విఫలం

16:18 - April 10, 2018

అనంతపురం : బీజేపీపై ఒత్తిడితెచ్చి ఏపీకి ప్రత్యేక హోదా సాధించడంలో టీడీపీ ప్రభుత్వం ఘోరంగా విఫలమైందని సీపీఎం రాష్ట్ర కార్యదర్శి మధు విమర్శించారు. బీజేపీతో అంటకాగి విలువైన సమయాన్ని వృధా చేసిందని మండిపడ్డారు. బుధవారం విజయవాడలో జరిగే సమావేశంలో ప్రత్యేక హోదా ఉద్యమంపై భవిష్యత్‌ కార్యాచరణ రూపొందిస్తామని చెప్పారు. ఈ సమావేశానికి వామపక్షాలతోపాటు వివిధ పార్టీలు, హోదా సాధన సమితి హాజరయ్యారు.

 

21:57 - April 1, 2018

నెల్లూరు : ఇస్రో ప్రయోగించిన జీశాట్‌-6ఏ ఉపగ్రహ ప్రయోగం వికటించింది. ఈ ఉపగ్రహం  కర్నాటక హసన్‌లోని మాస్టర్‌ కంట్రోల్‌ ఫెసిలిటీతో  సంబంధాలు కోల్పోయింది. దీంతో ఈ ప్రయోగం దాదాపు విఫలమైనట్టుగానే ఇస్రో శాస్త్రవేత్తలు భావిస్తున్నారు. జీశాట్‌ 6A తో సంబంధాలు పునరుద్ధరించేందుకు ప్రయత్నాలు జరుగుతున్నాయని ఓవైపు ఇస్రో శాస్త్రవేత్తలు చెబుతున్నా.. మరోవైపు ఇది సాధ్యమయ్యే పనికాదన్న వాదనలు కూడా వినిపిస్తున్నాయి. ఈ ఉపగ్రహానికి 270 కోట్లు ఖర్చు చేశారు. 

గత నెల 29న నెల్లూరు జిల్లా శ్రీహరికోటలోని సతీశ్‌ ధావన్‌ అంతరిక్ష కేంద్రం నుంచి జీశాట్‌ 6ఏ ప్రయోగం జరిగింది. జీఎస్‌ఎల్‌వీ ఎఫ్ 8 అంతరిక్షవాహక నౌక ద్వారా దీనిని కక్ష్యంలో ప్రవేశపెట్టారు. ఈ  ఉపగ్రహానికి సంబంధించి మూడో లామ్‌ ఇంజిన్‌ మండించే సమయంలో కర్నాటకలోని హసన్‌లో ఉన్న మాస్టర్‌ కంట్రోల్‌ ఫెసిలిటీతో  సంబంధాలు కోల్పోయింది. అప్పటి నుంచి జీశాట్‌ 6ఎఫ్ నుంచి ఎలాంటి  సంకేతాలు అందలేదు. 

జీశాట్‌ 6ఏ నుంచి ఎలాంటి సమాచారం అందడంలేదని ప్రయోగించిన 48 గంటల తర్వాత ఇస్రో ప్రకటించింది. ఈ ఉపగ్రహం మూడో లామ్‌ ఇంజిన్‌ మండించే సమయంలో అనుసంధానం కోల్పోయినట్టు ఇస్రో వెబ్‌సైట్‌లో పెట్టారు. దీని నుంచి చివరిసారిగా గత నెల 30వ తేదీ ఉదయం 9.22 గంటలకు సమాచారం అందింది. జీశాట్‌ 6ఏ కక్ష్య పెంచేందుకు మొదటిసారి చేసిన ప్రయత్నంలో సమాచారం చేరవేసింది. మార్చి 31న రెండో సారి  కక్ష్య పెంచేందుకు ప్రయత్నిస్తున్న సమయంలో మాస్టర్‌ కంట్రోల్‌ ఫెసిలిటీతో సంబంధాలు కోల్పోయింది. ఈ ఉపగ్రహ ప్రయోగానికి 270 కోట్ల రూపాయలు ఖర్చు చేశారు. 

ఇస్రో అభివృద్ధి చేసిన రెండో అతిపెద్ద రాకెట్‌ జీఎస్‌ఎల్‌వీ ఎఫ్ 8 ద్వారా జీశాట్‌ 6ఏ ప్రయోగం జరిగింది. ప్రయోగించిన 17 నిమిషాలకు నిర్ణీత కక్ష్యంలో ప్రవేపెట్టారు. జీఎస్‌ఎల్‌వీ సిరీస్‌లో ఇది పన్నెండవది. ఈ ఉపగ్రహంలో విచ్చుకునే సామర్థ్యం ఉన్న 6 మీటర్ల ఎస్‌-బ్యాండ్‌ యాంటెన్నా, చేతిలో ఇమిడిపోయే భూతల టెర్మినళ్లు, నెట్టవర్క్‌ నిర్వహణ విధానాలు ఉన్నాయి. వీటన్నింటి ద్వారా  ఉపగ్రహ ఆధారిత సమాచారవ్యవస్థ మరింత విస్తృతమవుతుందని భావిస్తున్న తరుణంలో ప్రయోగం విఫలం కావడం అందర్నీ బాధించే అంశం. 
ఏడు నెలల వ్యవధిలో ఇస్రోకి ఇది రెండో ఎదురుదెబ్బ. గతేడాది ఆగస్టు 31న పీఎస్‌ఎల్‌వీ  ఉపగ్రహవాక నౌక ద్వారా చేపట్టిన ఐఆర్‌ఎన్‌ఎస్‌ఎస్‌-1హెచ్‌.. ప్రయోగం విఫలమైంది. చంద్రయాన్‌ -2 ప్రయోగానికి ఇస్రో సిద్ధమవుతున్న తరుణంలో జీశాట్‌ 6ఏ ప్రయోగం కావడంపై శాస్త్రవేత్తలు అంతర్మథనం చెందుతున్నారు. వచ్చే నెల 12న పీఎస్‌ఎల్‌వీ సీ 41 ప్రయోగానికి సన్నాహాలు చేస్తున్న సమయంలో జీశాట్‌ ప్రయోగం విఫలంకావడం శాస్త్రవేత్తలను బాధించే అంశం. 1997 అక్టోబర్‌లో కూడా ఇన్‌శాట్‌ -2డీ ప్రయోగం విఫలమైంది. ప్రయోగించిన నాలుగు నెలలు మాత్రమే ఈ ఉపగ్రహం పనిచేసింది. 

21:31 - March 10, 2018

హైదరాబాద్ : పాలనలో బీజేపీ, కాంగ్రెస్ విఫలమయ్యాయని మంత్రి కేటీఆర్ అన్నారు. బీజేపీ, కాంగ్రెస్ లకు ఎన్నో అవకాశాలు వచ్చాయని తెలిపారు. వచ్చే ఎన్నికల్లో కాంగ్రెస్, బీజేపీ పూర్తి మెజార్టీ సాధించలేవని చెప్పారు. కేంద్రం నుంచి తెలంగాణకు అదనంగా ఒక్కపైసా రాలేదన్నారు. కేంద్రం నుంచి ఏపీకి కూడా అన్యాయం చేయడంతోనే టీడీపీ ఎన్ డీఏ నుంచి వైదొలిగిందన్నారు. టీడీపీ, శివసేన బయటికి వచ్చిన తర్వాత ఎన్ డీఏ కూటమిలో ఎవరూ లేరని పేర్కొన్నారు. అధికారమంతా ఢిల్లీలో కేంద్రీకృతమవడం సరికాదని అభిప్రాయపడ్డారు. దేశంలో రెండు పార్టీల వ్యవస్థ లేదన్నారు. కేసీఆర్ ఏర్పాటు చేయబోయేది థర్డ్ ఫ్రంట్ కాదు.. ఫస్ట్ ఫ్రంటేనని తెలిపారు. 

 

13:39 - February 6, 2018

నల్గొండ : బీజేపీ అన్ని రంగాల్లో వైఫల్యం చెందిందని సీపీఎం పొలిట్ బ్యూరో సభ్యులు బివి.రాఘవులు విమర్శించారు. నల్గొండలో ఆయన మీడియాతో మాట్లాడారు. పార్లమెంట్ లో బీజేపీ నేతలు ఎన్నికల ప్రసంగం చేస్తున్నారని తెలిపారు. బీజేపీ నేతలు తమ వైఫల్యాలను కప్పి పుచ్చుకునేందుకు పకోడీ రాజకీయాలను ముందుకు తీసుకొచ్చారని ఎద్దేవా చేశారు. ఉపాధి కల్పన, ఉద్యోగాలు సృష్టించడంలో బీజేపీ ఘోరంగా వైఫల్యం చెందిందని విమర్శించారు. రాష్ట్ర విజభన చట్టం హామీలు అమలు జరపడంలో కేంద్రం విఫలమైందన్నారు. ఇచ్చిన వాగ్ధానాలను బీజేపీ వమ్ము చేసిందన్నారు. ఏపీకి ఇచ్చిన విభజన హామీలు నెరవేర్చడంలో కేంద్రం విఫలం చెందిందన్నారు. ఏపీకి కేంద్రం మూడేళ్లలో చేసిందేమీ లేదని విమర్శించారు. కేంద్ర బడ్జెట్ లో తెలంగాణకు కూడా నిధులు ఇవ్వలేదన్నారు. గిరిజన యూనివర్సిటీ ఊసేలేదన్నారు. చంద్రబాబు, కేసీఆర్ లు కేంద్రంతో స్నేహం చేస్తూ.. నాలుగు సం.రాలు కాలక్షేపం చేశారని.. కేంద్రం హామీలను అమలు చేయించుకోవడంలో విఫలమయ్యారని పేర్కొన్నారు. ఇప్పుడు చంద్రబాబు నాటకం ఆడుతున్నారని చెప్పారు. కేసీఆర్ ఆ నాటకం కూడా చేయడం లేదన్నారు. కేంద్ర బడ్జెట్ పై సీఎం కేసీఆర్ స్పందించాలన్నారు. కేంద్రం ఏ ఏ వాగ్ధానాలు ఇచ్చిందో... వాటిలో ఎన్ని అమలు చేసిందో శ్వేతపత్రం విడుదల చేయాలని డిమాండ్ చేశారు. 

 

15:18 - February 4, 2018

ఢిల్లీ : విభజన చట్టంలోని హామీలు నెరవేర్చుకోవడంలో తెలుగు రాష్ట్రాలు విఫలమయ్యారని... దీనికి నైతిక బాధ్యత వహిస్తూ తెలుగు రాష్ట్రాల ఎంపీలు రాజీనామా చేయాలని కాంగ్రెస్‌ ఎమ్మెల్సీ పొంగులేటి సుధాకర్‌ రెడ్డి డిమాండ్‌ చేశారు. కేంద్రం నుండి నిధులు రాబట్టడంలో తెలుగు రాష్ట్ర ప్రభుత్వాలు వైఫల్యం చెందాయని విమర్శించారు. కేంద్ర బడ్జెట్ కేవలం ఎన్నికల‌ బడ్జెట్ మాత్రమేనని, అది కార్పొరేట్‌ రంగానికి మేలు చేసేలా ఉందన్నారు. 

 

17:36 - January 31, 2018

నల్గొండ : తెలంగాణ ప్రభుత్వం అన్ని అంశాల్లో విఫలమైందని మాజీ ఎమ్మెల్యే జూలకంటి రంగారెడ్డి విమర్శించారు. టీఆర్ఎస్‌ సర్కార్‌ ఎన్నికల్లో ఇచ్చిన హామీలను నిలబెట్టుకోలేకపోయిందన్నారు. నల్గొండ జిల్లాలో ఫిబ్రవరి 4 నుంచి జరిగే సీపీఎం రాష్ట్ర మహాసభల తొలిరోజు నిర్వహించే రెడ్ షర్ట్ వాలంటీర్ల కవాత్‌ ప్రత్యేక ఆకర్షణగా నిలవనుందని ఆయన అన్నారు. నాలుగు రోజులు ప్రతి సాయంత్రం షాట్ పేరుతో వివిధ అంశాలపై కళారూపాలు ఉంటాయని జూలకంటి తెలిపారు.

 

13:29 - January 29, 2018

సంగారెడ్డి : ఇచ్చిన హామీలను టీసర్కార్ నెరవేర్చడం లేదని ఇంటర్ జేఏసీ చైర్మన్ డాక్టర్ మధుసూదన్‌రెడ్డి అన్నారు. ఈమేరకు ఆయనతో టెన్ టివి ఫేస్ టు ఫేస్ నిర్వహించింది. తెలంగాణలో విద్యావ్యవస్ధ ఆశించిన స్ధాయిలో లేదని ఆరోపించారు. టీఆర్‌ఎస్ ఎన్నికల మేనిఫెస్టోలో కేజీ టూ పీజీ అన్న అంశం కనీసం అధ్యయనం చేయకుండా ఇచ్చిన ఆర్భాటపు హామీ అన్నారు. ప్రభుత్వ పాఠశాలలు, డీఎస్సీ, ఉపాధ్యాయనియామకాలపై ప్రభుత్వం దృష్టి సారించాలన్నారు. 

 

13:00 - January 27, 2018

విజయవాడ : నూతన సంవత్సం నుండి ప్రజలకు పర్యావరణానికి హాని కలిగించే ప్లాస్టిక్‌ క్యారీ బ్యాగులను నిషేధిస్తామంటూ విజయవాడ నగరపాలక సంస్థ ప్రలోభాలు పలికింది. ఇందుకోసం కౌన్సిల్‌ సర్వసభ్య సమావేశం ఏకగ్రీవ తీర్మానం కూడా చేసింది. అమలును మాత్రం గాలికి వదిలేసింది.  
కాగితాలకే పరిమితమైన తీర్మాణాలు
ప్లాస్టిక్‌ వినియోగాన్ని తగ్గిస్తాం, క్యారీ బ్యాగుల వాడకాన్ని తగ్గించి పర్యావరణాన్ని కాపాడుతాం, ఆ దిశగా ప్రజల్లో చైతన్యం తీసుకువస్తామని విజయవాడ నగర పాలక సంస్థ ప్లాస్టిక్‌ క్యారీ బ్యాగుల నిషేధంపై చెప్పిన మాటలు. అంతేకాదు 2018 నూతన సంవత్సరం జనవరి ఒకటో తేదీ నుండి దీన్ని పక్కాగా అమలు చేయాలని కూడా నిర్ణయం తీసుకున్నారు. కాని జనవరి మాసం ముగుస్తున్నా ఆ తీర్మాణాలు కేవలం కాగితాలకే పరిమతమయ్యాయి. ప్రజల్లో అవగాహన కల్పించడం, ప్రచారం చేయడంలోనూ అధికారులు విఫలమయ్యారు. 
15 టన్నులకు పైగా ప్లాస్టిక్‌ ఉత్పత్తులు
విజయవాడలో 15 టన్నులకుపైగా ప్లాస్టిక్‌ ఉత్పత్తులు, సంచులు, గ్లాసులు, ప్లేట్లు, సీసాలు ఇతర అనుబంధ వస్తువులను నిత్యావసరాల కోసం వినియోగించుకుంటున్నారు. నగర పాలక సంస్థ పరిధిలో రోజూవారీ ఉత్పత్తి అయ్యే 550 మెట్రిక్‌ టన్నుల వ్యర్థాల్లో 9-20 శాతం ప్లాస్టిక్‌ వస్తువులే ఉంటాయి. ఈ వ్యర్థాలు రోజూ 5 నుండి 10 టన్నుల వరకు నేరుగా డ్రెయిన్‌లలో చేరిపోతూ పలు రకాల సమస్యలు తీసుకువస్తున్నాయి. రైల్వే, బస్‌, ఇతర రవాణా వ్యవస్థల ద్వారా ప్రయాణం సాగించేవారి ద్వారా వచ్చే ప్లాస్టిక్‌ వ్యర్థాలు మరిన్ని సమస్యలను తీసుకువస్తున్నాయి. 
50 మైక్రాన్ల కన్నా తక్కువ మందం కలిగిన ప్లాస్టిక్‌పై నిషేధాజ్ఞలు
పర్యావరణ పరిరక్షణ చట్టం 2011 ప్రకారం 50 మైక్రాన్ల కన్నా తక్కువ మందం కలిగిన ప్లాస్టిక్‌ ఉత్పత్తులైన క్యారీ బ్యాగులు, టీ కప్పులు, ప్లేట్లు, గ్లాసులు, సీసాలు, తోరణాలు, బ్యానర్లపై నిషేధాజ్ఞలు ఉన్నాయి. 2013లో జారీ చేసిన నెంబర్‌ 46 ఉత్తర్వుల ప్రకారం 50 మైక్రాన్ల కన్న తక్కువ మందం ఉన్న ప్లాస్టిక్‌ వస్తువులు ఉత్పత్తి చేయడం, నిల్వ చేయడం, పంపిణీ చేయడం, విక్రయించడం, వినియోగించడం, చివరకు కొనుగోలు చేయడం కూడా నిషేధం విధించారు. అయితే నిషేధపు ప్లాస్టిక్‌ ఉత్పత్తులు విక్రయించే వ్యాపారుల నుండి 2500 మొదలు 5వేల వరకూ అపరాధ రుసుము విధించే అధికారం అధికారులకు ఉంది. ఈ ఉత్పత్తులు తయారు చేసేవారి నుండి 25 నుండి 50 వేల వరకు జరిమానా విధించవచ్చు. అయితే కొందరు క్షేత్ర స్థాయి సిబ్బంది, వ్యాపారుల నుండి నెలవారీ మామూళ్లు తీసుకుంటున్నారనే ఆరోపణలు ఉన్నాయి. 
అనేక వ్యాధులకు కారణమవుతున్న ప్లాస్టిక్‌ వ్యర్థాలు 
ప్లాస్టిక్‌ వ్యర్థాలు అనేక వ్యాధులకు కారణమవుతున్నాయి. క్యారీబ్యాగుల దహనం వల్ల వచ్చే పొగతో ప్రాణవాయువు విషతుల్యమై ప్రజల ఆరోగ్యానికి హాని చేస్తుంది. ప్లాస్టిక్‌ వ్యర్థాల వచ్చే దుష్ప్రభావలను దృష్టిలో ఉంచుకొని అధికారులు ఇప్పటికైనా ప్రజల సంరక్షణపై దృష్టి పెట్టాల్సిన అవసరం ఉంది. 

 

20:36 - January 22, 2018

ఢిల్లీ : ఏపీ పునర్విభజన చట్టంలోని హామీలు అమలు చేయడంలో ముఖ్యమంత్రి చంద్రబాబు, ప్రధాని మోదీ ఘోరంగా విఫలమయ్యారని కాంగ్రెస్‌ ఎంపీ... కేవీపీ రామచంద్రరావు ఆరోపించారు. చంద్రబాబు, మోదీ కలిసి నాటకాలు ఆడుతూ రాష్ట్ర ప్రజను మోసం చేస్తున్నారని మండిపడ్డారు. విభజన చట్టంలోని హామీల అమలుకు కేంద్రంపై ఒత్తిడి తెచ్చేందుకు చంద్రబాబు.. ఇతర పార్టీలతో కలిసి పనిచేయాలని కేవీపీ కోరారు. ఈ మేరకు చంద్రబాబుకు లేఖ రాశారు. 

 

18:16 - January 22, 2018

నిజామాబాద్‌ : ఎన్నికల్లో ఇచ్చిన హామీలు నెరవేర్చడంలో కేసీఆర్‌ విఫలమయ్యారని టీమాస్‌ ఫోరం ఆరోపించింది. ఈ సందర్భంగా నిజామాబాద్‌ జిల్లా కేంద్రంలో టీ మాస్‌ ఫోరం ఆధ్వర్యంలో చలో కలెక్టరేట్‌ కార్యక్రమం నిర్వహించారు. తెలంగాణ ప్రభుత్వం ప్రజా వ్యతిరేక విధానాలను మానుకోవాలని డిమాండ్‌ చేస్తున్న టీ మాస్‌ నేతలతో మరింత సమాచారం  వీడియోలో చూద్దాం....

Pages

Don't Miss

Subscribe to RSS - విఫలం