విభజన హామీలు

12:22 - August 1, 2018

ఢిల్లీ : రాష్ట్రపతితో టిడిపి ఎంపీలు, కడప జిల్లా టిడిపి ప్రజాప్రతినిధులు భేటీ అయ్యారు. విభజన చట్టం అమలు.. కడప జిల్లాలో ఉక్కు కర్మాగారం ఏర్పాటు..తదితర అంశాలను రాష్ట్రపతి దృష్టికి తీసుకెళ్లారు. కేంద్ర ప్రభుత్వ తీరుపై రాష్ట్రపతికి ఫిర్యాదు చేశారు. టిడిపి రాజ్యసభ సభ్యుడు సీఎం రమేశ్ నేతృత్వంలో రాష్ట్రపతిని కలిశారు. ఈ సందర్భంగా సీఎం రమేశ్ మీడియాతో మాట్లాడారు. రాష్ట్రపతి రామ్ నాథ్ కోవింద్ సానుకూలంగా స్పందించారని తెలిపారు. హైదరాబాద్ వస్తున్నానని, అక్కడ కలుస్తానని చెప్పడం జరిగిందన్నారు. కడప జిల్లాలో ఉక్కు ఫ్యాక్టరీ విషయం కూడా తెలియచేయడం జరిగిందని, కేంద్ర ప్రభుత్వ దృష్టికి తీసుకెళుతానని తెలిపారు. 

11:06 - August 1, 2018

ఢిల్లీ : టిడిపి ఎంపీల ఆందోళనలు..నిరసనలు కొనసాగుతూనే ఉన్నాయి. విభజన హామీలు..ప్రత్యేక హోదా..తదితర అంశాలపై కేంద్రం నిర్లక్ష్య వైఖరిని నిరసిస్తూ లోక్ సభలో ఎంపీలు ఆందోళనలు కొనసాగిస్తున్నారు. బుధవారం రాష్ట్రపతితో టిడిపి ఎంపీలు, కడప జిల్లా టిడిపి ప్రజాప్రతినిధులు భేటీ కానున్నారు. విభజన చట్టం అమలు.. కడప జిలాలలో ఉక్కు కర్మాగారం ఏర్పాటు..తదితర అంశాలను రాష్ట్రపతి దృష్టికి తీసుకెళ్లనున్నారు. కేంద్ర ప్రభుత్వ తీరుపై రాష్ట్రపతికి ఫిర్యాదు చేయనున్నారు. టిడిపి రాజ్యసభ సభ్యుడు సీఎం రమేశ్ నేతృత్వంలో రాష్ట్రపతిని బృందం కలువనుంది. ఈ భేటీ అనంతరం మధ్యాహ్నం ఉక్కు శాఖ మంత్రి చౌదరి బీరేంద్ర సింగ్ తో టిడిపి ప్రతినిధి బృందం భేటీ కానుంది. మరింత సమాచారం కోసం వీడియో క్లిక్ చేయండి. 

15:56 - July 30, 2018

హైదరాబాద్ : విభజన హామీలు సాధించుకోవడంలో టీఆర్‌ఎస్‌ ప్రభుత్వం ఘోరంగా విఫలమైందని కాంగ్రెస్‌ ఆరోపించింది. విభజన చట్టంలోని ఒక్క హామీని కూడా సాధించులేకపోవడం టీఆర్‌ఎస్‌ నేతల అసమర్థతకు నిదర్శనమని మాజీ మంత్రి శ్రీధర్‌బాబు వ్యాఖ్యానించారు. కాజీపేట రైల్వే కోచ్‌ ఫ్యాక్టరీని కేంద్రం ఇవ్వలేదని విమర్శించారు. హైకోర్టు విభజన కాలేదన్నారు. కాళేశ్వరం ప్రాజెక్టుకు జాతీయ హోదా ఇవ్వలేదని తెలిపారు.

 

06:24 - July 21, 2018

ఢిల్లీ : అందరూ ఊహించినట్టే జరిగింది. కేంద్ర ప్రభుత్వంపై అవిశ్వాసం వీగిపోయింది. అయితే అందుకు దారితీసిన పరిణామాలు మాత్రం అందరినీ అశ్చర్యానికి గురిచేశాయి. లోక్‌సభ సాక్షిగా రాజకీయం థ్రిల్లర్‌ సినిమాను తలపించింది. నరేంద్రమోదీ ప్రభుత్వంపై టీడీపీ ప్రతిపాదించిన అవిశ్వాసం తీర్మానం మీద చర్చ రాజకీయంగా రచ్చగా మారి రంజుగా సాగింది. ఎన్నో మలుపులు, మరెన్నో మెరుపులతో దాదాపు ఏడాది ముందే ఎన్నికల వాతావరణం కళ్లకు కట్టింది. చర్చకు సమాధానం ఇచ్చిన మోదీ... ఎప్పటిలాగే కాంగ్రెస్‌ గతాన్నితవ్వి తప్పులు కుప్పబోశారు. అవిశ్వాసం అసలు ఎజెండా అయినా... ఏపీకి ప్రత్యేకహోదాపైన గానీ, ఇతర డిమాండ్లపైగానీ ఏపీకి ఎలాంటి నిర్దిష్ట హామీలివ్వలేదు.

అవిశ్వాసానికి అనుకూలంగా 126 ఓట్లు వచ్చాయి. ఇక అవిశ్వాసానికి వ్యతిరేకంగా 325 మంది సభ్యులు ఓటేశారు. దీంతో అవిశ్వాస పరీక్షలో మోదీ సర్కార్‌ గట్టెక్కింది. అవిశ్వాసంపై లోక్‌సభలో దాదాపు 12 గంటలకుపైగా సుదీర్ఘంగా చర్చ జరిగింది. ఈ చర్చలో పలువురు టీడీపీ ఎంపీలతోపాటు ఇతర పార్టీలకు చెందిన సభ్యులూ పాల్గొన్నారు.

అవిశ్వాసంపై జరిగిన చర్చల్లో టీడీపీ ఎంపీలు కేంద్ర ప్రభుత్వాన్ని గట్టిగా నిలదీశారు. ఏపీకి జరిగిన అన్యాయాన్ని ఏకరువుపెట్టారు. చర్చలో చివరలో పాల్గొన్న ప్రధాని మోదీ... మరోసారి మాటలతో మాయ చేశారు. నవ్యాంధ్రకు ఏమి ఇచ్చారో చెప్పకుండా ఎలా న్యాయం చేస్తారో వివరించకుండా చర్చమాటున మాట దాటవేశారు. నవ్యాంధ్రకు అన్యాయంపై టీడీపీ ప్రవేశపెట్టిన అవిశ్వాస తీర్మానంపై చర్చకు సవివరంగా సమాధానం ఇవ్వాల్సిన ప్రధాని.. తూతూమంత్రంగా పాత పాటేపాడారు. మొత్తంగా ఏపీకి సాయంపై తగిన సమాధాంన ఇవ్వకుండా కేంద్రం పలాయనవాదం చిత్తగించింది.

18 ఏళ్ల క్రితం వాజ్‌పేయి ఉత్తరాఖండ్‌, జార్ఖండ్‌, ఛత్తీస్‌గఢ్‌ రాష్ట్రాలను ఏర్పాటు చేశారని.. వాటిలో ఎలాంటి గందరగోళంకానీ... సమస్యలు కానీ లేవన్నారు. కానీ కాంగ్రెస్‌ మాత్రం పార్లమెంట్‌ తలుపులు మూసివేసి ఏపీని విభజించిందన్నారు. ఒకచోట ఓడినా మరోచోట అధికారంలోకి రావొచ్చనే ఇలా చేసిందన్నారు. కాంగ్రెస్‌ పార్టీ దేశాన్ని విభజించి పాకిస్తాన్‌ను ఏర్పాటు చేసిందని... ఇప్పటికీ రెండు దేశాల మధ్య గొడవలు నడుస్తూనే ఉన్నాయన్నారు. ఏపీ, తెలంగాణ మధ్యకూడా ఇదే పరిస్థితి సృష్టించారన్నారు. ఆస్తులు, అప్పులపై ఇప్పటికీ గొడవ జరుగుతోందని... దీనిని బట్టే విభజన జరిగిన తీరు తెలుస్తోందన్నారు.

హోదా ఉన్న రాష్ట్రాలకు, లేని రాష్ట్రాలకు మధ్య తేడా ఉండదని 14వ ఆర్థిక సంఘం చెప్పిందని మోదీ అన్నారు. ఈ సిఫారసులు తమ చేతులు కొట్టేయడంవల్లే ఏపీకి ప్రత్యేకహోదా ఇవ్వలేకపోయామన్నారు. హోదాతో లభించే ప్రయోజనాలను సమానంగా ప్యాకేజీ రూపంలో ఇవ్వాలని తాము నిర్ణయించామని.. అందుకు చంద్రబాబు కూడా స్వాగతించారని గుర్తు చేశారు. కేవలం తన వైఫల్యాలను కప్పిపుచ్చుకోవడానికే ఇప్పుడు చంద్రబాబు యూటర్న్‌ తీసుకున్నారని ఆరోపించారు. ఎన్డీయే నుంచి వైదొలగాలని టీడీపీ నిర్ణయించుకున్నప్పుడు తాన స్వయంగా చంద్రబాబుకు ఫోన్‌ చేసి మీరు వైసీపీ మాయలో పడుతున్నారని చెప్పినట్టు గుర్తు చేశారు.

విభజన అంశాలపై తొలి ఏడాది చంద్రబాబు, కేసీఆర్‌ గొడవలు పడుతుంటే గవర్నర్‌, కేంద్ర హోంమంత్రి, తాను సమావేశమై పరిష్కరించేవాళ్లమని మోదీ గుర్తు చేశారు. ఏపీ, తెలంగాణకు కేంద్రం ఏ లోటూ రానివ్వదన్నారు. ఏపీ ప్రజల ఆకాంక్షలను పూర్తిగా నెరవేరుస్తామని... రాజధాని పనులు, రైతులు సంక్షేమం కోసం కేంద్రం పాటుపడుతుందన్నారు. ఈ విషయంలో వెనక్కి వెళ్లే ప్రసక్తే లేదన్నారు. ఇది తాను ఇస్తోన్న భరోసా అన్నారు. సభలో మోదీ ప్రసంగం సాగినంత సేపు టీడీపీ ఎంపీలు ఆందోళన కొనసాగింది. అయినా పట్టించుకోకుండా మోదీ తన ప్రసంగాన్ని కొనసాగించారు. మొత్తంగా ఏపీకి ఏమి ఇవ్వనున్నారో చెప్పకుండా.. మంత్రులు అడిగిన ప్రశ్నలకు సమాధానం దాటవేస్తూ... కేంద్రం పలాయనం చిత్తగించింది.

21:51 - July 19, 2018

గుంటూరు : కేంద్రంపై అవిశ్వాసానికి సమయం దగ్గర పడుతుండడంతో టీడీపీ వ్యూహాలు రచిస్తోంది. ఇందులో భాగంగా విభజన హామీల అమలుపై అధికారులతో చంద్రబాబు సమీక్ష నిర్వహించారు. అలాగే రేపు అవిశ్వాసంపై ఏయే అంశాలు ప్రస్తావించాలో ఎంపీలకు దిశా నిర్దేశం చేశారు. అవిశ్వాసం సందర్భంగా గల్లా జయదేవ్‌, రామ్మోహన్‌నాయుడులు మాట్లాడాలని నిర్ణయించారు. 

 

08:15 - July 7, 2018
09:23 - April 11, 2018

విజయవాడ / ఢిల్లీ : ప్రత్యేక హోదా కోరుతూ వైసీపీ చేస్తున్న పోరాటం కొనసాగుతోంది. పార్లమెంట్ నిరవధికంగా వాయిదా పడిన అనంతరం వైసీపీ పార్టీకి చెందిన ఎంపీలు రాజీనామాలు చేసి ఆమరణ నిరహార దీక్షకు కూర్చొన్న సంగతి తెలిసిందే. గత ఐదు రోజులుగా చేస్తున్న దీక్షలతో నేతల ఆరోగ్యం క్షీణిస్తోంది. ఇప్పటికే ముగ్గురు ఎంపీలు అస్వస్థతకు గురై ఆసుపత్రిలో చికిత్స పొందుతున్నారు. అవినాష్ రెడ్డి, మిథున్ రెడ్డిల ఆరోగ్యం క్షీణిస్తోందని, దీక్షలు కొనసాగిస్తే ఆరోగ్యానికి ప్రమాదమని వైద్యులు హెచ్చరించారు. ఎంపీల దీక్షలకు సంఘీభావం తెలుపుతూ నియోజకవర్గాల్లో నిరసనలు..ఆందోళలు చేయాలని వైసీపీ అధ్యక్షుడు జగన్ పిలుపునిచ్చారు. మంగళవారం రహదారుల నిర్భందం చేసిన వైసీపీ బుధవారం రైల్ రోకో నిర్వహిస్తోంది. విజయవాడలోని ప్రధాన రైల్వే స్టేషన్ కు చేరుకున్న వైసీపీ నేతలు రైల్ రోకో నిర్వహించడానికి యత్నిస్తున్నారు. వివిధ నియోజకవర్గాల్లో నేతలు రైల్ రోకోలు నిర్వహించడానికి సన్నద్ధమౌతున్నారు. ఈ నేపథ్యంలో పోలీసులు భారీ బందోబస్తు ఏర్పాటు చేశారు. 

21:13 - April 6, 2018

విజయవాడ : ఆంధ్రప్రదేశ్‌కు కేంద్ర ప్రభుత్వం అన్యాయం చేసిందంటూ.. తెలుగుదేశం పార్టీ శ్రేణులు రాష్ట్రవ్యాప్తంగా నిరసన ర్యాలీలు చేపట్టాయి. అన్ని జిల్లాల్లోనూ మండలస్థాయి వరకూ.. సైకిల్‌, బైక్‌ ర్యాలీలు నిర్వహించారు. చంద్రబాబు కూడా.. అసెంబ్లీ వరకూ సైకిల్‌ ర్యాలీ నిర్వహించి తన నిరసనను తెలియపరిచారు. మోదీ ప్రభుత్వం రాష్ట్రంపై కక్షసాధింపు ధోరణితో వ్యవహరిస్తోందంటూ.. ర్యాలీల్లో పాల్గొన్న నేతలు విమర్శించారు. ఆంధ్ర ప్రదేశ్‌ రాష్ట్రంపై... కేంద్రంలోని మోదీ ప్రభుత్వ తీరుకు నిరసనగా.. తెలుగుదేశం పార్టీ.. ఆందోళన కార్యక్రమాన్ని చేపట్టింది. ఇప్పటికే, నల్ల బ్యాడ్జీలు ధరించి నిరసన తెలుపుతోన్న తెలుగు దేశం శ్రేణులు.. శుక్రవారం రాష్ట్రవ్యాప్తంగా.. సైకిల్‌, బైక్‌ ర్యాలీలు నిర్వహించాయి. స్వయంగా ముఖ్యమంత్రి చంద్రబాబు నాయుడు కూడా సైకిల్‌ ర్యాలీ నిర్వహించారు. రాజధాని అమరావతి సమీపంలోని వెంకటపాలెం గ్రామంలో ఎన్టీఆర్‌ విగ్రహానికి నివాళులు అర్పించాక, సచివాలయం వరకూ సైకిల్‌ తొక్కుతూ వెళ్లారు. కేంద్రప్రభుత్వం రాష్ట్రానికి ప్రత్యే హోదా ఇచ్చి తీరాల్సిందేనని చంద్రబాబు నాయుడు సైకిల్‌ ర్యాలీ ప్రారంభోత్సవం సందర్భంగా అన్నారు.

తెలుగువారితో పెట్టుకున్న వారికి కాంగ్రెస్‌కు పట్టినగతే పడుతుందని హెచ్చరించారు. అనంతపురం జిల్లాలోని అన్ని నియోజకవర్గాల్లోనూ తెలుగుదేశం శ్రేణులు సైకిల్‌, బైక్‌ ర్యాలీలు నిర్వహించాయి. అనంతపురం నగర మేయర్‌ స్వరూప, పాతవూరులోని గాంధీ విగ్రహాన్ని అభిషేకించి, పళ్లెంతో డప్పు కొడుతూ ప్రత్యేక హోదా ఇవ్వాలని డిమాండ్‌ చేశారు. ఇదే జిల్లా కదిరి నియోజకవర్గంలో ప్రత్యేక హోదా హామీ అమలు కోరుతూ.. తెలుగుదేశం, వైసీపీ నాయకులు విడివిడిగా బైక్‌ ర్యాలీలు నిర్వహించాయి. కడప జిల్లాలో టీడీపీ శ్రేణులు బైక్‌ ర్యాలీ నిర్వహించాయి. పులివెందులలో శాసనమండలి డిప్యూటీ చైర్మన్‌ సతీశ్‌రెడ్డి నేతృత్వంలో టీడీపీ కార్యకర్తలు బైక్‌ ర్యాలీ నిర్వహించారు.

ఢిల్లీలోఅన్ని పక్షాల మద్దతు కూడగడుతున్న తమ అధినేతను, జగన్మోహన్‌రెడ్డి విమర్శించడంపై సతీశ్‌రెడ్డి ఆగ్రహం వ్యక్తం చేశారు. అటు ప్రొద్దుటూరులో టీడీపీ ఇంఛార్జి వరదరాజులు రెడ్డి నేతృత్వంలో పార్టీ శ్రేణులు బైక్‌ ర్యాలీలు పాల్గొన్నాయి. హోదా కోసం ఎంతగానో శ్రమిస్తున్న చంద్రబాబును కేంద్రం వేధిస్తోందని, దీనికి వ్యతిరేకంగా ఉద్యమాన్ని మరింత ఉధృతం చేస్తామని టీడీపీ నాయకులు హెచ్చరించారు. తూర్పుగోదావరి జిల్లాలోనూ టీడీపీ కార్యకర్తలు పెద్ద ఎత్తున బైక్‌ ర్యాలీ నిర్వహించారు. కాకినాడలోని ప్రధాన రహదారుల్లో టీడీపీ కార్యకర్తలు భారీ బైక్‌ ర్యాలీ నిర్వహించారు. పెద్దాపురంలో మున్సిపల్‌ చైర్మన్‌ ఆధ్వర్యంలో పెద్దాపురం నుంచి సామర్లకోట వరకూ బైక్‌ర్యాలీ నిర్వహించారు.

రాజమండ్రి నగరంలో తెలుగుదేశం నాయకులు బైక్‌ ర్యాలీ నిర్వహించారు. కేంద్ర ప్రభుత్వ వైఖరికి నిరసనగా నగరపాలక సంస్థకు చెందిన కార్పొరేటర్లు, ఇతర నాయకులు బైక్‌ ర్యాలీలో భారీ ఎత్తున పాల్గొన్నారు. పశ్చిమ గోదావరి జిల్లా నర్సాపురంలో టీడీపీ శ్రేణులు బౌక్‌ ర్యాలీ నిర్వహించి, స్థానిక అంబేడ్కర్‌ విగ్రహానికి నివాళులు అర్పించారు. కేంద్రం వైఖరికి నిరసనగా అంబేడ్కర్‌ సెంటర్‌లో అర్ధనగ్నంగా బైఠాయించారు. అనంతరం అదే సర్కిల్‌లో మానవహారంగా ఏర్పడ్డారు. శ్రీకాకుళం జిల్లాలో తెలుగుదేశం నాయకులు భారీ బైక్‌ ర్యాలీ తీశారు. పోలీస్‌ కంట్రోల్‌ రూమ్‌ సర్కిల్‌లో మానవహారంగా ఏర్పడ్డారు. అక్కడే, ఆర్టీసీ బస్సులను శుభ్రం చేయడం ద్వారా వినూత్నరీతిలో నిరసన తెలిపారు. కర్నూలు, ప్రకాశం, నెల్లూరు తదితర జిల్లాల్లోని దాదాపు అన్ని నియోజకవర్గాల్లోనూ తెలుగుదేశం నాయకులు భారీ బైక్‌ ర్యాలీ నిర్వహించారు. ఎక్కడికక్కడ.. బీజేపీ వైఖరిపై ఆగ్రహావేశాలు వ్యక్తం చేశారు. 

07:03 - April 4, 2018

విజయవాడ : వైసీపీ పన్నిన రాజకీయ ఉచ్చులోపడి టీడీపీ విలవిల్లాడుతోందని బీజేపీ ఏపీ అధ్యక్షుడు హరిబాబు వ్యాఖ్యానించారు. కేంద్రంలో టీడీపీ మంత్రులు రాజీనామా నుంచి ఎన్డీయే నుంచి వైదొలగడం, లోక్‌సభలో అవిశ్వాస తీర్మానం వరకు వైసీపీ అజెండా నిర్దేశించిందన్నారు. ఈ విషయంలో వైసీపీ విజయం సాధించిందని చెప్పారు. మరోవైపు చంద్రబాబు ఢిల్లీ పర్యటనతో టీడీపీ మరింత బలహీన పడిందని బీజేపీ జాతీయ అధికార ప్రతినిధి జీవీఎల్‌ నరసింహారావు చెప్పారు. రెండు దశాబ్దాల క్రితం చంద్రబాబు ఢిల్లీ వచ్చినప్పుడు జాతీయ పార్టీ నేతలు ఆయన్ను కలుసుకోడానికి క్యూ కట్టేవారన్నారు. ఇప్పుడు చిన్నా చితక నేతలును కలిసి చంద్రబాబు.. తన స్థాయిని దిగజార్జుకున్నారని చెప్పారు.

 

12:38 - April 1, 2018

విజయవాడ : ఏపీ సీఎం చంద్రబాబు నాయుడు ఢిల్లీ పర్యటనకు వెళ్లనున్నారు. ఈసారి కేంద్ర పెద్దలతో కాకుండా ఇతర విపక్ష నేతలతో ఆయన భేటీ కానున్నారు. కేంద్ర ప్రభుత్వంపై వత్తిడి పెంచేందుకు ఆయన పలువురు జాతీయ పార్టీల నేతలతో భేటీ కానున్నారు. తొలుతో 2, 3 తేదీల్లో ఢిల్లీకి వెళ్లాలని అనుకున్నా కొన్ని అనివార్య కారణాల వల్ల వాయిదా పడి 3,4 తేదీల్లో పర్యటన ఖరారైంది. విభజన హామీలు, కేంద్ర ప్రభుత్వం రాష్ట్రానికి ఇచ్చిన హామీల అమలు కోసం పోరాటం..తదితర విషయాలను జాతీయ పార్టీల నేతలకు బాబు వివరించి మద్దతు తెలియచేయాలని కోరనున్నారు. కానీ ఢిల్లీలో బాబు ఎవరెవరిని కలుస్తారనే దానిపై స్పష్టత రావాల్సి ఉంది.

Pages

Don't Miss

Subscribe to RSS - విభజన హామీలు