వరంగల్

19:14 - June 19, 2018

వరంగల్ : ప్రముఖ మిమిక్రీ కళాకారుడు, పద్మశ్రీ నేరెళ్ల వేణుమాధవ్‌ కన్నుమూశారు. కొంతకాలంగా అనారోగ్యంతో బాధపడుతున్నారు. వరంగల్‌లోని స్వగృహంలో ఇవాళ ఉదయం తుదిశ్వాస విడిచారు. 1932, డిసెంబర్‌ 28న వరంగల్‌లో వేణుమాధవ్‌ జన్మించారు. 1947లో తన 16 ఏటనే మిమిక్రీ కెరీర్‌ను ప్రారంభించిన ఆయన దేశవిదేశాల్లో తెలుగు, హిందీ, ఉర్దూ, తమిళ భాషల్లో అనేక ప్రదర్శనలు ఇచ్చారు. భారత మాజీ రాష్ట్రపతులు సర్వేపల్లి రాధాకృష్ణన్, వి.వి.గిరి, జైల్ సింగ్, ఫక్రుద్దీన్ అలీ అహ్మద్, నీలం సంజీవరెడ్డి, మాజీ ప్రధాని పీవీ నరసింహరావు ఎందరో ప్రముఖులు ఆయన ప్రదర్శనలు వీక్షించారు. ప్రసిద్ధులైన వ్యక్తులను, నాయకులను అనుకరించడంలో వేణుమాధవ్‌ దిట్ట. 2001లో భారత ప్రభుత్వం ఆయనకు పద్మశ్రీ పురస్కారం ప్రదానం చేసింది. 1978లో ఆంధ్రా యూనివర్శిటీ ఆయనకు కళాప్రపూర్ణ బిరుదు ఇచ్చింది. ఏయూ, కేయూ, ఇగ్నో నుంచి గౌరవ డాక్టరేట్లను అందుకున్నారు.

13:37 - June 19, 2018

వరంగల్ : మిమిక్రీ మాంత్రికుడు నేరెళ్ల వేణుమాధవ్ కన్నుమూశారు. ఇవాళ ఉదయం వరంగల్ లో కన్నుమూశారు. కొంతకాలంగా అనార్యోగంతో వేణుమాధవ్ బాధపడుతున్నారు. 1932 డిసెంబర్ 28న వరంగల్ లో ఆయన జన్మించారు. 1947లో తన 16వ ఏటనే తొలి ప్రదర్శన ఇచ్చారు. దేశ, విదేశాల్లో తెలుగు, హిందీ, ఉర్దూ, తమిళ భాషల్లో అనేక ప్రదర్శనలు ఇచ్చారు. ప్రసిద్ధులైన వ్యక్తులను, నాయకులను అనుకరించడంలో వేణమాధవ్ దిట్ట.
1978లో ఆంధ్రా యూనివర్సిటీ అయనకు కళాప్రపూర్ణ బిరుదు ఇచ్చింది. భారత ప్రభుత్వం 2001లో ఆయనకు పద్మశ్రీ పురస్కారం ప్రదానం చేసింది. కేయూ, ఈయూ నుంచి ఆయన గౌరవ డాక్టరేట్లను అందుకున్నారు. నేరెళ్ల వేణుమాధవ్ మృతిపై పలువురు దిగ్ర్భాంతి వ్యక్తం చేశారు. మిమిక్రీ ఆర్టిస్టు, నటుడు శివారెడ్డి, కమెడియన్ వేణుమాధవ్ సంతాపం తెలిపారు.
మిమిక్రీ ఆర్టిస్టు, నటుడు శివారెడ్డి
'నేరెళ్ల వేణుమాధవ్ మృతి బాధాకరం. తీరని లోటు. ఆయన మిమిక్రీని చూసి మిమిక్రీ కళ ఉందని నేను తెలుసుకున్నాను.  
ఆయనకు నేను ఏకలవ్య శిశ్యున్ని. ఆయనను ఆదర్శంగా తీసుకుని నేను కూడా మిమిక్రీ ఆర్టిస్టు అయ్యాను. మంచి మనిషి ఉన్న గొప్ప వ్యక్తి.
కమెడియన్ వేణుమాధవ్...
ఆయనకు పద్మశ్రీ, 3 డాక్లరేట్లు వచ్చాయి. ఆయనకు నేను ఏకలవ్య శిశ్యున్ని. ప్రపంచాన్ని చుట్టివచ్చిన మహానుభావుడు. ఆయన గురించి మాట్లాడే అర్హత నాకు లేదు' అని అన్నారు. 

 

12:32 - June 19, 2018

వరంగల్‌ : జిల్లా హసన్‌పర్తిలో దంపతులు దారుణ హత్యకు గురయ్యారు. గొంతుకోసి, గుర్తుపట్టకుండా వారిపై కారం చల్లి హత్య చేశారు. మృతులు పద్మ, దామోదర్‌గా గుర్తించారు పోలీసులు

12:24 - June 19, 2018

వరంగల్‌ : జిల్లాలోని హసన్‌పర్తిలో దంపతులు దారుణ హత్యకు గురయ్యారు. గొంతుకోసి, గుర్తుపట్టకుండా వారిపై కారం చల్లి హత్య చేశారు. మృతులు పద్మ, దామోదర్‌గా పోలీసులు గుర్తించారు.

 

19:45 - June 12, 2018

వరంగల్ : ప్రజల నమ్మకాన్ని క్యాష్‌ చేసుకునేందుకు ఓ వ్యక్తి పథకం పన్నాడు. శివసత్తులకు తెలంగాణ ప్రభుత్వం పెన్షన్‌ సౌకర్యం కల్పిస్తుందని మహబూబాబాద్‌ జిల్లా కేంద్రంలోని తొర్రూర్‌ బస్టాండ్‌ సెంటర్‌లో ఓ ఫొటో స్టూడియో ఓనర్‌ ప్రచారం చేశాడు. బోనం ఎత్తుకుని ఫొటో దిగి పంపిస్తే.. ప్రభుత్వం 15 వేల రూపాయలు ఇస్తుందని నమ్మబలికాడు. దీంతో అనేకమంది మహిళలు బోనం ఎత్తుకుని ఫొటో స్టూడియో ఎదుట క్యూ కట్టారు. ఒక్కొక్కరి వద్ద 150 రూపాయలు వసూలు చేశాడు. అయితే.. కొంతమందికి అనుమానం వచ్చి ఫొటో స్టూడియో ఓనర్‌ను నిలదీశారు. దీంతో భయాందోళనలకు గురైన ఫొటోషాపు ఓనర్‌ షాపు మూసేసి పరారయ్యేందుకు యత్నించడంతో.. ఆయనను నిర్బంధించారు. విషయం తెలుసుకుని పోలీసులు రంగ ప్రవేశం చేసి... బాధితులకు తిరిగి డబ్బులు ఇప్పించాడు. పుకార్లను నమ్మవద్దని పోలీసులు ప్రజలకు సూచించారు. 

19:28 - May 20, 2018

వరంగల్ : దేశంలోనే రైతు బంధు పథకం కొత్తదని డిప్యూటీ సీఎం కడియం శ్రీహరి, మంత్రి పోచారం శ్రీనివాసరెడ్డి అన్నారు. వరంగల్‌ జిల్లా వర్దన్నపేట రైతుబంధు కార్యక్రమంలో పాల్గొన్న నేతలు.... లబ్దిదారులకు చెక్కులు పంపిణీ చేశారు. ఇప్పటికే రైతులు 4,500 కోట్ల రూపాయలు రైతుబంధు పథకం ద్వారా డ్రా చేసుకున్నారన్నారు. రైతుల గురించి నిజంగా ఆలోచించే ప్రభుత్వం తమదేనని కడియం, పోచారం అన్నారు. 

17:37 - May 4, 2018

వరంగల్ : వరంగల్ జిల్లా వర్ధన్నపేట వ్యవసాయ మార్కెట్లో ధాన్యం కొనుగోలు చేయాలని రైతులు ఆందోళన చేశారు. 20 రోజులుగా తిరుగుతున్నా అధికారులు, చైర్మన్‌ పట్టించుకోవడం లేదని రైతులు ఆగ్రహం వ్యక్తం చేస్తున్నారు. ఇప్పటికైనా తడిసిన ధాన్యాన్ని మద్దతు ధరతో కొనుగోలు చేయాలని డిమాండ్ చేస్తూ జాతీయ రహదారిపై ధర్నాకు దిగారు. 

10:55 - May 4, 2018

వరంగల్ : చత్తీస్‌గఢ్‌..తెలంగాణ సరిహద్దుల్లో పోలీసులు కూంబింగ్‌ నిర్వహిస్తున్నారు. నేడు భారత్‌ బంద్‌కు మావోయిస్టులు పిలుపునిచ్చారు. గడ్చిరోలి అన్నారం ఘటనలను నిరసిస్తూ ఈ బంద్‌ జరుగుతోంది. ఈ నేపథ్యంలో పోలీసులు అప్రమత్తమయ్యారు. వరంగల్‌ ఉమ్మడి జిల్లాలో విస్తృతంగా తనిఖీలు నిర్వహిస్తున్నారు. ఏటూరునాగారం, కొత్తగూడ ఏజెన్సీల్లో భారీగా మోహరించారు. 

 

08:18 - April 27, 2018

సిద్ధిపేట : తెలంగాణ పోలీసు శాఖలో అక్రమ సంబంధాల గుట్టు ఒక్కొక్కటిగా రట్టు అవుతోంది. ప్రస్తుతం ఎక్కడ చూసిన అక్రమ సంబందాలు పెరిగిపోతున్నాయి. ఎన్నో జీవితాలు నాశనం అవుతున్నాయి. వీరిలోకి పోలీసులు కూడ వస్తుండడం వ్యవస్థ ప్రతిష్టపై మచ్చ పడుతోంది. ఇటీవలే ఓ మహిళా ఎస్పీతో ఓ సీఐ అక్రమ సంబంధం వెలుగులోకి వచ్చిన సంగతి తెలిసిందే. దీనితో పాటు పలు ఘటనలు వెలుగు చూశాయి. తాజాగా ప్రేమించి పెళ్లి చేసుకున్న కానిస్టేబుల్ మరో మహిళతో సహజీవనం చేస్తున్న ఘటన బయటకొచ్చింది. మొదటి భార్య రెడ్ హ్యాడెండ్ గా పట్టుకుంది. కానిస్టేబుల్ గా పనిచేస్తున్న రమేష్ కి మమతతో 2006లో వివాహం జరిగింది. ఉద్యోగరీత్యా మద్దూరు పీఎస్ కు ట్రాన్స్ ఫర్ అయ్యాడు.

ఇదిలా ఉంటే గాగిలాపూర్ కు చెందిన అనూష భార్య..భర్తల గొడవల విషయంలో రమేష్ ని సంప్రదించింది. ఇద్దరి మధ్య పరిచయం ఏర్పడడం..ఈ పరిచయం కాస్తా ప్రేమగా మారిపోయింది. ఈ తరుణంలో మమత..రమేష్ ల మధ్య మనస్పర్థలు ఏర్పడ్డాయి. గత ఆరు నెలల క్రితం చేర్యాల సీఐ జోక్యం చేసుకుని రమేశ్..మమతలకు కౌన్సెలింగ్ నిర్వహించారు. ప్రశాంత జీవితం గడపాలని సీఐ సూచించారు. కానీ రమేశ్ మాత్రం అనూషతో సహజీవనం కొనసాగించారు. ఈ విషయం తెలుసుకున్న మమత రెడ్ హ్యాండెండ్ గా పట్టుకోవాలని భావించింది. అందులో భాగంగా శుక్రవారం ఉదయం మమత..తల్లిదండ్రులు..ఇతరులతో మహబూబాబాద్ జిల్లాకు చేరుకుంది. రమేష్..అనూషలు ఉంటున్న ఇంటికి చేరుకుని ఇద్దరినీ రెడ్ హ్యాండెడ్ గా పట్టుకుంది. వారిద్దరినీ బయటకు ఈడ్చి దేహశుద్ధి చేశారు. పోలీసులకు సమాచారం అందడంతో ఇరువురినీ పీఎస్ కు రప్పించారు. ఈ సమస్య ఎలా పరిష్కరిస్తారో చూడాలి. 

17:35 - April 24, 2018

వరంగల్ : వర్థన్న పేట, రాయపర్తి మండల కేంద్రాల్లోని పలు గ్రామాల్లో అకాల వర్షంతో భారీగా పంట నష్టం వాటిల్లింది. మామిడి, వరి, దాన్యం, మొక్కజొన్న రైతులు భారీగా నష్టపోయారు. వర్థన్నపేట మార్కెట్ యార్డులో వరి ధాన్యం తడవడంతో... అధికారుల తీరుపై రైతులు మండిపడ్డారు. ప్రభుత్వమే తమకు న్యాయం చేయాలని డిమాండ్ చేస్తూ రైతులు ధర్నా చేపట్టారు.  

Pages

Don't Miss

Subscribe to RSS - వరంగల్