
ఎవరు శిక్షార్హులు...
2006 లో బాల్య వివాహ నిషేధ చట్టం వచ్చింది. దీని ప్రకారం బాల్య వివాహాల్లో మధ్యవర్తి, పురోహితుడు, ఫంక్షన్ హాలు యజమాని, బాల్య వివాహానికి వచ్చిన వ్యక్తులు, అబ్బాయి, అమ్మాయి తండ్రులు నిందితులు అవుతారు. రెండేళ్లు జైలు శిక్ష, లక్ష రూపాయల జరిమానా విధిస్తారు. అయితే అమ్మాయి, అబ్బాయి తల్లులకు శిక్షను మినహాయించారు. మరిన్ని వివరాలను వీడియోలో చూద్దాం...

 

17:46 - July 4, 2018

విడాకులు తీసుకునే వారికి సంఖ్య రోజురోజుకు ఎక్కువ అవుతుంది. ఎందుకు విడాకులు తీసుకోవాలనుకుంటున్నారు ? ఇదే నిర్వహించిన మానవి మైరైట్ కార్యక్రమంలో లాయర్ పార్వతి పాల్గొని, మాట్లాడారు. ఈ సందర్భంగా ఆమె మాట్లాడుతూ భార్యభర్తలకు ఈగో ప్రాబ్లమ్స్, అసహనం, అనుభవ రాహిత్యం, వైవాహికేతర సంబంధాలు, భర్త భార్యను, కుటుంబాన్ని నిర్లక్ష్యం చేయడం, వరకట్న వేధింపులు, అదనపు వరకట్నం వేధింపులతో విడాకులు తీసుకుంటున్నారు. ఆమె తెలిపిన మరిన్ని వివరాలను వీడియోలో చూద్దాం... 

15:46 - May 9, 2018

పెళ్లిళ్ల విషయంలో సుప్రీంకోర్టు సంచలన తీర్పు వెలువరించింది. ఇదే అంశంపై ఇవాళ్టి మానవి మైరైట్ కార్యక్రమంలో లాయర్ పార్వతి పాల్గొని, మాట్లాడారు. యువతీయువకులు వారికి నచ్చిన వారిని వివాహం చేసుకోవచ్చు.,  ఎవరి పెళ్లి వారి ఇష్టం, స్వేచ్ఛగా వారి భాగస్వామిని ఎంచుకోవచ్చు' అని కోర్టు తీర్పు వెలువరించిందని ఆమె తెలిపారు. తల్లిదండ్రుల చూడాల్సిన బాధ్యత సంతానంపై ఉంటుందని తెలిపారు. ఆమె తెలిపిన మరిన్ని వివరాలను వీడియోలో చూద్దాం... 

16:38 - April 25, 2018

పోక్సో చట్ట సవరణ అనే అంశంపై నిర్వహించిన చర్చా మానవి మైరైట్ కార్యక్రమంలో లాయర్ పార్వతి పాల్గొని, మాట్లారు. 2012లో పోక్సో చట్టం వచ్చిందన్నారు. పోక్సో చట్ట సవరణ ఏం చెబుతోంది...? అసలు ఈ చట్టం తేవడానికి కారణాలేంటీ ? అనే అంశాలపై ఆమె మాట్లాడారు. మరిన్ని వివరాలను వీడియోలో చూద్దాం... 

15:16 - February 7, 2018

ఖాప్ పంచాయతీలు అంటే ఏమిటీ ? దీనిపై ఇటీవలే అత్యున్నత న్యాయస్థానం సుప్రీంకోర్టు కొన్ని కీలక వ్యాఖ్యలు చేసింది. ఈ అంశంపై టెన్ టివి మానవి 'మై రైట్' కార్యక్రమంలో ప్రత్యేక చర్చను చేపట్టింది. ఈ చర్చలో లాయర్ పార్వతి పాల్గొని విశ్లేషించారు. ఖాప్ పంచాయతీలు అంటే...కమ్యూనిటీ ఎల్డర్స్ పంచాయతీ అంటారని పేర్కొన్నారు. ఇవి ఎక్కువగా ఉత్తరాది రాష్ట్రాల్లో ఉంటాయని, కుల పెద్దలు పెద్దగా వ్యవహరిస్తూ సమాంతరమైన పోలీసు, న్యాయవ్యవస్థగా మార్చివేశారని పేర్కొన్నారు. వీరు ఎక్కువగా మహిళలను టార్గెట్ చేస్తుంటారని, కులాంతార..మతాంతర వివాహం చేసుకోవడం తప్పుగా పరిగణిస్తారని తెలిపారు. ఇలాంటి ఎన్నో వాటిల్లో తలదూరుస్తుండడంతో పరువు హత్యలు పెరుగుతున్నాయన్నారు. 'శక్తి వాహిని' అనే సంస్థ ఖాప్ పంచాయతీపై సుప్రీం కోర్టు మెట్లు ఎక్కింది. ఖాప్ పంచాయతీలపై కొన్ని ఆంక్షలు విధించినట్లుగా అర్థమౌతుందని తెలిపారు. పూర్తి వివరాలకు వీడియో క్లిక్ చేయండి.

 

15:58 - January 31, 2018

లీగల్ పరిభాషలో గిఫ్టీడ్ అంటే ఏమిటి ?  అనే అంశంపై మానవి నిర్వహించిన మైరైట్ కార్యక్రమంలో లాయర్ పార్వతి పాల్గొని, మాట్లాడారు. ఈ సందర్భంగా ఆమె మాట్లాడుతూ గిఫ్ట్...అంటే బహుమతి ఇవ్వడం అని తెలిపారు. స్థిర, చర ఆస్తులు ఏ ప్రతిఫలం ఆశించకుండా ఒక వ్యక్తి.. మరో వ్యక్తికి దానంగా ఇవ్వడాన్ని గిఫ్ట్ అంటారని తెలిపారు. గిఫ్ట్ ఇచ్చే వారుండాలి.. తీసుకునే వారుండాలని పేర్కొన్నారు. ఎలాంటి ప్రతిఫలం లేకుండా ఇచ్చేదాన్ని దానం అంటారు. మరిన్ని వివరాలను వీడియోలో చూద్దాం... 

 

14:52 - January 10, 2018

వినియోగదారులు అంటే అందరూ వినియోగదారుల కిందకే వస్తారని..అనేక రకాల వస్తువులను కొనుక్కోవడం..అనేక సర్వీసులను పొందుతుంటామని లాయర్ పార్వతి పేర్కొన్నారు. వినియోగదారుల చట్టం అంటే ఏమిటీ ? ఈ చట్టం ఏ పరిస్థితుల్లో ఆశ్రయించవచ్చనే దానిపై టెన్ టివి మానవి 'వేదిక'లో లాయర్ పార్వతి పాల్గొని విశ్లేషించారు. డబ్బులు ఇచ్చి వస్తువులను కొనుక్కొనే వారు..డబ్బులు ఇచ్చి సర్వీసులను పొందే వారు వినియోగదారులంటారని తెలిపారు. పూర్తిగా డబ్బు చెల్లించడం..ఇన్ స్టాల్ మెంట్ ద్వారా..ఇతరత్రా దారుల్లో వస్తువులను కొనుక్కోవడం జరుగుతుందని తెలిపారు. నిత్య జీవితంలో అనేక సమస్యలు..మోసాలను ఎదుర్కోవడం జరుగుతుందని పేర్కొన్నారు. అందుకే వినియోగదారుల రక్షణ చట్టం రూపొందించబడిందన్నారు. పూర్తి వివరాలకు వీడియో క్లిక్ చేయండి. 

15:56 - December 20, 2017

బాల్య వివాహాల నిరోధక చట్టం అనే అంశంపై నిర్వహించిన మావని మైరైట్ కార్యక్రమంలో లాయర్ పార్వతి పాల్గొని, మాట్లాడారు. 1929సం.లో బాల్య వివాహాల నిరోధక చట్టం వచ్చిందని చెప్పారు. పేదరికం, నిరక్షరాస్యత, ఎస్సీ, ఎస్టీ, వెనుకబడిన వర్గాల వారిలో బాల్య వివాహాలు ఎక్కువగా జరుగుతున్నాయన్నారు. ఆడపిల్ల భద్రత దృష్ట్యా, కుటుంబసభ్యుల ఒత్తిడి వల్ల చిన్న వయస్సులో ఆడపిల్లలకు బాల్య వివాహాలు చేస్తున్నారని తెలిపారు. తెలంగాణ రాష్ట్రంలో 4 లక్షల బాల్య వివాహాలు జరిగాయని పేర్కొన్నారు. 13 నుంచి 16 వయస్సు గల ఆడపిల్లలకు బాల్య వివాహాల సంఖ్య చాలా అధికంగా ఉందన్నారు. బాల్య వివాహాలను చట్టం దృష్టికి తీసుకెళ్తే నివారించే అవకాశం ఉంటుందని తెలిపారు. మరిన్ని వివరాలను వీడియోలో చూద్దాం... 

 

Pages

Don't Miss

Subscribe to RSS - లాయర్ పార్వతి