విమర్శలు

08:54 - April 20, 2018

హైదరాబాద్ : తల్లిపాలు తాగి రొమ్ముగుద్దిన చందంగా రామ్‌గోపాల్‌ వర్మ తీరు ఉందంటూ... నిర్మాత అల్లు అరవింద్‌ చేసిన విమర్శలపై వర్మ స్పందించాడు. నా రొమ్ము నేనే గుద్దుకున్నాను తప్ప ఇంకెవరి రొమ్మూ గుద్దలేదన్నారు వర్మ. పవన్‌ కల్యాణ్‌ విషయంలో  వేగంగా స్పందించిన అల్లు అరవింద్‌ శ్రీరెడ్డి విషయంలో  చిన్న కామెంట్‌ కూడా ఎందుకు చేయలేదని వర్మ ప్రశ్నించారు. అభిరామ్‌ వ్యవహారంలో  దగ్గుబాటి సురేష్‌తో డబ్బు ఇప్పించేందుకు ప్రయత్నిస్తానని అన్నట్లు వర్మ పేర్కొన్నారు.. తాను ఇప్పిస్తానన్న ఐదు కోట్లరూపాయలతో పవన్‌కు ఎలాంటి సంబంధం లేదన్నారు. తాను చేసింది నూరు శాతం తప్పేనంటూ... పవన్‌కు, ఆయన ఫ్యాన్స్‌కు, కుటుంబ సభ్యులకు వర్మ సారీ చెప్పారు . ఆకాశమంత ఎత్తున్న సూపర్‌స్టార్‌, లీడర్‌ పవన్‌.. ఆయన స్థాయి తగ్గించేందుకు   నేనెవరు? ఎంతటి వాడిని? అన్నారు వర్మ. అల్లు అరవింద్‌ విమర్శలకు వర్మ ఫేస్‌బుక్‌ ద్వారా సమాధానం ఇచ్చాడు. 

 

12:19 - April 19, 2018

హైదరాబాద్ : ప్రత్యేకహోదా కోసం పోరాటాలు చేస్తుంటే టీడీపీ నేతలు, ప్రజాప్రతినిధుల విమర్శిస్తున్నారని సినీ దర్శకనిర్మాత తమ్మారెడ్డి భరద్వాజ అన్నారు. 'హోదా కోసం ఆందోళనలు చేస్తుంటే నీవు ఎవడు ఆందోళన చేయడానికి అని తెలుగుదేశం ప్రతినిధి అంటున్నారని అన్నారు. మరో టీడీపీ ప్రతినిధి బట్టలు ఊడదీసి కొడతా అంటున్నాడని...హోదా కోసం దీక్ష చేపట్టే ముఖ్యమంత్రి చంద్రబాబును కూడా బట్టలు ఊడదీసి కొడతారా అని తమ్మారెడ్డి అన్నారు. తెలుగు వాళ్లంతా పిచ్చివాళ్లు అనుకుంటున్నారా అని మండిపడ్డారు. దరిద్రులను పార్టీలో పెట్టుకుంటే నష్టం వస్తుందని..చంద్రబాబుకు సూచించారు. 

 

15:18 - April 17, 2018

ఢిల్లీ : ప్రత్యేక పాకేజీ బాగుంటుందని చెప్పిన చంద్రబాబు.. నేడు యూటర్న్‌ తీసుకుని మా కంటే బాగా కేంద్రంతో ఎవరు పోరాడటం లేదని చెప్పుకోవడం సిగ్గుచేటని వైసీపీ ఎంపీలు అన్నారు. రాష్ర్టపతిని కలిసి వచ్చిన అనంతరం మీడియాతో మాట్లాడారు. ప్రత్యేక హోదా ఇవ్వకుండా, విభజన హామీలను అమలు చేయకుండా కేంద్ర ప్రభుత్వం అవలంభిస్తున్న తీరును రాష్ట్రపతికి వివరించామని చెప్పారు. విభజన చట్టంలోని హామీలు అమలయ్యేలా ఆదేశాలు ఇవ్వాలని విన్నవించుకున్నారు.

17:16 - April 10, 2018

హైదరాబాద్ : ఏపీ ముఖ్యమంత్రి చంద్రబాబుపై వైసీపీ నేత పార్ధసారధి మండిపడ్డారు. చంద్రబాబు హ్యాపీ అమరావతి అంటున్నారని... కానీ అమరావతిలో ఒక్కరు కూడా సంతోషంగా లేరన్నారు. రాజధాని నిర్మాణం కోసం పెద్ద మనసుతో భూములిచ్చిన రైతులను చంద్రబాబు మోసం చేశారని విమర్శించారు. అమరావతిని చంద్రబాబు, ఆయన అనుయాయులు కలిసి రియల్‌ఎస్టేట్‌ మయంగా మార్చారన్నారు. రైతులిచ్చిన భూములను కార్పొరేట్‌ సంస్థలు, ప్రైవేట్‌ వ్యక్తులకు ధారాదత్తం చేస్తున్నారని ఆరోపించారు. రాజధాని నిర్మాణం కోసం భూములిచ్చిన రైతులకు మాత్రం ఇప్పటికీ కమర్షియల్‌ ప్లాట్లు కేటాయించలేదని ధ్వజమెత్తారు.

 

18:00 - April 9, 2018

విజయవాడ : ముఖ్యమంత్రి చంద్రబాబుపై ప్రతిపక్ష నేత జగన్‌ స్థాయి మరిచి విమర్శలు చేస్తున్నారని హెచ్‌ఆర్డీ మంత్రి గంటా శ్రీనివాసరావు మండిపడ్డారు. ప్రజలను మభ్యపెట్టేందుకు జగన్‌..టీడీపీ ప్రభుత్వం అసత్య ఆరోపణలు చేస్తున్నారని విమర్శించారు. చంద్రబాబు రాజకీయ అనుభవం ముందు జగన్‌.. సరిపోరన్నారు. 

13:06 - April 9, 2018

ఢిల్లీ : సీఎం చంద్రబాబును రాజీనామా చేయాలన్న విపక్షనేతల డిమాండ్‌ను ఎంపీ జేసీ దివాకర్‌రెడ్డి  ఎద్దేవా చేశారు. ఏపీ ప్రజలను మోసం చేసిన ప్రధాని మోదీ ముందుగా రాజీనామా చేస్తే.. సీఎం చంద్రబాబు రెండు నిముషాల్లో పదవి నుంచి తప్పుకుంటారని జేసీ సవాల్ విసిరారు. కేంద్ర ప్రభుత్వ తీరును ఎంపీ అశోక్‌జగజపతి రాజు తీవ్రంగా దుయ్యబట్టారు. జాతీయ పార్టీలు బాధ్యతలేకుండా వ్యవహరించడం వల్లే రాష్ట్ర విభజన అస్తవ్యస్థంగా సాగిందన్నారు. 

11:46 - April 7, 2018

గుంటూరు : వైసీపీ అధినేత జగన్ పై మంత్రి నారా లోకేష్ విమర్శనాస్త్రాలు సంధించారు. ట్విట్టర్ వేదికగా జగన్ పై లోకేష్ మండిపడ్డారు. కేసుల మాఫీ కోసం జగన్ మోడీ కాళ్లపై పడ్డారని వ్యాఖ్యాలు చేశారు. ప్రజల్ని మోసం చేసేందుకు జగన్ విశ్వప్రయత్నాలు చేస్తున్నారని అన్నారు.

07:09 - April 4, 2018

కొత్తగూడెం / కరీంనగర్ : తెలంగాణ విషయంలో కాంగ్రెస్‌ది మోసాల చరిత్రని మంత్రి కేటీఆర్ మండిపడ్డారు. తెలంగాణ ప్రజలను పిట్టల్లా కాల్చి చంపిన చరిత్ర కాంగ్రెస్‌దే నన్నారు. భద్రాద్రి కొత్తగూడెం మణుగూరులో ప్రగతిసభలో పాల్గొన్న కేటీఆర్‌ కాంగ్రెస్ పార్టీపై నిప్పులు చెరిగారు. ముల్కీ రూల్స్ విషయంలో ఇందిరాగాంధీ తెలంగాణకు అన్యాయం చేశారన్నారు. కేసీఆర్ నాయకత్వంలో ప్రజలంతా తిరగబడితే తప్పనిసరి పరిస్థితుల్లోనే కాంగ్రెస్ తెలంగాణ ఇచ్చిందని చెప్పారు. తెలంగాణకు కాంగ్రెస్ ఒరగబెట్టిందేమి లేదన్న కేటీఆర్‌... దేశంలో 24 గంటలు కరెంట్ ఇస్తున్న ఏకైక రాష్ట్రం తెలంగాణేనని అన్నారు. పూర్వ ఖమ్మం జిల్లాలో 10 లక్షల ఎకరాలకు సాగునీరు అందించి తీరుతామని కేటీఆర్ వెల్లడించారు.

టీఆర్‌ఎస్‌ ప్రభుత్వంపై పీసీసీ అధ్యక్షుడు ఉత్తమ్‌కుమార్‌రెడ్డి ఫైర్‌ అయ్యారు. గత నాలుగేళ్ల కేసీఆర్‌ పాలనలో తెలంగాణకు అన్యాయమే జరిగిందన్నారు. ప్రజాచైతన్య యాత్రలో భాగంగా కరీంనగర్‌జిల్లా మంథనిలో జరిగిన భారీ బహిరంసభలో ఉత్తమ్‌ మాట్లాడారు.  

15:55 - April 1, 2018

గుంటూరు : ప్రధాని మొండితనం వీడి ఏపీకి న్యాయం చేయాలంటూ.. ప్రత్యేక హోదా పోస్టుకార్డు ఉద్యమాన్ని మంత్రి ప్రత్తిపాటి పుల్లారావు ప్రారంభించారు. ఈ మేరకు గుంటూరు జిల్లా చిలకలూరి పేటలోని ఉద్యాన విశ్వవిద్యాలయం పాలక మండలి సభ్యులు పోవూరు శివరామకృష్ణ ఆధ్వర్యంలో... ప్రత్యేక హోదా పోస్టుకార్డు ఉద్యమాన్ని మంత్రి ప్రారంభించారు. రాజధాని భూములు ఎడారి భూములు అన్న జగన్‌ సిగ్గుపడాలన్నారు. రాజధాని నిర్మాణం ఇష్టంలేకనే జగన్‌ విమర్శలు చేస్తున్నారని ఆరోపించారు.

 

17:51 - March 31, 2018

కడప : జిల్లాలో పెండింగ్‌లో ఉన్న సాగునీటి ప్రాజెక్టులపై ముఖ్యమంత్రి చంద్రబాబుతో చర్చించామని, గండికోట పరిహారం త్వరగా ఇచ్చేలా సీఎం చూస్తామన్నారని రాష్ట్ర వ్యవసాయ శాఖ సోమిరెడ్డి, రాష్ట్ర మార్కెటింగ్ శాఖ మంత్రి ఆదినారాయణ రెడ్డి తెలిపారు. రెండు రోజుల పాటు జిల్లాలో పర్యటించిన చంద్రబాబు.. అధికారులు, మంత్రులతో సమీక్ష జరిపారు. జిల్లాలో పెండింగ్ పనులు త్వరితగతిన పూర్తి చేయాలని ముఖ్యమంత్రి ఆదేశించారని మంత్రులు తెలిపారు. జిల్లాలో ఎట్టి పరిస్థితుల్లోనూ స్టీల్ ప్లాంట్ ఏర్పాటు చేస్తామని సీఎం హామీ ఇచ్చినట్లు ప్రకటించారు. సంస్కారం లేకుండా వైసీపీ నాయకులు చేస్తున్న వ్యాఖ్యలను చూసి.. ప్రజలు అసహించుకుంటున్నారని మంత్రులు మండిపడ్డారు.

 

Pages

Don't Miss

Subscribe to RSS - విమర్శలు