లోక్ సభ

14:24 - August 13, 2018

ఢిల్లీ : లోక్ సభ మాజీ స్పీకర్ సోమ్ నాథ్ ఛటర్జీ మృతిపై పలువురు సంతాపం తెలియచేస్తున్నారు. కోల్ కతాలోని ఆస్పత్రిలో కిడ్నీ సంబంధిత వ్యాధితో బాధ పడుతూ చికిత్స పొందుతున్న చటర్జీ (89) సోమవారం ఉదయం తుది శ్వాస విడిచారు. ఆయన మృతిపై సీపీఎం జాతీయ ప్రధాన కార్యదర్శి ఏచూరి తీవ్ర దిగ్ర్భాంతి వ్యక్తం చేశారు. ఆయన మీడియాతో మాట్లాడుతూ...లోక్ సభ స్పీకర్ గా ఛటర్జీ పార్లమెంట్ విధులను సమర్థవంతంగా నిర్వహించారని కొనియాడారు. భారత పార్లమెంటరీ ప్రజాస్వామ్య వ్యవస్థలో ప్రజాస్వామ్య విలువల కోసం పరితపించిన ఓ ఛాంపియన్ ను కోల్పోయామన్నారు. సోమ్ నాథ్ ఛటర్జీ కుటుంసభ్యులకు ప్రగాఢ సానుభూతిని తెలియచేస్తున్నట్లు పేర్కొన్నారు. 

10:39 - August 13, 2018

హైదరాబాద్ : లోక్ సభ మాజీ స్పీకర్ సోమ్ నాథ్ చటర్జీ (89) కన్నుమూశారు. కోల్ కతాలోని ఆస్పత్రిలో అనారోగ్యంతో మృతి చెందారు. కిడ్నీ సంబంధిత వ్యాధితో చటర్జీ బాధపడుతున్నారు. ఈనెల 7వ తేదీ నుంచి ఓ ఆస్పత్రిలో ఆయన చికిత్స పొందుతున్నారు. 2004 నుంచి 2009 వరకు లోక్ సభ స్పీకర్ గా పని చేశారు. 10సార్లు లోక్ సభ సభ్యునిగా ఎన్నికయ్యారు. 1968లో సోమ్ నాథ్ సీపీఎంలో చేరారు.

16:31 - August 10, 2018

ఢిల్లీ : ట్రిపుల్ తలాక్ ((ముస్లిం మహిళల వివాహ హక్కుల పరిరక్షణ) బిల్లు ఆగిపోయింది. పార్లమెంట్ వర్షాకాల సమావేశాల్లో ఈ బిల్లును ప్రవేశ పెట్టడం లేదు. శుక్రవారం రాజ్యసభలో ప్రవేశ పెట్టాలని కేంద్రం పలు ప్రయత్నాలు చేసింది. కానీ పార్టీల మధ్య ఏకాభిప్రాయం కుదరలేదు. దీనితో ఈ బిల్లును ప్రవేశ పెట్టడం లేదని రాజ్యసభ ఛైర్మన్ ఎం.వెంకయ్య నాయుడు ప్రకటించారు. బిల్లులో సవరణలకు ప్రతిపక్షాలు పట్టుబట్టినప్పటికీ కేంద్రం అందుకు అంగీకరించకుండానే లోక్‌సభలో బిల్లును పాస్ చేసిన సంగతి తెలిసిందే. ఈ బిల్లుకు కేంద్ర మంత్రివర్గం కీలక సవరణలు చేసింది.

ట్రిపుల్ తలాక్ ముసాయిదా బిల్లు 2017గా ప్రభుత్వం పేర్కొంది. ఈ బిల్లు ప్రకారం భార్యకు మాటల ద్వారా కానీ, రాత పూర్వకంగా కానీ, ఎలక్ట్రానిక్ మాధ్యమం ద్వారా కానీ ట్రిపుల్ తలాక్ చెప్పడం నేరం అవుతుందని పేర్కొంది. అందులో భాగంగా మూడేళ్ల జైలు శిక్ష, జరిమానా విధించవచ్చు. దీనిపై ముస్లిం సంఘాల నుండి వ్యతిరేకత వ్యక్తమైంది. పార్లమెంటు వర్షాకాల సమావేశాలను సోమవారం వరకు పొడిగించేందుకు కాంగ్రెస్, టీఎంసీ అంగీకరించలేదని సమాచారం.  

07:05 - August 3, 2018

ఢిల్లీ : దేశంలోని ముస్లింలను ప్రభుత్వాలు పట్టించుకోవడం లేదని లోక్‌సభలో ఎంఐఎం సభ్యులు అసదుద్దీన్‌ ఓవైసీ ఆరోపించారు. ముస్లింలు అన్ని రంగాల్లోనూ వెనకబడి ఉన్న ముస్లింలకు రిజర్వేషన్లు కల్పించాలని ఓవైసీ డిమాండ్‌ చేశారు. ఒకవేళ మరాఠాలు, పటేల్‌, గుజ్జర్లు, జాట్‌ సామాజిక వర్గాలకు రిజర్వేషన్లు కల్పిస్తే ముస్లిం సామాజిక వర్గానికి కూడా రిజర్వేషన్లు కల్పించాలి ఆయన స్పష్టం చేశారు.

07:03 - August 3, 2018

ఢిల్లీ : ఎస్‌సి ఎస్‌టి యాక్ట్‌ సవరణ బిల్లుపై లోక్‌సభలో రగడ జరిగింది. గత నాలుగు నెలలుగా ఈ బిల్లుకు సంబంధించిన ఆర్డినెన్స్‌ ఎందుకు తీసుకురాలేదని కాంగ్రెస్‌ నేత మల్లికార్జున ఖర్గే కేంద్ర ప్రభుత్వాన్ని నిలదీశారు. ఈ బిల్లును రేపే ప్రవేశపెట్టండి...అందరం కలిసి బిల్లును పాస్‌ చేయిద్దామని ఖర్గే అన్నారు. ఎస్సీ, ఎస్టీ అట్రాసిటి బిల్లుకు మోది క్యాబినెట్‌ బుధవారమే ఆమోదం తెలిపిందని కేంద్ర హోంమంత్రి రాజ్‌నాథ్‌సింగ్‌ స్పష్టం చేశారు. రాజ్‌నాథ్‌ సింగ్‌ వ్యాఖ్యలపై కాంగ్రెస్‌ సభ్యులు తీవ్ర అభ్యంతరం వ్యక్తం చేయడంతో కొద్దిసేపు సభలో గందరగోళం నెలకొంది. వర్షాకాల సమావేశాల్లోనే ఈ బిల్లును ప్రవేశపెడతామని హోంమంత్రి పేర్కొన్నారు. 

11:06 - August 1, 2018

ఢిల్లీ : టిడిపి ఎంపీల ఆందోళనలు..నిరసనలు కొనసాగుతూనే ఉన్నాయి. విభజన హామీలు..ప్రత్యేక హోదా..తదితర అంశాలపై కేంద్రం నిర్లక్ష్య వైఖరిని నిరసిస్తూ లోక్ సభలో ఎంపీలు ఆందోళనలు కొనసాగిస్తున్నారు. బుధవారం రాష్ట్రపతితో టిడిపి ఎంపీలు, కడప జిల్లా టిడిపి ప్రజాప్రతినిధులు భేటీ కానున్నారు. విభజన చట్టం అమలు.. కడప జిలాలలో ఉక్కు కర్మాగారం ఏర్పాటు..తదితర అంశాలను రాష్ట్రపతి దృష్టికి తీసుకెళ్లనున్నారు. కేంద్ర ప్రభుత్వ తీరుపై రాష్ట్రపతికి ఫిర్యాదు చేయనున్నారు. టిడిపి రాజ్యసభ సభ్యుడు సీఎం రమేశ్ నేతృత్వంలో రాష్ట్రపతిని బృందం కలువనుంది. ఈ భేటీ అనంతరం మధ్యాహ్నం ఉక్కు శాఖ మంత్రి చౌదరి బీరేంద్ర సింగ్ తో టిడిపి ప్రతినిధి బృందం భేటీ కానుంది. మరింత సమాచారం కోసం వీడియో క్లిక్ చేయండి. 

17:11 - July 30, 2018

ఢిల్లీ : ఏపీలో కాపులకు విద్య, ఉద్యోగాల్లో ఐదు శాతం రిజర్వేషన్లు కల్పిస్తూ రాష్ట్ర ప్రభుత్వం పంపిన బిల్లును కేంద్ర ప్రభుత్వం వెంటనే ఆమోదించాలని లోక్‌సభలో టీడీపీ డిమాండ్‌ చేసింది. అసెంబ్లీ ఆమోదించిన పంపిన బిల్లు కేంద్రం వద్ద అపరిష్కృతంగా ఉందని టీడీపీ సభ్యుడు అవంతి శ్రీనివాస్‌ సభ దృష్టికి తెచ్చారు. తమిళనాడులో రిజర్వేషన్లు 69 శాతం ఉన్నాయని తెలిపారు. తమిళనాడు రిజర్వేషన్ల తరహాలో రాజ్యాంగ సవరణ చేసి, కాపుల రిజర్వేషన్లకు చట్ట బద్ధత కల్పించాలని కోరారు. కాపు రిజర్వేషన్లను రాజ్యాంగం 9వ షెడ్యూలులో చేర్చాలన్నారు.

 

11:09 - July 27, 2018

విజయవాడ : బీజేపీని వదిలిపెట్టే ప్రసక్తే లేదని...బీజేపీనే యూ టర్న్ తీసుకుందని ఏపీ సీఎం చంద్రబాబు నాయుడు మరోసారి పేర్కొన్నారు. శుక్రవారం పార్టీ ఎంపీలతో టెలీకాన్ఫరెన్స్ నిర్వహించారు. ఎంపీలు చేస్తున్న పోరాటానికి ప్రశంసలు వస్తున్నాయని,

ఏపీకి జరుగుతున్న అన్యాయాన్ని జాతీయ స్థాయిలో ఎండగట్టారని తెలిపారు. పదేళ్లు హోదా ఇస్తామని చెప్పి ఇప్పుడు కుదరదని చెప్పడం..మెనిఫెస్టోలో చెప్పింది చేయకపోవడం రూ. 350 కోట్లు వెనక్కి తీసుకోవడం..ఇవన్నీ యూ టర్న్ కాదా అని ప్రశ్నించారు. ఢిల్లీ - ముంబ కారిడార్ పై శ్రద్ధ చూపిస్తున్న కేంద్రం విశాఖ - చెన్నై కారిడార్ ను గాలికొదిలేస్తోందని..గుజరాత్ లోని థొలెరా నగరానికి నిధులిచ్చి అమరావతికి అన్యాయం చేయడం వంటివి యూ టర్న్ కాదా అని ప్రశ్నించారు.

మూడు రోజుల పాటు పార్లమెంట్ కు సెలవులు కారణంగా ఎంపీలందరూ ప్రజాక్షేత్రంలోకి వెళ్లాలని బాబు సూచించారు. ఒంగోలులో జరిగే ధర్మపోరాట దీక్షకు ఎంపీలందరూ హాజరు కావాలని..ధర్మపోరాటానికి ధీటుగా ఇతర పార్టీలతో బీజేపీ నిరసనలు చేపిస్తోందని..ఐదు కోట్ల ప్రజల ఆకాంక్షలను నెరవేర్చడం లేదని బాబు పేర్కొన్నారు. టిడిపిని దెబ్బతీయడానికి బిజెపి - వైసిపి - జనసేన పార్టీలు కుట్రలు చేస్తున్నాయని..దీనిని ప్రజల్లోకి విస్తృతంగా తీసుకెళ్లాలని పేర్కొన్నారు. 

06:33 - July 27, 2018

విజయవాడ : విభజన చట్టంలో ఇచ్చిన కాకినాడ పెట్రో కెమికల్‌ కాంప్లెక్స్‌ హామీని వెంటనే అమలు చేయాలని టీడీపీ ఎంపీ తోట నరసింహం లోక్‌సభలో డిమాండ్‌ చేశారు. కేజీ బేసిన్‌లో భారీగా చమురు, సహజవాయువు వెలికితీస్తున్న నేపథ్యంలో పెట్రో రసాయనాల సముదాయం ఏర్పాటు చేయాలని కోరారు. 

21:52 - July 26, 2018

ఢిల్లీ : దేశవ్యాప్తంగా మహిళలపై జరుగుతున్న ఆకృత్యాలపై లోక్‌సభలో టీఆర్‌ఎస్‌ ఎంపీ కవిత స్పందించారు. దేశంలో ప్రతి 8 నిమిషాలకు ఒక బాలిక అదృశ్యమవుతోందని ఆవేదన వ్యక్తం చేశారు. ప్రతి యేటా వేలాదిమంది అక్రమ రవాణాకు గురవుతున్నారని.. అహరించిన బాలికలను వ్యభిచారంలోకి దింపుతున్నారన్నారు. మానవ అక్రమ రవాణాకు పాల్పడుతున్నవారిలో చాలా తక్కువమంది దోషులకు మాత్రమే శిక్షఫడుతుందన్నారు. నేరాలకు పాల్పడిన వారికి శిక్షపడేలా ప్రభుత్వం చర్యలు తీసుకోవాలని కవిత కోరారు. 

Pages

Don't Miss

Subscribe to RSS - లోక్ సభ