వారెంట్

12:20 - September 14, 2018

విజయవాడ : ఏపీ సీఎం చంద్రబాబు నాయుడికి ధర్మాబాద్ కోర్టు జారీ చేసిన అరెస్టు వారెంట్ ఏపీ రాజకీయాల్లో తీవ్ర కలకలం రేపుతోంది. 2010లో బాబ్లీ ప్రాజెక్టు సందర్శన..అక్కడ ఆందోళనలు చేసిన నేపథ్యంలో 2018లో కోర్టు వారెంట్ జారీ చేయడంపై టీడీపీ నేతలు తీవ్ర ఆగ్రహం వ్యక్తం చేస్తున్నారు. కుట్రలో భాగంగానే బీజేపీ ఇలాంటి కుట్రలకు పాల్పడుతుందని ఆరోపణలు గుప్పిస్తున్నారు. 

చంద్రబాబు తిరుమలలో ఉండగానే వారెంట్ పై బాబు సమాచారం అందుకున్నారు. కోర్టుకు హాజరయ్యే విషయంపై బాబు సమాలోచనలు జరుపుతున్నారు. ఐపీసీ సెక్షన్లు 353, 324, 332, 336, 337, 323, 504, 506, 109  కింద కేసు నమోదు చేశారు. ఇదిలా ఉంటే అత్యవసరంగా టీటీడీపీ నేతలు భేటీ అయ్యరు. కోర్టుకు హాజరయితే తెలంగాణ పార్టీకి సానుకూలత వచ్చే అవకాశం ఉందని..కానీ ముందస్తు నోటీసులు ఇవ్వకుండా అరెస్టు వారెంట్ జారీ చేయడం ఏంటీ ? అని నిలదీస్తున్నారు. మరి ఆయన కోర్టుకు హాజరవుతారా ? లేదా ? అనేది చూడాలి. 

22:15 - August 6, 2016

ఢిల్లీ : కింగ్‌ఫిషర్ అధినేత విజయ్‌మాల్యాపై మరోసారి నాన్ బెయిలబుల్ వారెంట్ జారీ అయింది. 2012కు సంబంధించిన చెక్ బౌన్స్ కేసులో ఆయనకు ఢిల్లీ పటియాలా హౌస్ కోర్టు నాన్ బెయిలబుల్ వారెంట్ జారీ చేసింది. నవంబర్ 4న కోర్టులో హాజరు కావాలని ఆదేశించింది. లండన్ లో ఉన్న మాల్యాకు వారెంట్ అందేలా చూడాలని విదేశీ వ్యవహారాల మంత్రిత్వ శాఖకు న్యాయస్థానం ఆదేశాలిచ్చింది. కోర్టుకు హాజరు కాకుంటే మాల్యాపై కఠిన చర్యలు తీసుకుంటామని కోర్టు హెచ్చరించింది. ఇప్పటికే పలు కోర్టులు మాల్యాకు నాన్‌బెయిలబుల్‌ వారెంట్లు జారీ చేశాయి. సుప్రీంకోర్టు కూడా నోటీసులు జారీ చేసింది. అయితే ఇప్పటివరకు ఆయన ఏ కోర్టులోనూ హాజరుకాలేదు. మాల్యా వివిధ బ్యాంకుల్లో తీసుకున్న 9 వేల కోట్ల రుణాన్ని ఎగ్గొట్టి లండన్‌లో తలదాచుకుంటున్నాడు. 

 

13:55 - June 3, 2016

హైదరాబాద్ : వైసీపీ నేత విజయసాయి రెడ్డికి వారెంట్ జారీ అయింది. జగన్ అక్రమాస్తుల కేసులో విజయసాయి రెడ్డి కోర్టుకు హాజరు కాలేదు. దీంతో నాంపల్లి కోర్టు ఆయనకు వారెంట్ జారీ చేసింది. 

17:31 - April 7, 2016

హైదరాబాద్ : కేంద్ర మంత్రి సుజనా చౌదరిపై నాన్ బెయిలబుల్ అరెస్టు వారెంట్ జారీ అయ్యింది. మారిషస్ బ్యాంకును మోసం చేసిన కేసులో మూడు సార్లు కోర్టుకు హాజరు కాకపోవడంపై నాంపల్లి కోర్టు ఆగ్రహం వ్యక్తం చేసింది. తదుపరి విచారణను ఈనెల 26కు వాయిదా వేసింది. ఆ తేదీలో కోర్టు ఎదుట సుజనా హాజరు కావాలని, లేనిపక్షంలో అరెస్టు చేయాలని కోర్టు ఆదేశాలు జారీ చేసింది.                                                                              

గతంలో...
కేంద్ర మంత్రి సుజనా చౌదరికి సంబంధించిన సుజనా యూనివర్శల్ ఇండస్ట్రీస్ లిమిటెడ్ సంస్థ హేస్టియా హోల్డింగ్స్ లిమిటెడ్ సూనేతె మారిషస్ దేశంలో ఒక అనుబంధ కంపెనీ ఏర్పాటుచేసింది. సుజనా చౌదరికి చెందిన కంపెనీ హేస్టియా పేరుతో మారిషస్‌ బ్యాంకు నుంచి 92 కోట్ల రూపాయల రుణం తీసుకోగా వడ్డీలతో కలిపి 106 కోట్లకు చేరింది. కాగా 2012 నుంచి హేస్టియా రుణాల చెల్లింపును నిలిపివేసింది. హేస్టియా జాప్యంపై హైకోర్టులో ఎంసిబి పిటిషన్ దాఖలు చేసింది. ఈ క్రమంలో కేసు విచారణ జరుగుతోంది. ఈ లావాదేవీలో సుజనా యూనివర్శల్ ఇండస్ట్రీస్ హామీదారుగా ఉంది. రుణానికి సంబంధించి ఎంసీబీకి, హేస్టియాకు మధ్య రాతపూర్వక ఒప్పందం కూడా జరిగినట్లు సమాచారం. అయితే 2012 నుంచి ఎంసీబీకి హేస్టియా కంపెనీ బకాయిలు చెల్లించడం మానేసినట్లు, బకాయిల విషయంలో స్పందించాలంటూ హేస్టియాకు ఎంసీబీ లేఖలు రాసినా ఫలితం దక్కలేదని తెలుస్తోంది. ఎంసీబీ అధికారులు హేస్టియా డెరైక్టర్‌గా ఉన్న సుజనా చౌదరితో సంప్రదింపులు జరిపినా బకాయిలు మాత్రం చెల్లించలేదని సమాచారం. అనంతరం జరిగిన పరిణామాల నేపథ్యంలో ఎంసీబీ హైదరాబాద్‌లోని సిటీ సివిల్ కోర్టును ఆశ్రయించి లండన్ కోర్టు ఇచ్చిన తీర్పును అమలు చేయాలని కోరింది. సిటీ సివిల్ కోర్టులోఎంసీబీకి అనుకూలంగా తీర్పు వెలువడింది. హైకోర్టులో కూడా ఇదే తీర్పు వెలువడింది. సుప్రీం కోర్టులో హేస్టియా సంస్థ హైకోర్టు తీర్పు అమలుచేయరాదని కోరుతూ స్పెషల్ లీవ్ పిటిషన్ దాఖలు చేయగా సుప్రీంకోర్టు కొట్టివేసింది. ప్రస్తుతం నాంపల్లి కోర్టు తీర్పుపై కేంద్ర మంత్రి సుజనా చౌదరి ఎలా స్పందిస్తారో వేచి చూడాలి. 

14:37 - January 29, 2016

ఢిల్లీ : వివాదస్పద విష్ణుమూర్తి పోస్టర్‌పై క్రికెటర్‌ ధోనికి సుప్రీంకోర్టు నుంచి ఊరట లభించింది. ధోనికి వ్యతిరేకంగా అనంతపురం కోర్టు జారీ చేసిన నాన్‌ బెయిలబుల్‌ అరెస్ట్ వారెంట్‌పై స్టే విధించింది. దీనిపై సమాధానమివ్వాలని అనంతపురం పోలీసులను ఆదేశించింది. పోస్టర్ వివాదం కేసులో ఫిబ్రవరి 25న కోర్టుకు హాజరు కావాలని అనంతపురం కోర్టు ఆదేశాన్ని వ్యతిరేకిస్తూ ధోని సుప్రీంకోర్టును ఆశ్రయించారు. 2013లో ఓ బిజినెస్‌ పత్రిక ధోని విష్ణుమూర్తి అవతారంలో పోస్టర్‌ ప్రచురించింది. ధోని 8 చేతుల్లో వివిధ ఉత్పత్తులకు చెందిన వస్తువులన్నాయి. ఓ చేతిలో చెప్పు కూడా ఉండడం వివాదస్పదమైంది. హిందువుల మనోభావాలను కించ పరచారంటూ ధోనిపై అనంతపురం, బెంగళూరులో కేసు నమోదైంది.

Don't Miss

Subscribe to RSS - వారెంట్